今朝好心情~
返學o個陣冇紮辮~
gel o左頭之後~
就拉直d頭髮~
夾o左兩個夾仔返學~
食早餐o個陣~
國寶同我o地一樣o係大家樂食~
所以...我o地就坐埋一齊~
傾o左陣計啦~~
上新堂~原來另行通知係上"flash"~
哈哈~~~都係佳sir教~
實在太好啦~
基本上今堂教o既野~
我本身都識識o地~
所以d野都唔係咁難消化~
一學即上手lu~
放o左學~ 閃lu~~
出面o既氣溫真係熱得利害~
好鬼想死~
返到屋企~收到一封想要o既信~
嘻嘻~~
另外~仲收到一個好消息~
就係輝輝老爺可能同番四月媽媽一齊呀~
哈哈~~
而輝輝老爺星期六應該會同我o地出黎~
因為佢諗住出電話~
出我同程程o個部~
我白色~程程銀色~
諗住叫佢出香檳金色~
哈哈~~~
一家人~~當然要出番一樣o架啦~
^-^
lunch都冇食~
就返工lu~
o係七仔買o左包明治朱古力軟糖返去食~
程程送比我o個樽糖~
已經食哂lu~
連包咖啡軟糖都食哂~
唔買d糖返去食又點得呢~
有野咬下~先有靈感d o架嘛~~
今日...出我人生第一份糧~
$2341.94~
唔理佢多定少啦~
總之...對我黎講好有意義~
咁因為我今日係返晏~
所以冇得再出去~
冇得去銀行入票~
咁於是阿哲就好好人咁~
幫我去恆生入啦~
成日...我都只係做o左一樣野~
就係做工作證~
全部人影好哂白色地o既相~
由我操刀幫佢o地執...
哈哈~~我自己o個張~
執到勁假~
所以到後尾...重新再執過~
執番正常d~~
六點鐘左右~
開會~
講下未來一個月要做d咩野~
老闆講比三個月期限自己~
唔希望再蝕~
叫我o地努力d做野喎~
放工約o左程程o係尖咀地鐵站等~
七點幾到o左~
去食野~
食完~程程去做gym~
我自己就行街行hmv等佢~
基本上~我只係行o左三個字update mall~
就買o左兩件t-shirt~
一指幾得意o既指甲油~
一條紙o既吹氣魚魚~
兩條紮頭髮o既頭飾~~
哈哈~~~
之後去hmv~
行o左成個鐘~
破哂紀錄~
鬼咩~
出面咁熱~
我知道自己如果唔o係hmv成個鐘~
都冇地方比我去咁耐~
咁我咪周圍慢慢睇囉~
睇下人o地d cd cover可以玩d咩野花臣~
到十點左右~
程程做完gym~
佢就送我返屋企lu~~
返到屋企~
興致勃勃咁掛起條魚魚~
掛o係個好得意o既地方~
嘻嘻~~下次再買多幾條返黎掛先得~~ ^-^
話比大家聽一樣野丫~
我好慘呀~
正當我上upload呢個日記上網o既時候~
我想click上網o個個製啦~
點知...o係桌面搵唔到個icon~
之後望下個數據機都比阿哥拆走埋~
好唔開心呀~~v_v
上唔到網~
唔知點算~?!?
不過放心啦~
我會諗方法upload我個網o架啦~
你o地記得黎睇呀~~~
宜家o既心情...
有點怪...
怪係因為...突然覺得一個人要避你~
你搵唔到佢~
o個種不安定o既感覺~
上一次有呢種感覺o既時候~
應該係我搵唔到細佬o既時候~
而今次~
雖然我知道過多一陣~
甚至只係幾分鐘, 又或者個幾鐘都未定...
就可以搵到佢~
但...我討厭呢種感覺~
我容忍唔到呢種感覺半秒~
昨晚訓得一d都唔好~
知道自己有發過夢~
但唔記得o左係咩~
只係知道好胡亂~
七點左右醒過一醒~
見到仲早~
再訓...
八點二比程程叫醒~
伸o左個懶腰...就落床~
迫住要起身~~
唉...實在好想留o係張床多一陣呢~
返工~
做起個廣告~
再做起埋放o係門口個banner~
另外又做o左另一個宣傳banner~
不過呢個唔多掂~
要做過另一個~~大改先得~~
今日老闆同阿森and kenny開會~
開o左好耐~
steven 未返~
得番我同阿哲o係出面~
咁咪一邊傾下計~一邊做野囉~
都傾o左幾多野~
尤其係未來去向o既問題~~~
四點左右~
先去食lunch~~
我以最快o既速度食o左個吉烈豬扒薯條沙律~
之後跑番屋企拎信~
唔知係咪走得太快o既關係~
同埋食飽o左~
所以有d d胃痛~~
v_v
返到屋企~
冇我想要o既信~
反而收到ive寄黎o既信~~
唉~~都好過咩都冇~白行一倘o既~~
見時間差唔多~
冇再去三聯join返阿森阿哲佢o地~
直接返公司~
收工之前一個鐘~
突然要做一個cd cover同埋label~
放工之前要搞掂~
猛做...做到七點幾八點先走~
好累呀~~~~~
昨日買o左包咖啡軟糖~
今日帶返公司食~
先苦後甜o既感覺~
再次滲入心入面~
令我想起岩岩同程程拍拖o既時候~
收工~
打電話比程程~
換來態度不太好的對待...
你時常叫我不要輕易咁嬲你~
但係你有冇諗過~
當我心情好o既時候~
而你卻咁對我o既時候...
我邊有可能唔嬲丫~
究竟想怎樣呢...
漫畫節...
上兩年都冇去湊熱鬧~
今年就同程程去下啦~
嘩~果然係好多人~
迫到死~
同書展一樣~
我最後都冇買到同漫畫有關o既野~
反而只係買o左一本森美小儀o既簿咁大把~
不過本簿好鬼盞鬼o架~~
嘻嘻~~ ^_^
行完~~陪程程去剪頭髮~
我坐埋一邊睇o個本簿~~
好快~我就睇哂lu~
跟住就望住個髮型師幫程程剪頭髮啦~
剪完~去neway唱k~
唉...兩個人~
又比o左間成十幾人o既k房我o地~
好似有得分咁~~~
之後~我o地去time square行~
行到咁上下~
o係city super 買o左d野食~
就去程程屋企食飯lu~~
今晚食得好飽呢~~
有炸乳鴿食~
好味道呢~~~
十點左右~
我就走lu~
返到屋企~
媽咪都仲未訓~
聽日要返工lu~~
咁又放o左一日半假期啦~
真係快~~
今朝返學...
成八點一先出門口~~
哈哈~幾趕呀~~~^o^
上黃伯堂...
今次教o既係叫"時空交錯"~
係比原來o既線條少...
畫完出黎~
又係一張唔知咩野o既畫~~
哈哈~
之後上盧sir堂就慶囉~
直頭有d想叫佢"收皮"~
o係大一~除o左"孫鴻山"o既物體~
同埋佢之外~
都冇咩邊個老師會令我有反感o既感覺~
佢自己老套就好啦~
仲要我o地學埋佢d野~
好唔掂呀~~~
今堂佢講返上次叫我o地改o既海報...
即係我做Nec電話o個張呢~~~
佢上次話我d字唔應該反白~
咁我改o左做黑色字啦~
點知佢今堂竟然話我d字應該用反白先岩~
真係頂佢丫~~~
我於是咪出聲駁佢囉~
跟住佢又死口話...要跟整體效果黎改喎~~
哎呀~~好唔開心呀~
海報係大科黎o架嘛~
我費事唔合格咋~
如果唔係...我一定唔理佢~
討厭~~~ v_v
我o地圍內o係度講~
下次佢叫我o地改o個時~
我o地下堂就交番原本o個張比佢~
睇下佢又會點講~~~
睇下佢會唔會前言不對後語~
哼~~~條氣仲頂住...
放o左學...去還書~
車~~~罰o左兩蚊咋嘛~~
估唔到咁平喎~~
返到屋企~
冇得訓覺~
因為阿媽同佢d朋友o係度打麻雀~
咁我就無無聊聊冇野做啦~~
直到四點幾~
挨到程程放o左工過黎~
咁就出去lu~~
首先落o左中環食牛腩麵~
再去銅鑼灣買野~
基本上...我今日本身係想買禮物比apple生日~
點知比我見到大口仔新出o既野呀~
超級開心~
買o左3樣野~
包括電話繩, 散銀包同埋鏡梳~
其實仲有個毛巾盒盒好靚o架~
不過...都係唔好買埋啦~~
下次先啦~~~
揀好o左買咩比apple~
點知等o左好耐~
sogo個sales都搵唔到新o既比我~~
於是去new face sogo o既sanrio買啦~
好驚apple已經有~
希望佢仲未買啦~~~
唔知做咩~
銅鑼灣今日好似特別多人咁~
sogo對出o個條馬路~
d人多到過唔到~塞死哂~
見到咁o既情況~
於是拿拿臨走人~
搭mtr過尖咀啦~~
其實~ 今日係我同程程拍拖七個月啦~
我o地夜晚去返我o地第一次去街...
夜晚食飯o個間cafe食野~
特登坐返同一個位...
^-^
食完飯~~去睇盜墓者羅拉~
幾好睇~~~唔錯~~
個女主角個咀唇好厚~
個胸好大~
覺得唔多貼切本身o既羅拉...
睇完出返黎~
大約十二點幾返到屋企~
好累呢~~~~~
聽日去漫畫展~
我諗...都係好多人o架啦~~~
行程都諗好~~
very good~~~~ ^_^
今日幾開心~
因為好早有得收工~
而今朝o既心情都非常愉快~
當我行返工o個陣~
見時間仲早~
就去o左 star bxxxx(唔記得o左點串~ v_v)
買o左杯熱朱古力飲~~
大家可能覺得咁熱仲買熱朱古力飲會好怪~
但係...我公司好凍o架~
買杯熱野返去飲岩o架啦~~~~
返到去...
阿森好明確咁交代o左我今日應該做o既工作~
咁我就開工lu~
改好roller~ 做好員工證o既設計~
做好放o係樓下廣告牌o既banner~
好輕鬆咁完成哂所有o野~
六點七八就有得放工啦~
係最早o既一日~
我都未試過...個天仲光住...
就可以放工啦~~~
哈哈~~
放工返到屋企~
即刻沖涼...
跟住一邊食飯...一邊睇雜誌搵資料做功課~
食完飯...
就scan d圖做野~
唉...我做adidas o既海報~
佢個logo 咪係3條羽毛o既~
我想搵d羽毛o既圖~
但搵唔到~
結果...大家知唔知我後尾點做丫~?
我去搵o左個羽毛球出黎~
剪o左條羽毛出黎scan~
再整落張海報度~
夠哂大工程~
不過呢~~我反而鐘意咁...
複雜唔係問題~
最重要有得發揮~有創意~^-^
但係呢...呢一張海報好有問題~
有d怪~~
因為我print完出黎~
發現o個3條羽毛貼得唔夠埋~
要埋d先似個logo~~
唉...算啦~
都print o左咯~
唔鬼改啦~費事哂墨print~~
做到十點幾先做好~~
都算係咁啦~
咁快做到出黎~
比著我唔洗返工o既話~
分分鐘做成日都似~
今日...有樣野幾開心~
就係收到athena o既信~
知道佢一d近況~~
安心好多...
家下~我間房越黎越亂~
真係好唔掂~~v_v
周圍都係野~~~七國咁亂~
見到都煩~~
聽日點都要執下~~~~~
時間過得好快呀~
就快又一個月啦~
哈哈~~唔知幾時會出我第一次o既糧呢~~~ ^-^
哎呀~聽日要還書~
一定要記得去~~~~
罰錢...
too bad~~
今日程程放假~
所以冇人叫我起身~~
咁冇理由佢放假都要佢特登起身叫醒我o架嘛~
所以...自己教電話個鬧鐘~
咁就包冇走雞啦~ ^-^
上新堂~
又係李學鋒教~
個科目叫做超視覺素描~
又係素描呀~~v_v
星期六上立體素描~
宜家星期四又上超視覺素描~~
救命呀~~~~~~
apple同gary冇返學...
哎呀~~兩個又偷懶~~
嘻嘻~~~ ^_^
食完早餐行返學o個時~
買o左本叫"milk" o既雜誌睇~
係創刊號黎o既~
幾好睇~~~
d排版做得幾好~
廣告唔係好多~
唔似得monday咁...
10蚊~抵啦~
而我最鐘意係佢入歌仔o個度~
因為有samsung 入丫嘛~
側邊仲有埋歌詞~
正呀~~~
但係...照宜家咁計...
一個星期...最多可能會買四本雜誌睇~
包括東touch~便利~ monday~
宜家加埋milk~
唉~~都未必有咁多時間睇~~~
放o左學~~
返屋企放低d野~
之後返工~~
返工o個時終於都落雨啦~
我終於都有機會用我把新傘啦~
so happy~~ ^-^
呢個機會~我都唔知等o左幾耐呀~
買o左把傘成5日~
到今日先用~~~
返工~
工作適量~
非常開心~~
仲做o左第一件sell比客o既banner出黎~
阿哲and阿森都話影張相留念好~
咁所以就拎住條banner黎影o左張相啦~
哈哈~~~
今日~基本上六點半真係收得工~
但因為我約o左程程七點幾八點o係尖咀等~
所以我留到七點左右先走~
去到california附近~
見到levi's 間舖~
諗住入去行陣先~
橫掂都未夠鐘~
點知一入去~
就見到妹妹~~即係阿熙個女朋友~
我本身都知佢o係levi's 度做o架啦~
不過就唔知係o個一間~
而咁岩~
阿熙又打電話比妹妹~
咁就比o左我聽~
叫阿熙估下我係邊個啦~~
哈哈~~~
同程程去o左食少少野~
先去唱k~~
energy~ 唔多掂~
部電腦有d問題~
等o左成晚~
隻玉蝴蝶都冇得唱~
到十點幾~
我o地就走lu~~~
今晚幾開心~~
聽晚...就唔知會唔會再咁開心lu~
因為...聽晚一定要嘔到份功課出黎呀~~
v_v
手呀手~海報呀海報~~~
點算好~~~
岩岩我去check下本圖書幾時要還啦~
點知...原來23號已經要還~
即係我過o左期~v_v
星期六...一定要去還o左佢先得啦~
唉~~~
今日玉兔仔未走~
仲掛埋八號風球~~
嘻嘻~~發達~ 正~唔洗返工~
雖然呢一刻係開心~
但聽日就會知衰o架啦~
因為公司d野一定會好趕~
咁所以...聽日都唔方會早收工o架啦~v_v
今朝...其實我都未知玉兔仔未走~
只係知道一醒~
望下個電話~
見到8:44就即刻嚇o左一跳~
以為程程唔記得o左叫我起身~
跟住行出去廳~
見到daddy mummy d鞋仲o係度~
行入佢o地房~
見到佢o地仲訓緊~
於是先醒覺係八號風球~
咁我就返番上床度訓lu~
訓到十點幾...
訓到無可再訓~~
就起身啦~~~
丫~~我記得我發o左d夢~
夢入面...見到teresa~
發夢打電話比佢~
係佢妹妹聽電話~
但事實上...佢係冇細妹o既....
我呢個夢...係帶o左一個message比我~
就係話...時間已經過o左好耐~
咁耐冇搵佢~
佢連妹妹都多o左個~
另外~~見到athena~
我夢到自己同佢傾a-level o既野~
唉....又帶o左個message比我~
話我又係好耐冇搵佢~
我本來o係佢a-level放榜o個時搵佢o既~
最尾又冇...
唉......都咪話d夢發得冇意思~~
其實...真係隱藏o左好多野o既~~~v_v
我會知我點做o架啦~~~
起o左身~
食完野~ 睇o左陣電視~
媽咪又撩我o地打麻雀啦~~
咁我o地都冇野做~
咪陪佢打囉~
哈哈~~~我打到三點幾~~
最後都係贏o左幾蚊咋~~~
之後~~我又睇錄影帶~
睇到五點幾...去埋沖涼~
見個風球咁耐都未落...
而個天又冇咩野~
於是我睇埋小丸子就搭車去程程屋企lu~
唉...一個女仔o係八號風球下...
自己一個人搭車車~
真係慘啦~~~ v_v
今晚...o係程程屋企食完飯...
走o個時~
因為一d事~
搞到好唔開心~ 我仲同佢講分手tim~~
不過當然...我o地冇事啦~
今次...真係好激呀~
搵腳踩佢隻腳...(佢著住涼鞋o架~)
粗口又講埋~ 猛叫佢死開呀~
走啦~放手咁...
總之最粗魯o既野~
樣樣都做哂~~~
希望唔會再有下次啦~~~
基本上...
近來都覺得自己脾氣差o左...
工作忙...令我煩~
搞到成日發脾氣~~-->呢個只係藉口~
問題出o係邊~
我都唔知~~
唉...v_v
今日係最後一堂photoshop~
阿sir叫我o地跟報紙做一d效果出黎~
都幾難做o架~
後尾阿sir解釋點做之後~
我o地都唔係好明~
我都係覺得自己做o既方法方便d~^-^
佳sir算教得唔錯o架啦~
哈哈~~~
放o左學...今日唔算miss o左架巴士~
一陣就有車~
真開心~~
落車之後~
去買菜菜食~
之後就趕返工lu~
返到去...改會才o既banner~
做tape cover、vcd label~
仲有做埋另一set vcd o既野~
做到差唔多八點收工~
不過...今日o既心情冇昨日咁焦急~
輕鬆d~
我個心其實同自己有個協議~
就係如果今晚係過o左八點先收工~
咁我就決定唔再做呢份工~
咁宜家既然未夠八點就收o左工~
咁我就繼續做啦~
o係公司拎o左本photoshop o既書返黎睇~
希望學識多d photoshop o既野~
會掌握得好d~~^-^
又打風...今次個颱風o既名叫~玉兔~
哈哈~~好得意呀~~
宜家有d苦惱~
因為唔倨星期六份功課點做好~~
d資料有d難搵~~
唔知點算好...v_v
今晚算難得o架啦~
我有時間睇電視~
又有時間睇報紙~
聽晚...唔知仲可唔可以咁呢~~~~?!?
今日對於我黎講~
我所做o既野~
已經超出我能力o既範圍~
令我有唔想再做落去o既念頭...v_v
我會覺得~
我唔洗為o左3300蚊咁辛苦~
我唔做野~都有差唔多錢洗啦~
唉...
人為錢賣命...
定係為o左生活呢?
宜家...訓...冇咩時間~
做功課都冇咩時間...
除o左星期六日...
全部都係工作...工作...同工作...
麻木咁做...
諗唔到d新o既idea出黎~
覺得自己唔係進步~
反而係退步緊...
今日...返到公司...
做會才教育中心個banner~
上星期五晚...特登做o左兩個...
send 返公司..
唔係好掂~
於是要改過...
做下做下~
做到十二點幾...
之後就去灣仔...
大家知唔知我去灣仔做咩呢~?
係派宣傳單呀~~v_v
o係灣仔地鐵上面行去會展條橋度派...
幾"囉"呀~~>_<"
仲比我見到d中學同學...
唉...
始終...o係自己成日出沒o既地方派傳單~
真係唔多過到自己o個關...
派下派下...先放d膽咋~~
跟住幾個同事一齊去電腦中心買野~
順便~我買埋a4 o既ink jet紙啦~~
如果唔湊宜家買~
我都唔知幾時有時間買lu~~
三點幾...返到公司~
繼續做野~~
後尾...要做4隻cd 封面~
同埋入面o既label~
做到成八點幾先走人~
做到我好辛苦呀~
因為...完全覺得自己做緊d垃圾野出黎~
都唔係我想自己做o既野~
見到自己將一d唔配放埋一齊o既野~
抄埋落一張野度~
簡直想死~
冇design~冇概念~
不禁對自己失望~~~
阿森and阿哲見我做到就黎死咁~
就係咁叫我熄機走人...
咁我o地三個就一齊走啦~~
一路行返屋企~
一路同程程發牢騷~
屋企見我咁耐都未返...
打到我電話都爆...
v_v
最慘係...我返到屋企又要做聽日交o既功課~
好辛苦~好辛苦呀~~~
唔鐘意宜家o既自己~
為o左錢...我唔係~~
為o既...都係經驗~
而呢d經驗...我消受唔到~~
唔知自己仲可以挨幾耐先會放棄呢...
今早...差唔多十二點先醒~
好好訓呢...^-^
媽咪買o左麥記早餐~
同埋煮o左d陽春麵食~
噫~~~d麵勁淡...唔好食o既~
於是我就落o左d好辣o既辣椒醬落d麵度啦~
點知食o左仲衰~
搞到我肚痛...
成日都覺得個肚怪怪o地咁~~
可能d辣椒醬太辣o掛~~~v_v
起o左身~打電話比程程~
佢個衰人...
因為身邊有人o係度~
所以同我傾電話o既態度極之唔好~
咁我咪嬲佢囉~~咩呀!!!
睇電視睇到兩三點...
就入房攤o左o係床...
不知不覺~~
又訓著o左lu~~
到四點幾五點先醒~~
唔知係咪越訓越眼訓呢~
所以...越完仲覺得好累呀~~~~
之後~~我去沖涼~
準備去等程程放工~
o係長沙灣地鐵站等~
跟住去買乳鴿返程程屋企食~~
嘻嘻~~
今晚幾好胃口~
食o左都幾多乳鴿~~
好味道~~ ^-^
o係佢屋企食完晚飯...
跟住就去旺角...
入歌仔and去cyber city打機啦~
到十一點幾就返屋企lu~
聽日返工~
工作又開始了...
各位~~~
我呢排可能唔會點上網o架啦~
希望大家唔會忘記我啦~~
而我更希望我阿哥快d搞掂部電腦~~
日記我會照寫...
不過up唔upload到上黎~
就要睇運氣lu~~
有事搵我o既話~
打電話比我啦~
or e-mail比我都得~~ 6_6
今早...返早學~
好眼訓...
話哂七點起身~
唔眼訓就奇lu~
上黃師父堂~
今次教畫畫o既方法...
名為"拆屋法"~
很有趣...但亦很複雜~
之後上海報...
阿sir成堂講notes~
悶到死~
又係到差唔多臨落堂~
先講功課...v_v
放學...返屋企諗住訓覺~
點知阿哥整電腦~
冇得訓...
於是我就睇電視啦~
睇到咁上下~
到四點幾...
程程就上黎我屋企~
之後我o地就去灣仔食野~
再去書展and大一個畢業展啦~
書展真係好多人呀~
買o左把麥嘜麥兜o既傘~
好得意o架~
但好辛苦先逼到埋去買...
v_v
仲有買o左筆筆...
買兩枝送o左五枝...
真係夠哂抵...
另外買o左兩張星座小王子o既生日密碼~
睇完...覺得一d d準啦~
哈哈~~行書展~
竟然冇買書~
反而買埋d同書一d都冇關係o既野tim~
嘻嘻~~
行完書展~
行大一個展~
算做全部睇過哂~
但搵唔到我想搵o既野~
就係楠楠o個組o既作品啦~~~
v_v
行到七點幾...見時間咁上下~
就拿拿臨搭mtr去尖咀~
行o左陣i.t.~
就入場睇少林足球~
極之好笑...^o^
最好笑係六師弟同二師兄食雞蛋o個度~
笑到喊咁滯~~~
大約十二點幾返到屋企~
很累呢~~~~
聽日要訓過痛快先得~~ ^-^
唔知我係咪已經習慣o左~
所以...返工冇咁累...
^-^
今日幾開心~
阿哲真係極之好人又好玩~
(特別寫比阿哲睇o架~哈哈~~)
總之~~成間公司o既人都好好啦~
今朝我明明食o左早餐~
但係到十二點左右~
我就開始肚餓啦~
餓到"咕咕聲"...
挨到四點左右先食野~
v_v
食完野~仲有時間~
就去o左三聯睇書啦~
五點左右~就返公司繼續做野lu~~
做o左個cd cover~
都ok o既~
不過不失啦~
有一樣野~我好唔開心呀~
前幾日整o既圖...
唔見o左...
好有可能~要畫過呀~~~v_v
昨晚~我好彩做o左海報o既功課咋~
如果唔係~今晚實冇得做o者~
因為...我帶o左d工作返屋企做~
搞o左好耐~
都做唔掂~
因為d size太大啦~
總之就激死啦~~
到十一點半先搞掂~
結果搞到我冇時間做超視覺素描o既功課~
死啦~
再係咁...我第時實交唔切d功課o者~~
我唔記得帶返把傘返屋企~
呢樣都唔係問題~
我連電話舊電都冇帶返黎~
睇黎~
我聽日要返公司拎番先得啦~~
我今晚覺得自己有小小偏心~
我老豆身體有毛病~
我都冇咁緊張...
宜家反而因為程程daddy而做o左一d野~
希望...有幫助啦...
丫~~今日楠楠寄o左張邀請card黎~
叫我去睇大一o既畢業展~
嘻嘻~~
好啦~~咁我就去啦~~ ^-^
仲有...阿哥下午打電話比我~
話比我聽佢申請o左寬頻~
即係話...有一排~
我會暫時上唔到網~
因為我阿哥諗住張d電腦link埋哂一齊~
以佢o既效率~
應該唔會咁快~
所以...我將會冇得上網~~v_v
到時~我會再話比大家聽幾時o架啦~~~~
昨晚...好唔開心咁訓...
原來唔止我daddy係咁...
連程程o既mummy都係咁...
唉...昨晚都唔知點解我o地會咁黑~
突然之間多o左咁多野煩~~v_v
尋晚睇o左final fantasy~
套戲好深...有d複雜~
睇得唔係幾明~
不過...真係好靚...
如果唔計睇戲情...
睇佢做o既電腦動畫~
都抵返條數o既~~~ ^-^
今朝返學...
好悶...
上堂又係傾計...
幅金城武, 阿sir比o左48分我~
即係...我又有進步啦~
嘻嘻~~
但係...我都係鐘意深田恭子o個張多d~
無論點都好~
人物粉彩都上哂~
下個星期...又唔知上d咩呢~
放o左學...又係睇住架車走.......
唉....似乎已經變成o左定律咁lu~
走唔甩~~v_v
上到巴士~
打電話比程程~
因為一d事~ 我又發脾氣~
極之嬲...
cut佢線~
落o左車~ 買o左油菜返屋企食~
順便上網搵一搵資料就返工lu~
返到去...繼續做roller d野~
排字排到我死...
d位好難對齊呀~~~>_<"
今日denny同我and阿哲講o左好多野~
教o左我o地做野應該留意o既野~
七點左右...就收工lu~
丫~~今日返工o個時~
我又冇記性...唔記得打card~
搞到後尾要搵番denny簽返名~
夜晚...做海報設計o既功課~
唉...阿sir叫我o地改o左唔岩o既地方~
再交過比佢~
改...就好快o者~
但係...部衰printer唔知搞咩~
print得唔多正常...
搞o左好耐~
用o左好多張ink jet紙print~
"哂"哂~~~
話時話...d ink jet紙...
a4 size o個d~
已經用哂好耐...
我宜家用d ink jet紙~
都係將a3 o既ink jet紙cut開兩張黎用咋~
星期六有時間要去買d a4 o既ink jet紙先得~
今日下午~
正當我想o係屋企出門口返工o個陣~
daddy打電話黎~
好聲好氣同我講~
話昨晚佢同我講d野~
都係關心我咋喎~~~
夜晚放工返黎~
又勁好口咁同我講野~
態度簡直係180度大變化~
算啦...
佢對我好時~
我都對佢好o既~~~~
話咁快~聽日又星期五啦~
真係好啦...
^0^
對於我黎講...
將來...係好重要...
我唔知點解釋我同程程o既關係包含o左d咩~
我只係知道...
我希望將來o既生活會有佢o既存在~
岩岩返到屋企~
沖好涼~
老豆突然走出黎同我講野~
佢o係度討論我同阿程o既問題~
話突然買o左咁多野...
怕我o地會洗大o左隻手...
有嚴重o既後果...
我同佢討論得好激烈...
我覺得好唔開心~
唔明佢點解要講埋哂咁多咁多餘o既野~
搞到我壓力越黎越大~
本來大好的一晚...
比佢搞成咁...
真係好唔開心...
昨晚程程講錯野~
搞到我極之唔開心~
到今朝六點幾...
收到佢send比我o既mobile message~
嘈鬼醒我~~v_v
比我訓多幾個字都唔得~
講好o左七點叫我起身o架嘛~
有信息...電話就響...
唉......
沖好涼~
出門口...都係八點...
去埋銀行搞一d轉帳o既野~
先搭van仔返學~
原本諗住搭到去灣仔落車~
再搭mtr去天后...
好似平時咁...
不過...我宜家決定...
改變下呢個習慣~
盡可能...都唔搭兩程車返學...
一程van仔o係銅鑼灣落...
跟住行返過天后...
連上兩堂photoshop~
簡直想死~
又眼訓...又教得多野~
而冷氣凍到雞皮起哂呴~
慘慘呀~~v_v
今日終於見到寶寶o既金毛look~
嘩~好唔掂~
好唔襯佢~~~
放學...又係見住架巴士走...
真係好衰o架~
自從個巴士站搬o左去中央圖書館前面~
我就成日送車尾...
遠o左咁多...都唔方便o既~~>_<"
落車去麥記買o野食~
我又想食薯條~又想食脆薯皇~
所以...我叫o左個餐加脆薯皇食~
嘩...飽到我死~
同埋好"柳"呀~~v_v
食到有d怕~~~
我諗...我要過一排先會食脆薯皇啦~
返屋企食完~
就返工lu~~~
哈哈~~今日o既工作量非常適中~
仲可以奉旨上網睇野~
因為要update公司個網~
要搵d資料放入個網度~
阿琛叫我負責"消閒"o個d野~
行街o個時...
要拎卡拉ok d傳單黎睇先得啦~
之後改返昨日kenny要我改o既傳單~
再做埋下一期新假期o既廣告~
估唔到...
放工我已經搞掂好lu~
七點左右放工~
食o左晚飯...沖好涼~
就做人物粉彩o既功課lu~
做到九點幾~
終於都做好...
心機落o左o架啦~
但係...硬係覺得幅畫差緊d野~
不過我又講唔出差d咩野~
天黑黑...在下雨...
討厭下雨天...
如果唔係落雨...
我對波鞋就唔會搞到有d黃黃o地色o既~
好唔開心呀~
本來好靚o既粉藍色~
變到宜家咁...v_v
唉......
下次再買...都係買d深色o既好d~
好耐都冇睇小說啦~
突然好想睇返tim~
但係都冇時間睇~~
o~~講時講~
我仲未還書tim~~~
星期四...一定要去還先得啦~
今朝訓到八點二先醒~
不過仍然係最早返到公司o個個~
o係公司樓下買o左個炸牛肉包食~
好味道呀~ ^-^
加上岩岩出爐...
嘩~ 正呀~
今日老闆叫o左我拎d貨比個客~
係送去天后度o既~
因為近學校...我熟d路~
所以就叫我去啦~
搭mtr去~搭van仔返...
落o左車~ 行返石板街返公司o個陣~
見到梁詠琪呀~~ ^-^
佢好靚呀~真係好高~
佢企o係d鐵皮屋度影相...
顯得佢特別sharp~~
嘻嘻~~
今朝返工o個陣~
明明check過部電話係叉足電~
點知...到o左十二點左右~
已經冇哂電啦~ v_v
激死~~
下午...做o左陣宣傳單o既稿...
睇下人o地做野~
執下野~
到四點左右~先去食lunch~~
我同阿琛and阿哲一齊去食~
食完...
阿琛去o左紅葉睇書...
而我同阿哲就去o左買糖~
買完...再去搵番阿琛~
睇o左陣書先返公司~
丫~我發現到一樣野~
o係紅葉書店入面~
我分別聽到兩次"愛比我重要"o既電話鈴聲~
食野o個陣~ o個度播d音樂~
又係愛比我重要o既純音樂~
哈哈~~
"愛比我重要"...
對於好多人黎講~
原來都係佢o地o既主題曲~
包括我在內~~~ ^-^
宜家...我部電話都未入返愛比我重要呀~
今個星期六...一定要去入先得~~
返到去...
阿哲請d糖比其他人食~
denny同steven都笑笑口~
話派糖...係有一種意義~
但就死都唔肯講係有d咩意思o係入面~
叫我o地返去問屋企人~
?_!
真係諗唔明...
今日...其實都相當悠閒~
冇咩野做~
所以六點幾...釘好哂d傳單~
就可以放工lu~
哈哈~~o係間麵包舖...
終於都見到有沙翁買啦~
拿拿臨買o左一個食~
嘩~~好味呀~
好好味...真係好正呀~~~ ^^~
聽日要上兩堂photoshop~
又要七點起身~
當然...今晚要做功課啦~
做到九點幾搞掂~
真係好啦~~ ^-^
星期四o既粉彩堂~
係最後一堂~
我諗...我聽晚要再執下張"金城武"先得啦~
唔可以再咁懶...
昨晚同程程傾電話o個時~
因為一d野~ 搞到好唔開心~
cut鬼o左佢線~
之後訓覺~
到今朝十一點幾醒o左~
打返比佢~
傾o左一陣~
就冇事lu~
十二點幾一點~
佢過到黎我屋企~
玩到三點幾四點~
我o地去o左旺角...
搞返掂保養o個張野~
就去o左cyber city打機~
哈哈~~勁開心~
入門口側邊o個部bb機~
勁好玩~
大家要去試下呀~~ ^-^
打完機~
去買褲and襪~
見落咁大雨...
就返程程屋企lu~
咁我o地等車啦~
而我最黑仔~亦都係呢個時候~
我竟然比架衰巴士...
濺起d水~
整到成身濕哂~
個問題係...
我今日著o左件純白色o既恤衫~~
呢一下~
真係好"應"呀~
全身濕暈...
條裙仲猛滴水tim呀~
上到車~
程程打電話去巴士公司投訴~
有個人為自己出頭~
呢種感覺好正呀~~ ^-^
返到去...沖涼...
我唔識用程程屋企個熱水爐...
我又費事再走出黎問人~
所以...搞到沖o左個凍水涼~
真係夠哂慘...v_v
o係佢屋企食晚飯...
坐o左一陣~玩下電腦~
十點幾就走lu~
今晚~又拎o左d火柴返黎~
係日本o既酒店火柴~
好靚呀~
都係白色o架~~ ^_^
仲有拎走o左個disney land o既大袋~
個袋大到可以收埋一個人咁...
利害呀~~~
聽日...又要返工啦~
又要進入作戰狀態...
好累o既呢~~~
Today~我冇返第一堂~
阿媽都好醒目地...知我累~
唔叫我起身返學~
因為佢知我星期六要返八點幾~
但佢到差唔多九點先叫我起身~
哈哈~~~真係醒~~ ^_^
返學之前...
又要去買筆...
唉...鬼叫唔想返公司拎咩~
所以...唯有買過囉~~v_v
返到去上堂...
超級唔掂~
好鬼失望~
以為ok o既功課~
竟然比阿sir猛踩...
仲要得38分~
勁唔開心~~
38分喎~~~幾耐未試過咁低呀...
都唔知係佢o既問題~
定係我o既問題~~v_v
放o左學~ 四散...
眼見連續走o左兩架23號...
想追都追唔到~~
等呀等~
等到三個字之後先再有車~
激死~~
返到屋企~
食o左d野~
就訓覺lu~~
話就話訓o左兩個鐘...
實質...都訓得唔係幾好...
不過呢...今朝訓到成九點...
都已經冇咁頭痛~
精神好o左好多o架啦~
唔知係咪返o左工~
壓力大o左...
我呢幾日發夢...
都係夢到自己返緊工~
老闆叫我做野~
唉...點樣先減到壓呢~?
定係我仲未習慣先會發d咁o既夢...v_v
三點幾起身~
準備去程程度...
過到去...o係佢屋企樓下等埋佢~
先再一齊上樓...
等佢沖好涼~
我o地就去出去尖咀行街街啦~
輝輝老爺又抄車啦~
今次仲係好甘o個隻...
好明顯...佢係飲o左酒~
不過...佢唔知響邊個o既"朵"~
所以先唔洗吹波仔咋~
如果唔係~佢就死硬...
都係o個句啦~
最重要係個人冇事~
佢抄成咁...所以...
佢都唔會同我o地睇戲...
今次見佢有個充分o既理由~
就唔嬲佢啦~
哈哈~~~
今晚...睇o左d老篤日記2~
好鬼死好笑...
本來諗住睇少林足球o既~
但睇完出黎~
都覺得冇揀錯黎睇~
少林足球~
留返下個星期先睇啦~~ ^-^
程程個家姐o係日本帶完團返黎~
買o左盒hello kitty o既燒餅and熊仔比我~
嘻嘻~~好好食呀~~
而隻winnie the pooh~
我掛o左o係個袋度...
佢本身有個扣針o架~
個扣針好靚靚~~~
好似bb仔o個d扣針咁o架~
仲有...一個好大好大o既disneyland袋~
大到好似紅白藍o個d袋咁...
勁呀~~ ^-^
嘩~~今日上堂o個陣~
主任入黎叫我o地去學校個畢業展~
派張post card比我o地~
唉...真係見到都唔想去~
都唔明學校...堂堂一間計畫學校~
張畢業展o既post card~
竟然會做到咁靚...
真係有d想死~
見到都唔想去啦~~~~
如果去開書展...
或者都會順道行一行o既~
又或者比面畢業o既friend~
會去睇下o既~
不過唔係為學校而去~
係為捧朋友而去咋~......
哈哈~
噫~ 原來今日係黑色星期五喎~
今朝八點...程程打黎叫我起身~
沖涼...搞掂好d野~
就落街買cardboard lu~
因為怕收工返屋企~
d舖頭關o左門啦嘛~
跟住拎返屋企放低~
再返工~
我依然好早返到去~
公司未有人~
於是我又要企o係度等人返黎啦~
改好新假期o個份廣告稿~
之後...就猛cut相...
成幾百張...一日之內要完成...
因為聽日要交比人啦嘛~~v_v
cut呀cut~
又要對稿搵人...
搞到成三點先食lunch~
頭又勁痛~~~ >_<"
o係公司樓下...
買o左個火腿通粉拎返daddy舖頭食~
睇o左陣報紙~
就返去再開工lu~
正式黎講~~
我係有一個鐘o既食飯時間o既~
但係就冇限定幾時食~
總之你鐘意幾時食都得~
不過今日見d野咁趕~
我唔夠一個鐘~
就返去lu~~
我寧願早d做哂d野~
都唔想咁遲收工~
做到六點幾~ 終於都做好哂~
嘻嘻~~ ^_^
仲對清楚有d咩野錯漏tim~
今日...差唔多七點就收工啦~
都叫做早o架啦...
返到屋企~
媽咪都仲未煮飯~
我又唔想沖涼住...
於是就做埋聽日趕住交o既功課啦~
做好o左一半...突然hang機~
我又仲未save d野~
所以...冇哂~
又要再重新做過~v_v
食完飯...繼續做...
做到差唔多九點幾...
print埋出黎~
感覺上幾好...
點知...我黑仔地...
錶上cardboard o個時衰o左~
錶斜o左...好唔開心呀~~~>_<"
一份本來好好o地o既功課~
就比呢少少野~
搞到美中不足啦~~~~~
其實...呢張野~
係應該出a3 size o既~
但阿哥早唔整機~ 遲唔整機~
呢幾日整...
搞到我冇得用佢部a3 printer~
只係可以用a4 printer~~
唉...
縮細o左黎做...印a4出黎~
再o係張野上面...
打埋"enlange to a3 size"~
當我錶野, 想拎d工具出黎用o個陣~
我先發現~我唔記得o左拎個筆袋走~
漏o左o係公司~~~c_c
搞到我聽日返學都唔知點算...
阿sir要我o地帶o個d野~
有d我放o左o係筆袋...
冇理由聽日返學之前返公司拎o架~~
咁即係迫我第一堂唔返~
第二堂先返o者~
(雖然我一早都已經諗住唔返第一堂~
宜家...有哂藉口啦~~~
根本如果要返第一堂~
咁早返公司都冇人~
都拎唔返個筆袋o架啦~~~)
諗諗下...都係聽朝先算啦~
黃伯o既堂...都唔係唔重要o架~
聽下講咩都好丫~
費事佢要我o地做埋哂d難度高o既功課~
再問返同學點做...
講得唔明...咪死火...
所以...睇下聽朝自己咩野狀態先算啦~~
今晚~ 終於都知道北京成功申辦奧運啦~
哈哈~我老豆都不知幾興奮~~
我就冇咩感覺...
反而覺得o係鬼佬地方搞~
會似樣d~~~
或者我咁覺得係唔岩~
到時...或者北京搞到好成功~
令我改觀都未定~~
食完lunch o個時~
公司樓下間麵包舖o既"沙翁"岩岩出爐~
望落去好似好正咁...
咁我岩岩食完野~
諗住放工先買黎食啦~
點知...放工o個陣~
已經買哂啦~~~
突然之間~真係好想好想食呀~~~
但搵唔到邊度有得食~
有d口痕tim~~~
好懷念o個種味道呀~~~
聽日放o左學~
死人都要返屋企訓覺~
之後先再同程程去街~
好掛住張床呀~
好想"痴"住佢耐d~~~
休息...宜家對我黎講~
係要爭取o架~
唔似得以前咁...
話休息就休息........
好似唾手可得咁...
(特別鳴謝棠棠教我寫個"唾"字~~)
今朝冇返學~
訓到十點起身~
但係依然唔夠訓...V_V
唉...
我諗到星期六晚...
至星期日朝...先會有覺好訓o架啦~
起o左身~
猛搵資做功課~
不過唔多搵到...
唔知點算...
到十二點幾...都仲係未搵到...
我決定放棄...
因為心急咁搵~
根本冇可能會搵到岩心水o既資~
於是就沖涼換衫出門口lu~
但係未返工住...
係去o左買o野先返工~
落到樓下收信...
見到orange o個度寄信黎~
話我未確認資料~
寫o左個電話號碼叫我打去確認喎~
咁我就一路行一路打電話...
費事返到公司...冇時間打啦...
一陣再唔記得埋就仲幣...
星期六上o既堂...
要我o地買一d工具~
聽日我都唔洗旨意有時間去買o架啦~
所以買定穩陣d~
行o左好多間...先買齊~
問題係...買o個d marker筆...
都唔知阿sir要邊d~
所以揀o左好多間...
我仲買o左幾枝...
咁就包冇死啦~
之前用哂枝HB筆...
同埋見舊擦素描o既泥膠咁dirty~
我就買過新o架啦~
跟住又諗起公司欠缺o左一個裝錢o既盒...
我就順便買埋~~~ ^-^
返到公司...都係點九~
kenny就叫我改返昨日做o既稿~
因為原來我冇留意d字漏o左呀~
哎呀~真失察~
不過今日冇時間改...
見佢唔趕住...
咁我就做阿琛叫我做o既公司banner啦~
^-^
做得幾滿意...(我自己覺得)~
畫六張野出黎~排埋位~
跟住阿琛會用黎做flash~
放o係公司o既網頁度喎~~
今日都學o左幾多野~
怕自己有d唔記得tim~~~
個腦實實o地...唔多掂~~
七點幾放工~
返屋企食完飯...
沖涼...
之後又再做功課...
我做nec db5000 o既海報~
但仲未做完呀~~v_v
唔多順利~
加上我已經好累~
冇咩心機再對住部電腦lu~~~
聽晚...我希望我會有時間整啦~
呢份功課~真係唔訓都要嘔出黎呀~~
費事唔交啦...
因為要交o個堂唔交~
下堂阿sir唔會再收o架啦~~v_v
基本上...張海報都係以簡單為主...
不過要做到high high o地~
又有d難度...
o~~~~~~very苦惱呀~~~>_<"
宜家...我大約十二點幾就會訓...
以前通常都係程程話累~
先唔再傾電話訓覺~
但宜家話累o個個~
換轉o左係我...
真係累得好緊要...v_v
返o左工~
生活變o左好多~
時間要掌握得好...
並唔容易~
好似星期六有兩樣功課要交咁...
我覺得真係冇咩可能有時間做...
所以...我決定聽日唔返學~
做o左海報設計o既功課先~
至於超視覺素描...就遲d先做啦~
橫掂黃師父最尾先一次過收功課比分~
所以...唔做住都冇問題...
但係我又發現~
越懶越唔做住...就會越積越多~
唉...惡性循環~
唔係好事~~~>_<"
今日...好辛苦...
無論身體上...定係工作上..
身體上o既苦...冇得揀...
工作上o既苦...一樣都冇得揀...
朝早出o左一張廣告稿出黎~
係用photoshop做o架~
用我緊有o既photoshop知識~
加勇於嘗試o既精神~
舞o左成個上午~終於都嘔到張野出黎~
之後...我就開始有d頂唔順...
條勁好緊...好痛~
跟住個身好凍~~ 有d發冷o既跡象~
咁我就問阿哲借件衫黎著啦~~
著o左...飲o左杯熱水...
就好o左d lu~
睇阿哲點做card片~
我都出o左公司card片啦~
哈哈~~~^-^
今日唔洗出去派傳單...
真係好啦...
下午食完野...阿琛叫我做兩個backdrop~
咁我就猛搵素材黎畫啦~
點知畫下畫下~都成七點半lu~
不過我只係畫得到一個咋~
阿琛話ok喎~
其實...我都唔知佢係咪費事我再畫~
咁夜收工先話ok~
因為講真丫~
我知我自己畫得好差呀~~~v_v
我最熟係corel draw~
但係公司d機~
得一部裝o左corel draw~
而o個部機...當我用o個時~
佢成日都話出錯~
要我格硬close哂d file~
激死~~
所以...最終我都係用photoshop~
>_<"
放工...睇下電話...
屋企打o左好多次黎~~
由於我教o左震機...
所以就唔知啦~~~
佢o地等我食飯~
拿拿臨返屋企...費事佢o地餓啦~
orange o個度~
呢幾日都不停打電話黎...
想同我核對資料~
不過唔知點解會咁邪惡~
除o左一次聽到之外~
其他次次都係miss call~
但係我知道一定係佢o地打黎囉~
昨晚諗住打上台自動同佢核對啦~
點知...佢又話唔同部門~
佢叫我再等佢o既同事打黎喎~~
哈哈~~~
夜晚食飯o個時...
小學同學打黎~
話唔知有d咩咩聚舊喎~
20號...
啋佢都傻...
星期五黎o架喎~
夜晚當然要休息啦........
仲去玩~~未死過咩~
何況第二朝要返早學tim~
以前呢...好有心機過兩三日...
就會塗一次指甲油...
但宜家...見到d拍甲油甩甩o地~
我都冇閒情黎油過d新上去...
好彩我係油珍珠色接近透明o個d顏色o者~
如果唔係...
d拍甲油甩甩o地o既效果會好肉酸...
星期六要趕貨...
星期五晚...我諗...都要夜d先收得工lu~
丫~放工返黎o個時~
入房見到張床咁整齊~
都知係媽咪幫我執過黎啦~
佢仲幫大隻囡囡"come"o左被被tim呀~
咁我就問我媽咪做咩幫佢"come"被啦~
佢話...費事凍親佢喎~~
哈哈~~
咁有係o既...
我真係有d怕佢會凍親~
我咁鍚佢~
(雖然都一樣咁鍚細隻囡囡同肥仔仔,
但係佢o地宜家o係程程度住丫嘛~)
講你o地知丫...
我又有d想發作啦...
我又覺得自己開始又鐘意返同貓貓傾計...
我唔係唔開心呀~
只係太累...
見唔到程程...
就算同佢傾電話~
但係...都唔o係身邊o既...
唔似得大隻囡囡咁...
o係我身邊陪住我~
昨晚我都攬住佢訓呀~
見到佢笑...
我又會覺得冇咁累lu~~~
嘻嘻~~
今日原來係凌國寶...寶寶生日喎~~ ^_^
生日快樂~~
祝你越黎越高呀下~~
哈哈~~~
今朝~返早學~
七點起身~~
超眼訓...
仲要連上兩堂photoshop~
教d野...都唔係幾消化得到~
因為實在太多啦~~v_v
上完一堂...
寶寶突然拎埋個蛋糕入黎~
話佢自己生日~
先頭都唔信o架~
後尾先至信~
全班一齊唱生日歌~
吹完蠟燭~ 切o左一下蛋糕~
我就負責分蛋糕lu~
足足分o左21件出黎~
哈哈~~~ ^-^
之後~~繼續上埋第二堂就放學lu~
今日坐o個個位好凍呀~
冷氣吹到正...
凍到我起哂雞皮~~v_v
放學...應該見到jovi爸b~
不過唔多肯定o個個係佢~~
唔多敢叫佢~~
跟住搭車返屋企~
放低d野~
再返工~
帶o左程程送比我o個樽糖返公司食~
唉...我今日除o左食早餐~
下午都冇食lunch~...
只係食o左幾粒糖就算...
大約七點幾~我先走~
我昨晚...又唔記得錄ally mcbeal~
好唔開心呀~
錄漏o左d~
後尾先記得~
而我記得o個陣~
求其入盒帶入去錄啦~
點知咁岩得咁"q"~
就係我上次未睇完ER o既o個盒帶啦~
搞到我唔知上集講d乜tim~...v_v
所以湊我宜家記得錄er~~
拿拿臨set定機錄lu~
近來記性真係差o左d~~
唔係好現象呢...
又或者...太多野擔心啦~~
影響哂...>_<
今日第一日返工~
同想像o既情況有d唔同~
我間公司總共都係得6個人~
而我係唯一o既女性~
今朝好早起身~
八點就起身lu~
我九點鐘左右出門口~
九點二就返到去~
但係公司未有人返...
所以我就企o係門口度等啦~
傾好o左人工~
返工時間...所有野~
之後就開始做野lu~
我o既工作包括...cut宣傳單~
cut相~ 畫outline~打字~
and最難o既一樣~
就係...出去派傳單...
而且仲要o係我地頭派...
um.......唔係好慣...
入信箱又有~
企o係多人o既地方派比人都有...
宜家先知道...派傳單o既人有幾辛苦~
所以我以後o係街度...
都會接人o地派比我o既傳單...
基本上...我今日著得好斯文下~
著埋裙...
咁o既look派傳單真係有d怪...
v_v
成四點幾...先同兩個同事一齊食野~
一個叫阿琛--->唔知個琛字係咪咁寫呢...
一個叫阿哲....都係讀大一~不過係夜校~
d同事可能比較少...
所以...人際關係較易掌握~
我相信同同事之間...應該會相處得唔錯o既~
唔知搞咩~
今日好似特別多電話~
我真係極之唔好意思聽~
因為o個度好靜o架~~
我諗住~~聽日都係帶埋hands-free返工~
就算傾~~都冇咁礙眼先啦~
大約七點收工~
返到屋企就食飯lu~
而我心情最煩亂...都係呢個時候...
因為...唔小心~
比人發現o左d唔多見得光o既野~
比老豆審問...
仲慘過死~
估唔到老豆會咁奸~
設個陷阱黎試我~~
too bad~~v_v
有d唔開心tim~~
不過唔開心~都要做功課o既...
但係唔識做...
打電話問apple先識咋~~~
部printer好似冇咩墨...
死下死下...
好好彩...又夠墨print出黎o者~~ ^-^
心情有d亂~
心又有d慌...又有d煩...
唔知點好...v_v
昨晚入電話落張新card度...
入到頭暈...
而程程都一樣...
有排入lu~~
都仲未入哂~~~
阿哥返黎~ 問下我返工返成點...
跟住見佢心情幾好~
順做問埋photoshop有d野點整...
哎呀~~我宜家間房好多野~
又有好多野未做~
包括未填電話d保養書~
阿聰d野食...問過啦...
唔寄得...
所以...又要放埋一邊先~~
因為我自己本身唔可以食~
我生"飛滋"呀~~~v_v
要戒下口先~~~
報紙又積埋一堆未睇~~
唉...
好亂呀~~~~~~~~~~~~~~~
仲有...我本"小公主"仲未還...
要續借tim~~
仲仲有~~~我又未打比Athena~~
唉......
一時之間~~咁多野做...
有d吃不消tim~~~
聽日要返工啦...
作好o左心理準備~
迎接聽日o既挑戰~~ ^_^
星期四~岩岩先買o左部新電話~
今晚...又再買...
因為原本o個部係銀色版...
今晚見到有白色版...
所以程程就買埋啦...
宜家佢用銀色~
我用白色~
勁開心~~~ ^-^
今日約輝輝去睇戲~
佢個衰人~ 晏到死起身~
咩飛都買哂啦~
而且仲係想買少林足球o既飛~
就更加冇可能啦~
佢話下個星期再睇~
佢負責買定飛喎~
希望佢唔會甩底啦~~~
之後佢車o左我o地去沙田~
行o左陣街...
又出返旺角~
哈哈~o係orange又出多個電話~
因為完全覺得one2free係有少少呃錢成份~
雖然佢收得幾好...
但真係好貴嘛~~v_v
跟住o係百老匯買埋電話~
就返屋企lu~~~
心情很興奮呢~~~~~~~~~
今日係阿wing生日...
生日快樂~^-^
如常返早學...
幫apple and gary買埋早餐~
返學齊齊開餐~~
上黃伯堂~
今次畫d更難o既野~
所以...又要再比多d心機做...
之後~第二堂~
上新堂...
終於都上盧sir堂啦~
已經久仰大名啦...
不過...佢原來係好長氣o既~~~
有d悶悶o地...
但係...上o既係大科目~
係上海報設計~
絕對要打醒十二分精神啦...
阿sir遲o左放我o地走~
因為佢差唔多打鐘~
佢先開始寫做咩功課...v_v
之後...我o地成班去o左唱k~
為阿wing慶祝生日啦~~^_^
我o地7個人~
比o左間可以容納成十幾人o既房我o地~~
所以感覺有d冷清...
我諗...阿wing或者會鐘意上年o既氣氛多d~
因為當時~我o地起碼有買禮物~
唔似得宜家咁...大家夾錢比佢...
等佢自己買自己鐘意o既野~
冇o左拆禮物o個part~
始終都係差o左d~~
我宜家仲依稀記得阿wing上年生日o既笑容~
我記得曾經有一個人講過...
阿wing笑得好靚...
佢一d都冇講錯...
我絕對贊同佢o既講法~
本身唱k係可以唱到四點幾o既~
但我到三點幾~
就走lu~~
見到程程...佢講o左個消息比我知~
我即刻成個人灰哂~
v_v
呢個係壞消息~
聽o左好唔開心~
搞到成日都喊喊o地o既狀態~
尤其o係車上面~
真係忍唔住勁喊~
後來...想通o左d~
先冇再喊咋~
夜晚~o係程程屋企打機...
到咁上下~
就返屋企lu~
我知今晚...大家都觸動到對方o既心~
知道大家都有為o左將來打算...
我o地要同甘共苦...
過o左呢關...
我相信the day before tomorrow...
still have hopes...
朝早起身~
依然係掛緊八號風球~~v_v
十一點幾醒o左...
食好早餐~
睇o左陣電視~
就比人捉住打麻雀~
呢個人~當然係我阿媽啦~
佢見屋企齊人~
就話要開檯喎~
而最出奇o既係~
連阿哥都肯同佢打~~
因為平時阿哥多數都唔肯o架嘛~
打到兩點左右~
改掛三號風球~
我就即刻唔打lu~
根本~我都冇心機打~
一路打~
我都係表現出一個好悶好眼訓o既姿態~
當然...我係輸啦~
之後~我沖涼換衫過去程程屋企~
出門口之前~
我諗起有功課未做~
於是做埋先出去~~~
過到去~ 都成四點左右lu~
玩下game~
睇下書...整下電腦~
就過o左一日lu~~
o係程程家組間房發現到好多外語書~
問程程...佢家姐係咪識多國語言~
唉...程程竟然話唔知喎~~~v_v
佢家姐今日又出團啦~
今次佢去日本呀~~
佢就好啦...
我都想去呀...
仲要係想同程程去~
不過...暫時應該冇可能~~>_<"
為o左部電腦~
今晚我o地搞到有d唔開心~
不過亦都因為有唔開心~
我o地先有開心o既野發生!
聽日...阿wing生日~
希望天氣好d啦~~ ^_^
丫~~~仲有呀~
今日係a-level放榜...
一早~諗住打比Athena o既~
但係...有d驚...
最尾都冇打~
都係聽日先打啦...
聽日..........又要返早學...
唔制呀...v_v
今日...自己起身~
去到食早餐o個度~
見時間仲早~
於是就食o左個火腿蛋通粉啦~
返到學校...
o~~又唔記得o左帶相...
結果冇學生証拎...
星期六一定要帶返lu~~~ v_v
上堂冇畫過畫~
只係擺哂d野出黎做樣~
跟住我o地就傾計lu~~~
andy阿mon同咖哩都冇返學~
剩返幾個女仔o係度打牙較~~
d時間...過得好慢呀~~>_<"
放學...打電話比程程~
佢原來冇去做gym~
因為訓過龍...
打比佢o個時~
佢先岩岩o係屋企出門口~~
我搭車去quarry bay等佢~
等o左一陣~~
佢就到lu~~~
由於前排媽咪中o左惠康一千蚊購物禮卷...
佢唔得閒去拎~
於是我就幫佢去拎啦~ ^_^
點知...原來冇睇清楚個時間...
一定要四點至六點去拎先得~
所以...唯有晏d再去過啦~~
去到馬會~
買o左兩張電腦飛...
哈哈~~ 唔望中頭獎...
中個三獎都好丫~~~~
之後...去太古城...
首先諗住去買飛睇"珍珠港"~
但係...岩我o地時間睇o既...
只得三點幾o個場...
睇完出黎...成六點幾喎~~
即係拎唔到d禮卷啦...
結果~~決定唔睇lu~~~~
周圍行...去睇電話~~
問o左好幾間~
最後~
都係買o左samsung o既a200 o既銀色版~
本來好想買白色o架~
不過幾間都冇貨...
所以...銀色都照殺~~
程程係都要買比我~~
我仲諗住遲d買都冇所謂啦...
佢鍚我~ 我知o既... ^_^
買完電話...搞o左一輪~
部機原來有好多game玩o架~
入歌係用五線普入...
咁就麻煩d~~
一邊坐低食tea~ 睇人o地溜冰~
一邊研究部機...
o係買o個時...我好沉默~
冇咩表情~~
程程話我點解咁o既樣~
我就話...係因為我唔想表現得太興奮嘛~~
成五千幾蚊...
v_v
有d唔係幾好意思tim~~~
宜家決定...我o地輪流黎用~~~
哈哈~~~咁就好啦~~ ^_^
返到屋企...
即刻上網搵歌仔入~
但係...播返出黎好快o既~
都唔好聽...
睇黎~~呢d錢都係要比人賺~~
一定要拎去比人入先得lu~~
食完飯飯冇幾耐~~
終於都掛八號風球lu~~~
程程食埋西瓜~
就拿拿臨返屋企~
費事冇車啦~~~
宜家部電話o係程程度~~
我就用緊8250~
哈哈~~ 佢搞笑地...
我沖沖下涼...
佢send o左首歌比我~~~
大約八點半~
佢就已經返到去啦~
幾快呀~~
今日好開心呀~
真係好開心~~~~ ^_^
大隻囡囡都好開心~~
因為佢今日試過用部新電話~
同佢daddy-程程傾計呀~~
佢攬住部電話個樣~
好鬼死得意o架~~~~='.'=
聽日如無意外~
就係A-level放榜...
希望Athena, 棠棠and水水會順利過關啦~~~^_^
夜晚開o左六合彩~
車~兩張電腦飛都冇中~
真係渣啦~~~v_v
今日apple講~
佢得92磅咋~~~
咁瘦~~大風d都比風吹走~~
哈哈~~宜家八號風球~
你千奇唔好出街呀~~~
昨晚程程收好夜~
成十一點先放工~
由朝早六點做到夜晚十一點~
嘩...都好長時間o架~~~v_v
所以佢返到去~
上o左一陣網~
同我傾o左一陣電話~
就訓覺lu~~
今朝~~成十點去o左做gym~
本係係話十一點佢打黎叫醒我o既~
但我十點幾就自己醒o左lu~...
搞掂好哂~
落街諗住買壽司d材料~
點知...我屋企附近o個d超級市場~
全部都係"伯母"黎o既~
冇我想買o既材料~
so~就放棄o左整壽司~
改o左整蜆殼粉撈羅宋湯...
嘻嘻~~ 另外再加d碎牛肉落去tim~
^_^
程程話ok喎~~
都放心d~~
不過唔知佢係咪tum我o既~
食完野~洗好碗...
我daddy返o左黎屋企~
因為阿爺阿麻佢o地今日搬屋~
所以daddy返黎屋企放低d野先~
費事拎住個袋o係身啦~
最後...比老豆捉o左我同程程去搬屋~v_v
由屋企行去姑姐屋企~
daddy話唔遠喎~~
但我就覺得...好遠呀~~~
咁熱...好心就搭車啦~
熱鬼死...>_<"
去到...嘩~~好多野呀~~
不過我就唔洗點搬~
係程程同daddy搬o者~~~
程程由頭濕到落腳...
仲辛苦過返工~~
慘慘呀~~v_v
臨搬好o個時~
個衰姑姐返o左黎屋企~
唉...一見到佢就憎~
我即刻閃o左落樓下~
費事見到佢~~
三點幾...搞掂好...
我同程程先頭諗住去街o架~
但最尾...都係返番屋企沖涼...
超熱...超累呀~~
哈哈~ 今日程程o既表現仲唔拎滿分~^_^
今晚o係屋企食飯...
又食糖水...
好鬼飽...
程程十點幾先走...
臨走之前...
嘻嘻~~~o係度討論出邊部電話好...
宜家諗緊出samsung a200好丫~
定係nec db5000好呢...
但係我本身好鐘意o既舊機...
我宜家又好想買返喎~~
係三菱o架~
珍珠白色~好日本feel o既機...
唉...點算好呢~
好難決擇tim~~~
不過睇怕都係samsung a200 o既多o架啦~
而最重要o既係...
程程買比我o架嘛~~
嘻嘻~~~真係冇人會好似佢咁鍚我o架lu~
例如~我男朋友唔係一個忍耐力強o既人~
那麼~佢唔會忍到我咁耐...
例如~我係我男朋友~
那麼~
我會一早飛o左呢個成日發脾氣o既女朋友...
~Tobey~
例如~我男朋友唔聽我話...
那麼...我又會發脾氣...
如果有一日...我唔再發睥氣~
聽哂我男朋友話...
咁樣...會變成點呢~?!?
都唔明點解...
有時d野~ 明明係一邊睇~
一邊鬧...
但係...都要睇...
唉...情深深雨濛濛~
趙薇同古巨基又鬧交啦~
好煩呀~~~
快d大結局啦...
下午o個陣~
諗o左個計開支同支出o既表出黎~
等每一個月都知道自己d錢洗o左o係邊度~
咁樣...洗錢o個時會有預算d~
^_^~
所以呢~
聽日要去買本簿...
再買個file黎keep住d野~
哈哈~~~
我仲希望~~我會草到錢tim~~
聽日程程放假...
可以o既話...我想整壽司比佢食~
但係...最重要o既問題~
就係關乎我起唔起到身啦~~~
^-~
如果同一個人o係icq度...
維持住曖昧o既關係超過半年...
係咪好有問題呢??
我就覺得好唔正常啦~
咁耐都唔出黎見~~
等到第時出黎見o個陣~
唔係大家心中o既印象~
咁樣咪好hurt囉~~
雖然...我只係識男方~
唔識女方~
但係~~我真係好希望你o地兩個...
會成為真正o既情侶...
並唔係icq上o既網上情人呀~~
今日返學...
個feel好似好耐都冇返過學咁...
成幾個星期冇上黎電腦房lu~~
今朝比人拍醒~
媽咪叫我早d返學~
因為唔知邊度罷駛喎~
不過我冇理到~
照係九點九度出門口~~
星期二~本來係去大家樂食早餐o既~
但係大家樂裝修...
所以改o左去東東度食啦~
自從唔洗返星期一學之後~
我o地好耐都冇去東東食早餐lu~~
食o左個火腿蛋通粉加豆漿~
嗯~~好味呀~~ ^_^
返學搭van仔o個陣~
臨踏上車o個陣~
佢就落大雨...
上o左車~~坐好o左~
佢又冇再落~真係奇...
去到食早餐~
上去o個時~冇落雨...
落黎o個時~就好大雨...
到等阿wing去買完麵包出黎~
又冇再落...
個天好邪惡下...^0^
今日交學費...
先諗起自己未入返d錢去銀行~
不過好彩...
程程本身有d錢o係個a/c 度~
so~~ 唔洗特登去排隊入錢...
你知啦~~ 月頭好多人o架嘛~~v_v
除此之外~~我仲唔記得帶相...
因為要換學生証...
唔記得帶相...
星期四一定要帶留返去先得~~ ^_^
上堂...阿sir原來去o左日本玩~
唔怪得之請假啦~~
今堂~~教o左兩樣野~
唉...好難咁...
要o係屋企再研究下點整先得lu~~
放學...閃~
老遠見到架23號...
諗住追車~
應該會追到~
點知...追到...
但係個司機岩岩關o左門~
開車走人...
激死~~~v_v
返到去...o係屋企附近o既恆生check數~~
因為係幫程程check卡o既數~~
後面成堆人排隊~
我都費事"禁"咁耐...
之後入o左去排隊入返d學費~
費事搞亂d數~~
返到黎...程程先同我講~
話可以打電話去check都得喎~~
車~~早講啦~~
但當我打去~要入password o個陣~
入o左四次都唔岩~
程程話d 密碼應該冇錯o架~
唔知搞咩~~
宜家比人停o左個電話check數o既服務~
真係煩lu~~v_v
睇返昨晚阿哥幫我錄o既ally mcbeal~
今集唔係咁好睇~
可能上次太好睇~
有o左期待~所以顯得冇咁好睇啦~~
今日係誌傑生日~
生日快樂~
最緊要唔好成日串我呀~~
昨晚煩完一輪...
訓醒一覺之後~
好似冇咁煩咁...
可能諗通o左o掛~~~
十點幾比阿媽打電話返黎嘈醒o左~
之後"me me more more"~
沖下涼~ 執下野~
媽咪就返黎lu~
佢買o左早餐比我同阿哥食~
一邊食~一邊傾計...
之後吹埋頭~
成十二點三四先出門口去程程屋企~
差唔多一點先到...
今日冇出街呀~
o係度睇vcd~
睇o左一套日本電影~叫"玻璃之腦"~
套野~ 都幾悶下o架~
絕對唔岩程程睇~~
之後~ 睇李克勤o既演唱會vcd~
係上次佢同管弦樂團合作o既演唱會黎o既~
聽返好多佢以前d舊歌...
其實都有好多好好聽丫~~~
起碼...我都識唱...
咁都唔係好差o者~
但好唔明點解佢會o係娛樂圈浮浮沉沉囉~
買o左兩本雜誌上去睇~
一本東touch~一本便利~
食飯之前~
o係度玩便利o既萬元game~
要o係一大堆麥嘜公仔搵50組麥嘜公仔出黎~
而程程就同佢細佬打機...
搵呀搵...好有心機咁住o係度~
搵o左49組出黎~
仲差一個...猛咁搵~
都搵唔到...
見差唔多食飯~
於是就放埋一邊先啦~
食完飯~~ 又再搵...
由於怕自己圈o左...但未o係側邊剔返~
於是就數下係咪真係49組...
定係已經有50組...係我自己剔漏o左~
哈哈~~程程數o左10次~
有兩次都係50組~
我就數過一次係50組~
其餘都係49組...
最尾...諗o左個方法~
就係...搵張紙~剪個格仔出黎~
續格套落去搵...
哈哈~~結果~~比我搵埋最後一個呀~
拿拿臨...填埋表格入落信封拎去寄lu~
到十點幾~~就返屋企lu~
唔知做咩~~呢期o係金鐘上親巴士~
我一上到車~ 就會出現笑到失控o既情況~v_v
好邪惡~
仲要次次都係企o係度~ 冇位坐tim~~
聽日...終於都有得上photoshop堂啦~
而程程聽日都要返六點...
要早d訓lu~
jovi爸b整好o左個hp~~
我睇o左之後~
突然好想將呢個hp改頭換面...
不過...時間對我黎講~
實在太重要o既考慮因素啦~
so~~~~隨緣啦~
宜家我好煩...
知道o左一件事~
令我好苦惱~
唉...
好大心理壓力~
好煩...
唔知自己可以點...v_v
睇黎呢個月~
我要慳d先得啦...
本來呢...
我諗住我返工~
如果以part time形式請我~
我會自己交學費~
自己搵自己洗~
唔洗再靠屋企~
宜家~我諗會有d變...
要節衣縮食先得啦...
我喜歡偶爾悠閒的日子...
做自己喜歡的事~
那些事~可能很無聊...
但...做了很開心啊~~ ^-^
下午~ 做o左一陣功課~
睇o左一陣書~
阿哥走入黎~
比d相我睇~
係佢個friend影o既~~~
有好多真羊咩咩o既相呀~~ ^_^
其中一張好得意o架~
係影住一隻好大隻o既羊...
佢個姿勢~
有d似一張sofa~
真係好鬼想坐落去...
或者黎過我屋企o既人都知~
我屋企人冇sofa o架~
全部都係木傢俬~
鬼叫我daddy係賣古董o架咩~~v_v
所以...好懷念有sofa o係屋企o既日子...
食飯之前~
執筆寫o左一封信...
係寄比Athena o既~~ ^_^
今晚齊人食飯...
嘻嘻哈哈~~~
氣氛相當好...
飯後食o左個好甜o既蜜瓜~~
心都甜d~~~
丫~~岩岩先諗返起~
今日係回歸紀念日~
不過對於我黎講~
冇咩意義~
日子都一樣咁過...
近來唔知係咪成日出入冷氣地方~
一凍一熱...
搞到成日都打乞痴~
um~~~應該唔會係鼻敏感發作o掛~
比o左成萬幾蚊做手術~
宜家又有事~~
唔係o掛~~~v_v
我宜家變o左紅鼻子呀~~~>_<"
好唔開心~~~
下午o個陣~
我個鼻好痕...
於是我"鏈"下個鼻啦~
點知...咁就中計啦~~~
"鏈"到個鼻紅o左...
諗住過一陣會回復正常啦~
不過...過o左一陣~
都仲係紅...
唉...死啦~~~
點算好?!?
紅鼻子...好肉酸呀~~~~
希望聽朝起身會冇事啦~~~~
昨晚十二點幾就訓o左lu~
訓到今朝十二點先起身~
比媽咪叫醒~
話食完野~ 陪佢買少少野喎~~~
返到黎~
諗住搵下d分紙啦~
唉...搵到兩張~~
但有一兩張~ 應該唔見o左~
尤其係國實商標設計o個張~
我竟然唔見o左...v_v
今日唔出街...
我諗...唯有做下功課~
睇下書~ 黎消磨下d時間啦~~~