AuG

　

02 May Jun Jul Aug Sep Oct Nov Dec

              03 Jan Feb Mar Apr May Jun Jul Aug Sep Oct Nov Dec

31/8  好恐怖

琴晚係我咁大以來第一次遇到d咁既事, 好辛苦, 好恐怖, 真係好恐怖。 我都唔知點解會咁樣, 果一刻既心情真係驚到不得了, 講唔到, 郁唔到, 冇人幫到我, 冇人救到我~~~ 果一刻好無助!! 我唔識點樣講返出來, 根本係唔識點講比人知, 唔識形容, 總之好恐怖好驚, 未試過咁樣。 根本冷靜唔到自己, 個腦都唔識去諗野。 一句講哂, 總之就係恐怖, 我唔想再有下一次。

當我有事同你講既時候, 但係得到咁既反應, 我覺得好可笑,不過我都唔會怪你琴晚半夜既反應。 不過今朝你果句說話, 我真係好反感, 你令我完全唔想同你講野。 三次拒絕你, 我都覺得自己做得好岩。 晚上你問我嬲完未呢個問題, 我真係唔識答你。 而家我嬲唔嬲都已經唔重要,呢一刻我只知道我唔想同你講野。

成家出左jordan join大舅母同玲表姐去等紅姑。 等左好耐都未到, 條街又熱又曬, 真係好辛苦。 點解今日特別熱架?!?!  咁多年來第一次去問呢d野, 心情有d緊張同驚驚地。 不過真係好準, 連亞公亞婆既樣貌特徵都講哂出來, 連我地平時做過既野都講哂出來, 一個字勁!! 聽聽下我唔知點解突然喊起上來, 我真係好掛住亞公亞婆, 好想佢地係到。 當紅姑講亞婆仲好擔心我地未結婚果几個後, 我個心突然好痛, 好辛苦, 咁大個仲要佢擔心我地。 不過知道亞公亞婆都好安樂,冇乜野掛心,我都好開心!! 亞公亞婆放心啦你地, 我地會生性架喇~~ 唔洗擔心我地架喇....

紅姑講得冇錯, 又遠又近, 好虛浮!! 係.....真係好似好近, 但事實上係好遠。 

30/8  星期六

今日真係好平靜, dh同rl都冇返公司, 好free, 由其是jacob, 佢好似完全唔洗做野咁, 佢non stop talking, non stop睇報紙。 我唔可以唔做, 因dh會知我有冇做野, 所以我都唔可以唔做野, 但點都會relax過平時。 一點未夠dh就返左來, 但係佢返來冇耐, 我地個個就走, 我相信今日係itok咁耐以來, 最快走哂d員工既一日。 logout時又賴野, 12:58?!? damn... 唯有再logout過啦, 最終係1:00:13 哈哈哈哈~~~~

突然亞妹打來, 傾左勁耐, 原來佢搬左去落馬洲, 哇~~我完全唔知係邊到囉@@" 講講下先知原來我地識左三年架喇, 識佢果時佢先得16歲, 而家已經19歲, 仲就來20tim, 時間過得真係快~~~ 我都就來23lu~~~

29/8  滿足日

放工約左家姐出尖咀買野, 揀左好耐, 希望真係有用啦^^ 之後ivan打來叫我地去食飯, 之後我地就去左Dan Ryan食, 不過要等位, 唯有去行一陣先啦, 我就買左兩件衫, 嘻嘻^^" 我地成九點几先開始食飯, oscar放工都來埋, 今晚食得好飽啊=.=

晚上突然收到你個call, 我覺得好意外, 真係好意外!! 聽到你d朋友咁樣同你慶祝生日, 我覺得有d唔開心, 不過好在你冇咋, 嚇鬼死我真係。 當我話我好憎男仔叫雞同賭錢, 而你問我情願揀你係邊種, 我當然兩樣都唔想, 但真係要我揀既, 我情願揀你賭錢。 你賭錢既上落一晚可以係我一個月既人工, 咁樣真係唔得囉, 小小地就話0者~~ 不過知你而家冇賭, 我都好放心!!  你真係唔同左好多, 真係變左好多, 你真係生性左好多。

28/8  星期四

奇蹟琴晚突然出現左, 心情都形容唔到。  不過點都係開心既^^ 知你肯原諒我, 唔再嬲我已經好夠。 其實咁樣我已經好滿足。 其實我都唔知點解自己會咁樣, 真係影響我好多。 不過我真係好開心.... 哈哈哈哈哈~~~~~

27/8  世界末日

Lunch前收到你電話, 計下計下都傾左差唔多一粒鐘, 不過估唔到你今日要過大埔郊野公園睇工程, 雖然係悶左d, 但係唔洗咁辛苦嘛, 係咪?? 最多咪係郊野公園到訓下覺囉, 至少唔洗咁悶丫嘛, 係咪??  d野慢慢上手就ok架喇, 你咁醒呢d咁低能既野一定難唔到你既, rite?!?  你真係有交帶過之前~~~

今日心情都好好, 但下畫收到個mesg之後, 我既情緒同心情由八十樓跌到落basement。 三年几既心機同時間都白費喇, 咩都冇喇真係... 呢次真係咩都冇喇, 三年來我冇希望過d乜野, 我只係要求好小既野0者, 點解你都要將我咁小既希望幻滅丫?!? 點解呀~~~ 係咪真係咁難為0者?!? 點解次次都要拎呢樣野來講, 你係咪真係要咁做0者?!? 係咪真係咁絕?!? 係咪一定要做到呢個地步?!? 眼淚不停失控咁流, 流到眼已經失去知覺。 想停但停唔到。 腦海一片空白, 心情亂到唔知應該做d咩, 同可以做d咩。 返到屋企, 突然收到你既mesg, 滿心歡喜地click, 一睇完全唔知你up乜, 原來你只係sent錯左mesg, 點解?!?  點解又係sent錯mesg?? 點解咁多人sent錯mesg比我?!? icq唔係會帶比人開心同有用既mesg架咩?? 點解我個icq成日帶d唔開心同令我痛心既mesg比我呀?!? 我真係接受唔到, 我真係接受唔到呀~~~ 好辛苦, 好心痛, 亦都好失落!!  望住你sent錯果個mesg, 我呆左, 眼淚又再次不停咁大滴大滴咁滑落來。 腦海又再次一片空白~~~  自尊呢樣野一早已經掉低左; 面子一早已經離我而去。我冇得揀, 決擇權唔係我到, 我做咩都冇用, 講咩都冇用。 你已經決定左, 雖然你話係認真, 但我都仲好希望你只係一時悔氣。 我話我只有認命, 但我真係接受唔到。  一直以來, 我話自己已經慢慢咁放低左, 但事實上我根本從未放低過。 就連我計劃左三年几既目標, 就算我而家做到都已經冇用~~~ 咩目標都冇哂喇, 咩希望都冇哂喇... 冇哂喇....今日二零零三年八月廿七號我吳漪彤咩都冇哂喇~~~~  我只能留在深淵過活下去, 但願有奇蹟出現能拯救我吧!!  

挺著胸 勇敢的面對呼唏的風
傷心總是帶不走痛 有時候我覺得自己很沒用
沉默 完完全全把你放在心中
有太多的話想對你說面對你都說不出口
眼睜睜的看著你離開我 我明白你有你的理由
你回頭笑笑的看我 我心中痛痛的揮手
眼淚在心裡流
BABY DON'T GO DON'T GO
HOW CAN I WAKE UP TOMORROW
I FEEL SO SAD I CAN'T TRUST LOVE ANYMORE
BABY DON'T GO DON'T GO
OUR LOVE WILL BE HARD TO FOLLOW
IT BREAKS MY HEART
IF YOU DON'T LOVE ME　NO MORE
我站在這裡雙手空空 大雨下的不知所措
告訴我你在玩我 你躲在遠處笑我
讓我再為你堅持 不走

26/8  再度失控=.=

情緒仍然失控, 不過好過琴日啦。 同家姐傾過下, 唔通真係條紅紋作怪?!? 唔理三七廿一, 即時除左佢, 返去仲要拎返條海籃寶帶返先, 希望佢幫到我。 放工返屋企冷靜自己, 唔想影響其他人!!  同亞業傾左一陣icq, 攪笑!!! 乜我真係變左好多咩?!? 開心過以前咩你覺得?? 表面係, 但實際唔係。

今晚你好唔同, 我唔識講, 總之係好唔同, 特別好咁囉, 仲特別勁tim!!  正呀~~  不過我都知你累喇, 呢一兩日咁辛苦, 不過我都估唔到你會咁樣囉, 哈哈哈~~~ 雖然完成唔到, 但我已經覺得好夠喇。

我真係好憎你講whatever同up to u呢兩句野~~~ 可唔可以唔好再同我講呢兩句野呀????  好討厭呀~~~

25/8  情緒失控~

今日唔知咩事, 心情好煩躁, 個人勁抆, 小小野都抆一大餐。 情緒根本就控制唔到, 我唔想發洩係其他人身上, 但最終都發左係你身上, sorry!!  我不單止發洩左係佢身上, 我仲做錯左一件事, 我忍唔住手send左, 當時我真係好自然咁做左, 我根本唔應該咁做, 得到既回應還可以接受, 但情緒仍然控制唔到。 放工搭車返屋企途中, bay少打來叫我去jordan食飯, 我唯有返左屋企放低d野再飛的去買野之後join佢同marsha啦。 見到佢地, 心情已經好左d, 至少冇先前咁惡劣。 我地食完sushi再飛的返mongkok飲豬豬奶茶。 多謝哂bay少, 如果冇左你, 我真係唔知會點算。 好多謝你一直以來都咁照顧我。 我都知你去打牌係為左"我地" 所以你繼續吧, 不過小心身體啦。

晚上同你傾左一陣, 我都知我方面係有d問題, 我會去改。 我唔開心, 只係想同你傾下, 而唔係想點樣, 我知你教我好多野, 亦都係為我好, 但有時你可唔可以用d好dd既語氣呢?!? 我知你係激氣~~ sorry!! 今日你第一日返工, 希望你一齊順利吧。 我浪費哂d時間去講d濕碎野, 而冇聽你講你第一日返工既野, sorry!!!

24/8  星期天^.^

今日十一點几就起左身, 之後我地約埋ivan就去飲茶lu~~ 飲完就返上樓, oscar幫ivan整頭, 整左都好耐下, 之後bay少打來, 咁我就同bay少去買飛睇"龍咁威" 我同bay去左飲豬豬奶茶, 傾下計咁囉。 之後等家姐佢地攪掂哂就join埋入場囉。套野係勁無聊囉, 但又係勁好笑啵, 但d笑位笑完就唔會記得架喇, 哈哈哈~~~ 睇完我地就去左打冷, bay少就繼續佢既沉淪生活囉。

你個電話令我又驚又喜真係。 當然都ok不知所措!! 我都好希望我可以做到你今日講既野囉~~~ 几時變得咁有交帶既?!?

23/8  家庭日

今日等家姐佢地放工就去百老匯買左兩部sony ericsson, 佢同oscar一人一部, 佢果部當然係我比錢啦^^ 唉~算啦, 平時你買咁多野比我, 咁買返部電話比你都ok啦。 之後同埋媽咪and may姐去左飲茶, 飲完茶我地就返左屋企, 隔左一陣大舅父, 強哥佢地成炸就來左我地屋企, 亞麻都過埋來, 老人家當然就打牌啦, 我地咪係到悶囉=.= d小朋友煩到嘔, 我真係忍受唔到d小朋友係咁煩係咁曳囉, 我諗如果冇人係到我一定打左佢地九年囉。 勁頭痛, 訓左一陣~~ 因實在太嘈喇, 根本訓唔到。 咁岩娟表姐又係到, 幫薯姐問埋野啦順便^^ 希望真係可以幫到佢啦~~~ 之後佢地成十一點几十二點就走lu~~

yeah~~~ oscar買左個LV返來, 哇哈哈^.^" 我又多一個新袋用lu.... 其實袋就真係大把, 但成日用來用去都係果几個, 有時收埋左就費事搵出來用啵。  几千蚊個袋放係到又係等如冇用, 有時真係想拎鬼哂d袋去賣哂佢, 但又有d唔捨得啵~~~ 唔用放係到都好過賣左佢丫!!

今日收到你sms, 又好似冇事咁, 唔知點解次次都係咁既, 大家隔一兩日就冇事。 唉~~~天呀~~~ 點解呀?!?! 開頭收到你call都仲有小小嬲, 不過知道你份新工咁危險, 我又冇咩野咁囉。 其實我情願你唔好做吧, 日日都好似搵條命去搏咁, 痴線~~ 希望中華電力果邊請你啦~.~ at least有多d晉升機會丫, 係咪?? 加上又唔洗咁危險啵。 其實好耐都冇咁喇, 今晚我估唔到會咁囉。 某程度上係開心架~ 比哂我?!? 當然好啦!! 

22/8  Friday Nite~

今朝八點收到你電話, 心情都唔知係點?!?  開心?? 唔開心?? 我真係唔知, 但我只知你果晚既說話好過份, 我真係接受唔到。 點解每一次都係咁扮冇野?!?! 有時有d野唔係扮冇野就得架, 說話講左就收唔返架。 究竟你知唔知你自己真係好過份架?!? 不過點都好, 今日你第一日返呢份新工, 我都希望你可以順順利利啦。 

放工ivan打來叫我去同佢同媽咪去harbour city食石頭燒, 哈哈~~ 當然去啦, 之後我打埋比家姐約。 今餐真係好滿足同豐富啊^^" 四個人係咁食, 埋單哇~~~千八蚊@@" 好彩唔洗我比錢咋^^" yeah~~~ 

21/8  好hurt

今日冇咩心情, 唔想講野唔想食野唔想諗野, 最好咩都唔好煩我。 唔想去諗野, 但個腦就偏偏係咁諗野, 根本就停唔到, 控制唔到, 不停咁重複你既說話, 每一句都好清楚咁鑽入我腦海, 個心唔係咁舒服, 好唔想重複聽到果d說話。 好難聽好難受好梗耳呀~~~~~ 夠喇.... 可唔可以停呀?!?!

點解可以咁飄忽?!?  好好既時候, 隔一陣就會性情大變?!? 甚至變到好恐怖, 根本好陌生。 我真係估唔到果d說話點解可以出自你口...... 真係好難聽。 

20/8  跌破新低點~

今朝一起身攪掂哂所有野時, 就一野跳上個磅到磅一磅先啦, 咪講笑~~ 一望個磅@@" 哇~~~ 終於磅數跌到我預期果個數字喇, 呢個數字一直纏住我, 前排仲係停左係呢個數架到, 今日終於低過呢個數字喇, 我好似顛左咁, 自己望住塊鏡係到勁笑, 笑到收唔到聲~~~ 之後又同sleepy同nett係到講我瘦左, 我真係有dd傻喇~~ 哇哈哈哈~~~~ 我要繼續努力, 我要fit一fit啊~~~~

突然條友on icq, 之後我敷衍, 勁比骨佢食, 心都涼哂啊我~~ 頭痛到極點, 食左d止痛藥就訓左, 唔知几點條友打來, 我心仍然好嬲, 所以勁敷衍, 勁冷淡囉d態度, 咩是但呀, 你鍾意啦, 哦..係呀, 唔知呀, 冇野呀.... 呢d咁既敷衍字眼全部出哂來, 我一路拿住電話都唔出聲, 佢問我野就敷衍答佢, 講到佢勁無癮, ok發脾氣話諗唔到野講。 挑~~~食屎啦...  不過今日比人話兩句我驚得滯, 咪即時補飛囉, 呵呵~~ 當然冇樹啦~~~ 不過講到底我真係好介意。

19/8  星期二

今日有d想暈既感覺, 唔知係咪冇咩點食野既關係呢~~~ 不過我會繼續努力努力...殺殺殺~~~ 瘦瘦瘦^o^ 我應該係比之前再瘦左dd, 因今日覺得條裙鬆左好多, 平時都唔係咁既, 比之前鬆左, 行行下仲會甩甩下咁, 好~~ 呢個係好消息... 我會繼續努力啊~~ 請大家比d支持我呀, 哇哈哈~~

唉~~~有d唔開心, 唔知係咪d野潤得滯, 塊面起左一粒粒, 妖~~ 自己摸到都興興地, 由而家開始乜q都唔搽啊, 平時咩都唔搽就平安大吉, 而家搽d野就咁樣, 頂你個肺~~~ 我塊面唔會就咁燒焦呀?!?! 呀~~唔好呀~~ 我今年先得果廿二歲, 我已經樣衰架啦, 而家塊面仲咁樣, 我真係勁擔心=.=

經常提起就証明你仲掛住佢, 就算我講任何野, 做任何野都冇用, 根本就蚊比同牛比, 點比都係輸一大段。

18/8

今日收到一個消息, 聽完之後有d唔開心, 有d唔捨得, 忍唔住流左d眼淚出來, 不過我都要接受架, 無理由反對0者, 其實對你來講都係一件好事既, 我知你都有考慮過先咁0者, 不過我勸你都係再考慮清楚少少好d啵, 點都好, 我都會支持你~~~  唔知几時到我可以咁樣呢?!?!?  

lunch後突然個肚好痛, 痛到有d頂唔順, 唉~~~點解做女人咁麻煩?? 點解做女人咁辛苦?? 點解我係女人?? 個肚拿住痛, 愈拿就愈痛, 有d開始標冷汗, 有d想暈既感覺~~ 企又唔係, 坐又唔係, 想我點樣先可以冇咁痛呀?? 有冇人可以救下我~~ 我真係頂唔順呢種痛喇, 嗚嗚嗚嗚~~~~

今日我先真真正正知道我有呢個缺點, 但係我真係覺得我接受唔到去問清楚同聽人解釋, 我覺得佢解釋極都係係到講緊大話, 我情願唔問唔知道好過我繼續覺得你係到講緊大話, 但當你解釋完之後, 我又覺得你解釋得有道理啵.. 對唔住~~ 我冇問清楚就已經發左你脾氣, 當然話我好似一d都唔關心唔在意你身體時, 我當時真係呆左一呆, 我發覺自己真係錯左~~ 其實當我知道你病時, 我真係有擔心, 但當時只不過比我既無理取鬧掩蓋住....希望你快d冇事, 快d好返啦~~~

17/8  休息日

今朝六點先訓, 一訓就訓到晏晝三點几先起身, 之後睇下電視, 睇下書, 食左少少野, 之後又係床到恰著左, 訓到七點几再起身睇電視打日記, 十點几先同媽咪煮左dd野食。 仲係好眼訓啵~~~~

16/8  Saturday Nite~~

我又再忍唔住我d脾氣, 又再一次發你脾氣, sorry!! 不過你唔講我唔知架啵, 鬼知你一早返到公司就開大會咩, 我又唔係你公司做野, 痴線~~  resign左?? 下個星期五返新工?? 唉~~ 到時又唔知會點喇又, 我心又開始擔心另一樣野=.="  你變得開始有交帶, 顧及別人感受, 多謝你肯去改變!!!

夜晚等埋oscar放工返來就入apple到, 曚曚真係好得意, 最衰部dc唔係到, 唔係我真係同曚曚勁影相啊^^ 等埋teresa, samuel, amanda同其他人齊就開始bbq, 勁燒腸仔同小丸子來食, 快丫嘛~~ 我同teresa燒親既野都係黑鬼哂, 比人串到嘔=.= 我燒左兩三轉就停左手, 之後d雞亦都係家姐同teresa佢地燒比我吃~~ 呵呵^^ 做細真好, 有人燒埋比自己吃~~  燒到咁上下開始有少少雨啵, 我地就返落屋到, 悶左一陣我地就開始玩d白痴遊戲, 玩鋤大dee輸左就扮d白痴仔野, 咩小飛俠呀, 咩miyu呀, 咩波斯貓呀, 咩滄海一聲笑呀, 咩who am i呀, 哈哈哈~~~ 笑到我嘔電, 佢地仲要拍埋movie tim, 好在我同samuel哥哥一pair, 我死都唔玩, 因我唔識鋤大dee丫嘛^^  睇返d movies個個都笑到收唔到聲~~ 估唔到apple會咁低能囉, 平時扮哂cool咁!!

15/8  好開心

css請食飯去左美麗華basement果間todai食buffet, ivan叫埋我去 yeah~~正呀!! 我想去九世架喇, 呵呵~~ 果到真係好大, 好多人, 好多野食, d野食好新鮮, 不過d服務就差囉, 出名都唔洗唔憂做咁既款呀?!?! 今晚dinner薯姐個細佬都有份去, 我都係第一次見薯姐細佬, 好似樣啵~~ 由其是對眼, 薯姐剪短頭髮就應該似佢細佬既~~~ 哈哈哈~~~

lunch前收到你電話, 你同我講頭先interview既野,知道你唔係太滿意你今日既表現而唔開心, 我就唯有去安慰同鼓勵你^^ 費事一齊唔開心啦, 不過講到明我係唔會養你架啵, 哈哈~~  當我晏晝打比你時, 你突然話有個好消息話我知, 就係你之前見果間公司請左你做consultant, 當時我真係好開心~~ 終於你最擔心果樣野都解決左lu, 嘻嘻 雖然人工就少過而家, 但好過咩都冇丫, 比心機做多几年, 你遲d就可以做到建築師架喇~~ 點都好多謝你話呢個好消息我知...

14/8  星期四

唔該哂薯姐抽時間陪我去, 真係唔該哂^^  我會努力架喇~~~~ 放工返出mongkok同媽咪 ivan去左candice開果間酒樓到食飯。 食完我就同媽咪行左一陣先返屋企, 買左d床上用品。

琴晚我地傾到五點先訓, 晚晚訓得咁少, 我個黑眼圈已經無藥可救喇~~~聽日你去見工, 希望會見得成吧!!

13/8

我地兩個琴晚傾電話傾到今朝六點先訓, 今朝七點三起身, 勁頭痛>.< 不過琴晚真係過得好開心!!  食左d止痛藥, 唔係都唔知點死啊~~ 天氣仍然都係咁熱...好辛苦.\/."  RL冇返, 公司冇左個人成日行來行去, 大家都好似好free咁, lunch過後我更加覺得眼訓, 我忍唔住問wilson借左亞mcmug來係公司訓左一陣。

同家姐icq傾計, 佢話我知佢個朋友亞碧過左身, 我覺得好突然.... 雖然我只係見過果個姐姐一兩次, 同佢可能只係講過几句話, 但當我知道既時候, 我個心好驚好唔舒服亦都好難過, 忍唔住都喊左出來>.< 突然好驚自己身邊既人會冇啦啦咁離開我.... 年紀輕輕就咁樣過左身, 我覺得好可惜... 相信佢屋企人更加傷心, 希望佢安息啦!!  "人"就係咁化學咁脆弱, 冇人會知下一秒鐘會發生咩事, 所以真係要好好珍惜身邊既所有一切, 得快樂時且快樂吧~~~ 

放工即返屋企, 因為真係好累呀~~ amanda都上左來食飯, 見到佢瘦左好多, 身體都弱左好多, 呢一兩年睇住佢身體差, 見到佢咁擔心, 我都好難過, 希望佢快d好返啦~~ 我都有同amanda傾過, 亦都開解下佢咁囉, 佢都有聽我講既, 家姐都幫佢搵左三伯父睇下咩事佢會咁樣keep住病~~

12/8

我地兩個係mongkok行左好耐, 成條街都勁多人, 我地兩個都濕鬼哂, 因天氣真係好熱... d人又唔信我講野啵, 一早話果到變左esprit架啦, 又唔信啵, 死都話果到有間商場, 最終咪瘀左囉=.= 去左咩仙跡岩飲豬豬奶茶之後去左旺角商場行囉, 去到我地去夾糖囉, d人又愛吃糖啵, 但又怕人地話男人老狗拎住包糖吃尷尬啵, 死都叫我拎..到我拎住時又搶返來吃啵, 噓~~ 玩野呀?!?  之後行行行行..... 哇~~~ 真係熱死人呀, 我地係記得附近係有間運動shop架嘛, 但係都諗唔起, 係咁搵搵搵... 最終都比我地搵到..正~~ 最終都買到^^ 之後去返我屋企附近既茶餐廳食d野咁囉, 不過我都冇咩食野...冇咩胃~.~" 係咁傾係咁傾...乜都傾乜都玩得一輪。 臨走時, 一出門口就見一男一女吵架, 我地當然又發揮我地八卦既本息啦, 又係到扮睇野係到偷聽人地講野囉, 哇哈哈哈~~~~ 遲早我地真係比人追住打囉.....

11/8  有d失望...

你想結婚生仔?? 咁快想過呢d安穩既生活?!?! 哇~~你唔好嚇我好啵, 平時咁不羈而又飄忽既你, 竟然呢d說話會出自你口?!? 我真係比你嚇窒左=.=" 你係咪病左呀?!? 定係呢排你太大壓力啊?!? 拿...講真丫, 我又仲未有心理準備去接受你呢一個想法囉..... 哈哈哈^^"  不過話時話你句說話真係絕句囉~~  "咩到咩咩自然直" 絕句絕句~~~

何狗又開始煩我, 又話比個新channel我去攪, 又叫我做呢樣, 搵果樣, 樣樣既deadline都係差唔多果几日, 我都唔知點死比佢, 仲要攪埋個新channel, 我呢獲真係唔知點死=.= 我開始有d害怕, 人生就係咁, 冇可能一世都過得咁平靜, 咁無風無浪, 總會有時平靜有時崎嶇。 我地冇得揀, 亦冇野可以做?!? 唯有"認命"吧~~ 這就是我們的"人生"

今日比我發現到一d野, 我見到後即時個人呆一呆...然後再冷靜地去思考同抹清楚對眼睛去看清楚, 事實已經係事實.... 自己拼命咁去搵藉口都冇用, 係....我承認係有d唔開心亦都有d失望, 我唔明點解會去到呢個地步, 我唔知我做錯過咩野令你要去咁樣?!?!  今日我先知道原來一直以來你都係到做緊戲, 對我講既野都係大話, 點解你要咁做?!? 今日我見到既野, 已經好清楚咁比我知道原來你係咁憎我, 可以憎到呢一個地步。 你所做既一切亦都好清楚咁比我知道我同你既關係已經係由"好朋友"變成連一個"普通朋友"都不如。 我只係覺得有d可惜....... 無論拍拖又好, 做朋友又好, 都係講一個"緣"字, 或者我地真係緣份到此~~ 不過點都好, 我都希望你往後既日子都會過得開心快樂........  以上段心聲係比一位曾經我視佢為好朋友既人!!

10/8

【愛是痛苦的遊戲】


被愛是一種享受，那麼，去愛又如何﹖答案是–苦。
不管妳去愛一個人，又或是兩人相愛，結果也是–苦。
當你去愛一個人，需要無盡地付出感情，無奈地付出金錢，無謂地付出時間，無限地付出青春。每當想念別人時，人家沒有領情，那是多麼無謂，每當被別人拒絕時，那是多麼的痛苦。
當妳與戀人相愛時，也一樣是件苦事，害苦了妳的時間，害苦了妳的金錢，害苦了妳的青春，最重要是的是可能失去妳的朋友。最終，亦可能分手收場。
愛絕對是一個痛苦的遊戲，若果妳要參加這個遊戲，請妳做足心理準備，否則，當妳落敗的時候，是沒有人會可憐妳的！

【今夜仍在心痛】


今夜，我仍在為我心痛。同時，亦為你心痛。
痛心不能與你一起，痛心不能與你相戀。
也為你左顧右盼而心痛。
被你拒絕，我跌倒了，仍然未能起來。
我明白此時是我生路歷程的一小部份，我知道某天我定會起來，惜此刻的我仍掉在深淵，看不見光，看不到未來，我在怨，為何掉落這陷阱在。仍在想，為何你不確認我。
「起來吧！」友人道。
我一定會起來，但不知是何時。
我只知道二零零三年八月九日晚上九時二十分，我仍在為你心痛。

9/8  好hurt....

今日起身就同薯姐傾左好多野, 同大佬又傾左好多野, 同家姐都傾左好多野~~ 之後等媽咪放工就同daddy一齊落街食野, 食完返工既就返工, 去街既就去街, 我就返屋企啦當然, 整下呢樣整下果樣, 睇下電視吹下水咁囉, 亞蟲打來傾左一陣之後我就係床訓著左, 之後八點几九點就同媽咪落街食糖水, 哈哈~~晚飯唔食反而食糖水囉, 有少少痴線~~ 

好辛苦先等到今日, 但....最後都係好唔開心好hurt>.<" 原來一直都只係我自己係到等, 係到白痴, 係到奢望, 係到浪費時間。 討厭自己亦都討厭你, 係...可能我憎你會係好d, 但我真係做唔到。 或者我前世真係欠左你... 今世就要還返比你..... 

8/8  皇馬對香港 4:2

今日放工好快就冇哂人係公司, 因為有波睇嘛, 有冇波睇對我都唔重要, 因我都唔鍾意既。 我做到七點几就同maggie, andy走, 之後我返屋企同家姐傾左一陣計, 等oscar放工就去拎眼鏡, 之後我地就行左一陣, 買左d野, 之後去左味千拉麵食飯, 食完就行多一陣返屋企剪頭髮, 哈哈哈哈~~~

7/8  開心日, yeah~~

今日真係又忙又開心^^ 今日突然一次過來好多野要入腦咁, 一時接受唔到, 真係唔知做邊樣野先~~~ 突然發覺個腦一片空白啊=.=" UPS來同我地開會, 我以為好快就傾完, 點知對方條友都ok吹水王... 講個開場白條友都吹左半粒鐘呀, 我係入面有dd眼訓....我仲打左几個呵欠>.<" 最終四點几先出到來, 救命~~~ 大把野未做, 真大獲~~~ 點可以準時走啵?!?!

夜晚我地兩個去左尖沙咀一間叫"亞蘇日本料理"食飯, 我地唔係太肚餓, 所以唔係叫左太多野食, 但埋單已經差唔多兩舊水喇, 兩件sushi已經28蚊, 哈哈~~~ 不過又真係几好味啵^^" 之後去左silvercord樓下食滿記糖水, 我地傾左好多野, 坐到人地close哂我地先走, 之後我地再去諾士佛臺上面飲野, 返屋企已經成十二點几一點lu~~~

6/8  星期三啊~~

今日食lunch時, 照常去左焦糖, 點知寫寫下單時, 發現手痕痕地... 一望之下....@@" 哇~~有條蟲係我手....頂~~~即時發顛.... 救命~~~ 但當時太多人, 我已經盡量去控制自己唔好顛得咁緊要... 只有攬住maggie係到叫.... 之後唔知條蟲去左邊樹~~~ 好恐怖=.="

本身今晚同亞花食飯, 點知條友臨時唔得, 所以取消左~~ 放工就返左屋企, 媽咪煮飯食, 不過得我同佢兩個!!  之後家姐同oscar返來, oscar又show佢岩岩紋完果個紋身啵.... 車~~~ 好叻咩?!?! 

5/8  好開心^^

今日一返到公司好開心, 有d好似生日既感覺, 首先係收到maggie既手信啦, 同埋佢份神秘禮物囉, 琴晚佢已經叫我估定先, 一樣我好想要又搵唔到既野啵, 我諗極都諗唔到, 今日收到原來係我呢期搵左好耐既筆^^ 多謝啊~~ 跟住就係jacky to既咖哩肉鬆卷, 上次買錯左, 今次補返啵, 哇哈哈~~ 佢原來一早已經放左係我張台到, 但我一d都發覺唔到啵,勁~~~ 最後呢樣真係驚喜咯... 我知道後我真係有d呆左啵, 收到大佬既icq mesg話咩佢買左個keyboard比我啵, 果一刻我已經開心到死左, 真係好感動, 講講下...佢仲話佢買埋個mouse比我~~ 果一刻我真係有d受唔住既感覺, 有d想暈既感覺, 大佬真係好多謝你~~ 有時有d野真係心照架^^" 對我來請禮物呢樣野唔係以價錢來定, 只要有心就算唔洗錢既野都會好開心~~~ 禮物係講份心意架!! 不過我真係好多謝你啊~~ 大佬有我心到個keyboard仲係要黑色囉, 頂~~ 我恨左好耐喇~~ 但係好可惜我部機係冇ps/2 port, 但大佬兩樣野都係ps/2啵, 佢當然有d唔開心啦, 但我唔覺得係咩問題, 總之有心就已經夠了~~ 講好左放工拎去換明天拎比我, 但我放工做做下時, 見到大佬跑住來放低袋野比我, 果時先知佢原來去左kwun tong廣場換比我~~~ 嗚嗚嗚~~ 果一刻我真係有d想喊既感覺啊~~ 大佬.... 十萬個多謝你啊^^"

4/8  星期一

因為要幫屋企攪d野, 所以臨時請左annual。 結果係訓遲左, 几驚呀=.=" 之後搭MTR囉, 點知比人老點左囉, 頂~~ 最終我係要搭taxi去, 費事遲到, 要人地等啦。 同條友講開d問題條友又几ok咁啵, 冇我想像中咁串, ok funny同ok靚仔啵~~ WoWo~~~~  之後我迷路, 行左半粒鐘有多先搵到車搭囉~~~ 熱死我呀真係 >.<

卡數要交$90, 但我居然交左$1400, 條友打來話我知, 即時落去拎返走張cheque囉, 張死人statement又show得唔清楚啵, 仲以為要交$1400, 原來我只係欠佢地一共90蚊, 低能~~~ 好野...又拎返1300返來。

夜晚jeffrey上來幫我整電腦, 裝返個新既CD-ROM, 又裝返norton 2003, 不過原來係英文版~~~ 真係唔該哂啊^^"

3/8  星期天

訓到點几兩點先起身, 之後家姐煮左d野食, 睇下電視, 整下野咁就過左一日喇, 而家放假都唔想出街, 太多人喇條街好恐怖, 天氣又熱又曬。 順便整下homepage。

晚上比家姐同oscar捉住打三人麻雀, 我黑仔到暈低, 摸極都摸唔到d好牌, 係咁幫下家摸, 作死>.< 人地就隻隻入哂咁, 妖..攪錯呀~~ 我唔係黑到咁呀?!?  一路打我地就一路睇港姐, 今年既港姐真係索到暈呀~~ 哈哈^^  

2/8

今朝叫醒媽咪一齊落去食早餐, 雖然明知一定會遲到, 但我情願遲到我都想同佢食個早餐傾計, 因為我覺得係值得既。 其實我都唔知應該點去打開個問題, 不過佢都知我想點, 所以佢講先, 我地太易喊喇, 一講眼淚就係咁流, 傾左好多野, 講左好多大家既想法, 原來佢有d野唔講比我地知係因為唔想我地擔心, 情願自己一個去承受, 但佢偏偏又唔明我地既想法... 果一刻我覺得自己有時真係好過份, 仲忽略左佢, 我感到十萬個內疚, 我開始怪自己點解會咁樣, 怪自己點解唔可以對佢地好d, 怪自己點解冇能力去照顧佢地, 怪自己冇能力搵多d錢去比一個再好d既生活環境佢地, 但佢地從來都冇怪過我地, 我覺得自己好對佢地唔住... daddy mummy我知自己真係錯左,  對唔住.....    傾到成九點半媽咪返工, 而我就去搭van仔, 點知冇人, 頂~~唯有飛的返工啦, 返到公司差唔多十點喇~~ 好在何狗未返咋=.=

放工同maggie出mongkok join家姐係極之好食野, 食完野就去左惠康買今晚既野, 買下d薯片呀, 飲野呀, salad既材料呀, 買左四百几, 家姐, 我同maggie三個人拎十几袋勁重啵, 仲要係mongkok咁多人既地方穿插, 簡直想死啊>.< 我地行到麥花臣門口, 發現一架惠康車囉, 我地就放哂我地d野上去推返屋企, 家姐同maggie放完d野上去就行開, 要我推囉, 呢d咪家姐同好朋友囉, 旁人覺得我好怪, 推住架惠康車, 我几驚有人話我偷野呀, 最終我地係推左架惠康車返屋企, 仲拍左係屋企門口tim, 哈哈~~~ 媽咪放工就返屋企準備我地今晚食既野, 之後佢地陸續來到, 家姐又整salad, daddy又幫手煎野食焗多士, 一路食一路睇波, 佢地叫到鬼殺咁嘈~~ 食完就玩下七級豬咁囉, maggie同薯姐輸左, 薯姐要鍚maggie手脾, maggie要鍚薯姐個胸, maggie流哂口水咁, 睇到我地叫哂咁囉...  途中我突然拎個蛋糕出來, 嚇左wilson一跳, 唔知佢真唔知定假唔知, 但至少佢比到d戲我地丫, 記得上年又係咁係karaoke到突然同佢慶祝, 今年就係我屋企, 食完蛋糕要走既就走, 剩返suki, wilson, theo同jeffrey係到傾計, 留到兩點几佢地先走~~ 出席人名如下:

maggie, winnie, denise, kenneth, suki, fred, janice, wilson, theo, jeffrey

　

1/8  唉~~

仍然好無奈, 我都唔知應該點做好, 個心有d內疚, 我開始覺得自己好錯.... 我真係唔想見到某d場面出現, 我唔想攪到咁樣~~

放工本想去搵亞yen先, 之後去接sleepy返屋企, 點知突然bay少icq我叫我今晚食飯, 所以我冇去搵到亞yen, 點知準備出去join亞bay時, 點知狗鋪叫我盡快接sleepy, 因太多狗... 唯有先接sleepy返屋企先再去join亞bay啦, 叫亞bay去搵住位等我, 點知返到屋企, 同daddy傾左几句, 我咁大個女從未試過咁樣同daddy傾計, 亦都未見過佢咁樣, 果一刻我覺得好心痛, 我覺得自己好對佢唔住。 傾完就去搵亞bay, 一望個鐘...@@"大獲 已經八點半喇, 死喇~~ bay少等左我成粒鐘, 真係唔好意思啊=.= 即時打比佢, 佢話我知佢勁比人啤同指指點點, 哈哈~~ sorry呀真係!!  我只好加快腳步啦~~ 同亞bay傾完之後, 覺得舒服左好多, 多謝你一直以來都支持我同聽我講野, thanks!!  亞bay又講左d冇人知既野比我聽, 哈哈~~ 估唔到你真係有一手丫~~勁呀~~  食完亞bay就陪我慢行返屋企。