Dansiyan bênderên tije heval
Awazên darikên şilbûyî
Ez rakirin û hatin
Xewnên min helisandin
Hişariyan û xemilandin
Atomên min weşiyan giyanê min
Wan ez anîn
Min xwe dawşand û bir
Pencere ji qeşayê
Em dîtiyan û hatin
Hevheziyan berî xalên xatirxwestinê
Di berfbaranan de nerm
Di nermebaranan de sixlet
Çelqiyan deqên nav birûyan
Ku baranan xweş kirin
Di kaxizên şilbûyî de
Xwe bablîsok nivîsandin
Li rûyê hev
Wêneya dilê hev dîtin
Belek belek qîr heliyan
Li wêraniyên welatê min
Pelandin hilmên kelegirî
Sîngên xwe yên raxistî
Hestiyarên dilê xwe yên şikeber
Şeliyan çîve-çîva xwezayê
Bîrdoziyan bê westan
Ji dûr ve hatibûn
Her ku mija min hildikişiya rojê
Germiyan û ez ramûsandin
