今日係玲玲生日~~
生日快樂呀~~ ^_^
唔知你今日玩得開唔開心呢~~
今朝我又九點半就起身啦~
用o左半個鐘頭多d黎梳洗~
之後就去o左程程屋企, 陪佢去做物理治療啦~
原本昨晚講好o左...佢自己去o既~
因為佢想比我訓多d~
但係我見佢一個人去咁慘~
做女朋友點都有d義務去陪佢o既~
所以...我就比o左個驚喜佢~
去到佢屋企, 企o係出面等佢~
不過好衰唔衰~比佢媽咪發現o左~
等我嚇唔到佢tim~~
哈哈~~當然, 人o地應該係好開心o架啦~~
係咪先??
今日等佢做物理治療, 等o左成個鐘~
悶到我暈~ 好彩有買本雜誌睇下o者~
睇完醫生之後, 我o地去o左食齋~~
食到好飽好飽呀~~
跟住, 就去銅鑼灣拎眼鏡啦~~
第一次戴無框眼鏡~真係有d唔慣~
睇野都光d~~
o係page one買o左一本心理測驗o既書~
同程程一路行~一路玩~勁好笑~
再之前o個本雜誌, 同樣都有一個心理測驗玩~
玩完之後o既結果~~
程程係"華麗的白雪公主"~
哈哈~~~比我笑o左佢幾耐呀~~
行行下.......
發現唔記得o左要買file盒~
周圍搵~搵o左好耐先搵到~
o個十幾蚊o既野~~竟然要我搵咁耐~~
真係激死我~~~
丫~~今日見到Athena~~
o係銅鑼灣行~ 就預o左會撞到人~
不過就冇諗過會撞到Athena咁"Q"o者~~ ^_^
今晚已經收到生日禮物~
係程程送比我o架~~
佢話戴住o左...就以後唔准除~~
好~~一世都唔除...^.^
我今日真係好開心呀~~細佬搵返我lu~~
佢應承o左我以後都唔會失蹤~
希望佢會守佢o既諾言啦~~
宜家成三點啦~~~
我都係岩岩做好功課咋~
好慘~~v_v
由上個星期五開始到宜家~
我都未訓過餐好~~
好眼訓~好眼訓呀~~~~~~~~zZzZZz
雖然我今日偷懶, 冇返學~
但係我比平時仲要早起身~
八點半就醒lu~~
十點九就去到程程屋企~
之後陪佢做物理治療做到十二點幾~~
食完野~就去o左赤柱影相lu~~
影完相出返黎~
大約都係六點~
由於我今晚點都要o係晚飯時間出現o係屋企~
所以程程送完我就走lu~~~
返到屋企...
媽咪同我講~ 阿哥話想去睇心理醫生~
因為佢成日都訓唔著...
但好明顯~ 呢個只係藉口~
佢晚晚都訓得好"林"...d鼻"寒"聲都不知幾大~
又點會似係訓唔著丫~
我話佢係有d野放唔低就真~
不過又費事媽咪佢o地以為佢咩事要睇醫生~
所以就用訓唔著呢個原因作為理由啦~~
唉...真係好擔心佢呀~~ v_v
除o左阿哥之外,
daddy亦都同我講o左一d好切身o既問題~
係關於阿程o既...
其實佢唔講~~我自己心入面都有諗過~
點都好啦~~我自己揀o既~~
就算將來好唔好, 我都唔會怨人~
仲有呀~我好坦白咁同媽咪講o左d野~
用好好o既態度~好好o既語氣同佢講~~
果然~~出到黎o既效果相當好~
亦都好"順灘"咁接受我o既意見~
希望佢唔係意見接受~態度照舊啦~
呢幾日都太早起身啦~
又夜訓~
所以好累好累...
聽日, 我決定唔返學~
橫掂聽日o個堂咁悶~
都廢o既~
做一日壞學生~ 都唔係好過份o者~~
好耐冇聽過細佬把聲...
我今日打電話比佢~
終於都聽到佢把聲啦...
係...留言信箱錄音o既聲...
唉...>_<"
今日上最後一堂工筆畫...
勁開心~~
終於都挨過o左啦~
下個星期一, 會上返之前cut o左o既民間藝術~
但係...我大把功課未做~
都唔知點算好...v_v
放o左學, 就去程程公司附近搵佢...
因為佢睇完醫生, 返o左公司寫report,
然後join埋一齊去又一城睇戲戲~
又一城AMC d位, 真係好好座~
仲好過UA金鐘d位~~
我o地係睇"非常外父揀女婿"....
好鬼死好笑o架~~
睇完戲, 諗住去返旺角買野之前,
程程做o左一樣野∼令我好驚喜呀~~
真係估唔到喎~~
搞到我幾甜呀~~~
去完旺角行一陣~
就再去黃埔行...
最後就去程程屋企食飯...
死火啦~~我屋企開始"炸形"...
我分分鐘呢幾日見程程屋企人o既時間~
仲多過見我屋企人o既時間...
因為我朝早起身, 佢o地又走o左~
我返屋企o個時, 佢o地又訓o左...
所以無論點都好~
聽日我點都要o係晚飯時間出現...
唔係就有排煩~~~v_v
今日, 我成日都冇發脾氣~
所以好好mood~~
宜家, 我真係好幸福...^_^
今朝九點鐘就醒o左...
大約十一點左右, 就去到程程屋企lu~
我都實在好佩服自己...可以咁早起到身~
不過...如果當你鐘意一個人o既時候...
你咩都會肯為佢做o架啦~~~
下午, 陪程程去試下睇鐵打~
哎呀~~~d藥藥o既味道好難頂...
搞到程程係咁埋怨~~~又扭計喎~~
成個小朋友咁...
但係, 都好難得見到佢咁o既樣~~
tum下佢, 都幾得意丫~
個醫師講野好誇張o架~
聽完我同阿程o既媽咪都o係度笑...
而最慘o既係...程程要戒口~
醫師講o左好多野, 都唔可以食~
我o地數數下, 好似冇咩係食得~
除o左清淡o既齋之後...
總之, 所有生冷野~
呢個星期, 佢都唔洗旨意掂~~~哈哈~
今日除o左出過去睇醫生之外,
都冇出過去, 只係留o係程程屋企...
悶到暈...所以食dinner之前, 都訓o左一陣~
今晚, 勁好笑~
佢媽咪先頭唔知要戒口~
所以就買哂野打邊爐~
程程佢唔食得~~
只係有得睇, 冇得食~~
見到佢個樣~ 都不知幾無奈~
>_<"
聽日會再去試第二個醫生...
希望今次個醫生掂啦~
唔想再見到你痛痛啦~~
七點幾, 程程打電話比我,
佢話佢o係急症室~
聽到o個陣, 真係好擔心~好擔心呀~ v_v
我平時閒閒o地出門口,
都要用九個字, 至一個鐘頭o既時間黎準備~
但我竟然用o左幾分鐘就出得門口...
飛埋的去柴灣, 都係10幾分鐘...
心只係諗住, 想快d快d去到...
其實...真係好驚...
呢種感覺, 係前所未有...
很窩心啊...>_<"
昨日程程條腰骨好痛痛~
都叫佢早d訓o架啦...v_v
但結果, 傾傾下電話, 都傾到成兩點幾...
唉...鬼叫我多牢騷發咩~~
今朝拎住好多野返學...
重到死...
本來諗住放學應該冇咁多野拎番返去...
點知, 又係原封不動咁拎走...
激死人啦~~
講真, 我又唔洗做野...
只係有時做下功課, 同程程去街街...
或者同同學仔食下飯, 玩下咁...
都冇咩特別野做~
冇理由, 我都覺得累o架?? >_<"
好眼訓...
要訓覺覺~~~
聽日應該要好早起身呀~
因為要陪程程去睇醫生丫嘛~
希望佢睇完醫生之後, 會好快好返啦~~~ ^_^
今日聽完一個電話之後...
勁喊...
喊o左好耐好耐...
冇用紙巾抹眼淚, 由得d眼淚係咁流...
搞到成檯都係淚水...
岩岩同阿恆傾完電話...
經過一輪互相剖白~
心入面好舒服...
以前o既憎恨,
亦都係時候畫上一個句號...
今日o既攝影project, 好順利咁完成...
實在太好啦~
不過我不在狀態中...
所以我諗我影出黎o既相~
應該唔係咁好...
但係, 算啦~
件事始終告一段落~~
一天都光哂lu~~ ^_^
放學返屋企, 諗諗下~~~
記得有d野未買~ 所以就走o左落中環買~
不過唔係我心水之選~
所以冇買到~
之後再返屋企, 訓覺覺~
休息完之前, 宜家精神哂lu~~~
開心~~~^_^
昨日阿程咪話陪我睇醫生o既~
但到o左今朝~佢唔知醒~~
結果~ 我都係一個人去...
慘慘~~~
正衰人o黎o架~~~
今日睇o左同一封信兩次~
第一次睇~同第二次睇o既心情~
有好大o既分別~
第一次, 坐o係阿程身邊睇~~
唔算好認真咁睇~ 只係"立"過下~
到第二次~ 我係返屋企搭車o個時睇~
可能架車又凍凍o地~ 我又有d唔舒服~
封信又寫得幾到肉~
所以發神經...睇睇下, 流眼淚~
幾邪惡呀~~~
一見到自己咁...就拿拿臨抹眼淚~
費事比人睇到啦~~~
近來......真係軟弱o左好多呀~v_v
好明顯, 今日媽咪見我傾完一個電話o既反應~
會有d驚我~~
因為佢估唔到佢個女會咁粗魯...
唉~~我都知衰o架啦~
不過冇計~
真係太嬲...
所以爆o左幾句...
我平時一定唔會講得出口o既粗口黎咀咒呢個人~
哎呀~~我都有d驚我自己tim~~
驚驚~~v_v
今日發現o左一樣野~
就係...咩先係friend~~
昨日我係咁二, o係呢度提過下我今朝要去睇醫生~
一早, (六點幾~~) 阿聰打長途電話黎傾計,
順便慰問下我~...
到夜晚...
加藤姐姐and o個個可以摺埋唔洗理o既玲玲打黎,
睇下我點...
真係開心啦~~~ ^_^
講你o地知丫~~今日睇醫生...
個醫生比我d藥藥...好大粒o架~~
仲寫明係要整粒吞服...
傻o架~~ v_v
好難吞o既~~~~
佢比o左一個星期o既藥我食~~
睇下食完, 有冇好轉~~
唔得先再算...
但就咁睇一睇, 就成五百幾~~
做醫生, 又幾好賺o架喎~~
哈哈~
其實今日好多事發生~
但係, 我咩都唔想講~~
不過大家放心~ 我冇事~
心情太亂...
要好好咁平伏返個心情先得...
我一d都唔鐘意自己得閒...
因為我一得閒, 就會發神經~
亂諗野~
我開返我o地o既history黎睇~
有d唔開心~
其實係咪應該洗o左以前o既history~
等我冇得再睇返...會開心d呢?
聽朝好早就要去到聖保祿醫院...
九點前要去到...
即係話, 我七點幾就要起身~~v_v
但係, 我好開心呀~
因為...都好耐冇人陪過我睇醫生lu~
聽日有阿程陪我...
希望...唔洗做手術啦~...
諗起都驚驚呀...
本來我預算下個星期做o既事~
似乎有d意外發生~
可能要再下個星期先開始得~
哎呀~~激死人~
宜家差唔多六點, 心情好返好多...
輕鬆o左少少~
冷靜返落黎~
又覺得自己唔應該鬧呢d人~
因為哂氣~ 留返啖氣暖肚好過~
我身邊o既朋友~ 唔多唔少~
都知道我鐘意羊...
(當然, 最鐘意都係貓貓啦~~ ='.'=)
對於我黎講. 以前羊o既意義係...
代表o左一個人...
唔洗問, 咪又係關阿match事~
不過宜家, 我只係因為佢得意~
我先鐘意,
並唔會因為想勾起對呢個人o既回憶,
先鐘意~
我都曾經講過, 我同我阿哥好似~
佢都鐘意羊o架~
對佢黎講, 我知道, 內裡一定有一d意義~
但係我冇開口問過...
可能, 羊o係佢心目中~
都係代表一個人, 一份回憶...
昨日阿哥生日, 佢個樣~
唔多開心咁...
唔知佢係咪仲未忘記到一d野呢~~? v_v
前幾日, 阿哥去o左學校拎畢業證書~
今日媽咪同我講返~
daddy見到阿哥拎o左返黎~
真係好開心~
因為見到個仔終於都叻過自己~
畢竟, 都係一個大學生~
但o係阿哥面前, daddy冇表現到好開心咁...
一切都只係放o係心入面~
呢d...就係老豆o既尊嚴啦...
今日都係唔好惹我好d~
心情真係差得好緊要~ v_v
講就天下無敵...做就冇心冇力~
有病就去睇醫生啦~
咁多人死~又唔見你死~
今日我極度唔開心~
因為一個成日自稱做FG XXXXXX o既人~~
FG o既意思, 本身係Family Group咁解~
但係, 我宜家覺得, 解做"funking guy"會貼切一D~
其他FG o既成員~
唔好意思, 都要得罪埋你o地一次咁多~
sorry~
我都未見過d人咁討厭...
雖然可能唔止係我睇佢唔順眼,
佢都睇我唔順眼都未定~
但係, 我唔介意佢點睇我~
因為佢冇資格批評我~
我知我宜家o係度講埋哂d咁o既野~
係好"低裝"o既做法~
但唔講, 我心入面又唔舒服~
我最怕人o地o係唔適當o既時間,
講d唔適當o既野~
今日佢其中一樣衰o既野~
就係提起阿match~~~
講畫野就畫野啦~ 又話畫火柴人~
"你可以畫火柴人上去o架~~match丫嘛~呵~~"
頂佢丫~
d咁out o既事~
好心唔好提啦~ 白痴~
真係好鬼想搵人打佢~
同埋, 佢千奇唔好第時同我一齊o係同一個業界發展~
仲有, 唔好比我有權位...
如果唔係, 我一定杯葛到佢o係呢行永遠消失~
好憎佢~~好憎佢呀~
今朝七點幾比我daddy拍醒我~
佢同我講~ 昨晚有個叫阿ben o既人打長途電話比我~
佢話聽佢把聲, 好似好唔開心咁...
問我阿ben係咩人黎~
係唔係以前d同學...
基本上, 問呢d問題, 都好平常...
但係, 最尾佢問o左一個極為好笑o既問題~
就係...你唔係同佢拍拖o架嘛~~??
嘩~~好鬼邪惡~~
好明顯, 佢冇經過大腦諗過...就問~
昨晚, 我諗阿ben都有打過手提搵我~
但係我聽唔到有電話響~
後尾check番~ 見到有一個missed call~
但係就冇來電~
我諗係佢打黎o掛~
我聽完我daddy講~~ 話佢把聲唔開心~
真係有d擔心佢~ v_v
雖然上次件事, 真係有d嬲嬲o地~
不過我始終係佢個妹~
點會為o左少少事~ 而搞到關係決裂o既~
今日上工筆畫堂~
好勤力咁畫...畫...畫...
幾乖乖呀~ ^_^
阿mon好勁呀~
一堂就畫好哂d線稿~ 仲上o左一朵花o既顏色~
我只係畫o左一半線稿咋~~>_<"
放o左學, 就買野入赤柱燒野食~~
好慘呀~~~~
臨尾d野見食唔哂~
如果叫人格硬燒黎食~
實會你推我讓~
咁於是我o地玩"宇宙無敵掌門人"入面o既遊戲~
輸o左個個, 就要食燒剩o左o既野~
咁因為我個個星期日都出o左去拍拖~
都冇時間留o係屋企睇電視~
所以我就唔識玩啦~v_v
成日都係我輸~~~
飽到我死~~
燒完野食~~去影o左陣相~
就搭車車返屋企lu~~~
宜家好頭痛呀~~
好辛苦~~~
聽日唔想返學呀~~
但係, 費事比阿恆話返我啦~
唉...聽日又上印刷堂~
又要夾班...
真唔掂~~~好悶呀~~~
今日係我個親阿哥-Pal, 同埋鄺明基先生o既生日~
生日快樂呀~~ ^_^
阿哥成25歲lu~~~
而gary就19歲~
哈哈~~~唔知講咩好~
總之心照啦~
昨晚"look"黎"look"去~
都係訓唔著...一直到四點幾~
我先真正訓到...v_v
未訓之前o既其間, 諗o左好多野~
全部都係一d唔好o既野~
亦都諗o左好多問題要問...
同埋, 發現到...原來最終, 我都係介意o架喎~
不過, 事實改變唔到~
都係唔好諗咁多~
今日同阿程去o左青衣城行街街...
肚餓就食野啦~
哈哈~~食辣野呀~~>_<"
飲"冬陰功"湯湯...
飲完個表情, 真係好陰功呀~~
但係, 有辣野, 亦都有d好好味o既野o既~
就係...魷魚啦~
嘩~~勁好食~~~
不過食完哂所以野之後,
我o地兩個都有少少好唔舒服~
太飽啦~
飽到夜晚都唔洗食野~
今晚o係旺角睇"生還原素"...
um...套戲好似拖得太長啦~
短番少少會好d~
唉...我其實覺得自己真係好衰囉~
次次都係自己講笑玩先o既~
但係, 到人o地玩返, 我又嬲喎~
仲要鬥氣tim, 真係比自己激死~
sorry呀~
v_v
宜家同楠楠o既關係~
再唔係好似以前咁...咩都會傾~
甚至今晚, 更令我覺得有種"情已逝"的感覺.
或者, 我同阿程拍拖...
係一個主要因素...
如果再那樣繼續以前的關係~
我相信, 到最後~ 三個人都會好辛苦~
但...突然好懷念以前同你玩到唔肯訓覺~
傾計...呢d日子~
搞到咁...似乎係我o既錯o掛~?
很多天沒有找細佬...
是因為怕失望了...
眼睛紅了 淚掉下了
心已碎了? 補救不了?
你出現了 天也亮了
我笑了...
竟然有一個...時常同我玩icq,
玩到訓著o左o既男朋友~
唉...真係激死我~ >_<"
近來都頗為鐘意粉紅色~
死火~
有d驚自己tim~
能夠互相克制~
是件好事吧~
但...很多事情~
克制得到對方~
也不一定是件好事啊~
今日上堂~ 好充實呀~~
張立體畫, 今堂開始落顏色啦~
哎呀~~個個都中哂招~
成日將d顏色滴o左o係第二格度~~v_v
激死人啦~
不過雖然係咁...但係都幾好玩丫~ ^_^
放o左學, 去o左我o地好熟o既bar度食野~
餐飯足足食o左3個鐘,
哈哈~~點解會食咁耐呢??
係因為有本雜誌入面, 有一個填字遊戲~
如果答岩哂~ 就有機會得到一萬蚊o架啦~
除o左我o地八個人猛o係度諗之外~
就連食o野o個度o既老闆, 伙計都一齊諗,
老闆娘仲打埋電話問佢細佬tim~
真搞笑~~
好耐都冇試過食飯食得咁開心啦~
昨晚, 我聽o左一d說話,
感動到喊呀~
feel到o個份感情好真摰~
多謝你~
究竟理想跟夢想, 有什麼分別呢?
記得無論係小學又好, 中學又好~
每每同學比我寫紀念冊o既時候,
都有兩欄令我好頭痛~...
一欄係理想, 一欄夢想~
宜家要我諗, 我曾經寫過d咩野上去~
我都已經諗唔起lu~
因為填落去o個時, 根本都唔知有咩分別~
於是好求其咁寫o左d野落去就算~
又或者老師問, 將來大個想做d乜?
小學通常都會答係..."老師"...
到中學, 我答係..."社工"...
宜家, 我會答係..."設計師"...
幾個不同的階段, 不同的答案~
到第時, 當我真係做o左"設計師"o個時,
有人再問我, 將來想做d乜o既時候,
我會點答呢??
哈哈~ 如果係廚師...大家點睇呀?
我一d都唔想o係大一畢業~
因為某一d原因, 我會覺得到做畢業作o個時,
會好辛苦...
下個星期一ive開始派form報名...
今次我一定要得~
如果再唔得o既話,
我可能要離開香港...
唉...
我不能承諾我每一年, 都會比上一年做得更好...
但至少, 我會盡力去做得好過上一年~
今晚o既飯後水果係芒果~ ^_^
唔知點解, 每次食完之後, 無論抹多少次咀~
又或者用水黎洗,
都係會有"痕痕o地"o既感覺~
點解會咁怪o架?
唔通係太甜?
寫小說的人總是害怕重複, 為了不重複自己的作品,
創作的時間一次比一次長, 終於有一天,
甚麼也寫不出來了.
為甚麼害怕重複呢?
我們所謂的幸福不正是重複地做同一件事情嗎?
每天跟自己喜歡的人一起,
每天跟情人通電話, 常常跟仔一起去旅行,
甚至每夜同眠共寢, 重複一個承諾和夢想,
聽他第二十八次提起童年往事,
每年的同一天和他慶祝生日,
每年情人節, 聖誕節, 除夕, 也和他共度.
多少年來, 只是和他一個人睡,
只是嗅著他一個人的氣息,
甚至連吵架也是重複的,
為了一些瑣事吵架, 然後冷戰,
瘋狂思念對方, 最後和好.
我們不是重複做著這些事情, 然後相信這就是幸福嗎?
幸福就是重複.
有人說, 世上所有的幸福家庭都是一個樣子的,
不幸則有很多種.
所謂一個樣子, 也許就是重複.
每天早上張開眼睛再看不到你,
再也嗅不到你的氣息, 你不再睡在我身旁,
你不再像往常一樣吻我,
你不再像過去那樣溫柔地待我,
你不願重複,
那就是愛情消逝而我不再幸福的時候.
我忽然不再害怕重複.
丫~突然諗到一個問題~
就係...點解o係電視上面見到o個d大廚師,
個個都係男人黎o既??
而o係屋企入面, 通常負責煮野o個個~
又會係女人黎o既~??
好唔明~ 真係好唔明~ >?<
事隔幾個月, 今日又o係巴士上面,
撞番上次tum得我好開心o既小妹妹-瑩瑩~ ^_^
佢又大個o左啦~ 多o左幾隻牙仔~
上次佢紮o左兩條辮仔~ 今次佢只係紮o左馬尾~
d頭髮好滑滑呀~~
見到佢, 好開心呀~~
近來, 我都冇咩時間睇報紙~
所以積埋積埋, 有好多疊報紙o係房~
因為媽咪呢兩日都見唔到我~
佢今朝就寫低o左張紙仔,
叫我快d睇哂d報紙and執下間房啦~ v_v
哎呀~~我都唔知由邊度執起好~
太亂啦~
幾日冇好好咁休息~
諗住今日點都會昏迷到點幾兩點先起身啦~
點知...11點幾就起o左身lu~
宜家仲係好眼訓呀~
一陣係咁二執下d野~
要再去訓訓先得~
昨晚玩到太累,
成點幾先返到屋企...
沖埋涼, 搞下呢樣, 搞下o個樣~
成兩點幾先有得訓~
所以昨晚o既日記, 都冇咩寫野~
只係係咁二講o左幾句~
原因係...哈哈~
講出黎, 費事凍親大家啦~
今朝一早就比daddy mummy嘈醒~
我雖然冇起到身,
但係我暗中偷聽到佢o地講好多野~
當然係討論我昨晚o既事啦~
哈哈~比佢o地笑死~
嘿嘿~唔好以為我聽唔到先得o架~
丫~近來我去親街,
無論去到幾點都好~
我daddy mummy都冇打電話叫我快d返屋企~
可能佢o地知我同阿程一齊~
佢又實送我返屋企, 所以好放心o掛~
返o左學, 又係"鐘"眼訓o既時候啦~
冇計, 真係太累~
而今堂講o個d野又悶悶o地~
所以真係有d頂唔順~
放o左學, 又同阿程去街~
去o左沙田行街街~ 買我想食o既野~
之後睇o左"偷聽女人心"~
都幾好睇, 好好笑, 但亦都有d感動位~
估唔到米路吉遜除o左做動作片,
做d感情戲, 都ok o架喎~
夜晚食完野之後, 都係最悶o既時候~
唔知點解, 近來成日都"行街"...
真係"行"路o個隻~
我o地又由旺角行到去尖咀...
因為實在諗唔到去邊度好...
o係尖咀海旁, 坐o左o係度傾o左一陣計~
我仲拎o左本日記出黎寫o左幾句野~
又比阿程寫o左幾句~
哈哈~~開始覺得將我o地一d小事~
寫o係本日記簿上面(立即寫低o個隻~)~
會幾有趣咁~
又或者, 寫低我o地一齊食過特別o既野o既食後感~
都係幾好o既事~
之後我o地再o係尖咀搭船返中環~
跟住, 就o係中環行返屋企啦~
um...其實, 我都幾enjoy呢個行o既過程~
我o地一路行, 會一路傾計~
每一次, 都會了解對方多一d~
聽日, 終於都有得休息啦~
可以遲d起身~
不過...我聽日要去買顏色呀~
唉...點都要出一出去tim~~v_v
今日係情人節之外, 仲係盈盈o既生日~
生日快樂~ ^_^
兩個字形容哂今晚o既心情,
就係開心~ ^_^
雖然唔係一個好難忘o既情人節...
但平凡, 就是最好的了~
已經過o左十二點, 踏入o左2月14號~
情人節快樂~
宜家係零晨2點07分~
我因為一個叫"in" o既人,
突然間, 覺得好down~
佢o係我o既guestbook留o左一個message比我~
內容有d怪責成份...
佢手寫o既署名係"裡"...
我諗極都諗唔到, 究竟係邊個~
而"in"呢個名~令我諗起inam...
不過照計, 唔係佢o掛~
"愛情似乎令你忘記了很多重要的事情..."
你所指的, 是什麼事情呢?
很苦惱啊~ >_<"
聽日就係情人節,
係最後衝刺o既一晚...
基本o既野, 已經搞掂o左...
好累~好累呀~~v_v
今日上新堂 - 印刷設計課程~
個阿sir叫胡超雄~
嘩~勁悶呀~
講野又細聲, 所以我都冇聽佢講野~
仲有呀~佢又猛抄notes喎~
我抄抄下, 把鬼火冇再抄~
之後同阿恆佢o地討論攝影o既project~
終於都諗到個layout出黎~
丫~~係喎~
有一樣唔記得提~
就係同q班d人夾班~
勁唔掂~
唉...以後仲要同佢o地一齊上堂tim~
慘慘~
昨晚臨offline之前,
口痕, send o左個message比阿match,
傾o左幾句...
好明顯, 佢都知道我已經有o左男朋友~
佢o既表現,
好o左好多~
唔似以前咁, 我問佢野~
佢都答得咁短...
可能, 宜家咁樣~
大家都會好好過~
我有我o既生活, 佢有佢o既忙碌~
互不相干...
我今日原本係諗住唔返學o架~
因為我仲未整好比阿程o既驚喜~
所以諗住留o係屋企做埋佢~
點知夜晚阿mon打黎~
叫我帶枝腳架比佢~
so~ 我就一定要返學lu~ v_v
放o左學, 當然又係拿拿臨返屋企啦~
o係上樓之前,
去o左屋企附近o既交具店買材料包禮物~
幾個星期前, 雖然我買到一張好靚o既花紙~
但係, 唔夠用~
我又冇時間再去買~
所以都殺住先~~~
唔可以話差o既...都ok咁啦~
唉...我諗我呢世人都未試過咁失敗~
今次真係考驗到我~
搞到我開始有少少懷疑自己o既能力~>_<"
好唔掂呀~
其中有一部分係好重要o架嘛~
但我竟然整爛o左...
嘗試過去挽救~ 但係都救唔番~
而且身上有多處傷痕...
簡直慘不忍睹~
仲有一句野可以形容, 就係...
可遠觀, 而不可近看...
今晚同阿程傾計~
唔小心, 漏o左d口風...
你似乎好似估到我整d咩比你tim~
哎呀~
我真係唔小心啦~
不過...都唔知你係咪真係估到o既~
定係扮哂估到咁...
哈哈~
昨晚好辛苦咁趕起o左份工筆畫o既功課~
好累呀~~
好耐都未試過會咁趕去做一樣野~
因為我今日要出街, 根本冇時間做~
所以就算傷風住, 流住鼻水~
都要撐住自己捱埋落去~
今日我成11點幾先起身~
一起身, 就比人煩住~
一個係阿媽, 一個係阿哥~
佢o地兩個搞到我心情相當唔好~
討厭~ >_<"
直至我去到阿程屋企, 見到佢~
我心情先好返d~
今日, 係充滿辣的一天~
首先去別府食o左d勁辣o既麵,
食到我流眼水~ 而程程就食到流哂汗~
跟住去city super,
買o左一d好辣o既唔知咩鬼餅,
總之辣o既程度, 係去到邪惡o架啦~ v_v
夜晚, 去o左睇"驚魂眼"...
車~~普通o者~~
因為只係得幾個鏡頭驚~
而驚o既原因, 都係因為個扮相恐怖~
劇情又係老老套套咁~
一睇都知邊個係兇手啦~
之前, 去食糖水~
由於食糖水o個度~ 有埋小食o個d野~
我o地一睇到有炸魷魚鬚o既物體~
於是咪叫囉~
我就好貪玩咁,
將d辣椒油倒o係程程食o個條魷魚鬚度~
第一次, 都冇咩事o既...
只係好辣辣o者~~v_v
跟住我又貪玩, 又想再整多次~
不過今次只係想扮下野~ 玩下,
並冇真正想倒落去o既意圖~
點知...佢發我脾氣喎~
ok~ 咁我咪收聲囉~
之後, 都冇咩出聲lu~
直到行去搭地鐵~
佢又因為tum唔到我,
所以又發自己脾氣~
將隻手打去度鐵門度~
好大力咁打o左幾下~
我見到咁...即刻心軟啦~
始終o係我心入面,
我會覺得, 最殘忍o既方法~
就係透過傷害自己, 黎傷害你鐘意o既人~
宜家總算冇事lu~~~
基本上, 我會諗...
兩個咁怕失去對方o既人~
點解要激嬲對方~
乜tum人, 又或者要人tum,
真係咁好玩o既咩~??
如果頭先我o地冇好返,
我諗我返到屋企,
會整爛我呢幾日辛辛苦苦整o既野~
不過我亦都知道~
當我整爛完之後,
我會喊餐死囉~~ >_<"
可能今日食得太多熱氣野,
又食埋好多辣野~
所以搞到喉嚨痛~
要飲多d水水先得~ ^_^
仲有呀~
宜家簡直累到一合埋眼就可以訓著o個隻~
好唔掂~
太耐冇"捱更抵夜"...竟然就搞成咁~
唉...無鬼用~
今朝起身, 先發覺今日上堂用o個d野~
原來係未買齊~
於是拿拿臨, 走去買,
跟住又要幫阿哥入票,
仲要落住雨~
d野又重喎~~
麻鬼煩~~
上堂o個時, 個個都努力咁做野~
算係幾充實o既一堂~
放o左學之後, 又返o左屋企整我o既驚喜啦~
都叫做有d進展...
但係, 有樣野我整衰o左...
唔知點好~~>_<"
真失敗~
聞o左d油味, 好辛苦呀~
又要用神去整一d地方~
搵o左枝好強勁燈光o既燈黎照住黎整~
搞到眼又累~ 頭又痛~
有少少想放棄~
不過做o左咁多~ 無理由宜家先放棄o架~
我一定要撐埋落去o既~ ^_^
整呢樣野~ 要多謝加藤姐姐o既指點...
好彩佢有經驗o者~
唔似得我, 咩都唔知, 唔知頭唔知路~ v_v
所以我有野唔識, 都可以請教佢~ 真好~
下午online~ 阿match都online~
好耐已經冇傾過任何計,
有d會覺得, 彼此存在o係大家o既icq list上~
有d冇意思o既感覺~
但突然, 今日咩都冇講一句,
佢就send 個mp3 o既file比我~
係take that o既it's the day after tomorrow~
好明顯, 係因為呢首歌o既名~
似我呢個hp o既命名咁...
所以佢就send比我啦~
之後, 講o左幾句~
又各有各忙~
我就忙同加藤研究我整o既野~
而佢做緊咩~ 我就唔知lu~
講真丫~ 感覺開懷o左好多~
或者當o左佢係一個普通人咁看待o掛~
我知我提起阿match~
有一個人, 以前一定會唔係幾安樂~
不過我知佢宜家好信我~
唔會再受阿match影響o架lu~ ^_^
原來發現d人成日講~
兩個人拍拖, 見得多~ 感情會冇咁好~
呢句野, 係假o架~
只不過係比自己一個感情轉淡o既藉口咋嘛~
成日見, 都唔係壞事丫~
如果係愛佢~又點會唔想見到佢先~?
係咪?
Athena同我講...
每一次見我o既感覺, 都好唔同~
um...係好事黎o既~
昨晚打o左封e-mail比細佬~
希望佢睇o左, 會搵返我啦~
今日係我o既best friend~ Athena生日呀~
生日快樂~ ^_^
哈哈~十九歲啦~
不過我都唔好得你好多~
再過一排, 我咪又係十九~ 嘻嘻~
今朝又唔多願起身~
阿程叫完我, 我都係再訓多一陣~
先肯起~
大約十點九, 佢就黎到我樓下~
跟住去o左銅鑼灣...
哈哈~~比我迫o左佢玩新宿24小時o個個槍game~
本來冇人睇住佢玩o架~
但係越玩越多人企o係後面睇佢~
所以在好大壓力o既環境下~
佢好快就輸o左lu~
之後大約12點左右~ 就約o左阿心o係HMV等~
因為佢要交份情人節禮物比阿程幫佢寄~
好大盒, 好多野, 好有心思~
佢男朋友收到o個時, 一定會好開心o者~~ ^_^
但係有少少阻滯...
希望問題會解決到啦~
由於聽日要用玻璃纖維膠,
前幾日又冇去買~
所以我同阿程就去o左旺角同油麻地搵,
睇下邊度有得買啦~
搵o左好耐, 先搵到一間有得買咋~
真係好彩啦~
買完, 佢就送我搭車,
跟住佢就要返工lu~ v_v
呢排我o地真係見少o左...
雖然計起上黎, 次數係多~
但係以時間o既長短黎計, 其實係少o左o架~
返到屋企, 我就打電話比Athena~
睇下佢有冇時間出黎啦~ ^_^
佢話有時間~咁就fit哂啦~
所以我o地就去o左食tea啦~
我就帶o左佢去我同班同學成日一齊去o既bar度食野~
咁岩, o個度一個人都冇~
個伙計因為都同我熟熟地,
於是我o地就o係o個度唱o左兩首歌,
真搞笑~
食完tea~ 行o左一陣~
又返屋企lu~
基本上, 好戲在後頭~
整好聽日份功課要用o既盒之後~
我就整我比阿程o既驚喜啦~
嘩~~搞到我噴到成手都係~
要出動到天拿水, 先洗得甩~
隻手乾哂啦~~v_v
媽咪又唔早響喎~
又唔早d提我戴手套~
真係激死我啦~
噴到唔知點咁...真係有d驚自己做唔到呀~~
唔得~我要努力d~~~
我諗我呢幾日都會好忙o架啦~
時日無多...
努力~加油~努力~加油~ >_<"
昨晚同阿程o係網上打麻雀~
打到點幾, 佢就要訓覺lu~
哈哈~~打咁耐, 佢都只係贏o左兩舖咋~
而我就係咁食糊~ 好運, 冇計~~
唔好話我知, 你讓我呀??
事實係點...
心知肚明啦~~
幾日冇睇過報紙~
見積埋o左好多~
於是就拎黎睇啦~
唉...
竟然比我睇到咁o既小新聞~
好唔開心呀~
d人咁殘暴o架~~>_<"
唔同佢o地玩呀~~~
前幾日暖暖o地...
但今日又突然凍返...
真係煩到死~
上攝影堂, 開始有好多功課要做~
其中一樣野, 我諗我要搵三哥幫一幫我手~
因為佢d技術好丫嘛~~ ^_^
放o左學, 又係各自散...
返到屋企, 出奇地冇訓覺~
咁我o係度做咩呢??
我當然準備一d野啦~
原來唔係我想像咁難~
雖然整到手指有d損,
又"界"到...
不過唔緊要啦~
只要做到出黎, 再傷d, 都在所不計~
丫~~今日收到通知~
就係遲d要同中Q班夾班...
照計我o地班成廿人, 都唔洗夾班啦~
我諗, 應該係中Q班少人~
所以先要夾我o地o者~
宜家已經成兩點啦~
我都準備去訓覺o架啦~
但係臨訓之前, 我做o左一樣野~
就係...將我日記簿最尾o既o個頁,
撕o左落黎~
最尾o個頁, 我寫o左我自己o既資料,
同埋寫低o左阿match o既資料~
當時我寫低, 係因為如果我有咩事~
我想人o地睇到o個頁野~
會幫我通知佢...
我知我有事o既時候, 我最想見到就係佢~
但我宜家撕o左落黎~
對於自己, 又或者阿程,
都係一件好事~
如果宜家有咩事o既話,
我諗我唔再想見到阿match~
我最想見到o既人, 就係阿程~
所以撕o左落黎之後,
取而代之, 就係寫番自己同阿程o既最新資料~
我o既生活, 差唔多已經冇哂阿match o既影子~
以前佢無處不在~
宜家, 睇到都當睇唔到~~~
咩都睇唔到~
我o既眼入面, 已經冇o左呢個人lu~
基本上, 最尾o個頁,
只係得apple同埋阿程睇過~
點都好啦~
一天都安落哂啦~
細佬以前成日叫我掉哂阿match o既野~
我死都唔肯...
估唔到, 我宜家唔洗人叫,
都會自動自覺掉~
因為你快樂, 所以我快樂...
仍然難禁看著你這個壞人 有什麼的吸引
殘酷至此 更讓我想靠近
心知要換個別人還是有人
如同前世欠下你的吻 還怎麼敢怒憤
已習慣親朋好友問我怎會為你等
學會講指因這種狠深得我心
喜歡你讓我下沉 喜歡你讓我哭
能待續獲得糟踏亦滿足
喜歡你待我薄情 喜歡你為人冷酷
若是你也發現 你也喜歡虧待我
我就讓你永遠痛愛著我/我願讓你愛上我更加多
和諧甜美永沒有天意弄人 有什麼的吸引?
誰待我好我就會不過問
偏偏碰著那壞人全部誘人
全球情侶故事也相近 寧願天昏地暗
要為錯的人傷過恨過 方算是勇敢
長世間不喜歡開心喜歡痛心
今日可能心情唔好,
所以好多野, 都好唔順眼咁...
食飯o個時, 真係好冇胃口~
一d肉, 我都唔想食~
但係媽咪死都要我食~
>_<"
上到網, 見到阿聰,
我同佢講...
我仲未收到佢叫我轉寄比阿敏o既card~
佢竟然話仲未寄...
有冇搞錯呀?
好唔滿意佢咁...
一d誠意都冇~
討厭~
可能我咁樣好似大反應o左少少~
但係真係好唔抵得佢~
又話當人o地係好朋友喎~
真係激死我啦~~v_v
晚晚都發夢, 原來係好累o架...
今朝又好早出o左去...
本來都好好o地...
但結果搞到好唔開心咁走...
我終於第一次, o係你面前喊...
點解成日都要比阿match影響住?
阿match已經係一個過去...
我有時會再提起佢...
但咁樣並唔代表我仲鐘意佢~
甚至咩野感覺都冇~
更可況, 佢永遠都唔會再出現o係我身邊~
就算佢出現~
我對佢, 都此情不再啦~
由始至終, 我同阿match之間,
都係我單方面咁鐘意佢...
佢根本冇鐘意過我...
宜家o係我心目中, 邊個重要d~
我諗你會好清楚我o既答案囉~
你同我講, 你怕佢會好似我咁,
突然出現返...
我會揀返同佢一齊...
不過我會覺得你咁講~
好唔信我...
唔通呢個幾兩個月以黎~
我都比唔夠信心你?
可能我再次出現o係你身邊,
你始終都覺得一定之前有d野發生...
我先會咁...
事實上, 真係純粹發現你o係我心入面,
原來暗暗存在, 仲在乎你, 會緊張你...
加上, 我唔想再玩~
我想要安定...
你就係第一個我諗起o既人~
所以上天注定o左我o地平安夜o個日見面...
我唔想我o地再會因為阿match而唔開心~
咁樣落去, 大家都會好辛苦~
既然你講過, 我o地o係埋一齊,
你會令我以後開開心心~
就唔好再諗以前o既野~
幾個月之前, 我仲未識諗...
宜家我唔同o架啦~
信我好唔好?
愛上你, 像你愛上我一樣...
都好耐冇試過同阿程以外o既人,
傾到成個鐘電話~
唉...提起傾電話~
好掛住細佬呀~~~v_v
細佬, 你又幾時啋返我呢個家姐呀~
好擔心你呀~
知唔知??
同加藤第一次正式傾電話~
都傾o左好多野~
當然, 我o地唔會無啦啦傾電話啦~
為o既...最主要, 都係玲玲~
兩個人相愛,
真係好微妙o架~
一定要好好珍惜~
昨晚又發夢...
夢見阿容, 真係好鬼死離奇...
事實上, 阿容係一個志蓮義工o既阿head~
大我好多好多大~ 結o左婚, 冇仔女~
係一個佛教徒黎~
我同佢都幾friend o架~
同佢傾計, 都會學識好多野~
絕對係一個好人黎o架~~ ^_^
佢老公 - 解師兄~ 都好鬼死玩得o架~
不過宜家好少見lu~
上次新年話就話會去志蓮做義工o既~
但係, 最尾我都冇去到~~
真係曳曳啦~~
都係講返個夢先...
o係夢入面, 唔知點解,
阿容變o左做阿程o既媽咪~
佢唔准我同阿程一齊喎~
好唔鐘意我咁...
不斷用計拆散我o地~
詳細o既內容, 就唔多記得~
總之就好驚下...
醒o左o既時候, 真係好想打電話比你~
不過都未起身o架啦~
所以就算數lu~~
岩岩發完個夢, 感受會深d~
宜家隔o左咁耐,
又冇咩野咁~
可能係因為, 我覺得冇可能同你再分開啦o掛~
經過昨晚一輪同功課糾纏之後,
宜家隻手好累呀~~
睇黎, 黎緊呢幾日, 都係唔好拎咁重o既野lu~
況且, 有重野拎...自然有人會同我拎o架啦~
今日上堂~
哈哈~~阿sir實比我o地激死~
因為我原本諗住帶手工紙返去襯色做功課o既~
點知手工紙入面, 附送o左一張教人摺花o既紙~
於是做做下功課, 我o地就轉哂摺花~
真搞笑...
但係, 我o地冇一個摺得出,
實在太難摺啦~~
個個摺到咁上下, 都放棄~~~~
嘻嘻~~~
放o左學, 就去o左阿程屋企...
事實上, 我有d唔係咁好意思成日上去~
因為影響哂佢o既屋企人咁...
不過阿程實會話...唔緊要o既...
哎呀~~唔知呀~~~v_v
大約3點, 阿程要返工,
咁我就返屋企啦~
一返到去, 就訓覺仔~
一訓, 就訓到食飯先起身~
仲要係好想繼續訓o個隻, 利害呀~~
今晚, 我搵o左好耐,
都搵唔到枝螺絲批...>_<"
搞到我做唔到一d野~
唉...仲有, 又未買到沙紙...
一切都未準備好...
好大機會~ 會趕唔切...危險~
今晚o既心情好低落...
可能係唔多夠訓, 又有d野煩~
又有功課未做哂...壓力大o掛...
昨晚成晚都訓得唔好...
訓下醒下, 所以搞到我都冇咩精神~
起o左身返學, 上埋o個堂死人工筆畫~
就更加唔掂...
谷姐姐把聲真係好煩~
聽到都覺得討厭...v_v
之後, apple講o左d野比我聽~
唉...聽完o左之後,
覺得自己幾冇用下~
因為我又幫唔到d咩手, 只係可以聽佢講...
無鬼用...無鬼用~ >_<"
食完野, 我去o左買野~
終於都買到啦~
不過工程似乎幾大~
阿哥已經話o左..如果要整得靚o既話...
幾日真係冇可能~
除非通頂o個隻不停咁整啦~
咁當然, 我唔想求其咁整~~
我想盡我一切o既能力整好佢~
希望我做得到啦~
之後, 拿拿臨返屋企,
繼續做民間藝術o既功課...
挑到我隻手指梗o左...又痛喎~~
慘慘~~
挑挑下~~覺得隻耳仔好痛~又唔知點咁...
跟住媽咪就叫我去睇醫生啦~
醫生話, 係因為我傷風,
所以有耳仔痛o既現象出現~並唔出奇...
返到屋企, 食完藥~
其實都已經好累~好想訓覺~
好辛苦~
不過...始終都要死頂落去~
因為我都仲未做完功課~
挑到頭先岩岩11點, 我先正式挑完~
基本上, 係應該要襯埋色上去o架~
但係, 都係算啦~
唔做啦~ 聽日上堂先做埋佢~
阿sir都唔會鬧o架啦...
今日真係好唔掂...
幾次聽到你把聲, 都好有衝動喊~
可能依賴慣o左...
當我心入面一感到唔開心o既時候,
就想有你o係身邊...
而只有你, 令我會毫不保留咁...
將真正o既自己放o係你面前...
有樣野唔記得講返...
就係昨晚訓覺o個時發夢...
夢入面, 我同程程啦~仲有輝輝老爺睇戲~
套戲係譚校長and張國榮做...
基本上, 都冇咩問題~~佢o地兩個做戲,
冇咩出奇o者~
但係個main point就係...
昨晚我o地三個o係架車度傾計,
咁岩輝輝較收音機o個個台,
就係播緊張國榮o個d舊歌...
仲要係我同程程都未聽過o個d~
即係話, o個個年代, 只有老爺出o左世~
証明佢老啦~~哈哈~~~
就係因為聽完, 所以搞到我發d咁o既夢~
幾邪惡呀~~v_v
今日都不知幾好訓,
訓到成點鐘呀~哈哈~
懶訓~~
之後就做民間藝術d功課~
不過就未做哂呀~
因為實在太難挑啦~
挑挑下都冇心機挑~
跟住三舅父一家就黎拜年啦~
過o左一陣~
我同阿哥就去灣仔join我表哥去睇電腦野~
再之後, 我阿哥就閃o左去打機~
我因為要去買d野~
所以表哥都陪o左我去搵~
但結果都係買唔到~
唉...
自己行o左一陣~
買o左d野食~ 又買o左d狗量比輝輝老爺o既狗仔食~
睇黎好似幾好味咁...
連我自己都想試下~
哈哈~~
到o左差唔多六點~
我就去阿程屋企啦~
由於太早o既關係~
佢又未返到屋企,
所以我就o係樓下等o左一陣~
我o地又出o左旺角行街街~
睇狗仔貓仔啦~
見到隻貓貓好得意o架~
買680咋~
真係好鬼想買返屋企~
但係, 我又點會過到我媽咪o個關丫~
如果唔係, 我晨早就養o左啦~
但係好彩, 第時有人肯比我養o者~~
今晚, 我又好似了解多d o左你...
我唔希望我只係同你拍拖...
我仲想同你分擔一切關於你o既野...
好唔好呀??
今日返學上堂, 都冇野做o既~
成堂都係睇雜誌~
跟住差唔多落堂o個時,
我同apple, 咖哩先出去交學費~
哈哈~~原來reception d女仔都幾好傾o架喎~
同埋我o地一齊講d 女miss o既是非~
真係邪惡啦~
放o左學, 飯都冇食~
就返o左屋企lu~
同阿哥坐o係廳聽歌同睇雜誌報紙~
冇幾耐, 佢個friend就上o左黎屋企...
再過一陣~ 我就去程程屋企lu~
原本...我係諗住訓覺o既~
但係...好明顯, 我係一訓就唔止會訓咁少o既人~
所以, 都係唔訓好過~
同埋有人黎屋企, 始終訓覺唔係幾好o既~
今晚食o左好多野~好飽飽呀~
心靈一d都唔空虛, 個胃又好充實~
仲有呀~~諗起d魷魚都好食~~
哈哈~ 買好o左生日禮物比我o既best friend~
要搵日約佢出黎先得~
又成個幾月冇見lu~~v_v
丫~好野, 以後去程程屋企,
有私家杯用~
係貓貓杯杯黎o架~
一人一隻~好得意o架~~~
另外, 仲印o左件貓貓衛衣~
又係好可愛o架~
開心開心~~
昨晚, 我o地經歷o左一d野~
了解又深o左...
原來彼此在對方心目中, 都好有影響力~
對住你有束手無策o既時候,
係咪又係一件好事黎o架呢??
輝輝老爺今晚講o左句金句...
就係...唔好搵個鐘意o既~
要搵就搵個冇咁鐘意o既...
好似係類似d咁o既野啦~我都唔係記得太清楚~
總之, 佢o個d, 都唔知係咩格言黎o既~
佢呢d思想, 真係唔要得~v_v
唔怪得之, 搞到宜家咁啦~
唉...四月媽媽...
睇怕都冇望lu~~
開心~~
我個網頁已經有2000人黎睇過啦~~
多謝哂~~
希望大家以後仍然繼續支持我...
突然之間, 我諗番起一樣野~
係一件唔開心o既事~
上年o既一月最尾o個日,
同阿match講好o左一齊...
到我生日o個日, 我o地就結束~
其間單方面的感情交流~
折磨了我好一陣子~
我沒法令你愛上我,
係我失敗o掛~
um...竟然我o係今年o既一月三十一號,
忘記o左呢件事~
到o左今日, 先記返起~
而且, 冇咩感覺~
原來忘記一個人, 一d都唔難~
係我自己o個時太執著o者~
真正忘記...就是別人提起的時候,
什麼感覺也沒有~
到有一天, 再街上遇見他~
都沒有心跳的感覺~
到時, 你便是真正忘記到一個人了......
正日應該約唔到佢~
咁一係之前o個日, 又或者係之後o個日~
哈哈~~
我已經諗到買咩啦~^_^
昨晚12點幾~ 阿程原來仲未訓~
佢打電話比我喎~
傾到大家都眼訓先收線~
咁先似樣o架嘛~
點幾訓, 差唔多啦~
唔早唔遲~
大家又估下我幾點起身丫?
哈哈~~成12點先起身呀~
好鬼死好訓~ ^_^
起o左身, 我就好努力咁做工筆畫d功課啦~
用o左個幾兩個鐘做~
雖然係求求其其咁做~
但係都算係咁啦~~ 仲想人o地點喎~~
跟住, 我又整o左d野~
今次好好多~
哈哈~~掂啦~
係就係咩o左d~同埋個外觀唔多掂~
不過, 我相信人o地唔會介意o既~
去海防博物館影d相哂o左出黎啦~
v_v
一d ok~
一d 唔多掂~
咁應該都唔洗去影過o既~
交10張, 應該都會湊夠數o掛~
當一個人感到寂寞~
點樣做, 先會唔再寂寞呢?
去玩?? 有咁盡玩咁盡?!
定係去享受一下寂寞o既時候...
順便好好咁諗下點樣去令自己開心~
我係過來人, 以前我會選擇去逃避~
所以問題一直係咁積累落黎~搞到自己成日都唔開心~
每一個人, 雖然都係一個獨立o既個體~
但並唔代表, 你身邊咩人都冇~
好多人都會因為你唔開心而擔心~
你將呢份心情帶埋比佢o地,
似乎會係一種幾自私o既行為~~
快樂不快樂...
其實真係有得揀o架~
我揀o左快樂, 你呢??
今晚悶到暈...
icq都冇人online o既~
阿程晨早就offline去訓覺~
冇理由我12點都未夠, 又去訓o架~
所以, 都係照on住line~
等下楠楠~~
不過佢仲未出現呀~
d 阿哥又唔o係度~
總之, 得個悶字~
搞到我又去o左gameeast打麻雀~
但係, 成日都輸~
都唔好玩o既~~
冇哂mood~~
開始覺得, 過d太正常o既生活,
似乎唔多岩我~
早睡早起~~身體好??
唔係o掛~
我唔得o架喎~
聽日無論如何, 都要做功課tim~
點算~~?
真係唔想做~
唔想做~~唔想做~~
唔想做呀~~~~~~~>.<"
踏入二月,
在日曆表上, 畫上了很多圈圈...
來提示自己那些是特別的日子呢~~ ^_^
昨晚臨睡前同阿程傾電話,
佢同我講o左一d令我都幾難受o既說話~
搞到我咩mood都冇哂~
咁當然, 佢不斷咁tum番我~
但係我昨晚都係冇原諒佢~
直到今朝, 佢再tum我, 我先冇再嬲~
仲去o左搵佢食飯仔tim~~
其實, 真係冇咩值得好嬲~
而且, 好似係我自己衰先~
佢嬲我先岩~
不過到頭來, 反而係我嬲~
真係唔公平~~>_<"
本來, 今日諗住做功課o既~
但係間房似乎太亂~
所以我就的起心肝執下佢啦~
今日好乖乖咁...幫埋媽咪吸塵~
簡直係出奇...
平時我都唔會做呢d野~
近來真係唔知搞乜, 做埋哂咁多住家野~
好有問題tim~~
我終於都諗到啦...
諗到d咩~~??
唔知呢~~唔話比你o地知~