AUG
02
May
Jun Jul
Aug Sep
Oct Nov
Dec
03 Jan Feb
Mar Apr
May Jun
Jul Aug
Sep Oct
Nov Dec
31/8
shit, 點解個個部機有9gb,
我果部5gb???
痴線,
唔怪得慢咁多啦。
我頂唔順咁慢, 我決定忍痛剷哂我所有既mp3,
嗚嗚嗚~~~
冇喇冇喇,
咩都冇哂...剷哂先得果1.66gb可使用空間,
痴線~~~
咩事我部機愈來愈慢???
放工成家出左尖咀做腳底按摩(除左daddy),
哇...痛呀..不過對身體好,
冇計!!
之後比人屈左請食lunch,
食完家姐返part
time, 我,
mummy同ivan就去左睇3X,
主角几型啵...不過套戲就誇張左少少,
都几好睇既~~~
睇完去左行永安,
買左好多野,
終於買到枕頭喇...希望唔洗日日起身就頸痛頭痛啦。
行到成九點几先去打邊爐,
食到成十二點几,
不過我都食唔落野,
等埋家姐放工就落左松記食糖水。
當你試過冇錢既滋味既時候係几咁慘,
几咁可憐,
你身邊既人點對你之後,
你就會好珍惜你既錢,
亦都好清楚將d錢點用,
同點對人。 留返d錢係到點都好過買呢樣買果樣,
起碼有起事上來都有個錢旁下身丫,
係咪??
冇錢真係好慘...
30/8 蕭亞軒演唱會
今日冇啦啦比亞媽昆左去陪佢睇,
因佢朋友臨時唔得閒,
係電話仲話係150啵,
點知同ivan食完飯上到車睇下張飛,
@@第36行??
我印象中好似最高得30几行,
我地坐36行,
咪即係山頂???
damn it~~~ 不過講真又ok啵,
好似去左party咁,
佢跳舞真係好掂,
嘉賓有edison,
何韻詩,
shine, edison真係好型,
佢係咁rap,
yoyoyo~~~ 跳舞勁型,
我愛死edison。
當shine唱祖與占時,
亞媽呆左望住我,
佢話點解你會識唱呢d咁既歌?!?!
我話update丫嘛,
哇哈哈^^
上到喇上到喇(暫時),
唔知聽日又上唔上到啵...
今日一早打去netfront問研究到未,
佢話某部份既ip係上唔到icq,
痴線~~~
咩事呀?!?!
佢話icq
block左某部份既ip唔比上,
我話icq
only block你呢間公司既ip?
佢話唔係,
你上so
net d discussion group都睇到佢d客都係咁上唔到啵...
ok, 信你~~~
砰一聲快d幫我攪掂啦,
大佬!!
NO ICQ=NO LIFE~~~
29/8
今日應成左亞bay出左糧請佢食飯,
因我實在欠佢太多喇...
放心啦,
我會比餐好既你食既,
哇哈哈~~~不過點都好,
你唔洗特登夜媽媽打來話我知你未死啵,
你知我有几咁掛住你就得啦,
嘻嘻^^
夜晚bonny打來叫我落去飲野,
傾左好多野,
攪笑!!
由琴晚開始已經on唔到line喇,
但成12點几就on到,
好啦,
算喇~~
點知今日又係咁一返到屋企上到網但係都上唔到icq,
打去hotline問啦,
佢話佢今日已經接左几個client電話又係話上唔到icq,
佢話唔知點解係都上唔到個icq
server啵,
佢仲研究緊啵,
damn it~~咁我點算,
係人都知icq係我生命既原動力,
呢次大獲喇,
點算點算, 十萬個點算?!?!
有冇人可以救救我呀???
天啊~~~~
快d比我上返icq呀..嗚嗚嗚~~~~
>.<
28/8
本應今日亞俊約左我睇戲,
點知佢條女係到煩煩煩,
真係嬲到我喊呀,
白痴拍拖拍到咁不如唔好拍啦,
而家拍拖咋,
又唔係結左婚,
even結左婚都可以有自己既朋友呀??
唔係同朋友出下街都唔比呀??
低能,
而家出街好似講到我同佢偷情咁,
低智能!!
約我果個又係你,
唔得就唔好約我啦,
成半年冇見諗住出下來睇戲食飯啦,
頂~~~
條顛雞發下顛就咩都唔得,
麻q煩。
最後我決定唔q去,
費事d人睇完戲又趕住走呀,
死白痴。
你地散左先好搵返我呀。 之後上左亞麻到食飯,
食完就同mummy一齊返屋企。
27/8
心情頗佳
今朝成八點半先起身,
之後飛身沖涼洗頭出門口,
我今個月已經一早爆左quota,
so又要扣人工lu,
shit>.< 成日個人都好眼訓,
仲要比jacky
non-stop聽kelly同一首歌十萬次煩,
真係好辛苦,
聽到佢首歌我想死, 求下你放過我啦.... 聽第二首得唔得呀???
放工suki突然問我係咪返屋企,
咁當然我係啦,
之後佢就叫我陪佢食糖水,
食食下有個大陸女人入來,
拎住個未拆袋柄膠袋既手袋,
好似做show咁,
佢覺得自己好威咁啵,
最攪笑佢就好大聲問,
唔知呢d鐵會唔會生誘呢?!?!
我即時忍唔住笑,
爭d連糖水都噴埋出來。
佢不停係咁將佢用緊個袋入面既野換落去個新袋到。
佢袋入面係好多明牌呀, 不過我覺得係A貨囉。
佢最攪笑係用個皮套裝住本回鄉証,
佢話咁樣冇咁易爛啵,
都岩既~~~
佢爛左就麻煩lu。
佢到走時都冇將套係個袋柄上既膠袋拆開。
可能佢驚易整污漕啦。好難得買到個新袋丫嘛,
哇哈哈
食飯過後要幫daddy
mummy手洗廳部冷氣機,
大工程咯...
好辛苦咁搬開哂我個大本營,
順便執埋d衫,
原來我真係好多衫~~
比daddy
mummy又話我多衫。
但點解咁多衫都成日著來著去都係著開果几件??
貪方便囉...
就來比人禁止再買衫喇我。
26/8
亞york回歸日
今日亞york回歸itok既日子,
我地當然勁問佢拎手信啦,
佢買左d手"呃"同介指比我地d女仔,
呵呵~~
我果隻特別d既,
係亞yorkyork揀比我,
yeah~~~ 都係亞york好~~~
抵我平時對你咁好~~~
今日仲係好眼訓,
老喇個人唔可以捱咁多,
可能之前兩日行街行到嘔電,
又唔係好夠訓啵,
所以真係好累。 放工同winnie,
maggie又落左樓下買野食,
因我要買返上次既西柚味百力滋比家姐食。
之後行行下亞俊打來,
點解每次都咁低能既我地?!?!
想約我去睇戲??
係咪架,
咪玩我啵...
之後傾到我返到屋企就收線。
返到去等mummy煮完飯,
就叫醒daddy食飯,
食食下,
daddy爆左個秘密我知,
佢話琴晚佢地酒店既人係咁係到睇酒店入面既錄影帶,
佢話佢睇睇下咁熟口面既,
原來係一個明星。
仲話佢由下午四點入房,
成晚上十一點几先走??
咁耐?!?
唉...唔方好野啦...
仲話個亞嬸check房時,
仲串果個人,
亞"蛇"小姐,
你件衫掉轉左著啵。 daddy既同事唔甘心,
要去搵証據,
佢地入到去搵垃圾桶,
發現有兩個用過既condom??
唉....
shit 食完飯,
唔掂,
好眼訓,
閃左去訓,
點知訓訓下,
有個人打來,
原來係...亞虫,
當時嚇一嚇我,
到而家仲係好似好驚呢個人咁,
佢話冇呀,
打下比你之嘛..哇..
25/8
掛住亞york第五日
今日起身就同daddy
mummy去左行街街,
哈哈~~
買左好多衫,
勁開心,
今日daddy做左老闆,
今日買既所有野都係daddy比哂錢,
yeah~~ daddy買左三件衫比我,
哇哈哈^o^
而我地都有揀左件衫比家姐,
當我打比家姐話佢知呢個喜訊時,
佢勁superise囉,
佢話咪玩啦,
daddy比錢買?!?!
我話係啵,
佢話咁先驚啵...哈哈
笑死^^ 不過琴日同今日都行得好多路,
所以個人覺得特別累,
好想訓覺*_*"
今日係大少離開香港既日子,
琴晚係icq見到佢,
留左d
mesg比佢,
不過可能佢忙緊執行李,
so冇reply我,
但今日一開icq就睇到佢d
mesg, 唉..真係有d唔捨得,
睇到d
mesg都眼濕濕,
希望佢努力讀書啦,
嗚嗚嗚~~~
亞york今日返香港,
應該聽日返工啦,
唔知條友有冇買手信呢??
佢話過買兩份比我架啵...
哈哈~~
我話左我會每一日都掛住你架啦,
yorkyork, 係咪好感動呢???
嘿嘿~~
你走左咁多日,
我就掛住你咁多日,
問你死未?!?!
24/8
掛住亞york第四日
琴晚訓唔著,
成五點先訓,
所以今日十二點几起身都仲係好眼訓。
之後約左maggie同suki係金鐘地利店等啦,
點知去到人影都冇隻就打比maggie啦,
點知佢話佢到左,
我話我都到左但我見唔到你,
點知原來我去左B出口果間地利店,
而佢就係E出口既地利店,
真攪笑呀,
以前返學都只係記得B出口果到有間地利店之嘛。
點知佢有兩間啵。 等埋suki來到就去左大家樂食野,
之後我地行錯路去搭車,
行左好多冤枉路先搵到bus搭入去stanley,
去到我第一時間幫家姐拎左鞋先,
費事一陣唔記得,
之後行行行...佢地兩個都有買野,
而我只係入去幫家姐拎鞋0者,
咩都冇買到。
行到累就去老麥飲野食雪糕傾下計。 再出去影下相,
笑死,
我影左張低能相,
我影既時候周圍既人望住我笑,
諗起都覺得白痴。
之後又坐左係到傾計。 傾到成七點就搭返車出去。
今晚亞花本應放九點,
但突然可以早走,
所以佢即打來約我食飯,
呢個好朋友真係唔話得喇,
講起上來都好耐冇見亞花喇。
我地返左jordan食sushi啦,
食食下佢突然話買左件tommy衫比我..
我呆左我話下...買比我??
佢話係啵,
買左藍色比我,
而佢就買左卡奇色,
我話係咪一樣款架佢話係呀,
呵呵~~好開心呀...
抵我請佢食飯,
哇哈哈^o^
之後我地講起買野,
即刻埋單去左永安,
點知去到冇,
激氣>.<
但我地兩個差d又買野,
好在有亞花禁住我,
唔係我又洗500蚊lu。
23/8
掛住亞york第三日
今日差人叔叔上來公司搵我落口公,
我以為會好快,
點知足足用左兩個鐘來落口公,
佢就好似人地會考咁作文,
足足六大頁紙,
有佢寫就冇我講,
我一講佢就截住我唔比我講,
佢就以佢既理解來作文囉,
我都唔知佢係同我作口公丫,
定係同我落口公。
落口公要問我咩鄉下,
工作範圍,
一個月搵几多,
同讀書讀到咩程度??
關呢d咩事呀,
大佬?!?!
好似我係犯人咁既,
而家我幫警方手協助咋啵,
玩咩...
我係房入面就係咁恰眼訓同玩手指,
唉...簡直辛苦呀....
我情願出返去做野呀。
多謝maggie幫我救返棵開運竹,
佢個樽好靚丫。
唔係我棵竹都唔知點算好喇^^
放工出左mongkok搵亞bay,
點知我一入佢就一出,
撞到正,
之後去左搵家姐開單,
攪掂哂就過返causeway
bay食飯,
上左times
square既eureko食buffet,
位位200蚊,
肉痛死我喇...
我冇咩食野,
其實係食唔落,
心情唔係咁好。
之後落左上環蒲個基場,
點知...冇人..之後再上返蘭桂芳27樓,
哇....細到根本即刻想走,
坐左一陣就走左,
我搭返van仔返jordan,
返到來都成兩點几喇。
心情好差...
原來"你比左十蚊出來,
唔代表人地一定會比返十蚊你"呢個道理係真架。
一個係咁, 兩個係咁,
連第三個都係咁??
唉...點解成日都係咁??
我真係好想知道...
其實係咪我個人問題?
係咪我對朋友唔夠好?!?!
當你知道你既朋友唔再好似以前咁對你咁好咁鍚你既時候,
你真係會好down,
果一刻會覺得好無助,
好難受,
會不停咁問自己有冇做錯,
諗自己邊到出左錯。
呢一刻呢一個人可能會對你好好,
但下一秒鐘可能佢會對另一個人好而忘記你既存在。
有冇人可以答到我人點解會咁善變??
定係人根本就係貪新忘舊?!?!
原來做朋友真係會有偏心,
會分輕重架。
當你將一個人認定係自己既好朋友既時候,
而人地就認定左你係次等既朋友時,
你真係會好hurt好hurt。
點解永遠我都係次等?!?!
22/8
七月十四~~
掛住亞york第二日
琴日家姐又買左個key
holder比我, 之後又收到card叫我去拎parcel,
勁開心..所以今朝晨早彈起身,
8點鐘出門口行去post
office, 哈哈 拎到份禮物喇,
super開心, 係一件tommy衫,
不過係長袖,
不過件衫都几靚啵,
所以今日心情好好,
嘻嘻。 今日都係好free咁,
冇咩野做囉,
不過有個警察叔叔打來問我野,
唉...約左佢聽日11點到上來公司傾埋d野,
我驚我講錯野,
咁大件事唔係應該boss會出面咩?!?!
點解會叫我去,
而佢唔去??
唉...
琴晚插到刺,
手指仲腫起左,
maggie叫我夾開d肉夾返條刺出來,
嗚嗚嗚~~~好恐怖好痛,
好在都夾左佢出來。
放工同suki,
winnie亞faye去左買野食,
我地買得好開心啵,
哈哈哈 之後suki就同我返jordan佢去買野加叫我陪佢食糖水,
之後我等埋daddy
mummy一齊搭taxi落返尖沙咀美麗華join埋家姐同ivan食飯,
今晚我地去左食川菜,
唔平囉..
5個人食左唔算多野埋單係850蚊....
好在唔洗我比錢0者,
呵呵^o^
唉..
我係台灣買返來果棵開運竹呢,
前几日唔小心打爛左,
有少少唔開心,
希望佢唔好死啦,
我極力搵野養返佢,
但係maggie比左個罐我,
點知裝裝下,
成台都係水,
原來個罐漏水架,
嗚嗚嗚~~~~
有冇好心人救救我棵竹呀????
21/8
掛住亞york第一日
今日yorkyork同小丸子一齊去北京既第一日,
我話過我每日都會咁掛住亞york架,
哈哈哈^^"
唔知點解小丸子唔係到呢,
特別開心,
特別輕鬆啵,
今日好早就做哂d野,
係到呆坐。
個個欏正牌訓覺,
由其係我隔壁果位楊小姐,
今日訓覺一定唔怕啦,
冇人周圍巡喇。
放工我地三個搭taxi去,
點知一個人都未到,
攪錯呀,
連係九龍灣做野果位andy
kwok都遲?!?!
攪錯呀...
之後我地去左食日本野,
我地几個請andy
kwok食飯囉,
因佢有coupon買平飛囉,
今晚睇戲位位20蚊雞,
今晚睇左一套唔似鬼片既鬼片"三更",
唔知佢講乜又唔恐怖,
可以講悶囉,
但係坐我隔離果位molly竟然大叫,
之後我地成班笑,
哈哈哈....
之後我搭van仔返屋企,
差d撞車,
嚇鬼死我呀>.<
返到去等mum同家姐落街燒衣,
之後返到屋企再燒多一次,
點知我比支蠟燭既竹插到手指,
痴線,
痛死我..
都唔知係d刺插左入去丫,
定係插損左。
20/8
好眼訓
唔知咩事,
呢几日勁眼訓,
訓來訓去都唔夠既,
lunch後一定要恰一恰先夠精神,
好辛苦呀>.<
今日公司冇咩野發生丫,
都係講緊andy個嘉藝寶姐姐之嘛,
佢都有今日喇,
平時只有佢串人,
呢次個個都報哂仇啦。
可能眼訓啦, 所以心情都唔係咁好,
都唔係咁想講野。
放工返屋企, 媽咪煮左d粉比我食,
唉...食到傻,
日日都係食蜆殼粉,
食到厭喇。
之後係咁幫亞媽接衣紙...哇...接接接接...接到我傻左@_@
yorkyork聽日要陪亞小丸子去北京喇,
我話過你走左既每一日我都會咁掛住你架..kakakakka
死仔,
記住手信呀...
你話過買兩份比我架,
你唔好唔記得呀下...打獲你架,
yeah!!
19/8 氣死
我想係到重新講一次,
我唔係因為邊個唔去而取消個bbq
gathering啵,
唔好屈我,
唔該..
係因為我覺得冇癮同比人玩緊啵,
次次都係咁,
唔攪又話唔攪,
到攪時個個都話去去去,
勁熱衷,
到我攪掂哂所有野喇,
就一個二個走來話我唔去得喇...
哇....完全個個都好似唔洗負責任咁。
一句話唔去就咩都得,
究竟有冇尊重過人架??
你地應成人地去之前唔係應該清楚自己果日有冇約人或者有冇野做架咩???
今日好頭痛,
仲好似有少少發燒tim,
所以勁食panadol,
都好似冇乜用咁,
lunch只係食左沙律就已經想想地嘔,
所以我決定訓一陣,
哈哈...叫我個好朋友maggie幫我睇水,
平時我都幫佢睇得多喇,
今次應該都輪到佢啦,
因我實在太唔舒服喇。
放工亞花打來搵我飲野,
所以我叫佢同埋我同媽咪食飯,
之後我地去左食sushi,
正呀....我至愛sushi...呵呵^^"
之後仲去左屈臣買野,
揀左好耐先買到.....
返到屋企icq
George, 原來佢寄左d禮物比我,
shit...仲未收到...我好驚呀...大佬,
你點都好一定要寄到我手上呀...嗚嗚嗚~~~
次次寄親野都好似收唔到既....
Geroge打idd比我又打唔通,
頂!!
點解idd都打唔到入來呀,
玩野咩??
有緊要事咁點呀??
所以我打返比佢,
哈哈,
同佢傾電話又可以練英文,
好在我d英文唔差0者,
我講佢又明,
佢講我又明,
溝通到丫,
哈哈 如果我d英文好似以前George來香港果時咁好就very
good喇,
希望George真係可以係十二月再來香港啦,
哇哈哈
18/8
大昏迷
今日訓到成下畫三點几四點先起身,
之後食左碗粉就食藥,
不過仍然冇乜胃口。
點解星期日既電視節目咁悶,
比d新意得唔得???
蒲完一晚簡直死左几成,
成日留係屋企休息休息,
成個人都唔想郁。
17/8
心情再次低落
不停咁聽,
唉...
點解可以咁做,
我真係唔明,
又或者掉轉係我既時候都會可能咁....
真係好難理解。
希望現在既日子你真係開心,
而唔係扮出來比我地睇。
放工即返屋企,
牙繼續痛,
痴線,
几時先可以完全唔痛呀,
白痴???
咩事今年身體差成咁?!?!
今年要我洗錢還洗錢丫,
都唔洗要我受埋呢d咁既苦呀,
低能...
下畫訓左一陣,
唔訓今晚一定勁辛苦。 熟睡中,
比law記一個電話打來嘈醒,
咁就訓唔返,
真辛苦,
唯有睇下電視啦,
之後媽咪煮左d粉比我食就出門口,
join埋law記先上去,
個場ok啦,
不過比較中國feel多d囉。之後就開始做野,
都ok忙丫,
可能第一次就比較混亂左d囉。
個個來齊時,我心郁郁閃左去玩,
哈哈哈~~~
之後勁嘔大行動,
嘔到胃都反埋,
痴線>.<
完場就成班返左jordan飲野檢討。
之後火速返屋企訓覺,
好眼訓 ZzzZzzZzzzz
16/8
阿門
"我不覺得 熱戀中的你存心去玩
大家都針對你 一起感嘆 情侶是我揀
我只覺得 大家得不到才對你紅著眼
甚麼很濫 甚麼不濫 真愛是拆不散...."
今日聽左十萬次,
唔知點解每次聽到呢隻歌,
我都好唔開心,
一聽到就諗起呢隻歌好岩你聽,
歌詞寫得好似你既心聲同你既經歷。
放工同亞bay去左新蒲崗任食sushi,
不過我地都食左好少,
唔知咩事,
我去到就想嘔,
可能之前食藥冇食野,
所以唔係咁舒服。
點解次次我地食親飯我地都有攪笑野??
車...我以前都係咁"bear"飯啦,
之後就有人係咁"叮叮叮"
痴線,
你想講咩呀??
冷靜果個應該係你,
唔係我囉,
哇哈哈^o^
之後返左屋企,
bonny打來叫我落去義順同佢&victor飲野傾下聽晚既野,
去到我地改策略,
希望真係work啦...
其實我好緊張,
唔知會點....
i want save more energy for tomorrow nite..... 哈哈,
之後返屋企,
sleepy落樓梯接我,
好攪笑,
夜晚sleepy仲型,
係出面走左隻小強入來,
sleepy捉小強啵...真係勁呀佢...
15/8
折線
琴晚唔知咩事肚痛到醒左,
起身柯左兩次,
之後可能太眼訓啦,
繼續訓~~
點知今日返到公司又柯多兩,
三次,
都唔知咩事,
即時拍几粒喇叭牌先,
驚一陣整整下牙急起上來咪大獲@_@"
放工媽咪陪我去睇牙,
點知我地差唔多6點9到,
但等到成差唔多成8點先到我,
痴線...
咁我book來做咩??
大佬我book7點架,
我仲早到,
遲來果d仲睇先過我,
係我前面果家人真勁呀,
一入三個入哂,
入左去成個鐘都唔出,
佢地應該係三個一齊整,
低能,
等到我興呀真係...
又痛啵...
我一痛就燥架喇個人....
入到去,
折埋d線,
之後我勁話好痛好痛,
醫生就話同我打針,
我一早預佢係打入牙肉,
頂,
佢叫我入房打針,
我以為咩事,
原來打pat
pat啵,
仲要入房打??
好攪笑,
之後醫生收左我100蚊0者,
好在好在丫...
希望快d好返啦,
我真係頂唔順喇,
痛足成個week喇..
你放過我啦...可以嗎??
睇完就同媽咪飛的落mongkok
join埋家姐齊食日本野。
14/8
放下心頭大石
唔該你啦,
話我就係我面前話啦,
唔好再係我背後話啦,
死白痴。
到時睇下我剷唔剷你上天花板再跌返落地下再返上去,
弱智...
做人做到你咁,
去死啦。
今日d時間都ok過得快丫,
都係咁,
一日去漱几次口。 琴晚用左d咩西瓜霜好似好左少少,
冇之前咁痛,
希望快d好返啦,
真係牙痛慘過大病呀。 放工同york,
alvin搭地鐵返屋企,
成程亞york不停咁串我,
激氣>.<
今日終於決定左地點bbq喇,
我仲book埋位tim,
希望唔會熱啦到時。
青蛙打比我話大約6-7個去,
d keith, tony都去??
好在0者,
我都唔洗再咁擔心,
希望真係去啦,
唔好放飛機呀。
唔係我好大獲架...老闆!!!
13/8
今朝落街買左5蚊3個雞尾包食,
抵呀!!
上車食左包就係車食埋藥,
之後返到公司唔想做,
但係好多野做>.<
lunch食埋食剩既雞尾包就當lunch,
抵呀,
一日兩餐夾埋都係只需10蚊雞。
今日大佬fred sick
leave, 我同winnie既第一個反應都係唔信佢真病,
可能佢打機打得夜得滯0者,
哈哈哈^^
lunch時決定24號去bbq,
地點仲未決定。 放工快速閃人,
約左mummy同daddy去食齋。
返到屋企同媽咪試下個新洗衣機啦, 我同佢都勁驚個洗衣機漏水啵,
哈哈哈 我地好似好"learn"咁望住個洗衣機,
好似好新奇咁。
12/8
好似好耐冇返工咁,
好掛住所有既同事唷^^
我相信佢地都好掛住我0者...哇哈哈
lunch時去左買粥返公司食,
食完個口仲痛,
唉...不停咁問人拎止痛藥食,
食左都冇用,
放工砰砰聲飛車去搵牙醫,
約左六點半,
準時去到,
但坐到成八點先可以到我睇,
痴線~~
多人多到咁既,
雖然我知佢係出名,
但都唔洗咁多人去睇既。
開頭睇時都驚驚地唔知會有咩事,
點知佢睇完就話我知個原因係因此聯針條線中間生左粒巨型"飛之"
所以我痛到咁,
佢話可能係我食野或講野時條線介傷左d牙肉,
所以咪生"飛之"囉,
我即問佢我用"李司得林"漱口有冇用,
佢話比我知,
係冇用既,
即時嬲嬲地,
因今朝仆去7-11買,
哼...浪費左我成廿几蚊。
之後佢提早同我折左一條線,
茶左d野係粒巨型"飛之"上,
我即時覺得舒服左好多。
之後佢比左三日藥同好多漱口丸我,
埋單只收50大元,
好在佢唔係話500咋,
嚇死我>.<
11/8
好煩~~
今日一早比一個打來唔出聲既電話嘈醒,
之後訓唔返,
起身睇下電視,
玩下icq,
諗下野。 之後有人送洗衣機來,
就咁掉低係我個廳到,
好大舊仲好重tim。
之後落左mongkok亞麻屋企,
之後落左街行左一陣去搵家姐,
買到我一直要買既野,
就係correction
pen喇,
四蚊雞,
好!!
之後食完飯睇miss
hk, shit!! 我鍾意果個入唔到三甲,
攪錯呀~~
10/8
仲係好痛
今日都係係屋企休息,
但係仍然都係好痛,
可能仲發緊炎,
食極藥都痛,
點先可以唔痛?!?!
訓訓下覺有人打電話來話收洗衣機,
仲要兩個字即到?
哇,
勁怏,
砰一聲起身著返衫,
等佢上來,
但我個樣仲係岩岩訓醒樣,
頭髮簡直係亂。
之後食屋企食飯,
十二點先再出蘭桂芳,
傾左好多野。
其實做起上來, 原來真係好難。
之後四點几返左屋企,
上網search下d野,
好在比我搵到,
不過...唉....唔知可以點??
9/8
休息中
唔知係咪琴日用得太多energy去承受痛楚,
所以個人好累,
琴晚又唔敢訓,
怕整到個傷口,
又訓得唔好啵,
所以今日成12點先起身,
一起身當然係同d關心我既朋友講聲啦,
費事佢地擔心我啦,
不過都好開心有咁多人關心我啊,
實在太感動喇~~~~
亦都好多好友話等我好返請我食飯,
多謝多謝^^
你地唔好賴貓啵...
係我咩都唔食得既時候,
個腦就係咁飛d野食出來,
蛋撻,
sushi, 燒賣.....
etc 痴線!!!
成日只可以食mummy煲既魚粥,
之後mummy打返來叫我食雪糕。
好在今日已經冇琴晚咁痛,
可以講到野lu...
勁開心,
我發覺唔比我講野唔比我笑,
我會好辛苦架啵>.<
全日就係到icq囉,
咩都up得一餐,
睇電視囉,
頂,
諗住有日可以留係屋企睇下cartoon片啦,
點知,
完全唔好睇又睇唔明,
嗚嗚嗚~~
我最鍾意睇既cartoon片啊.....
d人衰到呢,
親我野又唔食得k又唔唱得既時候約我,
仲串我食唔到sushi唱唔到k,
shit~~死三八
唔好有日比我知你又出智慧牙呀,
到時你求神拜佛你隻智慧牙出得靚d呀...哼
8/8
死期到
今日成日個人都唔知點咁,
今朝仲發埋燒tim,
好驚好辛苦,
個人震到唔知想點,
不過好多謝個個關心我既人。
我好感動啊>.<"
放工出左土瓜灣等埋男朋友就係美心食d野先去受死,
去到簡直有種就死既感覺,
入到去我勁叫好驚好驚,
佢係咁撐大我個口,
之後冇啦啦吉d野入來,
之後feel到痺痺地,
所以我知佢同我打緊麻醉針,
但係佢只打左兩支,
就叫我出返去坐,
一路坐一路同男朋友講笑,
我個口愈來愈受唔到控制。原來睇最後果個係我,
唉...
入到去,
我勁閉埋眼,
唔想睇到佢點攪我口,
痴線...打左麻醉針都痛既,
痴線痴線,
十萬個痴線。
打多支麻醉針唔洗死呀?!?!
不過我算快,
唔計打針我只需大約十分鐘到就攪掂左。
不過整完先係最痛, 點都好, 多謝男朋友陪我去。 之後我出左TST搵bonny同gary,
傾傾fab既野,
不過我都冇乜講野,
因真係好痛,
痛到頭痛既,
之後就返屋企,
返屋企途中我已經冇哂氣力,
返到屋企愈來愈痛.....
痛得好緊要,
好辛苦,
嗚嗚嗚~~~~
>.< 未試過咁痛,
痛到d眼淚自動流出既,
低能,
點解會咁痛架。
7/8
明天死期到>.<
今日仍然好肚痛,
仲好眼訓tim,
不過好多野做。 痴線,
我都唔知你返工有咩做架,
成日話忙,
忙住食屎咩,
咩都冇做到,
我唔問你唔追你既,
永遠都唔洗做既,
問親你你都話做緊,
同一時間做几樣野??
勁呀你真係。
聽日就去剝牙喇,
心仍然都係咁驚,
不過我都係避唔過呢劫,
總之驚啦,
十萬個恐懼>.<
放工出mongkok
join家姐同亞仔,
去左百老匯睇stuart
little 2, 都ok好睇丫,
睇戲途中白痴仔suki打來串我話佢同maggie又去左天后到食sushi啵,
哼...黑人憎,
好叻咩而家>.<
之後去左食sushi囉,
之後就返左屋企lu。
家姐買左個銀包比我,
多謝多謝,
哇哈哈哈哈^o^
6/8
仲有兩日
多謝各位好友既關心,
亦都多謝molly個mesg,
我希望我都可以好勇敢。
不過到而家諗起都驚,
雞皮都扯埋。
希望真係冇事唔痛啦,
好驚好驚>.<"
今朝起身個肚拿住痛,
諗住沖完涼會冇事啦,
點知沖完涼洗完頭仲痛,
痛到郁唔到,
之後仲勁柯,
shit, 所以返唔到工,
柯緊途中maggie打來,
佢肯定係問我買唔買早餐啦,
但可惜我柯緊,
所以叫佢transfer比winnie請假。之後係sofa同sleepy訓左一陣就不停咁比電話嘈醒,
訓唔到,
同大佬fred佢地傾icq,
大佬, 唔該你唔好咁痴線好唔好呀??
之後比亞花拉左出去唱k,
哈哈哈,
勁唱大行動,
我地勁扮christina,
哈哈哈,
到今時今日亞花都係咁似盧巧音丫。
5/8
好驚~~
琴晚訓唔著,
諗諗下係被到喊起上來,
嘈醒左家姐,
比佢話左我一輪,
佢講得岩冇人幫到我,
點都要剝牙架啦,
但係我真係好驚丫嘛。
新同事來左叫Alvin,
佢比我既感覺就係似男朋友,
唔止我一個係咁講啵。 下畫決定打電話去book時間剝牙,
點知一問原來我真係要開刀,
嗚嗚嗚~~~~
勁驚,
眼淚直流。 喊左勁耐,
真係好驚。
多謝你話陪我去,
但我知我去到實發顛架,
實喊到收唔到聲架,
我會攬住人喊架,
so費事嚇親你。
4/8
仲係一號風球
琴晚家姐part
time出左糧,
家姐比左一千蚊我,
不過都袋唔到落袋丫,
遲几日仲要嘔突出來剝牙,
諗起都肉痛呀。
今日同媽咪出左whampoa食擔擔麵佢比108蚊,
之後佢屈我比錢睇Scoobi-Doo,
好在90蚊0者,
嘻嘻!!
之後去左吉之島買洗衣機,
下個星期送貨。
佢又買衫,
我就係到陪親同比意見,
之後行到咁上下就係supermarket到買左d
sushi同一隻雞返屋企,
我同佢撐檯腳。
3/8
仲未有勇氣 >.<
琴晚到而家仲未有勇氣,
仍然都係好驚,
到今朝講起都眼濕濕。
點解我會咁細膽架?!?!
嗚嗚嗚~~~
我知even我點驚我都要去剝牙,
但係我仲未可以克服到自己去剝牙。
死啦, 唔知佢會唔會介開我d牙肉夾我隻牙出來再聯返針呢??
哇...
諗起都覺得恐怖呀。
好核突呀...救命呀,
點解個天要咁對我,
一年內比我試哂三樣我最驚既野,
一就係照胃鏡,
二就係剝牙,
三就係抽血,
玩我咩???
我几時先可以唔洗受呢d咁既折磨???
銀行既婆仔金亦直線下降哂,
呢樣几千果樣几千,
我既婆仔金就咁燒焦,
真係唔理佢係咪粟一燒。
呢排我身邊既人都好多唔開心野發生,
希望大家冇事,
身體健康啦。 suki,
放心啦,
冇事架,
記住我會支持你^^
放工陪yorkyork搭MTR,
原來新同事亞faye又搭,
so一齊。 亞york, even你帶眼鏡,
你都係天生一副淫賤相, yeah!! 晚上同媽咪去左亞麻到食飯,
去左wellcome買左好多野,
比亞媽屈左比錢,
哼>.<
之後返屋企,
睇電視edison好型好靚仔呀~~~
edison我愛你~~~~
2/8
Wilson, Happy Birthday
嗚嗚嗚~~~
好痛,
我頂唔順約左時間放工去睇牙醫,
未去已經驚定先,
去到簡直有種死既感覺,
又一次証明我真係好驚睇牙>.<
去到比醫生睇兩睇,
條友話你知唔知咩事,
@@哇...嚇死我,
我即問佢咩事呀,
佢話咁你都估唔到呀?
哇,
你玩野咩,
知既我就做左醫生啦,
之後佢話你咪出智慧牙囉,
不過出歪左,
之後同我照x-ray,
嗚嗚嗚~~~睇到隻死人智慧牙,
頂佢個肺~~
我話下..
點解我睇唔到又摸唔到隻牙既,
之後佢比塊鏡我,
搵兩搵就唔知係邊到搵到隻牙出來,
嗚嗚嗚~~~~
我自己都見到隻牙呀,
我即時想喊,
之後佢又拎本書比我睇,
本書係講出智慧牙既次序,
我望住本書聽住佢講既時候,
我已經眼有淚水,
即時咩心機都冇哂,
個人好down,
醫生見我咁樣,
即刻叫我唔洗驚。 唉...
但係點都要剝囉。
我真係好想死, 之後佢話比d藥我食,
食左之後睇下几時得既就約個時間剝左佢。
我出返診所坐, 坐坐下自己係到喊,
好驚呀我真係。
之後拎藥比左250蚊,
順便問下剝牙要几錢啦,
@@哇...
1500蚊剝一隻牙,
我更加想死。
返屋企途中已經流緊眼淚,
真係勁down。
飯都唔想食, 返到屋企媽咪打返來問我睇成點,
佢係咁話而家剝牙唔痛架,
個個都係咁剝啦,
冇野架啵,佢唔提都仲好,
一提我就驚,
我直頭拎住個電話係到喊。
收左線更加喊得利害,
嗚嗚嗚~~~~
痴線,
都唔知邊個規定人一定要有牙架,
痴線痴線十萬個痴線..
嗚嗚嗚嗚嗚~~~~
>.<"
1/8
漫畫展
今日好少人返工,
公司好靜, 好似冇左大少係到,
好似爭左d野咁。
放工即走去漫畫展, 數下人先,
有suki, maggie, theo, wilson, fred, jeffrey同我,
點解佢地一些驚喜都冇架, 妖!!
痴線勁熱, 熱到我濕哂。
好在今日都唔係好多人去漫畫展, 都接受到丫。
最大收獲果個係wilson, 佢實在太豪喇,
四百几買果舊野, 比我情願買衫好過呀。
之後去左灣仔一個街市食飯, 勁平,
位位29蚊。
d野都ok好食丫。
不過我牙痛得好緊要, 講野都唔想講。
笑又痛, 吞口水又痛,
合埋口又痛唔合又痛, 你想點呀??
而家塊面都腫埋, 痴線,
咩事呀你?!?! 好想喊呀,
好痛呀痛死人喇~~~~
>.< 皇上, 微臣好痛呀~~~
快d傳太醫來啦~~~~
嗚嗚嗚嗚~~~~
背景音樂:
容祖兒~~
小天使
