MaY
02
May
Jun Jul
Aug Sep
Oct Nov
Dec
03 Jan Feb
Mar Apr
May Jun
Jul Aug
Sep Oct
Nov Dec
31/5 大出血~~
今日十二點起身,
收到大佬fred既icq
mesg, 令我好驚,
原來佢一早比何狗鬧完一大輪,
星期一仲要等埋我開會,
慘喇呢次~~~
今次真係我錯,
d假order我睇漏眼,
我抵死今次,
所以決定採取死狗同認錯既態度,
唉~~~ 但係我冇可能識哂所有世界各地既地址架啵,
唔容許公司有bad
debts?!? 咁不如公司以後唔好收credit
card, 只係收cash同TT囉,
咁樣應該唔會有bad
debts既...
星期一就係我既死期~~~
嗚嗚嗚嗚嗚~~~~~
之後等埋媽咪放工,
我同daddy同工人就一齊去買神櫃,
之後搬返新屋,
之後再去揀窗簾,
之後再去黃埔jusco買野,
我訂左兩個大櫃,
要十四日內送貨,
頂~~趕唔切呀,
條友十下十下,
唔鬧唔得~~ 最終比我嘈到佢9號前送,
之後再買埋兩部房既電視,
再,買埋d床上用品,
哈哈哈~ 好似好低能咁,
咁大個人仲買cartoon公仔床單枕笠同被,
救命~~ 不過又真係几cute既,
之後再去埋華潤買埋部大電視就拎d野返新屋,
救命~~~ 雖然咩都唔洗我拎,
但我已經全身冇力lu~~
今日突然收到個sms,
一睇我成個人呆左出唔到聲,
實在太突然喇,望住個mesg果隻心情我真係形容唔到....
其實都几開心既,
牛肉..... 哈哈哈~~~
30/5
今日去禁錢,
check一check個balance,
我即時呆左,
點解個數字冇變既?!?!
諗諗下唔係咁大獲呀,
唔通自己洗哂呢個戶口既錢?!?!
冇理由架, 呢個月我都冇咩洗過錢,
心再諗係咪未出糧呢?!?!
禁完錢個腦不停咁諗,
頂...原來自己真係好白痴,
唔記得左出糧果個戶口原來係HSBC囉,
自己頭先果個係中銀囉,
頂~~~ 真係好低能
=.="
放工出左mongkok接埋黑鬼上新屋整野,
之後家姐帶埋工人一齊搬野過來,
哇~~~ 多野都不得了,
我都唔明點解可以搬到過來?!?!
之後上去整左d野,
我同家姐就去左搵亞yen,
嗯...我會繼續努力架喇~~
之後我就返上新屋接返工人,
買埋飯就返屋企食。
我學習堅強,
但每次提起呢件事,
我都控制唔到淚水湧出來,
其實呢件事上面,
比我知道左d野,
就算你對人几好,
點當人地係好朋友都冇用,
又或者係我本人真係有問題。
可能大家既緣份到此, 再強求都冇用.....一切隨緣吧!!
29/5
琴晚發生既事就真係好戲劇化咯,
突然收到個icq,
傾左几句就傾電話,
隔左一陣手提響,
call display係一個香港既一個住宅電話,
接聽時完全認唔出邊個,
講多几講, 先知係佢,
把聲真係唔同哂,
我仲好白痴咁問點解個call
display係香港電話,
哈哈~~ 原來返左來香港?!?!
哇...好驚喜真係~~
差唔多成年冇通過電喇,
感覺好好, 仲好似以前咁樣,
唉..... 冷靜d~~~
手提突然call
waiting, 望一望display,
哇~~ 咩事幹呢?!?!
一係唔打來,
一打來就湧住來,
想點呀?!?! 我完全唔識點應對,
只好亂up24咁,
咩同事打來問我野,
你等一陣, 咩岩岩電話入你等一陣,
哈哈~~ 我都唔知自己係到講緊乜野,
痴線~~~ 之後繼續傾,
哈哈... 車仔麵?!?
邊檔好好味?!?
估唔到你仲記得...
我死口話唔記得,
仲講左句"做乜請你食車仔麵"
條友死都記住呢八個字,
講咩都拉呢八個字來講,
最後佢又係發脾氣收場,
唉.....
明明話左唔再打來,
但都繼續打來,
你係咪玩野?!?!
繼續糾纏落去都唔係辦法啵,
點好呢?!?!
唉~~~ 救命呀.....
可能真係習慣左,
連佢自己都認係慣左...
我極之唔慣屋企多個陌生人係到,
亞麻個新工人來左,
但舊果個又未走,
唯有住係我屋企,
佢好似好鍾意做野咁,
乜都問我地洗唔洗做,
哇...我地慣左自己做,
完全唔慣有工人,
十萬個唔知點咁,
亞麻你几時可以接返個工人走呀?!?!
28/5
Time is Up...
終於解決左,
唔知係好定唔好....
我唔識形容,
我認係我自己問題,
先會攪到有呢一日,
親日子唔長解決左佢都係一件好事,
但始終點都係會唔開心同有d唔捨得,
但我冇得揀。 由頭到尾都建立唔到信心,
又點樣可以繼續呢?!?!
我認我係自私,
但當然我係有原因先會咁樣。
我其實都好辛苦, 因我唔知可以做d咩,
我只可以繼續咁抑壓著自己,
同時我可以講一句"無奈"
其實你鬧得我岩,
我永遠都只係識得逃避,
而唔識去面對...
對唔住~~~
我好清楚我份人既性格,
有d野係知道左就知道左,
唔可以去扮唔知,
明知人地既諗法,
但要扮到若無其事?!?!
呢樣我真係做唔到,
我亦都迫唔到自己去改變。
而家只可以隨遇而安...
27/5
一啖屎就一啖沙糖,
次次都係咁,
死淨把口架你真係,
哈哈哈~~~
你知應該點做?!?!
究竟你會點做呢???
學人話齋, 當比d時間大家囉,
睇下証唔証明到囉~~~
哈哈哈^^"
放工去左訂床同床褥囉,
之後行左一陣就食飯,
食完飯就慢慢行返屋企囉~~~
明天去邊食飯好呢?!?!
26/5
Betray~~
I get fucked, no
matter physically and spirit I feel very tired, gimme a break please… I dun
want pretend a stronger one nemore, want to be a normal one, shall I?!?! Who can
save me? Who can gimme a chance?? I got nothing to say…… let me alone…
whatever I did, also got nothing…
25/5
由於太累喇,
真係走唔到下場,
我同家姐就返左屋企,
返到來即訓
ZzzZzzz 呼~~爽呀
訓醒已經係下畫六點几lu, 發現我右面膊頭仲痛過琴日,
因為亞bay少琴晚出盡哂力去幫我按摩膊頭,
果一刻真係唔覺痛,
但而家好似比人打完咁痛 >.<
家姐出左街後我就自己一個係到發呆,
傾電話, 我真係累到唔想出去喇~~
哭了,
我真的哭了~~~~
我真係為呢件事哭了...
其實係我諗多左,
我唔知點解次次都係咁,
係開心既時候就會諗d唔開心既野出來攪到唔開心,
我係咪痴線?!?!
24/5 蒲呀~~
何狗又叫我入房bullshit一輪,
咩咁樣唔得架,
我知你有做野,
但做唔到個target即係冇做野,
咩唔想你做到唔開心,
野又做唔到出來,
每日要做哂daily
task先走... 咩好影響你既performance,
其實大家機會都係有...etc!!
我比佢既反應只係敷衍咁答 哦..嗯..係..ok..etc,
我想以最快既速度離開佢間房,
我唔想同佢講任何野。 而家入房比佢bullshit,
我已經當係我工作既一部份!!
做哂所有野就搭車出尖沙咀搵媽咪同mable飲茶,
我真係好肚餓啊,
坐低就食...d野凍哂都唔理照食,
我個肚不停發出d
koo koo 聲, 哈哈,
冇見mable咁耐,
佢竟然唔認得我@@"
話我瘦左, 哇~~
勁開心, 當然我地又係到研究減肥心得啦,
哇哈哈哈~~~
飲完茶就行左一陣,
mable走左之後,
我就同媽咪去左海馬訂床訂床褥,
點知去到, 嬲嬲地呀真係,
明明上次條友報我張床個價同而家個價差咁遠,
哼...低能,
興得滯, 唔q訂住,
只係叫媽咪訂左佢地d床褥就算,
我去第到睇下有冇第d,
之後媽咪陪我去左jusco行,
頂~~ d床又係貴左,
妖..咩事呀而家,
恰我呀?!?! 哼..諗緊買海馬張床定家姐張IKEA床,
但我又唔係太buy
IKEA既野啵, 妖..真煩~~
睇來都要死死地氣去返海馬買,
哼...激死我喇
~>.<~
媽咪約左auntie
angela去街, 而我就搭的士返屋企,
家姐買左小小野返來食,
但我就係sofa訓著左,
實在太眼訓喇=.=
訓醒望望鐘已經係八點几lu,之後隔左一陣就沖涼洗頭出causeway
bay join marsha同亞bay上teresa到,
等齊人就過ING,
入場要填form?!?!
要搜身?!?! 哈哈~~
門面功夫做得几好~~
跳左一陣又賴皮,
妖~~咩樹幹呀?!?
bonny又來左@@
哇~~ 果一刻我已經冇力去認佢..
只係坐係到去進入另一個境界,
之後同bay傾左好多野,
哈哈~~ 我仲係第一個知佢一個好重要既秘密,
嗯..放心啦,
你最清楚我份人係唔會喇叭咀架啦,
我唔會爆響口既,
努力啊你^^"
腰骨膊頭好痛好累,
先有teresa同din同我按摩腰骨,
後有bay同marsha同我按摩膊頭,
哈哈~~ 做妹真幸福,
有咁多姐姐哥哥照顧,
正呀!!
23/5 勁多人生日
放工去左尖沙咀食California
Pizza Kitchen, 果然好多人,
一早打去book位,
但已經full
booking, 勁呀呢間野,
但我地兩個死心不息,
點都係要食下,
睇下佢係咪咁好味,
好在今次唔洗好似上次咁等兩粒鐘,
今次只係等左半個鐘到就已經有位喇,
我地兩個叫左個pizza同pastas,
但都食唔哂,
大家都唔想浪費而夾硬食埋佢,
哈哈~~ 最終我都係冇食一舊pizza^^
之後就行返落jordan,
之後上左double
star飲野, 之後就返屋企lu~~~
今日收到個開心既消息,
不過又有小小擔心你....
不過點都係開心多過唔開心既咁就,
都算你啦..第一個就話比我知,
不枉我對你咁好,
哈哈哈~~~ 我係你心目中既地位當然唔輕啦,
傻既~~ 哇哈哈哈~~~~
脾氣每個人都有,
我相信我既脾氣唔會弱得過你,
只係視乎我會唔會對我既朋友發脾氣~~~
或者你根本唔當我係你朋友.....
22/5
今朝一邊洗頭一邊嘔,
我覺得好攪笑,
唔知咩事嘔d酸酸地既野出來,
maggie話係胃酸啵,
之後刷牙又要嘔過,
唉..是但啦~~
都唔知可以點喇已經。
何狗成朝冇返公司, 感覺free到爆,
最好佢日日都咁樣,
爽呀^^"
放工成家返亞麻到食飯,
之後約埋黑鬼上新屋睇下有咩要整,
哈哈~~ 好似好多野攪咁,
真煩~~ 我就最好,
咩都唔洗理,
正!!!
其實點解要講大話?!?!
點解我又要咁醒?!?!
點解我既直覺咁準?!?!
點解我信唔到你?!?!
我自己都唔識答....
希望遲d可以好d啦~~
who knows?!?!
21/5 開始了~~
放工同maggie,
suki去左causeway
bay睇向左愛向右愛,
可能我地祈望太高喇,
完全唔係想像中咁好睇,
係有喊, 不過唔係勁喊,
只係流眼淚,
但係...最估唔到既係坐我隔離既一對情侶囉,
睇睇下我聽到有人喘哂氣咁啜泣,
瞄瞄隔離, 見到坐我隔離既女人用手輕輕咁安撫男朋友,
哇~~佢男朋友果然感性呀,
果一刻我覺得好爆笑,
我忍唔住笑左出來,
但隔離個女人就以為我喊得好勁,
佢即時望係我,
但我係笑緊囉,
哈哈哈~~~ 睇完我地就坐低係茶餐廳食左少少野就算喇...
個胃開始有d唔舒服>.<"
又再糾纏係同一個問題上,
我覺得好辛苦=.=
但最後好在都得到一個暫時既解決方法,
不過只係暫時囉,
我唔敢想像往後既日子會點?!?!
唉...算啦,
開心一日得一日喇,
我唔想再諗咁多喇。
只要呢一刻係開心就已經足夠啦~~~
20/5
琴晚成四點先訓,
唉...講左太多喇真係,
我都唔知可以講d咩喇,
之前又唔做,
到而家先來做,
又有咩用呢?!?!
其實我真係唔知係開心定唔開心...唉....
真係唔識講喇我>.<
今日公司勁小人,
首先theo,
york同jacky to陪小丸子出去傾大生意,
之後薯姐陪何狗出去同EMI傾野,
我地就係公司聽歌既聽歌,
訓覺既訓覺,
爽呀~~ 冇佢地係到真係好舒服^^
之後薯姐打來報告大約半個鐘就返到來,
我即時報料,
費事一陣"賴"野呀^^
同大佬fred發夢加吹水,
諗如果比我地中左三千八百萬,
我地會點用,
哈哈..諗到痴哂線...不過都ok既,
relax下丫嘛^^
放工砰砰聲走人,
出旺角join媽咪同家姐去IKEA睇床,
之後去左食齋,
之後再行返返屋企。 好眼訓 =.=
19/5
今日三伯父過左新屋睇風水,
我趕唔切so佢地睇就ok,
放工過左去睇theo佢地打波,
大佬fred都打?!?
一大奇景啊..勁呀佢好認真打架啵!!
而我地唔打既就企埋一邊玩薯姐部DC,
maggie真係唔識點樣自拍架啵,
永遠都係側埋一便,
哈哈~~勁大頭囉我地^^
打完就去左觀塘打冷,
叫左勁多野都係每人41蚊咋^^
決定6月15號入伙,
一諗起執野同搬野就頭都暈埋喇~~
好在間屋對我地都冇咩點,
而我就比較係好既一個,
不過要小心個胃,
唯有自己食野小心d囉....
以為已經劃上了句號,
但原來只係一個破折號,
我已經唔識得係呢件事上面劃上一個句號。
18/5 Happy
Birthday, R~~
今朝六點先訓,
但係一早就醒左,
覺得唔係太好,
唔知點解訓唔到,
唉.... 呆呆咁望著電視電腦,
好難咁等到三點零就開始沖涼洗頭準備出門口返亞麻到,
之後推埋亞麻就過新屋,
一切都攪掂,
拜埋四角就開始度位。 呀..
一諗起執野就暈低.. 太多野喇~~~
救命 >.<"
可能由今日開始一切都會劃上句號,
可能咁樣會好過少少。 明明自己隻腳係6號,
對鞋係5號,
點樣鍾意對鞋都冇用,
夾硬著落去又如何?!?!
始終對腳係自己,
痛果個都係自己之嘛...
世事就係咁,
唔會咩都咁如你所願。 只可以講句"無奈"
17/5 呆足一日
今日九點就彈左起身,
餵完sleepy就返上床再訓過,
大約十點零鐘比電話嘈醒,
傾左一陣就再訓返,
之後媽咪打來問我過唔過causeway
bay同佢地食野睇戲,
但我最終冇去到,
之後起身上網search下野,
一search就search左成個下畫。
對眼好累喇已經~~~
亞R聽日生日,
所以佢同成班朋友入左離島玩,
而我就好q悶囉。
琴晚嘈左一輪, 都唔知為咩...低能既真係!!
唉..真係有d唔係好慣。
16/5
snoodog今日叫我問一間專係出咸片既vendor拎個update既product
list, 佢仲係個email到話we
want to order more adult movie, 果一刻我只係覺得應該句野係I
want to order more adult movie, 哈哈~~~
之後佢仲比左一炸咸片我check下我地有冇record,
damn!! d名真係嘔心...
好心你啦, 睇少d咸碟啦,
何狗~~~
七點几放工之後搭車返屋企啦,
途中ivan打來叫我去黃埔食飯,
即時落車, 搭的士過去,
咩豬骨煲都係不外如是,
同打邊爐差唔多,
我一舊豬骨都冇食過。
今日連續兩次比佩詩家姐同ivan徹底打擊,
心裡有d唔開心,
但係冇辦法,
冇得怨, 我知今次機會冇左,
以後都唔會再有機會....
好無奈>.<
唉...玩大左,
呢次我真係唔知點收科,
好唔開心, 呢几日不停咁諗,
幫自己搵藉口,
但係又可以拖几耐呢?!?!
我真係唔敢諗,
其實點都要面對架喇,
唉...... 到時希望有彎轉啦.....
不過我知係唔會有囉.....
theo今日"送"左隻雞旦花比我種,多謝哂~~
我會好好咁照顧佢架喇,
你放心啦^^
15/5 唉....
snoodog冇煩過我,
我覺得好平靜真係,
做野都快手左。 今日因為要返亞麻到食飯,
所以都好早就走喇。
其實今日都冇咩點做過野, 一尾死心不息咁搵,
打電話問....
比我搵到, 但係.....
好似唔係好得咁既?!?!
其實心裡仲係好大祈望,
其實心中有數,
根本就唔得...
只係自己唔甘心之嘛....
我知道自己已經徹底衰多一次,
以為可以解決啦,
但原來都係解決唔到,
點解會咁樣?!?!
一次又一次,
自己都唔識得去改,
好憎自己, 而家可以點?!?!
唯有見步行步.....
最終都係要去面對同解決。
14/5 爆笑日
何狗今日比我地翻舊帳,
用佢login
search佢既order
record, 哇...勁呀@@
咩性愛馬拉松絕頂之女呀,
性愛招式日日新(六七月課程)呀,
咩夠彊齊齊插呀,
哇...實在太恐怖喇,
佢實在太淫賤喇,
佢先係真正既淫蟲一大個呀。 仲訂埋d咩狗,
熊, 貓,
狼既片, 唔通佢真係想人獸?!?!
仲發現佢原來一早已經拎哂佢訂既片走,
唔係心急成咁呀何狗你,
真係想死呀~~~
死淫蟲~~~~~~~~~
突然媽咪打來叫我打比auntie
angela, 傾左一陣,
知道需要d咩之後,
就開始煩大佬,
真係麻煩哂你啊,
大佬fred, 唔知點解個心又緊張又驚咁,
都唔知想點,
仲要打埋比winnie啵,
真係唔好意思啊>.<
不過唔知會點呢?!?!
哈哈哈~~~ 真係唔敢諗囉......
家姐收到份野,
好心急返屋企睇,
加上難得媽咪今晚煮飯,
又咁岩頭痛痛地,
就早d放工返屋企,
未夠七點就走左lu,
返到去..一睇之下,
哇@@" 有d
superise, 有d唔開心,
實在太貴喇,
點解會貴到咁既地步架?!?!
痴線....
13/5 好無奈
今日竟然比我發現一個天大既秘密啊,
原來何狗係假正經,
平時工作上既關係同佢講d咸片名時,
佢講到點樣核突點樣嘔心,
扮哂正經人咁,
點知一個屈尾十,
自己係公司落左張order訂d咩馬伕手記呀,
激情唔知咩呀咁既片,
真係令我吃驚啊@@"
其實佢訂呢d野都唔係一個大問題,
但佢既做法實在太白痴喇,
我地真係頂唔順佢啵,
哈哈~~ 明明係公司點解要waste
30蚊用courier寄去佢屋企而唔自己係公司拎呢?!?!
真係奇怪啊?_?
突然icq來,
心裡又驚又喜,
都唔知點咁,
不過我估唔到仲記得我有寫日記post上網既習慣,
但有d野我唔想比你見到,
只好講大話來呃你話我已經冇做呢樣野好耐,
我真係好希望你真係唔記得左我homepage條link。
當你提出呢個要求時, 我真係好想一口就答應,
但我真係唔得,
唉..真係好無奈!!
只有我hurt你?!?!
我都好希望呢個講法係真架....
但好可惜事實並唔係咁樣........
我真係好憎被人迫做一d我唔想做既野,
令我好難受,
呢種感覺好唔舒服,
好難形容出來。 既然係咁,
你想點咪點囉,
雖然係有d唔開心,
但早d解決左件事都好。
講極都唔明既,
我真係唔識點講喇~~~
12/5 平靜的一天
今日何狗完全冇煩過我,
我覺得好平靜,
好舒服^^
做呀做, 做呀做...
橫掂都冇飯食,
不如約maggie食飯啦,
點知臨走時,
suki原來約左theo同windy食飯,
哈哈, 最終大家一齊去左食怪味雞,
點知原來都係不外如是啵,
之後大家飛的去松記,
哈哈...女人就食木瓜以形保形0者,
原來theo係食香蕉來以形保形啵,
哇...松記咁多人,
佢竟然大大聲講左佢呢個秘密出來,
大家直頭呆左@@"
maggie生眼挑針,
佢隻眼變得好迷人,
仲有d水汪汪同楚楚可憐既感覺,
每次望到佢隻眼,
我都忍唔住笑,
實在太迷人喇maggie你~~~
kekekeee... ^^
11/5 母親節快樂~~
琴晚成五點几六點先訓,
今日十二點零鐘就起左身,
之後等家姐返來就同媽咪去飲茶,
最衰daddy又要返工丫>.<
飲完茶媽咪又有街去啵自己,
咁我就同家姐返左屋企,
之後家姐訓到隻豬咁,
我就呆到隻豬咁,
唉...咁就過左一日假期喇,
救命~~~
10/5 Happy
Birthday, Ivan^^
坐新位都唔係好慣,
成q日望到隻狗個樣,
真係有d反反地胃呀>.<
做做下野何狗又叫我入去,
問呢樣問果樣,
之後發現suki唔記得左order一d野,
而我又唔記得幫佢打電話去check野,
令到佢蝕左d錢,
佢個樣黑黑地不知所措咁,
哈哈~~ 果一刻我真係好開心。
之後佢又勁嘈我唔reply哂d
email就走啵,
我話我盡做,
佢話"elaine唔係咁樣架,
set左target就一定要做哂,
唔係盡做架..."
我叫佢睇下一日有几多個email佢又唔肯去証明。
我興興地一句彈埋去, 咁我想問几時pass返d野比andy呀?!?
佢窒左一窒,
呆左咁望住我,
佢既反應比我知道佢原來係冇意思叫andy
pick up返囉,
damn顛架, 咁升佢來做咩?
buyer即係貨倉?!?!
真係令我費解呀...
之後何狗叫我list返我既job
description比佢睇下我有几多野做,
佢話遲d睇哂我既job
description先考慮重組,
頂..又list?
我已經list唔止一次架喇啵,
又list有咩用呢?!?!
我list親出來你都再加野比我做既,
唉..你喜啦,
我已經冇咩野想講啦。
之後我提議我每日整個report比佢睇我由几點至几點做咩,
做左几多野,
佢條pk竟然話唔洗啵,
真係好驚奇?_?
突然見到winnie
online傾左一陣,
佢又幫我執野,
哈哈..真係唔該哂呀,
我會努力架喇。 約左maggie去睇"how
to lose a guy in 10 days" 之後叫埋winnie,
因真係好想見佢。 約左winnie兩點零鐘啦,
但兩點時我去toilet我見到何狗怒bear我,
驚死我走咁,
之後我同maggie要分開走,
扮哂野咁, 要佢係lift口等左我勁耐,
我係入面一路做野一路執野,
之後一路扮打字一路shut
down機, 之後一支箭咁衝左出門口,
哈哈 痴線~~放工要放到咁樣我真係第一次,
不過我預左佢星期一嘈我,
我已經慣左喇!!
睇完戲我地三個出左旺角行左一陣之後坐低食飯,
勁傾讀書既攪笑事^^
發覺我原來真係好唔掂,
我真係唔識控制自己,
太投入喇。 其實已經唔係第一次咁樣架啦,
衰左咁多次都係咁樣,
我真係冇得救架喇...
shit~~
9/5 掉位,
妖..
今日唔知點解冇咩心情做野,
但都要做架咁死多野,
唉... 做呀做,
做呀做!!
點知下畫掉位,
用左大半日搬囉,
我又多野啵,
個電話又唔知咩事怪怪雞雞咁,
駁來駁去都唔得,
呢次真係攪到d
system eng呀,
theo仲要留到成八點先閃得,
真係慘>.<
真係唔該哂佢呀!!
預祝ivan生日去左北京樓食飯,
約八點食, 但我七點十仲係公司,
家姐打來嘈..
冇計都要閃人,
好驚dh聽日又嘈我
>.<" 哈哈,
去到個個已經齊人坐哂係到,
真sorry最遲係我,
今晚有好多我鍾意食既野,
真開心!!
8/5 佛誕,
齋戒日!
今日十二點几起身,
之後執返d眼耳口鼻,
等埋家姐返樓下就陪媽咪過志蓮淨苑,
都唔算多人,
因為我地唔係早去,
志蓮好靚好大,
係一個好舒服既地方。 d佛真係好靚^^
唔知點解我有種好怪既感覺,
每當誠心拜佛時,
我"品"完我會有種想喊既感覺,
哇..我唔係易喊成咁呀?!?!
之後我地三個去左荷里活到搵maggie食免費既麥當當,
哈哈~~ 之後我地落左旺角,
好多人好恐怖,
條街勁熱, 好辛苦,
我溶喇~~~ 之後oscar比錢買左對鞋過我,
哇哈哈~~ 好野..有新鞋著,
正!! 買完鞋媽咪返亞麻到先,
我同家姐繼續行街,
嘻嘻^^ 係亞麻到食飯囉,
食完咪返屋企囉~~
咁就過左一日喇,
不過今日過得好開心~~~
7/5
今日係放假既前一日,
當然唔會得閒啦,
當然隻狗唔會放過我啦,
痴線~~~ 三個字內打比我四次有多,
喂 你覺唔覺得你煩架?!?!
我一見到個call
display係188就火滾呀真係
.\ /." 做到八點几就搭101過跑馬地食飯,
yeah~~法國餐法國餐,
好好味唷~~~
食食下oscar來埋,
喔@@"佢唔係去左廣州做野咩??
何解又係到呢?!
原來返左來^^
好飽啊~~ 之後我同媽咪返屋企,
好鬼死熱呀!!!!
大執位,好dirty囉,
公司好多蚤,
我成身都好痕,
嗚嗚嗚~~~ 好辛苦啊~~
一路身痕一路做野,
救命>(oo)<
搬左後, 又冇得聽歌,
唱歌又唔方便,
又冇得同maggie傾計,
一定悶q死我啊...
6/5
今朝一起身一開個電視,
唉...一個天大既消息,
令我希望再低一層,
救命呀~~ 唔好咁樣對我啦...比條路我行,
得唔得?!?!
難得有機會丫嘛,
但你....就咁樣對我.....
妖~~ 好心急好心急,
嗚嗚嗚嗚嗚~~~~
哇..
我要掉去johnson個位?!?!
會唔會前得滯呀??
我唔想咁近何狗啵,
但冇得我揀,
嗚嗚嗚~~ 未夠六點,
隻死何狗又email來,
叫我一定要一日之內清哂一日既野,
頂...佢都發顛既,
我又冇話走,
驚死我唔做哂就走人,
拿拿聲bomb個email來tim,
頂你個肺丫...
正一小人!!
OT到九點几同maggie一齊閃人,
哈哈^^ 今日算早左,
已經好好喇^^
返到屋企只係食左條蕉同個橙就算喇,
冇咩胃口食野,
連續兩日都係咁,
做野真係可以令一個人忘記肚餓,
痴線, 我就來可以練仙喇~~
食食下生果時,
我同daddy
mummy傾公司野,
估唔到佢地比我既反應同意見仲激過我@@"
哇~~ 我唔係善良到咁呀嘛?!?!
5/5 沉默的一天
今日變得沉默,
反而覺得舒服,
咁多年都好似未試過咁靜,
但真係唔想講野,
唔想再煩。 雖然表面好沉靜,
但內心不停咁反覆思考問題,
唉...真係好頭痕,
問題可以快D解決嗎?!?!
可以快D比D提示我嗎?!?!
做到差唔多十點先走,
薯姐又OT, 同薯姐傾左一陣,
傾開大家都有同感...唉..
但我真係冇野可以再做喇...
已經唔想再講再解釋d咩喇,
而家自己ok就夠喇~~~
唔洗理其他野..
對得住自己都已經好足夠。 別人係唔會明白,
even再講d咩都係唔會明。
明我既人自然會明白... 放工橫風橫雨,
觀塘十萬個水"tum"
有傘等如冇傘,
濕哂。 上車同winnie傾電話一直傾到十二點咁滯,
大家都得到共識,
佢亦好支持同贊成我^^
不過講咁多都係冇用,
點都係要等。 同winnie收線後,
daddy又係屋企,
親佢係到同佢傾傾,
其實我知佢係有d猶豫,
但佢都贊成,
佢同媽咪都叫我自己計掂先決定,
易喊既我, 當然梗係唔會少得呢一環啦,
但我依然死忍。
我知咁樣可能大家都會好辛苦,
但有時有d野而家唔做,
就可能呢一世都唔會再有機會。
都係果句一切都係要等....
同louis傾左一陣,
佢可能遲d再去australia讀書,
唉... 不過都算好,
佢都應成左我會比心機讀埋落去,
咁我都安心d~~~
終於親口認左,
哈哈~~ 都唔知係好定唔好,
不過都冇咩野可以做到,
佢開心就ok啦....
4/5
每一日我都好希望收到一個好消息,
但直到而家為止仲未有任何消息,
但有時諗even有好消息咁又點?!?!
係咪真係可以做得到?!?!
有時有d野唔係我諗得咁完美,
仲要考慮好多野,
我諗我未必可以做到,
雖然我真係好想,
但係都要考慮得好清楚,
仲有好多野去顧慮。 email左auntie
mina, 唔知佢有咩suggestion比我呢???
下畫陪媽咪過左黃埔jusco買野,
之後join埋daddy就去左食泰國野,
落鬼死咁大雨呀真係,
濕鬼哂.. 仲係街撞到johnson同佢老婆tim
^^
一樣係到等足咁多日,
今日終於等到啦,
又點呢?!?!
又係一樣咁...
"lawly jeans"囉,
唉...清醒d得唔得呀??
做咩都冇用架真係...算啦.....
Love you, Love you, May I love you? Tell me what to do....
3/5
下雨天~~
妖,
最憎呢d天氣,
唔知佢想點咁,
不知所謂!!
一早比UV既人打來嘈醒,
麻煩~~ 今日我唔洗返工架,
打比我做咩呀??
黑人憎.. 之後上網check野,
睇野, 搵極都搵唔到我要搵既野,
激鬼死啊真係~~
之後做左一陣神婆,
幫maggie
search埋, 哈哈~~
我果d就ok準啦!!
之後咪做facial,
脫下毛咁囉,
咁就過左一日,
真係好..我覺得好舒服。
2/5 唔舒服>.<
七點就肚痛到札醒左,
頂唔順, 即時食止痛藥,
係床到典來典去,
典到九點几打返公司請假,
好辛苦~~ 天啊...點解每次都咁痛,
點解?!?! 提早少少落去睇醫生順便去bank打簿,
點知...唉...部死人ETC,
又要我排過隊,
頂佢個肺, 攪掂HSBC已經close左,
打唔到簿, 唯有快腳行過去中銀入錢同打簿,
真係好麻煩,
轉左hsbc出糧。
我唔係唔開心,
只係比個數字嚇親~~
唔開心就一早已經唔開心啦...
講咩丫...多如~~
1/5 放假~~
今日一早就比家姐個電話嘈醒,
之後沖涼洗頭就出左causeway
bay飲齋茶,
mummy仲約左佢朋友anglea,
之後mum就同auntie
angela去睇戲,
而我就同家姐行街,
佢大出血囉,
護膚品呀, 衫呀,
哇~~
仲去左teresa公司坐左一陣,
之後等埋佢放工join埋samuel哥哥同媽咪就去左味千拉麵到食飯~~
唔知咩事, 今日個頭keep住痛,
食極藥都止唔到痛,
唉..腰骨又痛,
作死呀真係~~
背景音樂:
何韻詩~~我找到了
