不知從那時開始
10月29日 涼
星期五
。快忙死了。
又係咁二粗略講下今個禮拜忙D乜啦。星期二又係返學放學,返到屋企做電腦功課;星期三就考試,差少少考完,留返下個星期考埋佢;星期四放12點半,就去左公共圖書館借書,借左好多好實用既書,努力練好自己既design!!今日就約左阿星返學,佢......唔駛講,又遲到。去到九龍塘打俾阿柴,原來佢係附近,就一齊返學啦。返到去上堂、落堂,上堂、落堂,食飯、去圖書館;上costing,做assignment、放學,去銀行、搭車,返屋企、電腦,打日記。 25/10 星期一 成個禮拜冇打日記添。話忙又唔係好忙,話唔忙又唔係唔忙喎;究竟我想打乜??聰明既你一定明既。係咁二講下呢幾日發生咩事啦:星期三上sewing啦,放學落左葵芳買薑、魚仔食。星期四放學就約左阿星行街,佢部電話都唔知有咩用架,次次都搵佢唔到。星期五唔駛返學就係屋企灘左成日。星期六、日就溫書,唉,我真係一個乖學生。(那有自己讚自己的道理)今日自己一個返學,因為又要溫書。第一堂pattern,miss俾左時間我地溫書,但係我已經溫到傻啦,繼續畫pattern囉。落堂就返課室溫囉,michelle勁耐先黎,又俾時間我地溫,但我已經溫到唔想溫啦。冇耐就開始測驗啦,都寫到9成出黎既,寫左我一頁(前後)再多少少字咁,今次都唔係太難。12點走人,云姨陪左我去匯豐入錢;前面用個果人都冇事,點鬼知一到我就食左我張咭。哼。跟住去渣打幫大家姐入check啦。係呀,張check係渣打架,但張咭係廖創興架呢,又入唔到啦。哼哼。諗住打俾阿星睇下佢今日搵我咩事啦,又搵唔到佢架bor。(給阿星:成日都搵唔到你,dum左部電話佢啦)返到屋企冇人咪落樓下上倉囉,咁又買左一大袋。諗住做功課既時候,個file竟然開唔到?!哼哼哼。同小云傾左陣ICQ咪offline打日記囉。仲有俾我發現左樣野,原來電腦功課唔係聽日交,難得我想做喎;但又好彩唔係聽日交,原來個file係開唔到,今日唯一好彩既一件事。(=口=") 19/10 星期二 今日又係咁啦,出門口,買早餐,上堂。原來我真係唔識用e-mail,上次電腦堂已經兩次打錯自己e-mail;今日竟然仲俾我發現原來收唔到個mail,激鬼死我。之後上電腦堂,今日又係教photoshop;都唔明,人又學咁多我又學咁多,點解個個都要問我??攪到自己都冇時間做,咁我唔明問邊個??話咁快又落堂,拾完野去完廁所都11點,拿拿林食埋個早餐(?!)佢。英文堂要test,尋晚冇溫過,今日搭火車都溫左d架啦,上堂個陣咪同阿ling練下囉。12點半諗住唔駛考啦,點知考埋我地先。練左冇練,同阿ling完全match唔到。考完。死哂。算啦。之後就去左大家樂食我最愛的粟米肉粒飯。食完返學校上design,費事聽書就做英文份notes啦。之後阿sir又要我地畫袖,畫到放學。本來第四堂要上英文,因為考完試所以就唔駛上喇。同左阿ling落圖書館攪普通話project d野,我仲見到個死翻版添呀!!攪完之後先知道冇得彩print,激死。之後係班房har陣先走,搭緊地鐵個陣小云打黎話我條所匙係佢到;一睇,死野,借左俾佢唔記得拎返。=口="唉,之後咪搭火車返屋企。返到屋企咪覆小kan個留言,一覆就覆左成個鍾。>_< 係呀!!尋日睇新聞話台灣九份有車禍,勁慘呀。雖然唔係我親人,但睇到都想喊。最衰個司機,咁多人死又唔見佢死。(=_=#)(已認定係司機既錯!!) 18/10 噫,我又幾日冇打日記喎?? 見今日得閒d咪打下日記囉。尋日終於玩好耐冇玩既ICQ啦,如果唔係做功課都懶得開。=3=好耐都未試過玩咁耐啦,玩到12點幾就去訓啦。今日起身都幾精神啦,無啦啦想著褲喎;好耐都未試過返九龍灣會著褲啦,平時都係著裙多,加上都係返荔景先會著褲之嘛。講返,今朝又係去百街買早餐啦,之後學校門口勁多人。因為好似有人BOOK左我地學校做presentation喎,仲見到有記者添。•口•。第一堂係pattern。唉呀,又咪咁畫紙樣,話難唔難話易唔易,咁呀一堂。之後break左陣,上merchan堂先好笑。michelle點完名諗住上堂既時候,後面個咋人係咁叫;原來後面個電制冒煙,再有陣火農味傳出黎。michelle咪即刻叫d高層、文sir、lumpo都走埋過黎睇,最後咪叫個技工"搶修"下囉。我地就要過隔離班上堂,不過都教埋個半頁就冇教到,一直係到講美國工業衰落,好多野都係make in china咁囉。下個星期一要test。3頁紙點讀呀?!放學拾書包既時候發現唔見左個銀包,原來自己低b留低左係隔離班。放學咪閃返屋企,搭火車個陣溫英文,聽日要test呀。陰公。返到屋企返煮尋晚d炒粉,上網上到三點就去訓晏就攪。一訓就訓到6點。咁起左身咪打下日記,都好似好耐(係真係好耐)冇打日記。 係喎,乜我講野d語氣好似黑社會咩??個死人賣國賊竟然話我講野粗魯似黑社會喎。(=_=#) 14/10 今日早左少少起身,因為要洗頭,唔係好慣朝早洗頭呢。攪下呢樣攪下個樣就攪到遲左出門口喇,攪到今日又冇得食蒜容包。點知返到學校竟然話唔駛上普通話堂喎。玩野?其實係cindy唔記得同我地講,如果一早講就唔駛咁趕喇。marketing冇教到書呀,講下呢樣講下個樣就9點半,放完break人齊就落去1樓聽講座。悶到痴線,呆/坐足2個半鍾。12點半放學,咁我地就去左圖書館再拾拾project d野;1點就上返課室擺野,點知蕭ling佢地都係課室喎?!傾計傾到2點先走。返到屋企就整野食,上網再攪下份問卷,之後就打日記喇。一陣仲要去補補眠先得。 13/10 星期三 今日都係咁喇,七點起身。刷牙洗面食早餐,搭半就打俾菠菜一齊出門口。本來都好地地架,點知返到學校...... 返到學校8點9到,同同學仔傾計都冇野;點知講左冇耐,到返埋位車野個陣......無啦啦手軟腳軟、發冷、勁累、完全用唔到力。唔掂呀。慢慢車都車唔到半個袖出黎。到10點半,問左阿ling拎左粒藥黎食、嘉欣借左件衫黎著、小云借左半支水俾我溝熱水飲;miss幫我車左半個袖、自己車左半個袖、B.M幫我車多4個袖。多謝各朋友仔頂力關照。再過一陣先好返d,真係來得快去得快??見冇乜野就開始做野,但為落後左好多呢。諗住去褶骨,點知B.M幫我上錯袖,所以自己又要車返兩個袖再去褶。上午大部份野都係咁。Lunch又係canteen食,我地仲不停咁講露體狂d野,原來嘉寶好有經驗架!!食完飯又出去行街喇。Lunch完又返去車野喇。下午精神好多,所以d野都追返喇。車車下阿杜竟然走左個黎(笑),傾傾下點知俾miss望住,咁佢就行返返去喇。終於車到件衫仔出黎啦,下落堂埋領、上埋雞英、釘埋鈕同鈕門就攪掂架喇。(大心)話咁快呀放學喇,搭地鐵個陣先好笑;我同suyee入左地鐵入面,點知阿ling同tracy未入就山左門。正當講緊下一站見既時候,道門自己打開返。(笑)咁我地就一齊搭返地鐵喇。去到九龍塘見到阿蟬喎,咁咪一齊搭火車走囉。返到屋企就開始做功課喇,雖然唔係好多野做,但都做左我幾個鍾,加埋食飯唔睇電視都做左我四個鐘。呢頭忙完普通話個project,個頭又要開始忙marketing個project喇。勁慘。攪到10點幾就去睇電視,又係"紅玫兇宅",勁好睇呀。睇完走去沖涼,12點就去訓了。 12/10 唉唷,今日訓到唔知醒呀;我竟然山左個鬧鐘再訓過,好彩又係家姐隻錶響先起身。去到九龍塘見到有個人勁似菠菜呀!!去到地鐵站咪走埋去睇囉,原來真係佢黎架!!我真係醒。(笑) 就係今日遲一濟,買唔到蒜容包食。= ="去到8樓竟然唔記得自己上咩堂。(汗")拾下拾下咁。之後又無啦啦記得自己要上電腦堂,電腦堂又係教用photoshop啦,冇咩特別。落堂咪係課室har囉,之後上英文堂又咪教個D野。Lunch本來諗住去大家樂食架嘛,點知又冇位喎;咁咪去左下村食囉,其實個陣都好晏,幾驚遲到呀,好彩都冇。lunch後就係design堂,上次份功課我拎A呀!!(大心)唉呀,又咪教個D野。(講左好似冇講添)講完書阿sir竟然要我地畫布喎,難畫到屎呀,個個簡返布返屋企畫佢地d pattern。唔係人畫架!!落堂係傾下普通話project d野,星期四交啦。傾完就閃啦。返到上水竟然俾人攔圖截劫,係咁sale做facial,我就梗係係咁拒絕架啦,呢D野呃唔到我錢既。= =v 返到屋企咪同阿柴傾左陣電話,跟住就做普通話project;做完就食飯,食完飯又要做marketing project。慘呀。 8/10 打返尋日所發生既野先。 咁尋日自己一個返喇,咪係屋企食埋早餐先囉。返到學校仍然係少人都唔少人,第一堂係英文。ok喇。之後merchan,test啦。發覺自己好蠢,明明x15%我走去變左(1+15%),攪到最後個幾條計錯哂。題外話:今日勁多電話。阿柴朝早9點到打黎、阿星係11點到打黎、菠菜就係12點到打黎,今日咩事咁熱鬧一齊打黎?!上完堂就食lunch,食完咪打俾菠菜傾電話囉;傾到咁上下返課室坐囉,之後就上costing喇。嗚.....唯一一次聽得明阿sir講咩呀!!太感動喇。放學同左嘉欣同學一齊搭巴士,約左阿星嘛,嘉欣同學就約左她的媽媽。咁到左就搵阿星啦,周圍行下囉;最主要既目的都係去muji買糖食,近期愛上柑吉柚子糖。行到5點幾咪返屋企囉,阿星先蠢;唔係阿珠打黎都唔知自己要返工,真係俾佢笑死。今日大致上係咁喇,都係食飯、睇電視、寫日記、訓覺架啦。 至於今日就訓到12點先起身,本來諗住做下mkt個project架嘛;但又走左去睇漫畫,而家開始會忙死了。merchan個project要做到下年呀!!勁慘呀。 7/10 發瘟。 今日訓極都係6點半,原來個鐘冇電;攪到差d唔知醒,好彩家姐隻錶響先起到身,攪到今日遲左少少出門口。返到九龍灣又買我最愛既蒜容包食,課室仍然係咁少人。之後上mkt都係咁啦,冇咩特別。第二堂係普通話,口試test。介紹香港景點。勁唔公平,跟號數考;好彩有同學仔自告奮勇走去考,我由第2個考變到第6個考。(但都冇咩分別)覺得自己講得好差啦,又有d緊張,不過miss話我講得唔錯哩。大心。之後其他同學仔講囉,放完break之後就講下project既過程、感想等。12點3就放我地囉,本來諗住返屋企食,但係佢地又話傾下project d野,咁就一齊去左食車仔麵。點知最後都係冇傾到,講左第二d無謂野。食完野咪返屋企囉,見咁得閒就行下惠康;點知今日買野冇折扣喎,而且我唔要袋又唔扣我一毫。雖然個少少錢唔至在,但係惠康一d環保意識都冇。太過份啦。行到隧道無啦啦有人叫我喎,原來係阿哥;佢仲話係惠康見到我,而且仲係我隔離個邊俾錢添。唔通我時運高睇唔到?!返到屋企都3點囉,咁咪上下網,睇下留言覆下留言咁囉。我又好有責任心咁打日記。一陣仲要做project,reseach一d資料呢。發覺開始忙了。 係呀!!唔知你地尋晚10點30分有冇睇明珠台呢??個套"紅玫凶宅"好似幾好睇咁。一定要追睇呢。 6/10 噢,又幾日冇打日記添,但都費事補打返啦。今日係屋企食埋早餐先出門口,攪到7點9先出門,返到學校都9點囉。好彩未點名。今日成日都懶閒閒,唔係好精神。其實返荔景都唔駛咁早,反正車野都唔難。朝早不停咁拆不停咁車,因為上r側真係好難上。不過又坐下又做下咁呀lunch,齊齊去canteen食飯。食完飯出去散步。之後返去又坐左陣繼續車,下白晝會得閒d。都成日走過小云個邊吹水。玩下車下拆下呆下咁呀放學。 尋晚整便當個陣勁黑仔,想落麻油既時侯竟然唔為意個樽口大一陣,成半支麻油倒哂落盒飯到,攪到又要再整過個便當。激死。所以放學去左惠康買麻油+薯片,見少少野咪唔要袋囉。點知惠康俾左$1.7折扣我喎?!(我買既野原價17.1)唔要一個袋平咁多架咩??人地百佳唔要袋都係平1毫咋喎。噫。又唔係喎,上個禮拜去惠康唔要袋都係扣我一亮咋喎,乜而家扣10%咩??...我又係到計埋哂d婆"拿"數添... 今日阿星生日,講返句生日快樂先。(阿星一定快樂啦,有我呢位咁好既朋友記得佢生日喎!!)(笑) 3/10 近兩日返風,有d涼添。 今日12點起身,又睇漫畫喇。點知無啦啦有人拍門話有人叫左十字車,點知佢係拍錯門。好似係搵錯大廈,今時今日咁既服務態度真係•••會死人架!!之後坐係電腦前成日都係追緊"死神Bleach",鬼叫個網load得慢咩,睇左半日都係睇左一卷半,等load期間玩新接龍已經俾我玩到連贏50舖。死未。夜晚睇左QE、獎門人就玩電腦,周圍留言、覆留言。 咁呀放左三日假,聽日繼續返學。 低B架,頭先先發現原來我冇連結到10月,9月個到我又冇更新連結。呀!!仲有呀!!尋日咪話仲未搵到首"永遠的途中"既,之後夜晚又俾我搵到電台版喇。真係首慢歌黎架!!(大心)真係幾好聽架!!大部份既歌詞都係英文,但keita咬字就......都聽得明既。(笑) 2/10 我真係唔係普通的懶呀!!成日都咁得閒又唔打日記,你地原諒我啦。係咁二講返呢幾日發生過d咩啦。星期二返學返到5點,中秋佳節咪陪屋企人囉。(其實係冇人約......嗚)星期三放假就係屋企灘左半日,訓到三點先起身。星期四諗住唔返架嘛,但約左同學仔做project;上午返學、下午訪問自由行、夜晚就同班fds係尖咀食韓燒。星期五呀......上網睇漫畫囉,咁又一日。至於今日,訓到兩點,一直上網睇漫畫囉。而家追緊套"死神Bleach",雖然同"死亡筆記"一樣都係講死神,但故事就差好遠囉,好難講邊套好睇D。兩套都咁好睇。之後又係食飯、睇電視。見"好似"好耐冇打日記,良心發現就打啦。
一月
二月
三月
四月
五月
六月
七月
八月
九月
十月
十一月
十二月
200
2日記 (已刪除)
2003年日記