9月 10月 11月 12月 1月 2月 3月 4月 5月 7月 8月
1-6-2001
好黑仔呀, 先係打爛左隻杯, 由香港帶過黎既海迪杯.... 然後用橡筋紮頭髮時整斷左條左條橡筋. 然後幫奕葦插番章曄電腦既mouse插頭時, 章曄部腦又燒電源, 之後煲水沖涼時又停水, 新星上黎時遭管理員阻撓, 出去接佢時, 拖鞋都爛埋......完全無野好講....
終於可以接受到接吻既感覺, 原來都唔係咁差, 又唔可以話係好享受, 始終唔係好習慣, 但係可以一次又一次咁去接受同佢kiss, 我諗我真係係鍾意佢, 喜歡同佢一齊時既感覺, 到放假既時候冇佢係我身邊既話點算好呢???
2-6-2001
唉, 自找麻煩, 咁偉大陪人讀law做乜??? 社會主義, 統治階級.... 乜傢伙黎架??? 唔合格點死呢??.....PK...
3-6-2001
無端端俾章曄佢地迫左我著背心同長裙(章曄既)去考法律, 仲以為可以足足一年唔著裙架tim... 去到試場果邊, d人勁surprise, 唔係因為見到我著裙既樣, 而係因為居然我會出現係果度考法律, 一直仲係度講笑話一陣可能唔夠位坐既話, 我就係外面等佢地, 星星仲話如果我唔駛考就先番宿舍, 然後佢打電話俾我出貓, 呢度d人真係出貓慣, 好勁架, 到後來d人發現我今日係著裙過黎之後有少少驚奇, 老婆仔仲一直笑笑口咁望住我, 後來我係佢地女生面前話再俾d驚喜佢地, 然後用好快既速度show左一下膊頭俾佢地睇, 奕葦就話我著得咁淑女但係依然都係咁唔淑女... 哈哈..... 太過淑女既話, 果個就唔係我啦. 著裙都可以照起飛腳先係我黎架嘛(所以著長裙都要打底)... 呵呵... 唔知合唔合到格呢? 不過唔緊要啦, 佢地合格到就得啦, 因為周老師話左我可以唔駛讀, 暗示萬一我搞唔掂, 唔合格都冇所謂, 到時唔去就係... 呵呵.... 有佢呢句就得啦, 比之前話咩最好去學下啦咁意思明確得多, 所以嘛, 佢地合格就得啦, 最好星星高分過我, 唔係佢成日話我笨, 我d成績科科都好過佢, 咁就唔係幾好啦... 嘻嘻...
考完之後本來應該即刻開工畫圖既, 不過墮落下啦... 到十一點幾先開工, 岩岩打完圖框, 蘇璞打電話過黎, 第一句就"港妹", 問我畫左圖未, 想唔想熬夜, 我仲係度諗搞乜鬼, 點知原來佢地班男生原來想打我主意, 叫我打電話向陳綱求情, 問可唔可以唔交圖, 後來由班頭向我遊說, 其實我都唔想通頂, 不過叫我打電話俾陳綱冒險, 我寧願通頂好過, 雖然陳綱對我算係寵愛有加, 但係佢心情萬一唔靚既話, 實在好恐怖, 而且再講, 應該搵齊菲同少萍去打電話呀嘛, 我去講有鬼用呀, 哼, 佢地仲以為用星星大我就可以得逞, 話咁佢星星打喎, 傻架咩, 男生打過去唔俾陳綱鬧都幾難, 叫星星打過去喎, 實鬧到佢飛起... 佢地之後有冇嘗試搵星星遊說我就唔知, 因為佢既手機唔知又做咩.... 不過搵到都冇用啦, 因為後來我同佢講, 佢話我打都一定冇效, 話我既可信程度太底, 陳綱唔會我賣我帳, 不過的確呀, 陳綱雖然幾鍾意我, 但係佢亦都知道我貪玩, 我放到d野最後熬夜做係好正常, 但係如果係齊菲同少萍開到聲既, 肯定冇其他人會頂得順, 佢一定會答應放我地一馬, 不過李敬輝話佢地兩個太嚴肅, 一定會乖乖做完佢, 唔會肯打電話喎, 所以我係佢地唯一既希望, 不過..... 佢地既希望幻滅左lu... 我冇咁既勇氣=p 結果.... 又通頂lu
4-6-2001
呵.... 由三點未夠訓到十一點....
5-6-2001
好辛苦呀, 又重感冒,本來今朝已經唔想番學, 不過結果都係去左上堂, 番黎之後諗住訓算, 一爬上床, 奕葦就過左黎, 於是就開電腦上網冇訓到, 諗住食完lunch 先訓, 點知後來又話要上堂, 仲要係一點半就要去到綜合樓, 根本就一d力氣都冇, 完全唔想去, 但係都係堅持左... 但係佢居然由今朝到岩岩美術堂都冇去到, 已經一整日冇佢消息.... 有少少怒意, 真係好辛苦呀, 而佢居然都唔係我身邊, 其實唔應該嬲, 佢應該連我覺得唔舒服都唔知, 但係真係係有少少怒意.... 唉, 女仔就係咁麻煩架啦
8-6-2001
因感冒而懶洋洋地過左一個星期二, 星期三就要為此付出代價, 又通左一個頂, 其實本來可以唔駛既, 因為之前已經盤算過因為感冒, 再通頂既話我未必會頂得順, 所以朝早起身之後都唔敢亂咁黎, 都冇話浪費時間lor, 不過夜晚番到宿舍之後心情唔係幾好, 完全畫唔到圖, 心入面梗住, 結果索性上網寫封email同人講, 費時谷住咁辛苦, 結果到三點幾發左個短訊俾星星, 然後同佢講左兩句電話, 先正式咁開始畫, 圖畫得夠爛, 不過陳綱心情奇靚, 咁都可以有良... 落左堂之後同星星&佢老大食左飯之後就番宿舍訓覺, 四點鐘起身去考游水, 本來老師唔肯俾我考, 諗住俾八十分我, 然後趕我走, 佢話感冒到聲都變晒仲考乜鬼, 話如果有咩事, 佢賠唔起醫藥費, 加上尋日又落雨, 天氣幾凍下, 對於佢地健康既人黎講, 落水都會幾痛苦, 不過佢叫我走時我已經換好衫, 覺得都仲可以接受, 所以求仲老師好耐俾我考完佢, 游左個full mark之後就馬上番宿舍沖熱水涼, 其實真係幾變態, 我知道其實真係唔應該堅持, 咁搞法好有可能會搞到發燒, 不過我真係想考左佢, 我知道游九十幾分對我黎講係易如反掌, 可以唔駛老師幫我拉分, 用自己既實力考係得呢一part可以....所以雖然游完之後直到今朝頭一直痛到不得了, 我都冇後悔尋日唔理章曄, 鄧陳同老師既勸告而考試, 尋晚仲要十點半就訓lu, 訓到今朝七點幾先起身去上英文堂, 英文堂時都係半昏迷狀態...反而落堂之後精神好左好多, 番到宿舍之後, 諗左好耐決定落去同星星講番星期三晚果件事...
星期三晚, 佢係系館陪鄧陳通宵, 我就番宿舍熬夜, 不過番到去之後心情好差, 不過唔係因為佢同鄧陳兩個人係系館通宵而呷醋, 係因為佢番宿舍拎野順便送我番黎時講既野而煩... (sorry, 轉一轉channel, 用普通話)他說不好玩, 我問他什麼不好玩, 他說什麼都不好玩, 兩個人一齊不好玩 覺得不習慣, 感覺怪怪的, 心裏面好像多了點牽掛, 後來他又說兩過人一齊的時候他會想著我, 可是一個人的時候卻想也不會想, 他說很奇怪的, 他曾經跟老大說過, 老大說他自私, 不想付出, 是心裏面不想付出, 我一直在聽他說, 沒有說什麼, 只是在笑, 他那個時候可能覺得我是把他的話當作開玩笑吧, 不會放在心上, 可是他萬萬沒有想到我一直都在想他說的話吧? 我在想他說這些是不是想做回普通朋友, 在想是不是應該跟他做回普通朋友比較好, 我其實怕的, 我怕他不是認真對我, 怕自己太過認真,然後受到傷害, 怕萬一有一天我們要分手而且不是和平的分手的話, 我會受不了, 怕以後面對不了他, 怕會好像娟娟那樣, 畢竟我和他還要做四年同學, 萬一有什麼事的話, 會怎麼樣.... 我會受得了嗎?? 我不知道... 我不知道他說這些話時是想向我暗示什麼還是真的像他今天說的那樣只是想到隨口說說, 只是想說就說還是想跟我做回普通朋友又不知道該怎麼說, 所以用這種方法試試我會有什麼反應..... 其實真的挺奇怪, 聽他這樣說之後, 反應也不算是太大, 最起碼當時沒有太大的感覺, 只是覺得心裏面有點憋住, 有點難受, 是應該分手嗎? 我實在不知道, 後來忍不住上網了, 我很希望阿正會在這, 因為我覺得他會給一個最公正的答案給我, 其他人畢竟都是我很好的朋友, 會覺得他不對, 對我不起吧? 可是阿正的看法會不一樣的, 就像上次那樣, 他會給我一個最好的建議, 可是他不在, 也許即使他在, 他也不會有空去理我, 陪我瘋吧... 寫了一個郵件, 心裏面希望把事情打了出來, 跟人家說了, 會覺得舒服一點, 然後可以專心的去畫圖, 可是郵件發了出去之後心裏面還是憋住, 難受死了, 本來感冒已經夠難受, 所以那個時候根本畫不了圖, 發了郵件之後還在想有什麼辦法不去想那麼多, 這個時候老大突然問我覺得他怎度樣, 結果跟老大聊了很久, 算是問了一些他的意見吧, 想通了感覺好多, 其實我有想過當晚就發短訊去問他是不是做回朋友比較好, 可是怎麼說呢? 這種事情還是當面說比較好吧, 看到直接的反應, 而且單獨兩個人一起的時候去說這種事比較好吧, 我亦不想在熬了一個通宵, 他精神不好的時候去說, 每次熬了通宵之後, 他都是那種有點呆呆的樣子, 對什麼事也提不起勁, 我最怕那個時候的他, 看得我感覺很不舒服, 所以這兩天都沒跟他說, 直到今天英語課回來之後, 沒什麼事幹, 站在寢室裏想了很久, 才決定下去找他跟他說....
其實下去之後我也不知道怎麼開口, 看他東搞西搞的, 過了很久才敢問他其實跟我一起是不是很大壓力, 他說不會, 他可能覺得很奇怪吧, 突然冒出了這樣的一個問題, 我不知道怎樣說下去, 靜靜的站在那看著他, 他問我在想什麼, 我說在想他那天晚上說的事情, 他是後悔那天說了給我聽還是怕我不開心? 他說其實那天他只是隨便說說, 只是想到了就說了出來, 沒有什麼的, 叫我不要想那麼多, 過了很久我再問他真的會否覺得壓力很大, 是否做回朋友比較好, 他說了什麼我想不起來了, 只記得後來他說覺得自己好像到現在還沒想談戀愛這樣的, 後來又說到他的朋友寫了封信說他是一個很怪的人什麼的, 說他不應該拍拖嗎? 我搞不懂, 他說的很含糊, 我也沒聽清楚, 到底他是怎麼想呢? 我不知道, 可是怎樣也好吧, 我不介意, 做回朋友也好, 也是一樣的, 現在還沒有太過深的感覺, 可以抽回, 如果過久了, 我可不一定能這樣灑脫, 我真的怕. 不過說起來還是很喜歡他的, 他會直接跟我說他的想法總比他不說好啊, 跟他一起的感覺真的很好, 不過是做他的朋友好, 還是做他的女朋友好... 我也說不清楚, 畢竟他是我第一個男朋友吧, 這...叫初戀吧?=^^= 說起來, 蠻奇怪的, 居然這樣平靜, 是我低估了自己的控制情緒能力? 低估了自己的理情程度? 高估了自己對感情的重視度? 還是.... 我並不是真的愛他, 只是喜歡跟他在一起?? 真的搞不清楚, 可是跟他在一起時感覺真的很幸福, 特別是給他摟住的時候.... 如果我真的不是愛他, 那.... 為什麼我會為他擔心? 為什麼會想他開心? 這會是對好朋友的感覺嗎? 搞不懂... 可是我現在只希望他覺得開心, 希望他不會覺得有壓力, 他要做回普通朋友也沒什麼關係....真的沒有關係.
9-6-2001
超墮落呀~~ 差唔多成一點先起身, 仲要係因為瀟華黎搵我先醒lor, 唔知點解, 就係唔想畫圖, 完全唔想開工, 但係心入面好清楚好應該開始畫, click 左入好多personal homepage. 好耐未試過咁順利開到咁多網站
11-6-2001
做左d咩黎呢? 除左打左個電話俾Wendy之外, 其他既都冇咩印象......
14-6-2001
好多日冇寫日記tim, 不過冇咩特別事發生有所謂啦. 尋晚(應該話今朝)本來諗住四點鐘一定可以訓, 雖然透視畫得超唔掂, 但係其他幾個圖自問真係畫得唔錯架, 好俾心機去畫今次既正草, 除左透視真係畫唔落去, 其實兩點幾三點時已經差唔多搞掂晒架啦, 差幾隻字, 半個鐘絕對做得完, 諗唔到星星居然會半夜跑上黎敲門, 開頭我仲以為係奕葦tim, 好彩係小卷而唔係小筠坐係門口, 我開門時又冇開大個門, 而且仲記得有d唔係好方便, 如果唔係小筠既性感扮相... 呵呵....唉, 佢一上黎, 就畫得勁慢啦, 上網去建築論壇留左個言, 呢度搞果度搞, 成四點幾先起圖紙, 不過結果都係通宵..... 點講都係男朋友喎, 佢叫到點忍心唔幫佢手喎, 唔好話佢啦, 就算係其他朋友我都會義不容辭地幫手, 只不過可能唔會咁順攤答應者. 起完自己既圖之後就幫星星畫配景樹, 其實畫幾棵樹係小兒科啦, 雖則要畫得好似奕葦咁好唔易, 但係我絕對畫得好過星星, 點講我既經驗都多過佢呀嘛. 話時話已經係第二次幫佢畫配景樹, 不過上次係最後既幾分鐘幫佢畫, 今次卻係犧牲寶貴既三個鐘既睡眠時間, 通宵幫佢畫, 雖然淨係用左唔駛一個鐘就搞掂, 但係淨番既時間訓左起身都幾辛苦, 最主要係因為小卷係度過夜, 所以做好人讓床俾小筠, 陪星星通頂畫圖, 之後本來諗住番到課室, 佢剩番d字自己會搞得掂, 我可以去買d早餐食下, 訓下覺架嘛, 點知仲要幫佢打格仔, 麻鬼煩>.< 我都未叫佢幫我做....
睇黎真係挨過頭, 今日實在覺得好辛苦, 頸同肩膀都好痛, 結果都唔理得咁多, 係課室訓覺, 迷迷糊糊咁俾人搔擾過, 都係繼續訓, 直到後來李旭佳係班房問有冇人識得按摩, 瀟華佢地因為上次係班房見識過我既技術後話我識, 所以就由我幫李老師按摩... 其實我自己都唔係好掂, 最衰星星打完分之後就閃左去睇球賽, 冇得叫佢幫我按摩, 如果唔係就好啦, 都係佢按摩最舒服.
落堂之後同吳晨去搵佢既研究生老鄉, 幫佢地回答幾個關於去香港旅遊既問題, 點知佢居然冇事先約好人, 之後又搵唔到果幾個人, 結果得番我同吳晨兩個食lunch, 食完就番宿舍訓覺....不過到五點肩膀實在痛到訓唔落去...><
Oh, 英語決賽果度加左兩個學分呀, 勁正, 要上三十幾個鐘既堂先換到架, 而家考兩次試就拎到喎, 幾正斗呀^0^
16-6-2001
原來我酒量好淺架, 兩罐啤酒都唔駛就醉啦, 尋晚飲左三罐, 又喊又笑, 成個癲婆咁, 不過醉左都好, 唔醉喊唔出黎仲辛苦, 其實飲完一罐之後已經有少少醉意, 我自己知道架, 但係真係唔想諗咁多野, 覺得好煩呀, 次次都係有事就黎搵我, 其實都好過唔會搵我呀呵? 最起碼學章曄咁話, 佢地信任我, 覺得我係有重要性先會係有需要既時候諗起我, 但係真係好心煩呀, 可以做到d咩? 你地又希望我點樣做? 去鬧佢, 去同佢講話唔可以同人同居? 話佢佢又會聽咩? 佢都好耐冇搵我啦, 佢既事我會知道咩? 大佬, 我係重慶呀, 你地係香港都唔知, 我點知呀? 哈, 點解一定要係我去咁辛苦去做呢個聯絡人, 我有咁叻咩? 我有呢個能力去做呢個聯絡人咩? 我點解從來都唔覺得我自己有呢種本事? 我又唔係香港, 呢四年我都會大部份時間係重慶, 冇我係度真係唔可以約到人咩? 次次都要我發晒脾氣咁, 咁好玩咩? 我唔覺喎, 我好厭倦啦, 人要長大架, 我唔可以話為左呢個原因而明知自己應該改自己既脾氣都唔去改架. 真係好攰, 我唔想再咁落去, 真係唔想....... 其實一個月前, Selina 已經話左俾我知, 你地冇理由唔知架者, 而家黎問我?? 哈.... 問我點算, 我點知點算呀? 駛唔駛我即刻飛番香港去處理佢? 去捉佢番屋企? 佢快廿歲啦, 咁大個人, 應該知道自己做緊咩架, 其他人講咩都冇用啦, 係咪? 我會有影響力咩?
尋晚俾Per問到心都煩晒, 我真係唔想面對呀, 我亦諗唔到幫法去幫手, 唔通要我打長途電話去搵佢? 搵到咩? 幫娟娟作文都作唔落去, 後來乾脆關左部電腦, 我真係唔想去面對佢, 直情係唔想見到部電腦, 咁耐以黎, 我第一次咁怕見到佢, 想喊又喊唔出黎, 好想有人可以係身邊好好咁陪住我, 我真係好幸福架, 尋晚唔開心, 佢地個個都好緊張, 問我做咩, 我唔係唔想講, 但係用普通話講太難.... 所以都係沉默算啦, 淨係想佢可以陪係我身邊, 唔需要講d咩, 係我身邊就好, 但係佢冇留低陪我. 感覺有如全部人都好關心我, 但偏偏身為我男朋友既佢一d都唔在乎, 佢走左之後, 一個人拎左罐啤酒出露台, 佢地擔心我都冇繼續打麻將, 娟, 章曄同小筠陪我買左幾罐啤酒上天台, 嫻嫻小霞留係我地宿舍打機, 後來醉到坐唔穩之後, 佢地送我番房, 佢地繼續留底同幾個不知天高地厚既男生鬥寸, 哈, 白痴, 六一九既人都夠膽調戲, 真係唔識死. 其實唔算好醉呀, 我仲記得自己做過d咩.... 成晚又喊又笑....... 不過今朝起身之後都仲係暈陀陀, 唔想留係宿舍, 唔想對住部電腦, 娟陪我出去食野之後, 我番到宿舍本來係諗住去奕葦果度逃避, 但係佢又唔係度, 所以就跑去買模型材料, 去到買材料果度居然見到班頭同顏揚旭係果邊打桌球, 買完材料之後就係佢地果度賴死唔走, 坐左係度發呆, 唔想番去, 亦無力周圍行, 好暈.... 結果到兩點先番去搵娟, 然後陪佢去考英文, 幫佢作斃, 意料之外既係星星居然都跑左去系館, 不過見唔到佢可能仲好, 覺得佢好似對我心情唔好漠不關心, 還不及其他同學細心.... 下午番到宿舍終於喊到出黎, 比喊唔出好....
18-6-2001
墮落夠, 係時候認真做野啦, 再唔係真係唔掂啦
19-6-2001
失左預算, 進度比預期慢>< 係系館做模型... 做到差唔多十點先走人, 飯都未食, 但係都係未搞掂, 拎住把cutter 咁多個鐘, 手指都起水泡
20-6-2001
終於做完模型.... 開始畫圖
23-6-2001
尋日終於交左圖啦, 良+, 聽落好似好好既成績, 不過好似得兩三個人拎良-, 差唔多十個優-, 所以.... 呵呵, 不過冇所謂啦, 好滿足架啦, 因為自問今次既方案做得一d都唔好, 成績太好反而過意唔去啦, 不過今次算係咁lu, 五點半交圖, 朝早八點幾就做完lu, 雖然有唔少人幾日前已經做晒所有野, 但係對於我呢種次次拖到最後既人黎講已經好難得, 不過幾搞笑下lor, 做左個通宵, 奕葦陪我, 但係佢居然係睇vcd睇到天光, 簡直係青出於藍, 我都冇咁好精力.... 睇黎我地619已經教壞左小妹妹tim...
24-6-2001
小妹妹又係我地房睇vcd睇到八點幾, 注意係早上八點, 又係睇通宵, 簡直係..... 勁.... 無野好講... 五點幾同佢一齊去漆老師度, 然後漆老師請我地同其他幾位師姐食飯, 其實我一直最怕呢種場合, 不過無冇理由推人地, 所以都係去左, 差唔多九點幾先番到宿舍
25-6-2001
今日做英文卷既速度其快, 有成半個鐘剩, 而且係做左填左兩份answer tim lor, 居然作弊到咁既地步.... 不過一定冇下次, 太過冒險啦, 下次既話唔理邊個都冇面俾呀. 我係唔應該縱容佢, 對佢太好啦, 要既話咪自己睇lor, 我從來都唔介意人地睇我份卷既, 甚至會好樂意地拎過少少方便人地, 不過好似今次咁倡狂, 實在太過危險, 萬一出左事, 我實走唔甩, 所以一定唔會再咁幫佢, 亦都唔應該再對佢咁好lor, 男人, 對佢太好, 佢反而唔識珍惜, 覺得理所當然...得唔到既永遠係最好...
高數.....哈哈~~~~~~~~~~~~~~~~~~~~~~~
26-6-2001
好想好好溫高數. 但係好清楚無乜可能合格, 除非拎到試卷.... 結果尋晚實在溫唔落去, 又係度打牌, 又俾畫到花面貓咁...
27-6-2001
好爽呀,
今日既高數真係勁正, 雖然份卷我完全唔識做,
但係唔係合格冇望喎, 因為我全部都係抄人既, 抄高琬淇既,
只要高琬淇有六十幾分, 我就一定合格啦^^,
其實真係幾過份架, 將成份做好既試卷拎過去抄,
而且係全個教室入面既人都係咁抄黎抄去, 將d貓紙傳黎傳去,
當然我地唔係話咁離譜, 視監考老師為無物既,
係佢自己一開始就暗示話叫我地自己小心d, 大家好過呀咁,
擺到明默許我地出貓作弊, 我地先至夠膽咁過份咋~~
好彩今日呢位老師咁好人, 放我地過, 因為佢既仁慈,
我地班入面好多人會因此而逃過補考一劫,
希望我都會係幸運兒之一啦, 不過點都好, 真係好正,
咁樣考試法, 我都未試過, 真係好鬼死爽^^
夜晚去左鵝嶺公園, 同老婆仔, 瀟華還有奕葦四個人去, 無咩好玩, 不過旨在周圍行下咁啦, 講真其實幾舒服… 之後番去宿舍, 佢地就睇碟, 話陪我夜d, 因為章曄已經決定話唔訓, 費時起唔到身喎, 所以就唔訓啦, 本來雖然有少許無聊, 有少許唔舒服, 但係心情幾好架, 點知冇端端又有d麻煩野, 激到我死, 之後燥到死, 章曄佢地就話落去買d野飲, 本來諗住飲啤酒架, 不過感冒... 所以就買綠茶算數, 之後係樓下叫星星, 叫佢聽日送我地機=p 叫佢陪我地玩. 之後佢真係上左黎玩既, 不過係自己係度睇波lor. 我地繼續做自己既野, 我就已經上網上到無癮, 係度發呆.... 真係勁無聊, 勁眼訓....... 到六點鐘出門口打的, 瀟華仲過黎送我地落去, 佢地真係對我好好呀..... 雖然星星都有送我地落去, 有陪我地通宵, 不過.... 似乎係為睇波多d lor..... 不過會送我地落去都好過冇啦
28-6-2001
番到香港啦, 但係成三點幾先番到屋企lor, 餓到我死呀. 今日終於見到ck, 章曄既男友, 其實佢幾可愛既, 不過.... 始終都係覺得佢有少少恐怖.... 番到屋企..... 不斷既電話.....不斷既電話
29-6-2001
約左Karen同Sarah 去慕睛, 菁姐話執左笠既慕睛, 同行既仲有Sarah男友Jackson, 成年冇見, 唔覺佢有肥到lor, 不過佢就話好覺我瘦左, 好開心呀, 見到Sarah 基本上此行既主要目的已經完成! 我唔想要再等年幾兩年先有咁既機會, 所以其他人話我傻都好, 我都覺得我要番lor, 最多咪係其他野到慳番出黎, 講真呀, 就算加埋我既機票錢, 我呢成年所用既費用都平過City一年既學費啦, 係唔係先, Grant Loan 呢樣野, 睇怕我都申請唔到架啦, 所以計落, 都係賺左架喎, 係咪先? 不過講真唔係傾得好耐, 始終大家都好忙, 我同Karen又唔想做電燈膽, 所以係Times行左一輪, 影左貼紙相之後我地就各有各行, Karen再陪我繼續行, 然後Auntie join 我地, 請我地食甜品, 好好笑呀, Auntie 見到我好開心, 話我瘦左靚左喎, 之後見到我紮住兩條辮仔仲好似發現新大陸咁, 話好可愛喎^^" Karen同Auntie 對我真係好好. 夜晚終於同阿ling 傾左電話, 掂啦, 入左Melbourne U 啦, 聽到呢個消息我都戥佢開心.
30-6-2001
終於剪左頭髮啦, 講真今次Esther剪得唔係咁好, 如果我肯染既應該會好睇d既, 不過唔想染, 講唔清點解唔想, 但係就係有一份執著係度^^ 呢個就係我, 做野都唔講道理既, 鑊鑊都係想點就點, 刁蠻任性至極, 之後同Qling &佢既同學去影貼紙相, 再去禮頓道既某法國餐廳同媽咪食飯, 然後就周圍睇下衫, 等阿ling三點半打電話俾我食tea, 不過後來係到四點我等唔落去打電話俾佢先知原來佢訓過頭, 之後我地約左係sogo門口等, 半年冇見發現阿ling 靚女左^^, 係Hello Kitty Cafe 坐, 係果度傾偈. 好舒服呀, 好開心, 有十年朋友啦, 其實有好多時候覺得同阿ling 既待人處事態度睇法都好唔一樣架, 特別係呢一兩年, 不過永遠我地都會係好朋友黎, 我知道一定會, 仲記得以前曾經金生(而家既金副校長)係我既一篇作文批過一句話未必會可以永遠都係朋友(當年係小學畢業前), 曾經為過呢句說話而不憤, 唔相信會有呢個可能性, 亦為過呢句說話感慨, 明白佢既可能性, 而今日我可以係度望轉頭為佢而會心微笑, 我可以好自豪咁話我做得到, 十年啦, 唔理咩事都好, 我相信呢段友誼永遠都唔會變, 因為經過咁多年都冇變到, 時間改變唔到佢, 咁多年, 我地都變左好多, 但係呢段友誼都冇變到, 試問仲有呢咩可以改變佢!! 我做硬佢仔女既契媽架啦^^ 一定會, 知道嗎? 呢種感覺好好架. 一個老朋友, 未必會夾, 但係果種不可動搖既地住冇人改變到.
曾經世界好簡單, 覺得可以分得出邊個最重要, 邊個冇咁重要, 可以排名次, 但係慢慢開始長大, 發現世界太複雜, 數字根本冇辦法去搞清楚呢d關係, 冇一個人係真正既最重要, 根本每一個好朋友對於我黎講都係咁重要, 冇話邊個可以代替邊個....... 冇左任何一個其實我都唔會係今日既我, 太多太多既最重要. 根本冇得分先後
番到屋企後, 好意外, 星星居然打過電話俾我, 心入面幾開心架, 不過亦都好清楚一定係有d咩事佢先會打電話過黎, 後來打番去問佢, 原來係叫我幫佢買部手機. 其實如果唔係要買手機, 呢幾日佢會唔會諗起我呢? 我諗...答案應該係否定...