阿mon今日生日~
生日快樂~
上年你生日o個陣~
仲記得我o地周圍搵烘"火農"麵包d野送比你~
估唔到咁快就過o左一年...
星期一我o地一齊同你慶祝~
要好好咁玩返日~ ^-^
昨晚~阿yan o係icq度講~
話佢同阿wing o係先達度行~
漏電~好大煙...
咁正常人...都會即刻走o架啦~
佢就反而唔肯走~
真係比佢激死~
佢話見到好多警察同消防員~
都不知幾開心tim喎~
唉~~真係唔知好嬲定係好笑~
今朝~ 好早比人嘈醒o左~
為o既...係煲湯~
我老豆就話...阿妹訓緊覺~唔好煲湯~
一陣有咩事又或者煲乾o左~佢都唔知~
我阿媽就話...怕咩丫~
有人o係度就煲得o架啦~
唔會有事o既~
之後~~ 我daddy出o左去~
我mummy臨走o個時~
就入黎拍醒我~
問我可唔可以一陣幫佢熄爐...
結果~又比我一輪咀咁話佢~~
叫佢一陣打電話比我熄爐咪得囉~
又要講咁多野...
十點幾...正式起o左身~
程程今日返晏~
所以佢都仲o係屋企~
我打電話比佢~
原來佢都已經起o左身lu~
跟住~ 我o係度睇電視~
睇ally mcbeal~
呢集冇咩特別~ 冇咩精彩野~
過o左陣~
程程打黎~
佢話佢終於都上到gprs喎~
仲dl o左麥嘜同麥兜tim~
我諗會幾得意~
於是就話同佢交換電話用啦~
哈哈~
程程上星期日留低o左條銀頸鏈o係我度~~
我今晚見到...
咪幫佢沖涼...
宜家條鏈好"令"呀~~
大約十二點幾~
我就出門口~
幫程程去銀行交錢啦~
交完~
我又去o左哈迪斯食野~
昨日去完~今日又係~
其實都幾悶~
不過又唔想行~
於是咪又去食囉~
今日食炸雞~
好熱氣呢~ -_-"
返到公司冇幾耐~
danny就出糧~
可惜...今日冇人黎影相~
冇藉口落去銀行入錢~
宜家請假~
要填form呀~
張form岩岩新鮮熱辣~
係danny叫angelina打出黎~
而我~就係第一個用o既人啦~
哈哈~~
聽講~ 今日danny派o左張新o既員工守則~
angelina話張守則講下個星期開始返9-6:30喎~
danny冇派比我~
我會照返9:30~ 哈哈~
丫~我想問下大家~
你o地宜家訓緊o個個枕頭~
究竟訓o左幾多年呢~~?
通常一個枕頭~
平時都只會係換枕頭套~
而個枕頭呢...就好耐好耐先會換一次~
今晚呢...我終於都換o左陪我好多年o既枕頭啦...
個枕頭有陣口水味...哈哈~~
雖然聽起上黎唔係好衛生~
不過~~ 可能聞慣o左~
所以冇咩感覺~
哈哈~~
講起上黎~
我都唔知點解自己會成日流口水~
唯一一個我諗到o既原因~
就係...我細個o個陣~好鐘意食奶咀~
咁宜家我係唔會有真實o既奶咀黎啜o架嘛~
形成o左我會打開個口訓啦~
呢個秘密~
真係我最親o既人先知o架咋~
唔好唱出去呀~
知唔知~~
嘻嘻~~
今朝~都係好早起身~
嘻嘻~
搭地鐵返學o個陣~
行樓梯上去...
發現...岩岩整完o既右邊樓梯~
好似咩都冇整過咁...
到宜家又整左邊樓梯~
真係奇怪~
阿yan就話見到佢o地係鋪電線...
不過點解鋪o左之後~
o個d樓梯~ 都係咁殘...
點解唔順便換埋地板呢...
去東東食早餐~
o個度又唔知整d咩~
封o左一半...
前排...成間東東都封o左...
好似裝修咁...
但係...又唔覺佢有整過d咩野~
咪又係同以前一樣~
今次又整野...都唔知點解咁整得~
我今日叫o左個鐵板A配豆腐~
飲o左一啖...
噫~~~ 冇味o既...v_v
阿wing就話可能係維他無糖o個d豆漿~
唉...真黑仔...
所以我飲o左一啖都冇飲lu~
上堂...又係好努力咁o係度油木顏色~
好充實咁過o左一堂... ^-^
正當我油到咁上下~
諗住拎部電話出黎睇下幾點o既時候~
好邪惡地...
本身display orange ...竟然變o左做數碼通~
好恐怖呢...
我即刻熄機再開...
先回復正常~~ -_-"
放學...搭van仔返公司~
個司機...我已經上過佢幾次車o架啦~
又會咁多架車~ 都會坐中佢o個架o既~~
哈哈~
見時間仲早...
我就去o左買張六合彩~
之後去o左哈迪斯食野~
叫o左個德國意粉同埋一杯青蘋果梳打飲~
費鬼事叫餐食~ 怕自己食唔哂嘛~
食完...走o左去買廁紙~
十足阿四咁...
不過算啦... -_-"
返到公司~
有人發起執野~
於是...齊齊執...
整齊好多~~仲掉o左好多野tim~~ ^-^
呢兩日都幾忙~
barton要印好多卡片~
又要幫佢打地址~
只係cut卡片~都cut到我手軟~
阿joe約o左我o地production department o既同事去唱k~
下個星期五喎~
哈哈~~我o地都講o左去唱k好耐o架啦~
終於都有實際行動~
so good~
放工~ 返到屋企~
食完飯~
做o左少少野~
之後~發現o個部DC可以拍VIDEO~
於是又玩O左陣~
當我save完~再開個file出黎睇~
又睇唔到~
最後...我o係個file尾~再加mepg~
先開得到~
哈哈~
咖哩今日帶返部gd 95比我~
冇哂電~
部叉電機又唔o係我度~
咁程程今晚收o左工~就過黎我屋企啦~
媽咪特登留o左d飯食送同湯比佢~
因為佢仲未食晚飯嘛~ -_-"
但係...佢比我預定o既時間遲黎o左~
所以就比我勁鬧佢啦...
搞到佢嬲...
後尾~我講o左對唔住...
之後佢都仲係冇出聲...
跟住我喊...
佢又同返我講對唔住...
咁當然~最尾都係冇事啦~
o係度玩佢部t68~
有鍵盤玩呀~
不過好蠢...唔多識用~
另外~教極都教唔到點樣上到gprs~
我諗~
我o地星期日要去one2free o個度問下人先得啦~
丫~原來一部電話~
當冇插sim card入去o個陣~
都可以打到緊急電話o架~
真係唔試過冇sim card開機都唔知呀~~
check e-mail o個陣~
yammy send o左張得意o既相比我~
係一隻似賤白兔o既狗~
大家覺得似唔似呢...??
程程去買電話o個陣~
one2free比o左兩張儲值card佢~
用先收錢...以備不時之需嘛~
個number好正o架~
都有我同程程o既生日number o架~
尾位仲要係連number~
一個23~一個24~tim~
聽日終於都月尾~
出糧lu~
哈哈~~
so happy 呢~
daddy上星期用card換o左部數碼相機返黎~
不過只係可以接駁住部電腦先影得o個d~
先頭...都冇諗住裝入電腦玩~
今晚...我無聊~
install o左入電腦~
哈哈~原來真係可以影到o架喎~
雖然d解象度較為低~
不過都唔緊要o既~
都幾好玩~~~~
我又幫細隻囡囡影o左d生活照~
嘻嘻~~~
終於~都挨過o左啦...
有返多d錢洗~嘻嘻~~
今朝程程打電話比我叫我起身~
一叫即起~
冇懶床~
所以我都好早去到大家樂食早餐~
不過~我都冇食到野~
只係飲o左杯熱好立克~
鬼咩~因為起身o個陣~
媽咪整o左好大碗熱鮮奶比我飲~
又整o左兩塊麵包比我食~
仲邊度食得落野丫~~
程程今日要上堂...
唔方便聽電話~
too bad~
哈哈~我帶埋gd95返去...
比阿yan聽下d警車o既鈴聲~
阿yan就嫌部機長得滯...
如果唔係~對佢黎講都幾好o既~
部電話後尾借o左比咖哩用~
佢都係貪得意o者~
佢話聽日還比我喎~
返學之前~
我o地一班人分頭買野~
女仔o既買潤面霜~
男仔去買石膏粉~
阿yan同咖哩今日犧牲o左塊面比我o地整個石膏模~
我o地整o個個...就成功o左~
但阿yan o個組...就失敗o左~
v_v
咁呢...我o地因為唔想同阿潘一組~
所以我就特登好大聲咁講~
"拿~andy~mon~wing~yan一組~
我~apple~咖哩~emily~朱一組"~
哈哈~等阿潘聽到之後~知難而退~
哈哈~
我o地今日做呢個面模~
搞到全校都污嘈哂~
地下有好多石膏粉~
行黎行去o個時~成地都係鞋印咁滯~~
工作室個洗手盆~
比我o地整到"塞"o左~
不過我o地幾個算係好好o架啦~
幫阿sir執返好多野先走~
又掃地~又抹地咁...
哈哈~ o係屋企都唔會做~
竟然o係學校做~
哈哈~~
個面模乾o左之後~
整返出黎o個時~
痴o左好多眼眉如眼睫毛~
有d恐怖呢...
咖哩洗完面之後~
話塊面滑o左喎~~
好似做o左mask 咁~
為o左答謝佢o地兩個咁樣犧牲~
全埋面除o左個鼻"lone"之外~比我o地活埋~
我o地就請佢o地兩個食飯仔~
我仲特登打電話返公司同danny講遲d返tim~
嘩~好耐冇同佢o地去飲茶啦~
食o左好多野~
到兩點幾...先返到公司~
一返到去~
angelina就話公司有新文具...^_^
終於~都唔洗周圍搵筆啦~
哈哈~
近來...公司有好多人換電話~
angelina今日都換o左新機~
mavis前日又換o左~
so happy la~~
今日~好忙~
好多野做~
覺得開始有d前途~
danny亦會聽日開始請人~
我交帶好d野~
15號就可以輕鬆咁走lu~
今日~吸o左好多石膏粉呀~
返到公司~又猛咁流鼻水~
too bad~~
程程賣出o左我部a288~
有1800蚊...
唉...比我想像中好...
佢打電話問我好唔好~
咁當然係好啦~
仲要砰砰聲o個隻tim啦~
哈哈~
銀包有好多野~
要執下先得啦~
昨晚...大約點幾醒o左~
於是就唔理夠鐘未~
都照食藥...
果然~空肚食藥o既後果係會有d作嘔~
我見食o左唔多舒服咁...
於是就食o左d糖...
一直含住...
訓得極之唔好~
到今朝起身~
沖好涼食早餐o個陣~
都係頂唔順...
嘔o左少少野出黎~
好辛苦呢...
見昨晚飲熱奶幾有效~
咁媽咪都整o左d熱奶比我飲~
飲完~真係好好多呀~
我怕我返到公司又係咁~
所以就帶o左個暖壺~倒d熱奶入去~
帶返公司飲啦~
其實極之想射波~
不過費事啦~
又唔係多野做~
射波比佢扣人工就唔抵啦~
今日danny派o左我出去交d野比d客~
由上環到中環...差唔多行"暈"哂~
下午lunch o個時~
買o左個飯盒返公司食~
好利害地...我竟然食得哂~ ^_^
好準時...六點半收工~
哈哈~今日我印o左好多卡片呢~~
cut到我手都軟埋~
放工~
約o左程程o係銅鑼灣等~
因為拎部新電話~8310比我丫嘛~~ ^^~~
好開心呢~~~~~~
下午佢放工o個時~
自己一個人走o左去one2free度買電話~
買o左一部8310比我~同埋一部t68比佢自己~
哈哈~~ 當然係我最愛o既白色啦~
先頭呢~佢諗住一齊用t68 o架~
買一部銀黑同一部金色~
不過我及時打電話比佢~
話唔鐘意t68~ 改買8310仲好...
嘻嘻~拎住部新電話~
係開心o既~
但係...8310竟然係冇得自己入歌o架~ v_v
8250都有得自己入歌啦~
又會退步o既...
超級唔開心~
搞到我唔想要...想即刻買返出去~
好彩...
程程及時o係d雜誌度搵度d打電話入歌仔o既廣告~
幫我入o左隻"野孩子"咋~
如果唔係...我有排唔開心都似...b_v
之後去the spachetti house食芝士火鍋~
好飽呢~~
o個個芝士火鍋o既份量~
絕對係夠四個人食~
連程程咁鐘意食牛肉都飽到食唔落~~
可想而知有幾多~
丫~~o個度o既焗芝士肉醬長通粉好好味o架~
大家要去食呀~~ ^_^
食完~就即刻返屋企玩電話~
不過~唔敢咁揚~
因為如果daddy mummy知道實比佢o地鬧丫嘛~
v_v
今晚~立o左程程部gd 95黎比囡囡玩~
而程程就拎o左我部samsung a288返去~
拎去買丫嘛~~
宜家又可能跌o左價啦~
可能只係買得千三四左右~
程程將我o地o既生日電話number...
由orange轉o左去one2free~
嘻嘻~
大約十點左右~
程程就返屋企lu~
帶埋細細返去... ^_^
細細都唔知幾開心呀~
有得去街街搭車車~~ ^^~~
今朝~好早起o左身~
決定都係返工~
但係返工之前~
我去搵醫生睇~
不過都係搵唔到~
最後~見係時候返工~
於是就冇再搵落去lu~
返到公司~都係九點一二~
mavis未返~
咁我就企o係度等啦...
mavis返到黎~
入公司~
發現d電製跳o左錶~
唔識點樣可以搞返掂~
咁mavis就打電話問kenny啦~
kenny原來呢幾日都唔會返公司~
因為要去影野呀~
阿paul今日請o左病假~
希望佢快d冇事啦~
十一點幾~我等埋派傳單o個個人黎~
我就去灣仔lu~
一來要去新光~二來要去買野~
三來...要去做d私人野~
唉~~一搞~就搞o左兩個幾鐘~
too bad~~
v_v
返到公司~都成三點幾四點lu~
今日成日做o既野~
都係d好鎖碎o既野~
輕輕鬆鬆~又放工lu~
下午食o左d麵~
可能d麵dirty~
搞到我好肚痛呢~~-_-"
其實~ 今日o既心情好複雜~
好驚...
希望...會冇事啦~~
我老豆今晚講~
佢話我成日都傷風~
係因為我織野喎~
哈哈~
我一早都同程程咁講過o架啦~
佢仲叫我收線tim~
不過我又唔制呀~~~
一定要織得好好睇睇o架嘛~~ v_v
今晚~要兩點幾三點起身食藥...
唉.......
點起身呀~?
但係一定要食~
所以...點都要起身~
慘慘呢~~
今朝~程程十一點幾黎到~
食完雲吞...
就繼續打rainbow six~
佢死都唔信自己過唔到第三關...
而事實上....佢最終~都係過唔到~
不過~~玩o左其他關...
其他o個d~好似易好多喎~~
媽媽呢兩日都煲o左涼茶比我飲~
下午又飲o左一碗~~噫~~~~
o係屋企一直玩到三點幾先出街~
去新藍糖買o左包薯條食~
特登叫佢落多d鹽~
好美味呢...
行到落中環...去1010睇~
見到部t68~
程程好鐘意呀~~
昨日o係旺角one2free睇到o個時~
見到有得分期...佢已經心郁郁~
想買o架啦...
但我死都唔比佢買...
岩岩先換o左電話~
又換...實比佢媽媽鬧死都似~
之後~我o地又去o左kfc食雞翼~
嘻嘻~~好味~~~
跟住...搭船船去尖咀...
海運已經佈置好哂d聖誕燈飾啦~
今年真係整得好靚呀~~
今日好多人呀~~
可能係有樓睇~
好多sales o個度~~
無啦啦比人問我o地係咪睇樓tim~
我o地見形勢唔對~
又為免比人再問~
於是一見到有sales~
我o地就分開行啦~~哈哈~
我o地行o左好耐~
先搵到賣電子魚魚o個間舖頭~
入去諗住買啦...
點知已經冇哂貨...要訂先有~
咁我都諗住算啦唔買~
結果~都係訂o左~
程程話...好彩訂o左咋~
如果過幾日...我冇啦啦話要~
但又冇得訂~又買唔到~
o個時~真係唔知去邊搵條電子魚比我lu~
哈哈~~~兩個星期後有~
嘻嘻~~好開心呢~~~ ^_^
細細同趴趴知道有魚魚睇~
都話唔返程程屋企lu~
買完魚魚~
去city super~
因為o個度有四月做o個間化妝公司o既counter~
程程先前撞到好多次四月~
又諗...會唔會又見到佢呢~
點知一轉頭...又見到佢...
唉~~佢o地真係有緣啦~
仲有緣過同輝輝老爺~
最衰個輝輝老爺又唔爭氣~
又唔努力d追四月~~
我o地見到四月~ 即刻打電話比輝輝啦~
不過佢冇聽到電話啦~
到夜晚先打返比我o地~~
原來佢智慧形痛呀~~
程程笑佢...話佢d牙都就黎甩啦~
宜家先學人o地生智慧牙~
哈哈~~
之後~我同輝輝講~
程程同四月咁有緣~
連四月成日轉黎轉去唔同地方度做野~
都可以撞到佢咁多次~
我o地都不約而同~
叫程程不如追四月~~
哈哈~~雖然講係咁講~
不過~我又點捨得丫~~~
今日行街~一直都o係度搵"傷風通"~
即係聞o左唔會咁鼻塞o個枝野呢~~
搵o左好多間~
最後先o係city super o個間度發現~
聞完~真係好爽呀~
d味好勁~
通o左一陣...
唔知係咪我太嚴重~
聞聞下都冇用...-____-"
行完~~見咁上下時間~
就返去程程屋企食飯~
當我o地落車o個時~
見到程程daddy~
原來我o地搭埋同一架車~
不過佢坐樓上~我o地坐樓下~~
佢家姐又帶o左d火柴比我~
有新顏色~
係墨綠色o架~嘻嘻~~
先頭呢...大隻囡囡同肥仔都跟我返屋企o既~
有魚魚睇仲唔返屋企咩~
但係~~太多野拎~
冇帶到佢o地返去~
嘻嘻~下個星期先啦~~
唔知大家今晚有冇睇無線呢~~?
叫做唔知咩咩蜜月狂奔o既呢~~~
上星期睇開...覺得幾緊張刺激~
佢o地所經歷o既野~
真係好考驗佢o地o既感情~
最記得係大隻東o個隊~~
哈哈~佢老婆成日都鬧佢~
佢真係好鬼死慘o既呢~~~
下個星期就係最尾一集lu~~~
十一點幾返到屋企~
很累呢~~~
聽日想射波~
諗o左一陣~ 都係決定聽朝先算~
因為費事啦~
我呢個月~好似有幾個星期一都冇返~
下星期一我又要請假喎~
阿mon生日~又點可以唔去呢~~
今日~其實發生o左d事~
令到我好驚...好擔心~
唔知點算好...
唉.......................
很亂呢...
昨晚當我熄o左電腦...
都係決定打比佢...
唉...唔打...
邊訓得著丫...
佢話...下個月一定唔會再係咁...
因為佢返夜...
朝早可以訓晏d~
所以夜晚唔會咁累...
不過...睇下到時又會點...
返夜o既話...放工都成十點幾十一點~
唔累就真係有鬼啦...
哼~~~
今朝返學...
算好早返到去o架啦~
q班...有三四個人冇返...
都算出乎意料o架啦...得咁少人冇返
上攝影堂都幾充實~
當jeffney睇我o地d作品集o既時候...
睇到阿豪o個本...
我o地個個都心入面暗笑...
用自己張相黎做封面唔係問題~
問題係...張相佢擺o個個pose...就唔係好掂啦...
睇o左咁多本~
最欣賞阿輝o個本~
用料特別~好有心思...
佢雖然同阿豪一樣~
用自己張相...不過~
好明顯~阿輝o個張o既表達手法~
係正好多好多倍囉...
落堂...
o係樓梯見到爸bb~jovi~
之後入o左第二堂o既課室~
安頓好之後~
就打電話比爸b啦~
哈哈~~
上堂...又係畫樹...
畫o左幾棵出黎~
比阿sir睇~
唉~冇棵掂~
睇黎~我要搵過第二d圖~
畫另一款樹先得啦...
放學...返屋企放低d野~
再食o左少少野先出門口去接程程放工~
我o地首先去o左食野~
因為程程未食lunch嘛~
我就叫o左杯菠蘿汁飲...
呢杯野~絕對係鮮炸o架~
都幾好味~~ ^_^
程程飲橙汁~ 比我偷飲o左一半咁滯~
佢d飯~又比我偷o左d黎食~
佢d湯...又比我飲o左一大半~~
哈哈~~~ ^o^
跟住...去深水"步"d出入口時裝店行~
前排...程程o係附近做野o個時~
發現有個咁o既地方行...
於是就帶我去啦~
o個度真係好多野買呀~~
又平喎~~
不過我冇買野呀~
哈哈~係咪好出奇呢~~??!
原因係...尚餘少量銀金...
睇o左...都係等下星期先買啦~~~
行完...搭車去旺角...
好耐都冇行過始創...
又行o左陣~
跟住去睇狗仔...
又食o左串魚旦~
就返屋企食飯飯lu~~~
o係屋企~
程程o係度打機...入電話歌仔~
我就無無聊聊o係度織頸巾~
本來以為...我個鼻...已經好返...
點知...又係食炸糊~v_v
又再鼻塞...好辛苦呢...
十點幾...程程返屋企lu~
媽媽今日好搞笑~
同佢d friend去o左長洲玩~
佢竟然...著皮鞋去...
返到黎~仲猛話腳痛...
唉~~~
佢仲買o左d雲吞返黎~
特登叫程程聽日早d過黎食tim~~
哥哥今個星期唔返得落黎香港~
要下個星期先返得....
丫~ o係monday見到有電子魚介紹~
好得意o架~~ ^_^
好想買呢....
不過一條咁o既魚~要差唔多成四舊水...
freelance d野~
仲未有諗頭...
雖然要盡快交稿...
但係...有情講o既...
哈哈~
今日咖哩講~
年年聖誕都周圍行~
不如今年去食自助餐喎~
我就冇問題呀~~ 仲話好tim~
點知...當我問程程o個陣~
佢話24號o個日佢要返夜~
要成十點幾先收工喎~
唉...激死~~
不過~~都係到時先算啦...
仲有成個月....
今晚...大家都好忍心...
冇再打電話比對方...
企硬o既後果...自己諗啦...
今晚冇傾電話~
一直對住部電腦~
一邊聽歌~一邊諗野~
諗到...我返o左工之後~
忽略哂d朋友~
包括o左現實生活o既friend同埋net friend~
有d覺得好對佢o地唔住...
尤其係...JOVI爸b同埋細佬雀仔啦...
如果大家都記得~
以前我成日都會提住細佬~
佢對我黎講~好重要咁...
但係隨住大家都拍拖...
各有各忙...同埋中間發生過d事之後~
我已經有好耐都冇搵過佢~
唔好話打電話比佢啦~
就算連icq都見佢唔到~
唉~~~
真係好唔明點解自己d友情關係~
會搞成咁...
至於jovi爸b~
其實佢算係一個...幾傾得蜜計o既人~
一d好深入o既野都可以同佢講~
唔會有咩尷尬可言...
如果唔係~
佢又點會係我爸b丫~
但係...又因為佢忙~
又或者我成日掛住夜晚傾電話冇online~
所以又傾少o左好多~
唉...
如果要講~近來真係有好多野同佢講o架~
v_v
諗諗下...
又諗到d野~
我唔知係咪我自己o既問題~
我認為同佢係好朋友o個d~
個關係...都搞到好似好陌生咁o既~
就講以前中學o個陣~
我個最好o既朋友~teresa~
同佢又坐埋隔離~ 一齊食lunch~
一齊去補習~參加同一個club~
表面上...o係學校o既關係係好好o架~
但係到返o左屋企~
我o地都唔會傾電話~
甚至好怕打電話比對方...
到athena~
雖然佢係唯一一個宜家仲可以keep住出黎o既friend~
但係~我又係好怕冇啦啦打電話搵佢~
有好多時~我唔開心~
真係好想打電話比佢同佢傾~
不過~~我又怕佢唔明...
硬係要見到面~先會講得出口...
到apple~~
識佢咁耐...不知不覺...
好似陪佢經歷o左好多野咁...
我唔知由幾時開始~
多o左好多蜜計傾~
但係又係比我o既感覺好疏離咁~
事實上~佢o地全部o係我心入面~
係好重要好重要o既人~
我好希望咩野都會同佢o地講~
但係我就唔明自己點解會係一個咁被動o既人~
我唔想當我見唔到佢o地o個陣~
佢o地就係一個陌生人咁.~
我想見唔到佢o地~
都好似見到佢o地咁...咁親近...
所以~我都好迷茫~
唔知人o地都係唔係一樣~
當我係好朋友~
好怕人o地以為我咁o既表現~
都唔係知心蜜友咁樣~ v_v
一諗到呢度~
就覺得自己十分非常之有問題~
都唔知點樣先可以改善到呢....
很想...很恨心地...
將辛苦織了一大半的頸巾拆掉...
但下不了手...
有時...都實在唔係好明點解...
點解我男朋友成日都掛住訓覺~
唔係訓覺~就掛住打機...
明明有時間訓...
佢又唔訓...用黎打機~
到打完機...同我傾電話o個陣~
佢又話眼訓...
真係非常極之討厭呢...
我都已經唔係第一次因為呢樣野嬲o架啦~
次次都話下次唔會...
到o左下次~
咪又係咁...
討厭~
今日係鬼佬o既thanksgiving~感恩節...
香港就唔係好興呢家野!~
咁當然亦都唔會有假放啦...
so~~ 對我o地黎講~冇咩特別~
今日~朝早唔洗返學~
我大約訓到十一點先起身~
無無聊聊~
沖下涼~食下野~
一點鐘左右~
就出去lu~~
不過唔係返工住...
而係...去搵A4 FILE盒~
問o左幾間都冇~
以為日本城都應該冇啦~
心入面已經打定輸數~
因為上次去搵o個時~
間間都冇~
但係今次好邪惡地...
中環o個間竟然有喎~
好開心呢...^_^
三點幾四點...
幫老闆拎野去上環中國銀行~
個袋o既封面...
只係寫住"上環中國銀行"呢幾隻字同埋個客個名~
當我去到o個陣~
發現...上環有好多中國銀行~
隔十幾間舖位就有一間...
洗唔洗有咁多呀~~??
於是亂咁入去...問下有冇李小姐o係度做囉~
不過都撞唔中~
於是打返公司問老闆~
老闆佢都唔知~
佢就比o左李小姐個電話我~
比我自己問~
唉~~知道一早就問佢拎電話啦...
搵黎搞o既~~-_-
今朝只係食o左兩塊麵包~
下午都冇食過野~
見好肚餓...
就走o左入7仔買朱古力百力滋食啦~
食完...冇咩飽o既感覺~
反而覺得好甜...
喉嚨有d怪...
丫~~唔記得講...
我今日好似冇咁病...
終於都冇咩鼻塞啦~
嘻嘻~~~ 唔知係咪因為訓o左好耐~
夠哂休息~ 所以就冇咩事呢~~ ^_^
但係...媽媽話...聽日都係要煲涼茶比我飲~
too bad~~
我做o左一樣野...
呢樣野...可以話係促進香港旅遊業o既行為~
但亦都可以話比人呃.....-_-
咁我一邊行~一邊食朱古力百力滋~
就黎行到返公司o個陣~
冇啦啦有個自稱係新加坡o既男仔行埋黎~
問我識唔識英文~~
咁我就示意我識啦...
跟住佢就問我個手提電話有冇idd...
咁我就話冇啦...
佢又問...我有冇散銀...
咁我就話有...但係就算有~都唔夠打長途電話~
叫佢不如去7仔買張電話card仲好...
佢就話...佢只係想打幾分鐘...
唔想買電話card~
之後都係問我有冇散銀...
點知...好衰唔袞...
我個散銀包只係得幾蚊...
咁我就話唔夠佢打電話返新加坡囉...
於是...佢就問我有冇紙幣...
我有d心知不妙...但我唔識點拒絕去...
所以...我比o左廿蚊佢...
以為應該ok啦...
點知...佢就再問我拎多一蚊...
結果~我比o左二十一蚊佢...
哈哈~我返到公司講比mavis聽~
佢都話可能係比人呃...
個個都問...點解會比廿一蚊人咁"零丁"~
唉~~算啦~
都已出之物...
廿幾蚊o者...
可能佢冇呃我呢...
可能我比o左廿一蚊佢~就可以救到佢呢...
angelina今日下午請假~
因為屋企有d事~
得我同mavis o係度...
danny改o左公司個密碼~
話返比我o地聽...
不過話完比我聽之後~
我開口o個時~都係唔記得~
要"禁鐘"等mavis問門比我~~哈哈~
六點幾...
放工返屋企~
其實宜家返工~
都冇咩特別野做~~~
哈哈~輕輕鬆鬆就一日~
但係d時間好似難過d咁...
夜晚~
繼續做應該做o既野~~~
要努力d先得啦...
今朝食o左好好味o既早餐~
之後返學...
apple一邊行~
一邊同我講佢昨日見到型仔飛機師o既經歷~
哈哈~~
不過我今日都好好彩呀~
放工o個時~
見到樓上o個個addy~~
哈哈~~~
著o左大褸o既佢...好型呢~~^_^
上堂...好充實~
好努力咁o係度油顏色~~
丫~~昨晚聽jovi爸b講~
畫速寫...有女model o左...
仲係冇著衫o個隻~~
嘩......
不過呢...爸b話佢o地要畫o個個model~
係好似男人o既女人o黎o架~
哈哈~~
商量好o左~
阿mon生日o既節目~
會o係下個再下個星期一搞~
會去踩單車~
跟住再去燒野食~
不過因為我唔識踩單車~
所以~我估我會o係燒野做o個度~
起定火~買定野等佢o地~~ ^_^
放o左學...
去新光度...
以為周經理昨日off~
點知今日都off~
結果搵o左彭經理幫我"吸印"~
咁佢ok~我ok啦~
哈哈~~
總算可以正式拎去印啦...
之後返o左公司~
做o左d好濕碎o既野~
三點幾...
拎angelina同mavis o既工作証同相落去哂~
咁岩哂完出黎~
見到程程"渣"住o架公司車停o左o係出面~
哈哈~
我o地都估唔到會咁"q"見到對方~
哈哈~
架車入面~
得佢一個人o係度~
佢等佢個同事派完野落黎~
咁佢開o左個窗~
我申個頭埋去~
咬o左佢手臂一下~
哈哈~~
之後~佢"渣"車走o個時~
我又突然衝出去~
嚇到佢死~
成四日冇咁...
咁樣突然見到佢~
真係開心啦~~^_^
昨日上堂o個時~
阿恆借o左本便利比我o地睇~
其中有兩頁~
介紹麥兜就黎上o個套電影~
仲有o個首主題曲o既歌詞tim呀~
所以~~特登叫程程今日買黎睇~
遲d等我將歌詞打出黎啦~
哈哈~~
丫~~程程個daddy幾好彩呀~
中o左六環彩o既安慰獎......
好好運呀~~
^_^
話咁快~
聽日就係星期五lu~
so happy 呢~
今個星期過得好快呀~~
聽朝可以訓晏少少~
到咁上下先起身準備返工~
嘻嘻~~
宜家呢~
好似全班都玩rainbow six咁~~
唔識玩好似好out~~
我都要努力d...研究第三關點樣先可以過到先得啦~
^0^
我呢...好耐之前...
自己寫過一條六合彩~
係根據我o既生日日期計d數字出黎o既~
當時...我曾經中o左一次~
有幾千蚊...
不過~d錢我緊係冇份啦...
因為係我寫比媽媽買o架嘛~
咁我媽咪呢...
一直都有買...
終於~第一百期六合彩~
再次憑呢d number 中o左四個字~
哈哈~
今次又係我媽媽中...
d錢又係冇我份~
真係唔知係我好彩~
定係我媽媽好彩lu~
星期日晚冇去睇流星雨...
呢幾日...個個都仲有提起...
個個睇o左o既都話靚...
仲要係好早就睇到~
唉...有d後悔冇去睇tim~~v_v
點解你唔帶我去睇流星雨o既~~??
今朝返學...
too bad~
睇board o係邊個課室上堂啦...
點知...工作室?!?!
唔係o掛~~
原來...學校又掉o左堂...
又唔提早通知我o地~~v_v
學校原來應q班o既要求~
改返星期六上兩堂...
基本上...
如果佢o地提出星期六返最早o個堂係冇問題o既~
但係...最邪惡o既係...
佢o地提出o左...到時又唔返....一係就遲到~
咁提出呢個要求就無謂啦~
講真~我o地幾時返冇咩大問題~
q班唔係做野o個班人...
自己心照啦...
雖然宜家返星期三四六...
不過我費事再同danny講話唔洗返星期五啦~
所以決定~星期五訓晏d~
哈哈~~
放學...搭van仔返中環~
食o左野~
去攝影科學...
因為昨日當我休息o個時~
蘇小姐打黎比我~
話有正野比我~
叫我得閒落去拎~
但係我昨日都冇返工~
咁我就叫佢留住先~
我今日先去拎啦~
去到...佢比o左兩個千嬅o既月曆我呀~
都好靚o架~
既然有兩個~
咁一個自己要~一個就比apple啦~
哈哈~~~~
之後~
去馬會買o左一張3t一張六合彩電腦飛就返工lu~~
今日mavis冇返呀~
又係病o左~
希望佢快d冇事啦~~ ^_^
其實今日o係公司做o既野~
都幾無謂下~
呢段過度期...
可以話係幾清閒o既...
本身呢~
今日先頭要拎個稿去新光比佢簽名黎証明ok冇問題~
好彩...去之前打電話比周經理先咋~
因為佢原來今日off呀~
唔洗去住...
等聽日放學之後先去~
六點半放工返屋企~
做功課...
油格仔...
整日...都飄飄下...
冇咩胃口...
而媽咪就冇煮飯~
食蘿蔔糕...同食(食送)~
d蘿蔔糕係媽媽個friend整o架~
不過~~超級難食~~
daddy mummy食o左一半左右~
都頂唔順...掉o左~
我食第一啖o個時~
已經猛咁話難食~
到我講完~我老豆都話難食~
哈哈~~
我唔講...我估佢都唔會開口講~
等我做衰人先~~
too bad~~
呢兩晚...都叫做早訓o架啦~
都唔明點解會咁眼訓...
我諗...呢次我o既病來頭不少...
我daddy話...如果再唔掂~
要去聖保祿睇先得喎...
唉...
不過病...都好o既~
哈哈~~自然減肥~
good good~~
今日係阿維生日~
生日快樂~~ ^_^
昨晚...好唔開心~
差d好嚴重咁...分手...
搞到成點幾先訓~
唉~ too bad~
呢幾晚...都唔好訓~
因為鼻塞~好辛苦~
終於~今朝都去o左睇葉醫生~
睇完返黎~
食o左藥...真係又好o左d~
通番少少~~
當我打電話比程程~
聽到個好壞消息~
程程"渣"車撞到人...
唉...都係昨晚衰啦~
搞到佢冇心機...又累...
好彩個女仔只係"波羅蓋"流血...
又好彩程程"渣"得慢...
原本...報o左警...阿sir話要扣五分加罰錢~
後尾程程返o左公司寫report~
再去警局落口供~
個女仔最終決定唔告佢...
宜家..又唔洗扣分~又唔洗罰錢...
真係好啦...
其實當佢話我知佢撞到人~
都唔知幾擔心呀...
v_v
程程之後特登走o左去買六合彩~
佢話...人都比佢撞到...
冇理由六合彩佢中唔到o掛~
前兩晚...我講o左好多唔應該講o既野~
我宜家o係度向大家發誓~
我唔會再咁對程程講野~
如果唔係~學apple話齋...腸穿肚爛~
今日冇返工~
射波...
諗住o係屋企可以訓下覺~
休息下~
點知...我樓上裝修...
嘈到暈~~v_v
激死~
起身做攝影o既album~
我覺得今次o既意念~冇上次咁好~
當我做起之後~
我先記得~
我部printer唔係a3...又唔可以a4四邊出~
好彩...記得阿哥部機o既login 同password o者~
又當我開到部機o既時候~
佢部printer o既彩色...又著哂燈~
冇墨咁...
唉~~~
但係都冇計...局住要print~
不過又比我博到~
好完滿咁print 哂出黎~
哈哈~~
昨晚...好清楚咁知道一樣野~
而呢一樣野~
會令我同程程一生一世...
因為我唔會比呢樣野發生~
食晚飯之前...大約五點幾左右~
唔知係咪藥力勁得滯...
定係昨晚訓得唔好...
所以搞到好眼訓~
於是去訓o左一陣~
之後起返身食飯...
覺得好鬼凍...
拿拿臨著返件衫...
個心覺得好寒咁...
程程今日下午三點幾放工...
返o左屋企訓覺...
訓下都好o既~
要養足精神...
今日同昨日發生o既野~
希望唔會再發生啦...
今朝...真係幾累~
昨晚點幾返到屋企~
兩點左右訓...
估唔到...訓少一兩個鐘...
會眼訓得咁利害~
返到公司...
改新光個餐牌~
下午拎去...
終於都pass o左~
唉...搞o左咁耐~
終於都可以印啦~
哈哈~~ ^_^
咁灣仔...有間好多人o係o個度中六合彩o既馬會~
我見咁岩經過...咪入去買張囉~
哈哈~比我中o左就好lu~~
有d新o既消息~
有d野做下~
very good~
但係...我攝影個封面未諗到點做~
d野~未可以咁快郁手住...
so...會盡快o架啦...
唉~好慘呀~
我個病仲未好返~
陳醫生真係唔係幾利我~
我諗~再過幾日都仲未好返~
我要去睇葉醫生先得啦~~
下午o係新光返黎o個陣~
我見到陳慧珊呀~~
佢好靚呀~~ ^_^
放工返屋企...
打o左陣機...
過o左第二關之後~
就做功課~
但係...
冇咩諗頭...
都係要聽日先搞得掂o架啦~
今日訓到好晏...
因為程程要返工嘛~
所以可以盡情咁訓...
起o左身~
食o左野~
就開始打r.6~
過o左一關~
so happy呢~
冇咩特別野做過~
亦都唔多記得做過d咩野~
大約到六點鐘~
我先出門口去深水?再買多隻rainbow six比程程~~
一人一隻~~
到時咪可以online一齊打囉~~ ^_^
六點五~
我已經去到長沙灣~
等呀等~
等到七點幾~
佢先黎~
穫穫都係咁~
幾慶呀~
狂鬧佢~
用埋粗口~
係抵佢o既~
佢又話有咩特發野~
要遲收工o既話...會打電話通知我先o既~
又冇打黎~到我打比佢~
態度又勁衰~~
一時火爆...就用粗口鬧佢囉...v_v
之後比佢捉住我上車~
上車~冇野講~
各自聽md~
臨落車...先冇事....
因為佢tum返我嘛...
去佢屋企食飯~
食完~
一齊打o左陣機~
到十點幾...
我o地就訓覺~
咁點解訓覺呢~
因為諗住睇流星雨嘛~
十二點幾起o左身~
搭車去o左灣仔~
再諗住搭其他車去睇~
不過諗諗下...
都係費事去睇~
因為聽日要返工~
結果~
搭的士返屋企~
我比o左一個好好o既藉口黎安慰自己~
就係...
今次唔去睇~
係比個機會我o地~
三十幾年之後...一齊再去睇~
到時如果能夠一齊去睇o既話...
即係我o地仲o係埋一齊啦~
係咪?
今晚雖然冇去睇到~
不過有o左一樣新o既體驗...
有d搞笑...
但好似好怪咁...
哈哈~~
一個古老傳說話只要o係月圓之夜...
企o係一棵大榕樹下講出愛人名字,
將愛人既一條頭髮同自己o既一條頭髮卷埋一齊放入樹洞,
之後大聲講~~我愛你~~~ ,
最後將自己個心挖出放入樹洞,
係死前榕樹會允許你o既要求,
榕樹會將你既心聲傳到你愛人既耳邊~~
雖然得唔到你o既愛,但希望你感受到我對你o既愛丫~
以上呢個故仔~
係o係人o地個info抄出黎o架~
我最鐘意...最尾個兩句...
你o地呢~~?
今朝返學...
完成o左最後一堂o既海報設計~
如釋重負呢...
^_^
冇咩驚喜...平平穩穩~
總之合格就得啦~~
不過估唔到~
q班外星人o個班人...
竟然有功課交...
哈哈~~
上塑膠彩...
依然o係度畫風景~
放o左學...
成班人一齊去買紙做攝影album o既內頁...
同埋card board~
買完哂~都點幾鐘lu~
各自散水...
我返屋企~
放低d野~
就去深水?等程程~
我o地去o左買game玩~
買o左隻war game同埋rainbow six~
之後行西九龍中心~
行到咁上下~
就步行去旺角食韓國燒~
哈哈~~
係咪好利害呢...
行到幾累呀...-_-
今日呢~
我"囉"o左幾次~
去寵物店睇八哥~我跟住d字讀...
竟然讀o左做小哥~
不過隻八哥仔真係好得意呀~
隔住玻璃~ 佢個頭"哄"埋塊玻璃度~
佢呼氣個樣好鬼得意呀~~^_^
咁先頭o係西九龍中心見到有"透明波波"扭...
扭o左個藍色波波出黎~
我就拎個波出黎...引隻好高鬥o既貓~
哼~~等我叫極佢...都唔肯轉個頭黎望我丫拿~~
結果~好搞笑地...
我將個波放o係左邊...佢個頭就轉去左邊...
我放o係右邊...佢又跟住轉去右邊...
真係好鬼cute o既o者~~^_^
咁程程電話部gd 95係冇得打開蓋o架嘛~~
我又唔知講開d咩~
叫佢打開蓋聽電話~~...
搞到比佢笑...v_v
食完野...好飽呀~
於是又行去尖咀...
行到對腳好累呀~~
去到海旁...
懶係浪漫咁...o係欄杆傾計...
到十點左右~
就返屋企lu~~
丫~今朝o既天氣...只係涼涼地...
但係我就著o左件super warm~
加件長袖衫~再著件風褸~
點知...放學出黎~
勁熱...
非常之後悔著成咁...
返到去屋企~仲唔拿拿臨換衫咩~
書檯上面...放o左個qoo o既筆袋~
再打開雪櫃~~
見到好大隻o既qoo白提子汁呀~
哈哈~~
真開心~
不過我唔捨得用呀~
收埋先得~
嘻嘻~~
有冇歌...會令你o地一聽...
就會覺得有凍...好似冬天咁o既呢~?
唔知點解呢...
黎明o既"今生不再"同埋"愛比我重要"~
都會令到我有冬天o既感覺...
好岩呢個時間聽...
昨晚訓覺訓得好辛苦~
鼻塞抖唔到氣~
今朝有d唔想返工~
但係我因為要同danny講辭工~
所以點都要返去~
本來想朝早講o既~
但係佢同班sales開o左成朝會~
到o左下午~
我先有機會同佢講~
我諗住做埋呢個月就會有自由~
點知...佢想我做到下個月月中~
佢開到口~咁唯有做多半個月啦~
今日kenny病o左~
佢請o左病假~
danny同我講o左一d野~
我聽o左~
覺得有少少唔認同~
算啦~聽o左就算...
我大約五點半就收o左工~
返屋企附近睇醫生~
睇開o既葉醫生收早~v 所以我唯有睇陳醫生~
睇到六點半...我先返屋企~
之後就好忙咁做功課~~v_v
很慘呢...
不過估唔到~
自己o既效率幾快~
平時要兩晚先做得完o既功課~
宜家做o左一晚就完成~
幾叻~~ ^_^
十點幾左右做哂~
好開心呢~
之後同程程傾o左陣電話~
織o左一陣頸巾~
就有d睡意...
d藥力果然利害呀下...
聽朝要返早~
七點起身~
凍冰冰~
唔知自己會唔會懶床呢~~~哈哈~~
今日...發現o左一樣野...
就係平時對人好...
人o地真係會對番自己好o架~ ^_^
我幾乎同哂我身邊o既人講~
(除o左老闆)~
我決定辭工唔做~
包括我成日拎相去哂o既攝影科學入面o既人~
我同蘇小姐講我會接freelance做~
佢就即刻叫我寫低電話~
話有個人可能會需要我幫手~
哈哈~係好事黎o既~
我真係好開心呀~
有咁多人對我好~~
基本上...對公司o既前景...
我都唔知點講好...
因為danny不停咁請sales返黎~
但係就冇諗過我o地內部o既人有冇能力做到咁多野~
好似今日咁...
佢又請多個sales返黎~
宜家有4個sales~3個內部o既人~
而angelina係web desiger~
mavis係負責programe o既野~
邊有人做好多野丫~
我走埋...danny真係要請人先得啦~
呢段過渡期...真係會辛苦各位同事啦...
加上阿森走o左~
宜家好多野都好胡亂咁...
希望angelina同mavis好快上哂手啦~
丫~係喎~
今日係阿森o既last day~~
...以後...希望會再有合作o既機會啦~
^_^
天氣十分之凍~
食早餐~去麥記食~
飲o左野~飲o左杯熱朱古力~
勁正~~成個人暖哂~~
上堂...~
冇野做~
咁我就o係度織頸巾~
我終於都織好第二舊冷~
開始織第三舊啦...^_^
當我o地上上下堂~
學校又派人黎話比我o地聽~
返學時間又有變~
唉~下個星期開始~
返3, 4, 5, 6~
雖然星期六...唔洗返8點幾~
4日都係返10點幾...
但係....連返4日~
好似有d離譜喎~~~v_v
不過亦都因為咁~
証明o左我決定唔返工~
係明智o既選擇~
放學...返o左屋企~
放低d野~
食o左野~
就返公司lu~
我今日做野o既效率幾好~
哈哈~~
不過...我仲未同danny講我唔做~
聽日先啦~
佢員工守則話...十四日前通知丫嘛~
雖然佢冇比過員工守則我睇~
我只係睇mavis o個份而得而~
但係我都會依足規矩做o既~
同埋~未同jeffney交代~
費事咁快講啦~
聽日講~
時間就岩岩好...
做埋呢個月就自由lu~
哈哈~~~
今晚~~打電話比jeffney~
係佢介紹呢份工比我~
我點都要同佢交代我唔做o既~
講完~~
好似心情輕鬆好多~
因為我一直都擔心~
如果我一邊返工~
一邊做畢業習作~
根本係冇時間~
宜家唔洗煩~
可以全心全意做功課lu~
希望~我唔會令到你o地失望啦~~
今朝去食東東~
好耐冇去過...
見到阿yan~覺得好冬天feel~
因為佢著o左好多衫咁~
事實上...冬天已經靜靜咁來臨o左...
好凍呢~
大家要著多件衫呀~
今朝上完jeffney~
就開始o係度頭痛~
o係度擔心~
我黎緊o既日子...
會有幾忙呢......
跟住搭van仔去中環~
架van仔焗得好緊要~
搞到我極之想嘔~
又食唔落野~
只係買o左個飽食~
約o左媽咪去銀行~
因為有張支票要我去先拎得~
但因為張支票o既抬頭~
唔係寫chan hang yin tobey~
只係寫chan hany yin~
所以就唔比我拎~
搞到要遲d改過先比我拎~
v_v
返到公司門口~
電話響...
咁岩係kenny打比我call我返去整相o個d野~
到我拎相落去哂....
又有客黎影~
咁公司得mavis同angelina~
佢o地都冇跟開影相d野~
所以要等我返去先得~
到我返到公司門口~
mavis就打電話比我~
哈哈~又會咁岩o既~
兩次一到門口就電話響...
其實呢...我下午o個陣~
臨返公司之前~
已經同o左我媽咪講話我下個月唔會再返工~
佢都冇咩野o既~
因為我講明o左~
我會接freelance黎做~
而我呢個決定...
終於o係今晚~正式咁落實~
不過~有d野~
我一定要向人交代清楚~
下個月~
我會返舖頭幫手~
帶埋本notebook落去做野又好~
自己學d software 又好...
我希望我o既決定~
係冇錯o架啦~
夜晚~好乖咁做功課~
一邊睇電視~一邊畫格仔油顏色~~
足足油o左個幾鐘o架~~
其實~我應該有更重要o既功課做~
但係...v_v
坐o係電腦前面~
開o左個file出黎~
一d都唔想做~~
我係咪好衰呢~~
um...一點點啦...
今晚好凍~
我沖完涼~
著o左條長袖睡裙~
撲上很多的爽身粉...
好冬天feel 呢...^_^
我呢...平時大約會沖三個字涼~
咁我係用電熱水爐....唔係用煤氣~
所以大約三個字就會用盡哂d熱水o架啦~...
唔知係咪凍o左~
d熱水好快就冇...
都沖得唔暢快~
要趕住趕住咁沖~
too bad~~v_v
聽日又要返早學...
好慘呀~~~
今朝上堂...
係最後一堂corel photo paint~
畫室內設計o個d圖~
都幾好玩~~
話咁快就上完~
佳sir係一個幾傾得計o既阿sir~
聽o左佢講好多野~
都幾好...知多d~~ ^_^
今日...其實有d激氣~
冇啦啦~聽日要返學...
即係連返三日...too bad~
真係比學校激死~
放o左學...
冇返到工...因為一d事...
唉...
向danny請o左假~
順便講埋比佢聽我聽日要返學...
kenny打電話比我~
同我講~丹桂軒個經理~
reject o左張poster仔~
明明send o左比佢睇~
佢話ok我先印~
宜家印o左~kenny拎o左去~
佢又reject~
真係討厭~~~
d態度仲好差咁...
仲話係經理tim~~
今日~雖然有好多令人唔開心o既事~
心情都唔會有太大影響...
夜d~去o左程程屋企~
我o地一邊行~一邊食街邊小食~
又去夾糖比程程最偏心o既大隻囡囡食~
跟住...去o左冒險樂園玩...
玩到成個人都熱哂tim~
放o左學返屋企~
覺得自己只係著件風褸...
實在好唔夠~
所以換o左件長褸出去啦~
玩完~去o左百佳...
因為睇eason演唱會...
咪諗住買d野飲入去囉~
結果揀o左好耐~
先揀到~~
之後~去o左元氣食壽司~
實在都好抵食~
比起元綠...又好似好食d~
雖然佢冇元綠咁多特色小食食~
食完...
同程程行去紅館...
途經"賓儀館"...
行過o個時...心有d不安~
捉得程程好實...
因為未夠鐘...
所以去o左火車站度坐...
我就織頸巾~
程程就對住本新買o既歌仔書o係度入~
入o左幾首我好鐘意o既歌~
分別有"至少還有你""唯獨你是不可取替"~
同埋"誰可改變"~
不過都唔係太好聽~
d節奏好鬼死快~
唉...我部電話...
真係好衰o架~
入歌d錢係慳唔到~
o個十幾廿蚊....呢d錢~一定要比人賺o既~
夠鐘...
入場...
有電筒仔派...
都好光下o架~~
由於apple同我睇埋同一場~
所以入到去~
都預o左佢同gary會打黎~
哈哈~~
我o地都望到大家~
哈哈~~ ^o^
全場高潮~
eason 拉風琴...
全場一齊唱"傷信"...
個feel 好正呀~
因為eason係一句都冇唱~
只係觀眾唱...
個效果出到黎~真係好好呀~~
而第二個高潮...就係唱"k歌之王"~
又係觀眾一齊跟住唱...
最後一句"...k歌之王...是你"~
成個舞台~ 看似平實~
冇咩特別~
但係其實就整到好似個公園咁~
真係好好睇~~
雖然eason d動作核突o左d~
不過~真係好正呀~
睇完...搭車返屋企~
程程已經好累啦...
好邪惡地...
佢部電話冇電~
平時我驚佢o係車訓著~
我到咁上下會打電話比佢~
但佢部電話冇電~我又點打比佢呢~
不過好彩...佢冇遲落車~
好安全咁返到屋企~~
今晚...心情好好...
落o左車~同程程行返我屋企o個陣~
我o地o係度你追我逐~
個情景...我會好好咁記住...
很累呢...
聽日上人像攝影~
有d開心~亦有d擔心...
希望我會順利咁渡過啦...
昨日行又一城o個時~
有個小朋友o係買遊戲機舖出面同佢老豆講野~
佢老豆話...入去試o左~唔買就唔好意思啦~
個小朋友話...咁買埋咪唔會唔好意思囉~
丫~~佢真係醒啦~~ ^_^
宜家d小朋友真係好叻~~
仲有呀~o係間舖頭見到一隻2001年版o既sugar呀~
佢好靚o架~
個身有d閃o既毛毛~
唔知幾時可以擁有佢呢~
另外仲有普通版o既sugar~~
好大隻o架~~比起上次睇o個隻~
大隻好多~~不過要四百幾...
好想要呢...
跟住~~又見到件nike衛衣~
又係好靚~
白色身~隻袖係紅色同橙色o既配搭~
程程話買哂兩樣野比我o架~
不過我死都話唔好買~
但係心入面又非常想買喎~
好矛盾~
我唔想亂咁洗錢...
冇我又唔死~
咁...我仲忍得住...
咪唔好買囉~~
今朝起身~
食早餐o個陣~
睇到報紙買samsung o既queen phone廣告~
原來~除o左紅色~仲有白色同藍色~
即刻好想要白色o個部~~
好靚呀...............
唉...當我窮o個陣~
就有好多野想要~
但係又冇錢買~too bad~~ｖ＿ｖ
程程又話．．．出o左糧o個時買比我~
不過又....
好似唔係幾好...
買唔係一個問題~
問題係...一定會比爸爸媽媽鬧~~
都係睇下點先啦~~
今日...d時間有d難過~
因為新光d野~
唔想做~
我簡直係以"拖"o既心態黎做~
唉...越做真係越冇癮~v_v
聽日...去睇eason演唱會~
哈哈~
原來~~apple都係睇聽日~
我o地大家都以為睇前後日~
唔係同一場tim~
但竟然係同一場~哈哈~~
對於apple黎講~
聽日...係一個特別o既日子...
雖然平淡...但我估...
apple有d野諗o既...
今晚勁播"開不了口"~
好好聽...
不過點都唔及"安靜"好聽o既~~ ^_^
一筆out消~
o都o都問復活節係紀念邊個復活~?
曹永廉竟然諗o左一陣都係答"屈原"~
即刻笑死~~
有冇搞錯~~
我最多都係搞錯幾時食"重"o既o者~
仲竟然有人離譜過我~~~!!
too bad~~~
很忙~又要做木蘭~
要快手腳d先得啦~~~
今朝程程十二點左右過到黎~
我都係岩岩沖完涼冇幾耐咋~~
媽媽又煮o左d雲吞同菜比我o地食~
凍o左~個人真係餓d o架~
今朝起身都不知幾肚餓呀~~ o_o
程程今日著o左我最鐘意佢著o既白色衛衣~
嘻嘻~~開心開心~~
超超昨晚好慘呀~
因為個房太細~
程程黎o左~冇位比超超坐~
所以我就拎o左佢出去睇電視啦~
點知...我夜晚準備訓覺~
先記得佢坐o左o係出面~
而出面已經熄哂燈~黑哂~
哎呀~~~佢實好驚o者...v_v
我真係衰啦~
丫~唔係~應該係...最衰係程程先岩~
佢唔黎~超超又洗咩出去睇電視丫~~ v_v
程程買o左飛睇兩點五~
我o地成點十先出門口咁滯~
結果~~遲o左少少入場~
too bad~~~~~~~~~~~~~~~~~
玉女添丁~ 有d令人意外~
估唔到千嬅唔係同陳x希一齊~
等我之前睇片頭o個陣~
仲以為佢o地係一對黎tim~~
真係勁好笑~~
好鬼癲...^o^
睇完出黎~都係四點~
程程又唔買晏d~
買五點幾咪好囉~
搞到趕頭趕命咁~
真係激死~~
肚餓~去kfc食野~
試o左o個個爆谷雞~
都唔好味o既~
千奇唔好食呀~~~
v_v
都係雞翼好味d~~
跟住o係又一城行~
o係log-on買o左個珍珠色o既頭飾~
十蚊o者~
上次睇過...但冇買~
今次買o既原因係~
因為佢剩返兩條~
而其他色就仲有好多~
咁一定係靚~先多人買啦~
哈哈~
行到咁上下~
就搭van仔返程程屋企食飯仔~
返屋企之前~
去o左紅磡廣場買糖糖食~
夾o左好大袋糖~
都係十幾蚊~
好抵食呢~~~
不過d糖...係偏心o既程程買比大隻囡囡食o架~
(雖然都係我食)~
但係佢如果應承超超~細細or細隻囡囡~
佢就一定冇咁神心記得去買~
佢真係好偏心大隻囡囡o架~~
可能之前食o左好難食o既爆谷雞....
所以...搞到我同程程連胃口都冇埋~~b_b
食完飯~
o係度幫程程揀衫衫~
有邊d係bad list~唔可以著~
哈哈~~
聽歌歌~
周杰倫d歌~
好邪地...我鐘意親周杰倫d歌~
都係佢自已一手包辦曲詞~
好似"黑色幽默~"同埋"安靜"咁~
而程程鐘意親...都係徐若瑄作詞~
好似"開不了口"同埋"龍捲風"...等等...
不過真係估唔到~徐若瑄作d詞又真係幾正o既~
九點幾十點左右~
就返屋企lu~
走之前~程程家姐又o係菲律賓帶完團返o左黎~
有芒果乾同埋菠蘿乾食~
好味~
i like it~~~ ^_^
今晚~終於都帶o左細細返屋企啦~
唔洗再比細隻姐姐同埋肥仔哥哥笑~
我仲帶埋細隻囡囡返去tim~
程程送到我返屋企~
比佢帶走o左佢o既愛女 - 大隻囡囡返佢屋企~
哈哈~~結果~程程買比佢個女食o既糖~
冇緣比佢品嚐~
比超超~細細同埋細隻囡囡and趴趴瓜分o左~
哈哈~~
後尾程程返到屋企~
我話比佢聽啦~
佢竟然話....再買過比佢食喎~~
哼~又會咁鍚佢o既~~v_v
真係令人妒忌呢~~
今晚...玩icq~
同jovi爸b傾o左陣~
又同penny傾o左陣~
好耐冇玩icq玩到十二點幾啦~
penny~比o左個好好o既提議我~
我決定採用~
但係一切都要睇我有冇時間~~ t_t
聽日返工~
要訓啦~~bb~~~~
昨晚做o既功課~
d idea 都係來自公司o既野~
哈哈~費事諗啦~
卡片型vcd用黎推廣酒店業務~
good idea~~
阿sir嫌我個logo太卡通~
叫我改下佢喎~~
睇下我有冇時間&心情先啦~ ^^~
今朝~我其實o係屋企食o左早餐~
但係出o左地鐵~過o左馬路~
見到阿yan同阿wing~
一齊入o左麵包舖~
咁阿wing食腸仔包喎~
而d腸仔包~今日特別大個~
好鬼死吸引~
所以忍唔住又買o左個黎食~
哈哈~~
上第二堂...
我o地依然冇咩進展~
都係畫天~雲同埋個山~
嘩~個山~比我畫到成堆野咁~
超唔掂~~ v_v
最後~都冇咩心機畫~
仲諗住...與其係咁改張畫~
不如從新畫過~
拎o左3枝顏色返屋企~
不過~唔知會唔會抽到時間畫呢~
其實呢個課程~
十二堂~應該畫三幅畫o架~
一張風景~一張動物~一張人物~
宜家畫o左成六堂~都好似仲係畫緊風景~
仲要係有排都未完成o個隻~
唉...之後o個張動物~
郁都未郁過~
動物~應該係今堂開始畫o架啦~
唉...前景不明朗...死火~~
上第一堂∼睇雜誌o個時~
講"兇咒"呢套戲~
好恐怖咁...仲好變態tim~
哈哈~~有d想去睇~
但係我又知我會好驚...
放學...返o左屋企~
放低d野~
睇o左陣電視~
就去o左接程程放工~
哈哈~玉女添丁今日上啦~
程程朝早做野經過又一城~
佢買o左聽日飛睇~
so happy 呢~~
去o左尖咀行街街...
新世界中心岩岩新裝修完~
靚就幾靚~
但係都冇咩野行o既~ v_v
不過呢~
最頂o個層o既新世界百貨~
有panash麵包店~
冇我最鐘意o既咖啡包~
但係比我發掘o左一種正包~
係芝士包黎o架~
好似方包咁...
但係~ 入面有一粒粒芝士粒咁~
好味道o架~
12蚊有八塊左右啦~
我同程程~一邊行~~一邊爭食~~
一陣就冇哂lu~
我o地先頭買o個時~
買o左一包~剩番一包咋~
見咁好食~
就返轉頭再買埋佢~
哈哈~~
正~~~~~^_^
跟住去o左海運行~
先頭諗住忍手~
唔再換d金幣去冒險樂園度玩o架~
因為上次玩剩o左13個~
諗住玩埋就算~
結果~又換o左一百蚊黎玩~
次次去親都換一百蚊...計落...
都好甘...v_v
今日得到五百幾張飛...
算係幾好成績o架啦~~ ^_^
再之後~去o左食我最鐘意o既tcby~
就返屋企食飯仔lu~
程程好鬼死累呀~
未食飯之前~
佢訓著o左...too bad~
o係呢個時候~
阿聰打長途電話比我~
真係好意外呀~~
不過~佢次次打黎~
都唔方係好野~
因為佢又唔開心呀~~v_v
仲要係一d好難解決o既問題~
很苦惱呢...
希望佢快d諗通啦~~
佢算好彩o架啦~
我星期六好少會o係屋企~
佢又會咁岩打黎~
真係有緣呢~~
到開飯~
我o地仲o係度傾緊~
咁就叫o左程程出去食飯先~
對住我daddy mummy~
哈哈~~驚唔驚呢~~???
程程坐到十點幾先走~
其實都唔係幾想佢走~
不過費事佢比媽媽鬧啦~~
唔知係咪天氣凍o左~
個人多o左d依賴感...
好想成日都痴住程程~
哈哈~應該係好事黎o既~~
今朝起身~
很涼呢...
天氣日日都係咁...就開心lu~
心情都真係會好d~~ ^-^~~
返工都依然係對住我最討厭o既新光d野~
唉...
我足足做o左成個月咁滯啦~
佢o個d野~好似做極都做唔完咁~
最慘係新光有兩個經理~
佢o地大家都唔妥對方~
當彭經理話ok冇問題o個時~
阿周經理又話唔ok~
再係咁...我命都會短幾年~
v_v
kenny病o左~
冇返到工~
佢fax o左昨晚佢去新光要改o既野返公司~
不過d字太唔清楚~
所以我都唔係幾識改...
今日特別早o左收工~
因為要做功課嘛~
服務廣告計劃都未做過~
聽日已經係尾二o個堂啦~~
唉...
所以點都要做少少o野出黎~
比阿sir比下意見o既~
都係唔講啦~
做功課先啦~
cu later~~ ^_^~
今日~食o左兩餐麥記~
唉~實肥死囉~~ v_v
上黃伯堂~
悶到死~
講埋d好抽象o既野~
都唔係好明佢要我o地畫d乜~
算啦~
到時先再諗點做...
放學...諗住搭23號返屋企先o既~
點知...差唔多到車站~就有架23號...
如果有人上車o既話...我就一定上到~
不過~冇人上~又冇人落...
結果走巴tim~~v_v
過o左一陣~
kenny打電話比我~
叫我去灣仔新光拎野~
點知去到~
竟然係未有得拎住~
因為佢d野未改好~~
白走一尚tim~~
真係激死人lu~
見冇咩時間食野~
就走o左去買麥記o係車度食~
返到去公司附近~
走o左去馬會買六合彩~
好"囉"地...填錯o左飛~
too bad~~ -_-~
返到去~
做o左一大埋幾"輕can" o既野~
scan下相~剪d金色橡根出黎打結咁~
雖然係咁...
但係都做到七點左右先走o架~
放工返屋企~
媽咪話阿哥聽日開始上大陸做野啦喎~
所以今晚好忙咁o係度幫佢執野~
返埋聽日工~
又唔洗返兩日~
真係happy啦~
一個星期過得幾快~
希望聽日都冇咩野做啦~~ ^_^
今朝返工...
成八點七先起身~
真係慢d手腳都唔得~~v_v
好彩...都冇遲到~
今日~都係做新光o既手尾~
煩到暈o既手尾...
唔做又唔得~
唯有慢慢咁做比佢啦~~
angelina冇返到工~
佢喉嚨痛~唔舒服呀~~
希望佢好快就冇事啦~
lunch time~
kenny~mavis同埋我一齊去食野~
基本上~今日新黎o左個同事~
佢叫阿paul~
聽kenny話danny話阿paul係top sale黎o架喎~
但係...佢個樣真係唔多似囉~~
佢好靜...又冇咩出聲咁...
我o地都唔知叫唔叫埋佢去食飯好~
結果~都係冇叫到...
v_v
食完...
去拎幫人做招牌o既膠片~
再上去個客度幫佢釘埋上去~
哈哈~~有時真係覺得我o地公司o既人~
簡直係全能o架~
咩都要識做咁...
就黎連裝修都要做埋o架啦~
哈哈~~
放工...好開心呀~~
因為約o左程程~~
不過~後尾就唔開心lu~
佢呀~~又遲到~
要我等幾耐呀~~ v_v
成八點先黎到~
足足等o左成個鐘咁滯~~
於是~我就o係佐敦o既裕華度行啦~
d野呢...雖然都幾老套~
但係...我都買o左條七彩手繩~
都幾靚o架~~有d民族feel咁~
到差唔多八點...
程程黎到...
我o地就去o左大家樂度食一哥火?~
估唔到~都幾好食喎~~
食o左成個幾鐘先食完~
兩個人...一百零幾蚊~
抵到爛啦~ ^_^
之後~再去廟街行~
今次同上一次~
感覺有d唔同~
因為上次去o個陣~
比較夜少少~佢o地都好似收檔咁o既勢~
但今次就係岩岩開冇幾耐~
多好多野睇~~
d野都幾得意tim~~
買o左兩枝閃棒~
哈哈~~
買o個時~係諗住留番下個星期睇eason用o既~
冇記錯o既話..
係下星期二睇~
好期待呢~~ ^_^
跟住o個度有龍鬚糖買~
原來呢~~程程係未食過龍鬚糖o架~
不過我o地買o個檔o個d~
唔係咁好味o者~~ -_-"
另外~見到d細細個o個時o既玩意~
就係一部裝o左水o既機~
禁製...靠d水壓...整d珠仔入去個洞度~
哎呀~~死啦~
你o地知唔知係咩黎呀??
我唔識點形容tim~~~ v_v
又好搞笑咁...
買o左盒翻板gameboy帶玩~
有小丸子o架~
以為係d咩野game黎o既tim~
點知~入到去~
齋talk~都唔係game黎o既~
不過六十蚊~ 係差唔多o既質素o架啦~
哈哈~~
臨尾...
我o地去o左玩雀仔占卦o個d野~
o個個人~
首先叫我o地o係一疊有好多姓氏o既card上面~
搵一張入面有自己個姓o既card~
放o係一大張寫o左好多堆姓氏o既布上面~
對返自己個姓放埋一齊~
之後~
佢就放隻雀仔出黎~
"擔"出一個紙套...
套入面~就揭曉o左我個姓啦~
但係...我見到一d野~
我覺得有小小人為成份...
唔係真係隻雀仔咁靈...
不過~都唔能夠唔佩服佢o既~
正所謂百家姓...
咁都知我o地姓咩~
就算係人為~ o個個老伯伯~
又真係幾勁o既~~
行到十點幾~
就搭車車返屋企lu~
今晚玩得幾開心~
真係好啦~
但係...程程送到我返屋企~
就比佢媽媽打電話黎話佢咁夜都唔返屋企啦~~v_v
慘慘~~~
因為程程宜家返早~
日日都要五點幾起身~
而且~佢又要"渣"車~
唔夠訓~唔夠神就會危險~~~
所以佢媽媽想佢早d返屋企休息啦...
阿wing昨晚send o左佢個hp比我睇~
點知~
佢個網有病毒~
好彩個norton洗得咋~
一check就check到有病毒~
如果唔係~
就死火lu~~
終於大大約約都發現到阿wing成日中病毒o既原因~
就係佢原來之前中毒~
佢都照save番低落碟度~
咁d毒~可能留o左o係d碟度~
咪搞到佢成日中囉~~
希望佢以後唔洗成日再剷機啦~~
聽朝要返學lu~
好似好耐都冇返過學咁~
一諗起係上黃伯堂就頭痛~
又唔知佢要我o地畫d咩...
仲有呀~~星期六d功課...點算好呢~?
唔想做呀~~ v_v
今朝掙扎o左好耐...
九點三雖然起o左身~
走o左去沖涼~
但係我咁做~
都只係做個樣比我daddy mummy睇~
費事比佢o地知道我又唔返學啦~
沖完涼出黎~
媽咪仲未走~
咁我就食下早餐~
等佢走o左~
我就睇電視...
睇o左一個鐘左右~
我又去訓過...
其實~我硬係覺得自己有發燒~
可能昨日睇醫生探熱o個陣~
我一邊同醫生講野~一邊探~
所以出到黎o既結果唔準確~
成日都口淡淡~
病...應該係呢種feel o架啦....
唉...v_v
食o左少少野~
點幾鐘返到公司~
跟住拎d相去哂~
順便走o左去買三t~
我媽咪特登打電話比我~提我買o架~
去到馬會~
勁多人~
我又好迷信咁...
走o左去八號窗買啦~
哈哈~~
今日d 時間過得好慢~
又有d餓餓o地咁...
不過d野做得都幾順利~
事實上...雖然d野都幾趕~
但係...有d野~
急都急唔黎~
正所謂~欲速則不達嘛~~ ^_^
今日有好幾個人黎影相~
都算係幾旺場o架~
六點幾收工~
諗住拎定錢出黎買個"白"o既砵仔糕食~
點知...冇o既~~??????????
too bad~
後尾...去o左買個腸仔包食~
哈哈~都好過冇啦~
返到屋企~過o左冇幾耐就食飯~
所以~覺得自己仲食"包"~有少少過份tim~p-p
由於時間o既關係~
寫到呢度為止啦...
我要努力咁織條頸巾呀~~ ^_^ 哈哈~~
◎_◎" 織...織...織....
我要做木蘭...
其實呢兩晚都唔多訓得好~
因為鼻塞...
好辛苦呀~
今朝~~極度唔舒服~
都唔係幾想返工~
但費事DANNY認為我冇心再返~
所以格硬都要死返去...
不過真係好唔掂~
結果~搞掂手頭D野~
下午都係冇返到~
請O左半日假睇醫生~
返屋企休息一下~~
訓O左幾個鐘~
起身食晚飯~
再食藥...
好O左少少...
唉...
-_-"
聽日我都未必返學...
亦都唔想返工~
但係...唔掂~
唔返學都仲可以~
唔返工~就NO WAY啦~~ V_V
D野唔做....幾時先做得完呢....
收到阿維SEND比我O既URL~
覺得好正~~
大家不妨去睇睇丫~~
有"心動"呢套戲O既歌襯底~
仲有D好似粉彩O既手稿~
好靚呀~~ ^_^
心動
MAVIS今日帶O左幾本星座書比我睇~
嘻嘻~~
真係好啦~~~
醫生叫我多D休息~
但係頭先訓O左幾個鐘~
唔知有冇咁快訓得著呢....
今朝十一點先起身~
差唔多成點先去到程程屋企~
程程九點左右先訓覺... 慘慘呀~~v_v
o係佢屋企食完飯~
過o左一陣~
就去o左旺角出o左部電話...
之後...因為佢d態度衰~
搞到我o係旺角大街大巷咁叫~
v_v 都幾肉酸呀~
激動到仲講分手tim~
打埋電話比輝輝老爺...
話佢知我同程程分埋手~
哼...追到去中環...
講o左好耐好耐~
佢話會改...先冇事咋~
去orange買o左部gd 95~
嘻嘻~~好靚o架~
d音樂聲先正嘛~
暫時...比程程用住先~
因為宜家放埋我o個部白色a288~
都仲值2000左右~
咁...都諗住下星期再出埋我o個部~
買第二部~
同程程齊齊用新機~
不過...好頭痛呀~
都唔知邊部好......
落雨...有d凍~
又有d累~
去o左哈迪斯坐低食野飲野~
o個度有紙盒裝o既qoo飲呀~~
個盒好得意~
不多見o係街度有得買~~
好想留返個盒...
但係...結果都係冇留到~~~v_v
跟住...就返程程屋企lu~
沿途都係玩部gd95~
新野嘛~哈哈~
食晚飯~好鬼死飽呢~~
d多春魚好好味~
食o左好多條呢~~~ ^_^
食完飯...入歌仔...
過冇幾耐~就走lu~
今日湊空檔時間~
o係度織頸巾~~
長o左好多呀~~
真係好啦~~~
十點幾返到屋企~
媽咪留o左湯比我o地兩個飲~
程程飲完~
坐o左陣先走~
由聽日開始~
佢要日日都要返七點...
真係慘呀~
要早d訓先得啦~~~
今朝都爭扎o左一輪先起身返學...
因為都冇做功課~
返到去咪又係坐...
所以就諗住唔返第一堂~
第二堂先返~
不過後尾諗...費事阿sir計出席率~
如果唔夠堂比佢扣分~
咁就唔抵啦~
因為自己本身d分已經唔高啦嘛~~v_v
聽日呢~
係阿潘生日~
佢驚死冇人理佢...
之前就同咖哩阿輝講佢就生日啦~
佢先頭唔做呢d行為~
我o地都唔會覺得佢cheap o既~
但係佢做到咁...
我o地就直頭唔多願夾錢送封賀禮比佢啦~~
兩堂...我o地都冇咩人理佢~
佢個樣亦都好似唔多開心咁...
到放學...andy將封賀禮比o左阿潘...
先見到佢笑返~
我同apple就急急腳走人...
約o左程程o係sogo等丫嘛~~ ^_^
我o地o係銅鑼灣行o左一陣~
之後去o左太古城...
見到好靚o既sugar~~
佢係forever friends o既系列o黎o架~
白雪雪~好得意~~
立即又成為我o既新寵~
不過我仲未擁有佢~
哈哈~~遲d...我一定會得到手o既~
哈哈~~~~~~
比程程話我貪心忘舊tim~~...-_-"
之後...我全程都提住sugar~~
激到程程死~~
程程仲話...仔仔囡囡實唔開心o者~
到咁上下~
就搭車返屋企食飯~
食完飯~~
坐o左陣~就去o左旺角睇電話~
因為諗住出o左程程部銀色a288~
換過另一部新o既~
佢就睇中o左彩芒...
不過咁貴...
彩色又唔會識飛o既~
所以...好似唔多划算咁...
另外~panasonic gd 95都唔錯...
不過都係諗下先啦....
行到咁上下~
搭地鐵去長沙灣~
程程就返去公司...
我就等佢渣車黎接我....再去遊車河啦~
點知佢公司o既技術性o既問題~
阿joe冇啦啦同埋程程返同一更~
結果~~車o左阿joe去佢女朋友度唱k~
我o地兩個就周圍兜啦~~
到點幾鐘...
我開始眼訓...
程程就車o左我返屋企訓覺~
剩返佢自己一個...
聽朝我起o左身~會過去佢屋企~
佢到聽朝七點幾先收工o架~
通宵~真係有好有唔好~
好...就係free d~
冇咁多野做~
唔好係...要捱眼訓...
很累....要訓覺仔lu~
唔好意思...
呢排心情問題...
又多野做...
冇upload日記好多日tim~~v_v
不過我唔會唔記得我做過d咩o既~
只係未有時間去整理佢o地o者~
要你o地再久等啦...
再忍耐一下啦....
sorry~~~