不知從那時開始

	9月27日晴星期一今日又打日記喇!!


見今日有d得閒，就打下日記喇。(=3=)(乜我唔係日日都得閒架咩......)今日神咁早就起身囉，個鐘係咁響都唔知；可能呢幾日訓得太多，今日2點零3點先訓得著。因為約早左，所以有時間買餐啦!!又可以食我最愛的蒜容包啦!!返到學校仲有時間har陣，幾好。係呀!!今日返學係街尾見到阿柴係街頭，叫極佢都唔應，原來佢聽緊mp3。(=口=")我地係lift口終於相遇，不過人太多搭唔到同一部lift。第一堂係pattern，又係咁啦；冇咩特別，唔係太易唔係太難。落堂返到課室拾左陣野，同同學仔去埋廁所講多兩句miss就黎啦。第二堂係Merchan，又要計埋個d數，我個頭開始變大啦!!我終於知道點解我成日計錯數，原來我成日以3%係0.3，原來係0.03，都唔知點解我maths會合格架?!計到一頭煙之濟就落堂喇。本以為可以同阿柴一齊放學，點知佢同同學仔做project。咁放學同我班d同學仔一齊走啦，點知小云話冇帶錢報會考；乜會考唔係入數架咩?!當時仲要搭緊地鐵，咪同左佢地係鑽石山到出，禁錢借俾小云囉。之後再搭返地鐵返屋企，返到上水去惠康買餅食，返到屋企都3點囉，都費事食野啦。咪上下網咁囉，4點阿星打黎吹水。吹左陣咪收線囉，冇mood呀。冇耐阿ma返來了!!今晚終於有飯食。係呀!!mm阿ma講某親戚個仔跳樓死左。唉，好人好姐走去自殺。不過事不關己，走去訓覺好過。(真係好眼訓哩....)雖然話係親戚，但係人都知我同d親戚唔親架啦。或者你地會覺得我冷血，但咁係呀嘛；如果唔係你想我點?!喊苦喊忽咩??生命係寶貴架!!所以我一定唔會自殺。乜都未試過咁呀去死咪好唔抵!!係咪先?! 2004-9-26 又隔幾日先打日記。冇呀，呢兩日都好清閒。咪煲下漫畫咁囉，終於追上死亡筆記同網球王子既連載喇。講真，除左上網睇漫畫之外都冇咩野做。尋日睇高橋留美子劇場──人漁之森。又幾好睇喎。一開始覺得d畫功好似亂馬1/2，睇完套動畫之後search下。原來真係同一個作者黎架，我真係醒。kakaka。由於baba,mama返左大陸，尋晚冇食飯。(=口=")今晚就食老麥，懶得自己煮嘛。夜晚又係睇電視喇，獎門人笑到死咁濟。天國的階梯已經冇咩興趣，咪上網打下日記囉。 2004-9-23 四成個禮拜冇打日記囉。我連日記(手寫)都未補寫返呀，所以都唔補打喇。鬼咩，日日放學唔係行街就係訓晏覺；夜晚又要追連續劇，沖埋涼10點半就去訓了。得閒都係上下網，睇下連載，日記都懶得打了。今日都係咁喇，返到學校又咪上堂呀咁；都冇咩特別架喇，12點半放學咪即閃囉。返到屋企都係整野食、上下網咁，一陣就去訓架喇，好鬼眼訓呀。(=口=") 2004-9-16 今日都冇咩特別，由於補打返咁多日既日記，打到隻手就黎抽根架喇。仲要打左一大半禁錯掣，咩都冇哂，要由頭再打過，所以今日既我唔打了。 2004-9-15 好似訓幾耐都唔係好夠訓咁既?!今日返荔景，所以自己一個返。返到去先得個小貓三四隻，咪食下早餐先囉；之後冇耐就開始車野喇，車到係唔想車咁濟，因為太耐冇車過了。玩下車下咁又放lunch了，去到街市個間野勁煩囉；一係落錯單，一係寫錯價錢，下次都唔會點幫襯佢架喇。食完又返去har過，又係車下玩下咁；車完又周圍同人吹水，冇耐就落樓下分衫。今次我地車童裝長袖衫，分完就上返去喇。咁miss教左我地車喇，我車完搵miss浦吹水，點知俾我八到今年迎生日請左司徒瑞祈黎做嘉賓喎，我點都要去睇睇先!!(雖然我唔係好鍾意,但係去下姐,反正5點幾都要去學生個會)之後又搵阿ling吹水囉，未有熨斗用嘛；點知到我用既時候竟然叫我去掃地，咁又冇得熨lu。搭埋野5點就閃喇，去到地鐵站架火車mm開走，點知開左少少竟然停左，咁我咪去8囉，原來有人夾住左個袋，d人幾勁呀，第一時間走上去影相喎。咁開返道門，好自然就梗係入去架喇；咁都係地鐵轉火車返屋企架喇，太得閒咪打俾阿柴傾電話囉；阿柴話見到我所講好似朱古力既翻版呀，阿柴都話似，可想而知有幾似!!同完阿柴傾同阿星傾，呵呵呵。勁煲電話。返到屋企又係冇得訓覺，呢幾日太累，懶得去打日記。 2004-9-14 星期二今日正式上堂了，勁樣衰囉今日。咁第一堂係電腦堂，平時係係班房har陣先上去架嘛；我又有睇清楚開左道門，見到d人(唔係我個班)坐哂係到喎，成班望哂過黎，勁樣衰呀!!都唔講得咁仔細喇，咁之後咪上10樓囉；返左半班都冇，呢堂都係講埋一d唔等洗野，har下har下就落堂喇。之後上英文喇，大致上都ok既；無驚無險又到12點半，約埋冼金玲就一齊去食lunch喇。掠過。食完飯就返去上design堂，飯氣攻心攪到我......唉。第一日上堂就係咁喇......放學同左阿柴去旺角，不過都係行下姐，我唔想再駛錢了，今個月駛左勁多。係咁二行到5點幾咪閃人囉，返到屋企都差唔多食飯喇，冇得訓覺。夜晚睇電視、沖涼，10點半就閃左去訓了。 2004-9-13 星期一晴今日第一日返學，勁唔願起身囉。已經約得遲架喇，我都遲左出門口架喇；諗住我最遲，點知我係最"早"個果。咁返到學校都係講下呢樣講下個樣咁喇，冇咩特喇。係呀!!我係門口個窗到睄到有個人激似朱古力呀，呢次真係唔同以前個d似架!!隔離班勁早放囉，我地同cindy講佢先放我地走。咁我同阿ling、小云行左陣宜家家私喇，點知阿柴打黎話唔返工喎；咁搵左佢，我地兩個就去淘大個邊食lunch喇。咁周圍行下先再落沙田囉，去到沙田又行bodyshop；由於個sale太好服務喇，所以就買左支香水喇。(唔係既,其實自己都想買)咁我地又周圍行下喇，之後再去3(前為orange)到上台；咁行多陣阿星就到喇，咁就變左三人行了。咁都係係咁二行下喇，我地坐下又行下咁就返上水喇。返到屋企勁眼訓呀!!走左去訓"黃昏覺"，攪到夜晚訓唔著呀。陰公。 2004-9-12 今日約左菠菜同阿柴去唱k。唉，一到馬季d奪命追魂call又黎喇!!7點半開始響，每隔三個字一次，問你死未。我打死都要碌多陣先起身架喇，之後攪下呢樣攪下個樣咪落樓下投票囉(立法會ma)。攪到搭8，等埋菠菜就一六出火車站喇；本來應該係阿柴最遲既，而家變相我地遲到。咁出到港晶咪唱k囉，10首有9首我都係唔識既。咁唱到2點就走喇，家陣neway勁唔抵囉。咁之後咪行下街囉，又買左條裙仔；又周圍睇香水，近排勁鍾意香水同裙仔呀!!咁行到4點就返歸喇，都未試過我地三個出街咁早返屋企架。咁返到上水咪同阿柴行左陣，再去舊虛買埋文具返學就走喇。今日大致上都係咁過。 2004-9-10 無呀，呢幾日都係咁過喇。我又開始懶喇，唔駛返學(住)返工真係好悶。尋日入左屯門出糧，之後同左我家姐個fd食飯；食完飯佢就返上去，但我一場黎到，咪係屯門市中心個商場行下囉。點知......我又當失路。由於部電話壞左，冇帶出黎，問唔到"人肉字典"添。~>_<~反正仲係好早，周圍行下一定行返出去既；跟住就漫無目的咁行，最後行到商務打書釘。企左係到睇李碧華本"風乜鬼"(唔記得左個名)，真係好好睇，可惜佢d書太貴喇。$50/本,仲要薄ee喎。之後好似又無喇喇行到去天橋個到喎，咁就搭小巴返上水喇。出糧第一條事就係去廣場買電話繩喇，睇中左好耐架喇。之後行多陣就返屋企喇。返到屋企又咪上網、睇下漫畫咁囉。咁又一Day。下弦之月好好睇呀!!而家仲拍埋電影，有機會一定要睇呀!! 2004-9-7 My name is lazy ghost(懶鬼). Long time no type diary la, nothing to type ma. I wake up at afternoon, too lazy. 又唔駛返工、又未返學住。I'm double lost(雙失?!)?? I have made two wallpapaers, because my net firend today birthday ma. Oh, my English is too bad!! hahahah...... 2004-9-4 冇呀，呢幾日都係咁喇。過去既就由得佢過去喇，諗通左喇。尋日成日都訓得唔好，就同媽子、老爸、大佬去星輝飲茶，大佬似住有人請(冇錯,正是在下)就不停咁叫。(=口=")我地由10點坐到11點半，埋單都"只係"百五大元。(真係~~~~抵==#)如果唔係某人係咁叫野可以仲抵......(無奈)食完老爸就返歸，老媽子就同佢個fd係"大麥"吹水；大佬咪去睇波鞋，我就一自公行商務。行到拾下拾下咁，咪約阿星去逛旺角囉。十二點幾打俾佢，約左佢1點，咁就又周圍行住先喇。約阿星真係唔駛咁早到，獲獲都遲到。出到mk都2點囉，行花園街先。點知行行下落雨，咪入舖頭避避囉。停左雨就行去電腦中心先，飛左旺中?!買完野就逛信和周圍格價，俾我買左雨隻碟。當中仲有段小插曲。話說我同阿星研討緊cd既時候，隻碟太高拎唔到喇；本來我諗住人少d自己黎架，點知有面有位哥哥仔問我地駛唔駛幫手，咁有人幫梗係話好架喇。出到信和先記得自己冇留意個位人兄個樣貌添，蝕左。(阿星話佢唔差架!!仲蝕!!=3=)之後就行返旺中喇，又買下呢樣個樣咁。行到6點就歸家去了，之後個d都唔藉得講喇，又咪食飯睇電視聽歌訓覺。(尋日豪駛600大元，dum心口中) 今日訓到1點先起身，又係玩下電腦、聽下歌，咁呀一日喇。 2004-9-1 呢幾日屋企發生左好多事，攪到成家都好亂。我好憎我自己，明明可以見到最後一面，但點解我選擇左唔返去?!我成日諗：我究竟係到做緊咩。我真係好後悔。我以為自己好堅強，但原來我係比想像中脆弱。人就係咁化學，阿媽返出黎個晚佢就去左，之後阿媽又漏夜返去。我本來請左假返去，但始終都冇返到去送佢最後一程。我究竟係到做緊咩........