Helepçe,
Kevoka birîndar
(15 tîrêjsal)
dil û hinav hîn bi kul in,
bi derd û êşê dikewin…!!
dîroka şermezar
tu dikarî çi veşêrî..?
pelê reş
pênc hezar rewan diyar in;
stêr in, geş in...
pelê reş vekiriye
sînga te nîşan kirine!!
serê daketî,
berê guhertî,
li wêneyê ciwan
kevir zîvirîn!!!
li deşta bê ba,
bihna sêva,
li çiyayên dilşewat,
hawara helepça
kevoka birîndar,
bû nalîn
dêwê mirinê lezgîne,
ketûber da ber xwe
derasa zadê jînê dilezîne…!!
pênc hezar sinbil,
dîroka şermezar,
dûmana zer bela bû ..
li pişikên mendalan,
dê û bav,
û pîr û kalan
bela bû... bela bû...
rewan li dû hev;
zincîra mirinê ,
pêt û rivîn
ji volqana azeriyê derçû… !!
qiloçê gayê dinê qerimî ,
berê xwe guhart ,
cîhaneke bê deng hejiya… !!!?
ziman lal bûn ,
çavên hebûn ,
xewê da ser wan ,
û xilmaş xwe dane xewê…!!
deng ket kerka guhê ker ;
dunyayê … dunyayê …
kê dît…?
kê bihîst…?
!!!! !!!!
heger vestîvalê {Rok} ba ,
straneke girîng bû…!!1
şanoyeke cîhanî ,
li ber çavan diyar
bihna sêva ,
dûmana zer
kî dibîne.. ?
derhêner di kene
cadûbaz e ew ,
çav û dilê temaşevanan
şaş di hêle….!!!
berjewendî ,
her tiştî dixapîne…!!
Zadê bê bihn û ba
li xakê ket, serî danîn,
laşên ciwan
mîna meşka dagirtî,
sêpî şikest
kilmeşkê jî bû meşk… !!
çivîk ji jor bi hêz
xwe avête dilê meşkê…!!
rojî û nimêj ,
û banga Melan
li cîhana bê ba,
germ û nixumandî ma… !!
ne balkêşbû li bal
birayên me yên misilman,
heger Bosnî, yan Kosovî bana;
wê kongirekî alîkarî heba :
{misilmanên me derbider in} !!
şerme ey dîrok ;
serê te di axê de ,
û paşiya te li dere… !!
şerme … şerme …
hêvî di dûmana zer de vemire.
xewnên evîndaran,
bêçare xwe diveşêrin.. !!
buhara şadîman
bê reng li me dibûre…!!
Ma pelê reş
tê wisan bimînî ?
pênc hezar şitlên gulan
li gulzarên evînê,
ala bilind
reş rengê xwe li ba dibe !!
Rewanên pîroz
hey ker û lalnoooooooo !!
hîmên azadiyê dikarin,
dîrokeke nû ava bikin …!!
baran buharê xweş dike,
gemiya Nûh
dikare jînekê rizgar bike !!
û gava herdu dest,
bi hev re bin;
dikarin alekê bilind bikin…!!
