又會咁岩...
我就係睇呢個網頁o既第五千個人~
請大家繼續支持~^_^
今朝...唔知醒~
我媽咪竟然掛住睇報紙~
唔記得叫我~
個電話鬧鐘響o左~
但係諗住訓o左一陣就起身~
結果~
成八點半先起身~
幾趕呀~
返到去~
時間岩岩好...
都成廿二分o架~
算係遲返到去o架啦~
即刻繼續做野~
d poster~
今日終於都出o左啦~
丹桂軒d野~
算係告一段落lu~
十一點幾o個時~
娣姐黎到~
但係...我都冇野比佢去派~
因為唔得閒印野出黎~
部printer死o左嘛~
唉...
d影印~
今日有得拎~
叫o左阿森幫我一齊去拎~
印出黎o既效果...真係差好多~
我覺得d咁o既效果~
人o地睇到...會有損公司形象~
會對我o地公司冇信心~
不過...鬼叫速印平咩~
下午~同阿森and mavis一齊去食野~
angelina約o左人食lunch~~
所以佢就冇去啦~
食完野返黎~
成陣油煙味...
好難頂呀~~~
做好poster~
退哂新光餐牌d地~
好彩有angelina幫一幫我~
等我又可以快d做完~~
mavis打字好鬼死快~
聽到佢d打字聲~
做野都會起勁d~
^_^
全公司d人~
都o係六時半...630打card收工~
好利害呀~~
返到去~
諗住未開飯~
但阿哥要去街...
所以佢o地已經食緊lu~
食完晚飯~
我老豆又係訓話o既時候~
我真係好辛苦~
佢o地覺得我好似冇壓力咁~
好煩~好煩~
成日都講錢~
我做畢業功課o個時~
都唔知邊度搵錢出黎做~v_v
問佢o地拎~
佢o地實覺得唔值啦~
冇啦啦要洗幾千蚊先畢到業~
我覺得佢o地分分鐘寧願我唔畢業~
都唔好洗佢o地幾千蚊~
唉...好無奈...
我以後唔會同媽咪講咁多我同阿程d野~
佢會同返老豆講~
等老豆黎教訓我~
過份卑鄙~
不過我當耳邊風...
話我去兩日街都多~
點解唔可以去少一日街~
咁你可唔可以去少一日股票行丫~?
輸股票d錢就捨得~
供我讀書...就唔捨得~
唔通我係女~ 就係外嫁女~
唔洗對我好o既~
咁洗唔洗唔比飽返我食呀?
唉...
第時...到我有成就o個陣~
我都唔會多謝佢o地~
就好似宜家我媽咪對阿婆咁...
呢d...係因果循環黎o既~~
今日返學...
電腦房超臭...
好似油完油漆o個d味咁...
所以上堂o個陣好辛苦~
真係好鬼死臭呀~~v_v
放學...
搭van仔返公司~
連屋企都費事返...
o係van仔...
中下中下...係咁釣魚~
當我臨落車前醒o左...
望下周圍~
發現除o左我之外~
原來大部分人都訓著哂~哈哈~
返到去...
又比阿stephen吹我交d野比佢~
唉...最激氣o既係...
stephen收工之前打電話返黎~
佢講poster d尺寸比我聽~
又同之前講o既唔同~
所以又要做過另一張~
too bad~~~v_v
不過我都冇做哂~
就收工走人lu~
拎o左d稿去速印...
156蚊~4張a5~
各出1000張~
抵到爛~
但係出o左黎o既效果~
就要睇過先知啦~
今日返工之前~
走o左去買屋企電話d hands free~
因為原本我屋企有hands free電話o個部機~
只係壞o左聽筒o個度~
咁我就搵到有得買個聽筒o個個野~
返到屋企試~
車~~~唔得o既~~
原來唔同機...係唔得o架~
但係我明明記得~
以前係得o架喎~~~~~~~
咁點解我冇啦啦~
又要買返個hands free~
唔用屋企有線電話~or無線電話呢~
因為我宜家要織頸巾~
咁夜晚o個時~
我傾電話...如果"夾"住部電話黎傾~
會織得好辛苦~
所以...都係買個hands free黎傾~
會方便d~~~ ^_^
今朝...我拎o左枝qoo返去比apple~
咁阿mon亦都幫阿wing買o左~
佢仲買到個袋tim呀~
咁我放學o個陣~
o係度埋怨程程冇幫我去搵~
跟住過o左一陣~
我搭緊van仔返公司o個時~
佢就打電話黎比我聽~
佢岩岩o係公司附近o個間ok便利店搵到~
有四枝咁多~
佢就買哂四枝啦~
so happy~~ ^_^
夜晚...媽咪又煲o左湯~
叫o左程程上黎飲~
佢放o左工~
大約十點半左右就黎到lu~
坐o左陣~
就帶埋細細返屋企~
前日細細比我放o左落個橙色袋度~
幫我撐起個袋~
等個新袋d摺痕冇咁明顯~
跟住我今日拎返細細出黎~
佢成身都係膠味~
好臭臭呢...
細細就不停問...
點解呢~?點解我會咁臭臭o既~
點解我宜家睇o既野全部都係橙色o既~
煩都比佢煩死~~
公司多o左d人氣~
好似工作氣氛好o左~
做野都開心d~
yeah~~~^0^
今朝...我一邊行返公司~
一邊同程程傾電話~
一邊喊...
很激氣...很激氣...
覺得屋企人一d都唔了解我~
我只係話...我要做畢業功課...
唔返工o者~
佢o地o既反應幾大呀~
仲好串咁話...
比三千幾蚊我...連埋交學費~
叫我慳d洗~
我老豆仲講~
話我唔洗返工~要返落舖頭幫手~
咁我就講~
我如果要返落舖頭...咁我不如返工...
之後...我就即刻話...
得啦~我繼續返工~得未...
好快咁出o左門口~
打比程程~
講講下就喊起上黎~
我心會諗...
點解阿哥讀書可以咁輕鬆~
唔洗做野~
我讀書...就要做野~
佢又唔洗自己比學費~
雖然宜家只係比一半~
唔係比哂全部...
但係...佢o地供我讀書~
唔係應該做o既野o黎o既咩~?
我又要做野~又要讀書做功課~
知唔知我辛苦o架~
最吹脹o既係...
我老豆話...去少兩日街都做哂d功課啦~
我咪話囉~
宜家係夾組做功課~
唔係一個人做~
同埋...我宜家都只係星期六日先去街~
唔通...咁都過份咩~?!
我覺得佢o地對我好唔公平...
真係好唔開心~~
究竟我係唔係佢o地個女黎o架~~?
返到公司~
新同事已經返o左黎~
對眼紅哂~
好cool咁...
唔知有冇驚親佢呢...
不過...好快...洗完個面~
就即刻變臉...
呢樣...我最拿手o架啦~
我唔想影響到人o地嘛~
扮開心...根本一d都唔難...v_v
今日...忙...
好多野做~
printer唔聽話...
勁jam紙~
討厭~
點幾...我o地三個女仔去o左食lunch~
食完~
我拎埋相去哂~
就再返公司做野lu~
大約七點鐘左右放工~
佢o地兩個新同事走o左~
得我同阿森o個度~
傾o左陣計...
唔...阿森講野有見地...
心入面有o左個念頭......
放工...打比程程~
繼續講屋企d野~
返到去~
估唔到佢o地竟然扮冇野...
佢o地冇野時~
咁我都會冇咩野o既~
遲d問題殺到埋黎~
佢o地咪又係故態復萌~v_v
唉...好多日記未打~
另外...程程個日記又好耐未upload~
死火~
又要織頸巾~
too bad~~~
冇時間...
點算?
今日買o左好多野呀~
同程程一人買o左一對鞋~
都係boot o黎o既~
我就買o左個袋啦~
買o左冷啦~
買o左頭飾啦~
糖啦...
又去o左冒險樂園玩~~
又玩o左一百蚊~
另外仲有買o左條韓國賤白兔電話繩~
兩個人加埋連食野...
保守估計都洗o左千幾蚊...
咁當然...比錢o既多數都係程程啦...
佢十一點幾過到黎~
我o地去過中環啦~
尖咀啦~
旺角啦...
行到好累...
大約十點左右~
就返到我屋企lu~
開始織頸巾比程程~~
好耐冇織過...
有d生手tim~~ v_v
十一點左右~
程程就返屋企lu~
佢今朝拎o左大隻囡囡同扒扒過黎~
今晚佢拎番細隻囡囡and佢o既寵物bi bi豬...
同埋肥仔返去~
成大袋咁...
好誇呀~~~~~~~~
話咁快~
聽日又星期一lu~
有新同事返工~
so happy~~ ^_^
終於...我都搵到d說話去講出我內心o既感覺~
呢d說話...就係出自范曉萱...
一直以黎~
我都唔識形容自己o既行為~
例如成日向程程發脾氣咁...
佢話呢d係"試驗男友對自己的愛和忍耐力"~
"以痛証實自己確實存在"~
范曉萱原來都係同我一樣~
係雙魚座o架~
唔怪得之諗o既野會咁似啦~
佢講d野...好有共鳴...
睇完佢篇報導之後~
我覺得...我絕對係要買絕世名伶呢隻碟...
今朝返學...拎住o左好多野~
因為我要拎埋d相返學嘛~ v_v
叫apple幫我買o左早餐~
朝早食件熱熱辣o既三文治~
暖下個胃~
正好多~~ ^_^
上第一堂...老莫堂...
恰哂眼訓係正常o既~~
上李sir堂...
好努力咁畫...
畫到d雲好似d肥皂泡咁...
經阿sir指點...又好o左d~
so good~
放學...
咖哩要返工~
我又要返工~
所以就"蚊"埋apple一齊去"老地方"食野~
食到兩點左右~
我就返去公司lu~
點知摸門釘~
d人出哂去~
娣姐同埋兩個客...
都企o左o係門口等...
後尾阿森返到黎~
之後~幫d客影相~
做o左陣野~
三點幾四點就走人lu~
今朝~有旗買...
支旗好靚o架~
係長春社o既綠色旗~
我收埋咁多旗...
呢支o既旗...算係設計得幾特別o架啦~ ^_^
要好好咁收埋佢先得~~
返到屋企~
訓覺訓到六點幾先醒~
約o左程程o係旺角地鐵站等~
等佢o個陣~
比o係地鐵sale now.com o既sales sale我~
睇睇下~
幾有興趣~
真係想心郁郁~
自己裝番個寬頻~
費事好似宜家咁...
都冇咩機會上到網~ v_v
韓國出o左隻爆餅~
幾有趣...
買o左包黎食~
d味...好淡...唔算太好味...
今朝買o左本monday~
入面有個qoo o既橙汁廣告~
好搞笑o架~
宜家去ok買...就送個袋仔~
去7仔買...就送鎖匙扣~
於是同程程周圍咁搵...
我o地搭車去o左土瓜灣...
o係o個間7仔買到 qoo~
真開心~ 附送o左綠色o既鎖扣...
咁岩...只係得兩枝...
將個匙扣扣o左上部電話度~ ^_^
之後~去o左食麵...
o個間車仔麵店~
d車仔麵幾有特式~
會將d野"食送"拎去炸~
好好好好味呀~^0^
仲食o左麵麵仔翅~
都幾好味...
叫o左一碗同程程兩份食~
但係...我只係食o左幾啖~
因為食完碗麵都已經好飽lu~
再搭車去黃埔~
去o左美國冒險樂園玩~
即刻登記做o左會員~
買o左一百蚊袋幣~
玩剩10個...
有幾百張飛~
好開心呢...
玩完~行o左陣吉之島...
買o左隻what's michael o既vcd~
嘻嘻~
有嘉德利奧o架~~ ^_^
買o左疊file~
好抵買o架~ 十蚊有十二個~~
仲有睇中o左對boot~
仲有睇中o左個麵包超人玩具~
哈哈~~
遲d買o左佢先~~~
十點幾...搭巴士返去...
以為金鐘or中環會有站~
點知...去到上環先有站~
too bad~
不過亦都因為咁...
去o左中環間7來~
買到qoo...今次係附送橙色匙扣~
買o左3枝~
諗住預一樣比apple嘛~~ ^_^
今日...飲o左好多野呀~
丫~~其實...其他野...都唔係洗好多錢~
最洗得多錢...都應該係o係食呢方面~
聽日星期日~
成日都可以見到程程~
好野~~~~
昨晚睇婚前昏後...
講阿欣唔體諒阿樂返工,
有時間陪佢o個陣~
我完全覺得好似講緊自己o既一樣~
睇落都覺得好笑~~
尋秦記又的確好笑~
一筆out消也不錯~
今朝返工~
聽到阿哥o既鬧鐘都係差唔多時候響~
為免阻住佢~
於是...我特登冇沖涼...
就咁就返工lu~
返到去~
又係好趕咁做野~
下午...連出去食飯o既時間都冇~
全公司d人又出o左去喎~
於是...我就叫媽咪買飯上黎比我食啦~
七點幾放工~
帶o左d相返屋企入落相簿度~
總共有16筒菲林~
仲叫埋媽咪幫我手入tim~
收工之前~
寫低哂自己做過d咩~
同埋有d咩未做...
咁樣頭腦會清醒一d~
聽日...我放o左學~
會返公司~
做下野又好...
執頭執尾又好...
總之...返o左去~
我會安心d~~
程程同我都一樣~
呢兩日都好忙~
同病相連...
不過今日當我做到好累~~
走o左去toilet洗面...清醒下o既時候~
我同我自己講~
挨埋今日~到聽日就可以見到程程~
要支持埋落去...
呢d~就係叫精神支柱啦~right~~?
夜晚...上網o個陣~
見到dennis~
即係我三哥呢~~~~~
佢去o左英國~
好耐都冇同佢傾lu~
真happy~~ ^_^
唉...聽朝又要返早學...
放o左學要返工~
冇得返屋企訓覺~
有點可憐...v_v
妖...仲講咩丫...
都係...早d訓吧啦...
阿聰生日~
生日快樂~
希望你呢個溝女王比多d女溝~
仲有...高d~再靚仔d
哈哈~~收到未~~ ^_^
等緊程程沖完涼打電話比我~
見有空檔時間...
諗起有d地址抄o左o係舊日記簿度~
咁我就搵返本舊日記出黎啦~
一打開...
就揭o左去兩年之前...大約都係呢段o既日子~
當時所寫o既野...
都好幼稚~
想東西想得太天真~
看人亦看得太簡單...
兩年後的我...
是你兩年前認識的我嗎?
生活是...
讓自己做最快樂的事...
令自己將來死而無憾...
昨晚~~程程十一點七八先過到黎~
飲o左湯...坐o左陣就走lu~
佢比o左種好好o既感覺比我~
我好舒服...
佢未黎之前~
我仲做緊功課~
算係好認真咁畫~
因為d樹根我哂o左好多時間黎畫~
畫到差唔多...
就收手...
諗住留番上堂o個時畫啦~
今朝...o係地鐵站見到apple~
一邊行~佢一邊講星期二上堂o既情況比我聽~
唉...隔離班真係好唔掂~
影響哂我o地d進度...
夾咩班丫~...真係百害而冇一利~
v_v
莫sir見我星期二冇返...
佢竟然話...我o係佢心目中~原來都幾勤力下~
估唔到我唔返呢......~
哈哈~~
亦都好好彩...我o個日冇返咋~
如果唔係~又會無聊一堂~
o係屋企休息下唔好~~!!
今日係最後一堂超視覺素描~
阿sir只係抽最高o個兩個分黎計~
即係話...其實我o地之前唔洗咁努力畫~
因為只要交o左兩份功課~
都會合格~
上堂冇咩畫野~
只係睇阿sir示範~
獲益良多~~ ^_^
放學...追巴士返屋企~
今朝一直都唔係幾舒服~
我朝早不嬲都唔飲得汽水~
飲o左我會好唔舒服~好似有野頂住個心口咁~
咁今朝去麥記食早餐~
飲橙汁又唔夠喉~
飲熱野...唔係嘛~咁o既天氣~
所以迫於無奈~
都係飲汽水~
以為可以逃過"扼"運~
點知係唔得o架~~v_v
搭車o個陣~
情況仲未好轉...反而嚴重o左~
好辛苦落o左車~
返到屋企~休息o左陣~
先好d咋~~
返到公司~
如我所料...一大堆野要做~
stephen仲寫埋紙仔提我~
我23號之前要完成三樣野~
唉...絕對係有d想死o既感覺~~~
23號要交...
我星期六又唔返~
咁即係迫我聽日要趕起o者~
點趕呀??
比條命你好唔好??
丹桂軒o個度~
又要改黎改去~
我今日七點先幾放工~
就係因為要改好哂佢咋~~
先頭...stephen叫我改o既野~
改o左之後~幾樣衰呀~
佢竟然話冇問題~
完全破壞哂我成張宣傳單o既設計~
後來...我執o左好耐~
用第二個方法改好之餘~又唔會破壞我o既原意~
基本上~
我幾鐘意今次o既設計~
我希望可以做返張好好睇睇o既傳單~
唔好成日做埋哂d leung 野~
仲有呀~
我又做o左個新光o既海鮮菜譜~
我自己都覺得唔掂~
要大執~
stephen又竟然話冇咩問題~
執返d大細...就可以交得稿~
唉~~講真~
我真係過唔到自己o個關呀~~ v_v
放工~返到屋企~
屋企人已經食緊飯lu~~
丫~~前排買o左對粉藍o既presto~
見好耐都冇著過~
諗住拎出黎著啦~
點知...有d地方變o左黃色~
搞到我今日冇得著~v_v
唉...死啦~
都唔知點先可以洗得甩~
激死我啦~
好唔開心呀~~
唔通第一對同程程o既情侶鞋...就咁冇o左~~-_-
食完飯~
沖好涼~
就整萬聖節card o個d野~
寫低要寄比咩人~
印好哂出黎~
錶落card board~
跟住就寫地址...
貼郵票~ 寫d野上去~
寫好哂大部分人啦~ so happy~~ ^_^
寄香港o個d~可以唔洗咁趕~
但寄去外國o個d~
就真係要快手啦啦~
如果唔係~會寄唔切o架啦~
星期六...好彩冇功課做o者~
阿sir話我o地進度慢~
唔比功課我o地做住~
等我o地完成之前d功課先喎~
我上堂已經做好哂~
所以唔洗煩~
而且~聽日...睇怕都唔洗旨意有得準時放工~
o硬t都得啦~~
唉...
下星期四放假~
好開心~
有一日休息...
時間對於我o黎講~
實在太少了....
今朝...依然有一股惰氣湧上心頭...
不過...最終都起o左身返工~
原因係...d野唔做~
冇人會做...
倒頭來...我放o左一日假~
到第二日返到去~
咪又係要趕頭趕命咁做~~v_v
咪又係自己"囉"黎衰~~~~
今日...都係做丹桂軒~
因為要將d點心同d(食送)退地...
阿森又教o左我兩個好好洗o既退地方法~~
good good~~ ^_^
收到風...danny終於落實請兩個人返黎~
兩個都係女仔~
so happy~
當阿森走o左之後~
公司就會變成3男3女~
唔似得宜家咁...4男1女咁悶~
佢o地兩個黎o左之後~
對我黎講~
都冇咩會改變o既~
因為...我都係做返自己d野~
又或者...多o左兩個人吩咐我做野都未定~
不過點都好啦~
多d女仔happy d~~
3個女人一個墟~
唔知會唔會發生o係我o地身上呢~~^_^
下午...好快咁食完飯~
去買o左兩張3t and一張六合彩~
之後就返公司lu~
阿森出完去食飯~
就去o左傾網頁d野~
剩返我一個人o係公司咋~
今日部printer唔知搞咩~
成日都jam紙~
真係麻煩~
"蚊"返d紙出黎o個陣~
架機好熱~"辣"到隻手~~v_v
又整到成隻手都碳粉~
too bad~~
仲有呀~
當我掂d電腦呀~ printer o個時~
又觸靜電~
幾痛呀~
唉...真係黑仔~~~~
直到六點半為止~
先有人返黎~
之前~我都係不斷咁print野~
因為星期六阿娣會去派傳單~
咁我星期六唔返o架嘛~
所以我要印好哂~交帶定比佢去派啦~
而星期一...佢又去派~
即係要印定多一倍~
根本星期一o既朝早...
我係冇可能印好嫌釘埋o架嘛~
做定...始終係好d o既~
"親"宜家未算最忙~
咪做好哂唔洗煩囉~ ^_^
差唔多七點放工~
去o左新藍糖買o左包薯條食~
d薯條今次特別咸~
正呀~好味~~
返到屋企~
食完飯~
諗住做功課~~
昨晚畫o左兩個鐘~
都未畫好~~
要繼續努力lu~
程程今晚放o左工會黎我屋企~
好開心呢~
特登叫o左媽咪煲湯~
佢仲未好返呀~~ v_v
佢要好夜先黎到~
但係...佢媽咪今日去o左台灣~
冇人會管佢~
夜d走都唔怕~~
嘻嘻~~ ^_^
程程媽咪用o左程程生日買比佢o既手袋~
實在太好啦~
叫媽咪買o左d絲帶~
係用黎綁住囡囡條頸...幫佢打蝴蝶結o既~
昨晚應承o左大隻囡囡買條新絲帶比佢~
因為佢本身o個條粉藍色絲帶太短丫嘛~~
應承佢o既野~
實做o既~~
^_^
費事話我呃你啦~~ 係咪~~?!~~
生活是...
與家人一起...
其同進退...
始終...我媽咪都係睇唔起我讀design~
睇唔到我所做o既一切...
唉...
心有d酸...
有d"up"~不過我唔係唔開心~~
雖然佢冇親口咁講~
但從平時佢講o既野入面~
都透露o左佢睇唔起我...
唉...
○_○"
生活是...
你愛上他/她,
你沒有錯過他/她,
共他/她靜靜的渡過下半生...
生活是...
不怕自己不能做到,
只是害怕沒有時間完成.
昨晚早有先兆...
因為我尋晚已經同程程講~
話今日唔想返學~
後尾我話...睇下聽日點先啦~
到o左今朝~
九點醒o左~鬧鐘響...程程打黎~
諗o左一陣~v 都係決定唔返...
訓呀訓呀~
訓到十一點左右就起身~
沖完涼...
睇昨晚錄o既ally mcbeal~
今集...令我有種好震撼o既感覺~
因為我都從未聽過一首咁有震撼力o既歌...
就連the phantom of the opera...都冇佢咁勁...
雖然我並唔知道o個首歌叫咩名~
但係個男仔真係唱得好好聽呀~
簡簡單單o既solo~
原來都可以咁有威力~
睇完...落o左舖頭食飯同睇報紙~
大約點半...
就返去公司lu~
去到公司樓下~
買o左兩疊a5紙~
上到去...整好d相~
再過一陣~又有人黎影相~
集埋一齊先拎落去哂~~ ^_^
今日~最主要都係改丹桂軒d野~
效果幾好...
比起上次新光...好好多~
可能吸收o左上次o既經驗o掛~
講下講下...唉...做完丹桂軒~v 又要做新光d poster同餐牌啦~~v_v
好多野做...
不過...我都以輕鬆心情對待~
因為...佢既然以part time形式請我~
我亦都會以part time o既身份去做返野~
發現比得太大壓力自己~
做出黎o既野~效果亦會相對地差嘛~~~
六點幾差唔多七點先收工~
算係我呢個月黎~
最夜收工o既一日~
返到屋企~
食完飯...諗住做星期四d功課~
阿sir好好人~唔洗我o地落正稿~
只係需要我o地盡力畫好個草圖就得~
概念就諗好o左~
雖然未正式開始畫~但係我會盡力~~ ^_^
程程昨晚同我講~
佢屋企d魚~
又死o左一條~
由原本o既六條~變o左做四條~
too bad~~c_c
乜咁易死o架~
我屋企多咁多魚~
佢都都冇事~仲鬼死咁生猛tim~~
哈哈~~
今日~媽咪好似因為睇報紙~
話大衛高柏威抽o左幾個六合彩number出黎~
於是媽咪就抄低o左d number去買~
仲叫我夾份tim~~ ^_^
點知今晚對返d六合彩~
車~~~有冇搞錯...只係中o左一個字~
我daddy就話...我唔係大衛高柏威~
都中o左兩個字啦~
佢中得一個字咁大把~有鬼用~
勁搞笑~~
而我自己先前買o個張~
最叻o個條~都係中得兩個字~
哈哈~~做善事~
都係好事o黎o既~^_^
今日出門口~先發現自己部電話冇咩電~
又唔記得帶多舊電返工~
搞到我要熄o左部電話~
到我想打電話o個陣~
先開...too bad~
全貓幅~
因為有o左佢o地...
我o既生活...變得不再寂寞...
十月十五日...
呢一個日子...
我係唔會忘記...
今日...係teresa生日~
係我中學o既生涯入面~
一個不可能缺少o既人物~
我成日問我自己~
點解唔主動聯絡佢~
我都唔知自己怕d乜...
或者...係怕大家都變o左o掛...v_v
anyway~生日快樂~
希望你考到上大學...
今朝返工...
第一個返到去~
冇門口入~
等o左一陣~
stephen先返...
佢入到去~
就交o左三個file比我~
唉...no eye see lu~~
kenny今日病o左~
冇返工~
希望佢快d冇事啦~~
kenny可能挨得太多夜啦~~
今朝...幾個人黎second in~
有兩個人坐o左o係度好耐~
做我o地比佢o既test~
女o既...比男o既年紀大d~
因此~~好易睇得出做o野o既手法有咩分別~
女o既...成熟好多~做d野出黎果然係見得下人~
男o既...好幼稚~ 岩岩讀完書出黎~
係咁上下o架啦~
個樣仲有d薯...
不過...亦都有少少似阿match~
呢個...係我對佢o既評價~
十一點幾~
新請返黎派宣單o個個人~
佢叫阿銻~
比我o既感覺...幾勤力~
幾盡責...
我帶o左佢去目的地派野~
之後我就返公司lu~
我上個星期釘好o既宣單~
大約一個鐘左右~
佢就已經派哂lu~
好彩佢出o左去派o個時~
我又印o左d出黎o者~
所以佢又即時再出過去派啦~
大大約約...搞掂好丹桂軒o既野~
stephen拎o左個稿比個客睇~
順便影d食送菜o既相返黎做野~
到我收工~佢都仲未返黎~
又會影咁耐o既...?!!!!!?#!@#!
之後~開始做新光d poster~
開o左個頭....
但係d file又係好鬼死大~
搞到我冇咩心機做~
因為每移動一樣做~做一下指令~
都要等好耐~
好麻煩呢...v_v
基本上...我今日o既任務~
都係print 野同釘野~
因為阿銻今日派到二百幾張宣單~
於是我就print返大約咁多張比佢星期三去派~
我發現...我要浪費好多時間o係print野同釘野度~
我諗住...我聽日會大量print好多出黎~
我就繼續做自己野~唔理佢~由得佢自己print~
之後有時間先釘~咁樣會慳到多d時間~
print print下野~
冇哂magenta d墨~
咁部機係lazer jet黎o架嘛~
我只係睇過一次kenny換墨...
問阿森佢又唔識換~
於是~~阿森出o左去食飯~
o係冇人望住...冇咁大o既壓力下~
我自己嘗試換啦~
點知...憑住我o既冒險精神~
我成功咁換o左...
yeah~~
咁繼續print野啦~
點知...冇啦啦又jam紙~
仲要o係d好難"蚊"返出黎o既地方~
搞o左好耐~
先伸到隻手又去"蚊"張紙出黎~
too bad~
成手都係碳粉~~
噫~~~ v_v
六點九左右收工~
返到屋企...
猛咁打返之前d日記...
打到好累呢...
不過...點都唔夠程程累~
佢由今朝八點...返到夜晚十一點...
有時我真係好懷疑~
佢頂唔頂得順...
唉...
咁辛苦...
我真係希望中六合彩...
唔係要中好多o個d~
只係想解決哂宜家o既麻煩~
又或者係滿足下自己屋企又或者係程程屋企o既願望~
唔知...我係咪好貪心呢...
?!?!!#@#@?
今日...程程雖然要返工~
但係...心情幾靚...
又或者好似正如程程話齋...
每當我發完一次好勁o既脾氣~
第二日一定會好乖咁...
訓到十一點幾...
已經唔想再訓~
起o左身~食完野~
就開始執房...
張檯...又回復返以前咁亂~
為免比人話...
於是我就的起心肝執野啦~~ ^_^
執到咁上下~
就睇返d錄影帶~
原來上集ally...
真係同larry分手...
好慘呀~ally~~v_v
今日媽咪又煲o左潤喉o個d湯~
我特登搵昨晚程程飲o既笑笑口樽裝o左比程程飲~
因為程程咳...仲未好返嘛~~
五點九...滋滋油油行落去中環地鐵站~
買o左本milk睇~~
又帶o左張小嫻o既小說睇~
去到長沙灣...
等o左一陣~
程程就黎到lu~ ^_^
唔知做乜...成日o係度笑~
係好開心o個種笑~
之後~我o地去九龍灣...
終於都買o左o係優之良品出o既蒟蒻~
一大個樽...係一個公仔樽黎o既~
佢戴住紫色o既帽...
都幾得意o架~
入面裝o左好多椰果蒟蒻~
嘻嘻~好味~
去pizza hut食野~
呢一間pizza hut...
我以前都曾經同前度男友...frankei黎食過o既~
同程程講~
佢勁妒忌呢...
食完...就去o左玩...
玩到十一點幾先返到屋企~
隔離屋呢~因為個屋主租o左好耐都租唔出~
於是又自己搬返黎住...
以前呢...佢本身都係住呢度o架~
不過後尾佢買o左最高o個層連天台~
於是搬o左上去住~
租我隔離屋比人啦~
佢o地搬o左上去之後~
養o左隻狗...
係北京狗黎o既~
今晚~當程程送我返屋企o個陣~
隻狗仔猛咁嘈...
佢個主人...仲放佢出黎~
真係比佢激死~
雖然~~隔住o左度鐵閘~
但係...都feel到隻狗對我o地唔係友善~~v_v
聽佢主人叫佢~
好似叫michael~
可能今日先岩岩落黎住~
仲未熟我o地陣味...
所以勁吠o掛~~~
哎呀~~唔知囡囡佢o地會唔會驚驚呢~
嘻嘻~~~
今朝...我daddy mummy一早就出o左去~
七點左右佢o地就出o左門口~
而我...明明教o左七點鬧鐘~
但我...竟然聽唔到~
訓到七點八...
望下部電話...
下...唔係o掛~七點八~~?!@!!!
於是拿拿臨起身~
連涼都冇沖~~
v_v
今日好似走難咁返學~
好多野拎~
好得重呀~
好彩去到學校門口~
見到andy同阿mon~
andy幫我拎咋~~
上莫sir堂...
悶到......死.......
好辛苦挨完一堂~
亦都好好彩...
佢今堂冇比功課我o地做~
so happy~
不過...佢原來只係...係咁二睇下我o地d功課~
唉~~知道唔洗做得咁辛苦啦~~v_v
第二堂~
上塑膠彩~
李sir...只可以用一個字黎形容~
"勁"~
真係好勁...
係咁二畫d雲同草...
就好似真o既一樣~
佩服佩服~~
呢d阿sir先有料到o架嘛~~ ^_^
噫...我好似成日都讚呢個阿sir咁o既~
哈哈~
咁佢真係叻嘛~~
放o左學...
返屋企訓覺...
累得很利害....
訓到四點幾...
打比程程~
聽到佢話成七點先收工~
即刻又好唔開心~
因為我發現~自從佢返o左夜之後~
我見佢o既時間越黎越少~
v_v
而且...佢今日星期日又要返工~
唉...
我同佢傾...傾到發哂脾氣~
猛咁打波波球...仲有打超超~
又將隻手用力打向牆~
打到好痛好痛...喊起上黎~~
我...係咪好傻呀?@?!#!@
發完脾氣...好o左d~
搞掂好哂d野~
六點幾出o左門口~
搭van仔落銅鑼灣~
o係糖街落o左車~
就去o左商務行~
買o左疊layout pad~
唔係a4 size~又唔係a3 size~
總之佢個封面好得意~
而且只係十蚊咁平~
咪買黎tum下自己囉~
程程七點幾黎到銅鑼灣...
佢係放工飛的士黎o個隻~
鬼咩...我o係電話度勁發脾氣嘛~~
我一見到佢...
依然係咁鬧...
佢"蚊"o左我去世貿~
格硬去o左teddy & i 度...
一手拎起個jacob仔仔背囊諗住買比我~
跟住我話唔要~
佢話唔得~
一定要我要...
咁我問佢點解一定要我要~
佢話...因為佢嬲...所以要買野~
之後...佢再拎起大隻仔仔同趴趴仔仔...
叫我自己揀...
結果~我冇揀到仔仔d野~
(雖然呢個係一個好好o既機會~
令我可以又集齊多隻jacob貓~
不過...如果買得唔開心o既話~
買黎...都唔開心o架啦~
咁咪同佢成日笑o既樣有矛盾囉~)
反而買o左隻bi bi豬~
"禁"佢個肚...會bi bi聲~
好搞笑o架~~ ^_^
跟住...程程比我tum返...
又冇事lu~
我o地之後去o左city super~
食完野~就去買雪糕食~
程程食豆腐味o既雪糕~
我食咖啡味o既雪糕...
哈哈~咁我話要試下豆腐味...
於是佢就"第"比我食啦~
點知...我又一口咬o左落去~
哈哈~~
我有時都覺得自己幾癲o架~
可以一口好大啖咁咬落d雪糕度~
好多人...都頂唔順o個下o既牙痺o架嘛~
我呢一下就忍到~
反而忍唔到凍到上腦o個一下~ ^_^
結果...佢個單球雪糕甜筒~
比我咬o左三野~
就比我移平o左lu~
哈哈~~
幾慘呀~~~~~
入去city super行~
見到好多halloween o既野買lu~
好搞笑~
其中一個會笑o既南瓜~
簡直可以比美當年o既elmo~
之後...
行買野食o個邊...
程程口渴...就揀野飲啦~
買o左我最鐘意o既笑笑口o既野飲~
係檸蜜味o架~
但係d味好淡好淡...
而我呢...就買o左枝叫kirin o既飲品~
粉紅色o既野士多啤利味梳打~
個樽又得意~ 矮矮細細咁~
而且~d樽蓋有幾個唔同o既樣~
揀o左個最得意...
又剩返唯一一個o既貓貓樣黎買~~
嘻嘻~~
另外~又買o左包熊仔糖~
係以前細個成日買黎食o個d熊仔糖o黎o架~
比完錢~
出返黎~ 又諗起上次睇o左冇買o既貓貓日曆~
不過...今次搵唔返上次o個個~
只係見到個好細個既日曆仔~
好過冇啦~
照買...
上o左去time square度打奶娃大戰game~
打o左一舖...就走人lu~
因為隻手仲好痛嘛~
一路落扶手電梯~
都冇咩事o既~
落埋最後一條就可似落到地下~
o係呢個時候~
程程好似企唔穩咁...
差d跌落去咁...
嚇到我個心好似跌o左出黎咁...
即刻feel到自己出o左汗...
幾驚呀~~-_-"
亦因為呢件事~
又發起脾氣上黎~
佢又發起脾氣上黎~
搞到佢好大力咁掟袋飲品落地...
發出好大o既聲浪~
即刻好多人望住我o地...v_v
之後...佢仲掉埋落垃圾桶~
一邊行...比我一邊話佢~
同佢鬥大聲...
後尾...我話佢好掉o左我d野飲~
要佢執返比我~
我就企o係度等佢~
等o左一陣~
見佢咁耐未返~
於是就打電話比佢啦~
點知...
佢原來又走返去city super買過比我~
仲買o左三枝比我tim~
但係...我話我要原本o個枝~
佢就真係執返比我喎~~
返到屋企樓下~
好好笑咁...我差d踩米田共...
係差d~即係冇啦~~ ^_^
係咁勁笑~~
快樂同不快樂...
原來真係歌線之差...
呢幾日呢...
我有d野諗...
諗一d比人o地知道會笑o既o野~
所以...我都唔知好唔好o係度講好...
前幾日...
我咪話我o係公司將d相入落相簿度o既~
d相...其實係一d結婚當日...
即係行禮呀~擺酒呀~o個d相~
由於係成輯o既關係~
所以...一邊入...
其實都好似睇緊個婚禮進行咁...
一幕幕咁o係眼前出現~...
可能就係因為咁...
搞到我印象深刻...
令我冇啦啦都諗起...
好想有結婚o既衝動...
講真...十九歲...
結婚真係言之過早~
或者...我真係想改變宜家o既生活啦~
所以先會發神經諗埋哂呢d野~
希望過一排我會冇事啦~
^_^
昨晚...同程程傾電話傾到十二點幾~
之後...我繼續做功課~
story board仲未做好嘛~
做到差唔多埋尾...
差文字上o既野要執....就做好o架啦~
咪諗住留返今日先做囉~
咁我都諗住訓覺o架啦~
點知臨上床...
又見到床上面放住本"初戀o拿喳麵"o係度...
我又諗唔到書入面係講d咩~
於是又打開o左黎睇啦~
到差唔多兩先訓...
很累呢...
今朝...如常咁起身~
特登著哂恤衫呀~裙呀咁返工~
因為有人黎見工~
點都要著得似樣少少o既~
哈哈~~
出門口...
第一件事...
走去洗衣舖接細隻囡囡...
哎呀~佢好慘呀~
比人用個大扣針扣住對耳仔~
慘慘囉~~v_v
不過佢真係好白...
本身人o地幫佢包o左個透明袋~
佢問我仲洗唔洗要個手抽袋~
咁我諗住抱住細隻囡囡...
所以就冇要到啦~
抱住佢返工...
好開心呢~~~~ ^_^
接完佢~即刻打電話比程程~
嘻嘻~~
返到去...
都係做丹桂軒d野~
部電腦真係有時好衰o架~
冇啦啦個photoshop話程式錯誤~
除o左揀熄o左佢之外~
根本就冇其他選擇...
迫到我未save d野~
又要從新做過~
討厭~~~ -_-"
danny決定o左請一個人派傳單...
聽佢講...o個個女人身世幾可憐~
danny覺得佢比較需要呢份工~
所以就決定請佢啦~
星期一佢就會黎~
我會負責叫佢派d咩同o係邊度派野~
希望會同佢合作愉快~
今日有幾個人黎見工~
水準好似幾好...
六七個人黎in~
有2個都可以黎second in~
哈哈~就快有新同事~
開心開心~
不過另一方面~
亦都幾唔捨得阿森~
因為佢跟埋aia個web~
就會走o架啦~
唉......-_-"
阿森真係教o左我好多野o架~
最主要o既point係...
佢肯教丫嘛~~
第時d同事唔知會唔會一樣咁好...
會教我野呢...?!
下午返舖頭食飯~
食完~同媽咪去o左買六合彩~
仲有買o左兩張3t電腦飛~
程程昨日同我對過上期o既3t~
佢話我差少少~
就有安慰獎啦~~
好似仲係差一隻...
好唔抵呢...
跟住今日我買完~
我打電話比佢啦~
佢竟然話我開始爛賭喎~~v_v
唔知我中o左...
d錢會點用呢...
哼~~等你仲話我爛賭~~~~~~~~=(
返公司之前~
經過文具店~
醒起要買個file入住廣告設計d功課成份交比阿sir~
於是就入去揀o左個黑色file~
哈哈~~冷係同sub zero...
我做o既功課牌子襯哂咁~
返到去公司~
又諗起塑膠彩要搵圖畫野~
公司又有o個d素材~
於是...就print o左出黎~
哈哈~~返到屋企~又可以慳返d時間~
唔洗搵資料lu~
五點幾...我就收工啦~
拎o左盒vcd去寄之後~
就返屋企繼續做功課~
首先...執返掂story board d字~
print o左出黎~再做電台廣告~
(死~點解我宜家先諗起"電台"呢兩個字o架~
我功課o個度...好白痴咁寫o左個title~
就係"收音機廣告計劃"~
唉~~應該係電台廣告計劃先岩嘛~~
算啦...都十二點咯~~唔改啦~
費事開printer...嘈住哂啦~~v_v)
跟住...就做塑膠彩o係堂上未做完o既功課啦~
畫到九點幾...先畫完~
超級唔掂~
唔係好明塑膠彩要用畫刀黎溝開d顏色~
點解唔可以用畫筆呢~~?!
十萬個問號..
如果聽日仲記得呢個問題~
就問下阿sir點解先~~~ ^_^
做完...再打o左少少市場調查o既野~
就算係正式做完lu~~~ ^_^
細隻囡囡沖完涼返黎~
打開個膠袋...
好香香呢~~....
細細今朝可能知道細隻姐姐返黎~
唔知係咪興奮得滯...
所有特登做o左空中飛貓~
起身o個陣~
見佢o係地下趴o左o係度~
so搞笑~~ n_n
原來...輝輝係有交電話費o架~
但係都唔知點解會比人cut o左~
另外~佢o係"小媽通"又出多個電話號碼~...
哈哈~
佢成日都冇記性...唔記得去交電話費~
睇下又幾時比人cut~~
嘻嘻~~
今晚做好哂d野~
畫埋塑膠彩要起o既初稿~
就諗住執定聽日返學d野~
等聽朝起身o個時唔洗咁趕嘛~
執執下...
發現唔見o左個銀包~
搵o左好耐都搵唔到~
以為係因為今日個袋細得滯~
放o左細隻囡囡入去~
再拎返出黎o個時~
唔小心跌o左個銀包出黎tim~
後尾...終於都發現個銀包...
原來...比細細"擇"住o左...
正衰妹黎o架~~
嚇到我死~
如果真係唔見o左~
一來會比daddy mummy鬧...
二來要拎番身份証又煩~
三來...我袋住程程d信用卡~
唔見埋仲煩~
四來...銀包入面有我同程程第一張影o既貼紙相~
咁珍貴~唔見o左我會好唔開心o架~
至於錢o個方面~
反而唔係咁重要~
據我所知...銀包入面好似得幾廿蚊~
所以一d都唔洗驚...
今晚好充實呀~~
好累呢...
細隻囡囡返o左黎~
即刻幫佢"come"被被訓覺~
訓返佢自己個baby hello kitty o既枕頭~
幾sweet sweet呀~~^_^
另外~仲幫佢影o左相~
睇起上黎~
真係白o左好多喎~~
哈哈~~~~~ ^6^
昨晚...程程十一點幾黎到我屋企~
坐到十二點幾先走...
佢搭的士返屋企...
好快就返到去lu~
佢臨走o個時...
又去7仔買壽司換墨魚仔~
點知o個個人咁好~
竟然比佢換o左3隻返黎~
因為正常黎計...
係買一樣野, 換一隻o架嘛~
嘻嘻~~ ^_^
不過我可能太累啦~
等佢沖完涼打電話比我...
等等下...
都訓著o左~~z_z
跟住佢打黎~
都係講o左兩句就收線lu~
今朝...返學...
返之前~又去o左7仔~
哈哈~~做o左7仔o既常客tim~~ ^_^
咁我又諗住好似程程咁...
可以換幾隻啦~
點知拎o左件壽司埋去比錢~
同佢講...
佢竟然話...本來都可以換幾隻o既~
但係咁岩呢隻係最後一隻啦...
o~~~too bad~
咁緊係比程程昨晚換哂啦~~~~~
搭van仔去灣仔~
再搭地鐵...
一入去車廂入面~
見到好似係阿wing~~
特登行埋睇真d~
以為自己睇錯...
因為阿wing好少會搭地鐵o架嘛~
原來佢走o左班車~~
所以先要搭地鐵~~-_-"
上堂...
係咁二畫過下畫~
同阿sir傾下計~
同d同學傾下夾組d野~
咁又上完一堂lu~
下堂就係最近一堂超視覺素描...
真係過得快呢...
放o左學...
同apple, pun, gary一齊去買顏色~
係咁二買一買...
又買o左幾百蚊...
v_v
之後...拿拿臨去完aeon~
就搭van仔返工~
一返到去...
stephen就話比我聽丹桂軒要做宣傳食牌...
仲要係趕趕o地o個隻...
唉...
總結今日黎講...
最後收到o既工作...
一共有四樣...丹桂軒, 新光, 一間學校o既hp~
培理幼稚園...
全部都要o係十一月前搞掂...
我邊有咁多時間?????
v_v
雖然...有一半我都只係...係咁二幫下手...
但係...一下子多o左咁多野做~
有d唔係好慣o者~
不過...今日亦都有兩件好事~
就係前日黎影相o個個男仔addy~
佢今日又黎影相~
so happy呢~~ ^_^
另外...danny叫o左我入房...
同我講...加我二百蚊人工...
哈哈~~係好事黎o既~
有人工加...好過冇人工加啦~~
danny叫我幫佢打電話同d見工o既人約時間~
聽日約o左5個人~
相比起今日...
真係差得遠~
今朝起碼都有廿個人黎見工~
但係我唔o係度~錯過o左咁"虛陷"o既場面tim~
咁呢...阿森比o左見工d人帶o既作品比我睇~
有個好似好勁咁..........睇黎...
因為佢d 3d max畫得幾好...
但我一睇佢平時畫o個d野~
做o個d design就一d都唔掂...
所以好令人懷疑d 3d係咪佢畫...
今日呢...
其實都因為一樣野~
所以搞到唔係幾開心o架~
因為...我放學打唔到電話比程程~
打比佢...又唔通...
想call佢...又唔記得佢call 機幾號number~
打電話比輝輝...諗住叫佢幫我搵程程~
點知條友又唔冇交電話費...比人暫時性cut o左~
唉...
想打比小魔傑...又怕佢返完通宵訓緊覺~
打比chris...又好似唔係好熟...
有啦啦打比佢又有點兒那個...
結果...程程到o左成四點幾五點先打電話比我~
原來佢個電話唔知點解冇啦啦自己熄o左~
佢自己本身又忙...
又以為我忙...
所以就冇打到比我~
真係比佢激死~
擔心死我...v_v
我又唔知佢咩野事喎...
差d想打埋電話去佢屋企問下程程有冇d咩事咁滯~
平時...佢見我放學唔打電話比佢~
佢都會點鬆d打電話比我~
但今日又唔知發哂神經冇打喎~
唉...
放工返到屋企~
本來諗住畫o左塑膠彩先o既~
不過最尾...都係做o左story board先~
聽日先畫塑膠彩啦...
哈哈~~~
細隻囡囡聽日返黎屋企....
好期待呢...
只剩下鋼琴陪我談了一天
睡著的大提琴 安靜的舊舊的
我想你已表現的非常明白
我懂我也知道 你沒有捨不得
你說你也會難過我不相信
牽著你陪著我 也只是曾經
希望他是真的比我還要愛你
我才會逼自己離開
你要我說多難堪 我根本不想分開
為什麼還要我用微笑來帶過
我沒有這種天份 包容你也接受他
不用擔心的太多 我會一直好好過
你已經遠遠離開 我也會慢慢走開
為什麼我連分開都遷就著你
我真的沒有天份 安靜的沒這麼快
我會學著放棄你 是因為我太愛你
-------------------------------------------
周杰倫-安靜
靜靜地聽著...
雙十節...
冇咩特別...
數下數下自己條icq list~
原來都不經不覺...
積累o左成二百幾人~
係時候delete緊d~
因為好多根本都唔會傾o架啦...
今朝返到公司~
如常工作~
不過做o既...全部都係好簡單o既野~
印下傳單...釘埋一齊~
做下廣告稿咁...
仲有仲有...就係入o左成四十疊相落相簿~
真係唔好睇少入相呢下工作~
都幾煩o架~
要好有耐性先得~
今日有幾個人上黎見工 - 派傳單~
兩個女人~一個男仔~
個男仔曾經坐過監o架~
我唔係歧視佢~
不過...佢個look真係幾嚇人...-_-"
戴哂黑帽咁...
下午點幾去食飯~
食飯之前~
danny叫我幫佢去西灣河拎野~
於是食完飯~
兩點幾...
"支支油油"搭地鐵過去...
去到...唔識路~
好彩我有........程程o者~ ^_^
拎完野...
又搭返地鐵返中環...
我好白痴呀~
好似唔識搭地鐵咁~
搵唔到搭返去中環o個條路~
後尾上番一層地鐵先搵到~
哈哈~~我真係唔掂檔呢...v_v
大約三點幾~
我先返到公司~
咁岩danny見到我...
亦都好好彩佢見到我咋~
如果唔係~冇人開門比我o架啦~
全部人都出哂去~
danny都正想出去...
佢見我返黎...
就上去開返門比我先出去啦...
近來~都好準時收工~
哈哈~~除o左stephen~
佢呢排都幾勤力...
唔知係咪怕danny抄佢呢~
哈哈~~
昨晚呢...
好唔開心呀~
同程程為o左好小問題~
我又勁鬧佢...
●_●
其實我係知自己錯o既~
前日...我態度都可以好好o架~
但係估唔到只係keep到一日~
有時...真係唔知係因為佢蠢~
定係我真係太易發脾氣...
所以成日都搞到咁o既局面~v_v
唉...
三日冇見...
我好掛住你...
今日媽咪五點幾自己打電話比程程~
叫佢上黎飲湯...
飲o個d對佢咳有益o既湯~
我媽咪特登煲o架~
唉...冇地位囉...
我真係冇地位囉~
哈哈~~~
佢可能會夜d上黎...
不過起碼都要十一點左右先上到黎~
今朝...完全feel到天氣轉o左~
真係涼o左好多~
i like it~~~
今朝返學...
見到程程~
佢o係我屋企附近...
我見到佢o係架車入面~
嘻嘻~~
平時搭開七蚊o既van仔~
今日竟然加o左價...
要八蚊喎~
真係奇啦~ ^_^
去到大家樂...為時已晚~
唔夠時間食早餐...
所以唯有買包食啦~
阿yan啦~apple啦~我啦...
都有著風褸~
見天氣涼涼地...
但係阿wing就冇著...
顯到佢變o左異族tim~
上堂...有d無聊~
根本上corel paint就係無聊o架啦~v_v
冇啦啦阿angel入o左黎寫黑板~
話聽日要上廣告~
下個星期二唔洗返咁...
我o地一聽到聽日要返...
即刻好噪...
我當時就決定o左...就算要返學~
我都唔會返...
唔洗返工咩~~~~
放o左學...
返屋企食o左d雪糕同埋一塊麥包~
之後就返工lu~
返到去...
好似好耐都冇返工咁...
成個下午~都冇咩野做~
我都係o係度猛print傳單黎消磨時間~
當我拎相去攝影科學哂o個陣~
因為要等...蘇小姐叫我轉個頭返黎拎~
咁岩我又諗起自己未買六合彩~
於是就去八號窗排隊買...
除o左買六合彩~仲買o左2張電腦飛o既3t~
哈哈~
返到去...
又繼續print野~
今日呢~都幾多人打電話黎見工~
danny出到100蚊兩粒鐘請人派傳單...
以時薪計...仲高人工過我o既~~v_v
五點幾...開始有d肚餓...
好彩有帶包芥辣豆...
都可以頂到一陣o既~
apple下午打電話比我~
通知我學校話聽日又唔洗返啦喎~
真係比學校玩死~~~
跟住...樓上13樓o既靚仔...
竟然落黎影相~
之前我同阿哲見過佢~
我o地都話佢靚仔o架~
原來佢叫addy~
嘻嘻~~
睇靚仔...係欣賞o者~
程程唔好呷醋呀~
知唔知~?!
六點七八左右~
就收工lu~
o係公司樓下買o左個沙翁食~
再行...見到有人賣雞蛋仔~
於是又買o左黎食~
熱辣辣...好好味呢~
返到屋企~
即刻開飯~
好快咁食完之後~
搞掂好哂d野~
見冇咩野做~
就整o左張card出黎~
唉...慘啦~
真係好病~
頭又痛...喉嚨又痛~
又有d傷風~
too bad~
要好好休息先得啦~~
今晚...睇完婚前昏後~
就睇國際台做o既ally mcbeal~
雖然我係錄o左~
但係...見又冇野做~
咪睇少少囉~
我覺得今集一定會睇到我喊o者~
因為ally同保羅分手呀~~v_v
我覺得佢同ally好襯o架~
ally咁多個男朋友~
最型係佢~
最好又係佢...
估唔到佢o地都會分手~~
好唔開心呀~~
希望遲d佢o地會o係返埋一齊啦...
今朝七點左右醒o左~
極唔舒服~
又累...
所以決定唔返工~
九點幾...打o左電話返公司請假~
大約訓到十一點幾先起身~
跟住沖完涼~
就做功課~~~
一邊做功課~一邊聽歌睇電視睇錄影帶~
一開電視~就睇到新聞話美國開戰...
唉...究竟打仗係一個理智定係愚蠢o既行為呢~?
拉登死o左咁又會點...?
所有因為拉登而死o既人~係咪會全部復活?
如果唔係o既話...
咁打黎做咩~
贏o左...so what~
下午o個陣~
公司打黎~
阿哲今日返o左公司呀~~
又會咁岩o既~
我唔返...佢就返黎~~
too bad~~v_v
畫畫畫到五點幾~
終於都畫好~
放o左一日假...
d時間真係幾好洗~
細細一直陪住我畫畫~
真係乖乖啦~~ ^_^
dl o左周杰倫o既"安靜"黎聽~
好好聽呀~
成日不停咁repeat~~
正呀~~ ^_^
同阿哥o既關係終於都明朗化...
一天光哂~
好開心呢...
昨晚程程應承o左我十點鐘黎到我屋企~
佢仲問我早餐想食咩~
我想食哂佢都會買比我~
先頭我話想食元朗老婆餅o既~
後尾...都係改為食饅頭算lu~
佢黎到~
tum o左我好耐...
跟住先冇哂事~
肥仔同細細玩猜"妹"~
肥仔輸比細細~
哈哈~~等肥仔仲成日自稱"妹"皇丫拿~
大約兩點幾...
我o地諗住出去o既~
但係後尾搵返一個好耐o既遊戲機~
就玩o左個幾鐘先出去~
仲一邊食芥辣豆~
正呀~~ ^_^
我的至愛~
o係行落去中環搭車o既途中~
我o地去o左七仔買野~
見到七仔買壽司o個d野~
加五蚊有得換墨魚~
於是~就買o左d壽司食~~ ^_^
哈哈~~個墨魚鎖匙扣好搞笑o架~
一大力整佢~
佢隻眼就會"突"出黎~
好搞笑o架~
跟住...去o左新藍糖食野~
雞(月比)好好食呢~
薯條都好好食呀~ ^_^
落到去中環...
搭車去將軍奧新都城行街~
一去到就見到tcby~
即刻食o左杯雲尼拿~
哈哈~
仲填o左表入會~
比o左50蚊入會費~
送o左條小飛俠電話繩...
仲有十二張coupon~
第時食雪糕有八折~
嘻嘻~~
o係yes station行~
見到一樣新出o既產品~
係好似烘膿麵包o既炒栗子黎o架~
佢好搞笑~
買o左張貼紙~
嘻嘻~~ ^_^
唉...唔係幾舒服~見有d凍
又唔記得帶衫著~
於是就去o左esprit 買o左件衫~
o個件衫...係冬天衫黎o架~
著o左之後~
真係暖好多~
不過有d怪怪o地~
人o地個個都係著夏天衫~
成個怪物咁~
但係鬼叫自己病病o地咩~v_v
終於都買到黎明o個隻music movies collection啦~
哈哈~
買佢o既原因~
因為佢有愛比我重要o既mtv~
哈哈~~
行街行到悶悶o地~
去o左冒險樂園玩~
玩o左一陣~
得到七十一張飛~
冇咩胃口食野~
程程見到我咁o既野~
都好唔開心呀~~
食完野~
七點幾~
之後~搭車去銅鑼灣唱k~
哈哈~~
我o地揀o左d好舊o既歌黎唱~
其中有首...係"你知道我在等你嗎~"
嘩~個mtv勁頂癮~
絕對係"絕"~
笑到我"線"o左落sofa~
實在太頂唔順~
要cut歌先可以令我o地心情平伏...
今晚好奇...
我只係唱千嬅o既歌~同埋一首"絕"咁大把~
唱到十點九先返屋企~
經過七仔~
見隻墨魚咁得意~
程程話又換多隻比大隻囡囡玩喎~
mummy特登打電話黎~
叫程程送我返黎o個時~
入黎飲湯喎~
d湯對佢o既咳有益...
哈哈~
一打開個蓋...
嘩~唔洗咁多呀嘛~~v_v
程程飲完~
就搭的士返屋企lu~
聽日...唔多想返工~
很累~
很累呢...
今朝...晨咁早起身~
因為好多野要準備嘛~
上堂...
極之好笑...
阿豪釣魚個樣...
笑到我o地個個都標眼水咁滯...
最勁係...阿豪一"中"完...
一醒o個陣~
就可以即刻進入狀態...
拎住枝筆寫野~
又或者"踏"住達達o既膊頭~
條友真係頂癮呢~^0^
上塑膠彩...
由上堂畫到落堂~
比我想像中難掌握~
但係好好玩~~^_^
放o左學...
一齊去飲茶傾計...
講下夾組d野~同埋商量下o係邊租屋好~
飲到成兩點幾三點先飲完~
去完one2free交電話費~
就返屋企lu~
返到去...
因為約o左程程六點左右~
計埋我要沖涼呀~
搞下呢~搞下撈~
都係有個幾鐘空閒時間~
訓又唔係~唔訓又唔係~
最終...都係決定睇番d錄影帶~
太多ally mcbeal未睇啦~v_v
睇到四點幾...
就沖涼~
沖完換好衫...
就出門口~
本來係去接程程放工o既~
但係...費事行黎行去~
咁我就直接去九龍城啦~
佢o係o個度買o左飛睇"絕世好bra"~
個個都話好笑~
咁當然唔會錯過啦~
我搭車去九龍城o個時~
唔識落車喎~
早o左一個站~~
搞o左好耐...
先搵得返程程~~v_v
我o地之後去o左食野~
"黃珍珍"...
嗯~~好味道~~^_^
兩個人食o左三百幾蚊~
正~~
杯青檸冰勁酸...
一飲~成個人都醒哂~
唔知係咪因為唔夠訓~
所以...隻眼仔好累呢~
食到七點八~
先行去睇戲~
張飛...係舊式要用人手畫位o個d飛黎o架~
夠哂有特式~
套戲...真係好好笑~
劉青雲同古天樂戴bra o個幕..
真係笑到標眼水~
拍哂手~
哈哈~~
睇完...
o係商場入面行o左陣~
見到上次有個好得意o既框o既貼紙相機~
咁咪影囉~
點知因為一個小問題~
搞到好唔開心~
我行得好快~ 粒聲有出~
佢追返我~
我冇理到佢~
之後程程對眼望住地下行~
我就自己行開o左~
行o左去第二條街~
特登走o左去七仔入面避佢~
對於我黎講~
九龍城係一個好陌生o既地方~
我完全唔識路~
好辛苦先搵到車返屋企~
雖然佢後尾有打電話黎搵我~
不過我冇理到~
o係我未上車o個時~
佢打黎~
但係我呃佢我上o左車~
叫佢唔洗搵我~
我搭113返屋企~
一個人坐o係巴士上層o既最後o既位~
我o既前面...有一對情人~
唔知有幾耐...
我冇試過有寂寞o既感覺~
呢一刻....再次湧上心頭...
喊起上黎~
去到金鐘...我落o左車~
本來諗住搭巴士返企~
但係...等o左一陣~
我決定行返屋企~
平時行幾個字o既路程~
我用o左成個幾鐘先行到返去~
一邊行...
諗o左好多野~
唉...好落寞...
心入面...諗住程程或者會o係我屋企樓下等我返黎~
結果...我好失望...
佢冇咁做...
返到屋企~
大約十二點...
我打電話比佢~
佢飛o左去留言....
我留o左言比佢...
話分手...
之後過o左一陣~
佢打電話黎~
我o地傾o左好耐...
佢由o係屋企同我傾~
傾到佢搭車黎到中環...
我同佢講...
當我expect你黎o個時~
你冇黎~
宜家黎到...已經冇必要...
何況...我冇可能出黎見你~
咁夜出去~
未比人鬧過咩~
跟住...我叫佢返屋企~
o個時...已經點幾lu~
我太累...
連涼都冇沖...
就訓去o左訓覺~
我平時咁鐘意沖涼~
我都可以忍得住唔沖...
可想而知~
我真係有幾累呢~
本來應該係好開心o既一晚...
搞成咁...
真係掃興呢...
今朝...我換好哂衫~
搞掂好哂d野~
就幫細仔囡囡影相~
影完相先帶佢去沖涼~ ^_^
哈哈~
點解要影相呢~?
因為要証實下...佢沖完涼返黎~
係咪真係白o左嘛~~
佢要成12號先返屋企~
唔知佢慣唔慣呢...v_v
返工...
有d納悶...
絕對唔係o係工作狀態~
個人都冇咩思想~
到下午先好d咋~
阿森教我做網頁~同flash o既野~
佢教返我好多基本上~
上堂o個時都學過o既~
但係學完就算...
都唔多記得o既~~v_v
五點鐘左右~
我就放工lu~
返到屋企...
當然係做功課啦~
做到成十點幾先做好呀~~
總共要交4張作品~
我每做完一張~
都會print出黎~
當我做好第四張~
諗住print出黎啦~
點知...print極都print唔到~
原來...冇墨...
too bad~
咁apple send o左咖哩份功課比我幫佢print~
因為apple部機又係冇墨...
so~我都冇能為力...
幫佢唔到lu~~>_<"
真係黑...
最重要o既時候~
通常都冇墨...激死~
今晚...阿mon打黎問我野~
問完之後~
我就捉住佢傾o左一陣~
係講關於夾組o既事o既~
傾完...
又知道多o左一d睇法...
之後...諗住打電話比阿wing~
同佢傾~
不過佢屋企部電話lock o左password~
打唔到比佢~
咁我就打電話比阿yan啦~
本來以為佢係o係屋企o既~
點知佢出o左去唱k~
我見佢出o左去~
費事同佢傾啦~
點知佢話唔緊要~
咁我又同佢傾o左一陣~
哈哈~~
好充實o既一晚呢~~~
今朝食完早餐返去交學費~
嘩~勁多人~
你話學校呃幾多人錢丫~
哈哈~
上樓梯o個陣~
見到jeffney~
聽到一d評語~
幾開心...^_^
昨晚畫到隻豬似隻狗...
返到去...
阿sir係咁二畫o左兩野~
就畫出哂隻豬o既輪廓~
阿sir果然係阿sir~
真係勁o架o者~ ^_^
臨落堂之前...
o係度同apple講夾組d野~
講講下~
不如實際行動~搵d人傾啦~
宜家決定好o左~
andy, mon, wing, yan一組~
我, apple, gary, 朱 and emily一組~
哈哈~呢個組合~
有d出乎意料...
因為本身我o地圍內應該唔計朱and emily~
佢o地兩個都冇同我o地玩開~
咁我o地諗...冇可能叫佢o地同三寶夾~
family group o個邊...
又冇可能夾佢o地...
咁既然我o地平時都有傾下計...
算做都熟...
就一組啦~
講真~我o地班好就好在夠團結~
夠義氣...
絕唔會趕盡殺絕...
人o地唔夠人夾組都唔理~
大約落實o左...
咁樣就應該有野要開始做lu~
不過team work o既野~~
有d驚...
各人所長不同~
你諗o既野~又唔同佢諗o既野~
總之...大家都係想做好份功課o者~ ^_^
到時要好好合作呢...
放o左學...
搭"丁丁"去灣仔買塑膠彩d用具~
我o地成班人一齊去~
去到競城...
車~比阿sir呃o左~
o個度得返幾枝細o既塑膠彩~
都唔夠分~
於是我o地買o左4枝一齊分黎用~
o個度又冇筆喎~
跟住我o地又一窩蜂去藝林買筆~
o係o個度揀o左好耐先揀得齊~
計一計數~
只係買筆都買o左百幾蚊~
so貴呢~
計埋顏色呀~插圖卡呀~
都差唔多成二百蚊~
好耐都冇買過美術用品啦~
唉...
雖然係咁...
我臨走o個陣~
比我見到紫色o既珍珠紙~
咁我就買o左一疊~
嘩~~抵到爛啦~
剛古紙黎o架喎~
20蚊廿張~
有折~18蚊~
即係1.8一張~
太超值啦~~ ^_^
買完哂~
拿拿臨去搭車返工~
等等下巴士~
見咁塞車~
諗住行前d~
搭van仔啦~
咁我行去搭van仔o個時~
見到有投注站喎~
醒起自己要去買六合彩~
於是又走o左入去買~
填o左張複式~
同埋買o左一張電腦飛~
媽咪教落...
買六合彩要去八號窗買先lucky~
但係...o個度竟然冇開八號窗~
too bad~
咁我就去o左三號窗買啦~
哈哈~~覺得自己超"八卦"呢~~
條龍好長~
排o左兩個字咁滯先到我~
出番去~
上o左架van仔~
唉...勁黑...
個司機成日等人上~
搞到我成兩點四先返到公司~
v_v
去到公司樓下~
見到q班o既小飛飛~
佢眼望望...
我估佢諗緊...
我點解會上o左呢棟商業大廈o既呢~~~
哈哈~
返到公司~
印過哂所有人o既card片~
cut好埋~
跟住奉旨上網搵料~
搵搵下~
講起整hp o既問題~
咁阿森就開始教我啦~
黎緊...阿森會教我用flash...
整一隻推廣公司業務o既vcd~
希望我會整得好啦~ ^_^
六點八左右放工~
見到有砵仔糕買...
先覺得肚餓~
即刻買o左個白色o既砵仔糕黎食~
今日真係太趕啦~
冇時間買野食...
不過好得意喎~
放工之前都唔覺肚餓~
真係奇~
呢兩日都勁聽千嬅o既"姊妹"~
勁好聽...
大家一定要買千嬅隻碟呀~~ ^_^
成日話帶細隻囡囡沖涼~
但係次次都唔記得拎佢落街...
佢好唔開心呢~~v_v
要快d變返白雪雪先得啦~
如果唔係...就會冇人錫你o架啦~
知唔知~?
今朝返工~
唔算有太多野做~
做o既野~
都係手板眼見功夫o者~
仲以為老闆會出糧...
點知...到臨收工先出...
而今次...
我終於賺哂3300啦~
第一次出哂咋~
之前幾次都係因為我拎假~
比佢扣o左d糧...
如果旨意出糧交學費...
咁我就一定死硬...
好彩呢個世界有"程程"~
唔係有"邦民"~~(哈哈~)
如果唔係~就死人都似~
臨放工之前~
開o左個會~
講改革o既野~
內部又好...對外又好...
d職位都變哂~
以後都係得一個manager~
而我以後o既職位...
只係"production"~
哈哈~~
對於我黎講~
都冇咩所謂o既~
不過開會o個陣~
我見stephen好似唔多滿意咁...
佢個表情又少少唔知點咁...
我估...佢應該唔鐘意呢個改變o掛~
話哂...佢宜家由唔知咩咩manager~
變o左做...marketing咋~
冇o左manager...又的確失色不少o既~
昨晚...我發o左個夢...
一個好恐怖o既夢...
夢見我自己落o左樓下~
見到好多掘路~
掘o左好多棺材出黎~
棺材入面...係骨頭黎o架~
同程程講~
佢話可能係好野黎呢...
跟住我同daddy講~
佢聽完~即刻話...唔洗講啦~
快d去買六合彩~
咁係旺財o架喎~
點知我同媽咪去到買六合彩~
冇開門喎~
聽日先有得買呀~~v_v
成日...程程都好忙~
由朝做到晚...
好慘慘呢~~ >_<"
佢個病又未好返~~
too bad~~~
今晚~ daddy mummy出去商會食飯~
mummy煮好飯比我o地食先出去~
阿哥個friend都o係度一齊食...
咁都好d~~
到宜家為止...
我都仲未好識面對阿哥...
今晚佢d態度好返d~
唉...唔知佢係咪冇咁嬲呢...v_v
食完飯...佢o地出o左去~
我就自己一個人o係屋企~
聽日呢...應該要畫好幅畫o既稿o既~
不過...唔識點樣畫豬...
點算好呢~~???
哈哈哈~夠哂藉口唔畫啦~
係咪先~?
丫~今晚拎哂同程程睇戲d飛尾出黎~
搵o左本舊卡片簿入哂落去~
嘩~不經不覺~
都睇o左成39套戲喎~
哈哈~~^_^
今朝...我又好早醒o左~
訓得唔係幾好...
九點幾就起o左身~
跟住me me 摩摩拎d功課出黎做~
做到十二點幾...
有d悶~
於是又停o左手~
o係度同囡囡玩~~
五點三左右~
我就出門口~
去接程程放工~
點知五點九就去到長沙灣...
好彩買o左本milk睇~
一邊睇一邊等佢o者~
佢先頭唔知我去接佢o架~
我係去到地鐵站先打電話話佢知~
不過...佢冇咩開心o既反應o既~~v_v
我o地之後去銅鑼灣...
點解會去銅鑼灣呢~?
因為程程媽咪生日~
我要買禮物嘛~
結果...揀o左件程程話佢媽咪會鐘意o既冷衫...
之後...我突然話不如去食自助餐~
咁我o地就去o左銅鑼灣二期食韓國燒啦~
哈哈~~
好飽...飽得好緊要~~o'.'o
食到八點幾~
就去o左city super~
一邊行...一邊玩~
買o左三樣野~
有一疊好核突而邪惡o既信紙~
呢樣...係屬於程程o既~
佢話用黎寫野比我喎~
費事"拿"上手...冇紙寫啦~
有一張貓貓貼紙~
係我平時儲開o既o個d貓貼紙...
其實係有三四張新款o既~
但係...費事哂錢錢啦~
咁我就揀o左最得意o個張買啦~
仲有...就係買o左枝hello kitty o既鎚仔槍~
哈哈~係比"細細"玩o架~ ^_^
十點左右就搭車返屋企~
又一次証明...
每當我同程程搭23號...
一過金鐘o個個站...
我就會笑到失哂控...
今日當然唔例外~
咁程程訓o左落我度~
起身o個陣~
佢個頭撞到前面張椅子~
咁坐前面o個個小朋友就係咁話...
後面點解會"砰"一聲o既呢~
係咁講~講o左幾次~
驚死人聽唔到~
哈哈~~程程囉到死~
自己都忍唔住笑...
可能係得太飽啦~
所以...笑到好痛...
幾難先收到聲...冇再笑咋~
返到屋企...
都係十點幾...
我o地幫仔仔囡囡影過張全家幅之後~
程程先拎大隻囡囡同趴趴返屋企~
程程好偏心o架~
鍚哂大隻囡囡...
話佢乖同埋好攬喎~
哈哈~~
聽日要返工lu~
放o左幾日假...
好悠閒呢...
今日除o左係中秋節加國慶之外~
仲係我隻細趴趴"細細"囡囡出世o既日子~
連我自己都估唔到~
我o地會遇到佢~
先頭比我o地遇到"超超"~
已經覺得好幸運~
點知...
宜家仲遇到之前未見過o既細趴趴"細細"囡囡~
簡直係開心都暈...
二話不說...
程程買了下來...
本來...仲以為"超超"有排得寵~
話哂佢咁罕有~
總供見過兩次~
不過...我o地忘記o左~
細趴趴"細細"囡囡我o地從未見過~
哈哈~~
超超三日貨仔...就咁玩完...
細細佢個樣...好乖乖o架~
仲乖過細隻囡囡~
d肉好結實...
一d都唔似嘉德利奧...(即趴趴)~
='.'=
鍚哂佢~~ ^_^
全部白色o既jacob貓已經買齊哂啦~
哈哈~~
宜家欠仔仔未買o者~
唉...o個頭先應承o左媽咪唔會再買公仔~
點知又...
算啦......
我諗短期都唔會再買o既~
哈哈~~
今日程程十二點左右黎到我屋企~
帶埋大隻囡囡...同趴趴黎我屋企~
諗住影全家幅~
排好哂位...影o左幾張~
哈哈~~ ^_^
遲d整上黎比大家睇呀下~
另外~~昨晚買o左包魚魚糖~
見齊人~
就分比佢o地食啦~ ^_^
之後...去金鐘...
因為睇雜誌~
話貓狗鬥一番會o係ua金鐵有宣傳活動~
咁就去睇下啦~
當我o地o係屋企附近買買下薯條o個陣~
發現唔記得帶飛~
於是就即刻返屋企拎~
真係大頭蝦呢~~~
去到金鐘...見到兩隻主角~
邦邦同阿撈o既人扮公仔~
原來只係比錢同佢o地影相o架咋~
好過冇~
比o左廿蚊影o左張即影即有~
好鬼開心~~ ^_^
跟住我o地去太古行街~
又入o左去類似冒險樂園o既物體度玩~
又係買夾糖機~
又係好似上次咁...
又係差d得o個隻~
不過今次就限自己只係可以玩廿蚊~
所以玩完都唔得~
就算數~~
今次都係一樣~有幾個人圍住睇~
佢o地果然係執死雞~
我o地行開o左~就即刻入錢落去lu~
so cheap~~
o係吉之島~
有得扭彈彈波...
咁諗住透明o既波出黎啦~
點知...扭o左成七個...
都係同一款...
好唔開心~~
最邪o既係~~每架機都有好多唔同款...
已經分別o係唔同o既機度扭o架啦~
都可以扭同一款出黎~
真係一個字~"服"~
行到五點左右~
諗住行多一陣就去返金鐘睇戲~
行到去paper ~n things~
o係櫥窗已經見到大趴妹趴o左o係度~
仲有大趴仔o係度tim呀~
咁我o地就拿拿臨入去睇啦~
叫個sales拎大趴仔比我o地睇~
睇睇下~ 都有諗住買o既念頭o既~
點知...程程轉個頭~
發現到"細趴趴"細細"囡囡"~
仲有細趴仔tim呀~
最後...都係決定帶細趴趴"細細"囡囡算...
哈哈~~paper ~n things真係好旺我o地o架~
好多隻囡囡我o地都係o係o個度買o架~
宜家儲齊哂白色囡囡~
差仔仔字儲齊...
而paper ~n things~ 有齊哂我o地未買o既仔仔~
嘻嘻~~第時就唔洗搵得咁辛苦lu~~
咁呢~我今日本身係有帶細隻囡囡同肥仔出街o架嘛~
咁細仔囡囡見妹妹細細出o左世~
就即刻用daddy個電話打返屋企~
話比超超聽佢已經唔得寵...
搞到超超幾唔開心呀~~
而肥仔就打電話比趴趴...
話比佢聽...有個好似佢o既妹妹出o左世~
哈哈~~~趴趴真係好唔掂o架~
似嘉德利奧~
又啡色頭髮~
成個異族咁...
冇人鍚佢咁滯...
肥仔都好佢少少~
因為...肥仔有d缺憾~
為o左唔傷害佢o既弱小心靈~
我有時都會對佢好好o既~
我一直都抱住細細~
見到佢真係好開心呀~~~
六點幾~~
睇貓狗鬥一番...
我係睇英文版o架~
費事聽到陳冠x又或者叫陳x希配音~
影衰哂~~
細隻囡囡~肥仔同細細都一齊伸個頭出黎睇戲~
邦邦真係好邪惡呀~~
睇到囡囡有d驚...
好鬼搞笑~~
程程個病仲未好返~
所以只係准佢食細o既爆谷~
又唔准佢飲汽水~
只係准飲綠茶...
見佢咳...真係慘呢~~
睇完出黎都係八點幾~
唔知去邊...
於是就上o左山頂賞月~
上面好多人呀~
有d攤位遊戲玩~
大獎冇贏~~
不過獎品都人人有份~永不落空~
有樣野幾得意~
就o係有班中文大學o既學生o係度表演~
o係度演奏音樂都唔奇...
最奇o既係...
佢o地奏埋哂d新年歌...
好多人一聽到就話...
嘩...新年呀~~
哈哈~~完全唔岩feel~~
臨上山頂之前~
買o左枝閃燈棒~
今次好靚o架~
粉紅色and粉紫色閃燈...
仲有買o左條閃光藍色頸鏈~
好靚呢~~
上面好鬼凍~
好彩我同程程都有帶風褸o者~ ^_^
十點有煙花睇~
諗住搵個好d o既位tim啦~
就行上d...行上山~
點知...條路係屬於私家路~
於是又去返原本o個度~
結果...睇唔到...
行o左去d徑仔度睇~
o係d樹與樹之間o既隙縫度睇~
都叫睇到少少o既~
有個煙花~係紫色o架~
好靚呢~~
細細都話靚靚呀~~ ^_^
睇完...就返屋企lu~
冇咩人搭van仔~
我o地第二架...就上到車lu~~
返到屋企~
比o左枝閃棒比細細~
比o左條頸鏈比超超...
細細要避一避風頭~
唔可以比daddy mummy發現~
所以...講野都要細細聲...
哈哈~~
很累呢...
今晚所有仔仔囡囡都o係哂我屋企~
冇人陪程程tim~
佢o地一隻二隻...
好快就訓著哂...
今朝影o個張全家幅...
我諗...應該要影過啦~
哈哈~