JuLy

02 May Jun Jul Aug Sep Oct Nov Dec

              03 Jan Feb Mar Apr May Jun Jul Aug Sep Oct Nov Dec

31/7  點解會咁?!?

今日突然收到個電話, 真係好突然囉, 唉~~~ 唯有星期一去攪埋佢啦, 臨時向windy請annaul, 唔知何狗批唔批tim, 唔批都要請no pay leave架... 我冇得揀~~ 好在最後何狗都approve咋... 几鬼驚呀=.=

放工同wilson一齊去買傳聞中既0者喱蛋, 十蚊五隻?!? 哇~~ 好似好抵咁啵^^ 我地行去途中, 我個"好朋友"bay爺打來, 佢聽到我同wilson係mongkok之後即時話係jordan落來join我地, 但wilson有事唔等佢, 咁咪我等囉, 但買蛋途中, 接到個電話, 我聽完之後有d驚驚地, 要即刻返屋企, so即時打比bay爺話個壞消息佢知, 點知佢已經係bus就到tim, 真係sorry呀~~ 但我不得不閃人。

點解會攪成咁樣?!? 我好想知點解?!?  唉~~~ 真係唔識點講, 有d嬲有d興有d唔開心, 點解要攪到咁樣0者?!? 其實大家都唔想咁架, 但只不過我地冇辦法去控制之嘛, 唯有忍下囉, 係咪??  我相信遲d會好d架喇, 或者我試試心平氣和去同大家分析下... 希望快d冇事啦... 我唔想成日係咁喇~~~

琴晚五點几訓, 今朝七點几起身返工, 好辛苦>.< 全因琴晚比人玩到謝咯, 仲好激氣tim, 玩還玩丫, 點解會拎呢樣野來玩架?!?  換轉係我, 我一定唔會咁做囉, 其他就可以, 呢d野真係唔講得小囉。 我相信琴晚我死好多細胞>.<"

30/7

琴晚icq傾左一陣, 我諗住會解決, 但點知原來唔係啵... 繼續都係咁, 之後傾電話傾到四點就收線訓覺, 點知一訓落去, 又再打來... 突然肚餓起身丁蝦餃食?!? 唔係丫嘛..半夜四點仲食?? 哇... 仲要打來睇下我訓得著未啵..哇, 你得左~~  氣氛唔差, 又係照舊咁樣, 不過今晚好似激左小小啵... 點解呢???  哇哈哈~~~ 你係咪傻左?!?

放工去左意粉屋到食飯, 傾左好多野, 公司野朋友之間既野, 大家既感情咁囉!!  之後行左一陣就返屋企喇, 點知係街口撞到家姐落街買野, 咁我就陪佢行左一陣再去買野, 我地又去左supermarket掃貨。

29/7  好驚~~

琴晚返來一check email嚇一嚇tim, 當時嚇到手足無措, 即時icq eric, 打比亞bay, 打比jeffrey, 我唔知應該點先岩.... 同男朋友傾左一陣, 佢講左好多野比我知, 解釋左好多野比我知~~ 我大約知道應該點做啦。 不過太突然喇真係~~~

今日頭痛sick leave, 同george chat左一陣, 佢比左好多意見同資料我, 亞sir真係亞sir, 真係唔同d既.. 哈哈^^之後攪掂哂d野就同媽咪食lunch, 之後我就去左長沙灣一趙, 好爆笑真係~~ 完全係唔知咩事咁囉, 打比marsha, 打比winnie, 打比大佬, 打比男朋友, 總之個個打哂啦, 痴左線咁我好似....救命~~~~　點解我會咁架?!?!  我就來顛喇真係~~~~ 乜真係咁驚咩???

點解每一次都係咁?? 係你特登丫定係真係咁岩呀?? 一次兩次就話0者, 次次都中?!? 我諗唔係咁岩呀?? 我唔係咁黑你憎呀?!?! 見到我你食唔落飯呀?!? 我諗唔係誤會咁簡單囉...

28/7  好早起身啊*o*

琴晚半夜買點几先訓, 今朝未夠七點就彈起身沖涼洗頭返工, 皆因我既一位好朋友bay爺琴晚約左我今朝八點來mongkok同我食早餐囉。 但係我呢位好朋友真係夠朋友咯, 可能佢知我呢排遲到得勁得滯啦, 特登講大話呃我同我食早餐而"放我飛機"而令我早d返公唔洗遲到啦, 呢位"好朋友"真係夠"好朋友"咯... 好在我冇應成定佢準時八點係我樓下等0者, 唔係?!?! 我一條友戇居居咁企係樓下白等囉... 我已經醒架喇, 明明叫左佢七點打來叫我起身, 佢冇打來, 我就以為佢仲玩緊啦, so我都唔打去煩佢架喇, 就等我差唔多得既時候先打比佢囉, 點知.... 呵呵~~冇人聽之如飛去留言囉, 勁!!  睇來佢都係訓死左喇, 條友肯定又請假啦... 唉..算...等佢自己打來自首時先插佢=.=  最終我呢位"好朋友"係下畫點几打來自首... 比我機關槍一輪掃佢之後, 佢係要請我食飯補數既, 哇哈哈~~~~~

今日lunch成班人去左飲茶慶祝andy, ivan同補足theo生日既, 唔知點解今日少左好多人咁, 我地仲叫左好多點心食tim... 但我都唔係食左太多野~~~ anyway.. HAPPY BIRTHDAY TO YOU ALL ^^

我又玩即興囉, 臨放工五點九個字過d打比winnie約食飯囉, 哈哈~~ 之後約埋龍生同maggie, 我地去左元祿食, 因我有張7折coupon嘛, 諗住用鬼埋佢就算~~~ 不過今餐飯我地張台勁漏單囉...仲叫果樣冇果樣tim, 咩事呀???  黑人憎>.<

大佬背脊痛得好緊要, 仲唔肯去睇醫生啵, 離譜~~ 經過我呢個妹講完一輪之後, 佢終於肯去睇喇.... 希望佢快d好好返啦... 希望我同佢既衰氣, 快d冇哂啦~~~ 大佬, 記住我楝樓啊~~ 我層姑婆屋啊~~~

27/7  Liverpool VS HK

一早就已經起左身, 之後同sleepy亞叻玩左一陣, 睇下vcd咁, 之後成家係屋企睇下liverpool vs hk踢波咁囉, 唔洗問都知liverpool贏硬啦, 爭在炒香港几多粒0者。  不過可能今朝太早起身關係, 睇睇下波就閃左返房訓覺, 之後一個二個出街, 得返我一個係屋企睇住亞叻同sleepy, 自己煮左個麵食就算。

晚上發左louis一陣脾氣, 之後同佢傾左大約兩個鐘電話, 我仲講左個大話呃george幫louis做左份assignment。   應成左我既野次次都係做唔到既, 呃我成日都>.< 鬼信你呀真係~~ 不過希望你今次唔會再呃我啦~~~ 除左做功課外, 真係會抽多d時間陪我啦.....

訓訓下ray打來, 傾傾傾... 我已經冇之前咁激動, 可能唔同左啦, 但當佢講完几句佢心底話之後, 我開始覺得自己有d心酸既感覺, 我亦都估唔到佢心目中原來係咁諗。 等?!? 我唔知你要浪費几多時間, 就連我自己都唔知需要几多時間, 咁我點可以去限制你呢?!?  去嬲一個人係要有資格, 但呢一刻我真係冇資格去嬲你。 結果傾到四點几先收線....

26/7  

一早未夠九點就比亞may姐個電話嘈醒, 之後同媽咪家姐落左mc donald隊左個早餐之後我就去左銀行打簿, 一個人行既時候, 我都會諗下琴晚發生既事係真丫定係假, 諗下個問題, 可以點解決, 諗下點解佢咁怪? 唉~~問題根本就解決唔到.... 唯有自己再盡下力吧~~  可能几個月後我已被遺忘得一乾二淨呢?!? 有d野真係注定架, 我地根本冇能力去改變~~~ 唯有認命吧啦... 當我有一日成功既話, 我相信我應該會話你知~~  但到時可能又有第二個問題出現..... 

夜晚返左亞麻到食飯, 之後落左去買mark six, 今期有成6千几萬啊大佬...我發覺我已經成日keep住買mark six喇... 都好既搏一搏唔洗咁頻撲, 食食下飯bay少打來已經到左金聲喇, 冇理由要亞大爺一個人企係街等我架, 我砰砰聲食埋兩啖飯即飛身落去拎手信, 十分多謝亞大爺兩份手信啊~~~ thanks~~~ 

同louis icq, 比佢話我小氣鬼, 話我成日發佢脾氣, 激鬼死... He is a Barbarian,咁唯有我咪應成佢offer既野囉... 其實佢又係岩既, 我又係衰左dd, 小氣左dd既... 阻住佢做功課.... 呵呵~~~

究竟你想點?!? 究竟咩關係?!? 明明琴晚講好左, 我今日已經冇咩野可以平伏到, 你又要打返來?? 交代咁多野做乜?? 之前又唔見你咁做?? 我要你講時你唔講, 我唔要你講時, 你就自己講..頂~~~玩野咩?!?

25/7  Game is Over

放工去左牛頭角下村食飯, 之後去kln bay百老匯睇"Finding Nemo", 出席既人有我, winnie, suki, maggie, denise, kenneth, theo, vince同jacky to!!  睇完搭van仔出mongkok join家姐同oscar, 食左碟三文魚刺身就去左買vcd返屋企睇喇~~ 之後大家沖完涼後就開始做左一d唔合法既行法...哈哈~~~ 我係第一個炒低左果個=.=所以打唔到牌囉, sorry~~~

突然手提響, 傾左一陣, 開頭仲冇咩野仲好開心咁玩緊, 但突然唔知咩事大家需要好冷靜咁傾一個問題, 可能我爆爆地, 傾呢個問題時冇平時咁顛, 反而冷靜左同定左d, 講左d平時我唔會講既野... 我諗咁樣會好dd, 其實問題仍然存在, 我又諗唔通又解決唔到, 其實咁樣拖落去都唔係辦法... 我同意你既提議, 我亦都希望自己可以做到應成你既野, 但我知短期內一定唔得.... 其實我只係無奈....真係好無奈.... 我亦都希望你可以做到你應成我既野...... "不走"竟然係背景音樂, 歌詞勁入肉~~ 一句"係啦, 夜喇係時候要訓覺喇, 拜拜" 咁就結束了~~

24/7  頂~~

今朝照常起身望一望電視見仲係八號梗係即訓啦, 咪講笑~~ 訓到七點九醒左望一望電視仲係八號, 正~~照訓... 好可惜八點半過d suki打來話我知已經落左八號, 所以要返工, 當時簡直晴天霹靂啊~~~即時彈起身沖涼洗頭執樣返工, 趕死我喇真係~~~  好在十點三前返到去0者...

放工返亞麻到食飯, 途中傾電話真係好激氣啊, 你既語氣同態度我真係頂唔順, 係...雖然係我問題, 係我錯...但係你都有問題你都有錯啵... 而家唔係我一個人錯哂啵... 你仲要咁既態度, 真係激到我彈起。 成日都講大話, 根本都唔值得人去相信。

23/7  八號風球

今日係2003年第一個八號風球, 個個都希望個風來快d, 咁就可以早d放嘛, 好可惜佢來太慢, 放工佢都未掛...咁唯有希望佢唔好咁快來啦, 起碼都半夜來就岩岩好, 聽日咁唔洗返工啦, 係咪?? 好可惜佢係夜晚九點零十點就掛左喇, 聽日放假既機會已經無望lu~~~

今日家姐, oscar, 佩詩家姐, alex, wendy佢地為左來我屋企打牌而大家請假唔返工, 佢地几個真係得左~~~  我好羨慕佢地可以咁樣.... 

22/7  Happy Birthday, Oscar~~

今日係jacky擺酒既日子, 原來個個都冇準備到利是封, 好在公司有0者.. jacob竟然唔記得今晚去酒?!?! 扮傻啊~~ 之後冇啦啦又話唔舒服唔去, 人請遲d先比, 扮病啊~~ 我等winnie來到公司留下, 我就落去接佢一齊去先, 咁岩大佬, eric, 薯姐, york, theo都走, 咁就一起去吧~~ 去左join埋janice, molly同andy kwok就入去酒樓喇, 每人留個大名之後去影相?!?  都未齊人... 冇計..照影, 我仲誤會左一個auntie以為係jacky媽咪, 哈哈哈~~~真尷尬  我地無聊得滯就開賭局玩"black jack" theo做莊, 起手theo係輸, 點知當maggie, suki, wilson佢地來到後, wilson玩左一局後, 佢竟然煲旺左theo囉, 最後theo贏左74蚊啊, 激氣>.<  好在dh同rl唔同我地坐, 佢竟然去左同jacky既朋友一台, 大家九唔搭八但佢地竟然有話題??  可能大家都差唔多年紀啦...哇哈哈^^" 我們itok都影左好多相啊~~~ 當晚食野既次序我估中八成, yeah~~ 我地仲誤會左炸蝦丸係炸墨魚九, 炸鮮奶係炸春卷, 好爆笑~~ 飲完我就搭返巴士返mongkok幫家姐買VCD就返屋企lu~~

21/7  落大雨

作死, lunch時見陰陰天冇咩雨咪決定去冰室囉, 點知行行下...竟然落狗屎, 全部人at least半身濕哂, 我條裙都濕到漏水可以呀真係... 返到公司即除鞋, 唔係腳臭就大獲, 人地今晚仲要出街架嘛, 成身濕哂點去啵~~ 激氣 所以放工返左屋企沖涼洗頭換衫先出。

聽日oscar生日, 所以今晚成大班人去左唱k慶祝, samuel哥哥同sa姐上我屋企先, 之後我地去左買蛋糕, 之後就去開房喇, 我地几個梗係唔蝕啦, 一去到即點爆個list唱左先, 唔係一陣成班人到哂就冇咩機會唱, 哈哈~~ 唱左好多新歌...正~~ 隻隻都話第一次唱, 叫人帶一帶..明明自己唱到熟到暈低都要照咁講..扮哂野...哈哈~~~ 之後靚仔eli到左之後jimmy, joe, jerry陸陸續續都到齊.. 連apple哥哥都來, 成廿几人勁好玩... 個個玩到顛鬼哂, 係咁劈係咁劈, 係咁叫野食... 顛架真係~~飲到嘔既... 生日既oscar梗係唔會走得甩比人隊啦, 飲到嘔果個咪佢囉, d人見到仲係咁笑, 係咁影相...拍埋短片, 作死~~ 呢d咪好朋友囉...哈哈哈~~~ 玩到成兩點我地走, 但apple哥哥就繼續留低同eli佢地再劈過....顛架.....

20/7  拍戲咩?!?

訓到唔知几點起身lu, 之後榻下呢樣整下果樣, 上網搵下野, 之後又要返亞麻到食飯喇, 之後食完返屋企幫家姐整野, 而家d新科技真係勁, 我完全唔識用=.="

我真係想問係咪個天真係咁玩我架呢??? 獲獲都係咁, 一係唔打, 一打就兩個一齊來, 頂丫~~ louis話打比我, 但搵左好耐都冇phone card, 唯有我打比佢啦.. 諗住計好哂d時間, 唔會有樹啦..點知, 好衰唔衰, 咩事今日咁早打來啦, 平時呢個時間一定唔會架嘛, 我急得滯, 講左d九唔搭八既大話, 痴線~~~ 之後繼續同louis傾, 爆笑^^ 講唔夠几個字, 手提又響...呢次大獲... 已經唔知可以點講, 唯有...同louis收線... 有d無奈=.= 妖..次次都係咁, 平時又唔見咁樣啵, 我一同louis傾親, 就係咁打來, 玩野咩真係??? 嗚嗚嗚嗚~~~~

哈哈哈, 架巴士真係開得好快~~~ 點解會咁快既冇啦啦?!?!  笑死我喇真係, 哇哈哈哈~~~ 今晚過得好開心亦都好滿足.....

19/7 星期六囉

得返半條命咁返工, 雖然係好眼訓, 但覺得琴晚咁夜訓真係好值得, 因為我學左好多野, 加上咁耐以來, 我地兩個未試過咁樣, 比我見到佢好成熟既一面, 原來佢係做野處事真係咁醒, 我真係要學多D。

我地好似好耐冇試過咁樣傾計喇, 我諗大大話話都有几個月冇咁樣傾過喇, 以前成日都會係icq傾下心事, 傾下大家對大家既睇法... 反而耐左就冇呢d咁傾過.. 有時都會懷念下以前既日子...... 不過時間不斷咁過, 人都會不斷咁大, 思想亦都會不斷咁變......

之後同maggie, wilson, windy, jacky to, ivan同suki去左焦糖食lunch, 肚開始有d痛=.= 食完我落左尖咀搵家姐同媽咪買返d野, 我早左去, 所以一個人行住先, 點知.... 惡夢又開始喇~~~ 買左好多野...大獲~~~ 破產 >.<

突然tony同青蛙打來話上來我到打牌@@" 哇~~我九年冇打過喇啵, 不過見亞wing爺返左來, 算啦.. 打一次咁多啦^^ 落去等左勁耐先等到佢地三隻死仔來, 等死我呀真係>.< 黑到爆, 一坐落去未夠4圈就已經輸左五舊水咁滯, 加上腳又有dd抽筋, 等家姐同oscar返來, 叫佢地接力, 而我就係到睇..睇到咁上下頂唔順就閃左入房訓左一陣, 之後佢地打到四點几就閃。 之後突然電話響, 講左几句, 突然入線, tony漏左頂帽係我房, 要返來拎返, 咁岩我同tony係屋企既對話比ray係電話聽到, 惡夢就咁開始...救命~~~~ 解釋勁耐....

18/7  Friday Nite~~

放工趕住出mongkok join家姐去買MP3, 之後家姐帶左我去間咩妙手唔知乜野食飯, 之後再行左一陣, 之後oscar同eli去極之好再飲野傾計, eli勁爆笑, 佢講d野笑死我真係^^"  佢真係好靚仔~~~ 十萬個靚仔~~~~*o*

夜晚同ray傾電話, 傾左好多野, 佢都教左我好多野, 佢真係好勁~~~  我知道自己以後點做架喇~~~ 傾到半夜五點几先訓~~

17/7

今日成日同大佬傾左一個問題, 知道左好多野, 大佬亦同我分析左好多野, 而大佬都睇得出我改變緊, 我覺得咁樣係好d。 每個人都會變, 咁當然向好果面變係好, 係絕對冇問題啦, 係咪???  我都希望自己可以改到自己既缺點。

放工我, 大佬, andy, 薯姐, eric同helen去左牛頭角下村食大排檔, 果到d野好好味, 我地去到又係搗亂, 哈哈~ 勁問人地有冇得送野飲, 又自己寫"送" 又投訴碟硯少...哈哈哈~~~ 爆笑~~ 每人三十几蚊就可以食到飽到嘔, 勁抵呀今餐。  食完我地就去排link打bowling, 原來eric同大佬都唔識打啵, 佢地打波既姿勢勁爆笑, 打打下maggie同suki都來埋, 今晚大佬做左好多爆笑野, 真係笑爆我地咀。 kenneth都來埋join我地, 我地打左三局, 打到最後一局已經手軟了, 我最尾一野仲整到隻手tim, damn>.< 

打bowling令我諗起到d野, 令到自己有d唔開心......... 

16/7  星期三

放工maggie陪我出mongkok買禮物比oscar, 但我地係去左元祿食飯先, 因我地實在太肚餓喇, 我地兩個坐左係電腦前面食囉, 咁大部IBM係前面, 唔玩佢好似好蝕咁, 點知部野就咩都冇, 我地只好利用yahoo來search野啦, 咁多人係到, 冇理由玩icq0者, so我地只係睇下website就算。 起手我地上左tvb.com到睇一氣呵成既新聞囉, 我覺得都几威架!! 之後睇完, 就上下大佬個website囉, 睇下以前d相咁囉, 笑爆咀呀真係, 大家都唔同左, 但係我地發覺wilson先變得利害啊, 由一個"靚仔"變成一個"肥仔" so我決定聽日返去要同wilson講, 提議佢剪頭髮, 剪返以前個頭, 哇哈哈~~~~

之後就去左trendy zone買禮物, 我買左個銀包比oscar做禮物, 而maggie就買左一支我好鍾意既香水, 我叫佢每日一定要噴, 因我太多香水, 所以唔可以再買, 唯有每日索下maggie陣香水味啦, kakakkaa~~~

15/7  亞叻, 生日快樂^^

今朝好低能, 今朝六點oscar蒲完打來我就以為係電話鬧鐘, 聽左又冇收線, 突然札醒左望一望個電話點解係20:47, 以為8點几, 即時彈起身仆出去開爐, 準備刷牙時, 望一望廁所個鐘@@" 點解六點几既?? 再出去望望廳個鐘, 頂~~ 原來未夠鐘起身, 即時熄左個爐同亞叻返房再訓過。 原來電話果到係show我開著個電話几耐, 而唔係show時間囉, 真係吹漲~~~

唔知點解今朝一提起琴晚既事就抆起來, 抆到自己都有d頂唔順~~ 唉~~ 點解?!?!  其實我自己都未攪清楚究竟係點?!? 我認我份人係鍾意逃避, 因為我搵唔到解決方法, 唔識去面對就唯有逃避囉, 至少咁樣我自己可能會舒服d呢~~ 可能日子唔係太長呱...唉~~唔知... 總之我而家唔識點面對啦。

今日係亞叻既一歲生日啊~~ 希望亞叻愈大就愈靚仔, 乖d啦^^  唔好再咬野~~ yeah...

14/7

哈哈, 我發覺我成日都唔記得左約左人, 一早約左亞花自己好似冇左件事咁啵, 好在冇約到其他人0者, 唔係都唔知點算呀~~ 一係冇人約唱k, 一約就三個一齊約我唱k, 攪錯呀?!?! 玩野咩~~

放工砰砰聲出尖咀, 因亞花係尖咀等左我成個几鐘, 真係唔好意思啊~~ 我地實在太心靈相通喇, 哈哈~~ 大家都諗左去"和民"食, 間野勁多人, 又係等左成兩粒鐘咁滯, d野都ok啦, 唔係話太好味, 又唔係太平囉!! 我地都ok耐冇見喇, 條八婆實在太忙喇, 傾左好多野~~ 

又係我發顛期, 我唔知點解會問埋呢d咁既問題?!?  真係好低能, 好痴線~~ 我唔知自己應該點做先岩?!? 係... 我係好介意!!  眼見你改到. 但我自己改唔到, 我覺得好內疚, 點解我改唔到?!? 根本我就唔配~~ 我個腦不停咁諗野, 根本就停唔到... 救命~~ 我覺得好辛苦, 係時候我需要d不正常既relax... 

13/7  Happy Birthday, Daddy~

今日下畫同daddy, mummy係對住食左d野之後落左jordan買野, 順便拎條褲去改, 之後dad&mum返左mongkok, 而我就去左永安行, 想買既野買唔到, 唉~~唔係咁難買呀?!?! 之後夠鐘就去漢寶食飯, 個部長勁廢, 白痴到極點, 對多佢一陣都想扯火呀真係。 食完飯就返屋企, oscar幫我剪髮同染頭, 今次個頭我好滿意, 不過整到成半夜兩點, 有d眼訓=.=

12/7

下畫家姐買左KFC返來食, 同家姐傾計囉, 從中學習下, 亦都問問佢意見!! 之後落街撞到條仆街, 見到佢就眼火爆呀真係, 佢叫我, 我只係好敷衍咁應左一下, 之後我型住咁走..wowow~~ 型呀~~ 費事同d仆街講野影衰我自己呀真係!! 之後仲撞到danny tim, 講左几句就走lu~~ 之後行左一陣就上左亞麻到食飯~~

之後入左沙田join maggie同suki去睇"變形俠醫" 呢套野都ok悶下囉~~ 佢解釋得太detail喇, 坐到我pat pat有d痛。 之後同suki返出mongkok許留山飲野傾計!!

你既行為真係好令我去懷疑你, 我唔想做到咁, 但係我真係控制唔到, 其實我知我咁做係有d過份~~ sorry..  

11/7  唉~~

呢几日心裡一直盤算緊一個人, 我唔知係我有問題丫定佢真係有問題?!?! 其實自己都好亂... 我未試過咁去盤算一個人囉, 但係佢做d野出來真係好令人去盤算佢, 唔知佢真係性格問題丫定係另有陰謀, 愈來愈驚呢一個人, 真係唔識點樣去對佢。

晚上去左california pizza kitchen食, 等左一陣先有位..at least好過之前架喇, 哈哈~~ 等位時, 我地去左對面間野睇d好得意既野, 我地就係果間野玩左有位為止, 哈哈哈~~ 攪笑^^" 之後我地仲係到食"豬牛羊"糖, 原來d人唔識分可樂味同檸檬味啵, 唔知佢條利係咪有問題呢?!?! 今晚我比人用"天真" "白痴" 膚淺"來形容囉, 唉..... 不過我認, 我真係太天真喇~~ 呢三年來咩都學唔到, 學到又做唔到, 即係等如冇學到。 唉~~失敗!!

Thx for u guys always stand by me, and helping me to solve such da fuckin' trouble and annoying problems, I LOVE U indeed~~~~~ i know what should i do, what should i know to change, i know my weakness.

10/7  紅色炸彈

李生終於肯派帖lu, 一打開張帖真係想笑, 入面既內容寫錯左好多野, 男家父親男家母親?? 咁唔通佢daddy姓男既??  哈哈哈~~~ 何狗一句"你又結婚呀??" 真係笑爆咀~~

放工同maggie, suki, winnie, wilson, bay去左mongkok睇"新紮師妹2"ok好笑啦, 好過冇得笑丫^^" 晚飯去左好好食上海野, 個老闆好攪笑, 勁soical, 呢d咪識做生意囉~~ 睇完戲就去左咀妙妙食糖水, 一入門口就有隻勁大隻既小強係門口, 哇~~ 比佢嚇死呀真係~~ 

9/7  

今朝起身仍然好痛, d腸拿住痛咁, 不過好過琴日架喇已經, 仍然企唔到直囉, 叫媽咪叫徐醫生寫多日假比我, 今日精神好左d囉, 冇琴日咁死。  多謝各位關心我既朋友, thx~~~

8/7  病呀

半夜已經開始胃痛, 痛到今朝起身, 好辛苦, 趕住返工是但拎左d胃藥就閃返去, 但胃愈來愈痛, 我頂唔順喇, 最終打比媽咪約徐醫生睇, 獲獲大獲野都睇徐醫生..唉.. 胃拿住痛, 痛到標冷汗, 真辛苦, 嘔又嘔左兩次, 几經辛苦去到即時上床檢查, 徐醫生話我腸痛唔係胃痛, 可能係食錯野, 一問之下, 我話食左魚生, 亞媽即時好大反應哇左一聲之後問我几時?!? 我諗遲早佢嚴禁我食sushi囉。之後買左d白麵包就返屋企食藥, 食完d藥係勁訓... 全程冇咩出過房同落過床, 食野食藥都係床上。 好似殘廢咁.. 

7/7

今日好即興, maggie好即興咁搵我食松記, 我又好即興咁話去食sushi, 之後我又好即興咁約suki, winnie同jeffrey, 可惜大佬fred話我太即興佢媽咪買左野煮飯, so佢來唔到, 哈哈 我仲叫佢脅飯tim...笑死人~~ 放工出左jordan金太郎到食sushi, 當晚好失禮, 龍生係咁跌野...唉~~浪費食物咪就係佢呢d囉。 多謝龍生餐飯啵, 之後我請返佢食松記補數。

6/7  星期天~

今日家姐同oscar佢地就去曬太陽, 我就同亞叻訓到成點先起身, 之後同媽咪去左飲茶, 飲完頭就開始痛, 媽咪就落返jordan搵daddy, 我就返屋企同lseepy亞叻玩左一陣, 我地三個又訓過, 爽呀~~

5/7 勁興

今日放工同媽咪家姐亞may飲茶, 之後同家姐行左一陣街, 就返上樓放低d野就過亞麻到食飯喇, 之後oscar上去幫亞麻剪頭髮, 之後我地三個就行左一陣街囉又, 哈哈~~ 我又買左對鞋, yeah~~ 之後我地仲買左好多野食返屋企狂食食食。

返part-time?!?! 真定假?!?! 我真係唔知啵, 只係聽到有另一把聲, 之後就比左cut左線, cut我線?!? 我最憎, 即時打返去, 就來返到公司?? 彈開啦... 一野就cut返佢線, 打返几次返來都cut佢唔聽, 吹呀?!?!

4/7 見牙醫 ~>.<~

今日冇咩特別呀, 只係放工去同maggie一齊睇牙囉, 我睇先=.= 係出面等睇時, 聽到d人整牙果d吱吱聲, 我心都寒哂, 丫~~救命呀... 到叫我名時, 我成個人寒一寒, 我真係克服唔到牙醫呢樣野, 雖然我仲有好多野都係克服唔到, 但係... 唉~~ damn!! 入到去時, 一訓低, 姑娘一搵果盞燈一照我, 我成個人跳一跳, 深呼吸一下, 醫生即時叫我唔洗驚, 之後問我咩事, 我咪話佢知我覺得注左牙囉, 之後醫生check來check去都check唔到, 就要我照x-ray, 哇~~ 我果時真係好驚, 即時問佢咩事呀?!? 唔係咁大獲呀~~ 醫生話唔洗驚, 照一照0者.. 之後照完, 醫生睇左好耐都唔出聲, 我就仲驚, 之後醫生又再睇下我d牙, 之後就同我解說喇, 佢話你隻牙都注得好陰濕啵, 你以為呢隻注咩, 其實就唔係, 其實係另一隻, 問我見唔見到個黑影, 我望望又真係啵, 佢話..唉..都係你隻智慧牙整到你咁樣, d牙移左位啊, 我問咁點呀, 佢話要補囉, 我問痛唔痛架, 佢話都痛架, 我即時想喊加流汗, 之後佢話我同你打麻醉藥啦, 唉~~ 當時我真係想喊, 但都冇計架... 硬食呢獲~~ 打完就出去等。 果刻好似等死咁, maggie就入去check, 佢勁快出來, 佢咩事都冇, 只係要book時間剝智慧牙。 等左一陣又到我入去, 唉~~ 佢一落手我就覺得好辛苦, 果d咁既聲, 佢車開我d牙時, 我聞到"law"味, 我真係好憎聞到呢d味呀... 嗚嗚~~ 之後佢係咁搵野撩我d牙, 之後仲搵左一樣我咁多年整牙都未見過既工具, 我心諗唔係咁大獲呀...搵果樣野套住我隻牙係到轉轉轉, 我當時真係流汗, 佢就係咁塞d野入我隻牙到, 有几野痛到我叫, 嗚嗚~~ 几經辛苦佢攪掂左佢叫姑娘開藥比我食, 仲同我講呢個係你既患處, 你隻智慧牙會繼續整到你d牙移位, 你遲dd牙都會係咁樣, 我當時呆哂... 之後起身出去, 佢就叫我你出去坐陣, 我即時勁大反應問佢, 下..未補完架, 佢話唔係...補完架喇, 哇~~ 果時我真係鬆左口氣。但麻醉藥開始散時, 我開始感覺到痛喇真係.. 野又食唔到, 牙就係咁痛, 好在都唔係太肚餓。  同maggie搭van仔出jordan join埋suki食飯啦, 點知咁邪上果架van仔suki就坐係到@@" 我地去左間茶餐廳食野, 我就飲左杯野, 之後傾埋d女仔野同白痴野。

我行出去nathan road到搭車返屋企啦諗住, 有個男仔就愈几愈埋, 之後迫我埋牆邊口upup, 唔知佢up乜, 佢好似係問我拎錢, 我見咁樣即時行去bus stop到, 有個男人係到, 佢見我係咁話冇呀冇呀, 個男人就望望迫我埋牆條友, 之後條顛佬行開左啦, 我以為佢走啦, 點知佢企係到等我, 我行佢又再行過來, 又迫多次, 我又去報紙檔到, 多人丫嘛.. 佢又問過, 我又話冇呀冇呀, 之後佢發老爛唔知講咩.. 好似鬧我咁, 我見咁樣我咪扮買書囉, 見條友行到老遠, 我先行囉, 點知佢企係街口等我, 頂~~嚇q死呀.. 我又唔行...佢等左一陣就閃開左, 我就打比suki, 諗住扮傾電話, 點知冇人聽... 真大獲~~ 好彩最尾條友都走左0者....

返到屋企, daddy mummy帶sleepy同亞叻落街, 我就沖涼啦, 點知沖沖下, 電話響, 一聽.. 頂~~ 點解佢仲未訓, 點解我咁大意飛左線返屋企?!?!  點解?! 之後我支吾以對咁。 識左佢咁耐, 我未聽過佢咁正經去講呢句說話,當時我真係唔識去面對,只係唔出聲, 佢再講多次, 我只係嗯左一聲, 之後叫佢遲d再打比我, 我沖緊涼, 我話一係我沖完打比你啦, 之後我快快收線。 沖完出來, 我諗緊打唔打返比佢, 亦問緊人意見時, 電話再次響起, 頂~~ 洗唔洗咁快呀?!? 明明話左我打比你, 你又打比我, 咩事呀?!? 唉~~ 之後問左我一個問題, 我唔識解釋, 佢重複問左我几次, 我只係唔出聲, 到最後我嘗試去講我既苦衷, 之後條友就鬧我, 話我點解選擇逃避而唔去試下同佢講, 頂...講乜春丫, 講完又係咁講完又係咁, 咁有咩意思呀?!? 佢話佢好抆好想鬧人, 但又唔可以鬧我啵... 佢只係唔該我以後唔好咁樣啵, 佢已經諗左好多理由幫我解釋啵... 唉~~~ 其實我覺得咁樣有咩用呢?!?! 問題仍然存在... 我只係expect唔到你會care呢樣野0者...

3/7 唉~~

返到公司一開outlook, 哇~~~ 200几個email @@ 眼都突呀真係, 何狗sent email來話一定要今日之內清哂所有野啵, 哈哈~~ ok, yes sir!!  食完d藥眼訓到呢, 對眼完全打唔開, 自然地合上咁, 好辛苦>.< 成個人好軟, 好興~~ 好似又發過燒咁, 又想嘔, 唔係咁大獲呀?!?! 天啊~~~ 求你給我一個健康的身體吧~~~

放工同薯姐, maggie同suki去左尖咀唱k, 勁多人啵, buffet愈來愈冇野食, 我只係食左dd就停左手了, d野食一d都唔吸引。 唱到十點半就比人趕走… damn!!

d人明知係做錯左既, 都唔識得去做d野補救既?!? 妖…死低能~~ 永遠都係踢一腳先郁一郁, 比我估中左, 今日係會提早打來, 但係嘈完先做有咩用呢?!? 遲d又咪回復原來本色, bullshit!! 你打來我就要聽架喇咩?!? 你都傻傻地既.. 我話左唔聽就唔聽架啦.. 就算你打十萬次我都係唔會聽架啦, 吹咩?!? 我係咁硬頸架喇。 我真係受夠喇… 次次都係咁有咩意思啵?!?!

2/7  病左=.=

今日一起身就好唔掂, 成身手軟腳軟咁, 訓極都唔夠, sick leave一日當休息下吧啦, 訓到十二點几起身同媽咪去左元祿食lunch, 之後我就返落jordan睇醫生, 返舊屋睇下有冇信拎, 去hsbc同boc改地址, 親平日一次過攪掂哂好過, 唔洗心掛掛呀真係。 哇~~ 原來而家銀行d息低得咁緊要~~ 真恐怖.@@” 攪掂哂d野就去永安行下, 買下d屋企野, 原來而家咩支持香港消費咁堅啵, 任何單滿一百就可以去永遠換張30蚊coupon?!?! 勁~~ 我死唔蝕又換埋一份… 嘻嘻^^” 之後返屋企吃飯, 正!! 食完藥成個人好眼訓, 好累~~ 家姐買左勁多野返來食, 係咁比我食~~ 救命~~

1/7  回歸六周年

今日好似好多事發生咁, 好多人為左基本法23條上街遊行, 亦都係回歸六周年, 而我心情都唔知想點… 唉~~~ 忍唔住… 衰左…頂~~~ 不過好似好左好多咁, 亦都好開心, 但其實又有咩用丫?!?! 自欺欺人… 始終都係冇用架。 晚上傾左一陣, 好似唔同左咁囉, 係變好~~ 其實有開心同有唔開心, 我覺得佢改變左, at least佢都肯去改下丫。 但係又可以carry on 几耐丫?? 我覺得唔會耐, 只會係踢一腳郁一郁既人。 又來多次?!?! 哇~~咩事呀… 爆笑呀真係~~

唔知咩事, 成個人好唔舒服, 肚又痛, 腰骨又痛, 又好似發燒, 喉嚨又勁痛, 頂.. 唔係一獲過發哂出來呀?!?! 肚拿住痛得好緊要, 搽左d白花油舒服好多>.<