不知從那時開始

2004-2-29 星期日 深夜12:19a.m
有感而發：
気持ちは持続的に下がる、どのみち私の日記を見ることに人がいない，どんな言語でまたどんな関係があるか?!彼女は正しいと言っている，私は用事(事件)があってまさに私のようで思ったと思っている、しかし事実はそのようではない。悲しむのは伝染することができるのですか？この2月かもしれない、はい"悲しむ月"ならば。

2004-2-28 星期六 晴
私の多くの事があなた達に対して言うと言わないため、私に分かることに人がいないか？言ってきてまたどのようか？あなた達は分かることはでき(ありえ)ないのだ。中で3のあの事後で、自信がなくなった。彼の関係がまだあって，自分の感情を放す勇気がない。
今日寝るのがとてもよい、このようにずっと寝続けると思っている。

2004-2-27 星期五
今日自分で学校へ行って、とても心地よい。私は学校に帰る、どのように直面するかを知らない，私はとても自信を持っていない。私は二度と何を言うかを知らなかった，気持ちはすごく悪い；今日また泣いた，家庭の関係のためだ。友達、家庭、学業......すべての事はぞくぞくつめかけて来る、私とてもご苦労さま。
喜歡用日文打日記，因你們可能看不明白，這是我的目的。(雖然文法可能會有錯,但誰會介意?!)

2004-2-26 星期四
幾日冇打日記lu，不過反正都冇人睇架喇；唔打返喇，就算我打左咁又點?!
気持ちのとても悪い一日。
朝、エレベーターに乗る時、私と彼は同一部liftに乗って、とても楽しい。
しかし昼ごろの時に気持ちはとても悪くて、また泣いてきた。彼女の関係のためだか？!
私の人間関係はとても悪い。

2004-2-21 星期六
哈哈，今朝7點聽到錶響反射性咁彈左起身；呆左陣先會意到今日係星期六，跟住梗係再訓過架喇。一直訓到12點到唔想再訓就起身，就開始做TEX個project。寫下字咁、又搵下資料、又玩左陣，咁又成日。夜晚冇咩野做，睇完QE五人組就去沖涼；沖完涼攪下呢樣攪下個樣又兩點，本來想睇埋HUNTER先訓，但冇人陪我睇，又少少眼訓就閃去訓喇。

2004-2-20 星期五
今日係火車站見到阿柴，最遲唔係我地兩個，而係傻明!!yeah!!yeah!!yeah!!
又返荔景，不過今日開始上cutting，冇得車野lu。返到荔景去華潤買下糖食，見到嘉欣同阿ling，咁就買完野返去喇。中途係地鐵站出口見到嘉寶，我就陪佢等慧儀喇。之後就一齊搭lift上6樓，如果要我地行既話實累死。第一次上6樓，原來6樓好得意；入到班房返左淨係得蕭鈴同"蘇"，咁我地就一齊坐，D人勁遲到。班長又遲到，我地仲等佢張人名單點名，點知佢成個上就都冇返，咁就用紙寫低自己個名先喇。遲左成個鍾先上堂，佢講D野勁悶，仲差D訓著左，個個聽到吽哂。跟住佢放5分鍾break俾我地，個個即刻精神哂；break完之後繼續呆過，10半就放個"小息"俾我地。講多陣無聊野就學拉布，咁痴埋張紙就放lunch俾我地，仲叫我地"食飯之前要洗手"，突然覺得好似去返幼稚園咁...由於我帶左飯既關係，我同嘉寶、慧儀、雅誼佢地一齊搭canteen到食喇；食完傾下計，咁上下就返上去上堂喇。開始拉布個陣我地幾好彩，拉到斷布；咁就sir就做示範就駁布，我地拉得好慢、好慢。一小時十分鍾後......接好塊布，叫阿sir俾分，我地得28分咋，勁唔開心，之後就休息一陣。休息到4點8再拉過第二次，今日我地主要以快黎換取分數，個然...半個鍾頭即刻拉完。又叫阿sir黎評分，我地有成79分，我地勁開心!!之後又休息喇。等哂咁多人拉好布就叫我地畫好D紙樣，HAR多陣就走得喇。之後落1樓搵阿柴，點知佢唔係到，出到樓梯就見到佢，咁諗住行葵芳嘛；咁0岩小云係葵芳返工，就一齊喇。原來葵芳有三聯架，又入左去買書；買埋本"離家出走"(←阿柴改,原名"麵包樹出走了")，我諗都唔會再點買書架喇，除左書展。買完書就周圍行下，小云要返工就走先；咁我地就行下好靚個果商場，之後又去隔離個商場到夾糖食，夾完都差唔多7點，就歸家去了。返到屋企睇"烽"片，一路食麵一路睇；睇多陣電視就去沖涼，冇乜野做就睇大家姐打機。睇到悶悶地就返房聽歌，仲聽聽下訓著左......

2004-2-19 星期四 天晴
唉，今日我又變返最遲個一果喇...
返到cita直剷上10樓諗住搵pat兄，點知佢未返，就入左語言室睇報紙等上當喇。今日都算係咁，冇學新野；break完之後miss睇我地練成點，其車我地都冇練過，淨係排左位姐。跟住唱一次俾佢聽，其實我覺得都唱得ok既，不過朗誦個到真係有少少悶。咁呀攪左成堂，又冇測到驗喇。跟住就去返電腦室拎返副眼鏡，俾p.m sir發現左我添。(@_@")之後上英文堂測驗，份卷好淺，淺到我唔識。(冇溫書既後果)測完之後就繼續教書，跟住放break傾野，其實都放得架喇。之後我地仲留係到，本來諗住食飯；但係記得嘉寶帶左相，就拎黎睇喇。其間佢地係到傾計，我地聽埋一份。(八到好多野呀)講完就去左下村食粥喇，食完返學校搵資料。搵到3點就閃人，好似咩都冇做過咁。唉!!香港人真係冇禮貌，完全唔似受過高等教育既人。(失望)返到屋企終於有電腦玩喇!!(大心)即刻上補打返D日記。

2004-2-18 星期三
訓得好好，持續最遲個果唔係我!!(笑)
今日上TEX同電腦堂，冇咩特別。Lunch過左去荔景上堂，咁我帶左飯；就同多多、雅誼、嘉寶、sueyee一齊到荔景canteen到吃飯，點知......俾我見到佢喎!!(-_-")仲同佢有eye contact呀!!不過佢個身打扮...(不予置評)食到咁上下佢地返黎，就過台繼續食。之後我地個個食哂，阿珠先0岩0岩丁好碗粥，就等埋佢先落去點名。點完名又落去織布，我出師不利；D針整錯左，D字碼又冇較返好。(尋日明明較好左架?!難道我冇?!)咁整返好就繼續織喇，織左一陣終於織到我生平第一塊羅紋單邊布?!(太感動了)織完俾阿珠織，我就拎塊布去miss到哂命。(嘩哈哈哈)得閒又去阿柴到串咀，點知話口未完又...我織第二塊個陣又斷針。(悲)不過之後織順左好多，我仲襯阿珠去廁所個陣織多左塊。今日我幾叻叻呀!!尋日一塊都織唔到，今日我已經可以織到7塊喇!!不過仲爭三塊，所以係得55分既。攪掂哂所有野又同阿sir嗲兩句先走，返到屋企又冇電腦用。(大悲)夜晚睇電視個陣想拎副眼鏡出黎喇，點知...我竟然賴低左係電腦室?!(晴天霹靂)唉!!唯有聽日先拎返，用住舊個副先。夜晚本來想溫書，但係懶一濟就訓鬼左。

2004-2-17 星期二 晴
尋晚溫溫下書又訓左。(-_-")
今日都係咁上下起身，我近排都早左少少到(不過都係遲架喇)，但係最遲到個果已經唔係我喇。搭火車個陣就溫埋merchan佢，返到cita就做p.m功課。本來我都想走堂，但係當我做完份功課既時候佢已經點左我個名喇，想走都走唔到!!無奈繼續上堂，但係都係用黎溫merchan用。但係溫左好似冇溫咁，呢科仲係主科添，你話點死??p.m堂冇乜點上過就落堂喇，miss勁耐都唔黎仲以為佢冇返；原來係我地班個鍾快左姐，始終都係要測驗。唉!!呢次測驗已經炒左喇，我成題唔識做，個題做成100巴先喎。之後個兩題200巴先，我都冇埋由啱哂架?!所以呢科要註定唔合格......lunch等齊人就一齊過荔景，又去粥舖到食麵。食完就返學上knit堂，點知今日個份功課勁難!!織極都織唔到，我仲織到斷針添。(悲)之後十年都織唔到一塊，仲要我地每人交十塊，你我地點死俾佢呀?!襯阿珠織緊個陣我蛇左上去樓拎返sewing份notes，落返黎繼續織。織呀織呀又織到5點到掛，一齊閃人!!搭火車個陣見好耐都冇send過msg俾佢，就係咁(?!)send喇。返到屋企冇腦玩，冇野做。測完merchan好鬼得閒，咪打去阿柴到傾電話囉。傾到11點半到就收線閃去訓覺lu。

2004-2-16 星期一
唉~尋晚咩書都冇溫，聽日都唔知點死!!
雖尋日咁"早"訓，但係今日我都好遲到!!搭火車個陣就溫左陣merchan，搭地鐵個陣都懶得溫囉。返到去阿柴溫書，我就畫埋個pattern佢。之後英文堂做過D乜都唔係好記得，好似叫我地畫notes。(?!)落左堂就去樓下
上pattern，miss派返上似份測驗俾我地；眼見小云有成85分咁高分，勁驚自己低分。點知一收到份卷，即刻"嘩"左聲出黎!!我...我...我竟然有98分呀!!我淨係畫錯左裙腳個止口咋!!派完份卷就繼續畫網球褲，真係...畫到我想死呀!!完全跟唔上佢D速度!!Lunch返左班房食飯，食完繼續畫pattern；畫完就拎份merchan notes係到發夢，又畫下台咁。夠鍾就落樓下上堂，今次畫牛仔褲。(應該會好多野畫)今次個前幅都跟得上既，3點佢就放我地(難得)。之後返班房傾普通話比賽D野，傾到4點就閃人。搭火車個陣又溫下merchan，但係...溫左=冇溫咁。返到上水就去惠康買D野，跟住返屋企玩陣電腦先，今晚先同佢膊殺過!!

2004-2-15 星期日
嘩哈哈哈!!訓得好...好...好爽呀!!
尋晚一直睇鐵達尼，點知睇完大家姐、二家姐、阿哥輪住去沖涼；攪到點幾我都冇得沖，不過算喇，反正冇出街。
今朝11點零起左身，睇下報紙、再食"早餐；之後就去沖涼同洗埋個頭佢。吹埋頭冇咩好做就拾下間房，到咁上下時間(都點半囉)就換衫出街，點知正想出門之陣...電話響!!原來free盈打返黎，咁咪同佢傾左陣先囉。傾完就出門口喇，點知去到十字路口先記得佢整過黎(好耐冇行個邊喇)。嘩!!痴孖根架!!單向行駛都有成5條線(仲要唔計另一邊喎)!!過到一半已經係到響!!過一條馬路都要成個字(絕對冇誇張)!!成條馬路有成7、8條線呀!!你都咪話唔痴線!!去到阿珠到仲恐怖!!佢部lift停到34樓停住唔開，等左陣先開，嚇親!!去到阿珠屋企係到玩ICQ(同阿星)，點知小云打黎話仲未出門口?!(過唔過份D呀)之後又攪下呢樣攪下個樣，都唔知自己做過D乜。3點幾4點小云先黎到，不過黎到我地都冇野攪；小云係到睇雜誌，我係到發夢?!"做"到5點幾就走，咁我係粉嶺行左陣先走。去左百街買蛋撻食(個陣都記唔起係用蛋做架喎)，買完就走喇。行左心誠個邊，原來係行多好多路架!!而且又恐怖!!以後都唔行!!之後諗住睇埋電視先溫書，點知睇埋、甲埋涼都11點。返房溫溫下仲竟然訓著左，12點半醒左一醒又訓返。(-_-")

2004-2-14 星期六 情人節
冇情人既我留係屋企同TEX、merchan渡過。(悲)

2004-2-13 星期五 情人節前夕
今日同阿柴搭埋同一班車，所以我都唔算遲架!!點知佢地一直坐係到，直到阿柴問佢地等邊個先知佢地等阿珠，但我明明一落車已經同佢地講唔駛等，佢地傻架?!見到周家欣，佢俾左今日第一份收到既朱古力。之後又同阿柴講我地會收到幾多份，又用書面語講野喎，低B架。之後我一個人返荔景，去到去華潤買左支野飲、再去山崎買麵包食。返到去都冇乜人返，諗住開始食早餐，嘉寶就俾左今日第二份朱古力我喇。^_^咁我一路都好悠閒，慢慢嘆。見咁上下就車補返兩件衫俾佢(點知有件唔收貨,不過遲d先同佢攪)，做完冇野做就過小云個邊吹水；咁上下咪過去褶返考試個件衫囉，之後又冇野做過小云個邊到har。lunch同小云、蕭鈴、阿ling一齊去左粥舖食麵，我當然又食雲吞麵喇！食完行左陣去華潤買糖食，買完就返去上堂喇；起初係小云個邊發左陣呆，最後的起心肝去攪返好件返俾miss。整完冇野做就學B.M車袋，叫miss俾布教我。(原來我係唔識車一個"束袋")之後第一次失敗左，第二次車大細有D問題，第三次車先成功!!之後miss又俾埋繩我地，好多人都話我車得靚，哈哈哈(自戀中)。點知B.M一瓣開裏面睇，即刻講左句：金玉其外、敗絮其中。哈哈(遮醜中)，我都覺得。之後又車銀包，又拎miss個D拉鏈黎用；點知車整都車唔到條拉鏈，咪問miss換靴囉，之後得左!!之後車完俾miss睇，佢幫我車左個底(可以企到架)。點知又俾B.M話，哼!!我又點似得佢整埋"里布"喎，係咁上下架喇。之後繼續車個中袋同大袋，用左我鍾意既藍色。今次有經驗，車快左!!車到咁上下阿柴走左上黎，我就送左個細袋(紫色)同埋銀包(紫色)俾佢喇；跟住佢又拎黎玩喎，點知係失敗左既!!玩完就閃，因為約左阿妍佢地係九龍塘。出左校門冇幾耐，見到阿柴個FD(?!)，收到第三份(珍寶珠)；去到九龍塘阿妍俾左第四份(其實係kaman既)，之後就一齊搭火車走喇。返到上水時間尚早就同阿柴行左陣(?!)又去商務掃書，今次掃左5本(破財月)；跟住同佢分手去左惠康買餅、麵包同麵，返到屋企8點(行左咁耐?!)。之後一直睇電視、沖涼，11點半就訓lu。

2004-2-12 星期四 晴
嘻嘻，我又冇遲到喎!!
今日上普通話堂，不過今日冇咩心情上，連測驗都冇測。之後落堂上英文堂，今日堂D野大至上都明；但我一路做一路畫台，真係唔要得呢。終於放Lunch，今日我又帶左飯；本來諗住傾TEX既野，點知阿珠出去買杯雪糕都買成年，到最後都係冇傾到，約左星期日先傾。Lunch後上design，好耐冇上過呢堂；今日又用marker，油得好突核。睇完miss教再自己畫都落堂lu，落堂之後睇佢地向miss賜教左陣，我地就走喇。返到屋企冇電腦用，真係慘。(-_-")9點半打俾阿柴傾電話，傾到10點半就收線。本來諗住沖埋涼就訓，點知先記得今晚播阿矇，咁就沖完涼睇埋電視就訓喇。

2004-2-11 星期三
今日我都冇遲到姐!!yeah!!
今日又係咁過，返到學校食餅、上堂。上電腦堂pat兄派野話我地功課幾多分，點知佢扣左我8分?!攪錯，又話我冇表單冇公司簡介?!佢盲架，整左都話冇?!(落堂同佢理論)雖然係咪都係拎A，但係硬係爭咁D架嘛!!之後落堂同佢講，佢....佢話咩分都冇所謂，成績表都係顯示A、B、C、F咋喎；但係對我黎講：分數係一回事，A、B、C、F係另外一回事!!咁樣攪到好似我好低分咁....扣左我8分...Bouns3分....(哼)lunch阿珠同小云一齊出左去食，皆因我帶左便當；原來自己一個食飯都幾開心?!個感覺都唔錯。食完就坐左嘉欣個邊睇書，睇到佢地返黎就返返自己位。之後又上merchan，好彩今堂都係傾計多，我唔係幾鍾意呢科齋講notes；不過都講埋份notes，3點3就放學喇。搭車、返屋企、打日記。
由於阿哥將電腦D線攪到唔知點，而家播歌冇聲，有D唔怪用電腦冇歌聽添。

2004-2-10 星期二 回暖
今日我好厲害!!冇遲到不特止，仲係最早到既一個人!!(叻叻)班男仔又搭巴士，咁我地三個到齊就走喇。可能太早起身，有D眼訓；返到九龍灣阿柴又入左我地班房吃餅(避左michelle咋)，又係miss黎到佢就走。今日終於見返Ada喇，成日都係上p.m堂，(好似)幾個禮拜冇上marketing喇。佢今日對返我地上次做既功課，估唔到我地組咁都有95分喎。(笑)對完放break，之後繼續講notes。話咁快又落堂，跟住上merchan呀慘，michelle堂冇野好講......lunch要過荔景，咁我地就一齊過到去，佢地去7仔返去canteen陪我地食。皆因我帶左便當，超級豐富海鮮餐!!(不過D蝦我唔記得mock殼)搭10就去3樓點名，派notes。之後去返一樓開始織布，都織得唔錯唔錯!!點知我俾部機蝦，佢撞左我幾次。(我撞埋去?!)第一次個手"病"撞到我個肚，第二次撞到我個頭!!(過份)之後又蝦阿珠，佢唔係爛布就織錯。咁4點半織完就閃得喇，點知地鐵勁多人!!幾經辛苦先去到九龍塘，返到屋企點知冇電腦玩!!(可惡)食飯個陣心血來臨想帶便當，咁我就整便當聽日吃喇。夜晚沖完涼、拾好書包冇野做，睇左陣書，10點半就訓lu。

2004-2-9 星期一 咋暖還寒
冬天令人想冬眠，所以我又遲到了。
今日出門口個陣我二家姐條所匙竟然插左係門口到，我就同阿媽講喇：冇俾人打劫真係好彩!!
出到去得返阿柴佢地，D男仔去搭巴士。返到九龍灣同阿柴返課室食餅，Cindy入黎佢就走。今日堂英文都ok既，都係分返D colour,fabric,garment個D野，咁呀成堂喇。嗚......跟住要考pattern，查實我唔係好識，miss又講到點樣點樣混合體喎，好似好難咁。諗住螺miss晏就先測，但係佢一意孤行點都要而家測...無奈...諗住去廁所先喇，點知大家姐企係我前面(佢黎拎尺俾我)，但係佢睇我唔到?!佢竟然叫阿珠俾我?!有冇事呀佢?!我咪問佢做咩囉，我都問阿柴借左尺囉，咁佢就拎返上去喇。去完廁所拾好野就開始測喇，我諗都ok既。(題目係變款裙B加長版)事前有咩唔明都問過阿珠，我諗得掛。點知做到搭5個陣我已為差唔多夠鍾，就起勢做。點知...搭半...係11點半...我仲以為係12點半...真係夠痴線。點知做做下我冇筆芯，就笠左阿珠隻鉛筆黎用；畫完就交卷喇，點知我漏左份題目係台。(再一次痴線)之後同阿珠返課室擺野，再落返去等佢地；佢地好似話唔係好識，言談間先知有一個止口位畫錯左...算吧喇，豪俾佢！(笑)之後阿珠同+欣佢地食，就得返我同阿柴x台腳；我地去左食雲吞麵，但係冇得平lu，野飲要6蚊，算喇。食完時間尚早就係一期行下，再入運動家、豐澤行下。返到去諗住拎野，點知冇哂，落到樓先知小云幫我拎左。之後開始畫網球短褲，係超級細條，不過流程都ok既。(雖然失手畫錯左)畫完就返課室，yr2個女仔好好人咁又漏低野俾我，；第一次俾留MD、第二次佢留村上春樹本書、今次佢賴低部電話。(有咩企圖?!佢又唔係靚仔...)咁我係一個誠實的"小朋友"(阿珠唔恨得咁多!!)，所以我俾左Cindy；等埋阿柴放學一齊放學，佢去入錢、我地去三聯掃書。三聯都係85折，見唔見我隻眼已經發光喇?!今日我又掃左5本書，都差唔多成220。都平左好多好多架喇，而且買滿150三聯仲送9折咭添!!(我同阿珠當然唔放過喇)最攪鬼係我見到個作者叫李牧童，我叫佢做(小飛俠)阿童牧!!(個名唔似咩?!)掃完書行多陣就返屋企。(我地好似未試過三個人一齊返屋企喎?!)

2004-2-8 星期日
好好訓，真係好好訓!!
訓到無日無天!!講笑姐，我似D咁既人咩?!你地一定會話唔似，因為會話我係!!(厲害乎?!)算喇，我都係訓到點零姐。之後一路食麵一路睇「表姐你好野」，係勁好笑!!鄭裕玲個樣唔係普通既"薯"!!睇完陪媽子去買"食送"，行左陣街先。嘩!!去到街市超級多人，由其係豆腐檔。(當然喇!!豆腐喎!!)之後又買菜、粟米、丸...."豬肉舖"繼豆腐檔後另一多人，因為佢即場包雲吞,水餃俾你，勁多人排隊買佢!!(絕對冇誇張!!)買完去左惠康買汽水，想買gas,點知售罄。勁!!之後我拎哂D野返屋企，阿媽去左樓下雜貨舖買。D野真係唔係普通既重，拎完我隻手要"報銷"。(鬼叫我係豆腐做?!)(笑)之後家姐係到洗野，我就好悠悠咁睇書；有得食個陣係咁食雲吞，雖然D味都係差咁D架喇。不過冇所謂喇，好日都唔打一次邊爐。食完野禁去明珠睇鬼佬片，仲好睇過JOEY演唱會！睇到12點博命煲channel A，一路睇hunter一路煲，好耐都未試過咁熱衷睇一本書喇。舊時中學個陣一日睇好一本書，睇得咁快因為趕姐；而家通常都係分幾日，甚至幾星期睇。(慢慢煲可以唔駛咁快買書呀嘛!!)本書真係幾好睇!!有好多啟發!!(笑)睇完hunter就訓喇，聽日要返學。

2004-2-7 星期六 寒
今日12點到起左身，睇完報紙阿哥俾我用電腦。一直係到睇vcd，再次睇《夢幻街少女》仍然咁好睇；已經唔記得幾多年前睇過喇，好鍾意佢首「country road」。可惜佢係粵語配音，如果係日文既話會更理想。(因為當年我睇個陣都係聽日文)B.M借左另一套全集俾我都有《夢》，而且係講日文的。(大心)本來想睇多次日文版，但係佢D字幕......不堪入目(我有個怪癖,鍾意追字幕,就算係講東話我都會)所以還是放棄了，留待有空才看。(其他宮崎駿作品沒多大興趣...)於是就拎小櫻隻碟黎睇(雖然睇過)。最鍾意睇雪兔個part，始終對戴眼鏡人仕情有獨中......之後睇完都吃晚飯囉，跟住睇電視.....12點半到勁眼訓......閃去訓lu。

2004-2-6 星期五 陰
我冇遲到?!呵呵呵...其實係佢地遲左...
今日返荔景，見有少少肚餓；就去左山崎買麵包吃，再去華潤買野飲。返到去一路吃早餐一路睇報紙，都唔想做野，淨係想發呆。之後miss叫我地練習一次，我咩都唔記得哂!!車下又停下，睇下同學仔點車；車下又停下，發下呆咁喇。車到12點幾終於車完，就一齊去左7仔買野食，因為今日我實在吃得太飽，所以同嘉欣share左個大包，自己再買左個"痴飯"吃。返到學校canteen吃完就去左玩電腦，玩到咁上下就返上去考試。miss都未返，我地坐左陣先開始考。本來一開始都幾順，點知死去褶布個陣我褶爛左塊布!!千年道行一朝喪!!咪死螺miss俾過份我再車過囉!!咁我就好慘咁由頭再車過.....嗚....命苦!!幾經辛苦先車哂，5點到就同佢地一齊閃，我就去尖咀搵返阿柴佢地。搵返佢地就去左商務，諗住買赤川san本書，點知好似冇，加上我又唔記得左我仲有邊兩本未買；最後都係買左3本channal A(系列)。真係好鬼平!!85折喎?!3本書原本要165...折左約140咋!!平左成25到呀!!真係要俾三個抵佢!!抵...抵...抵呀!!佢地D書局一齊減價，三聯喇、天地喇、中華喇、商務喇，一齊春季大減價!!好大吸引呀!!今個月變左破財月喇!!(而家唔買等幾時?!)仲平過年尾大減價，係買從速!!(買廣告乎?!)唉，算喇，講左咁多廢話，入返正題先。去完商務我地去左反斗城到玩，我地三個勁低能呀!!企係到玩個個骨排玩左好耐，因為我地成日整林左佢，最後終於得左，kakaka。玩完去左麵藏到吃晚飯，食完就行返去紅館。睇concert D詳情遲D先打，總知就讚左!!我地個位痴250後面，千fa又兩次係我地前面個台到升上黎，益左阿柴!!蝕就係蝕左冇阿冠希兄囉，又有任賢齊同kelly做嘉賓喎，正(只限kelly)。千fa D衫都幾靚架，佢放煙火個到又靚喎，最靚個part係係我地前面個台唱小星星呀。(佢件衫好閃好閃!!)買380個三個人讚左好多好多添呀!!千fa送左佢地兩張機票同一部ps2佢地呀!!(恨死阿柴)好喇，長話短說，11點半完場就搭火車歸家去了，返到屋企on左陣line；跟住沖埋涼、吹埋頭就去訓喇，今日玩到好累好累......

2004-2-5 星期四 元宵佳節 雨
尋晚11點半同阿哥一齊睇"28日後"，不過我睇左一隻碟先，今日要返學嘛。都唔恐怖既...今晚睇埋下半集。
今日我都係遲左...不過好多人都遲左。我、阿m、阿柴係同一架火車到走出喎，但係唔同卡到走出黎。(笑)之後阿柴約左佢地班D人係黃大仙等，就同埋我地一齊搭喇。返到去都好早，返到課室都冇人；坐多陣就上左10樓上堂，今日好似好少人返咁。今日教D野好難，聽極都唔係好識。都悶悶地，之後miss講講下話我地班乖；佢未見過我地班D女仔食煙，點知Goldie啱啱入黎，全場係到笑。(佢都知我地笑乜...)break完之後就測驗，不過我都未準備好，下堂先，咁考到咁上下就落堂喇。放低野就同云姨佢落左圖書館幫佢整返好個網頁，點知佢冇frontpages架喎，咁就直接係geocities到修改喇。(叻叻!!)改完就閃返課室上堂，今日堂英文都好似冇乜教野咁，都係傾普通話比賽同補堂D野。上完就去lunch喇，今日同云姨、阿媚、阿珠、蕭鈴去下村食粥。食完去百街睇下有咩野可以上倉，點知D野好貴，都係買左幾包餅就返學校囉。晏就又係上英文堂，但係cindy唔教書同我地玩遊戲；我地玩"come back"，玩到好鬼癲；之後又玩"may i"，勁好笑；最後玩"博傻瓜"，鬧出好多笑話。我明明叫豆腐，小云竟然叫左我做"豬腸豆腐"。(究竟佢想叫阿珠定豆腐?!)玩完就又傾下"普賽"D野，先前講到天花龍鳳；又話做咩麥兜，又扮樹、扮豆腐(?!)，之後又話整字幕(字+拼音)；但係最後都係決定朗誦+唱歌，唱水調歌頭喎。咁就議決左喇，傾多陣就走得。搭火車個陣勁眼訓，訓左陣咁喇，返到屋企就上網打日記喇。聽日就睇千嬅喇，我既第一次就咁俾左佢......

2004-2-4 星期三 雨
抱歉...遲到了...
今日我矇盛盛咁...兩張8達通都唔記得帶....咁就去左買飛喇!!(點解我唔買過張新8達通咁蠢?!)去到九龍塘又以"龜速"咁"飛撲"去買飛...好耐都未買過飛喇...返到學校又同阿柴係班房一齊吃早餐...之後miss佢就走喇。今日派返份卷...我竟然合格呀!!有61分呀!!(好戲在後頭...)之前仲以為會唔合格添...點知之後對卷，原來miss改錯1題...俾多左9分我(1題值9分!!)我係唔會為左少少分而破壞自己既人格架!!所以我做左一個好誠實既小朋友...(回音)小朋友....(豆腐)所以我既分數係由61暴跌到52既...(仲勁過恆生指數!!)之後放break....我就同merchan博殺!!(點知佢地勁"so妖"我喎!!衰!!)冇耐佢教多陣書就放我地，因為今日要交電腦project...咁我地就上左去幫小云改返D html...整返好個表單(但整極都整唔到)...今日繼續教flash...都唔係難....可以用易字黎形容!!咁佢又未開始教就幫小云繼續攪個表單，終於攪掂!!咁佢就放break喇，陪小云去廁所，點知行到出去我跣左一跣...好彩我身手敏捷!!即刻扶住boom牆，才沒有將我的初吻奉獻給土地公公!!(不是老公!!係公公!!切記!!)點知這一切....竟然...俾pat兄見到哂...佢仲偷笑我!!哼!!上次冇禁lift已經俾佢笑左獲...今次又...大出洋相...以後叫我點有面上電腦堂呀!!無奈一陣仲要繼續上堂...(佢睇我唔到...佢睇我唔到...)之後佢教D flash都好簡單，得閒就打埋前個篇日記...教多陣flash都落堂喇。lunch同云姨、Goldie、阿珠一齊去左下村食，又去第二檔吃飯。(我都幾鍾個間舖食)吃完就返去又同merchan博殺過...幸好趕得切!!唉，又上michelle堂...佢教左陣書都冇心機教就放break喇...(仲賴我地冇心機上喎!!雖然係事實...)之後佢拎左盒朱古力黎請我地食...(其實係人地送佢既)跟住傾下計傾到3點3就落堂喇。(俾佢呃左...又話有利是!!)之後就返屋企...係咁多...晏就冇咩特別事發生...06:03p.m.

2004-2-3 星期二 雨
我又遲到喇......
今日......上p.m堂....悶到我差D訓著....佢D簡直"吹綿曲"黎架!!呆下呆下就上完佢個堂喇....都唔知佢講過D乜....(-_-")之後上merchan....michelle教左陣書，12點就放我地喇。咁我地成班人就去大快活諗住lunch，點知太多人，就決定去左荔景先食。去到荔景先攪笑，我張8達通過唔到...一直都唔得....原來我用錯"通"....攪笑....(因為我有兩張嘛)之後去左美心食...食完就返學上3樓等上堂。miss俾左餅帶我地睇左先，睇完都係唔明，部機超複雜!!冇耐落1樓學織布...其實都未開始織....佢教我地D零件名....教左成堂....之後學埋串線俾埋佢睇就可以走喇....就黎放學個陣miss浦竟然講左黎....驚訝ING...(應該搵隔離班)...咁阿柴又走得，我同佢就去左葵芳到。陪佢去左夾糖，佢痴線架，正確黎講係佢細佬...佢竟然要求夾20大元既齋可樂糖...勁大包!!之後佢自己又夾...冇耐就去左樓上...我買左支香薰油...根住又陪阿柴睇下PS2幾多銀兩....格下價先....睇完就返歸喇。返到上水係商務泡左陣...之後就去菠菜樓下俾野佢...俾完就返屋企....阿珠無啦啦打電話黎問merchan...差D唔記得有功課!!收線之後諗住做....(都係得個諗字)跟住咪一路睇電視一路做功課囉....做到10點幾先去沖涼先...(仲未做哂)沖完涼繼續"睇電視做功課"，做到12點都未做完，點知周仔急call，所以份功課都係聽日先做，訓覺大哂!! 05:38p.m.

2004-2-2 星期一 陰
今朝3點幾先訓，睇hunter嘛。(其實我係訓得太多訓唔著姐)今朝玩左個IQ test，我智商有112呀。我大家姐得101，二家姐有102，阿哥有107。不過阿哥話佢亂做，做多次佢有成127呀。
嗚，今日我明明好早起身架，但係又遲到喎；都唔知點解，我變左阿星第二代?!今日上英文堂都ok喇，佢教個d野，我地係咁用"督督機"答問題。跟住咪上pattern堂囉。真係......打仗......佢教得好鬼快，今堂畫埋條褲既後幅。但係都ok喎，爭加止口囉。去左lunch先，今日幫洋蔥補祝生日。我地訂左pizza呀，等埋佢地買好野就一齊食喇；途中我家姐仲走入黎攪亂檔，佢低能架。食到好鬼飽，食完就同阿柴吹水。之後又落樓,上pattern，今日我畫得好快呀，加埋止口冇乜野做就去一去廁所。有耐miss就同我地溫書喇，下個禮拜有測驗呀嘛。溫左一陣就落堂喇，搵埋阿柴就一齊落左mk到行，去左花園街先，因為要幫阿柴個細佬買書包。之後就係咁二行下咁喇，因為好似都冇咩好睇咁；之後又行下旺中，而家旺中變左我地必行既地方，我買左4件T呀。6點到去左信和，本來都唔諗住去架喇，阿柴話想買新紮師妹2喎，咪順便睇下有咩碟咩囉。之後去行左波鞋街，有對粉紅色既都幾啱我既要求架(笑)，不過我係唔會買架。行完就去新世紀，之後再返上水。返到屋企坐左陣先去煮麵食，都差唔多9點囉。咁呢野又攪下個野又攪下攪到12點先訓。
唔知點解今日好鬼有興致唱個"4尊豆腐"首歌....係咁baby...baby....(上腦喇...)而且仲係咁同阿柴講豆腐....太鍾意個句喇!!3-2-2004 12:00p.m.

新的一年新的開始，這麼快便2004了。

本想改這版面，最後還是不改算了。

兩年這樣的過去，實則只打了一年的日記。

(12/6/02 - 31/12/02)及(12/6/03 - 31/12/03)

來年我還是會繼續的打下去。(可能沒人看吧)

但是我還會打的，因為我想你知道我的近況。

最後，希望你們真的認真看這裡的每一個字。

BY Mei 1/1/04 12:20p.m.

一月二月三月四月五月六月七月八月九月十月十一月十二月

2002日記 (已刪除) 2003年日記