Bi sîng ketime, kûraniya
vê riyê
Ev riya ji kûraniya singê min
bi der nayê
Kûrtire ji kûraniya singê min...!
Di kûraniya vê riyê de
Xem xeman xudî dikin
êş xwe dispêrin êşan
Gav ji gavan şerm dikin
Û bi xem sarî
yek li pê yekê diçe
dil bi cih nabe, nabe
Çurûk, çurûk
Çav li vegerê ye
ev Çi xewne...!
nizanim... nizanim.. na...!
Xawnek kûrtire
Ji kûraniya vê riyê !
Diyar nîne ku divê riyê de
gav demê dixapînin
yan dem gavan dixapîne ...?!
gav û demê
wek min binvîs dibin
tenê rêçikên demê dimînin
û zindî di kûraniya vê riyê de
bi dawî nabin
Çendî merov nanxure
Lê di kuraniya vê riyê de
nan serê merov dixwe ... nan
Loma neçare neçare
ramûsan di dilê dildaran de
celq dibin
û lêvên dîlberan
beyar dimînin..!
Di kûraniya vê riyê de
hêvî bi piraniya stêrkane
lê baskoyî ne
Sînorê mijê kela girî
nabirin
ji ber barana dildariyê
xwe disipêrin binkonê şermê
ronî di çavên dildaran de
ziwe dibe
nagînin ber roniya
stêrka xwe
ku di gerdenê sîwana
wê de xewnên xwe
şirov kin...
