Nov

02 May Jun Jul Aug Sep Oct Nov Dec

              03 Jan Feb Mar Apr May Jun Jul Aug Sep Oct Nov Dec

30/11  勁開心^^

放工出尖咀join埋家姐同青蛙行街, 行到腳到痺埋。 不過大家都買左好多野, 我係double park買左對鞋, 青蛙又買左鞋衫褸, 之後我地行hysteric, 不過買得最多係家姐, 佢一獲過買左三件衫比佢自己, 不過咁就五千几蚊, 之後我地臨走時, 我睇中左件唔知算唔算褸既褸, 成二千蚊>.<  我真係唔捨得買啊, 最後屈左家姐買比我, 佢比完錢之後我自己都覺得唔係几好意思, 唉~~ 我會買返件衫比佢如果今年有得出雙糧的話。 之後我地去左CEO食飯, 青蛙請, YEAH~~ 之後我再買多件厚厚地既stussy外套比自己, 今日收獲真係好大, 大到自己都想像唔到^.^

29/11

一早返去亞何生同熊生就吵大獲...堅呀, 我未見過何生咁火架, 嚇得我丫>.<  放工即過左causeway bay, 因nite lite今日opening, 所以我, bay同marsha落左去, marsha三個朋友, 加亞bay一個朋友都有來, 我們勁玩, 笑到我嘔電, 之後amanda來埋一齊玩, 攪笑, 大約點几返到屋企。 哈哈哈~~~ 一聚埋即討論七號既野, 驚乜呢??? 傻既~~

28/11

今日唔知咩事個頭勁痛, 好辛苦, 食極藥都止唔到痛, 我決定放工第一時間返屋企, 媽咪今晚煮左好多我地勁鍾意食既野, 正呀~~ 食飯時, 我地四個白痴到學亞sa做戲, 真係成家都白痴既, 完全冇夾過架啵, 但個個都接到戲先頂癮啵。 

27/11  winnie回雞lu~~~

我成日以為winnie今日返hk聽日返工, 點知一早就見到佢個頭突左出來, 即時問佢好唔好玩, 佢讚不絕口, 可能佢真係岩去呢d國家旅行啦^^  今日轉一轉, 食lunch晚上飲返奶粉, 唔知自己頂唔頂得住呢?? 試下一日啦, 唔得都係一日0者....搏一搏, 呵呵^^  

放工睇完winnie d相後就一齊搭車出jordan, 點知上緊樓時, maggie打來報料, 話windy見到某君拖住個女仔, 個女仔大家都識架啵, 我唔方便講喇, 大家不妨估估啦, 我就一早估到佢地係生力清啤來架啦, 我真係發覺我自己某程度上都几醒架啵, 咁細微既野都估到, 勁呀^^ 真係不得不讚下自己呀, 哇哈哈~~~

有少少唔開心, 原來佢地一直都唔當我係朋友..........

26/11  YEAH~~

今日好多野做, dh條友仔唔知發咩顛, 周圍搵人發脾氣搵人煩, 我??  當然係其中一個啦...  明明唔關我事既野都要嘈我一獲, 唉... 我真係唔明做錯野果d人唔鬧, 係都要鬧我, 都白痴既... 我又唔係佢地亞head, 煩我做咩呀?? 死白痴~~~

放工出尖咀, 上去磅重... 呵呵^^  輕左兩磅囉, 少就少左d, 不過好過冇丫。 我會繼續努力架~~~ 鬼仔...你等我呀呀呀呀~~~ 

25/11  

今日不停咁反醒自己, 要寬容別人, 唔可以執著, 但係我永遠都唔可以寬恕某d人啵, 見到佢就興架喇。 放工砰一聲彈左出mongkok join ivan 家姐同媽咪, 佢地去左買數碼相機比家姐做生日禮物, 攪左成粒几鐘, 途中亞俊見到我哈哈, 之後去左食齋, 食完我同ivan家姐去左電腦中心買game, 我買左隻古惑仔, 而ivan又買多隻古惑仔精裝版, 家姐就約左黑鬼去唱k, so我陪ivan買部電視機, 好在佢有渣車出來, 不過泊到老遠咁, 痴線~~ 叫佢渣過來我係樓下等佢又唔識路, 激死我>.<

24/11  北上...

一早就彈起身攪掂自己先, 再叫家姐起身, 之後10點几就出門口喇, 點知佩詩家姐同jacky遲到啵, 哼...過份, 佢地就預左我地遲到所以就遲到, 但我就不停咁吹家姐早d出門口, 費事佢地等啵。  之後我地搭KCR啦, 去到我地第一時間去左飲茶先, 當然係到講下我地屋企既事啦, 之後就去行囉, 當佢地買哂佢地要買既野時, 就去按摩, 我地四個人一間房, 仲要換衫tim, 我同家姐都"找罐"所以要除多dd, 哈哈哈~~~ 我第一次找罐, 好似想死咁, 不過應該舒服d既找走d風。 之後攪掂哂我地就換返衫出去lobby都任食, 哈哈 一百蚊三個鐘仲要任飲任野, 痴線!! 之後我地返返香港, 一到左就打比媽咪, 今個week到三伯父佢地睇亞麻, 媽咪冇野做又返左去, so等我地一齊dinner, 哈哈 又食免費餐, 食完返左亞麻到, 我地又捉住三伯父同三伯娘問野, 我當然係問我係咪真係會結兩次婚啦, 哈哈~~~ 點知我比三伯父教我做人, 同點醒我, 佢講中哂我份人, 係, 我係一個好執著好挑剔既人, 我知我執著係唔岩, 我會嘗試改, 三伯父再教埋我個壇既野, 希望我可以做到。

23/11 放假~~

今日短周, 一早就同媽咪落左去hsbc開戶口, 我真係要開多個戶口先可以, 唔係我會用下用下d錢就咁冇哂。 而家分開左d戶口就方便好多啦, 傻既^^  之後攪掂就返上屋企, 睇cartoon片, 哈哈 好耐都冇睇過喇, 勁好^^ 成日都冇出過街, 放假留係屋企都ok開心丫, 呵呵!!

22/11

今日個個都玩古惑仔, 妖~~~ 自己係公司冇得玩tim, 家姐同佢d同事個個都有一隻係公司玩,成班同事一齊玩不知几開心呀>.<  放工砰砰聲閃人, 返到jordan去買十蚊雲吞麵返屋企同家姐食飯, 之後我地係到睇電影, 真係笑死人啊, 哇哈哈^^

21/11

放工我, maggie同suki搭van仔出jordan join埋亞龍生之後去左金太郎到食sushi, 可能我食代餐太耐喇, 冇咩食過野, 覺得d sushi特別好味佢地不停咁話我大陸落來未食過sushi咁好失禮, 但係佢地唔會明白我既心情, 實在太興奮喇。 食飯中途, 我地不停咁諗21號gathering既野, 講到勁開心咁, 哈哈~~ 可能慣左食少野, 今餐實在太滿足喇, 我飽到個肚痛痛地, 之後因為亞龍生未食過松記, 所以佢要去試下, 當然我地係陪佢啦, 咁要人陪咯, 咁梗係佢請客啦, yeah~~

20/11  恭喜哂啵maggie

lunch時一行入返去, 發現個個人係到奸笑, 心知不妙, 正當小妹心震震時, 突然聽到maggie的名字, 當時成個人鬆了一口氣, 知道主角不是自己, 呼~~~ 亦相信自己唔會那麼的幸運啊!!  估唔到佢想"jap" maggie丫, 當maggie聽到時, maggie成個樣變哂...識佢咁耐都冇見過佢塊面變成咁, 可知佢有几咁驚~~~ 放心, 我唔會出賣你既....

放工同suki, windy同maggie出左尖咀食KFC, 之後睇台北晚9朝5, 當然成場最嘈既都係我地.. 最大獲係suki同windy, 套戲去到d大膽位, 佢地兩個竟然大叫"哇"佢地兩個好似未睇過三級戲咁, 几咁尷尬啊~~ 去到某個位都ok感人架, 我地就開始聽到有d好似喊既聲音咁, 我同suki好自然咁望向maggie, 因為佢睇2002都喊既, 何況果場感人戲丫, 但散場時, maggie話冇啦啦標眼水啵, 唔係喊啵, 嗯~~~ 原來戲院入面都會有沙入眼架, 大家小心d喇~~~

19/11  瘦左??

冇啦啦手提響, 個人已經好煩, 望到來電仲煩, 打來咩事呀?? 冇目的咁打來做咩先而家?? 放過我吧~~~ 澄清一次, 唔係新不如舊呀, 你唔好亂講呀, 好在maggie醒目幫我手做戲先收到線。  放工出左尖咀HMV買七號既飛, 之後join埋家姐媽咪may姐食齋, 之後上左康保來到磅一磅, @@瘦過上次去醫生到磅??  係咪架??? 唔好tum我開心啵, 老闆

18/11   安仔演唱會

今日我同媽咪坐第十三行, 但一d都唔遠, 因為我坐係個台側升上去果炸到頭几行, 當安仔行埋來時, 我心情簡直係興奮到難以形容啊, 我冇啦啦標眼淚啵, 但我又唔知為咩喊啵, 但只知好開心, 我又一次証明我真係好鍾意安仔, 佢實在太靚仔同型喇, 佢六舊腹肌簡直係到呼喚緊我, 痴線~~~ 我心情真係平伏唔到, 佢既歌, 我九成八都識唱, 唯一一首國語歌係唔識唱, 其他隻隻都識啵。 當睇返佢拎最受歡迎男歌手果套片段時, 我又再流多一次眼淚.... 安仔我永遠支持你~~~~~~~

琴晚George Austin打IDD比我, 同佢傾左一陣, 講起我plan緊來年去USA, 佢不知几咁開心, 佢一直都想我去USA探佢架喇, 不過我真係冇錢同冇假... 希望來緊四月可以啦, 不過如果我一去就會冇哂成十日既annual, 唉....真係要諗諗, 如果比我去, 一去就去盡佢, 夾下d weekend呀 holiday呀, 數數下可以去成十几日啵, 正呀~~ 美國你等我呀~~~~~~

17/11

今朝勁比家姐個手提嘈醒, 十二點几起左身, 訓唔返, 唯有睇電視啦, 睇左一陣就睇不速之嚇, 哇....真係估唔到個ending呀, 不過又真係几好睇啵。  之後家姐叫出去行街, 突然同suki icq啵, so家姐叫埋suki出來, 我地去左又一城行, 行完出左mongkok食飯, 食完我同家姐行返jordan, 買左好多野^^ 條腰骨keep住痛, 大獲>.<

16/11  開始凍lu

今朝一返工落車過馬路就比架的士一駛埋來我下半身濕哂, damn!!  放工砰砰聲返屋企睇埋琴晚既錄影帶佢, 睇埋個大結局先咪講笑, 之後就玩左陣電腦, 之後上床訓左一陣, 起身再玩電腦, 比家姐線我, 佢出街又話同我食飯, 最終電話都冇, shit~~~ 自己丁返d媽咪整既蘿蔔高來食仲好味, yeah^^  唉...條腰骨又開始痛返, 大獲喇呢次>.<

15/11  心情勁靚, 呵呵^^

唔知咩事今日心情ok靚呀, 嘻嘻^^  今日個心有少少動搖想食熱野, 但最後...死忍...yeah, 本應想食包餅仔, 拎到上手個心諗多兩諗, 都係掉低佢好, 唔想破壞自己原則呀~~~~ 忍忍忍忍~~~ 我死忍.... 希望快d再習慣d啦!!  返屋企磅下好似瘦左几磅, 但都唔知個死人磅係咪壞既, 一時重左一時輕左, 妖>.<

放工砰砰聲出mongkok join埋家姐, 亞bay, marsha唱k, 喪唱...終於唱到yumiko喇, yeah~~~ 仲唱埋何粉絲, 佢地不停係咁話我深情演繹"再見, 露絲瑪莉" 之後bay閃返屋企睇大結局, 而我地三個就去左行街街, 行行下亞bay條粉腸send左個sms比我, 講個大結局, damn>.<  之後amanda出埋來飲野, 傾埋d爆笑野, 笑死^^ 七號去蒲??  又係一個好主意啵.....哇哈哈^^  飲飲下...亞仔拖住個女仔出來@@"  女朋友仔啊~~~~~ wowowowo^^ 終於大個仔lu

14/11

可能開始慣左喇, 都唔覺得好辛苦, 只不過係有時d人係隔離食野, 我個口自然咁分泌d口水出來0者, 我忍忍忍, 哼>.<  放工返左屋企喇, 條腰骨開始痛返, 頂~~~

家姐今日去睇安仔演唱會, 佢返來話好好睇, 佢仲幫我昅左我坐果到, 應該係正面, 應該握到手架啵, 希望啦, 不過我又唔會飛撲出去握手啵, 好瘀架嘛, 哇哈哈哈~~~

13/11  勁開心^.^

今日都冇食野, 早午都代餐, d人好衰架, 勁係到引人食野, 賤格>.<  我個腦不停係咁浮d好好味既野啊!! 不過我要忍忍忍忍~~~~  唔該你地唔好再引我啦.....

今日好開心呀, 知道兩大個消息, 第一係有人續左約加左人工, 我知道都好開心^^ 加上有人請食飯請唱k, 全包宴, yeah^^  第二個好消息係jessica遲几個月要過canada結婚, 仲要攪埋移民, 唉...聽到之後都唔知係開心定唔開心, 開心就係佢結婚, 唔開心既就係佢要離開香港。  佢仲應成留間房比我tim, 哇哈哈~~ 又多一個人去canada喇....唉~~~  聽到結婚, 自己諗一諗....想死>.<

放工去廁所, 未去已經整跌左條toilet key落個屎坑, 我眼望條key係果個屎坑入面, 我完全唔知應該可以做d咩囉, 只識大叫, 之後我決定出去搵maggie幫手, 之後我, maggie同suki一齊入去, 我同suki係到勁大叫, maggie嫌我地煩, 佢決定拎住把間尺close左門來整返條key上來, 由於我太急既關係, 我要去廁所, 我不停咁聽到maggie係到撩野聲, 加佢既叫聲, 之後佢終於攪掂左, 我地諗點洗條key同把間尺, 哈哈哈~~~~~ 好核突呀~~~ 不過真係唔該哂maggie!!

12/11  我要fit一fit

哇...今日第一日食返康保萊, 感覺好難受, 好難飲, 好肚餓>.< 下畫個腦不停係咁浮哂d燒賣呀, sushi呀, 雞亦呀, 呢樣果樣..... 嗚嗚嗚~~~ 不過我要忍口, 我要fit一fit~~~ 哇哈哈^^"  放工返去寫埋張卡比我個仔, 砰砰聲聽日寄先, 我d中文字.... damn

11/11

今日好得多野做, 做極都做唔完, 痴線!!  放工同suki出左尖咀行街, 佢本應想買冷帽但都買唔到, 之後由尖咀行返落去jordan食呢個雲吞麵, 哈哈~~呢餐好平, 每人25蚊仲有麵有菜有埋野飲啵, 之後大家各自回家啊~~  返到屋企勁煩家姐同媽咪, 我要減肥肥肥肥肥肥~~~ 聽日開始...請大家唔好玩野, 係我減肥時候呢個請我食野果個請我食野呀...反面架我>.< 多多支持~~~ yeah ^^  哇哈哈!!

10/11

今日十二點就起左身, 之後出左尖咀飲茶, 飲完就成家陪家姐去買櫃, 買完就返屋企, 今晚媽咪有街去唔煮飯, 由家姐煮野比我地食。

有d事我已經唔想再理, 有d人我亦都唔想再理喇, 佢點講都好啦, 佢話我地累到佢破產又好咩都好啦, 事實就係事實, 當初係邊個求我地咁做既, 大家心照, 由得佢點講啦, 我已經唔再care喇。 總之佢咪撩到我興興地, 我實xyz到佢暈低呀。

9/11 好邪呀~~~

今日好早就起左身, 冇咩遲到, 點知係樓下見到wilson一齊搭left上去啦, 點知一行到入去, 哇~~~几個人企係到原來冇門口入, 打比suki又打唔到, 大佬fred就打比winnie啦, winnie又塞車, wilson又唔知咩事冇帶key啵, 妖~~~ 企左一陣唯有一齊落去食早餐啦, 我就拎住我一早買既燒賣粉果落迪尼陪佢地一齊食早餐, 哈哈^^  諗住返上去應該有門口入啦, 點知仲多人企左係門口.... 計下成十人, 我地不停咁諗究竟係suki返丫定windy返, 唯有打去問問windy啦, windy幫我搵suki, wilson提一提我打比danny, 連danny都打埋, danny 覆我suki屋企電話"long"起左@@哇~~~咁大獲...點算...好在windy搵到suki, 原來佢唔知醒0者, 嚇死我地仲以為佢有咩事tim, 我地只好再落去陪d未食早餐既人食早餐啦, 今次去左老麥, 點知當theo買野食時, winnie岩岩返左來, 我地唯有返去啦, 點知一返到入去坐低0者, 呢頭亞何生就返來喇, 好彩0者^^

同家姐icq知double park今日sale, 之後亞花約我lunch, so叫佢去double park昅昅啦, 點知家姐條cheap友丫, 話我一早想約佢, 所以比個機會我約佢啵, 仲話一早知我想請佢飲starbucks啵, 頂~~痴線  放工maggie返左來, so suki winnie theo eric同我一齊同maggie食lunch, 成場eric冇出過聲....佢真係有心事啊~~~  之後砰砰聲出尖咀, join埋家姐同亞花就一齊去double park, 冇野岩, 不過佢地兩個就有買野, 之後呢到行果到行, 行完就去小城知味食野, 痴線...家姐樣樣都想試, 最終叫到成台都係... 之後我地去左睇水晶, 哇哈哈 我同亞花每人買左兩條.... 我買左一條綠法晶一條紫金沙, 我真係好希望我兩個願望都會實現。  返屋企途中, 有個人打來..... 好驚真係... 真係唔知佢想點, 成日打來又唔係有事搵我啵..... 唉..... 真係唔知佢想點.. 以前又唔見你咁.... 多如

8/11  正常返工日

哇~~~放左咁多日假, 今日第一日返工真係有d唔慣啵, 點知一返去, wilson已經問我開左outlook未, 我覺得佢有d怪, 不過冇理佢, 照做其他野先, 點知唔開都冇事, 頂...一開嚇q死我呀, 成萬個mail??? 有冇攪錯呀?!?!  delete mail都delete左成個几鐘, 低能>.<  之後大佬fred問我今日飲茶你知啦呵?? 我話咩事飲茶呀又 喔....原來係雪雪同terry走既farewell囉, 不過maggie問我想飲茶定pizza hut, 梗係pizza hut啦, 因為今朝起身見到個廣告已經好想食pizza hut, 仲諗住lunch叫maggie陪我去tim, 而家唔洗lu, 一大班人去好開心^^  之後terry仲請許留山tim, 多謝哂呀^^"   

放工落去拎korea影既相, damn好核突好黃, 有d唔開心, 唔知係部機真係有問題定我面黃, 想死~~ 即時心諗好多方法去美白..shittttt  由於bay來呢頭做野, 所以佢返來搵亞雪, 佢一返來又係到搗蛋....  之後我就一邊做一邊等mummy, 做到成七點半先走人, 之後出左whampoa搵mummy, 我地去左"頂太風" ==> sorry唔識寫^^ 食飯, 食完就行吉之島又買左d女人野, 哇哈哈^^"

7/11

今日十二點几起左身lu, 之後打比亞花, 佢仲訓緊, 隔左冇耐佢打返來,  我就沖涼洗頭出去, 去左UCC lunch比左d手信佢, 講下我係korea既野, 笑死^^  之後行行下我地去左影sticker card, 影完去ocean到嘆starbucks, 對住個海傾計, 仲影左几張相tim, 哇哈哈~~~ 之後又落左tommy, 頂~~~ 我都話架啦, 落親去就買野架喇, 又買左件初同我等左好耐既潤唇膏, 唉~~ 呢個月唔知點死!! 之後返左屋企食飯, 好耐冇食屋企飯喇, 點都係好味d既!!  几日唔係香港, 完全outdate左, 睇電視勁問點解會咁點解會咁, 哈哈~~~

6/11  韓國之旅最後一日

一日起身又係食美式早餐, 唉~~~ 仲慘過食老麥呀真係!!  食完又搭車去總統府, 好多咩秘密警察, 雖然佢地叫秘書警察, 但一d都唔秘密, 係人都知佢係警察啦, 低能!!  影左d相就去行明洞同南大門, 係明洞第一時間去買左suki要既野先, 咪講笑^^  之後係百貨公司入面買左對手襪比自己, 唔敢再買任何野喇, 驚唔夠錢買野食做手信。  今日lunch又係自費, 所以我地是但入左一間比較有地道既商店食我地既lunch喇, 原來係韓國講普通話係好過講英文架。 食完就行南大門, 買左d紫菜就搭車去咩紫水晶專門店, 之後去左間商店到買手信, 我用哂我剩餘既錢來買, 買買下大獲唔夠錢問大佬fred借, 我買到要pack箱返來, 本應想買d梨水返來比家姐佢地試下, 不過驚太重, 都係算啦^^ 我帶去既錢都洗哂lu... 大約洗左三千几蚊港紙啦今次, 不過洗得開心自己又買到野, 冇緊要啦^^

之後搭七點几機返香港, 成程好辛苦好驚, 廣播話因太大風, d氣流好勁, 所以成架機搖晃不定咁, 我勁想嘔, 個心好唔舒服, 有几野直頭搖到好似人地拍戲咁, 嚇死我呀真係~~ 係果几個鐘頭入面, 真係好辛苦, 只係想快d返香港, 好在最終都冇事, 一落機就打返屋企, 叫佢地落來接我, 搭車時已經訓著左lu, 爭d唔識落車, 到站就見到mummy, 哈哈~~ 佢第一句就係話..哇~~~你買到要pack箱返來你都几勁啵, 哈哈  返來第一時間唔洗講梗係裝返支香比師公啦!! 

5/11  韓國之旅第四日

今日好早morning call呀, 6點半呀大佬, 因為又要搭成4粒几鐘車返seoul呀!! 車上唔洗講又係訓啦, 日日搭車多過乜咁, 痴線!! 第一站去世界盃比賽場館, 頂~~個場咁細既, 仲細過香港大球場呀, 失望>.< 影左几張相後就去果個買紀念品商店到, 冇樣岩我, so咩都冇買。 今日lunch係人蔘雞, 杯人蔘酒好難飲, 頂唔順.. 食完出去買左d手信就出發d什麼什麼sale人蔘呀冬蟲草呀果d囉, 上車即訓, 唔知點解今日特別累, 但當個導遊一講帶我地去買Y saccs, 我成個人彈起, 正!!  去到勁精神, 係咁揀, 去到已經昅中個袋, 唔理三七廿一叫個靚仔sales keep比我, 之後行行下又昅多個, 妖~~ 咁遠又平咁多, 一於兩個買哂佢, 好野.. 今次去旅行點都有買野比自己喇呱, 唔洗好似上次去台灣咁d錢用哂買手信, 自己咩都冇。  不過買完就破左產囉..大獲>.< 

掃完貨就去coex購物城, 買左d手信啦, 仲買左條電話繩比自己。 買完就去食火鍋, 我到而家真係仲未攪得清邊d係火鍋邊d係燒烤啵?!?! 之後去樂天世界, 第一次睇到巡遊, 好開心影左好多相^^ 之後仲睇埋個laser show tim, 好靚啊~~~ 臨返hotel時去掃7仔做手信, 哇~~唔掂爆gip喇.... 聽日仲要去掃野食比人架啵, 未買已爆gip, 點攪呀?!?!  唉...搵左几日都搵唔到suki要既野... 買唔到比佢鬧死架啵, 問問leo啦, 佢竟然知係咩..仲話聽日有, 我當然可以放下心頭大石啦。 返到hotel好辛苦我間房好焗好熱, 好似冇咩空氣咁, 我面焗到紅哂好痛, 打落去問點樣可以打開window, 有個亞伯上來幫我, 佢係我係korea咁耐以來第一個英文咁流利既korean, 之後落左去lobby到玩電腦, 呢次免費既, 勁同bay, 家姐佢地icq, 耐冇見家姐當然多野傾啦, 條友勁煩..係咁問我有冇買佢最鍾意食既豬豬力糯米餅, 話左聽日先買架啦, 我都唔知點死呀, 用哂d錢.. 驚緊唔夠錢買手信, 已經一早問准左亞fred, if我唔夠佢借比我, 希望夠啦!!

4/11  韓國之旅第三日

一早起身發覺自己開始病, 可能冷親呱。 落去又食美式早餐, 佢地出發去waterpia浸溫泉, 而我就自己一個去左pc game room到比錢玩icq, 一上去就係咁icq, 好忙好忙, 哈哈^^ 之後玩玩下冇啦啦disconnect, 激氣呀~~ 一怒之下自己一個行supermarket, 買左罐梨水來飲, 又几好飲啵, 唔錯丫^^ 係supermarket搵suki要既野, 搵來搵去都冇, 都唔知點同suki交代呀>.< 之後再買杯mini melts食, 一路食一路返房, 哈哈~~ 好味呀^.^ 係房自己一個好悶, 電視又睇唔明, 一台英文台都冇, 想死。 等埋janice佢地返來, 我地就出發去食sabu sabu, 基本上呢個sabu sabu同第一日既燒烤係冇乜分別, 但佢地話唔同咪唔同囉, 真係攪唔清邊d係sabu sabu邊d係燒烤呀。 

食完lunch就去呢個雪獄山國立公園, 大家係個行熊像前影影大合照, 之後去參觀其他野, 去到見到一個好大既佛像, 我當然要去同佢頂個禮啦, 當我頂完個禮時, 起返身時見到有d團友對我既眼光怪怪咁, 唔通佢地覺得我頂禮好怪?? 定係佢地根本唔知我係到做緊乜呢??  我地行呀行, 行到去d樹下面, 個導遊講解點解每棵樹下面咁多一舊舊既石頭疊起時, 亞fred即時話亞york你快d疊下啦, 哈哈^^ 再上去d廟到影左d相後我地行返落去, 當然經過d大樹下, 大家就試下疊疊d石啦, 咁遠來到唔好蝕丫嘛!!  我地四個行返落去, 係咁影d紅葉, 真係好靚...  影完就去攬車站等上山, 等車途中有個韓國亞伯不停係咁同我講野, 我又唔明佢乜咩啵, 佢講完一大輪, 佢竟然係個衫袋拎部相機出來, 叫我同佢影相, 嚇死我呀真係, 之後同亞fred佢地講啦, 亞fred又唔知同亞伯up咩啵, 之後亞伯話咩ichiban 之後見到架攬車..哇~~架攬車几鬼細架呀又迫啵, 勁驚佢唔掂呀!! 搭到上去, 真係好鬼死凍, 吹埋來既風真係刺面架, 上到去可以揀行唔行上去山頂, 因為條山路好難行, 同好辛苦,  都係果句啦, 咁遠來到, 點都要上既, d石好鬼死滑架, 我呢d梗係包尾果炸啦, 自己一個慢慢行, 愈上得高我個鼻就愈痛, 流得愈多血, 几經辛苦爬到上去, 影下相啦梗係^^   之後落返去等攬車落去時, 冇野做又凍啵, 梗係搵野食啦大家, 哈哈~~~ 我地又係d咁凍既天氣底下食mini melts, 哈哈 個個團友都話我地傻既, 我同亞york就冇咩野呀, 不過亞fred就勁死頂話冇事, 佢口講冇事0者, 但佢個樣已經出賣左佢喇, 佢好夾顏咁食哂佢, 好攪笑^^哈哈, 真係頂佢唔順呀leon

搭車返第三間渡假村, 不過今次有床訓喇, 好野~~  我地放低行李就四個閃左落去周圍行, 四周一片死寂, 只見個beach好多人放煙花同好大既浪, 感覺都ok浪漫, 但係浪漫唔起, 因身邊果個係亞york, 冇理由同佢有浪漫感覺0者, 哈哈~~ 我地係咁行, 條街冇咩人架啵, 但兩旁都係商店, 我真係唔知佢地點為生囉, 都冇生意既。 之後行到一間燒雞泡魚乾既商店入面, 想問佢係咪要燒先食得, 我地同佢講英文, 條友唔明我地up乜之制, 亞fred就不停同佢講廣東話, 笑死我地。 晚上又係自費, 今次食韓烤, 呢餐係咁多日以來最好味既一餐。  食完terence係車上講笑話, 笑到我嘔電~~

3/11  韓國之旅第二日

一早起身就吃個佢地所謂既美式早餐, 之後出發去呢個everland, 去到第一時間去動物園睇下, 坐住架車眼望前面一隻隻既巨型動物, 好開心又好刺激, 仲見到隻lion係到攪野, 頂, 原來lion攪野咁快架喎?!?!  可能天氣凍得滯, 部死人相機唔知咩事成日影唔到相, 妖>.< 之後大班人玩呢個咩阿瑪遜河, 話左一人一格架啦, 點知我要同亞york一格啵, 個死人位又迫啵, 兩個夾住左, 成程好辛苦, 玩完成身濕鬼哂。 lunch吃個韓國人結婚先食既豬扒飯, 痴線..結婚都食得咁寒酸??  食完砰砰聲去玩下d機動遊戲啦當然, 再同d羊咩咩影下相呀咁囉。 再玩下佢地個3D game, 哈哈 如我所料, 同山頂果個一樣, 玩完都唔知玩過d咩...哈哈哈^^  仲買左d手信tim, snoopy~~

下畫四點半開始出發去雪獄山, 呢次金咯~~ 搭左成四粒鐘車呀....坐到我屎忽都痛埋, 車上唔洗講梗係勁訓啦, 訓到你死我活呀真係, 話時話呢几日亞york少唔係訓就食, 佢仲話一路訓一路食tim, 真係未見過。 今晚既晚餐係唔包, 要自費, 大獲~~ 食呢個什麼什麼魚生餐, 位位三萬几won, 我地四個就十四萬几, 咁大個女都未食過几萬蚊一餐飯, 痴線~~ 原來亞fred唔食魚但係食魚生架啵, 條友成日打自己咀巴既講d野, 我不得不串佢呀^^ 果隻生勾勾既八爪魚好慘, 咁樣一忽一忽咁剪落來, 我地咬住佢來影相, 真係阿彌陀佛呀。 食完上車, leo同terence係車上唱歌, leo仲唱leon既歌, 頂我真係想叫佢唔好唱, 比我地itok leon唱呀, 哇哈哈~~~ 今晚間渡假村冇琴晚咁靚, 仲好殘舊tim。

2/11  出發去韓國^^

琴晚成兩點几先訓, 今日五點几起身之後就出機場, 訓得兩粒鐘, 頂~~點知叫人唔好遲到果個人就自己遲大到, 離哂譜>.<  機上好乾勁飲水, 好唔掂, 我又証明我係几咁大頭蝦既人, 搭機中, 起左几次身拎野, 拎完一樣又唔記得果樣!!  以為落機會好凍啦, 點知一d都唔覺得凍, 我只係著一件圍衣。 果時seoul around3-4度, 但係天氣好似香港既7-10度咁, 唔係話太凍囉, 我接受到, 不過真係好乾, 我個鼻仲係咁流血。 

之後搭左成几粒鐘既車去到果個咩東大門(車上勁訓ZzzZzz), 哇~~~ 可以用恐怖來形容, 第一個感覺好多人好似mongkok囉, d人好冇禮貌, 周圍咁撞人既, 痴線!!  係東大門果個唔知咩商場入面買左頂冷帽比家姐同買左kenzo既毛巾比mummy同家姐, 咁就冇左几萬won喇, 妖 同個男sales傾左几句, 佢就好nice囉, 仲教我同york講korean既byebye, 哈哈!!  之後我地係街到食左d小食, 哇~~ok好味啵又^^ 不過就貴左dd囉!! 之後又唔知搭左几多個鐘既車程去食果個所謂燒烤既晚餐, 又再搭唔知几多個鐘車去果個渡假村, 即時落去掃下個supermarket先, 買左d水呀杯麵果d, 仲有個領隊介紹我地吃果條雪條。之後我地上左滑雪場到影相, 出到去我話哇~~咁大塵既, 之後大佬fred一句彈埋來, 痴線唔係塵呀係雪來架... 下...雪??  唔係呱... 之後愈來愈多啵, 伸手摸摸, 哇~~~真係雪來架.... 眼望前面既雪, 真係天氣報告雪果個公仔來架啵, 不過真係好靚, 好可惜影相應該未必影到出來。 望望滑雪場個鐘, 當時氣溫只有1度, 我就提議大家係1度天氣底下吃雪條啵, 感覺好正~~ 係香港好難會有呢個機會, 梗係要試下啦 yeah^^

影完相食完雪條, 我地去左hotel果個internet room比錢上網check email, 用亞york mail account send email返去比itok既同事, 同大家報下平安^^ 我地仲打idd返屋企報到tim。 我地今晚係訓con即係塔塔米, 感覺都ok新鮮丫。

1/11  出發前夕~~

今日stock take啵, 一返到公司dh未返?? 咁好死, 冇奶油架啵~~~ 好似唔知去左咩hsbc傾乜鬼, so好晏先返, 我地當然嘆左一陣先做野啦, 平時咁辛苦呀~~ 下話??  以為stock take會好耐, 點知我地做既野就砰一聲攪掂哂啵, 勁快呀呢次, 好!!!! 不過之後勁做其他野, 攪掂哂d手尾先放假好d既...費事返來煩啦^^

之後出左黃埔join mummy行吉之島, 諗住買電視機, 頂~~佢已經一早睇好哂啦, 我睇有咩用啵, shit!!  之後買左d被袋買左d野食就飛的返屋企, 買野途中大佬fred打返話領隊打比佢話咩雪獄山已經開始落雪, 而家應該會仲凍, 要我帶多d衫???  shit~~~又要再執過!!  個gip已經爆喇, 冇位喇~~~~  不過話時話冇乜點特別興奮啵^^  大家唔洗太掛住我.......... 份手信架~~~~  哇哈哈^o^

背景音樂: 陳曉東~~ 劃火柴