MEHNAME - SYDNEY. Richard Perle, şîretvanê Donald Rumsfeld, wezîrê emerikî yê
berxwedanê,
dibêje ku hukûmeta emerikî dê xiyanetê bi Kurdan re neke.
Di hevpeyvîneke bi rojnamevana australiye navdar Jana Wendt re
(Televizyona
CHANNEL NINE / SUNDAY PROGRAM: 8/03/03) birêz Perle pejirand ku
hukûmetên
par yên DYE bêwefadarî bi Kurdan re kirine. “Rast e, mixabin, carine
wisa
bûye ku ji bedbextane hukûmetên emerikî Kurdên Îraqê bi tenê hîştine û
va
yeka her cara ku qewimî şermezariyek bû, û ji carekê bêtir jî
qewimiye,”
got birêz Perle.
Dema Jana Wend pirsî, eger ew bêguman dizane ku tiştekî wisa dê dîsan
neqewime, birêz Perle got, “Ez baş dizanim ku hukûmeta emerikî ya nuha
li
ser desthelatdariyê dê tiştekî wisa neke.”
Şîretvanê wezîrê emerikî yê berxwedanê Kurdên Kurdistana Îraqê wek
hevalbend bi nav kirin û got, hêzên emerikî ta ku pêdivî bi wan heye dê
îcar
li Îraqê bimînin.
