2003 年 03 月 31 日 星期一 【晴】



今日好開心呀 ! 因我好耐都冇同咁多人傾計啦 !
今日個個都話放假放到好悶喎 ! 食飽就訓, 訓飽就食 ! 好頹廢喎 ~
但我樂在其中, 但都覺得放到有點頹廢, 頹廢中帶點充實, 充實中帶點頹廢 !
但我不嬲都頹廢架啦 !
但我係時而積極, 時而頹廢果隻 !
食得訓得唔好咩 ??????????
或者我慣左留係屋企, 所以咪覺得冇乜野 lor　
你地成日出街, 可能真係一時感寂寞難奈啦 !

我今日add 左零加乘, 我睇佢 info !
頓時覺得好似同個文人 icq 咁 !
好有文采 , 搞到我無地置庸咁 !
同好似聞到文人果浸除咁 ! 好大浸書卷味 !
同我去左佢板板留言時, 發覺佢原來好鍾意寫文章 !
我特別鍾意佢果篇關於朋友的文章 !
我本來想 copy 落黎, 但又驚人地唔鍾意 ! 所以冇 copy !
我都係寫番自己的風格的日記罷了 !


>>2003年03月31日Mon 21:44:39 (GMT+8)

2003 年 03 月 31 日 星期一 【晴】


小魔星一直以黎都無統計過自己究竟有幾多日開心, 幾多日唔開心 !
但自從我寫左日記後, 我都無計過 !
但你地覺唔覺得我好似多左心事同你地傾呀 ????????
我唔知係好事定唔好事呢???????
你地覺唔覺我好煩呀 ????????
係麻煩到你地果隻"煩"喎 !
我其實一直都怕煩到我 d 朋友架 ! 我都有諗過唔再寫落去 !
但咁樣我先搵到一個渠道同你地傾心事架咋 ! 我唔想兜口兜面同你地講呀 !
你地明嗎 ??????
我唔知呀 !
但我都覺得多心事的人好麻煩架 ! 所以煩到你地呀 !
我其實我有一個怪癖, 但我驚我講左出黎,我驚會嚇親大家 !
依個怪癖, 係當我感到悶或寂寞的時候先會做0既 !
因其實我0既人都幾悶架 !
但我讀 IVE, 我聽阿 Sir 同 miss講先知道原來係因太大壓力或生活太過枯燥所致 !
我聽一個 Miss講, 如有這怪癖的人,可以將日常所發生的事或當日所發生的寫底落黎 !
或找朋友傾訴 ! 可以抒發我的壓力或抑壓0既情緒 !
所以我選擇寫日記, 因我怕比人見到我唔開心, 我喊 ! 我好介意人地睇穿我內心的不快情緒 !
所以我會隱藏, 我唔想比人覺得我係弱者 !
所以我成日比人感覺我好硬朗, 好堅強的形像 !
依 d 都只不過都是我自己塑造出黎0既形像 !
其實都幾辛苦架 !!! 其實我好懦弱架 !
一來我唔想煩到我的朋友, 二來我又唔想影響人地情緒 !
人地明明果日好開心, 可能都會比我搞到唔開心 !
我唔想咁樣, 所以我以前好少同人講心事架 ! 會選擇唔講 !
但前晚睇完 <異度空間>後, 我知道一個人如果唔將佢心底的事釋放出來,
整下整下會愈來愈多鬱結, 就好似將一條繩打左結一樣 !
愈整愈大個結 !
但有時你講左出黎, 你身邊未必識開解自己 !
所以要識得釋放自己 !
我以前有唔開心, 我會當唔開心的事係垃圾, 會丟左佢 !
但前晚睇完果套戲之後, 佢話一有咩唔開心的事,會盡快忘記佢 !
令到自己忘記了 !
但其實依 D 記憶無走到, 依然在這個人的內心深處 ! 只不過因為佢刻意去忘記依 D 事 !所以暫時忘記左 ! 佢唔識釋放依 D 感受出黎, 咁係無用 !
等於一個人痛, 痛到某一個程度, 佢好自然會暈一樣, 但依然遺留個傷痕 !

我多謝所有睇過日記的人 ! 其實大大話話, 我都比左好多人睇我0既日記 !
多謝阿 Doy, Micheal, 大 mic, Cathy !


>>2003年03月31日Mon 10:09:05 (GMT+8)

2003 年 03 月 30 日 星期日 【晴】


今日要多謝阿 Doy 呀 !
阿 Doy 唔開心時, 我都唔識開解佢 ! 但佢成日都好好人, 開解我 ! 我好感激佢呀 !
因佢又開解左我, 同教我應該同 Jones 傾乜 !
同去我板板留言呀 ! 呀 ! 仲有天神呀 ! 多謝晒你地呀 !


>>2003年03月30日Sun 20:53:34 (GMT+8)

2003 年 03 月 30 日 星期日 【晴】



佢 icq info:
"一天晚上，一位軍人的女兒向父親說
爸爸，夠竟什麼是戰爭
這一位父親回答，戰爭就是有些人想拿取別人的性命或為了保護自己的利益
接著，這一位女兒問
你會否給他們取去你的性命
這一位父親回答
不會，我不但不會令他們拿去我的性命，而且我會阻止他們拿取別人的性命
這一位女孩聽了爸爸的回答後，安心地睡了
這時這一位軍人正要前往戰場"


世界就是存在這些矛盾的事情, 現在美伊戰爭 !
只恐怕剷除了侯賽因後, 又出現另一個類似拉登的極端組織的總統 !
到時真的出現了, 真的不敢想像會是怎樣了 !!!


>>2003年03月30日Sun 18:14:42 (GMT+8)

2003 年 03 月 30 日 星期日 【晴】



小魔星昨日問無聊人同 Jones 佢有乜野傾 ????????
如果你地仲記得無聊人的答案的話, 請幫我分析以下的事呀 !
無聊人話佢同 Jones 好多野講, 但佢唔肯講比我聽 Jones多數同佢傾乜野 !
咁又係0既依 d係佢地之間0既事 ! 佢話唔講比我聽係啱 !
無聊人叫我問 Jones !

之後, 我真係去問 Jones 無聊人多數同佢傾乜野 ?????????????
Jones 話無野傾 !
我話唔係喎 ! 無聊人話同你好好傾架 !
Jones 話:係咩 ?! 唔覺 !
我話無聊人叫我問佢鍾意傾乜????????
Jones 話我唔知 bor ! 唔好問我 !
我問點解 ????????
佢答我: 佢唔識答我 !
咁我話: 佢叫我問你, 你又叫我唔好問你 ! 咁我可以點呀 ?????????
佢話叫我唔好理 !

究竟點解佢咁樣講0既呢 ???????????????
幫一幫諗諗點解呀 !
係咪佢嫌我煩呢 ! 所以咁樣答我呢 ?????????
我摸不著頭腦 !!!



>>2003年03月30日Sun 10:48:48 (GMT+8)

2003 年 03 月 29 日 星期六 【晴】



我依排 add 咗好多人呀 !
男子組方面 : 無聊人, 阿福, 天神, 阿Star, 阿 Ken, 小麒麒, 阿 Yan, Lam Lam, Peae, 魔界卒仔 !
女子組方面 : Nicole
依個無聊人, 我叫佢去我板板, 佢冇去 ! 我話佢偏心,唔去我板板 ! 之後佢話即該去, 仲話我用把刀指住佢 ! 我話我邊有刀呀 ??????佢話我廚房果把喎 ! 我話唔好講到我好似在青山出黎 ! 我無精神病 ! 佢話我有咗, 唔知啫 ! 我話我有, 佢一早無命啦 ! 仲唔斬佢丫 ! 佢話佢好人, 唔會有人斬佢 ! 我話你好似調轉咗黎講喎 ! 係我地好人, 先唔斬佢 ! 佢話咁我咪要多謝你 ! 我話使乜講 !

我小魔星係維持正義0既化身 ! 我放佢一條生路 !

結果...........佢咪一樣冇去 !!! 唔通真係驚我斬佢 ???????????


>>2003年03月29日Sat 14:38:35 (GMT+8)

2003 年 03 月 29 日 星期六 【晴】



佢 icq info 又轉咗啦 !
"曾經有一個人問我
夠竟真正心痛的感覺會係點
我答佢
如果你不是一個接受現實的人
我諗係你最好唔會有依一種感覺"


佢係咪又唔開心呢 ???


>>2003年03月29日Sat 14:36:38 (GMT+8)

2003 年 03 月 29 日 星期六 【晴】



昨晚, 我問無聊人, 佢同Jones 平時有乜講 ????????
無聊人話佢同 Jones 好 friend, 所以乜都講 ! 好好傾 !
我問點解佢 icq 咁少野同我講 ??????
佢話我可能問 d 問題悶 !

咁又係0既 ! 我可能真係我悶親佢 !
其實, 今日開始放一個禮拜假, 我無乜特別興奮0既感覺 !
如果比著以前的我, 我會興奮到不得了 !
但依次我冇 ! 因我掛住佢 !

其實依個日記板, 我其實最想比一個人睇 ! 果個人就係佢 !
但我又驚我又嚇親佢 !
究竟果次我向佢表白0既勇氣係從何而黎0既呢 ?????????
如今我0既勇氣又去咗邊呢 ?????????



>>2003年03月29日Sat 12:04:17 (GMT+8)

2003 年 03 月 28 日 星期五 【晴】

佢 icq info:
"失去了理性的我
就好像一步一步地進入迷宮當中
慢慢地失去自我

夠竟誰是我的地圖
帶領我走出累暗的迷宮"

如果可以的話, 我小魔星願意帶你走出黑暗的迷宮 !



知道阿 Doy 好番好多啦 ! 真係好啦 !


>>2003年03月28日Fri 23:17:23 (GMT+8)

2003 年 03 月 28 日 星期五 【晴】


佢頭先 send 咗過 url 比我 !
叫我小心 d ! 帶口罩 !


>>2003年03月28日Fri 21:07:36 (GMT+8)