PAUL ÉLUARD
(SAINT-DENIS 18.12.1895 + PARIS 18.11.1952)
Li ser dibistandefterên xwe
Li ser masa xwe ya xwendinê
Û daran
Li ser qûmê
Li ser berfê
Dinivîsim ez navê te
Li ser her pellên
Hatine xwendin
Li ser her pellên vala
Kevir xwîn
Kaxet an ariyê
Dinivîsim ez navê te
Li ser
Pîrozwêneyan
Li ser silehên şervanan
Li ser tacên qiralan
Dinivîsim ez navê te
Li ser cungilistanê (daristanê) û
Qûmistanê
Li ser hêlînan
Li ser melkesgîhayên zer
Li ser dengvedana zaroktiya xwe
Dinivîsim ez navê te
Li ser matkerên şevan
Li ser spînanê rojan
Li ser demên dergîstiyê
Dinivîsim ez navê te
Li ser her pîneyên xwe
Ezmanşîn
Li ser rokgola efnikî
Li ser heyvderyaya nû
Dinivîsim ez navê te
Li ser erdan
Li ser aso
Li ser baskên teyran
Û li ser aşê sîkan
Dinivîsim ez navê te
Li ser her bêhnekê ji yên
Şiveqê
Li ser derya
Li ser keştiyan
Li ser çiyayên dîn
Dinivîsim ez navê te
Li ser moosa(gîhakê) ewran
Li ser xwêdana bahozan
Li ser barana giran a kevintam
Dinivîsim navê te
Li ser formên çirisdar
Li ser ceresên rengan
Li ser rastiya laşane
Dinivîsim navê te
Li ser rêyên jiyandar
Li ser cadên berfirehvekirî
Li ser warên diserreçûyî
Dinivîsim ez navê te
Li ser çira vêdikeve
Li ser çira vedimire
Li ser xaniyên xwe ên yekbûyî
Dinivîsim ez navê te
Li ser fêkiyê nîvco yê neynikê
Û oda xwe
Li ser sedefa vala a textê xwe
Dinivîsim ez navê te
Li ser kûçikê xwe ê xure
Li ser kûçikê xwe ê cirxweş
Li ser guhên wî ên miçkirî
Li ser lingê wî ê şaşçûyî
Dinivîsim ez navê te
Li ser qevastindepê
Deriyê xwe
Li ser tiştên navmalî
Li ser pijiqandina agir
Dinivîsim ez navê te
Li ser her bedenê xwe diyarîdike
Li ser eniya hevalên xwe
Li ser her destê xwe dide
Dinivîsim ez navê te
Li ser pencera matmayinê
Li ser lêvên bendemayî
Bilind di ser bêdengiyê re
Dinivîsim ez navê te
Li ser revcihên xwe ên xerakirî
Li ser ruhnîstûnên xwe ên hatîxwarê
Li ser dîwarên êşa xwe
Dinivîsim navê te
Li ser serxweşiya bêdaxwaz
Li ser tenêtiya rût
Li ser rêwîtiyên mirinê
Dinivîsim ez navê te
Li ser rihetiya vegeriyayî
Li ser tirs û xetera windabûyî
Li ser hêviyê bê têbîranînê
Dinivîsim ez navê te
Û bi xurtiya gotinekê
Destpêdikim ez jiyana xwe nû
Ez çêbûme te nasbikim
Û te bibêjim
Azadiyê.
