JuNe

　

02 May Jun Jul Aug Sep Oct Nov Dec

              03 Jan Feb Mar Apr May Jun Jul Aug Sep Oct Nov Dec

　

30/6  聽定唔聽?!?

今日手提不停咁響, 亦都有留言, 我今次決心好大, 一一拒絕了接聽, 唉~~ 我都唔知可以點?!?  救命~~~  放工陪suki去睇波鞋, 之後去左食飯,  食完就返屋企。 同媽咪帶sleepy同亞叻落去行街, 行完就返屋企lu, 喉嚨仍然好痛, 食哂成排藥都仲未好返, 點解?!?!  天啊~~~ 手提已經冇響, 我諗應該正正式式完結了~~ 

今日天氣實在太熱喇, 太陽伯伯今日好強勁, d太陽曬落我皮膚到, 我簡直feel到痛呀, 而家已經係咁, 再遲d我真係唔知我點死~~~

29/6  完結日..

琴晚oscar個同事elle上左來飲酒吹水, 同佢傾傾下傾到朝早七點囉, 哇~~ d時間真係唔覺唔覺呀~~ 之後等佢訓著左我就訓喇。 但訓得唔係太好, 朝早究點几起過身, 十1點几起過身, 十一點几又起過身, 之後大約十二點到起身, 同elle傾左一陣計同sleepy, 亞叻玩左一陣家姐就起身喇, 之後家姐同daddy, mummy亞麻佢地飲茶, 而我就係屋企同elle睇電視吹水, 哈哈~~elle好似唔係好想走咁, 不過有某d原因佢迫住走>.< 之後等工人幫媽咪執左少少野, 佢地去街既去街, 返工既返工, 我同家姐就留係屋企再訓過, 我地兩個掉轉房來訓, 條友霸左我房來訓, 我梗係訓返佢房啦, 訓到咁上下就返亞麻到食飯, 之後家姐同媽咪去睇concert, 而我就做亞四拎野返屋企, 返到去沖涼, 沖沖下又嘔, 唔係太舒服, 食左粒藥就訓著左喇~~ 不過訓得唔係咁好, 太多野諗喇~~

開始逃避, 又講大話, 我知都係我衰, 再係咁落去大家都唔好受, 咁既然你仲係咁既, 咁我都知應該點做既, 心裡十五十六, 最終都決定左, 點都有呢一日架喇, 爭在係几時架0者, 係咪?? 咁不如就今日啦, 最後既一個留言就結束了。 

28/6 勁呀~~

今日十二點几就比人嘈醒左, 之後傾傾下maggie突然打來話薯姐佢地約去淘大打bowling啵, 但個人仍然好累, 訓左係床到傾左一陣先起身沖涼洗頭, 之後整整下望下個鐘, 哇大獲@@" 兩點几?!? 砰砰聲飛落街啦, 之後搭van仔去淘大啦, 去到join左薯姐佢地就去打bowling喇, 今日竟然大佬fred都有來啵, 估唔到估唔到丫。 一問之下, 原來條友因janice唔得閒先來啵, 唉~~ 點知打bowling要排隊囉, 唯有陪佢地篤波消磨時間啦, 但原來唔係個個都識篤波囉, 笑鬼死我呀真係~~ 之後因大佬要剪髮, eric又約左女朋友要早走, 就等返我, maggie, 薯姐, kenneth, theo, andy打bowling, 果到d機傻傻地既, 成q日hang住, 有dd似itok feel囉我覺得, 第一round最低分係小妹, 哈哈~~~ 之後轉link打第二round, 大家都有進步囉, 唯獨maggie心神不定咁, 所以佢係第二round既最低分, 打波其間theo不時做出一d比較奇特既動作, 真係笑爆咀, andy又做mr condom啵比theo同kenneth圍毆, 仲錄左短片tim, 笑死人真係~~ 之後kenneth同andy再篤波, 而我, maggie同薯姐就坐低飲野傾計, 其間仲睇到一pair情侶鬧分手, 我地八到扮傾計, 但其實係到偷聽佢地講咩同發生咩事, 點知比薯姐八到, 原來係男方愛上另一女子, 我覺得果個女仔好慘, 忍痛都要離開呢個負心漢, 佢走時飲野果到竟然播住三國誌囉, 哇~~~ 應境到不得了呀真係~~ 

返到屋企一個人都冇, 打極電話都搵唔到家姐同oscar, 激死我喇真係~~ 佢地返到來之後, 比家姐剷到上天花板, 原來我個手提一直飛左返屋企而我自己唔知, ray不停咁搵我, 嘈住家姐訓覺, 真係唔好意思啊 >.< 

今晚簡直上演左一幕我覺得只有係電視機上睇到既劇情, 我覺得好驚, 好內疚同好無奈, 其實我都有我既苦衷, 邊個有頭髮既想做和尚丫?!?! 但我只可以講一句"我錯了".... 對唔住.... "十面埋伏"做左背景音樂, 非常應境...

27/6  May Last Day ~>.<~

今日成班人去左飲茶, 因為亞may last day同蛹祝vince生日, 我地食左好多野都只係每人57元, 抵呀^^ 放工仲影左好多相tim, 但到最尾收到may個email時, 有好大感觸囉, 本身都冇咩事既, 出到去門口, 見到suki喊緊啵, 我呢d易喊人士即時閃啦梗係, 但條友又入廁所啵, 條友咁樣好影響我架嘛, 我已經忍得好辛苦架啦, 條友仲係咁係我面前流眼淚啵, 哇~~~個心一酸眼淚就湧湧地, 即時叫suki離開我十尺, 之後佢企左係死角位到冷靜~~ 而我當然咩都唔諗冷靜啦。 諗一諗大家已經對左三年, 三年入面有開心同唔開心, 其實都好難忘, may子亦都教左我唔少野, 無論excel啦, dvdshelf既野啦, 好多電腦上既野, 甚至我個homepage may子都有教過我, 所以都唔知點感激佢啊=.= 我真係唔捨得may子, 但又唔可以面對面同佢講啵, 費事一講我就來料, 所以只有icq同佢講左几句同多謝佢~~ 臨走都唔敢面對may子講拜拜, 我只可以側側面咁say goodbye然後轉身走, 費事我喊呀>.<  點都好希望may子快d搵到份正工, 完成佢個心願, 之後就梗係同亞邊個結婚啦, 哇哈哈~~~ 

晚上唔係太記得做過d咩lu, 只係傾電話囉, 不過今晚都係開心既, 其實都有d唔開心野, 不過因我太心軟喇, 冇計~~ 唉.. 一次之後又一次?!?! 哇~~ 咩事呀你真係?!?!? 之後實在太累喇, 所以訓左喇....

26/6  

隻牙仍然係痛緊, 由於窮困既關係, 本人不能在現時階段去睇牙醫一事, 心感歉意, 哇哈哈哈~~~  放工返左屋企食飯, 之後開始傾下家庭會議, 其實大家拎個問題出來傾, 對大家都好D, 至少比大家知道各人既想法, 唔洗估估下。  我相信會有好轉既~~~  嘻嘻^^

諗法各有不同, 你根本唔知明我諗咩, 亦都唔接受我既想法, 估唔到你都有同感就係覺得有D野係整定咁, 好衰唔衰揀中果日, 有時唔到我地唔去認命架有D野, 你改變唔到事實架啵~~~ 事件發生左就係發生左, 有D野錯過左就係錯過左架啦~~~ 有D咩好講?!?!?!

恭喜恭喜~~  知道你promote左我都好開心, 況且仲咩咩咩tim...下... 掂啦~~~ 你識做啦, 係咪??!?! 哈哈~~

而家係27號零晨三點, 估唔到一開個mon就比我見到一d我好想見到既野, 本身心情唔係太好都即刻唔同哂, 同人嘈完都咩都唔記得哂... 加上佢既一句說話, 哇~~~~爽呀, 可能成晚唔洗訓tim呀真係~~~ 感覺又返返來喇, 感覺同以前一樣呀, 冇唔同唷~~  

25/6

第八日喇, 仍然都冇咩消息, 唉~~~ 我就來顛喇~~ 其實已經係顛左喇~~ 不過冇辦法.......

放工返左屋企食飯, 今日都好齊人成家係到食飯, 哈哈~~而家我地一家七口囉, daddy, mummy, 家姐, oscar, 我, sleepy同亞叻, 開資大左好多~~ 由其果兩條化骨龍, 佢地顛架~~ 今日sleepy同亞叻既關係好左好多, 冇之前咁惡劣囉, 遲d佢地兩個應該可以相處到既。

24/6  生日快樂~~

今日好多人生日, 哈哈~~  真係攪笑^^ 放工大家一齊走, 搭一架冇冷氣既15號去黃埔, 哇~~~ 成程車真係感覺唔到有風, 真係想死啊=.= 點解香港仲有d冇冷氣既bus?!? 千機變呢套戲冇我地想像中咁好睇囉, 不過係戲院時, 大家都發覺, 香港好耐都冇試過咁多人湧去睇一套戲喇~~ 場面都几震撼啵...  睇完就大家坐底食飯, 不過小妹今日食齋, 所以只係坐係到望住佢地食^^ 

今日唔係咁舒服, 頭又痛, 又想想地暈, 又想想地嘔...唉~~~救命~~~ 咩事呀又?!?!?

23/6

估唔到我既諗法真係實現左, 我覺得好意外真係, 不過其實都唔係一件好事, 唉~~~ 作死>.<

約睇千機變, 但係星期二又有人唔得, 星期三又有人唔得, 哇~~ 咁即係邊一日?!?!  睇一場戲都要咁麻煩, 救命~~  放工同suki, maggie去左尖咀食小城之味, 叫左勁多野, 我食左少少已經飽到想嘔, 我覺得好浪費...

22/6  >.<

琴晚suki上左來傾計, 之後家姐拎左隻金毛返來, 由於佢個名同sleepy太似, 一叫就兩隻一齊應, 我地決定改佢個名做亞叻, 原來佢都ok大隻, 不過都几乖, 佢比sleepy煩到不得了, 可能呷醋啦~~~  希望佢地兩隻可以慢慢相處得來啦....

我真係好內疚, 個心好難受, 食左好多煙, 但問題仍然存在, 問題都係解決唔到, 我真係未試過咁樣, 我真係好後悔, 我唔敢去面對, 就只有逃避....  有時有d野做左就做左, 係改變唔到。 始終都係我做錯左, 無論點講我都係錯左。 我覺得好對唔住.... 

晚上同家姐, oscar, samuel哥哥同teresa出左去尖東royal garden到食宵夜buffet同亞be慶祝生日, 咁既價錢咁既水準, 真係救命~~ 好似去左大排檔咁, 離譜呀真係~~~ 不過果到個環境又真係几浪漫既, 不過可惜我冇另一半係到, 所以唔覺得太浪漫, 影左好多相, 又係我地最嘈, 玩到顛哂咁~~~

21/6  唉~~

琴晚成三點几四點先訓, 今朝完全起唔到身, 好辛苦~~~  放工返左mongkok同亞麻daddy mummy家姐飲茶, 之後返左屋企, 返到去唔知點解係床到訓著左, 之後六點几起身返亞麻到食飯, 之後家姐去左apple哥哥到接隻golden返來, 我就同媽咪行左一陣先返屋企。

我好後悔亦都好內疚, 攪成咁樣, 但係冇辦法... 唉~~~ 我真係唔知可以點, 我唔知道我應該點做。  我知係我問題.... 係我既錯... 攪到而家咁大獲。 

20/6

情況仍然持續, 真係唔知應該可以點算~~ 令我太苦惱=.=" 今日唔知做咩事唔係太想留係公司, 又唔係太想做野, 但冇計啵, 點都要做架~~ 除非大把錢唔洗做啦, 不過我知呢樣係冇可能發生既事...... 

家姐又去oscar屋企食飯, 媽咪又同ivan出街, daddy又要返工, 得返我一個, 最好就返亞麻到食飯, 頂..點知條死八婆又上左亞麻到食飯, damn~~ 唯有當佢透明, 上到去只係同亞麻同大伯父同工人講野, 一於當條死八婆唔存存, 吹呀?!? 我係唔會再叫你, 唔會再同你講一句說話架喇, 點丫?!? 食完就自己行左一陣先返屋企。  家姐話星期日拎隻十個月大既golden返來, 哇~~ 呢獲亞媽肯定嘈硬.... 比我估中, 我一同亞媽講, 亞媽即話..."唔係呀?? 拎就識拎返來養, 理就唔理..." 哇~~我完全唔知可以比咩反應佢...不過冇計..家姐決定左~~~

今日同大佬fred傾開打機既野, 令我諗返起好多野。 係..做人應該向前望, 唔應該成日諗以前既野, 但人就係咁架啦, 永遠都會諗返以前開心既野來回味一下.... 

19/6

仍然都係訓得唔好, 訓得几個鐘就要起身返工, 感覺比較辛苦, 唔係好夠精神, 但都冇計, 點都要返工架~~~ 唯有捱住眼訓返工啦!!!

放工同家姐出左mongkok行左一陣就去左味千拉麵食飯, 最大獲係我地坐係一對男女隔離, 佢地既對話, 我地完全頂唔順, 我地亦都好顛咁扮佢地講野, 勁爆笑^^" 但佢地既對話真係好難頂~~~ 救命啊~~~ 我想進入你既世界啊~~~ 哇~~~ 呢d係咩說話來架?!?!  咁恐怖既點解?!?! 我地真係怕左佢地兩個, 食完就砰砰聲閃, 之後行左一陣, 睇下有咩波鞋買咁啦, 但又係冇咩正野啵。 之後我同家姐又發現到有一間几好味几特別既糖水鋪, 哈哈哈~~~  突然suki打來話佢又係mongkok問一陣上我到得唔得, 點解唔得?!?! 只不過仲未執哂野, 好亂0者~~~ 

18/6  唉~~

琴晚又係失眠, 三點几四點都係訓唔著, 又係唔知几點係床到訓著左, 好辛苦呀~~~ 可唔可以唔失眠呀?!?!  個腦可唔可以停一陣唔諗野呀?!?!  要折磨我到几時呀?!?! 救命呀~~~ 我個黑眼圈就來跌到落腳喇....  我隻眼就來開唔到喇眼訓到~~~噓....... 

仍然不停咁望鐘, 不停咁計時間, 不停咁諗到左未!!  唉~~~ 夠喇夠喇?!?! 究竟我而家係到做緊咩?!?!  我就係痴線架喇諗野諗到~~ 我需要冷靜一下.... 比d時間我。  

＊難收　收不起你問候　而愛　這施捨的溫柔 　比拒絕更荒謬　越投入才越想收手 　難收　收不起會淚流　容易愛　越愛你越難受 　之後再沒有之後　相戀不如做好友＊

17/6  心情恍惚=.=

琴晚失眠, 三點几都訓唔到好辛苦>.< 係床到轉來轉去都訓唔到, 內心不停咁思考, 但其實諗咩呢?!?!  好耐好耐都冇呢種感覺喇, 呢次大獲喇>.< 真係好難受, 轉來轉去個腦都唔知想點。 最終係唔知几點就慢慢咁訓左, 但都訓得唔好, 訓下醒下, 好辛苦真係~~ 七點几又要起身返工, 我好累啊~~  放工同maggie, suki, theo出左mongkok red dot食飯, 之後去左奧海城睇"何必偏偏玩謝我" 哇~~呢套真係我廿二年來睇過咁多套戲, 最有深度既戲咯, 可能我太膚淺啦, 我完全睇唔明囉, 足足兩粒鐘, 睇完之後我覺得自己upgrade左囉, 呢d叫自我增值呀真係~~~ 呢暈真係"何必偏偏玩謝我"咯theo兄.. 我地咪叫義氣囉, 明知你想睇呢套戲都陪你睇.. 勁~~ 

點都有今日既一日來臨, 不過我覺得好突然同快0者, 一個電話好快咁就完結左, 我都知真係唔夠時間去執... 之後收到你電話, 心情又唔同哂, 但望住個鐘一個字一個字咁過, 好快就到九點, 心裡更加難過, 但真係冇野可以做到, 唯有同你講多几句吧... 可能一句隨便既說話, 我就視為一個承諾, 不停咁望鐘同望電話, 曾經有懷疑個電話係咪傻左, 唔識響~~ 我真係有d白痴, 不過控制唔到既呢d野, 多謝安慰我既朋友.. 臨到最後一刻電話終於響了, 真係有d支吾以對, 但線點都係要收, 想講既野又講唔出口, 只好收線, 呢個時候眼淚真係忍唔住..... 只好強忍~~ 心裡仍然控制唔到, 今次主動打電話, 話題好左好多, 提下要帶咩咩咩.. 講下以前既野, 點解你唔早d講?!?!  點解你又唔早d問?!?!  I m a liar?!?! U r liar?!?! I m a lion king?!?! Gosh~~ I promise you this time, I m seriously,  I will do it next time when u back, I hope I can do it too... I really want to do it with u..... I really hope so~~~ It is the truth.  REMEMBER FOREVER: Car Noodles.... 時間都係一分一秒咁過, 時間好似過得特別快, 咁快上機?!?! 遲dd得唔得呀?!? 但又講唔出口, 但點都係要上架, 唉~~ 死忍都冇用, 臨到最後一刻點都係忍唔住湧出來, 唉~~~ 救命~~~ bye bye......

16/6

今日好lucky地何狗冇煩過我, 十萬個thanks god~~~ 放工同suki and bay去左kowloon bay食飯, 睇六樓后座, 套戲又真係ok啵, 有一樣野我好明白到主角既感受, 外人真係唔會明, 可能真係冇咩可能, 但事實上又真係會發生。 可能我真係ok白痴啦~~~ 其實我睇到我都會feel好天真同戇居, 但事實上我一樣會咁做。  返到屋企, 砰砰聲自己裝返寬頻先咪講笑, 實在犬太耐冇上過網喇係屋企, 點知d lan cable kick鬼住既?!? 頂~~即打比jeffrey求救, 我出盡力整佢出來, 媽咪呀~~~ 終於比我攪得掂喇, 上到網喇, 梗係即時update下日記先啦, 因隔左咁多日我都唔係好記得前几日做過d咩喇,, 哈哈哈~~~ 實在太開心喇, yeah~~~~

今日突然收到一個電話, 都唔知係開心定唔開心, 太突然喇真係, 走得咁突然?? 聽晚九點機?? 唉~~~ 有dd唔開心>.< 有d唔係太想講野既感覺。 其實而家同以前都好似冇咩分別咁, 無論語氣, 講野既方式都係一樣, 只有身份唔同左。 只可以祝你一路順風~~~ 不過當我知道你仍然著住對鞋, 而冇比到任何人既時候, 心裡有種不明既安心感覺, 覺得好開心好安慰....

15/6  Father's Day~~

今日起身同家姐and oscar落左去元祿食sushi, 之後仲比家姐抽到兩張千機變既free ticket, 真開心, 抵到爛呀真係^^ 之後返左上樓就呢樣整下果樣整下, 一望個鐘, 哇~~大獲, 夠鐘喇, 即時飛的過土瓜灣睇媽咪表演, 哈哈~~ 笑q死呀真係~~ 到左呢個地步我真係唔識點收科喇~~~ 唯有見步行步吧啦~~~

今日netvigator終於打來同我confirm星期一裝野喇, 仲係原先我個plan, 足足講左三四日先攪掂??  都唔知佢咁大間公司點做野架~~~ 不知所謂, 浪費哂我d時間同金錢

14/6  Happy Birthday, Suki~

今日唔洗返工但都要早起身幫三伯父就翻譯, 咁又賺到d外快, 爽呀~~ 之後同家姐出左mongkok食野行街, 行左一陣返上樓放低野就過舊屋執埋最後一次。 我地比老豆fake左, 又話媽咪係上面, 上到去一個人都冇, 我同家姐又冇帶key, 只好呆坐係樓梯等開門, 哈哈~~又好似拍戲咁, 次次都係咁岩, 真係好邪~~ 同時兩個人打來, 始終我都係選擇左最重要果個。 心情ok開心啦^^"  之後搬野落去囉, 每人要行兩轉,哇~~~行死我呀真係>.< 仲要比人話我唔執野啵, 激死我呀~ 之後oscar同亞花上左來, 之後落左去食飯, 果時已經係夜晚十點几喇, 亞花走先。 食飯時講屋企既野, 真係興到爆, d死賤人可以賤格到咁既點解?!?! 不過點都好, 我從未當過佢係自己人啵, sorry~~ 話我衰都係咁講, 我係唔會再叫佢一聲囉。  返到上樓, oscar又幫我剪頭髮^^"

13/6  冇野講~~~

今日勁比何狗嘈, 一朝早嘈完呢樣又果樣, 最憎佢成日拉埋哂d野來講, 都低能既, 你想我走既你咪出聲囉, 咩事搵d無聊野來講0者?? 說話難聽到冇得頂, 唔通我特登架咩?!? 都唔q用腦既, 成q日坐住, 死白痴~~ 本身我都諗住OT攪掂佢, 點知條死剷臨放工借d意搵野來嘈, , 講極又唔聽又唔明, 一尾係到吠吠吠, 我興到眼淚直標真係, 一怒之下同大佬icq完之後砰一聲logout就走q左, 唔q做咪唔q做囉, 吹咩?? 殺左我丫...笨~~ 做同唔做都係要比人鬧架喇, 咁點解我要咁辛苦做呀?? 唔理你放几多日假, 總之一至兩個working days清哂所有野??  痴線架?!? 我得一對手咋, 你估我係叮噹咩?? 話清哂就清哂... 都低q能既>'<

之後出左jusco做refund, 之後出返mongkok join winnie, 傾左好多野, 我亦都明白, 可能我真係太白痴喇, 做一件事前根本唔會諗到咁多野, 唉~~ 有時都ok失敗丫我自己, 我真係冇諗到咁恐怖囉。 突然係飲野果到撞到薯姐同kenneth囉, 哈哈~~ 岩岩先同薯姐收線唔夠十分鐘, 轉頭就撞到?? 玩野咩?? 之後又撞到theo, 哇~~~咩事今日咁旺場?? 之後仲見到我哥架車, 之後又撞到我以前一個同學, 點解次次出親旺角都撞到咁死多人。

12/6  Happy Birthday~~

放工同suki, maggie, 薯姐, windy, wilson, theo去左尖咀Dan Ryan同suki慶祝生日, 又係maggie令到我地既plan失敗左, 點解maggie你咁蠢?!?!  哈哈~~ 影左好多白痴相啦梗係... 希望suki鍾意我同maggie買比佢既禮物啦^^  之後原來teresa同samuel哥哥上左來新屋, 哈哈~~~ 攪笑^^

每年到左呢日我既心情都唔知點咁, 唉~~~ 最終打左個電話講左句生日快樂, 傾左几句收左線, 之後再收到電話, 又係傾左一陣。 心情唔識形容..... 只可以無奈........

11/6  勁興 >.<"

今日第一日係mongkok返工, 以為會比以前快, 點知仲耐左, 可能新地方, 仲未預到時間, 激死=.=  本身今日約左netvigator上來裝寬頻啦, 點知...條sales竟然夠膽死到, 搵人假扮netvigator既人打來同我confirm囉, 之後打去cs到check, 咩資料都冇囉, 勁興勁鬧, netvigator既服務差到不得了, 簡直令人想殺人囉, 我用左手提足足同佢地嘈左一粒鐘有多, 都冇結果, 如果你老實話我知, 漏左我張單都冇咁興呀, 仲要呃我咁多野, 基本上我就唔夠資格去申請呢個plan, 但條sales仲要accept我張單, 玩野咩?!?  不知所謂~~~

晚上同maggie去左買禮物比suki, 行左好耐都睇唔中, 有dd累tim, 之後就去左KFC到食野, 之後再行多一陣就返屋企lu~~

10/6  入伙~~

一早比媽咪嘈醒執野, 準備過新屋拜神, 去到準備哂d野, 叫埋亞麻來, 但點知神台既紅磚出問題, 大獲@@" 老豆即時落去買過一塊, 冇計啦~~ 之後等埋三伯父來就開始拜神, 呢d情景好難先見到, 一定要留心啊。 攪掂哂d野之後就返屋企再執野, 哇~~~點解執極都仲有咁多?!?!  而家姐就係新屋執野睇住亞麻, 再等埋jusco d人來收櫃, 返左亞麻到食飯, 之後jeffrey過左來幫我砌返部機, 哈哈, 其實下午我已經砌返好了。 之後攪掂哂就返新屋訓。 哈哈~~第一晚係到訓, 真係有dd唔慣囉, 好似好空咁, 張床係大左, 但好似唔知點咁, 離天花板遠左好多咁, 不過可能太累喇, 唔覺唔覺就訓著左 ZzzZZzzz

9/6  執野

請左兩日假返搬屋, 搬屋真係唔係一件易事, 諗起咁多野執就驚喇。 Jusco今日送兩個大櫃來, 哇..果d咁既師父真係勁到不得了, 其中一個櫃砌到爛哂囉, 條死剷仲要呃我簽收, 之後仲呃埋我落去拎野上來換比我, daddy講極佢唔會再上來, 我死都唔信, 點知...唉~~ 即時打去Jusco到發老爛, 呢家野我至在行, 嘈到佢冇聲出, 其實訂時唔知咁大個, 送到來簡直係大到冇人有, 已經有d後悔架喇, 但冇計訂左咯都, 點知條友, 砌爛左, 我仲唔成機發老爛退貨咩.. 哇哈哈~~有d狗狗地, 但冇計啵, 鬼叫佢整爛左咩?!?  死都要退錢, 唔要個櫃, 哈哈~~~ 最終我同個代理負責人傾, 佢肯退錢,  yeah~~  今晚係jordan訓埋最後一晚就要離開呢個住左廿年既地方lu, 真係唔捨得>.<" 其實呢到有我好多童年既開心同唔開心既事。

8/6  搬屋

琴晚勁執, 哈哈, 我發覺我地呢家人都ok丫, 一晚唔洗就執到咁多野, pack得差唔多啦, 唔係太重要, 又唔係d咩大件野, 留返遲d先返來執啦。 最終本小姐係執到半夜五點几先訓。 訓到十二點到就起身, 本身搬屋公司係約左兩點丫嘛, 突然話提早dd啵, 哇~~我真係比佢打亂左陣腳啵, 唯有又勁執啦, 唔理三七廿一, 咩都掉哂落去d紙皮箱入面, 橫掂都係要搬架啦, 之後d搬屋人到左之後, 我就做左睇水果個, 哇~~足足企左係樓下三粒几鐘呀大佬, 又熱又累, 救命~~ 野又冇得食, 又唔行得開啵, 想死=.= 搬完就返亞麻到食飯, 之後就返返jordan訓, 咩都冇, 感覺唔係太好。 其實點都係有d唔捨得既, 話哂都住左係到成廿年。 撞到初戀情人, 救命... 到而家都咁死驚, 咩事呀我?!?!  我死都扮望唔到... 買左對jordan 7, 好正~~~

當家姐佢地提起對jordan 11我就真係好唔知點咁, 係~ 對jordan 11真係有段故仔, 有一段對我來講好難忘好重要既故仔, 對鞋我只係著過一兩次, 都唔捨得著, 呢對鞋我係唔會比任何人, 對鞋我只會留起當回憶....

6/6

睇返maggie日記先記得呢晚我同佢約左jeffrey去元氣食飯, 之後theo仲join埋食松記tim~~~ 哇哈哈...老人痴呆~~~

5/6

返到去何狗叫我同大佬入房講check order既野, 平時佢同我地計得多, 今次我地同佢計返轉頭, 一日check order需時一個鐘, 正常人都知隔左日holiday就照常理用兩個鐘來check order啦, 但何狗理論就無論你check几多日既order都係一個鐘囉, 哈哈~~勁!! 用一個鐘來check 80個order, 同樣用一個鐘來check 160個order?!?! 係人都知係冇可能啦...係咪?? 我地應成你做到又點?!? 其實做唔到既, 咁我地應成你都冇用冇意思啦?!?  成q日就坐左個腦都唔知佢想點...死白痴~~

放工返左亞麻到食飯, 亞麻次次都係準備d小朋友"送"比我地食, 哈哈~~ 好攪笑^^  食完飯先知, 原來本小姐比人屈囉, 嘩~~真係火都來q埋呀... 就算點都好, 就當我講左果句說話又點呢??!  我想問下點解我會講呢句說話先?!?! 唔係你條死西人鬧我地先, 我點會發顛呢?!?!  我真係想問下佢知唔知咩叫"先撩者賤"囉.... 

食完飯同媽咪去買禮物, 呵呵~~~ ivan比錢我買份禮物, yeah~~~ Marc Jacob~~~ 實在太香喇~~~  今日真係好突然收到louis個電話, 傾左一陣.. 唉~~~ 雖然係開心, 但係好唔知點...

4/6  端午節~~

琴晚成五點几先訓, 之後今日十二點零鐘就起左身, 之後呢到顛下果到顛下, 訓下睇下執下衫, 成點几兩點先沖涼洗頭, 之後d人送電視機來新屋, 我地飛的過新屋, 之後一路係新屋呆坐呆等海馬送床同床褥來, 本先仲以為佢送少野來, 冇理由我張床得兩盒野丫嘛, 點知到師父來砌床時, 佢不足半個鐘就將我成張床砌出來, 我覺得好神奇~~ 勁!!

之後帶埋工人返亞麻到, 之後等埋daddy返就落去食飯, 點知...我地未坐底已經有說話聽, 唉~~ 一家人做節開開心心食餐飯0者, 點解d死賤人要咁麻煩?!?! 要攪到個個黑面先開心?? 你係咪痴q線?? 不過算數, 我唔會當你係吳家既人, 我唔會理你, 白痴~~~ 几十歲人都要咁, 你唔好去死~~ 死八婆!!

哈哈哈, 返到去條友打來傾電話, 傾呀傾, 傾呀傾~~ 其實真係几開心, 果種心情好難形容^^"  條友計一計一共45分鐘啵.. 咁利害?!?!  我都唔係好知tim, 冇咩點計過啵... 哈哈哈~~~~

3/6

放工同maggie, suki, eric去左尖咀食怪味雞, 之後wilson同may join埋一齊啊, 食完傾完就送may子去搭車, 之後大家為左諗去邊飲野又煩, 又唔想去咁嘈既地方啵, wilson又唔飲得啵, 你知啦, d人暈完就唔可以飲咁多丫嘛, 費事佢一陣砰一聲咁暈低就大獲呀!!  之後去左suki介紹果間bar飲野, 一入到去, 我覺得間野好熟面口, 再望望間野叫咩名, 再問問suki間野叫咩名, 原來係家姐以前做part time間bar suzy, 哈哈 咁邪既~~~ 之後又老吹囉, 咸野衰野核突野, 咩都講齊~~ 連新同事vince都來埋, 都ok既^^ 尾段同theo傾開d ok正經問題, 其實我都認同佢講法, 亦都知自己脾氣唔係太好, 曾經想控制下自己情緒, 但係有時真係控制唔到啵, 不過我會努力去改改~~ 哇哈哈哈^^

嗯, 其實真真正正拎個問題出來傾都ok, 雖然可能會尷尬dd, 但點都好過放係心入面唔出聲~~ 問題, 可以算決定了。

2/6  好討厭~~

夠了~~ 我真係覺得夠了, 可唔可以停下呢?!?! 我真係覺得好討厭呀, 講咁多做咩0者?!?! 講左會有咩好處?!? 睇來有好處果個係你囉, 而唔係我囉, 咁樣只係會影響我。 呢d係咪叫先下手為強?!?! 我唔想再追究或者求証喇, 我已經覺得夠喇真係, 可以放過我嗎?? 由一開始我已經選擇唔出聲, 到而家我仍然會選擇唔出聲, 我唔會去同任何人解釋同提呢件事, 亦都唔希望人地去同情或者可憐我。 局外人根本唔會知呢件事既來龍去脈, 只係聽表面, 所以講咩都係冇用, 我情願選擇唔出聲。 明我既人就自然會明我。 可能我份人太直喇, 唔識去掩飾自己, 唔識虛偽, 根本就唔會令人討好, 不過我覺得唔緊要, 我就係我, 本身性格係咁就係咁, 無須克意去改變自己去形合他人, 如果克意去改變自己就已經違背左本身既我, 咁已經唔係真既我, 咁已經唔係用真面目去代人!! 總之有一個人明我已經好足夠喇.... 其他人點睇就由得佢地啦!!  不過我好多謝一直企係我旁邊支持同鼓勵我既人~~ 好多謝你地咁明白我為人, 從未嫌棄過我任何野~~~ thx ^^"

放工同薯姐去左食炸旦, 計起上來都好耐冇食過喇, 好好味唷~~ 不過食完一定喉嚨痛>.< 同薯姐傾左好多野, 可能我地係同一類人啦, 好多野諗法都一樣!!!  之後比我見到薯姐好似師奶咁拎住一袋二袋百佳, 大家離遠望到大家都不禁笑^^"

1/6  好累>.<

一起身媽咪就同工人兩個搬野過新屋, 我都要執下野喇, 琴晚比家姐鵝左一大輪, 比佢煩死=.=" 首先執下d香水啦, 唔執都話冇咩野, 頂~~一執之下發覺自己真係太多香水喇, 無論開左或者係未開既, 一共兩大袋, 救命~~ 几時先用得哂?!?! 但係有好多都係絕版, 用錢都買唔返, 放左係到几年都唔捨得用.. 咁放係到又點呢?!?  執呀執, 抹呀抹, 一路聽歌一路執野, 心情都舒服d, 等媽咪返來就走第二輪, 今次我地三個人, 拎好多野過去, 簡直想死既感覺, 實在太重喇~~~ 有冇人可以幫下我呀?!?  几經辛苦落到樓下, 發覺雙手好似斷左咁, 即時飛的過新屋, 之後攪掂哂d野就上左亞麻到, 探下佢順便帶個新工人比佢睇下, 亞麻好似几鍾意呢個工人咁啵, 講真at least好過之前果個先啦, 係亞麻到逗留左一陣就去買野, 由mongkok行去yaumati, 再由yaumati行返去mongkok, 再係mongkok行返去yaumati, 哇~~~ 我死得喇, 不過好彩唔係太熱, 去到一間上樓既唔知咩特買場, 見到張大班椅几正咁, 都只係168蚊咋, 抵~~ 不過要自取.. @@" 好彩工人係到, 哈哈 佢搬!! 我地就係yaumati再行返去新屋~~ 真係救命喇~~~ 來回九萬次... 放低張椅就搭的士返jordan喇, 我頂唔順喇真係, 之後去左永安昅昅, 比我昅到張電腦書台, 不過好似怪怪咁, 即時打比jeffrey問, 研究完一輪, 男朋友渣主意叫我買, ok fine~~ 點知..又係咩十几日內送貨?!?! 頂~~~ 咁q煩架, 即時發老爛, 最後8號前送到, good~~ 望一望錶, 哇~~原來成九點几喇, 唔覺唔覺咁夜既?!? 坐底齋鋪食飯, 再打比三伯父問清楚入伙既野, 決定10號入伙, good~~ 到果日會有野睇, 正~~ 呢d機會冇乜几何, 一定唔可以錯過~~~~