|
|
|
|
|
|
|
|
|
|
|
|
|
|
|
|
Inazio Eizmendi "Basarri" Errezilgo Granada baserrian jaio zen. Sendi osoa Azken Portu edaritegira joan zen bizitzera, eta inazio txikiak tabernako historiatxoak entzunez, azkar ikasi zituen hauek bertso bilakatzen. Hogeita bi urterekin txapeldun izan zen, eta 1960. urtean txapel handiena lortu zuen. Bere lan handiena bertsolaritzari eman zion kategoria izan zen. Euskara erreminta ulergarri bihurtu zuen. Gogaragarriak dira irratian, kazetaritzan edo prosan egindako bere lana. Bere bertsorik gogoratuena, "Ene Zarautz maite" da, gaur herriko himnoa.
Rufino Larraņaga "Nekazabal" gazte hil zen 33 urterekin, Francoren indarrek lehergailu batek harrapatu zionean Zubigainen. Bertso gutxi utzi zituen, baina Donostiako Antzoki Zaharrean abestea lortu zuela badakigu.
Manuel Antonio Leunda ez zen "masa-bertsolaria", baina bere lagunek ondo gogoratzen dute sagardotegi eta lagunartean abestutako bertsoak, Aita Zabalaren arabera.
Segundo eta Martin Zubizarreta aita-semeak ziren, baina ez zegoen adin ezberdintasun handirik. Bertsolari hauek askotan abestu zuten elkarrekin, eta beraien bertsoak idatzita gordetzen dituzte.
Juan Bautista Gesalaga "Zaldubi" ez zen herriz-herri ibili, baino bertso ugari idatzi zituen, horietatik asko herriari buruzkoak. Bere lanik handiena bertso gordeketa eta sailkapena zen, herriz-herri ibiltzen baizen bere grabagailuarekin.
Patxi Larraņaga "Barbero" azkoitiarra zen eta bapatekoa atsegin zuen. Gainera, aitzinako bertsoen doinuak ikasteari ekin zion.
Iņaxi Etxabe oikiarra da, baina azken urteotan Zarautzen bizi da. Ez da entzute andiko bertsolaria, baina behin Frantziskotarretan abestu zuen, eta "Basarri" handiak bere bertsoak goraipatu zituen egunkari batetan. Ordutik ona ezaguna bihurtu da.
Nikolas Zendoia eta Luis Otamendi aiarrak dira. Euskal Herriko txapelketetan paper bikaina egin du.
Andoni Egaņa lau aldiz heldu da Euskal Herriko finalera, eta bi alditan txapela lortu du. Gaur egun bertsoak ikertzen ditu, diska bat grabatu du, eta liburu batetan lagundu du.
Pello Esnal andoandarra da baina Zarautzen bizi da. Lortu dituen sariak edo ikerketa mailak berdintzea zaila da. Gainera, "Etxebeltz" bertsolari eskolaren sortzailea eta laguntzailea da.
Bertsolari gazteen artean Imanol Epelde, Iņigo Iruretagoiena, Julen Zulaika, Nahikari Gabilondo... ditugu.