deng dişkên
êş
şahî,
av û ax,
ar û ba....
bîranîn jî dişkên,
tenê nav dimînin...
.........
....
..
jiyan dereweka mezine
gulêd zivistanê
sic û kulîkêd
şevê ne ramûsanêd min
di dilbijandina lêvêd te da
bîn didin.....
dîn dibin
û
jiyan dereweka xaşe,
şîn,
şahyêd daweraftî
ji dil dadiwerivin
û serdemêd me di neynika da dişkên
...........
zeviyêd bihara min in
her du lêvêd te
ramûsanêd min
tê da diseridin...
jiyan dereweka mezine
dema di neynika te da
sî dişkên,
rûyê min
û rêwîtiya te destpêdike
..........
.....
..
di berbanga destêd tey sibehî da
di navbera siya min û te da
jiyan dereweka xaşe
û lêvêd te
zeviyêd bihara min in
ramûsanêd min
gulêd zivistanê
nêrgiz û binefşêd berfê ne
di dilbijandina te da
şîn dibin...
ez û te destpêka dereweka xaşin.
deng dikevin...
av û ax
ar û ba
bîranîn jî dişkên,
di navbera sîbera min û te da
jiyan dereweka nîvçeye.
tenê nav di şûnwar
û cîwara da dimînin
û di neynika da
qerebalixa deng û renga
di deng û renga da...
tenê nav dimînin
di siya min û te da
gelek nav
gelek deng
gelek bîranîn...
ji berbanga destêd tey sibehî da
destpêdikin
ta hêvara neynikêd tozgirtî
di navbera her du navêd te û wê da
di navbera her du pêjnêd wî û te da
rînginî bi bîranîna dikeve
rînginiya bîranîna
ji nava dihat
û bîna ramûsanêd min
ji hemû
şûnwara difûre...
di navbera dûrketina te û wê da
jiyan dereweka mezine
di navbera navê te û wî da
neynik dişkên
deng,
şîn û
şahî...
bîranîn jî dirizin
tenê nav
di navbera her du sîberêd te û wê da
dengê wî û te da
li wateya digerin
rîngîniya bîranîna ji berbanga
destêd teyî sibehî tê
tenê
ramûsanêd min
di lêvêd tey biharî da dibuhurin
diniqutin
diniqutin,
diherikin...
jiyan dereweka mezine
navêd jibîrbûyî
di neynika te da
dixewîne...
tenê nav dimînin
nav dimînin,
di navbera min û te da
av û ax
ar û ba
û di neynikêd serdemêd tagirtî da
şênahî êşa dikşînin
deng dikevin
sî...
û rîngîniya bîranîna
............
jiyan dereweka mezine
di navbera sîbera min û te da
