SeP

02 May Jun Jul Aug Sep Oct Nov Dec

             03 Jan Feb Mar Apr May Jun Jul Aug Sep Oct Nov Dec

30/9  星期二

lunch約左薯姐去飲野, 我講左好多野, 佢就不停係咁聽我講, 好多謝你肯聽我廢up同時亦同時比左好多意見我。 

放工bay爺來左觀塘做野, bay爺叫我陪佢去亞cat到睇貓, 加上我又大把野未做哂, bay爺叫到, 就算平時做開皇后既我都要捨命陪君子啦, 哇哈哈~~ 點知... 咁樣一等就等到成九點囉。 之後搭van仔過九龍城, 見到bay爺隻新寵, bay爺改左人地個名做"亞七"囉, 仲要拉長個音讀啵.... 之後bay爺一句話想食泰國野, 我地就行左几條街咁多囉。食左小小野就返去拎亞七喇。 送佢搭taxi之後我就返屋企。

晚上同kenji傾左一陣電話, 聽到d唔係咁開心既野, 其實一直都聽過唔少關於佢既衰野, 但係我次次都係聽完果一刻唔開心, 同唔信佢之外, 隔一陣就冇咩事。 唉~~~ 我係咪痴線架??  點解會咁架??

29/9  星期一

琴晚突然好掛住一個人, 想打比佢傾几句, 點知仍然唔肯聽我電話。 大家係icq見到都唔再講野, 佢就不停咁係info到打野比我睇。 都唔知佢諗咩.... 痴線~~~  今日同loson傾左一陣icq, 大家都有update返大家既電話。 希望我地真係可以keep in touch啦。 諗返起... 我地真係好耐冇傾過電話喇。 打IDD比george, 點知..唉...自己set錯左number啵, damn...waste左money tim。

你真係太影響我喇, 你一句說話就令我心情波動得好勁, 你一句話頭痛, 我就顛左咁搵辦法去教你, 叫你食乜藥, 訓覺..咩都教。 可能我太急同太緊張, 你以為我鬧你... 其實唔係, 我只係叫你下次去supermarket買定d乾糧之嘛, 你就話我鬧你>.< 你照住我既方法去做, 隔左一陣唔work你就又發脾氣, 人地都叫你去訓咯, 你訓唔到一陣就起返身, 梗係唔work啦, 唉~~ 咁大個人都唔識照顧自己既, 激氣!!!

哇哈哈, 放工bay爺突然打來問我做乜, 係邊啵...佢真係太飄忽喇。 之後約左我係金聲等, 之後去左飲豬豬奶茶!!  之後我陪佢去買左d野同去睇貓。 行左一陣就閃lu~~~~~

28/9  星期日

十點几十一點比亞媽嘈醒, 但太眼訓喇, 唔去飲茶喇, 之後繼續訓, 但bay爺十二點几打來問我係咪dinner, 我話ok, 一陣訓醒再打比佢。 之後醒左就睇下書, 睇下vcd咁囉。

之後同louis傾左好耐電話, 條友睇杜文澤自傳, 睇左八粒鐘, 佢講杜文澤同佢老婆既野比我聽, 我聽到喊真係... 唉~~~ 太慘喇佢老婆, 之後條友冇啦啦靜左唔出聲, 以為眼訓啦, 原來唔係.. 佢玩感慨。 突然問我好多問題, 我真係呆左唔識答。 點解仲要對你咁好?? 呢個問題我自己都想知, 我真係好想知, 果一刻我只有死撐係咁問咩事呀?? 做咩0者?!?  我知你咁係想我好, 想我著想, 但係你知唔知如果你咁做既話,我真係會痴線, 真係會顛架。 講真我咁大個人, 我自己知自己做緊d乜野, 我覺得係值得既先會去做啦, 覺得開心先會去做啦, 唔通自己迫自己做d唔開心既野咩?? 你唔可以去迫我做一d我唔願意既野囉, 冇理由去迫人同一個唔鍾意既人一齊, 係咪?? 根本冇可能。 我知你話你唔想我好似杜文澤老婆咁慘, 個男人咩都比唔到個女人, 你話你而家就好似杜文澤咁咩都比唔到我, 其實我真係冇講過d乜, 冇要求過d乜野, 亦都冇講過想你比d乜野我。 總之而家咁樣我已經覺得夠。 我連唔想同你講果句都講埋, 我想等到你正正式式返來, 你問我等几多年, 我真係答唔到你, 將來既野冇人知架啵真係, 到時先算囉, 係咪?? 講真, 我唔等都等左三年啦, 都唔爭在啦。 你聽完呢句, 即時靜左, 之後話邊有三年呀?!? 我好記得係2000年開始, 三年几喇真係。 我不停咁喊, 你就係咁tum我唔好喊, 你唔講呢d野咪唔喊囉。  當你再問我果個問題, 我就重覆講多次, 我唔會阻止你去識女仔, 如果你真係鍾意佢既, 咁你咪同返佢一齊囉。 你話我口口聲聲話會祝福佢, 但心果句就唔係咁, 你會開心咩?? 係, 我會唔開心,但係以前加拿大果時都係咁啦, 我又咪係一樣。 你問我會點... 我靜左去諗, 你重覆咁問我, 我好肯定咁答你唔會。 我自己都唔知點解可以做到咁... 你話你明白, 叫我唔好再喊喇, 唔係成個豬頭咁, 我嘗試收聲, 但係我一講到話, 我知你由聽日開始就一定會消失...我既眼淚又再次湧出。 你一句話咁唔聽日囉, 我仲喊得勁... 你問我咁几時,  我唔出聲, 你問我係咪以後, 我話係.. 你話你點都會有一日死架啵, 之後我唔出聲... 當時我真係想答你...如果咁樣..我會跟埋你死。 之後你不停咁話講笑話我聽tum我開心, 我好決絕咁話唔聽呀。 之後唔知講咩就冇事, 我既笑容又再次出現。 我唔知自己咁樣係岩定錯, 但係至少我知道呢一刻我活得開心就已經足夠, 人生活都係想開心,人唔會知几時死, 咁點解我唔可以揀去做一d自己開心既野呢?? 

之後我地又講返以前既野, 講骨妹同lover, 我不停咁彈佢, 之後比佢一句"哇..你丫..你睇下你丫, 係咁講我換咩換咩比佢地, 我有冇做到先?!? 你話要對jordan11, 我即刻買啦, 仲好意思講啵.." 哈哈哈~~~ 我當時即刻收聲...冇野反駁, 哈哈~~ 係...係我錯...sorry囉~~~~ 之後佢太累就收線訓...一望個鐘, 原來已經八點几, 哇~~唔覺咁就傾左四粒鐘。 最後先發覺自己係成日冇食過野, 最後煮左個公仔麵食就算。

27/9  星期六

琴晚同eric icq傾左一陣, 之後同louis傾電話, 傾到五點几先訓, 我擺明就係語無倫次, 講講下哥哥佢地, 我竟然講左句咩d糖冇哂咯@@" 我都真係几佩服自己囉, 之後真係頂唔順, 唯有訓覺囉!! 五點几訓, 之後七點几起身, 我都覺得自己几勁, 咁都起到身, 仲要keep住呢排冇咩點訓。 但好邪地, 雖然訓得咁少, 但反而仲冇遲到啵, 仲早左起身啵~~~ 返到公司, 個人已經暈暈地, 仲有d睇唔清楚野tim, 原來louis已經起左身, 佢問我眼唔眼訓囉, 問來都多如架, 你話呢?!?!  之後佢叫我一定要食d野, 唔係仲易暈。  今日dh冇返工, 所以公司好平靜, 好free, 我望左几頁本小書, 已經唔想停, 但冇計, 大把野等緊我做, 唯有遲d再睇啦... 

放工同windy搭van仔出mongkok, 由於太眼訓喇, 我放工就返左屋企, 同家姐傾左一陣計, 同nett, sleepy玩左一陣就返房訓啦, 點知心思思打開本小說睇啵, 妖...唔睇仲好好地, 一睇我已經收唔到手, 眼淚同樣收唔到, 今次仲要係勁喊, 喊到流哂鼻涕果隻啵, 哼~~ 之後因太累喇, 訓左一陣囉。

夜晚同家姐oscar行左一陣就去neway拎房囉, 咁岩bay少又去neway唱啵, 唔知我地會唔會唱隔離房呢?!? 哈哈, 點知大家唔同location囉, 激氣呀!! 今晚sa姐生日嘛, 大家去唱k囉, apple, be, amanda, 亞din, samuel, connie, 家姐oscar出席。 唱到四點返屋企, 睇左一陣小說, 突然bay少打來話我知佢岩岩唱完, 條友好似飲多左咁, 講野完全唔同平時, 但死撐話冇醉囉, 哈哈哈~~ 條友仲約我明晚dinner tim。

26/9  薯姐last day 

今日係薯姐既last day, 大班人放工就去左mongkok稻香食飯, 今晚勁呀, 我地order左一圍原價2666既野食, 又翅又鮑魚, 總之都ok豪啦!!  之後我, 薯姐, kenneth, eric, vince, wilson就去左尖咀JUST M到飲野, andy坐左一陣就走左, theo就夜join我地, 當晚我地比theo既攪笑行為令我地笑到肚痛仲要出埋汗time啵。  真係好辛苦, 笑爆咀真係^^ 今晚我都飲左d酒, 好耐冇飲lu真係... 酒依然都係咁苦>.< 返到屋企同louis講左一陣, 佢要溫書, 所以我都唔阻佢, 我兩點几訓左。 

maggie借左本"迷失在夢想國的戀人"小說過我睇, 哇~~咁大本, 咁厚我點睇呀, 姐姐, 係人都知我唔睇架啦, 全部字啵仲要... maggie勁力推薦, 叫我一定要睇, 話好岩我睇啵.. 嗯~~好啦, 打開望下個序啦, 哇~~~睇個序時,我已經覺得呢本書係好岩我睇, 仲應該好好睇tim。 哈哈哈~~~ 晚上睇左一陣, 已經收唔到手喇, 眼訓但又唔捨得訓, 想睇埋落去, 好辛苦.... 我真係太易喊喇, 我睇到開頭我已經眼濕濕=.= 想死~~~ 我唔想眼腫啊.....

唔見左部電話??? 唉~~~ 算啦, 我都明白呢種心情既.... 當破財擋災把啦~~~ >.<" 

HAPPY BIRTHDAY, AUNTIE WINNIE~~~~~~

25/9  出氣袋

d人唔夠訓, 自己抆就好啦, 又要出氣落我到, 問極想點又唔知, offer呢樣又唔岩, 果樣又唔岩, 樣樣都唔岩, 唔夠訓咪再訓多一陣囉, 冇啦啦就發我爛渣, 唉~~~ 嬲住咁訓...

24/9  星期三

放工同maggie出左mongkok join埋winnie姐去pizza hut食飯, winnie姨生日丫嘛, 我地咪同佢慶祝下囉, 哇哈哈..... winnie姨姨, 請問你今年貴庚呢???? 

今晚我就真係戇居居咁等左几粒鐘, 諗起都有dd興呀。 好, d人一句話一陣message我, 我就由十二點几開始一直等等到半夜三點几囉, 足足三粒鐘喇, 大佬~~~  唉...不過冇計, 佢要考試。

23/9  星期二

吵左一陣, 之後好嬲咁返入房, 之後係咁同louis講講講.... 果一刻真係好嬲好興。 之後同louis傾電話, 我地不停係到講d恐怖野, 真係驚驚地。 又係咁係到講LV, 妖~~~ 我想買果個銀包囉真係!!!  之後....唉....又係咁.. 點解次次都係咁, 突然唔同左既?? 我真係想知究竟你係玩野丫, 定係來真架呢?!? 果一刻大家都好尷尬咁扯開話題, 果一刻好在我自己禁得住0者...唔係咪大獲??  其實我一直懷疑佢係有來真, 只不過怕人知。 

22/9  星期一

突然收到一個好驚人既消息, 實在太突然喇!! 冇人諗到會咁樣, 點解一個warning都冇就燒焦呢??  唉~~~ 我開始替你擔心~~~ 如果有咩野就搵我啦,我幫到既都會盡量幫。

心情好過之前, 但仍然有d不正常!! 仍然攪唔清楚, 不過都冇彎轉了。 無論結果係點, 我都係應該承受的。 夜晚睇到你info改左, 成個人都唔知點咁。 一段說話,可以有不同的解釋!! 究竟是邊個解釋先岩?!? 係解女方逃避, 令問題重覆發生, 問女方可唔可以停落來, 兩個開開心心咁生活落去?!? 係解新一段既感情開始, 想一直好似捉迷藏咁兩個行一世, 問女方願唔願意成為佢女朋友?!? 究竟女主角係邊個?!?

我們就玩捉迷藏,
                            我在捉,
                                          你在走,
                                                       沒完沒了.....
你會俾我捉到嗎?

21/9  情緒不穩定

我真的攪不清楚了, 是我一直強迫自己去等還是真的願意?!?  我心好像很害怕有人的位置會超越你, 是真的沒有人能超越, 還是一直是自己強迫自己將你放在第一位?!? 是因剛剛結束這段關係有點不捨得, 還是真真正正不捨得?!? 就連自己也攪不清楚..... 好像每有人差不多可以超越他的位置時, 我只懂去破壞和不停麻醉自己他的位置是無人能代替?? 整個人呆了, 真的不知道應怎樣.... 我後悔我的決定, 挽救也實在太遲, 最後以一個簡短的留言就真真正正了斷吧!!

再一次証明你的位置是最重要的。 沒完沒了的問題, 跟你說話永遠都會感到快樂, 可以蓋過我一切。 希望又回來了嗎?!? 希望我今次真係可以做到。 我會努力~~~ 我應該可以學到點整車仔麵。 "車仔麵"永遠是我們的話題。 "車仔麵"就代表我們嗎??

下畫daddy, mummy, ivan, 我, 家姐同oscar去左飲茶, 之後去左尖咀諗住買袋啦, 點知呢個ivan醒得滯唔記得帶單囉, 唯有等佢自己來買啦。

20/9  正式結束...

我真真正正令一個人對我失望。 係, 我係冇口齒, 但你應該知我為乜!! 一個"別了"既sms就結束了几個月來既故事。 我知你憎我係應該, 我知你嬲我都係應該。 不過我都好難過... 係, 我係有d唔捨得同有d後悔, 但我冇得揀, 我真係冇得揀.... 雙眼不停在尋找你的蹤影嗎?? 整晚也看著電話嗎?? 你拒絕接聽是對或是錯?? 我真的不知道~~ 

19/9

琴晚算係最後一晚嗎?? 琴晚我先發覺自己呢几個月來真係原地踏步, 一d進步都冇, 相反地人地就不停咁改進。 我好shame... 直頭覺得自己都唔知似乜, 唔知自己想點.... 諗左成晚, 我決定選擇放棄。 我知咁做係唔應該, 對大家都唔好。 但當你極力去挽留時, 我心更加難過。 我係太執著, 我決定左既野, 唔會再反口, 可能時間上真係錯左, 呢個決定應該係几個月前就絕對無錯。 不過我真係對唔住你, 好對唔住。 我應成左你既野都係做唔到。 手提一次又一次咁顯示你個名, 我個心更加難受, 我好驚自己心軟...... 但係我好記得琴晚你既說話。 

18/9  受死

琴晚又一次, 呢次我真係冇咁堅定, 我衰左>.< 原本都好好地, 最衰係自己都係, 玩咩丫... 唉~~ 玩丫玩丫, 玩出個大頭佛喇, 明明講好左架啦, 人地仲等左成個鐘咁滯, 扮咩丫?!? 人地都講好左啦, 仲要扮架啵, 有時都唔係好明自己, 唉~~~ 最終都係發脾氣收場囉人地。 自己衰左咯咪應低威囉, 點知...唉~~~ damn=.=

喉嚨勁痛, 冇返工~~ 去左hsbc同boc整野, 攪完一大輪就去睇醫生, 睇完醫生就去睇牙醫!! 成日都冇食野, 唯有去睇牙之前食個飽囉, 唔係一陣整完食唔到咪大獲!!  行去搭車時, 腳步明顯放慢, 有d送死既感覺, 真係好驚。 bay來左牙醫到搵我, 之後叫我名時, 我簡直想死囉, 次次都係咁既, 深呼吸一下就行入去, 入到去心勁跳, 手又震震地, 訓落果張咁既床到簡直有種被殺既感覺, check完之後danny ho話其實冇注牙, 上次補左來, 只不過係我唔舒服, 所以幫我車開d牙再補過, 佢同我打左支好q痛既麻醉針, 呢支針真係打得耐咯, 仲好q痛tim啵, 之後出去等左一陣再返入去受死。  今次整得好快, 完全feel唔到痛, 冇任何知覺, 因為支麻醉針好堅, 但整完之後就開始痛, 仲有小小想暈既感覺。 几經辛苦爬到返屋企, 好衰唔衰同一時間出現我最驚既小動物四腳爬爬同小強, 我不停係門外大叫同腳震, 果一刻真係想放聲大喊。 入到屋成個人死哂咁, 仲愈來愈痛, 咩心機都冇哂, 訓左係床到呆左。 真係好痛~~~~ 點解, 點解整牙咁痛?!?!?

17/9  安康演唱會

放工砰砰聲閃人, 之後去左食蕉葉, 食完就飛的去睇演唱會, 點知我地遲到, 唔可以即刻入場, 唯有企左係出面等左一陣囉。 成晚oscar就係我隔離發顛, 又係到唱歌又係到大叫, 條友仲唔小心一野剷舊雪糕飛左落我到囉, 勁!!  媽咪就係咁同may姐係到傾計, 果一刻我發覺自己有d孤獨。 不過我真係唔覺得悶, 因為好多歌就好好聽。  比我估中安仔有揀果首歌來演繹, 音樂一奏起, 我就知果首係咩歌, 唱得實在太好喇, 首歌真係太好聽喇。 聽到呢隻歌, 心裡有d酸, 鼻亦有d赤痛, 眼亦有d熱。

琴晚我竟然可以咁樣做?!? 我都覺得自己几勁, 但我知道下一次我一定唔會可以咁樣死撐。 果一刻唔知佢咩心情呢?!? 今日係公司收到你既mesg, 真係比我估中你睇死我會打比你, 但好可惜果一刻我冇咁做, 仲扮到咩事都冇, 你心裡當然有d興啦, 哈哈哈~~~

16/9

同佢傾左好耐icq, 好似咩事都冇咁既?!?!  真係唔知想點....

15/9  星期一

眼淚仍然自然滑落面頰, 合上眼仍然閃出一個人, 合上眼仍然聽到一個人的說話, 感覺很不安。 真的想冷靜點去面對。  天氣仍然差得很, 大滴大滴的雨, 真的很像我的淚水在我眼滑下。

放工約左家姐去買野, 買完就返左屋企。  咩都唔想講....

14/9  冷靜

琴晚再收到一個更壞既消息, 呢個消息比前晚果個更加壞, 壞到我真係唔識得比反應喇。 個腦再次空白, 呆坐!! 但係今次真係比之前咁多次冷靜得多, 可能三年來已經慣左, 哈哈哈哈 >.< 今次真係冇發顛, 仲好正常, 但眼淚依然不時流出。 再一次重複一年前既野, 今次我真係唔知要等几耐, 短就一年, 長就一世。 如果兜兜轉轉真係可以得既, 我唔介意, 我真係唔會介意........  但究竟我要等几多年?!?!? 

想到你夜深中突然心痛過
求憑著一首歌 你一生都記得我
想愛你日子為何都給錯過
多少個秋和冬走過才肯喜歡我

如果只感到無聊才找我
能共你說著笑都感到快樂
如果何日街中碰到都見我是一個
可清楚 日子的喜與悲想跟你渡過

想到你夜深中突然心痛過
求憑著這首歌 你一生都記得我
想愛你像此生未真的愛過
多少個秋和冬走過才可清楚我
怎麼你竟然捨得我常孤單一個

13/9  星期六

今日奇景呀, DH冇返工, 唔知係咪返左大陸旅行呢, 勁!!  佢唔係公司個感覺好舒服^^"  放工同maggie去左hollywood睇"衰鬼媽咪"套野好笑又好喊, 都几好睇咁囉。 之後打左一陣機, 之後出左尖咀食雪糕消磨時間。 差唔多時間就行去美麗華等埋佢地食beffet囉。 我同maggie食左兩三round已經停左手lu, theo就由頭殺到尾囉, 勁~~~

琴晚收到一個唔係咁好既消息, 心裡開始膽怯, 但冇辦法, 我冇野可以做到。 唯有睇下係咪真係囉。

12/9  追月

講真以我記憶之中, 你好似從未開過口要求呢樣野囉, 點解突然會咁樣呢你?!?  我地兩個既好事就比一條pk連續打兩次來問佢買咩車好而破壞左, 即時咩mood都冇哂囉, 妖~~~ 真激氣呀 >.<   用手提電話唱k?!? 仲要唱下一站天后囉, 合久必婚囉, 高妹囉, 一個字, 勁!!!!

今日十點几起左身, 之後睇下電視咁囉, 之後咪同家姐oscar落左去食野同行街囉, 我地仲買左成set slum dunk同龍珠GT vcd tim。 晚上媽咪係屋企煮飯食, 正!!  勁好味~~~~

Big party??? wat da hell r u going to the da fucking party??? CRAZY~~~~ just idiot.......

11/9  中秋節~

中秋節快樂~~~ 係, 中秋節係應該快樂, 但我真的不快樂...........

對唔住, 我份人太固執, 執著同硬頸。  唔通固執同執著真係唔岩?!? 

點解我可以咁恨心?!? 恨心到連自己都有d驚~~ 有時我真係唔知我個腦諗乜野.... 點解?!?!?!?!

10/9  星期三

放工過左causeway bay join小寶佢地, 慶祝小寶生日, 我地去左清亭食飯, 咁耐冇見, 大家都唔同左好多, 食完就行左一陣, 再去食雪糕囉, 之後我就比佢地班人老點左行去wan chai搭van仔囉, 頂~~ 明明記得行去new york戲院果到就有得搭啦, 但佢地堅持叫我直行好快就到, 頂~~  一路行一路就同louis傾電話, 愈行就愈唔妥, 我完全真係唔識路, louis就係電話教我啦, 冇計=.= 行左九萬路遠, 終於搵到囉, 頂~~ 原來我已經係由causeway bay行到落wan chai囉, 激氣呀!! 返到去攪掂哂d野就icq囉, 之後咪傾電話囉!!  今日係三個几鐘。

9/9  damn

fuck off~~ jerk!! u bastard... dun bullshit nemore, man!! u just wasted my time.. dun cheat others again, u guys very bad to do da... just cheated ppl to achieve ur aims?!?!?  STUPID..... u guys just wasted my timeeeeee

8/9  做節

今晚屋企做節, 放工就去左旺角食飯喇。 大姑姐係美國返左來, 大人當然都係傾計啦, 我就食野同睇電視, 間唔中搭下咀咁囉。 之後大姑姐同佩詩家姐, 琪琪佢地上左來玩狗咁囉。 冇咩特別啵~~~

琴日同ray講清楚, 因為我真係唔想對你唔公平。 係我對你唔住~~ 條友反應勁大, 不停咁話我同發我脾氣, 今次係我唔岩, 對唔住。 之後仲要講d野出來激我, 都唔知係真定假, 明明叫左收聲唔好再講, 佢仲特登講多d tim, 都唔知係咩人來既, 痴線~~~ 今日條友仲要打來啵, 一打來扮哂冇野咁, 之後我問左一句打來做乜呀, 唔洗打比人咩?!? 條友就係咁講打左啦, 傾左好耐啦, 呢樣果樣都痴膠花架~~ 聽到我興呀真係, 之後我就話我唔傾喇, 你打比果個人啦, 拜拜~~~ 都唔知條友係真定假。

條友收到張電話費單, 成1000蚊囉, 我聽完之後火滾到出煙呀, 即時彈几句野, 離哂譜>.< 傾乜q呀?!? 又要傾, 收到單時又要怨, 怨乜呀?!? 打比人傾咁耐, 實貴架, 你一早預左架啦, 下話?!? 擺明你就大細超架啦, 過份!! 但條友解釋就話唔係啵, 係我多d啵, 妖... 都唔知係咪架.....死賤人~~~~~

7/9  星期日

琴晚突然你要求傾清楚, 我只好依著你既意思。 你問我係咪好憎你, 你知我唔係憎你架。 你問我係咪大家唔係情侶就唔可以做好朋友, 我答案係唔係。 你問我究竟鍾意你d乜, 有咩值得我去咁鍾意你。 你問左我兩次, 我都答唔出, 我唔係特登去唔答你, 只係連我自己都唔識答自己。 你知我辛苦, 你唔想我咁樣落去, 你就要專登去對我衰對我唔好。 一直以來, 我真係冇要求過d咩野, 你知架。 你話三年來, 你都知我一直好辛苦, 你唔想我再係咁, 你情願我憎你好過, 但係我可以話比你知, 我唔係咁諗!! 你話我呢三年來都一直係到逃避你, 逃避我同你之間既關係, 我地之間既感情, 係...我認我一直係到逃避。 我認我做錯左, 我認自己點解唔可以勇敢d去面對, 如果當時我肯勇敢d, 今日已經完全唔同哂。 你講左好多你既感受比我知, 我亦講左好多我既感受比你知。 你認曾經係特登去對我衰去放棄我, 但我慶幸你真係曾經對我認真過, 咁多個入面, 你係唯一對我一個真係認真過。 三年來係我一直令你模糊,但呢三年來我都一樣咁模糊咁不知所措, 三年來我一直都未曾放低過你。   三年來你一直都專登去做一d野去hurt我, 講一d說話去令我難受, 但呢三年來我都試過做任何野去放低你, 但我真係唔知點解真係放低唔到。 呢三個几鐘既對話就比我地兩個傾清楚我地兩個呢三年來大家之間既模糊斷斷續續無數次既關係。 我好開心你對我既坦白, 琴晚你將所有呢三年來呃過我既野, 就連同我一齊時有几多個女朋友都講埋比我知, 不過我真係冇嬲過你。 估唔到你買車時你個ex搵返你, 當時我地仲係一齊緊, 但你好立場堅定咁推開佢, 我開心當時你冇對唔住我。 傾完呢d野之後, 我地不停講返以前d野, 好開心勁爆笑!! 數返以前大家既funny過去, 解釋返三年來大家對大家既疑問同中間出現既人, 哈哈^^ 我當然唔蝕追問返之前佢追亞兔同骨妹ons既野啦。 好彩都係假架0者, 妖~都唔明點解骨妹要咁吹水, 早知我又吹話我同佢結左婚, 仲有埋BB tim啦, 痴膠花!!! 當講返田田同妹妹佢地d野, 劉生一野彈左几句野比我聽, 當時大家都係大笑... 頂~~~咁都比佢入到我, damn!!  係... 我勇敢積極d既而家既結果一定會好好多。 如果我上年真係可以掉低所有野既, 今時今日我地真係可能結左婚。 最終我地係傾到零晨五點几先收線。 三個几鐘入面, 我地只係用左一半時間講我地既問題, 另一半時間就講返以前我地之間呢三年來既爆笑野。 有d野你會好記得, 有d野我都會好記得, 就連你講過d野, 同我自己講過d咩, 我一個句都仲好記得。 不過我真係估唔到你覺得我呃你, 咁介意car noodles既事。 我亦估唔到你原來一早知pasu係有d野。 我發誓我當時真係唔知囉。 最爆笑既係我講"係呀, 我前世欠Q左你架喇", 丫..條死剷仲大笑話"哈哈~~係呀, 你吳漪彤真係好難飛出我劉勝文既五指山架喇, 哈哈"。 死變態佬~~~~~ 痴膠花......... 收皮啦你~~~~

6/9  星期六

冇咩點訓, 其實係訓唔到, 雙眼好腫好痛。 靈魂都離開我身體一半, 唔知自己做乜, 唔知自己應該要做d乜。 個腦好空白。 咩都唔想諗, 只係想匿埋係個被堆到訓覺, 人訓左就咩都唔洗諗唔洗煩。 但唔知點解咩都唔諗時, 眼淚都會自然咁流出來。 呢種感覺好難受!! 雙眼已經係腫到唔可以再腫, 我唔知點做先可以阻止眼淚流出。 係人前我仲要扮出一副開心的樣子, ray打來我仲要裝出一把開朗既聲線, 但竟然比一個平時唔會留意身邊既人既ray發現我有唔妥, 我只有極力話冇事, 只可以用病來做藉口。 我真係好累好累喇, 我想休息一下。 呢一刻我咩都唔想要, 唔想知, 唔想問, 我只係想匿埋係被堆入面咋, 可唔可以呀?!?! 

晚上陪媽咪入左沙田大舅父佢地到食飯同拎月餅比佢地。

5/9  跌落谷底

心情極好, 咩都講咩都唱, 哈哈哈~~~ 仲會冇啦啦自己係到笑, 我真係開始有d驚自己係咪顛左囉~~~ 又玩即興打比條衰婆winnie食飯, 順便拎佢d手信咁囉, 哇哈哈~~~ 多謝哂啊^^ 我地行左楝新野一陣就去左元祿食sushi again, 傾左好多野, 連屋企野都傾埋^^  傻婆, 唔洗咁擔心啵, relax下自己啦, 呢d事我都經歷過, 我明你咩感受啵,  順其自然啦~~~ 有咩就搵我傾下啦^^  

返到屋企收到個簡直令我發顛既消息, 我情緒一度失控, 眼淚不停咁湧出, 流到成條河咁。 雙眼又再度失去知覺, 個腦再度空白, 根本收唔到, 控制唔到。 不停咁狂喊, 今次比之前利害, 關埋房門抱頭痛哭, 開大個mp3喊出聲, 根本忍唔住~~ 你confuse?!?  我仲confuse過你.... 唔明唔明, 我成日唔講清楚?? 係我講極你都唔明,  係你真係唔明定扮唔明呀?!? 我成日係咁?!? 你成日係咁咋, 次次都係咁, 人地收埋左d傷口, 你就要找人地個傷口出來插多几刀落去, 去令人痛多几錢重。 係咪你見到人地傷哂, 流哂血, 痛到死, 求生不得, 求死不能既時候你會開心d, 你會滿足d??? 你知唔知當一個傷口未完全好返既時候, 你再插多几刀落去, 個傷口會傷得仲嚴重, 會仲難好返, 當時人會仲痛過之前?!? 點解次次都係咁呀?? 點解次次都要揀我呀?? 究竟你有冇當過我係人?!? 係, 表面我係扮得好剛強好開心, 但實際上我係一個好普通好脆弱既女仔來架.... 我想話比你知我係人來架, 我係識痛架.... 我而家可以話比你知, 我今次真係好痛好痛呀.......

~~如明白我 滲透我內心深處 看似剛強 實質小女子~~

4/9  星期四

放工帶薯姐去join埋媽咪就上左fiona屋企試音, 薯姐實在太緊張喇~~~ 震哂咁樣, 傻婆!!  之後同媽咪過左causeway bay食飯, 因為ivan訂左"梁山泊"食飯, 約左8點, 我地成9點先到, 去到家姐同oscar已經到左, 原來最遲真係我地=.=  d野唔係太岩我食, 因為係四川菜, 不過我地點哂d唔辣既野來食囉, d野ok啦我覺得唔係話真係咁好味囉, 不過價錢就認真貴到飛起囉~~ 裝修待別囉, 尢其是個廁所囉, 係好特別, 但係我覺得比較恐怖左少少囉。 我問個waiter廁所係邊, 條友係我後面叫我轉入去, 我一轉入去, 條友話門有絲巾果個就係女廁喇, 佢未講完野, 我就大叫左一聲"哇...咁恐怖既?!?" 之後退後左一步, 個waiter比我嚇左一嚇, 當然我係非常之瘀皮, 但當然我真係好驚啵。 之後仲申請埋now broadband tv tim, 正~~

收到你mesg知你咁辛苦又訓唔到, 唯有同你傾下電話吧~~ 傾左好多野, 好攪笑... 我地一致認同最開心既階段就係一男一女岩岩想開始發展但又未發展既時候。 唔通冇啦啦去鍚你咩, 噓~~~痴線>.<  我一句既無心說話咁就賴左野, 對唔住~~~ 之後又玩返以前既遊戲, 哈哈哈~~~~~ 同以前一模一樣, 今次既程度比以前激左tim啵, 勁呀~~~ 反應仲激過平時好多tim, 我都唔知點解啵。 分左勝負之後就大家收皮訓覺, 不過真係好開心~~~~

3/9  心情好~

今日唔知點解心情咁好, 加上又收到個ok好既消息, 哈哈哈~~~~ 仲幫薯姐約好明天試音^^  同ray講左樣野, 佢比左d意見我。 今晚都算早訓lu~

2/9  杜鵑來lu~~

今朝起身返工已經3號, 不過我都預左要返工啦, 返到去個個既話題都係掛唔掛得成8號, 同事係咁, 朋友係咁, 連vendor都係咁, 攪笑~~~  個風來得好快.... 天文台講明會係下畫掛8號, 個個都希望可以早d放, 睇得出大家都冇咩心機做野, 哈哈~~~ 之後天文台講到明會係兩點四到掛8號, 但兩個老闆都冇表示, 所以我地照放lunch, 落到樓下見到d人拎哂袋咁走, 個心勁羨慕佢地.. 食完lunch返到公司個個都係到留意几時掛8號, 個個都唔做野, 執哂野準備走人, vince仲勁, 一早click定個login system出來, 佢一聽到8號, 我見到佢即時logout, 勁~~~ 我地當然個個砰砰聲閃人啦, 手提電話jam哂線, 打得几辛苦先打到一個電話。 返到屋企好眼訓, 訓醒覺陪媽咪落街買野, supermarket比人掃哂d野, 勁呀真係~~ 返到上樓又再訓過..... 起身見到老豆食麵囉, 媽咪又唔煮飯啵, 激死>.<

之後媽咪撩打牌, 痴線~~ 佢地三個都咁勁, 即係我做硬魚腩囉=.= 打左8圈, 打到成點几兩點啵, 勁眼訓, 次次都係咁架啵, 你愈想快d打完最後一局呢, 佢就永遠都打唔完。 因太眼訓既關係, 我就是但打, 咩都打出去, 就係想砰砰聲打完。 最尾一局出左局8番, 所以total輸左30元, 如果唔係我就贏60几。

1/9  颱風來緊

又有一個颱風向住香港吹緊lu, wilson第一時間報告比大家知, 佢勁pro啵, 比哂link咁啵, d資料勁詳盡啵~~~ 佢好似好渴望打風咁啵。  哈哈哈哈~~~~~

放工聽andy講過對面間pccw申請pps啦, 點知去到搵來搵去都搵唔到間pccw啵, 頂~~~執左?!? damn~~~ 唯有行返去搵van仔啦, 出到去搵完亞yan就落去MTR申請pps囉, 由街頭行去街尾, 再由街尾行返街頭。 部死人咩生活易又廢啵, 禁來禁去都禁唔到d制既, d人就係咁望住我, 好似我傻咁, 麻煩~~~ 攪掂就返屋企上網試下用pps交野, 開頭整來整去都整唔到, 激死我呀~~ 仲要比人串, 頂~~~  攪完一輪, 終於攪掂啵, 但好似太方便咁啵, 我又唔多信禁個制就交到錢啵, 好似好新奇咁, 勁搵野睇下仲有冇野要交, 哈哈~~白痴仔.....

點解你次次都係咁架?!? 講得好好地, 你係要搵d野來拗, 一係就唔reply, 想點呀??? 話悶果個係你, 我睇下你點, 唔應人又發脾氣果個又係你, 你究竟想點呀?!?!  你想我點呀???????  我真係好憎你講whatever呢句野~~~ 你既鼻敏感愈來愈嚴重, 真係令我擔心=.= 你助養我就二百, 我助養你就四百, 咁即係玩我0者?!?! 呵呵~~~