新生活
舊生活~~ 9月
10月 11月
12月 1月
3月
4月 5月
6月 7月
8月
1-2-2001
今天的白天很平靜,
雖然身在鬧市, 一個人在旺角的人潮當中穿插, 身邊人來人往,
心境卻是平靜得很.
2-2-2001
有如回到Form 4, Form 5時的感覺,
三個人一齊食lunch, 大聲講大聲笑, 說東道西,
聽聽她們說那些嘔心的醫學類事物,
聽她們解釋一些大學內的專有名詞, 甚麼叫勁過飯(super pass
meal), 為甚麼要吃腰果肉丁, 何謂上莊下莊... 然後東逛西逛,
看中了東西想買卻偏偏遲疑不決,
還要吱吱喳喳的在人家那裡討論,
結果走了個多小時後還不是再走到那兩家店子買了我們看中的袋,
是頗yea.... 無謂, 不過那種感覺真的很好.
這次回來本是沒有打算買袋, 可是陪Ada看著看著,
卻看中了她看上了的袋, 本來打算買兩個一模一樣,
然後講講價, 誰知回到金百利時, 只剩下一個紫紅色的,
左挑右選後, 我買了紫紅色的那個, Ada買了一個之前沒有看到同款的藍色袋,
價講不了, 但送了兩個我們走出店門後說"送都唔想要"的筆袋給我們...
Cindy 則在另一店內看到一個我和Ada都認為很合適她的袋,
不過看了很了很久, 在我和Ada的大力鼓吹下,
結果她都沒有馬上買下, 再逛了很久,
然後再回去看了很長的一段時間才毅然決定相信我們的眼光把它買下......
我們都很麻煩, 是嗎? 不過就是因為我們這種性格,
才逛得有趣味. 就是因為這樣, 我們的生活才會這樣好玩,
這樣才有意思吧?! 今天真的過得很暢快^^
晚上在網上看見幾篇很有意思的文章,
心靈有點得著.
3-2-2001
因為下雨而沒有去踩單車,
本來還想試看一下能否買到戲票看"愛情觀自在",
豈料票已買完, 看來我與它沒有什麼緣份,
只盼國內的人不會嫌它沒有大卡士,
嫌它有襌味而對它沒有興趣, 讓我能在重慶看見它的老翻,
讓我能有機會看這樣的一個劇本會呈現出怎樣的一台好戲,
真的很想很想看, 可惜等不到它上映.
下午既去不了踩單車又看不了電影,
沒事幹便去買點東西, 亦到了七樓平台走了一走, 望一望海.
七樓平台, 一個載滿我回憶, 看著我長大的地方. 十多年來,
雖然它不是一點一沒有變, 但是變的並不多,
一個人坐在那感覺很好, 似乎看到從前小時候的一幕幕趣事,
我們的足球場還是一如往昔, 但是已經沒有人在那踼球了吧.
4-2-2001
很懶很懶, 懶得不想填表,
我想我不會報Non-JUPAS了! 收到Sarah的email, 原來金主任又升職,
現在已是金副校長. 非常厲害, 我與Sarah小學畢業時,
他才剛出來教了幾年書,
我們應該還分別是他教出來的第一班畢業生和他任教的第一班學生吧,
短短的時間已升為副校長, 真的應該回去跟他道賀,
不過未必有時間...
5-2-2001
最後的一天, 沒有去找誰,
也沒有做到什麼, 除了到茶餐廳吃了奶醬多, 喝了杯凍奶茶,
看似簡單的東西, 在重慶可是很難找到吧, 珍珠奶茶倒是有的,
但是跟茶餐廳的味道多少也是有點不大相同,
奶醬多就真的不知道哪裡會有了... 晚上上網看見娟她們,
好高興啊, 她們連冰箱也買了,
我們的宿舍設備未免真的太齊全了吧, 不過真的太好了,
有了冰箱, 就可以買冰淇淋吃. 收拾東西弄到很晚,
主要是因為我要找一些照片帶到重慶那邊掛在牆上,
我希望可以把所有朋友的照片也找出來, 當然, 這是不可能的,
因為我根本沒某些人的照片, 找照片真是很好玩的,
看著小時候的照片, 看著朋友們從前可愛的樣子, 很好玩,
越看便越興奮, 特別是看很多年前,
跟林文海他們照的那些照片, 以前的青檸妹妹可愛多了,
但是已經很有男孩味道,
看照片才發現我也有很有女孩味道的時候, 真的, 跟文海,
文浩, 青檸妹妹他們在一起時, 我絕對很有女孩味道,
因為只有我一個有女孩的臉孔嘛,
最起碼在照片中看起來是這樣....拿著那些四個人一起照的照片,
不知道的人一定會以為裏面是三個男孩, 一個女孩...
6-2-2001
差不多六點才回到宿舍, 很累,
很多事情要做, 但是不想動.
娟她們說我的頭髮短到很像男孩子, 普通話變差了,
三個多星期沒說, 也很正常吧, 暑假有個多月,
到時候回來普通話不知會怎麼樣. 明天要補考高數了, 不過.....
哈哈...
7-2-2001
考完高數了,
感覺跟上次差不了多少.... 下午收拾了一會東西便跑上床睡,
這兩天睡得很少, 累得要命. 明天再繼續收拾東西吧.
8-2-2001
執野與訓覺既一日
9-2-2001
又係訓到兩點幾先起身,
然後去註冊, 睇成績, 雖然成績係班入面唔算係好,
但係確實我已經好滿意, 可能你地會話我自滿, 無出息,
但係如果換轉係你, 你估你地又有冇我d個成績呀?
我需要適應新既環境, 新既生活習慣, 唔容易架,
可能你地會話去外國既都有呢d問題架啦,
我係重慶最起碼見到既都係中國人, 問題應該仲少d.
不過好似我地係香港都係用英文上堂, 見到既term都係英文架喎,
你地以為轉番用中文讀Maths 咁易架? 知唔知咩叫arc tg x?? arc tg
x 其實即係我地係香港Form 2 就識既 tan-1 x,
好簡單既野, 但係表達方式唔同, 已經好難搞, 我總不能逐個term去問人點解然後finally
understand 係咩黎, 然後再convert番佢係我學個既term入面點表達卦?
或者有人會覺得聽普通話比聽英文易, 但係我唔覺喎,
仲要聽川普, 你估真係話聽就識聽呀?
好多野唔係你地想像咁簡單架, 我唔係話要話俾你地知我好慘,
我只係想話我有努力去做好d, 而且真係做得唔差喎,
但係你地好似視一切為理所當然, 乜真係咁理所當然咩?
我好想知道如果同樣既情況換轉係你地既話會係點?
有幾多個可以堅持落去???
10-2-2001
今日終於買左部電視啦,
廿一吋大電視, 調到Channel V架, 正!!
何故Sarah唔再做A Trip to the Moon,
做神仙魚呢?
11-2-2001
聽日開學啦,
又要開無休止的上堂生涯,
至今尚未知道一星期可以有幾多時間休息.
只盼這學期的課不會比上學期多, 如果唔係...
直踩五個月無假放, 點頂得順?! 仲有好多野未做, 今年電腦學FoxPro,
雖則學過, 但係係我弱項, 唔可以逃課啦, 唉....
12-2-2001
因為我既特殊身份既關係,
居然冇我既上課時間表, 因為今年有選修課,
唔可以話就咁問人借時間表影印,
所以又要去學生辦事處走一趟, 得出黎既結果居然係話,
叫我自己隨便揀, 鍾意上咩堂就去喎,
隨便跟邊個同學去上堂然後同老師講聲就ok,
於是我就決定跟龍瀟華去上音樂基本素養訓練, 好低能呀呵?
不過我覺得我咁揀絕對係正確架, 因為呢一堂實在勁輕鬆, only學樂理,
而且係最基本既, 雖則我成年幾兩年冇掂過呢d野,
但係點講我都pass過樂理五級架麻, 呵呵, 正呀~~
而且今個學期既課並冇俾上年多呀, 而且設計課又冇換老師, d個老師好好玩架,
而且對我都好好, 所以..... 唔錯唔錯. ^^
噢.....差d唔記得話俾大家聽我呢個學期既考試成績,
除左math 肥佬, 得五十四分, 畫幾六十just pass, 英文82, 電腦74,
建築概論&設計&美術都係83, um.... 老實講唔高分lor.
高分過我好多既人大有人在, 不過at least 唔係最差嘛,
我會話我可以做得更好, 但係我對呢個result 已經好滿意,
正如我之前講過, 真係幾辛苦架,
但係我好清楚我可以做得更好, 下個學期, 目標係科科pass,
畫幾唔可以再係just pass, 即使係我應該可以免修既法律我都要at
least pass, 理得佢入面講埋ｄ我完全唔理解既馬克思主義呀,
我一定要考得好ｄ, 睇下你地仲有咩好講!!!!
你地會後悔冇收到我架 =p 一定會~~~~~
13-2-2001
無風無雨又過一日,
只是差點凍死, 早上上英文堂雙腿一直在發抖,
根本原全唔想聽書, 不過老實講, 我一向都唔鍾意英文堂,
又癈又唔可以逃課, 而且一星期有三大節咁多, 煩死人,
我相信d個學期英文一定會成為我最討厭既堂!
14-2-2001
過了一個極有意思的情人節,
雖然仍然是一個沒有情人的情人節,
但是這一天本來就不是專為情侶而設的吧.
我想在宿舍裡四人一起吃燭光晚餐比起跟情人一起渡過的情人節絕不遜色,
由街上買的Pizza, 意粉, 沙律, 章曄及小筠佈置的桌子,
章曄煮的雞翼, 還有紅酒&雪糕, 豐富到不得了, 噢,
還有一個寫了"我愛你, 619"的心形蛋糕.
為了可以早點吃飯, 我獻上了這學期的第一次逃課,
仍舊是計算機課, 不過下次應該不會的了, 看在情人節的份上,
就這麼一次吧. 這豐盛的晚餐由五點多吃到八點,
四個人圍著桌子, 點了蠟燭在吹水, 有這樣的氣氛,
有沒有情人還重要嗎?
早上忘記帶外套, 又感冒,
本來應該早點睡, 但是.... 趕圖日子已正式展開~~~~~~
15-2-2001
感冒菌纏身.....眼皮沉重得很,
上課畫圖時也睜不開眼睛, 今天的樣子一定很差勁,
老師和同學都問我到底是怎麼樣.....
16-2-2001
不知是學校對我寵愛有加,
還是巧合, 今天上體育課,
之前心裡一擔心這個學期的體育老師未必會如上學期那個讓我如此輕易的過關,
而另一方面也暗地裡盼望這學期可以跟章曄或小筠一起上課(雖剛好同一個時間上課,
不過老師卻未必一樣),
結果跟章曄她們雖然並不是同一個老師,
但令我意外驚喜的是這個學期的體育老師仍然是上學期那位既年輕又口硬心軟的老師,
上學期我們這班體育課的平均分是新生裡面最高的,
連我都有七十幾分. 這個學期再遇上她實在是幸運得很,
在沒有人自願的情況下, 她叫我當體育課委員一職,
其實當她說隨便點一個人時, 我便猜到她會叫我,
因為雖然要負責借用品及帶warm up, 不過考試成績會加五分,
再加上參加健美班(交錢之後可以唔去)又可以加五分,
這樣要合格便基本上絕對沒有問題了.^^
不過電腦課可就慘了,
遇著一個可以媲美大美人修女的人,
其說話聲線絕對比安眠藥更有助人入睡, 或許情況不致如此糟,
只是我現在的普通話還不至於可以完全無礙的跟人溝通,
要能聽懂各種各類人說的普通話還是一件不可能的事...
17-2-2001
很懶的一天,
中午媽咪打電話過來才醒, 下午嘗試用MSN既Messenger傾,
雖然效果不及電話, 不過絕對抵用, 係電話中得知鄧叔叔去世,
希望文林會努力讀書啦, 咁樣鄧叔叔都去得安樂d嘛....
18-2-2001
墮落了兩天,
這天要把之前沒做好的事完成了~~晚上媽咪再打電話過來,
青檸妹妹派成績表, 被老師指這樣下去, 會考大概只有十四分...
我應該講咩呀, 菁姐? 你無理由會考得差過我架,
一向我都蠢過你架喎, 乜唔係我地成班細路入面,
我一向係最豬果個黎架咩? 我一直都係咁諗架喎,
但係偏偏咁奇怪既? 係我低估左自己定係你地冇做好?
我知道你肯既, 一定會考得好過我好多, 記唔記得阿Ling家姐點話你呀?
要記住就算有天份都要付出架,
唔好下年八月份俾我知道你考得唔夠我果陣時好, 特別係Maths!!
19-2-2001
交補考費時得知有位新同學,
來自台灣的男生! 同樣是2000級建築學本科生(degree),
不過他被安排在二班(我在一班), 與我不是在同一班,
很好奇這位台灣同學到底是什麼樣子,
為什麼可以現在才來開學?
為什麼之前沒有聽外事辦馬老師她們等人提起過呢?
本校第二位港澳台生會住在哪裡? 會否有熱水器呢?
真的很好奇...
20-2-2001
實在是難得地空閒,
因為星期四沒有圖要交, 明天又是雙週, 只是早上才有課,
老天爺對我真好^^ 一切似乎都很順利, 對啊,
二十年來老天爺都很寵我, 假如我能活到八十歲,
這四分一的一生, 我是活於幸福中的, 今天突然想起,
這二十年我做過些什麼呢? 實在說不出來,
但是我知道這二十年我並沒有白活, 也許這已經足夠吧^^
年齡踏入二字頭的最後一頓晚餐是自己炒的河粉, 雖然是亂來,
可是味道還不錯, 吃得很滿足, 但是....
始終遠遠及不上外婆炒的沙茶醬牛肉炒粉
21-2-2001
從今起, 年齡不再用十做開頭了,
不應該說不好的事, 但是今天中午上落樓梯次數比較多,
上載檔案依舊不順利, 不過其他事情嘛, 還算不錯吧,
畫幾只有一頁功課, 見到章曄著裙既靚樣, 上icq難得地一連即上,
先後同媽咪,青檸妹妹用messenger 傾偈, 幾開心呀. 可憐既網頁,
好想upload野上去, 不過實在好高難度.
今日改左icq既info.
我諗將佢copy係呢度啦, 咁冇用icq既人都可以睇到呀嘛, 因為d個message
係for所有我認識同認識我既人=^-^=:
假如我會活到八十歲, 那麼已經過了四分一的人生.
想起來, 這廿年, 我做過些什麼?
就這樣便二字頭.....
但是我知道我是很幸福的. 上天一直很眷顧我, 家人由小到大很疼我, 朋友雖偶有令我失望, 但是他們令我這二十年縱是平凡, 卻多姿多彩.....
感激所有從我這二十年的生命裏進出過的人, 令我有這樣的一段人生..... 所有的一點一滴, 無論開心與否, 沒有它們, 今日的我也許會完全不一樣, 也許不會如現在般愉快, 亦也許更幸福....
但無論如何, 我很滿意現在的狀況, 這已經足夠...
感激你們!
22-2-2001
補考失敗,
下年要重修高數, 不過我講過唔要再輕易流淚,
更何況重修又唔駛死既, 又唔係得我一個要, 絕對唔會為呢d小事而喊.
23-2-2001
好想訓覺, 但係堅持冇訓中午覺,
因為我始終覺得午睡太浪費時間, 因為我知我會一睡不起...
尋日千辛萬苦終於load到link果頁上去, Server真係好討厭,
用左兩日幾先load到, 有時唔係唔想update kps. 但係好難頂Server既速度,
甚至經常性開唔到....
24-2-2001
終於見到漆老師,
將沈平託我俾佢既兩本書交左佢, 由十月到而家終於搵到佢.
因為娟他們說過他年紀很大, 我一直以他會是那種行路好慢,
一頭白髮既老人家,
不過見到佢發現佢比起我想像中既年輕好多, 亦都幾好人.
今晚有班活動, 去玩滾軸溜冰,
好耐冇試過非單排式既溜冰鞋. 感覺一d都唔好, 完全冇以前踩Roll
果種速度感, 莫非係因為學識左踩單車, 有更快既迎風感覺,
所以先係咁? Anyway, 今日都幾好玩呀, 同學之中, 有d唔識溜冰,
有d就好鬼勁, 我夾係中間, 雖然我既經驗可能比較豐富,
不過我從來冇去學過, 純粹係跌識, 正確既溜冰姿勢係點,
我根本就唔識既, 隨便憑感覺, 跌唔死咪ok lor. 踩完Roll之後,
番課室食湯圓, 圍埋一齊傾偈, 每個人so-call表演一樣野, but
somehow, 有d只係問吓問題咁(指定既人答指定既問題). 到左今晚,
我先知道原來我俾男同學們既印象除左係黎自"周街刀光劍影兼有槍戰"就如古惑仔電影中既香港之外,
就係香口膠,
佢地安排俾我既問題係我最鐘意食既係邊隻牌子既香口膠,
味道係點. 其實幾無聊既,
不過對於佢地搞班會活動既目的係幾好, somehow會對大家互相認識有幫助既.
不過我覺得要問, 就問盡d呀嘛, 個個都問咁先好玩架嘛, but at
least through this night,
我知道原來香口膠與我係佢地心目中係不可分割, 連開俾我猜,
話我一定知道答案既謎語, 謎底都係香口膠=p
其實我既香口膠癮都唔係真係咁誇呀嘛, 最近食少左好多啦.
而且開始食香口膠都係考A-Level前去自修室溫書時養成既習慣黎既,
純粹係為防止自己溫書時訓著, 最開始我都好討厭Airwave既激,
不過d個真係一個好好既提神方法. 然後到而家習慣左,
冇咩野做時咪食囉, 眼訓又唔應該訓咪又食lor. 唔至於冇Airwave會死既,
不過會到左一個我需要帶兩盒(3x10x10粒一盒)過重慶既地步lor.
but of coz' 唔係我一個人食晒啦.
26-2-2001
今日又逃課啦. skip左音樂素養,
因為小筠既爸爸媽媽黎探佢, 叫我地一齊去食飯,
去沙坪壩食肯得基, 原本小筠係話同佢媽媽去行街,
我地三個就諗住反正出左黎就去機舖玩一陣,
點知後來小筠爸爸媽媽叫佢同我地一齊去玩, 陪佢去買野,
所以之後我地就全宿舍一齊去打機, 不過今日玩photo hunt唔夠感覺,
我同章曄轉移目標, 玩同一部機入面既拼英文字遊戲,
盡破紀錄, 我地仲要玩晒咁多部同款機, 逐部留低我地既名,
之後娟同小筠見我地玩得咁過癮, 亦都轉game玩,
結果當然係天下無敵, 全部都係我地既紀錄,
而且基本上係玩一次打一次名, 最後有Bonus game玩tim 呀.^^
P.S. 收到Ivy寄俾我既生日卡,
好開心, 好鍾意張卡, 大大隻既Alien, 一睇就知道係專門為我揀,
好感動=^-^= 一直以黎我都覺得心意係最好既禮物,
感動係最令人開心既感覺, 你可以話我好容易滿足,
亦都可以話我好麻煩....= p
27-2-2001
尋日音樂素養居然點名,
不過還好瀟華既同房唔係讀d個course卻走去聽課, 所以就幫我take
attendance, 好好彩, 逃課既四次機會因而一次都冇少到=p,
另外得知因為老師自己唔得閒既關係,
下星期同再下個星期一都唔駛上音樂呀, 正斗死^0^
下星期又會有一個較悠閒既星期,
因為我相信下次交既圖唔會用我太多時間, coz'
今次同樣係開始Design, 我用既時間一d都唔多, 因為Design嘛,
冇感覺就乜做唔到, 乜到唔做坐係度死諗喎, 不如搵d其他野做下,
上網周圍逛, 睇下vcd, 寫寫信, 咁樣都算係搵靈感架,
而且都左最後限期既時候, 容易d諗到野架,
其實可能係因為去到最尾果刻, 就會唔理好醜, 畫左先算啦,
不過嘔到野出黎都好過冇野交嘛, 所以我係d一方面都比較好d既,
可能對比我d同學我習慣左馬馬虎虎, 所以面皮厚d啦. Anyway,
下個星期我九成又會好有閒情咁上上網, 有人奉陪既,
一定會有興致落機舖tim... 不過唔好話我墮落, 我d個學期一定會做足Maths同畫幾功課,
唔會好似上學期咁.
雖然剛踏入開學後既第三週已經逃左三大節課(電腦, 音樂,
法律各一堂), 不過到下星期完之前, 我唔會再逃課,
努力唔受誘惑, 加油!!!
PcHome 既Server
之慢已經去到我冇法忍受既地步, 中午心血來潮上Kimo register左個ID,
感覺太爽啦, 快上千千萬萬倍, 係PcHome上載幾個圖檔用左我兩三日既耐性,
今日係Kimo, 同樣既file用左我幾十秒咋,
於是乎我決定我以後都唔用PcHome既Server upload 我係KPS果part,
直接係PcHome度link番過黎Kimo. Karen, Sarah, Sorry呀, 我又擅作主張,
自己係另一個地方用我自己既nickname register 左個 site.
冇事先同你地商量... 不過我實在冇耐性啦, 對唔住呀!!
其實我諗緊好唔好將成個KPS 搬埋過去,
不過一而再再而三咁搵URL好似又唔係咁好, 所以先將d個諗法擱置一旁,
睇下你地既意見係點先啦. 我想今次由你地決定,
唔好次次都係我話晒事, 因為kps係我地三個人既心血結晶,
唔係我一個人既玩偶. 好唔好?
28-2-2001
收到Karen既e-mail,
居然話我咁耐先寫e-mail 俾佢, 又話我唔係呢度提佢喎,
以致佢心淡. 哼, 都唔知係邊個冇良心... 要努力搵留言板,
下個星期完之前要搞掂埋佢,
今日意外地發現左一個同樣係三個女仔一齊整既網頁, 個guestbook
幾正, 不過係人地自己既私伙, 可惜我地冇咁高枝術...