十點幾起o左身~
沖下涼...
做下mask~
冇冇謂謂整完一大輪野~
到兩點幾...
就約o左媽咪o係中環行街~
簡直係出奇...
佢係因為冇麻雀打咋~~
哈哈~~
o係中環行o左陣~
我好乖咁...
只係買o左一件衫...
算少o架啦...
跟住...去o左銅鑼灣...
都唔明...銅鑼灣點解會咁多人~
人多~自然熱...
滴哂汗咁...v_v
好快買哂我o地需要o既野~
五點左右~
就返到屋企lu~
程程唔知幾點收工~
我o係屋企又無無聊聊~
唔知做咩好...
今晚...佢屋企做節...
要去佢屋企食飯仔~
結果~六點幾七點...
先出門口~
o係佢屋企樓下等佢先一齊上樓...
程程病病呀~
要買藥食~
too bad~
講真~佢好少會病o架~
今次佢都病...証明d菌真係好勁...
食完飯~
食o左藥...
佢個有就偶下偶下咁...
於是...我就睇少林足球vcd~
佢就訓覺啦~
大約睇完...十一點左右~
佢就送我返屋企lu~
唉...見到佢咁...
慘慘呢~~~v_v
要快d好返....知唔知~~
今朝返學...
好早就返到去~
少有呢...
不過...係有原因o既~
因為...我今朝為o左避我老豆~
費事佢見到..."哦"我又多隻貓嘛~
於是~~見佢落o左樓下買麵包o個時~
就即刻出門口~
點知...都中計...
唔知點解佢會等咁耐lift~
我一開門~
仲見到佢等緊lift~
oh~my god~~
算啦~
硬住頭皮上~
好彩...一行到佢身邊~
lift就到~
仲好彩o既係...部life有人~
哈哈~~
咁就唔洗驚lu~
照計佢都唔會當住咁多人話我o掛~
果然~佢真係一句野都冇講~
一出lift~
我就扮趕...砰砰聲上o左o架van仔度~
oh~真係一額汗呢~~
八點二就返到學校~
好彩買o左本monday睇咋~
坐o左兩三個字~
都未見有人返...
覺得有d唔對路~
即刻check下有去錯課室啦~
落去check~~
冇呀~冇坐錯...
跟住...達達就返黎lu~
上堂...
份功課唔多敢交~
因為過唔係幾到自己個關~
真係幾求其下嘛~
不過為o左問阿sir我咁樣做法岩唔岩~
結果都比o左阿sir睇~
點知...阿sir又buy喎~
哈哈~~
正~~
第二堂~
塑膠彩...又係李sir教~
so happy~
我o地今堂坐到好前呀~
坐哂o係第一二行~
之後睇阿sir示範~
阿sir真係好勁...
而下堂...我o地就要做返阿sir示範過o既野~
唉...依我估計~
我o地一定冇可能o係一堂完成...v_v
放學...同apple傾o左一d幾關切o既問題~
就係夾組做第時畢業作品o既問題~
同佢一路行~一路傾~
行到去銅鑼灣先搭車~
返到屋企~
訓覺...
"超超"好乖咁...
"伏"住我一齊訓...
雖然佢有d重...
訓到三點幾...
帶埋細隻囡囡同肥仔出去~
諗住睇貓狗鬥一番丫嘛~~ ^_^
約o左程程o係又一城等...
不過佢黎到o個時~
我已經等得好唔耐煩...
好多人排隊買飛~
真係多到有d誇張呢...
冇得睇戲...
於是o係又一城行...行...行...
o係log-on買o左隻草裙豬...
勁搞笑...
行到八點左右~...去返旺角~
諗住搵魚魚燈籠and豬豬氣搥~
不過兩樣都搵唔到~
估唔到成條女人街都搵唔到~
too bad~~
十一點左右~
就返到屋企lu~
聽日程程都要返工~
都唔知下午做咩好呢...
昨晚...有d搞笑...
發生o左一樣野...
真係覺得好邪...
程程昨晚四點鐘...
冇啦啦打電話比我~
因為個天仲黑...
我當時係冇睇到幾點...
我以為佢話比我聽有咩特別事唔洗返工~
例如紅雨, 黑雨....
點知...我問佢咩事~
佢就話..."係喎...哎呀...我傻o左...冇野啦"~
之後~就比我cut佢線~
作死呀~
天未光就打黎~
仲要話比我聽冇野~
今朝~問返佢昨晚做咩事~
佢話...佢應該係夢遊...
哈哈~~
笑死人咩~
我以為仔仔囡囡先會夢遊...
冇啦啦跳o左落床o者~
估唔到程程都會夢遊...
佢仲話...佢朝早起身~
發現個枕頭掉o左落地下tim呀~~ ^_^
其實~ 唔知佢係咪緊張得滯~
呢幾晚...佢都成日好累~
我就同佢講~同我傾電話就累~
打機打到幾夜都唔累...
你好同我傾電話傾到四點你先好訓....
唔知係咪咁...
所以佢就o係四點正打電話比我~
時間真係夾得好緊要o架~
0400~
冇多冇少~
以前呢~佢係冇開住手提訓o既習慣o架~
但佢假期成日訓到唔知醒~
我又費事打佢屋企~
叫佢屋企叫佢起身聽電話啦~
佢一熄電話~就會去o左留言...
咁我就叫佢以後要開電話訓~
我要隨時都要搵到佢...
哈哈~~
唔知佢以前係咪都有夢遊o既呢~
只不過係冇開電話~
所以先冇打到電話比我~
而宜家開o左電話...
所以就打到電話比我~~
先頭我諗...
如果係因為"hi"到hands free d制而打電話比我~
都唔奇...
但係佢話...
佢係打開電話個cover打電話比我o架~
嘻嘻~~咁就冇得賴啦~
哈哈~~
今日返工~
公司只係剩返我、阿森and denny~
工作氣氛有d緊張~
因為聽日要交功課~
所以...我同denny講~
話今日早少少收工~
結果~五點半左右就走lu~
拎埋denny屋企人d相去曬...
就返屋企~
做功課...
唉...其實唔多想做~
因為個心都唔係放o係功課上~
而係放o係"超超"上~
最終~格硬嘔o左一份功課出黎~
另外o個份~
算啦...下堂先啦~
哈哈~~
大約九點幾~
程程帶住"超超"黎到我屋企~
其實...本來程程係諗住聽日先拎比我o既~
因為費事比我屋企人見到~
又鬧我好叫佢買公仔比我丫嘛~
但我又衰~
心急到死~
所以...死都要程程即刻拎比我~
門鐘一響~
我就搶住開門~
拎o左"超超"入房...
再o係個膠袋度拎佢出黎~
^_^
嘩...好大隻呀~~
好開心~~
笑到不知幾開心~~~
心情相當興奮呢....
不過...如我所料咁...
我daddy mummy都話我哂錢~
話阿程又會陪我傻~
成日都買公仔比我~~v_v
咁佢都係錫我o者~
媽咪就"哦"o左我幾句~
之後...又要話"超超"得意~ 真係唔知好嬲定係好笑~
daddy本來入o左房...
跟住行o左一行出黎~
諗住鬧我~
不過又冇鬧到...行返入房...
氣氛有d危險...
算啦...
我真係好開心好開心呀~~ ^o^
程程陪o左我一陣先走~
佢話費事佢一走~
我就比人鬧喎...
而我...叫佢帶走"趴趴"返屋企~
冇位放佢~
何況~佢已經唔得寵呢~
哈哈~
happy happy~~~~~~~
未出糧tim~
要等過o左假期~
拎o左支票...
仲要等兩日先過到數~
搵手指黎交學費咩...
too bad~~
今朝程程做野o個度收唔到電話~
冇o係預定o既時間打電話黎叫醒我~
so~我遲o左起身~
搞到我成十點三...
先去到麥記join d同學食早餐~
我怕自己食唔切~
就話拎走食啦~
點知上到去~
見到佢o地都係岩岩開始食~
結果~我o係麥記食埋先走~
上堂...
又畫新野~
矛盾空間喎~
唔好話畫啦~
我o地連諗畫乜野~
o係種心情都好矛盾呢~~~
放o左學...追巴士返屋企~
返工~
同程程為o左d小事~
又搞到不愉快~
不過亦都當然好快冇事啦~
今日做野好快~
一陣就搞掂哂三套cd cover~
label 同埋rollar~
哈哈~
放o左工~
心情都幾好o既~
知程程七點半先收工~
我就"知知酒酒"咁搭巴士去銅鑼灣...
仲o係搭車之前~
走o左去買美心買包食...
嘻嘻~~肚餓嘛...
我大約七點四就去到銅鑼灣~
程程仲未黎到~
我就自己o係sogo度行~
又比我發現到...
生日熊o既第二代出o左~
勁多人圍住o係度搵~
好奇心驅使我又搵埋一份~
因為想睇下自己好唔好運...
搵到自己and程程o既生日熊嘛~
點知...唔洗五分鐘...
就比我搵到哂~
車~都唔好玩o既~
不過到最後冇買到~
因為...兩隻熊仔o既顏色好恐怖o架~
買o左返去~
咪又係放埋一邊...
另外~
亦都發現o左一樣好耐冇見過有得買o既野~
就係~吞拿魚罐頭加餅~
正呀~
買哂三款返屋企~
嗯~好令人懷念呢...
越行...心情越差...
知唔知點解丫~?!
程程成八點半先黎到...
真係激死我啦~~v_v
足足自己一條友o係sogo行o左成個鐘~
唉...
到程程黎o左...
佢條友真係好搞笑o架~
o係長沙灣...竟然唔搭地鐵黎~
反而搭巴士黎~
真係未塞過車咩~
佢知我等得唔耐煩~
就出o左隊道...
轉搭的士黎~
算佢好彩啦~
之後...去買酒...
支酒係程程買比我daddy飲o既~
中秋節送禮嘛~
而我就買o左盒日本糯米滋比佢屋企...
跟住...我o地去o左食麵~
哈哈~~落o左辣椒油~
辣到程程死下死下~
食完~再去大班買冰皮月餅~
買o左三盒~
我兩盒...程程自己要一盒~
今晚大約用o左半個鐘頭時間買野~
就已經一袋二袋~
好似瘋狂購物咁~
so happy呢~
拎住咁多野~
就返屋企lu~
今晚媽咪煲o左湯...
係一d好岩程程飲o既湯~
我就特登叫媽咪留o左碗比程程上黎飲~
又好難得地~
程程又鐘意飲~
哈哈~~
返到去~
我daddy果然係好開心~
加哂分啦~
^_^
聽日就見到"超超"啦~
(超超=超級無敵大隻囡囡)
好開心呢~~~~~
今日返全日工~
做好o左張poster~
send o左個稿比個客睇~
結果個客都好滿意~
於是就print張poster出黎lu~
唔知係咪d野真係上o左手~
做野o既速度好似快o左好多~
呢個係好現象黎o既~
^-^
基本上...今日都係冇咩特別~
幾悶下~
放o左工~
返屋企...
食飯睇電視...
唉...我都好似成個星期冇上網lu~
大家有冇掛住我呢~?
我有少少掛住你o地呀...
因為...好耐都冇同d friend o係icq度傾計...
就算呢排上網~
我都會好快走...
你o地多d o係guestbook留言比我啦~
哈哈~~
昨晚...十一點幾就訓~
越黎越早訓~
時間有d唔見洗tim~~v_v
昨晚...程程返到屋企~
同佢傾o左陣~
可以話...都冇事o既~
咁作下狀...朝早都要扭下計tim先得o既~
返學...
o係地鐵見到apple~
一齊行去大家樂食早餐~
上新堂~
又係佳sir~~
學校嚴重呃錢~
教到冇野好教~
竟然教corel photo paint~
冇病呀嘛~
有用o個d...例如dreamweaver, flash o個d~
又唔見佢上多幾堂...
宜家格硬塞d堂比我o地上~
真係唔掂~~ >_<
放o左學...
打電話比程程~
佢話...佢做野o個陣~
o係尖咀間city super見到超級無敵大隻囡囡~
即係白色最大o個隻~
好開心呀~~~
我自從開始鐘意呢隻jacob貓開始~
都係見過一次超級無敵大隻囡囡咋~
於是...我就同程程講~
話今晚去睇啦~
之後...我臨返工再打多次電話比佢~
佢同我講...
其實佢已經落o左訂...
超級無敵大隻囡囡已經係屬於我o架啦~
仲要係剩番一千零一隻咋~
哈哈~~~
好開心好開心~~ ^_^
不過...好貴呢~~
八百幾蚊o架喎~
放o左工~ o係尖咀mtr等程程~
首先去o左睇超級無敵大隻囡囡~
哈哈~我特登入去問個sales幾錢~
個sales話...
呢隻已經有人買o左o架啦~
佢唔知...原來...
擁有呢隻超級無敵大隻囡囡o既主人~
就係我呢.... ^_^
之後去元綠食壽司~
食完行返出黎~
見到一間好似kalm's o既物體~
入面有好多我鐘意o既baby hello kitty o個d野買o架~
d野仲好平tim o架~
結果~我買o左個bb枕頭~
粉紅色~
好靚o架~~
係諗住買黎迎接超級無敵大隻囡囡~
等佢有一返黎屋企就有枕頭訓~
不過返到屋企~
拆o左出黎~
比o左細隻囡囡訓~
哎唷~~好襯佢呀~~
可能佢細細隻~~頭o個個位岩岩好~
佢訓得好得意呀~~ ^_^
丫~係喎~
講返點解要廿八號先接超級無敵大隻囡囡返屋企呢~?
原因一•糧尾....
原因二•廿八號, 係我同程程拍拖十個月~
佢o個日先出世...先有紀念意義o架嘛~
哈哈~~
之後...我o地搭船船返中環~
再搭van仔返屋企~
...好想快d到廿八號呢...^_^
結果...我昨晚做到兩點幾先訓~
很累呢!! z_z
今朝返到公司~
發現昨晚所做o既野~
都係白做...
因為stephen部notebook係裝photoshop6 o架~
而公司部機係裝5.5~
所以...搞到d字...全部都變o左layer~
改唔到~
結果都係要做過~
唉...
拿拿臨...十二點幾出o左個稿~
stephen拎比客睇~
搞到差唔多放工~
先至做改好哂~
因為要趕住廿八號...
出好哂一萬張交比新光~
所以唔o係今日交個稿比佢o地~
就趕唔切印o架啦...
雖然係咁...
但係我都大約六點九左右收工~
下午o個陣~
我叫程程放工接我~
跟住返屋企食飯~
所以...佢六點半就黎到公司樓下啦~
返到屋企~
見到阿哥o係度執房~
嘩...佢終於都執房啦~
平時入佢間電腦房...真係好危險~
因為好多野~
如果一不小心~就會整跌d野~
成楝"霖"哂落黎就大件事lu~
宜家執到好整齊~
仲整齊過我~
我見佢都的起心肝執~
我都唔輸蝕~
食完飯之後~
叫埋程程幫我手一齊執~
執o左一堆我平時睇完...都唔會再睇o既雜誌~
同埋一d廢紙~報紙出黎掉哂佢~~
哈哈~~又再整齊o左d~
so happy 呢~~
其實話就話程程幫手~
但佢執o左一陣~
又話累~ 訓o左o係度~
後來更加執好埋張床比佢訓~
我見佢訓到死哂咁...
就幫佢做facial~
做哂磨沙o個d~~
搞掂好哂~撲埋收縮水~
好滑滑呢~~
成日見佢上黎~
都訓覺~
真係唔係幾開心~
佢累~我明~
但係...既然佢o係見我o既時候~
都成日掛住訓~
咁不如唔好見我~
返屋企訓好過啦~
而今晚~亦因為佢訓覺~
令到我嬲佢~
佢走o個時~
我都冇送佢出門口~~
哼!!
今次~真係整到我好嬲~
有分手o既危機~
唉...好唔開心呢..............>_<"
體諒...
我明白~
但我漸漸發現...
佢變o左...
以前佢都唔會咁鐘意成日訓覺o既~
你累...我都累o架~
點解我o係你面前唔會訓丫~
如果係有心陪我~
幾累...你都會挨得住o架....
今朝...程程話個鬧鐘壞o左~
所以佢比預期遲o左少少起身~
好彩...佢又真係遲少少o者~
如果唔係...就....v_v
由於我要做公司d野~
所以起碼做一陣...先出得去玩~
下午...我o地行落去中環...
一邊行~都見到好多街邊小食~
係咁食...食...食...
又食到好飽lu~
之後...我o地搭電車去銅鑼灣~
架電車都幾多人~
其中有兩個賓賓...
企o係我o地側邊勁大聲講野~
我就好細聲咁講"keep quiet"...
諗住駁佢聲到~
等佢o地自動收聲~
不過...佢o地顯然聽唔到~
照樣o係度嘈...
結果...程程好大力咁拍o左塊板一下~
佢o地先收聲...
哈哈~~
去到銅鑼灣...
真係差d落唔到車~
迫到死下死下~~ v_v
去o左宜家傢俬~
拎o左佢o地新一年o既catalogue~
基本上~年年都有拎開黎儲~
內容亦都大同小異~
出返黎o個陣~
唔係買o左d家庭用品or傢俬~
反而係買o左隻玩具老鼠比大趴妹玩~ ^_^
嘻嘻~~佢好似大趴妹咁肥o架~
襯哂佢啦~哈哈哈~
跟住...去皇室堡行~
全個銅鑼灣...好似只係得皇室有tcby食~
咁當然~~就要去買杯軟雪糕食下啦~
(又食!!!)
行hmv~ 見到有隻黎明o既k碟物體~
有愛比我重要o既mtv~
嘻嘻~~一定要買啦~
不過...都係過多幾日先...
糧尾嘛!
又見到903商台出o既乞嚏爸爸cd~
好想買呢...
之後~ 行過super sandwish~
見到有好似kfc o既旋風卷物體~
於是又口痕...入o左去食~
食完...行多一陣~
就去o左green box唱k~
唱到中途...因為一d小事~
我勁o係度喊~
喊到勁樣衰~~
真係醜死鬼囉~
原來...星期日唱k都幾抵~
任唱唔嬲~
由七點左右唱到十點半~
都係百三蚊左右~
so happy 呢~
返到屋企~
十一點幾左右~
唔好以為可以訓覺休息~
我仲要做野呀~~v_v
唔知做到幾時先做完呢~
今朝返學...
上第一堂~
冇咩特別~
因為...幾乎冇人交佢d功課咁滯~
莫sir真係慘啦~
到上第二堂~
我同apple閃o左...
一來幾累~
二來要返公司~
費事趕頭趕命啦~
返到屋企~
訓o左陣~
就起身試下stephen部notebook~
睇下work唔work~
如果唔work o既話...
我可以返公司順便問埋佢丫嘛~
不過試o左之後~
發現冇咩問題~
咁到十二點幾~
就返去公司lu~
今日五男...得我一個女仔去食飯~
老闆denny話...今餐當係做節喎~
而denny原來都幾念舊o架喎~
其中有兩個~
係d舊同事黎o架~
佢都叫埋佢o地一齊去食飯~
又幾好咁喎~
食到三點幾先走~
程程提議去荃灣~
咁我就搭東涌線去啦~
o係步行去月台o既路程中...
我見到一個人o既背影~
有d似我舊男朋友...
佢身邊拖住個女仔~
雖然我唔make sure o個個係佢~
但我...我都以我最快o既速度行過佢o既身邊~
費事啦...
程程o係荔景等我~
先再一齊去荃灣~
周圍行黎行去~
到六點鐘左右~
我o地就去o左食齋自助餐~
兩個人食o左九碟已經飽到食唔落~
其中有兩個..仲要係湯黎o架啦~
咁快就食飽...有d唔抵tim~~v_v
哈哈~~
之後~
去o左千色店o既物體度行~
買o左兩個大班冰皮迷你咖啡味o既月餅食~
即席拆o左個黎食~
so 好味呢!!^_^
見時間仲早~
就搭返車去旺角~
行潮流特區o個陣~
見到肥仔出o左新產品~
so happy呢~
分別有手袋and紙巾盒套~
我只係買o左個手袋~
哈哈~~真係好得意o架~
我仲即刻有新唔要舊~
本來咩住o既袋都唔咩~
咩住個新袋~
^_^
另外~仲買o左兩條電話繩~
條電話繩有我同程程個名o架~
佢就掛住我個"妍"字~
我就掛住佢個"程"字~~
到咁上下~
就搭車車返去中環~
再行自動電梯返屋企~
十一點幾就返到去lu~
今日d時間過得幾快~
聽朝程程教o左鬧鐘~
照計唔會好似上個星期咁...
咁晏先黎到~
佢仲應承買早餐比我食tim o架~
嘻嘻~~
今朝返工~
同denny傾下返工o既時間問題~
結果...佢比我彈性放工時間~
只要我做咩d野~
就可以走~~ ^_^
真開心呢~~
聽日有兩份功課要交~
原本諗住快手d做埋d野~
就可以早d收工~
返屋企做功課~
但結果~
都係好似平時咁...
六點幾先收工~
因為無啦啦新光酒樓有d野要趕住下星期一交~
咁我聽日唔洗返工~
只係返去飲茶咋嘛~
如果星期一先返去做~
就一定做唔切~
而我部機又冇得燒碟~
咁stephen就唯有借佢部notebook比我返屋企做野~
d file就唔洗抄黎抄去啦~~
不過諗深一層...
我拎部電腦返去~
咁即係話...
我星期日咪要做野~
分分鐘冇得玩囉~
oh~~too bad~
不過唔拎o左拎o左返黎~
咁唯有頂硬上啦~~ v_v
下午拎d相去哂o個陣~
我又有一樣著數野~
就係前排換唔到o既麥兜袋~
o係間相舖度~
比我見到放o左o係張chair度~
我就問個姐姐仔~
買比我得唔得啦~
點知佢話...你拎去啦~
我話...比返錢你啦~
佢話...唔洗啦~
就係咁...我就得到我想得到好耐o既麥兜袋lu~
前排...要買菲林先有得換~
仲要一早就已經比人換哂~
宜家過o左咁耐~
竟然比我搵到~
so happy 呢~!!
其實今日返工之前~
我對廣告設計o既功課有d頭緒~
於是就去買我需要o既產品...
諗住返去公司影相...
再套用落份功課度~
連kenny都幫我手影...
但係~
返到屋企~
宜家起岩岩做好份海報...
而廣告o個份就冇做過...
收集哂d同學o既資料~
佢o地都唔做~
so~我都唔做住lu~
橫掂都係第二堂o者~
莫sir比我o地遲交o既~
而海報o個份就冇得遲交~
聽日已經係最後一堂啦嘛~
哈哈~~
終於都挨完啦~
開心死~~嘻嘻~~
丫~係時間去買月餅送比阿程d屋企人~
我計過啦~
以我宜家o既人工~
我係足夠搞掂自己o既洗費~
希望下個月開始~
我靠哂自己~
唔洗靠其他人啦~
條hands-free唔知搞咩~
好似壞o左咁...
激死我啦~~
又會咁化學o既~~
宜家太習慣早起身啦~
朝朝七點幾就會醒一醒~
咁今朝七點幾醒o左一次~
個衰手提電話又o係八點幾叫~
冇電嘛~~激死~
到八點十~我媽咪又拍門叫我起身~
話..."八點十啦~好起身返工啦~"
跟住我答"又唔係九點十~得啦~唔好嘈~"
到九點...程程打黎叫我起身~
不過...我都訓多兩個字先起身~
嘻嘻~~
遲o左起身~
當然會遲出門口啦~
去到麥記...都趕唔切食早餐~
所以就去麵包舖買包食啦~
上堂...
心情愉快~都幾努力咁畫畫~
放o左學...
諗住行過去銅鑼灣搞d野~
不過最尾冇搞到~
之後諗住搭23a返工啦~
點知...見到有架23號...
但係...諗住搭23a可以直接返公司~
所以就冇上到車啦~
過o左一陣~
23a仲未黎~
第二架23已經黎o左~
so~~是鬼但啦~
上就上啦~
結果搞到成一點四先返屋企附近~
再行落公司~
時間唔容許我食野~
咁我就o係許留山買o左杯芒果西米露食就算lu~
返到去~
有相哂~
哈哈~我最鐘意落去哂相o架啦~
^_^
因為d時間會過得快d丫嘛~
上返去公司~
做o左陣野~
就開始同部電腦搏鬥啦~
因為d電腦...中哂毒~
係咁殺呀殺~
終於...都冇事lu~~
我見公司d電腦中毒中得咁利害~
都有d驚屋企部腦有事~
咁就問stephen借o左隻norton返去裝啦~
你知啦~
我部腦宜家唔可以有事o架~
因為...v_v
同阿哥o既關係唔多明朗~
一陣部腦有咩事~
我都唔知好唔好開口叫佢幫我~~
昨日下午...濤濤打長途電話比我~
有d意外~
不過好開心~^_^
糧尾...有d危機~
唔知挨唔挨到落去呢...
今日返工~
基本上都冇哂特別野做...
都幾悶下~
放工~
程程黎接我~
咁因為阿森臨尾教我software~
所以到六點九左右...
我先落到去...
佢收早...
又大把時間剩...
於是...佢又去打機啦~
今晚...食o左d好難食o既海參~
我都唔明我daddy mummy點解會鐘意食o架~~v_v
食完飯...
食o左d好酸o既提子~ v_v
都唔好食o既~
上次o個d好食好多~~~
休息o左陣~
我同程程就出o左去~
到十一點左右~
先返屋企~
今日denny冇啦啦話星期六去飲茶~
叫我星期六o個日返去喎~
即係...我o個日放o左學~
又要拿拿臨返公司lu~~~
原來呢~~
我隻大趴妹好似加德利奧o架~
呢幾晚...
因為d哥哥姐姐成日笑佢~
搞到佢好唔開心~
一早就訓覺覺lu~~
大趴妹...你乖乖呀下~
佢o地笑你o者~
我唔會笑你o架~
我最多偷笑o者~
嘻嘻~~
一下子~
身邊最親近o既人...
都話我要對程程好d~
我已經幾日冇on過line~
咁我今晚開icq o個陣~
又收到人send message話我~
我極之唔開心~
唉...
食飯...我daddy mummy又話我~
跟住mummy又轉述阿哥o既說話~
佢話阿哥好唔鐘意我咁對阿程喎~
其實有d野~
我心知肚明啦...
佢係一個點樣o既人~
要用d咩方法黎對佢~
我最清楚~
大家只係睇到我對佢惡~
就睇唔到我對佢好~
咁樣話我~
唔係咁公平~
工作很難挨...
阿森下個月十五號就辭職不做了.
餘下來的東西,
會是誰做呢?
對內的人...只是餘下我一個人而已~
對外的人...還有kenny和stephen,
另外老闆denny.
一間由六人公司...
本來已經很少人的公司...
轉化成將來的四人公司...
還有什麼能力去維持呢~?
我見到這個情形~
我也不想做下去~
昨晚在吃飯的時候~
跟家人吐苦水~
但得來的結果是...
今朝媽咪入來我房跟我說...
"我同daddy商量過了...
你還是做住先吧~
宜家搵食艱難~
做多點...咪當學多d野囉~"
她都這樣說了~
我還有什麼好講...
但我實在好唔開心呀~
我想做邊一類型o既野~
佢o地都唔知...
對冇興趣o既工作...
就算點樣...我都只係會用"挨"字黎形容~
與其係咁...
點解我唔出去做sales o者~
人工或者仲會好好多tim~
起碼~ot都有錢丫~
不過咁樣做~
會冇o左我做野o既原則~
就係...
我一直認為...工作唔係為o左錢...
唉...或者我變o左...
大個o左...明白到...
呢d就係所謂o既"生活"~
而我更發現...我一d都唔適合生活~
今朝返工之前~
媽咪冇啦啦同我講~
話阿程比o左d card我保管~
叫我小心d放好...
點知就係咁...
比佢提一提...
我就即刻諗起...
我好耐都冇見過d card出現~
於是就搵啦~
但搵唔到~~
咁我趕住返工~
所以唯有等放工先再搵過啦~~ v_v
返工...
冇阿哲o係度~
好似悶o左好多~
d時間相當難挨...
點鬆d~
我就返o左daddy舖頭食飯~
食o左半個鐘多d~
就返公司繼續做野lu~
今日o既效率其實都幾高...
做起明愛比我o地做o既戲劇創作比賽o既vcd~
又開始做瞿靖霖小朋友o既vcd~
哈哈~~
程程收早~
咁我又提議佢黎搵我啦~
佢準時六點半o係我公司樓下等我~
一落到去~
佢就拎住枝我好鐘意o既雪條等我~
之後...我諗起鏞記d燒鵝...
於是同程程買返去加食送~
程程收兩點...
佢去o左中環間California做gym等我~
做到咁上下~
佢去o左打機~
好大頭蝦地...
佢唔記得拎返袋衫~
漏o左o係機舖~
好彩我提一提佢...
我見佢冇野拎~
就問佢d衫o係邊~
佢先即刻走返去機舖拎咋~~
返到屋企食完飯...
我o地o係度搵card~
最終...我竟然o係個櫃桶搵返~
激死我~
因為我一開始就搵過個櫃桶~
但係眼大睇過龍~
睇佢唔到~睇佢唔到~
唉...
搵返即刻安樂哂~yeah~~
宜家放o左o係一個好好o既地方度~
應該唔會再唔見o架啦~
哈哈~~
今日...十點幾起o左身~
打電話比程程啦~
佢竟然未起身~~v_v
到成點鐘~
佢先醒~
激死我啦~
等我仲以為佢會好早過到黎tim~
佢話...佢昨晚訓唔著...
成四點幾先訓喎~
仲要係打機打到四點幾o個隻~
so unhappy呢~~>_<"
佢咁遲起身~
佢媽咪就煮埋佢晏晝飯啦~
所以就要食埋成兩點幾先過到黎~~
佢黎到~
我當然嬲啦~
我仲諗住等埋佢一齊先食野o架嘛~
搞到佢黎到~
我先開始食擺o左o係檯好耐o既所謂"早餐"~
到三點幾...
我o地去o左銅鑼灣o個間California做gym~
我第一次去做gym~
程程教我點樣做啦...
一開始...就跑o左半粒鐘...
消耗o左100個卡路里咋~~ v_v
跑得咁辛苦...
先消耗一餅薯餅都唔夠~
都係唔好食咁多野啦~~~
>_<"
做完gym~張腳同對手都好累...
不過幾好玩~
之後...我o地去o左G.O.D睇~
d傢俬好靚呀~~ ^_^
d sofa 好正~~
嘻嘻~~
跟住...有d口渴~
去7仔買野飲~
點知出到黎~
又買o左包雪糕味o既桃哈多食~
唉~~o個頭話唔好食咁多~
o個頭就食零食~
too bad~~ v_v
六點左右~
就返去我屋企食飯lu~
食完...
程程幫我執房...
一邊執...程程都話比我激死~
d野亂哂大龍~
d cd見盒不見碟...
一係一個盒有兩隻cd~
一係有d個封套本書唔知去邊~
搵o左一大輪~先搵得返出黎~~
哈哈~~
執好o左一部分~
已經整齊o左好多啦~~ ^_^
大約十一點左右~
程程就走lu~
佢因為太累啦~
所以佢搭車返屋企o個時~
訓著o左~
搭到去總站~
笑鬼死我~~
聽日...又要返工lu~
放假o既日子~
真係過得快啦~~
今朝返學...
冇咩特別...
總括可以用一個字黎形容...
"悶"~
上廣告設計...老莫都冇咩野~
都ok~ 冇問題~
但上海報...
阿sir又發脾氣...
都唔知做咩心火咁盛...
成日話我o地嘈...
好搞笑地...
佢話我o地咁嘈...
有兩個原因~
不過我只係記得一個~
就係...個阿sir一係冇料到~
你o地先會咁嘈~
由於呢個point佢中o左~
所以我都唔記得o左唔中point o個個~
阿sir~
你擺明無料到~
我o地先咁嘈啦~
你out o左啦...
唔好成日批評我o地d功課唔掂啦~
得閒睇多d野~
我諗會對你有幫助o既~
佢又臨尾先講功課比我o地聽~
搞到好遲先落堂~
我約o左athena一點o個sogo等~
差d遲到咁滯~
不過去到~
athena都仲未到~
咁我就行o左入去sogo等佢啦~
o係呢個時候~
我見到d中學同學~
大家都知對方係乜水~
但就冇打招呼囉~
仲有...我見到翁慧德...
比我想像中~佢原來係矮好多o架~
同athena join埋一齊~
走o左去食野~
食完野~
一邊行~一邊傾計~~
哈哈~
大約到兩點幾~
我就走lu~
因為要返屋企放低d野嘛~
返到去~
太眼訓~
頂唔順...訓覺~
訓到三點幾~
以為程程有排先黎到~
所以佢打完電話比我~
話比我聽佢收工之後~
我就再訓...
點知過o左一陣~
佢就黎到~
到五點幾六點...
我o地先去街~
過o左去尖咀睇"又搞乜鬼奪命雜作"~
本來都睇得幾開心o既~
扮"驅魔人"o個度~
笑到死...
不過到中段...
當程程接到屋企打黎o既電話之後~
我就唔開心lu~
擔心到...覺得套戲即刻唔好睇~
v_v
睇完戲...
就返屋企lu~
程程冇即刻走...
坐o左陣...
到十一點幾先捨得返去...
唉...唔知佢返到去...
會點呢~?
好擔心呀~~>_<"
今日我起身o個時~
喉嚨幾痛...
周身唔舒服咁...
所以我就冇返工~
打電話比阿哲...
叫佢幫我請假啦...
我係照平時咁...起o左身~
八點半左右就醒...
都冇再訓lu~
跟住就做功課...
係咁做...做到十一點幾先做完~
份海報功課~
我係做紅十字會~
"為美國災難者出一分力~
你們毫不費力~"
呢句標語...係我自己諗o架~
覺得都幾順口~
但係我相信...阿sir就未必會鐘意啦~
唉...
之後先再訓覺...
無無聊聊...搞下呢樣~
搞下o個樣...睇下書~
到四點幾...就換衫出街lu~
由於程程放早~
所以就可以黎陪我啦~ ^-^
我o地去灣行行o左一陣~
買o左d翻版game返黎玩~
有隻千萬富翁幾好玩o架~~
咁當然...最好玩o既...
緊係奶娃大戰啦~
唔玩~?!
簡直係你o既損失~~
o係檀島食o左個酥皮蛋撻~
熱辣辣~正呀~
返到屋企~
食完飯...
再食提子~
d提子~~好鬼得意~
又係微型版咁~
cute到死~~~ ^o^
之後就睇電視...
封神榜大結局嘛~
仲有一筆out消~
哈哈~
到十點幾...程程先走~
今晚好搞笑呀~
我搵o左把軟尺出黎~
度d三圍呀~手臂呀~ 頸呀o既尺寸~
出到黎o既數字~
勁搞笑...
約o左athena聽日去食lunch~
話好o左今晚再約...
正當我"禁"電話o既電話簿搵佢個number出黎~
佢就打電話比我~
哈哈~~真係心有靈犀啦~~ ^_^
今日冇啦啦放o左日假...
好輕鬆自在呀~
呢d日子...真係好令人懷念...
除o左星期六日...
唔知到幾時~
我先會再有平日o既假放呢~~?
今日係輝輝老爺生日~
嘻嘻~
生日happy happy~
希望你快d追到四月...
係咁多~
昨晚十二點差唔多一點先訓~
累累呢~~
今朝起身~
程程叫醒我o個陣~
話佢今日o係我公司附近做野~
所以佢叫我快d搞掂...
一齊食早餐~
我以最快o既速度~
九點左右就落到去~
有佢o係度~
食o左好多野~~v_v
飽飽...
係佢先迫到我食咁多野o架咋~~
食完...佢送我返公司~
佢條友仔~
cheap到死~
我前排加昨日炸佢形唔送/接我返工/放工~
佢今日送完我...
同我講...
拿~~一齊食早餐...仲送埋你返工...
唔好話我冇送你啦~~
哼...咁係叫順便...
都唔係特登...
冇良心o架~~v_v
等我仲做o左咁多次白痴...
去接你放工~~
返到公司...做...做...做...
部電腦慢到死下死下咁...
搞到我十點幾先做完~
仲返咩鬼學丫~~v_v
等我仲帶埋d筆同稿...
唉...
最邪惡係...個老闆同我講~
唔好意思喎~ 搞到你今日咪返唔到學囉~~?!
我答"唔緊要啦..."
車~~咁我緊係答唔緊要o架啦~
唔通話緊要咩~~~~
我個心諗...我昨日有醫生假一天...
我返o左半晝~
應該有半日假放番先岩~
我今日原本返晏~
我又返足成日~
佢係咪計返我多d人工先~
不過睇佢個勢...
都唔會o架啦~~
下午o個陣~
程程打黎~
話佢部電話冇電~
話比我聽我未必搵到佢~
於是...我就話比舊電佢~
o係公司樓下等啦~
拎完~ 佢繼續做野~
我又繼續做野lu~~v_v
公司入面~有一個好討厭o既人~
成日得把口~
最鐘意o係最忙o既時間煩住哂~
猛o係度講張poster d size呢樣唔岩~
o個樣唔岩~
真係好想叫佢收聲...
咁勁自己做啦~~~
好辛苦~ 挨到放工...
返到屋企...
媽咪比o左條墨魚電話繩比我~
係佢個friend o個日黎屋企~
見到我張床咁多公仔~
知我鐘意公仔...
就送比我啦~
係軟綿綿o既質地黎o架~ ^-^
嘻嘻~~決定比o左趴地囡囡玩~
開心死佢o者~~
今日...阿森回歸啦~
見到佢識講笑...
都好o既...
最怕見到佢唔聲唔聲o既樣~
都唔知對佢講咩好~~ v_v 宜家咁咪好囉~~ ^-^
哎呀~~好耐冇試過咁霉...
銀包得番廿蚊...
聽日唔禁錢...
真係飯都唔洗食lu~~
哈哈~~
昨晚發燒...
今朝一早去o左睇醫生...
唉...
醫生本來比o左病假我~
但係當我諗到公司d野我唔做~
冇人識做之後~
就決定返去做埋d野先返屋企休息~
點知一做就做到二點幾先走~
點幾鐘...
打比程程~
知道佢約o左人~
唔開心~~v_v
佢今日放假o架嘛~
我又病...
都唔黎陪我~
兩點幾同我講...話一陣黎~
結果我四點幾打比佢~
要出動"你半個鐘頭內黎唔到~就以後都唔好黎~"
佢先飛的黎~
哼~~
激死我啦~
我訓o係床度~
諗住訓覺休息o架嘛~
搞到我訓唔著...
諗諗下野~ 又喊起上黎~
到喊o左出黎~
我又迫自己唔好諗...
真係百感交雜...
v_v
佢五點幾黎到~
比我勁鬧佢~
雖然覺得自己係過份~
連媽咪都睇唔過眼~
但係...佢明知我會唔開心o架啦~
哼~
五點幾...
公司冇啦啦打電話黎~
話我今朝做好o左o既poster出o左問題~
搞唔掂...
聽佢d口吻...當然係想我盡快搞掂佢o架啦~
所以...我話好o左聽朝返公司...
唉...做錯野~
真黑仔~~v_v
七點左右~
o係屋企食完飯...
同程程一齊搭車車去紅館~
搭103...
o係灣仔見到塞車咁o既形勢~
於是就落車搭地鐵去尖咀~
再行去紅館~
哎呀~入到去搵位...
搵錯兩次~
勁"囉"~~@_@
sammi o既演唱會~
嘻嘻~~
好睇呀~~ ^-^
d水晶真係好靚...
播番拍戲o個d ng鏡頭...好鬼抵死搞笑~ ^0^
喜賓係梁漢文...
不過在場o既人都係叫"安仔"o既多~
咁樣...真係幾hurt梁漢文o架喎~~
佢自彈自唱o左一首歌~
都幾好聽...
另外lmf又係好好玩~
唱廣告歌好正呢~~
買o左兩枝識閃燈o既物體~
好耐都冇玩過d咁o既野啦~
哈哈~
睇完演唱會返去...
比細隻囡囡玩... ^-^
體力真係有d不支...
唉...聽朝又要返工~
無奈條路係自己揀...
所以...唯有頂硬上啦~~
大災難...
美國世貿中心被炸...
...點解會發生d咁o既事...
世界和平...
存在不~?
O~~今日上網睇jovi爸b個網頁~
先知道佢昨日生日~
sorry呀~
我真係冇心肝啦~
宜家補番句生日快樂比你~
希望你快d搵個媽媽比我~
整芒果布丁比我食啦~~ ^-^
今朝起身~
feel到喉嚨有d痛~
叫住自己唔好食熱氣野o架啦~
但下午返去同阿哲食飯o個時~
始終都忍唔住食o左d熱氣野~
too bad~~ v_v
今日返到公司...
主要都係做新光酒樓o既poster~
改o左好多次~
終於個客話ok~
聽日就可以output出黎lu~~ ^-^
丫~~返學上堂o個陣~
佳sir差唔多同我o地傾o左半堂計咁岩~
知道好多野~
對畢業功課又認識多d~~
放工返屋企~
走去拎相~
d相係用黎整輝輝老爺o既生日card o既~
哈哈~~
另外...仲買o左條"咕時"o既毛巾and盒~
so happy呢~~
好得意o架~~
今晚...有蟹食~
好唔小心咁...
比d蟹殼整親手指~~ v_v
痛痛呀~~
頭有d痛~
食o左兩粒特效必利痛~
千奇唔好病住呀~
點都要頂埋聽日~
因為聽日睇sammi嘛~~ ^-^
如果係安仔做喜賓就好lu~~
輝輝老爺張card仲未搞掂~
寫住咁多先啦~
哈哈~~
今朝起身~
少有地...冇沖涼~
懶~~想訓多陣嘛~
哈哈~
返到公司~
勁多野做~
問題多野做唔緊要~
最煩o既係~
stephen猛o係度比意見~
又話呢樣又話o個樣~
咁勁~
你又唔做~~
阿哲因為要搞入學手續~
所以下午先返...
佢點幾打電話比我~
叫我去食飯~
同埋佢兩個friend一齊食~
食完~先返公司~~
今日走o左好多轉拎d相去哂~
好多人黎照加拿大証件相~
哈哈~~
其中~有個靚仔黎影~
真係開心~~ ^-^
今晚~~食o左個好大o既芒果~
好味道~
之後再沖個芒果浴...
由入面甜到出面~
好正呢~~!!
阿哲個friend, ive收o左佢讀design~
我終於都明白...
點解我入唔到ive~
就係因為我中五冇考art~
所以死都唔收我~
計成績....真係一定會收我~
唯讀是我輸蝕在冇讀過art~
唉...呢個世界真係唔公平~
其實唔係我想睇得開~
而係...我冇得揀...
迫住要睇化咋...v_v
昨晚...o係程程度拎o左一疊cd返黎聽~
好耐冇聽過"濃情化不開"~
首歌...好似冇以前咁好聽~
但係個廣告我仲記得~
o個種情懷...o係我個心入面~
仲係好深刻~
不過...隻碟好搞笑~
花o左...跳線喎~
哈哈~~~
今朝...七點半就要起身lu~
八點九左右~
就已經到o左火車站等程程佢o地~
我o地兩個...著o左昨日買o既tee~
情侶tee~~
哈哈~~
睇番本回鄉証...
上次踏足深圳...
原來已經係九八年o既事lu~
天氣好熱呀~
曬得好利害呢~~
食晏o個時~
去旋轉o既酒樓食野~
要轉兩次lift先上到去~
連鄧伯伯都去過o個度食野o架~
o個度d排場就勁囉~
一出lift門~
就有幾廿個人左右~
好齊咁講"歡迎光臨"~
真係比佢o地嚇親...
不過好令人欣賞o既~
係佢o地o既服務態度~
比起香港o個d~
真係好好多~
d人做野好快手~
一食完d野~即刻收o左去~
一冇茶...就會去"針"~
又幫我o地倒埋茶...
so good~~
基本上...今日食o左好多餐~
又或者飲o左好多野~
五點幾...
臨走之前~
坐低o左飲野抖下~
叫o左d薯條食~
嘩~~以為唔會有好多啦~
點知...係有好多o架~~
用o左個籃仔黎裝住~~
都幾好味~~ ^-^
六點幾...就返到香港lu~
幫阿哥買o左一條煙~
之後...返o左程程屋企...
食晚飯o個陣~
電話響...
阿哲打黎...
佢話ive第二個round出o左結果~
問我睇o左未喎~
ive收o左佢想讀o個科...
如佢所願~ ^-^
happy happy~~
跟住...我就即刻睇啦~
唉...答案又係冇~
算啦~心淡lu~
唔諗啦~~
之後...夜晚玩"奶娃大戰"~
即係o係機舖o個個bb game~~
哈哈~~勁好玩~
一路玩~一路叫~一路笑~
好鬼死興奮~~
十一點幾~
返到屋企~
daddy mummy都未返~
佢o地去飲阿婆阿公生日o個餐嘛~
我例牌唔去o架啦~
哈哈~~
到佢o地返到黎~
帶o左d壽包返黎~
好味~~ ^-^
死囉~~
今日真係食o左好多野tim~~
肥~肥~肥~~
too bad~~~v_v
今朝返學...
幾精神...
去灣仔美心買包食~
但係...個包食唔飽人~
反而買o個枝維他蘋果綠茶就幾好飲~
d蘋果味比綠茶味重~
岩哂我唔鐘意飲綠茶...
但鐘意飲蘋果綠茶o既人~
哈哈~~
星期六~賣旗日~
我當然義不容辭咁買啦~
個個星期都拎定錢出黎~
就算人o地唔行埋黎叫我買~
我都自動自覺走埋去~
我講咁多~
唔係為o左讚我自己~
而係...我今日好搞笑咁~
買o左兩次旗...
o係灣仔地鐵站...
我買o左一次~
o係天后落車~
發現...噫~~枝旗唔見o左o既~~?!
於是~又買多次~
哈哈~~
可能我著o左風褸...
枝旗"痴"唔穩啦~~
上新堂...又係老莫...
之前已經上過佢堂o架啦~
教書刊設計~
教得都幾好o既~
但係呢...之後o個堂係上海報設計~
咁樣o既配搭...就唔係咁好lu~
因為兩堂都要做電腦上o既功課~
會好麻煩~
兩樣野咁鬼死似~
好易"撈亂"o架嘛~~
anyway~
宜家o既心願...
只係希望快d上完海報就好lu~
今日上盧sir堂~
佢條友超煩~
又話准人o地傾計...
只要唔騷擾到佢就得~
但係又唔准人o地睇書~
冇啦啦話我o地幾個睇書~
佢都傻o架~~
放o左學~
返屋企~
諗住訓下覺~
不過...阿媽o係屋企打麻雀~
too bad~~
返到去~
有一隻麻雀腳未黎~
佢竟然叫我打住先~
哈哈~~打o左一舖~
o個個人就黎o左lu~
咁究竟我呢舖輸定贏呢~~?
答案係...冇輸冇贏~
哈哈~~
因為"摸王"嘛~~
冇人食得出~
very good~~~ ^-^
之後...佢o地打麻雀~
我都照訓~~
訓到成兩點九先起身~
跟住落去金鐘買定飛睇戲~
再o係旺角等程程~~
行街街~
買o左條鏈鏈、衫衫同褲褲~
開心開心~~
^_^
原本呢~
係諗住買野比輝輝老爺生日o既~
不過揀唔到~
最後...只係買得張card~
哈哈~
張card好搞笑o架~
係個座廁黎o架~
嘻嘻~~
到咁上下~
我o地就去金鐘睇獸身戇男~
好好笑呢~~
ua d位又好坐~
d爆谷又好食~
真係抵佢成七十五蚊張飛o既~
我呢~~平時同程程有儲開飛仔o既習慣~
好唔小心地...
比人"meet"飛o個陣~
"meet"爛o左~~v_v
平時呢~係程程比人"meet"飛o架~
我好似同佢睇咁多次戲...
冇次係我比人"meet"飛...
今次一係我比人"meet"飛~
就中計~
"meet"爛o左~
so unhappy呢~~
但係張飛我比o左程程keep~
自己keep張完整o既~
哈哈~~~
睇完戲...
就返屋企lu~
因為聽日要去深圳玩嘛~
第一次同程程去香港以外o既地方~
好開心呢~~~ ^-^
今朝...公司又係只係得我同阿哲o係度~
哈哈~~
o係冇其他人o係度o既情況下~
做野都輕鬆d~~
yeah~~ ^-^
今日...又落好大雨...
成日係咁...
真係有d悶~~
出親街都濕哂~
so poor~~
o係公司燒o左隻cdr返黎~
係相o黎o既~
睇黎~
我都要買過部card reader先得啦~
唉...
仲有~我想買埋cd writer tim呀~
死啦~
我越係對電腦認識得多~
就越想搞多d野~
投資落去o既錢亦越黎越多~
七點幾...收工返屋企~
屋企人已經食緊飯lu~
冇等埋我~~v_v
不過唔緊要...
我一樣跟得上節拍...
仲快過佢o地食哂tim~~ ^-^
飯後果~食山竹o既物體~
d山竹好得意o架~
我第一次食咁細個o既山竹~
細細個~好似個波仔咁~
十分可愛呢~~
食完~
拿拿臨做功課~~
拎返今日影...燒o左碟d相出黎用~
好快就做起lu~
因為我昨晚已經諗好哂點做~
所以特別快做完~^_^
哈哈~~做完...
順便加工我d仔仔囡囡o既相~
大家睇住兩張先啦~~
...................................
...................................
哈哈~
佢o地係咪好得意呢~~ ??
同阿哥講過野~
佢都有應我...
唉~我都安樂d~~~
今日~我早餐食麥記, lunch又係食麥記...
死囉~
肥死囉~~~
v_v
返學上堂~
好努力咁畫畫~~
繼續畫好張草圖...
好開心咁...成班同阿sir傾計...
知道李sir好多野~~
哈哈~~
放學...
例牌...返工~
望下電話~~
o係我上堂o個陣~
公司打比我~
不過我聽唔到~
跟住我打返去公司啦~
原來係阿森又冇返~
阿哲叫我返黎陪佢食野~
我返到屋企放低d野~
諗住返公司~
阿哲再打黎~
叫我買d野比佢食~
因為佢連早餐都未食~~
慘慘呀~~v_v
佢提議食麥記...
我又費事諗食咩~
所以就食埋一份啦~
今日好忙~
都幾多野做~
不過尚算可以應付~~
唔知點解...
突然幾投入我o既工作~
唔知係咪因為經過o左呢兩個月o既磨練~
d野續漸開始上手~
所以有心機做野呢~~~
六點幾七點收工~
聽日返去又大把野做~~
好多人黎影相~
成日要行上行落拎d相去相舖度哂~~
但係~~個老闆好好人~~
好少見到d老闆咁好人~~
好人有好報~~
人見人愛d tim~~
放工返屋企~
經過屋企樓下~
見到有細個玩o個d磁石釣魚機買~
就買o左返去比仔仔囡囡玩~
哈哈~~
開心死佢o地lu~~~
又多樣野玩~
但係好怕趴地囡囡同大隻家姐and肥仔爭野玩~
點算好呢~~~v_v
聽日又要做功課~~
廉政公署...
idea諗好~
差影相....就應該好快會做起o架啦~~
一個星期~好快又過lu~~
阿match今日生日~
我冇打電話比佢同佢講生日快樂~
但係我send o左message祝佢happy birthday~
不過唔知佢仲係唔係用one2free~
so~~佢收唔收到個mobile message~
我都唔知...
咁我o係度再同佢講生日快樂啦~~ ^-^
昨日公司...其實係有d野跟緊...
點知阿森冇返~
搞到我o地成穫泡咁...
唉~~冇o左佢真係唔掂~~~v_v
七點幾先收工~
因為有張poster要趕住交貨嘛~
所以要做完先走得~
唉~~今朝勁大雨...
搞到我隻腳濕哂~
對襪濕o左~
成日都"葉"住隻腳...好鬼辛苦呢~~
放工~ 約o左程程o係銅鑼灣...
我因為電話冇電...
又無啦啦發佢脾氣~
佢真係慘lu~~
食完野~
行o左陣街...
買o左個袋仔黎裝電話and電~
又見到個好靚o既袋~
但忍手冇買到~
費事買o左返去又比人鬧啦~
不過呢...
o係city super行返出黎之後~
我就開始後悔lu~
猛咁煩程程~~
哈哈~~~
今日先發現...細佬同輝輝老爺...
係同一日生日o架喎~~
去完街~
返黎屋企沖好涼~
我就畫聽日要交o既草圖~
雖然唔洗完成哂~
但係...點都要畫d野返去o既~
費事啦~
我上堂已經冇返o架啦嘛~~
畫o左四十分鐘左右~
哈哈~~都幾搞笑o架~
好少畫到d咁o既野出黎~~
有突破~~
^-^
宜家最遲十二點幾就訓...
同阿哥...依然冇咩野講...
我o地...究竟幾時會好返呢??
前排影o既全家合照~
但宜家已經唔update lu~
因為冇o左大隻趴地囡囡~~
遲d再影過先得~
好事壞事...
各佔半點...
屋企人關係...不太樂觀...
程程...依然甜蜜...
工作...尚算順利...
因為屋企人...我決定會繼續做...
不想再靠屋企生活...
至少...都要自己賺自己的洗費吧...
已經差不多成個星期...
冇同阿哥正式講過一句說話...
恨透自己沉不著氣...
隨便在日記發洩情緒...
搞到阿哥睇到...嬲o左我...
都唔知點算好...
問題十分嚴重...
上網都唔敢上...
莫講話寫日記啦...
所以...前幾日...
我都冇update過...
唉...
星期日...
程程買o左大隻o既趴地囡囡黎tum我~
趴地囡囡好鐘意講"趴趴"o架~
成日都"pa pa=(爸爸),趴趴"~~
哈哈~^-^
九月...好似好多人生日...
聽日係阿match生日tim喎~
本來諗住整張card 送比佢~
但最後...懶...
加上冇時間...
宜家先整~又太遲~
and also~ 程程可能會介意~
為免佢唔開心~
所以我都係避忌下好d~~~
而細佬...又好似就生日~
輝輝老爺又生日~
oh...買禮物...
v_v
房...已經變成七國咁亂...
想執...不過的唔起心肝...
就黎中秋...
想食冰皮月餅...
因為我從來都未食過嘛~
想食雪糕月餅...
一樣未食過丫嘛~
哈哈~~程程會識做o架啦~~
我想開心咁生活...
迫自己...
快樂一點...
對不起...
大家可能這幾天來看~
都發現我沒有update到...
是因為...
我發生了一點事~
我暫時沒有時間, 甚至沒有心情去寫日記...
相信幾天後...
我便會作一個回顧...
到時請你們繼續支持我這個網頁...
多謝各位...