BOERE SEPARATISTE

Hoe is dit moontlik dat Boerevolksgenote op dieselfde podium, hulself kon vereenselwig met die Afrikaner, wie reeds vir byna 100 jaar, een doel voor oë het, nl. die DOOD van die BOERVOLK.

Die sogenaamde "Sekretariaat vir Volksbou", is drie en 'n half jaar gelede begin met BOERE krag en dan ook met 'n BOERE belydenis, en nou het die Afrikaner dit oorgeneem, en nie een van die Boere op die podium, en daar was van hulle, was mans genoeg om "halt" te roep nie, nee, hulle het saam met die Afrikaners, en dit op heilige BOEREgrond, 'n "Sukkeltariaat vir BOEREvolksMOORD" in Afrikaner naam tot stand help bring.

Het hulle dit gedoen weens egoisme, of is dit dalk omdat hulle onkundig is, vir watter rede ookal, blyk dit dat hulle nie waardig is om die Boervolk te verteenwoordig nie, aangesien hul hulself met dié Afrikaners gaan en vereenselwig het.

Hoe kry die Afrikaners dit alewig reg om oor die Boervolk seggenskap uit te oefen, maklik, hulle ontken net eenvoudig die bestaan van die Boervolk waar en wanneer dit hulle pas, soos deur die Afrikaners gedoen word, hul ontken selfs op Radio Pretoria die Boervolk se bestaan en identiteit as 'n volk.