不知從那時開始

	11月28日星期日又唔打日記!!


唉呀，又好耐冇打日記添，呢到遲早變週記架啦。(乜唔係已經係啦咩=口=)其實我成日都諗住打日記架，但諗諗下就以為自己打左啦。@_@"咁講返呢個星期發生d咩先，星期一打左啦；咁星期二又係咁啦，電腦、英文，下午就open book tese design。test完就返上水同阿星食糖水，勁抵呀，星期二食我有65折，同阿星勁食呢。=口=星期三又係上sewing，都係咁啦，懶下又做下又懶下咁，放學就幫阿星去荔枝角拎個人八達通，夜晚約阿星行粉嶺，點知波菜打黎話約食飯喎，咁我地三個就一齊食飯啦，阿星食完就去返公，我同菠菜就行多陣去左中央公園到坐、傾下計，傾到十一點就返屋企訓啦。星期四呀?!冇乜印象。呀，去左理大畢業禮呀，下年就到我地畢業啦。>_<星期五又咪係咁，上merchan啦、英文啦、孖堂costing。想死呢。返左成個禮拜學真係好累，所以星期六睡死了，訓到2點先起身。嘩哈哈哈。之後開始做功課，做呀做呀做。夜晚就睇電視啦，一路做design project。終於打到今日啦，又係訓到點零起身，食完野一直做功課。好多project都係下星期交，所以好鬼趕；而家merchan、電腦攪左成日都係做左一半，而design差少少就做完。我發覺我班fds真係好正，真係唔知點講。學校個班......竟然感動到喊。(諗返起真係傻傻地呢...)而中學個班.....梗加唔駛講啦。其實我真係冇唔開心，多謝你既關心呢?!但我真係唔明，點知可樂會話我唔開心架呢?!或者尋日同佢傾電話個陣有少少呆呆地掛?!又或者做project做到我傻左。=口= 22/11 星期一我真係好懶，明明得閒都唔打記。打返近兩日既算啦。尋日老媽子放假，咁我訓到十二點起身，坐左陣就同佢出街周圍行啦。冇耐約左二家姐去吃pizza，食完又行左陣先返屋企。點知係商場到見到司琪姐同顧紀均喎，媽子賴死唔走添。=3=最後夾硬拉佢走(汗")，這就是我的媽子了，有野就走去八，真真正正的師奶仔。返到屋企咪睇下雜誌睇下電視咁囉，睇到十二點就開始做功課，做到兩點先去訓，你話我係咪囉黎賤?! 今朝起身仲以為今日係禮拜日，諗下尋日睇左獎門人喎；即係今日係星期一，又要返學的一day。以前好鍾意星期一架，恨不得快d星期一；又鍾意星期三，可以睇紅玫兇宅嘛；不過而家睇完，我就鍾意星期六日。(查實係因為我懶左=3=)返到學校上pattern堂，畫呀畫呀畫，係落堂前終於交到功課，因為又係懶冇帶返屋企做既關係。之後merchan堂，michelle講左陣書放break，break完返黎講左兩句12點就放?!好似今日佢要教出面d人，所以下就個堂project堂都唔駛上。放學同小云去廁所，低能架。咁我等緊小云啦，阿葉佢地又係到喎；佢地個fd(隔離班好似女仔既男仔)走左入黎啦左阿葉走，我呆左囉。佢唔係真係以為自己係女仔呀?!定係我地入左男廁?!之後goldie、阿貓猛話唔好意思，我個刻真係呆左囉。=口="好彩廁所冇其他班d人，如果唔係真係......返到上水見到阿哥喎?!佢係我前面，我叫佢佢唔應我?!返到屋企佢竟然話見唔到我+聽唔到我叫佢?!究竟我事運高定佢當我死?! 我發覺同阿星既關係越黎越xx。(←自行幻想)低能架，過左大半個月，我同佢差唔多send左百幾二百個msg啦。(冇誇大)單係今朝(起身)我已經收到10個msg，震到我手軟。之後上堂佢又勁send野過黎喎，全部都係無聊白痴野。竟然仲話我同佢煲爆左電話費?!大佬，自己同第二個煲得耐之嘛，我只不過"咁0岩"同你傾既時候你煲爆左之嘛，我無辜架。阿星好衰，要我幫佢交爆左既電話費，太冇天理了!! 給曉盈>> 你尋日(21/11)有冇打過我手提呀?! 給阿星>> 親愛的星星大人，記得"送"老麥D熊仔俾我!!(記住唔係熊貓~~) 17/11 星期三頭先做marketing份assignment打字打到手軟，所以今日既事都唔詳打啦。今日勁好訓，凍嘛。返到學校9點3，勁好彩mm返到去就點名。之後成日都好似冇咩野做咁，真係好得閒；呢到har下個到har下咁就放lunch啦，食完lunch就出去散步。散完步返黎繼續har?!去荔景返學真係好悠閒，做下呢樣做下個野咁呀放學啦。返到屋企上左陣網就做marketing份assignment，一打就打左我頭半鐘、2版紙，打到手軟；反正打開字打埋日記啦，攪到冇得睇皆大歡笑。>_< 15/11 我係咪得閒左呢??近幾日咁神心打日記?!今日好涼呀!!條腰痛到醒下又訓下又醒下。今日都係咁啦，買蒜容包做早餐。第一堂pattern，又咪係咁；第二堂merchan，都又咪係咁。(笑)係呀!!我為電腦project畫個幅"秋祭衫"，俾人話我畫得似(日清)清仔喎；起初我唔覺，但睇睇下又真係幾似喎。(笑)lunch去左老麥食，德福間野裝修得勁靚呀，又好服務態度，德福商場(同舖頭)果然泵本呀。仲有呀，德福返學個條路佈置得勁靚，不過始終都係覺得上年海港城個邊靚D。食完野返課室上project堂，講左D野2點幾就放人；時間尚早，同阿ling行左陣先走。去到火炭0岩0岩好，同阿星係屋企附近行左陣。點知當我行經條馬路既時候竟然有人叫住我喎，原來媽子同阿姨傾緊計，咁等埋佢就一齊返屋企喇。返到屋企又開始reasch，跟住咪食飯打日記囉。嘩!!電話費勁蝕呀。都冇乜點傾過(淨係同阿星猛sms)[同台]，尋日已經截左數喇。蝕呀，好蝕呀。(因為上個月都唔知有冇傾超過半個鍾呀)而上個月阿星未上台就煲到爆左半個鐘。=3= 14/11 今朝勁低b，七點幾紮醒左。心諗："嘩，咁晏架啦，又遲到添。"但諗諗下：唔係bor，部電話都冇響過；呆左陣，再諗下今日星期幾。白痴左。>_<。之後咪繼續訓過囉，訓到11點就起身，因為條腰好鬼痛。起左身就睇電視食lunch啦，跟住玩電腦、搵資料。(又要開始籌備電腦project同desigh project d野啦)見得閒一濟咪打下日記囉。好慘呀!!條腰到而家仲痛緊。(可能平時坐姿唔係幾好)我唔係咁快未老先衰呀?! 13/11 唉，終於忙完個project啦。尋日返到去都唔駛點上堂。第一堂merchan，michelle都冇教書，咪俾人地merchan d project 同埋會考project我地睇囉。之後講左陣野就叫我地自己做自己野啦，咁我就har左成堂。之後同小云去圖書館幫佢拾下marketing project d野，之後返到課室淨返10個人都冇。Cindy又話唔駛上堂啦，因為個個閃走哂。(都唔明架,明知個project今日交都唔做好佢)我咪又陪阿ling、小云去圖書館做功課囉，點知係圖書館見到阿柴喎?!我地兩個太得閒啦，就約埋阿柴一齊行旺角啦。幫佢地攪下呢樣攪下個樣咁就12點幾，同阿柴走先啦。本來下就有兩堂，不過P.M sir入左醫院、lumpo又唔返黎上堂，咁呀唔駛上啦。約左阿星係旺角等啦，點知佢神咁早呀到左，攪到俾佢怨我地遲到。=3=好衰架佢地，個個都話食左野；攪到我冇得食野，成日我都係食左兩包疏打餅咋!!行到花園街個頭咪買個燒餅頂住肚先囉，食完又行過。唔知點解行極都好似咁早既?!我地行左花園街啦、旺中啦、瓊華啦同再去信和。我又去搵碟啦，我搵碟都搵好耐；成日要佢地等，真係唔好意思啦。終於俾我搵到crytal kay同ashlee sinpson隻碟喎!!梗係買啦!!其實我仲有好多碟想買：Natasha Thomas、Hayley Westenra、Fefe Dosbon、Delta Goodrem、Sarah Connor，仲有Dream同Miz啦。Miz隻碟終於出左台版，仲以為佢唔出添，因為佢唔係太hit既歌手嘛，家陣出左梗係買啦!!(不過要等遲d)行完信和又行返去花園街個邊，坐低食左碟炒麵；行埋條街就返屋企啦，但呢個時候都係5點半咋喎。行左咁耐+返埋屋企7點都唔駛，今日雖然唔係買左好多野，但駛左好多錢。算啦，做完個marketing project，當獎勵下自己啦。因為星期一又開多個新project啦。呀!!竟然唔記得帶marketing份assignment返屋企做，死蠢左。>_< 今日訓死左，一訓就訓到1點先起身；我竟然又夢見阿邊個打電話俾我，又同佢講左一大輪廢話都未入正題!!(←夢入面)起身之後竟然發覺自己好得閒。(其實我仲有好多project未做)不過俾自己抖返三兩七日先啦。 11/11 今日冇返學，留係屋企做功課。諗住訓耐d，點知成村人輪流叫我起身返學。(=口=")都話左今日唔返洛，係都要叫我起身架!!9點幾終於醒左，就開始做marketing project。其實我夠時間做架，不過想休息下咪走堂囉。但係對住部電腦成日都冇靈感，就係差個一題就完成個project。坐到兩點幾同左媽子出街兜個圈，抖下啦。同媽子去馬會，個實Q問我拎身分証，乜我個樣唔似18歲咩?!(但曾經有同學仔話我似廿幾三十歲喎=3=)行左個大運又返屋企做功課，始終都唔識個題點做，呆左好鬼耐；之後闊佬懶理，求其做完就算。做完竟然發覺自己好得閒喎?!就係咁玩新接龍玩左成個鐘。總算忙完marketing個project啦，不過原來下星期要交marketing個assignment喎!!唉，真係好想死。點解又係marketing架?! 係呢，如果你一星期有幾晚夢見同一個人，咁代表d咩呢?? 10/11 日記暫停一天 8/11 襯得閒打下日記先。現在係晚上12點27分，仍然做緊功課。(其實唔係好得閒架咋)今日起身好凍，尋晚勁好訓。今日又係食蒜容包做早餐，之後上pattren，nothing gonna do la。跟住merchan堂，michelle去左睇醫生，唔駛上半堂，佢講左兩句就俾我地做自己野；諗住做marketing個project，點知同阿星勁玩sms。12點半返學，返到屋企2點；食埋野，攪呢攪囉都3點。做project做到5點幾就去小睡，7點起身食飯。媽子今日係惠康買既雞腳竟然變壞左??(惠康都賣劣質食品?!)攪到淨係得菜食=3=之後唔睇電視又做功課，做到9點睇"皆大歡笑"。再夜d咪沖涼之後繼續做功課(點知又偷雞睇電視)，到做而家都冇咩進展。唉，星期五交啦，都唔知做唔做得切。(又係偷懶既後果) 6/11 呢個禮拜超唔掂，日日返到屋企只係訓覺，想做功課都冇做到。今日做到我想死，勁搵資料，做到悶悶地就打下日記啦。個project今個禮拜五交，我一定會趕到交既!!(偷懶既後果*~~) 嗚.....好掛住阿柴呀，點解你係我隔離班都可以成個月傾唔夠兩句架??好耐冇傾電話啦，ICQ我又唔玩；又鬼叫大家咁忙咩，忙完一定一定要搵你!! 嗚.....阿星幾時先會放過我架??佢而家日日一定會搵我爹兩句，不過算啦，鬼叫我地係friend咩。嗚.....好耐冇見過阿盈姐留言啦，太感動了。(哭)12月你就返黎，一定要玩餐飽先得!!(不過都唔知得唔得閒呢個陣) 1/11 噫，又好似幾日冇打日記咁bor?! 星期六9點起左身，之後同媽子、老爸飲早茶。嘩!!樓下間酒樓超級呃錢呀，以後一定唔會去個到飲！我對佢超級不滿：一,要自己搵位二,要自己出去拎野食三,要自己去埋單四,貴(2碟小點3碟中點成50蚊) 五,都係貴(茶錢4蚊位) 傻架，埋單要成70蚊；乜服務都冇都要10%服務費??離唔離譜d呀?!打死我以後都唔會去!!上次去龍豐個邊個間我阿哥勁叫都係百零蚊之麻，服務又好喎，總知個70蚊我俾得唔順氣呀，d野又唔係好食過人!!之後返屋企做功課，搵/睇資料都攪左成日；唔經唔覺咁就8點，咪落街買老麥食囉。跟住睇電視，一直睇到12點幾；沖完涼就拎d圖去scan、上色，攪到4點先去訓。星期日10點幾起左身，又開電腦做功課；一做又做左成日，夜晚食完飯睇電視繼續畫圖。今日訓過龍呀，遲左少少出門口。唉呀，今日又係咁啦，上堂落堂都冇咩特別。之後發現阿星打過俾我，乜我約左佢咩??咁咪約佢係火炭等囉，返到上水去商務搵書；本<達文西密碼>竟然賣哂??仲一心諗住買添。之後再去cd舖啦，陪阿星上台啦；行左陣就返屋企，食野上網打日記。