不知從那時開始

30/05/05 星期日雨
今日好早?!起身呀!!一起身以為自己訓左好耐，點知一睇個鍾......7點3?!咁早!!咁早起身有鬼用，咪再訓過囉。但係平時再訓過唔到12點都唔起身架bor!!點知今日10點半就起左身喇!!起身又咪玩電腦，呢到又去下個到又去下咁囉。12點就睇碟喇，一睇就睇韓國電影"愛的空間"。都ok喎，個故仔講一個年1979年既女仔用無線電機同一個2000既男仔通話咁上下喇。我最鍾意睇呢d有關時空既野架喇，之後無線播過一套都類似咁架；又係韓國拍架，但套野用郵筒囉。但唔記得叫咩名囉，如果你地記得既話係留言板講返俾我知呀!!睇完就睇"五個撲水的少年"，套野笑到我死呀!!仲俾阿爸話我傻左添。(-_-")真係勁好笑!!強力推介!!個故仔講男仔跳韻律泳，有幾part超終好笑。好似有到講佢地係海到練習緊，d人以為佢地遇瀝喎，笑到我死!!睇完本來想繼續睇碟，但係都係玩電腦算，呵呵呵。我發覺一係忙死一係得閒死，唉。

29/05/05 星期六 陰
今日好晏先起身，攪掂咪出門口囉。點知阿星話要哂衫，咁我同阿菇就去先喇。等阿菇坐低左我就出去行下，行完同佢傾左陣計就走埋一邊睇雜誌。整到4點阿星先話哂完衫??我覺得約左佢=冇約囉，唉。兩隻野走埋一齊確實冇安寧日子架!!阿菇整完頭搵埋阿星咪陪阿菇搵工囉，行行下條腰勁痛，都唔想出聲，佢地又以為我發脾4囉，佢地雨過真係唔打過都唔得架!!陪阿菇上水一日遊左陣，去埋舊墟買carboard咪返歸囉。返到屋企玩左陣電腦咁喇，之後吃飯。夜晚就開始整我個design project，都算整得7788囉，呵呵呵。不過成晚條腰痛到我想死呀!!冇埋由風濕呀?!佢地又話我可能扭親，但係我扭親又點會唔知呀?!做完project都11點，又開電腦玩喇。可能近排搵得NewS d野多，終於良心發現，跑去睇下w-inds.先。嘩!!俾我搵到佢地最新個PV呀!!(大心)(D人真係好厲害,個PV 3/6先出,佢地25號已經開始提供下載喇!!)DL完梗係即刻睇喇，比我想像中既好少少喇。好鬼好笑，今次個PV有突破呢!!佢地今個PV扮明星?!用左人量人手去拍哩!!睇完都差唔多1點，咪去訓覺囉。嗚......條腰真係好痛呀!!

28/05/05 星期五 雨
尋晚忙死了。又要做英文project、又要做"排乜"、又要整便當，攪到點先有得訓。(=_=#)
今日都算早起身喇，成日都好得閒；係屋企坐到搭半先出門口，搭車個陣勁少人呀。返到學校唔知點解6樓多左班人?!咁我咪駁紙繼續排乜囉，點知阿星打黎阻住我做功課，阿sir又隔離到嘈喎，收左線終於可以靜心咁做。隔離班人勁嘈囉，兩班係一齊成個墟咁。本來我都差唔多做哂架喇，但係又呢到幫下人個到幫下人，終於10點半前咩都攪掂哂。佢地班個miss先攪笑，話放break喎?!唔係一早放緊架喇咩??之後我地班咪入去間電腦房到上堂避佢地囉，但出面班人又唔知去左邊lu。唉，同小云一架機真係會激死人架!!今日教用電腦放碼，好厲害哩!!玩到12點零就放lunch喇，點知落雨喎?!今日明明仲係好好天架?!好彩我帶便當都唔會出去。食完飯冇野做又唔想出去就係canteen到har喇，搵埋阿ling佢地一齊係到har，我仲同"張奸夫"開片添。(汗")點半咪上返去上堂囉，跟住教電腦"排乜"；唉，攪左成日總算攪掂左喇，都叫幾好玩既。放學返屋企，勁無聊囉。尋日忙完攪到今日好似好得閒添。成日痴痴呆呆咁，但唔知點解條腰骨好痛囉。

27/05/05 星期四
今日本來都仲未識死架，但係一入到課室，miss竟然話唔可以拎紙仔，勁驚呀!!第三個考既我.....個然係唔掂；之後考哂8人，放完break再考discussion。呵呵呵.......都總算搭到兩句咀既，考完10分鍾咪落堂囉。英文堂就係得個18個人上喇，miss又教書。我仍然係發夢狀態，cindy勁慘囉，基本上冇乜人聽佢講。呆下呆下又落堂，lunch同左阿珠去"爹爹find"買包包食，再去惠康買野飲。今日晏就唔駛上堂，不過就留係學校做design project囉。點知cindy用班房，咁我地就搬遷過隔離喇。我帶左w-inds.同ZONE隻碟返黎，咪一路播一路畫囉。我成個晏就就係4樓、7樓同8樓"陪迴"，成日走去煩miss囉。做下做下咁就6點，拾哂野就走喇。好彩個project做得7788，唔知整埋個比賽好唔好呢??但係星期一截喎，唉。之後開返部電話打返屋企，點知勁多訊息。打返俾菜，同佢傾呀傾。之後搵返佢就一齊上樓俾返野佢喇，點知去到lift口勁多電話打黎，男你黎架bor??但係又收唔到喎。返到屋企拎返野俾波菜後個電話又響喇。車，原來係B.M!!講多陣咪收線囉，跟住開飯，太飽喇，冇食到。之後上下網，又打日記。補打返日記都打左我成個半鍾喇，慘慘(-_-")

26/05/05 星期三
正!!放假!!訓到1點先起身，死唔死??近期勁迷NewS呀，係咁搵佢地D viedo黎睇!!但係部死人機係咁hang喎，二家姐返黎咪讓部機俾佢睇碟囉。我咪用阿哥部機囉，俾我搵到個網勁正呀!!所以話，我想搵既野係唔係搵唔到既!!阿哥部機勁正囉，又唔hang機喎，不過衰在load得慢；而公家部機勝在load得快，但易hang機囉。嘩哈哈哈!!俾我搵左勁多檔囉!!(醒目女!!)係DL期間我梗係唔會浪費時間架喇，咪做design project囉!!DL完就dum過公家機，勁方便呀!!(真係唔讚自己都唔得既!!嘻嘻嘻)嗚......我真係有戀童癖架!!我最鍾意個果竟然得16歲??我仲以為佢18歲架!!家陣d細路你真係早熟!!(雖然我都仲係細路仔.....呵呵呵)有個viedo笑到我死，跳跳下舞竟然甩左隻鞋，我睇完又睇!!(呵呵呵)不過咁DL法，部機冇位喇bor......唉!!玩下玩下又食飯，食完飯8就睇電視喇。夜晚再查字典準備聽日測驗，攪完都點幾囉。又唔記得做英文添......

25/05/04 星期二
今日第一堂係p.m，終於last一堂喇!!但係佢講d貼士跟本唔係貼士?!講左=冇講咁?!之後上merchan教埋份notes佢囉，我都算有心機聽架喇，幾經辛苦先挨到lunch呀!!拿拿林k.o左個便當。之後勁悶囉，睇書又唔係，訓又唔係；咪打俾阿星吹水囉，點知又話我阻佢打機喎??哼!!lunch後既電腦堂本來話唔上既，但係佢地個個都上，咁咪上去囉。嘩哈哈哈!!阿P兄勁慘呀，得一打人上佢堂。不過今日呢堂上得幾開心bor，阿sir教我地用FTP呀!!但點解好似學左=冇學咁既??之後3點佢就放人，但係我地har到3點3囉。之後就同阿柴一齊走，佢話趕返屋企睇小飛俠；但係我要去下村影印，咁我地就分道揚鑣喇。不過我影完印返到屋企都係睇緊至叻小人類，個套韓國卡通片好似幾好睇咁bor。之後咪打下機囉，但都係唔打日記既?!之後又睇下電視，玩下電腦咁又一晚喇。

24/05/04 星期一 
今日訓得勁少囉，6點9起左身。我勁醒呀，個半個鍾頭用左黎整便當、洗頭、吹頭、拾袋、換衫。不過出到去都遲左少少。今日第一堂上pattern呀，但係我地個個等到9點先落去；miss仲以為我地唔記得上佢堂喎。之後畫左陣紙樣，d人走左去捐血；不過我未夠18歲唔可以捐血呀，但佢地捐完之後又話唔理架喎?!(俾人呃左)佢地走左我地就係到玩喇，小云勁衰，用我件衫黎抹手!!玩到咁上下miss叫我地畫衫。嘩!!好似好難咁。幾經辛苦我終於K.O左前幅同後幅咋，星期一決戰領同袖!!之後上返樓食便當，同阿珠、嘉欣一齊分"屍"。食完係學校攤囉，之後就上merchan。今日好有心機做佢d功課，不過當我抄完小云先話我抄錯左?!哼哼!!抄下抄下又落當，之後英文當可上可唔上。咁我地傾埋英文project，4點到咪閃囉。勁眼訓呀，趕返屋企訓囉。返到屋企訓左陣竟然電話響?!同波菜傾左陣都食飯?!嗚....咁就冇得訓喇。夜晚又係睇電視喇，攪下呢樣攪下個樣就去訓喇。

23/05/04 星期日
今日好早起身呀，攪掂就出去喇。嘩!!阿柴個袋勁靚呀，我係咁攪佢.....個袋!!之後咪去旺角唱k囉，人家本來想去港晶架嘛，不過算喇。好多歌我都唔係好識唱添，識唱個d咪唱囉。我仲好玩野咁簡左"瀧與翼"俾阿柴唱添，不過都係我唱囉。(雖然唔係好識唱)唱到2點就閃人喇，冇食到甜品添。(蝕左)之後咪行下信和囉，都係搵唔到whiteberry隻碟，又唔知買唔買NewS隻vcd好喎，最後都係咩都冇買。之後佢地係咁陪我去上樓d書舖，又係"學生"到買左兩本書。(終於買左唯村惠喇!!)跟住就行旺中喇，我都係好少買衫，都係陪佢地睇居多。我都係鍾意將d錢買書同cd，衫褲鞋襪駛乜成日買架??呵呵呵。行完旺中梗係行埋女人街架喇，有條裙幾好架，不過好似短一濟。(我都係鍾意佢串珠多過佢個款)行完都7點，阿柴話想去仙果園食；所以又行返去波鞋街個邊食飯，累死囉。我地食飯勁攪笑，不過呢到唔提喇。之後係新世紀坐左陣就返上水，返到去咪去m記探下佢地囉。(笑)跟住買左d野飲係公園到傾計，傾到12點零到阿媽奪命追魂call先返屋企。返到屋企沖完涼都1點，就咁去訓喇。但係訓唔著喎......(-_-")2點零先訓得著......

22/5/04 星期六
阿柴，生日快樂。

21/5/04 星期五 雨
今日又係咁喇，去到火車站見架車多人咪等下一架囉；就係呢個時候阿柴打黎，佢話佢係上水。佢真係好彩，我冇上車，咁咪同佢一齊返囉。去到地鐵站入左閘竟然俾人截停叫我地俾張八達通佢睇，俾人查都係第一次。雖然話係用學生，不過俾人查又真係樣衰左d......返到去咪繼續排乜囉，排件衫都排左我成年。話咁快又lunch，落去樓下三個人均分我一個飯盒。食完又出去散步，查實係食雪條。我地6個企哂係到食雪條，攪笑；之後撞到小云佢地咪一齊返去囉。勁呀，部lift搭到11個人呀；但部lift話企到個人架咋，厲害不厲害乎??返到去打俾阿柴睇下佢搵唔搵到喇，都係冇發現；之後咪叫阿柴開佢locker再開我locker拎禮物囉，當佢開我既時候......條所匙真係係locker到。(唉,仲有邊個可以好似我咁白痴可以將自己條所匙鎖係locker到?!)傾完咪又排乜囉，排完衫排褲。排到勁冇心機囉，求求其其排左俾佢就算。抖下、睇下雜誌、去下廁所，又放學喇。夜晚free盈打電話黎，梗係傾左陣喇。言談間發現原來佢前幾個禮拜根本冇打過電話俾我......咁唔通係......因為個電話無法識辨，排除左係free盈呢個可能性，咁咪可能會係......(不過冇可能既,邊有可能呀...)傾左陣，跟住要睇"彩虹"大結局就收線喇。再夜d阿菇打黎，佢講左d野。我真係呆左囉，完全唔知俾咩反應佢。之後收左線，我仲呆緊。突然我好驚，個件事幾事會發生係我生上??雖然知道實有咁既一日，不過太突然喇，好難接受。不過阿菇真係好強囉，全完唔覺佢有咩事。唉，仲枉我為佢個fd，完全發覺唔到，定係佢掩飾得好??成晚就係咁呆下呆下咁過。

20/5/04 星期四 
今日測普通話，搭火車咪溫左陣囉。返到去先攪笑，miss派哂先發覺爭兩份卷，佢咪去拎囉，仲叫我地唔好偷做添。佢一走，我地仲唔打開份卷討論咩??佢返到黎問我地有冇偷睇，我地梗係話冇架喇，笑死。之後咪開始測囉，都唔係太難姐。之後就測理閱讀佢，有好多字都唔識讀。>_<之後上英文堂冇心機上咪畫design d圖囉，畫下畫下又落堂喇。lunch同左小云佢地一齊去左大快活食，點知冇粟米肉粒飯?!過份。食玩咪去買野囉，之後就返學校上design堂喇。我發覺上design堂miss一定會叫我出去架喎，又係次次講到一半實會有事發生既。今次我又講到一半miss叫我地落下樓睇布板，落到去好似大減價咁，個個係到搶，我就睇唔0岩喇d布。之後上返去佢地就睇阮玲玉，我同珠就繼續同miss傾。哈哈，miss確實俾左好多意見我，之後佢仲叫我參加學校個比賽，但係月尾截止喎??做唔做得切??之後又聽下佢對其他人既意見、其他人既見解。放學就影埋d相先，跟住就實行我既大計。返到班房就同miss繼續傾計，終於get到d野喇!!但係布料同顏色個方面我始終好苦惱哩......傾左陣，miss走左；我地繼續係班房har，睇ZONE同whiteberry個pv。(首"夏祭"都ok架)之後阿柴打黎傾左陣，我先知尋日原來發生左件大事!!(冇返一日姐,就發生個單咁既野??)之後咪同阿珠去三聯買書囉，我都係忍左手唔買...住。返到上水拎相去哂，同菠菜傾左陣電話。點知返到屋企門口先發覺我唔記得拎條所匙返屋企??但我一直又唔記得放左去邊喎，就周圍打俾人問，始終冇發現。夜晚同阿柴傾電話，傾到十二點就訓喇。萬一我條所匙真係搵唔返咁點呀??好驚添。

19/5/04 星期三
懶左一日，今日費事去返學就係屋企到har。玩左電腦成日都係唔願打日記，確實懶人一名。之後打俾阿珠實行我既大計，傾完又玩電腦。(-_-")放假既日子已離不開電腦了。

18/5/04 星期二 晴
今日都算係咁喇，冇乜特別野。TEX測驗實肥梗，因為真係冇乜點溫過。放學同同學仔去左九龍公園做project，訪問下d外國人；點知俾個"實Q"話唔俾做，咁咪去星光大道到做囉。越做越好玩呀，大部分人都唔會拒絕既。做左廿份到就收手lu，因為我地都玩到好累；之後坐左陣喇，又影下相咁。一直行返去海港個邊，跟住咪入玩具反斗城到玩囉。玩完就係KFC攪掂，之後tracy就去學跳舞，我同珠送阿ling去地鐵站。送走阿ling咪去商務打書釘囉，一打就成個鍾喇。9點零咪行返星光大道到去火車站囉，夜晚既星光大道勁靚呀!!真架!!行到一半既然見到有人釣左條魚上黎??厲害!!之後行到火車站前面先攪笑，我地唔知點行。左邊定右邊??左邊係馬路，右邊係唔知去邊；當阿珠話行右邊既時候，我就話......行前面?!事實係...我係冇錯既!!火車站就係我地前方!!笑到我地死囉，如果跟阿珠行真係唔知行左去邊囉。返到屋企勁累，冇耐就訓喇。

16/5/04 星期日
9點起左身，又係本來諗住溫書，點知又走左去睇電視。唉......

15/5/04 星期六
今日都算早起身，10點半已經起左身，竟然睇到白雪姬傳說大結局??不過d配音勁難聽，除左阿細之外，好多好配得好難聽呀!!之後又玩電腦(日記都唔打?!)，玩到厭咪返房囉。睇睇下書又訓鬼左。起身又食飯，睇電視。本來想溫TEX，但係都冇左件事。攤下攤下又一日......

14/5/04 星期五 晴
今日返荔景，又係咁喇。返到去剪褲既紙樣再放碼，之後阿SIR叫我地自己攪掂佢??一開始勁唔掂，又冇心情畫喎，就係咁har到lunch。lunch同左雅誼佢地落canteen食飯，食完就同佢地出去散步。返到去又繼續畫，B.M勁衰，我明明係咁搵個前幅，佢又唔講佢拎左喎，激死。之後唔明咪問阿sir囉。之後有個女仔上黎問野，阿sir勁串咀。之後畫完冇野做周圍玩，小云勁衰，教佢仲叫我吃x!!(哼)之後剪埋下堂用既紙樣咪走得囉，搭火車同菠菜傾左陣就收線。(其實係冇錢咋)返到屋企又咪係睇電視、睇書、聽歌，冇第二樣架喇......

13/5/04 星期四 雨
又到星期四，返到學校去左8樓拎左本漫畫俾阿珠先再上10樓。今日普通話堂講下星期既測驗範圍，之後又叫我地寫返篇會話要要考既文......(面試)哈哈.....我寫到勁嘔心囉!!其實都唔知寫咩好，玩左陣又落堂喇。之後上英文堂勁冇心情，咪畫design d草圖囉。又係到我有心機上既時候佢又放break，其實自己學過d咩都唔記得囉。(成日掛住玩)lunch同左tracy、ling、小云去左食台灣野，原來坐係入面d野係黎得勁耐架!!落單耐、送野耐!!我地食完碗飯佢先送杯野黎，隔離個台仲離普，我地食完佢地都仲未送飯黎。之後上desihn堂，我地用木顏色油喇。(都ok既)之後佢派返上次個project，我有65分呢。(都幾好架喇,其實個broad我唔係好滿意架咋)放學同miss傾下final個project，我始終都係好亂姐。傾完係班房到har，之後又睇下locker有咩vcd可以拎走。簡完都5點囉，就走喇。之後打俾阿柴傾電話，原來A班有人車親手，勁恐怖。返到屋企又係睇電視、睇書、聽歌，基本上日日都係咁過。

12/5/04 星期三 晴
今日係火車站見到阿柴，等齊人就走喇。返到去又去左買蒜茸包做早餐，今日想信會勁少人返，因為有半班係返得一堂，俾我都唔返喇，阿珠係一個好例子。不過都俾我想像中多喎，都有好多人返左。哼，俾julie wong呃左，又話今堂派卷講範圍，早知我下個禮拜先考電腦喇。聽到悶悶地就訓著左，次次都係放break個陣醒返。(笑)抄埋d notes就落堂喇，跟住上電腦室考試。唉，份卷......考完就同阿星訴苦喇，之後去到九龍塘搵阿珠訴苦，再之後返到上水就變左搵阿菇吹水?!多得線人s既線報!!(為左保障我線人既人生安全,我係唔可以打佢個名出黎架!!)返到屋企咪打日記囉，咁又一日。

11/5/04 星期二
今日又係我最早到呢?!近排咁叻叻??
今日都係咁喇，買早餐......上堂。仲諗住一last堂p.m架嘛，點知補堂?!過份。跟住merchan就不停的抄notes，唔怪之得miss話做卷要三個鍾喇。因為做一題已經做左成個半鍾喇，仲有兩題返屋企先做。lunch又係班房到食，食完本來諗住去散步，但都係留左係班房睇漫畫。跟住上文sir堂都冇乜心機聽，呆下呆下又落堂。等埋阿柴就走喇，返到屋企繼續睇漫畫。今日大致上都係咁喇。

10/5/04 星期一 晴
尋晚翻譯完merchan就去訓lu。
今日我好早呀，我係最早到個果!!(難得)跟住阿珠黎到唔係話我早而係同我講:'今日返2堂咋喎?!'呀!!!!!!!!我.....我.....我帶左飯呀!!死蠢!!都明明記得今日得一堂pattern同埋佢地話左去行街架喇!!(雖然我唔去)但係....點解我會帶左飯架?!唉.....之後搭火車先攪笑，我有電話(都係阿星架喇)阿柴又有電話，我地就話係我地傾緊電話，我收線佢又收線喎，哼!!(阿柴仲唔係同我傾?!)(笑)返到去咪買早餐囉。今日都算好運返，因為個早晨套餐係蒜茸包+鮮奶!!我就梗係買喇。返到去阿珠同阿柴就瓜分左我個飯盒喇。之後上英文堂，本來一開始都好有心機聽架，不過見份野唔係好難，就開始畫公仔喇......嘻嘻嘻，就係咁又過左一堂喇。之後落樓下上pattern，又好快咁過左lu。放學陪阿柴一陣，其實仲考慮緊同唔同佢地一齊出好。但係都費事喇，佢地個邊都4個人，咪會單左一個出黎囉。咁咪同阿柴去m記食包囉，終於見到傳說中既xxx兄呀!!(都唔靚仔既)之後食完行左陣咪返cita做merchan d野囉，點知啱啱開始既時候阿星就打黎喇。咁就同佢傾到個電話冇電為止先收線，打多陣merchan功課(其實都打完lu)就打日記喇。3點3，啱啱好阿柴放學。

9/5/04 星期日 晴 母親節
我懷疑自己係咪有渴睡証?!我真係可以訓到好耐，今日我又訓到11點先先身喇!!(不過都叫早架喇!!)之後睇左陣電視咪開電腦玩，見咁多日冇打日記咪補返佢囉。

8/5/04 星期六 黃雨/紅雨/黑雨
今日訓死了，訓到11點先捨得起身。不過訓左成晚舒服左好多呀!!之後又係成日痴住部電腦，但都唔肯打日記。到左三點唔想玩咪返房睇下書、聽下歌咁喇，點知又訓著左。7點先起身食飯，之後咪睇電視囉。睇新聞先知會考聆聽要改期。嘩!!記得個陣考maths橫風橫雨我地都要考呀，勁狼狽。不過阿阮sir講過改過好似好麻煩架喎，咩都要延遲，好似話放榜都可能會延遲架。今年d考生真係多災多難，上年又沙士、連今年考英文都要延期。(好似延到29號)其實會考唔應該夏天考就真，成日都係咁......明知夏天係雨季，但都冇辦法架喇......講返睇電視，嘩!!個套"地久天長"勁感人呀，睇到我差d想喊!!之後成晚又係睇書、聽歌。1點先去訓，即係我今日清醒左8個鍾到咋。
(成日訓,變豬囉!!)

7/5/04 星期五
嘩!!今日嚴重傷風呀!!
已經帶左成卷廁紙返學架喇，都係用哂。今日照常咁返荔景喇，點知搭緊地鐵個陣阿珠打黎叫我買野飲。我發覺係佢自己買重快過我買，排隊俾錢又耐喎，就係咁攪到我遲到。(-_-")(唔知阿sir有冇記我遲到呢?!)今日勁少人返，個個去哂考英文。tracy見我好似好嚴重咁，咪俾兩粒幸福傷風素我食囉，不過都唔係好見效。咁我地等左陣咪開始排"口麥"喇，攪到12點先排好。之後我同嘉寶落去canteen飯，點知全場得我同嘉寶兩個人。平時都勁多人架嘛，今日......仲有呀，canteen多左部機呀，不過唔知有咩用呢?!咁我地咪傾計囉，之後又睇下報紙咁。過左1點先多d人咋，點半咪同佢地一齊返上去囉。返到去又排，排到3點幾佢又叫我地排第三個。我已經排到唔想排喇，咪send sm囉。之後阿sir話個題可以留返下堂做，阿珠佢地即刻停哂手。(真係現實)(笑)之後har到5點約左菠菜食飯，去到粉嶺等左陣就一齊坐低傾下計。(不過係佢講多過我講)之後去燕雲莊食飯，食完咪返上水去中央公園坐左陣。之後又係樓下坐左陣，勁大風呀。傾到10到咪返屋企囉，沖完涼、等頭乾，11點就去訓lu。

6/5/04 星期四
今日好似食左早餐先出門口架，之後又係咁喇；返到去都冇遲到，就算遲到miss都唔當遲既。之後咪上堂囉，點知唔記得帶書喎!!咪同阿珠一齊做練習囉，原來我d普通話都唔差架!!之後又玩左陣好似就落堂喇，跟住咪落樓下上英文堂囉。英文堂我掛住訓呀，因為都唔係好舒服。點知我訓醒佢呀放break，次次都係咁架喎。之後咪抄返d notes囉，過多陣都放lunch喇。同左tracy、ling、珠一齊去左大家樂食我次愛既粟米肉粒飯!!食完咪又係返學校，下晏上design堂。miss教左我地用木顏色扮水彩，之後就睇日本個design比賽、乜大個show(唔記得左咩大?!)睇完就叫d人present佢地個project。之後放學同miss傾下阮玲玉，因為睇完之後真係咩都get唔到bor。但係同miss傾完之後又好似有d野咁，但係又唔係好清楚喎.....(苦惱)之後就返屋企喇，太辛苦喇。都唔記得自己係點返到屋企lu，一返到去就撻落張床到。到夜晚先知free盈搵過我。(唔好意思呀，我訓著左)夜晚都係混混咢咢咁過，都唔記得自己做過d咩囉。
尋日我老爸大壽，成家人出左去食飯。好耐都未試過一家咁齊人食飯囉，我發現左好多野，感觸良多添......

5/5/05 星期三
東主有喜，休息一天。

4/5/04 星期二
今日係屋企食埋早餐先，因為老媽子(?!)買左包包。
勁睇訓呀，搭火車個陣咪訓下傾下計咁囉。返到去搭lift個陣想飲野咪係5樓出囉，之後返班房訓。但係返到班房又唔係咁想訓喇喎，咪睇漫畫囉。上marketing都冇乜特別野，阿珠就真係訓喇!!之後上merchan。嘩!!michelle發脾四呀，教教下嬲一濟走左出去，之後又走返入黎教書。不過咁又係d男仔衰既!!佢地都冇心讀既。之後lunch勁肚餓，拿拿淋去食飯。食完咪同阿柴去散步囉，一路聽歌一路行街。夠鐘就返去上堂喇，唉，文sir堂。本來開始我都好有心機聽，但係到後半截就開始睇書。睇完都落堂lu，0岩0岩好睇完本書，放返入locker。之後咪同阿柴一齊走囉，返到屋企又係打日記先，因為好似好耐冇打過日記喇。

3/5/04 星期一 晴
今日又咪好似平日咁囉，例排遲到。
因為個頭好扁呀，所以今朝特登剪左個留海頭。(不過好熱呀!!)阿珠拎左好多漫畫，我就梗係拎黎睇架喇。 由粉嶺睇到九龍灣，由於去買早餐，阿珠又返去先，就叫佢幫我罷飯先。我今日終於唔係食蒜茸包喇，今日我食腸仔包+鮮奶一包。返到去食早餐，跟住做project。點知俾cindy話，咁就做左final project先。我真係好想打阿叔架!!講野成日九唔搭八，俾佢激死。點知我傾傾下跑左去睇漫畫，呵呵呵。(抱歉)就係咁落堂，睇左陣漫就畫落樓下上pattern。佢派返d測驗俾我地，我98呀。(其實問完miss都唔知正確個果係點畫返架!!)之後就開始教畫領，miss成日話我地教得慢，人地a班都未教添呀，都唔知佢急咩?!唉，成日度錯哂d尺寸，好彩畫一個唔駛好耐姐。跟住就放lunch喇，唔知點解個陣唔係好好胃口，咪等埋阿珠返黎先一齊食。雖然d菠蘿好開胃，但係都係食左一半倒左lu。跟住又係睇漫畫時間，睇完又落去繼續上pattern堂。無驚無險又到3點，放學。搵埋阿柴一齊落旺角，去左信和換碟先喇。跟住行下潮特、瓊華，之後又買書。(買左詠琛本"紅鞋兒"、"魔幻廚房")跟住咪去波鞋街睇鞋囉，最後去好景"目及目及"。(阿柴唔講我真係唔知有好景呢個商場?!)不過真係唔適合好似我咁純既人入去!!(笑)之後咪返屋企囉，去埋惠康返到屋企都8點囉。點知開緊飯?!明明話唔駛等架嘛!!(嚇親)又俾阿哥串我次次打完返屋企都係冇電、山電話。(咁真係冇電呀嘛)之後咪食飯囉，好彩都趕得切睇"彩虹"。(真係幾好睇哩!!)究竟係我地帶領潮流呀?!定係跟住潮流走?!(呢句幾有意思!!)之後勁累呀，但都唔知點解明明冇野做都可以攪到12點先訓既......

1/04/05 星期六 熱
今日11點半先起身，之後就換衫出門口喇。
去到元朗又係等左陣阿柴先到，咁就去禁錢先喇。之後再去salon到整頭，又係去返上次個間。(踩場?!)今次整左唔係好耐呀，不過俾阿柴串我個頭好扁。(好我個句!!)整完個頭甩左好多色，不過都ok喇。跟住咪行下街囉，終於登記左做選民喇!!睇下我幾神心，特登走到元朗做選民!!住又阿柴就問隔離個檔有線佢住個到有冇搭線，個人叫阿柴打去有線同佢地講話想登記問下佢地有冇喎，勁好笑。之後阿柴拎返寫左地址既傳單喇，點知後面有"人地"個電話喎。最攪笑既係.......個果人講：個果唔係人地個電話，係我個電話。(咁上下喇)笑到我地死，阿柴仲以為上手留低架添。之後阿柴帶我去"吉家"餵飽我先，因為我未食lunch。嘩!!我聽到首歌咁似paradox既?!原來"吉家"真係播緊w-inds. d歌喎，呵呵呵。不過硬係唔知點咁，食完咪走囉。跟住又去PCCW踩場，點知個人叫阿柴打1833833。(投訴熱線?!)笑到我地死，又係打返呢個No.。跟住行左陣就搭車返屋企，返到上水都7點囉。去左日本城買扣針喇，再去樓下紙扎舖買"電話"。(唔知點解我覺得勁好笑囉)原來d紙扎野都好貴下!!一個咁既電話都要廿蚊!!返到屋企食飯，睇電視。累一濟懶得打日記，咪睇下詠琛d書囉，12點幾頂唔順就去訓覺覺喇。

新的一年新的開始，這麼快便2004了。

本想改這版面，最後還是不改算了。

兩年這樣的過去，實則只打了一年的日記。

(12/6/02 - 31/12/02)及(12/6/03 - 31/12/03)

來年我還是會繼續的打下去。(可能沒人看吧)

但是我還會打的，因為我想你知道我的近況。

最後，希望你們真的認真看這裡的每一個字。

BY Mei 1/1/04 12:20p.m.

一月二月三月四月五月六月七月八月九月十月十一月十二月 >

2002日記 (已刪除) 2003年日記