|
今朝~好驚險~ 因為我坐o個架van仔~ 好亡命咁飛車~ 又cut線咁... 搞到差d撞車... 我仲叫o左一聲~ 因為另一架車好似就撞埋黎~ 而撞o個個位~ 係會撞正我o架~ 所以好自然o既反應~就係大叫一聲~ u_u 雖然係咁...但係佢都冇停到車~ 照樣係咁"片"黎"片"去~ 好鬼恐怖~ >_<" 去到東東食早餐~ 個個都話難食o左~ 唉...唔怪得之冇咩人o係o個度食野啦~ 上堂...a組傾o左成九個字~ 超級大細超~ 阿朱今日終於都返o左學~ 不過嚴重地比佢激死~ 叫佢畫poster~ 係人都會諗到係做直倒~唔會做橫倒o架啦~ 點知佢畫o左橫倒~ 你話係咪嘔血丫...>_<" 原本諗住...今日係有機會同阿sir傾野o既~ 到最後...咪又係冇... 算啦~下個星期一次過比佢睇哂算啦... 放o左學~ 成13個人走o左去飲茶~ 好耐都冇試過咁啦~ 哈哈~ 叫o左好多野食~ 成檯都係咁滯...so happy~ 見到咁多食物就開心啦~ 唉...自從一月頭過後~ 我就狂食野~ 肥o左好多好多~ 尤其係昨日諗住去買褲... 試o個時... 令我覺得~我真係有必要一定要減肥囉~ 唉... 不過點都要過埋生日先~ 因為有人話帶我去食大餐丫嘛~ 哈哈~ 食完野~就分開兩批人搭"叮叮"去藝文cardboard~ 好忙咁搞完一大輪~ apple 咖哩同埋我就搭巴士返屋企lu~ 先頭~係諗住搭的士o既~ 不過堅道好邪惡o架~ 要成七點先可以停得車~ 如果要停~就要o係衛城道落~ 我o地拎住咁多野~ 要落樓梯同埋行咁遠~ 咁不如搭巴士~落車又近~行返屋企都近d啦~? 阿咖哩拎d cardboard~拎到手根都現哂~ 我同apple雖然都係拎cardboard~ 不過就係拎輕量級o個d~ 哈哈~ 放低d野~坐o左陣~ 三點幾佢o地就走lu~ 咖哩非常白痴地~ 開o左我部電腦~竟然玩接龍~ 跟住臨尾又幫我較控制台d野~ 嚇得我丫~ 走o左之後... 我就諗住check下mail啦~ 點知...d掣click極都click唔到~ d file又開唔到~ 心諗... 唔係咁邪呀嘛~比咖哩搞一搞...就整到部機死o左~ 後尾...先知係因為咖哩較快o左我個mouse~ 所以detect唔到... 真係一額汗呢... 本來我想訓下覺~ 不過...突然好想做埋黃師父d功課~ 咁咪的起心肝係咁油~ 油到六點幾已經油完~ 一來...我好求其... 二來...我係畫d好簡單o既野~ 所以咪咁快囉~ ^_^ 夜晚~都係決定o左休息... 丫~唔知做咩~ 今日個個都好似好累咁... 哈哈~大家要多d休息呀~ |
|
昨晚等程程收工~ 之後佢返屋企上網~ 終於都改o左個info... 等佢打o左成九個字咁滯... 都唔知點解用手寫板都可以寫咁耐~ 佢話...要諗得有意思~又要順暢喎~ 咁緊係o既... 佢用"蝸牛"呢首歌o既詞黎改丫嘛~ 勉強係勉強o左d~ 但...心裡很高興...O(^^)O 握手言歡...(^^)人(^^) 感動...(≧◇≦) i love u~~~~~ 雖然昨晚有人話今朝會叫我起身~ 但係...我近來都非常知醒~ 所以~ 佢冇打到黎~我都係九點起o左身~ 返學...激死o左我... 阿朱冇返學~ 佢仲係負責poster o個一個tim~ 真係比佢吹到我"啤"一聲~ 條友都唔係路o架~ 今日阿sir最主要係想傾poster~ 佢冇話...你話咩意思丫~?! 咁打電話比佢~屋企又冇人聽~ 手提又飛o左佢留言信箱... 唉~~~ 我都已經完全失望~ 費事理佢... 我唔想成日都唔開心... 因為呢一排我已經夠哂唔開心~ 唔想再多一樣野啦... 其他組d人未返齊... 我o地咪變o左第一組傾囉~ 傾返之前改o左o既野~同埋apple畫好o既禮盒and火柴~ 又有少少進展~ 好過冇啦...^_^ 上上下堂~ 落o左去交組相同埋學費~ 費事聽日先交學費~要排隊等~ 搞到阿sir以為我o地遲到扣我o地分就唔抵啦~~ 放o左學...搭車去o左金鐘pacific place行~ 行o左陣~買o左條牛仔裙~ 另外~都睇中o左件衫o既... 不過...都係唔買住... 遲d先買...因為話o左要儲錢~ 買野o既時候, 最好都係... o個樣野...再見到第二次先買~ 咁樣~會慳返好多呢... 行完返屋企~ 打電話比阿朱~ 終於都打到電話比佢~ 佢竟然話唔知醒喎~ 咁我問佢做哂d野未啦~ 佢又話做哂~ 唉~~做哂都唔返... 都唔知係咪有心玩我o地~ 打比佢都成兩點幾~ 佢話佢都係醒o左冇幾耐~ 我話我o地打o左好多次去佢屋企~ 佢話佢o係房~所以聽唔到電話響~ 咁我話...冇野好講啦... 佢仲cut埋我線tim~ 唉~~都唔知係咩人黎.... 之後~執過下d野~ 費事聽日咖哩apple上黎屋企~ 咁鬼亂啦~ (雖然盡過力~但亂況依然~) 下午~係咁二改過下d野~ 只係d排位...都搞o左好耐~ 個logo縮細o左...d線又變粗哂~ 搞o左好耐~先同大個o既岩返d比例咋~ 夜晚~食完飯仔... 都係繼續做野~玩下icq咁... 哈哈~ 宜家呢~一日要食5粒藥... too bad~ 對鼻敏感有用~ 點都要食~ 但究竟係咪真係有用呢~? 我又唔係好覺~ 因為呢幾日都不停咁打噴嚏~ 有冇用~? 一睇就知啦... 不過媽媽話食一排先有用~ 咪繼續食囉~ 呢兩日~都唔係幾夠訓~ 個黑眼圈~即刻現哂形~ too bad~ |
|
今日畫過張namecard~ 最主要...都係字o既大細排位問題~ 搞o左好耐都唔多掂... 都係等阿sir聽日指點下先得... 心情...比任何人都平靜... 冇發嬲, 冇發脾氣...只係唔係咁想出聲... 三舅父三舅母黎o左... 我都係敷衍講o左幾句野... 事實上, 我真係冇力氣...又冇精神... 今晚...佢o地o係房度打麻雀~ 我就自己關埋門... 熄o左燈...點起上次買返黎o既香味蠟燭... 一小舊的蠟燭...發出的光...很溫暖... 肯定...溫暖過我心入面o既感覺... |
|
我諗...我病o左... 經過o左兩日唔開心o既煎熬... 病由心生... 唉... |
|
你已經不懂 怎麼怎麼方可以令我歡笑 其實你不關心 怎麼深消哭泣你都不知曉 你的思想中 怎麼一點都不注重我需要 從前極美麗亦微妙 可惜浪漫溶掉 這一切已變化了 沒法再笑一秒（而我卻忘不了） 期望以一生眼淚 兌換兌換一些歡笑與懂憬 期望以一生眼淚 兌換兌換一些希冀 倦透一雙眼睛 哭泣我已適應 情人無須刻意敘述說明 It's a crying game It's a crying game (Just a crying game) |
|
情 緒 低 落 • • • |
|
今朝學校準時九點打黎... 嘈醒o左我... 打黎...係為o左通知我張組相原來唔得~ 要再交過一張... 佢話...如果真係要出先頭o個張~唔係唔得~ 只係負責人話張相出到黎o既效果~ 會變o左做一堆野睇唔到喎~ 咁宜家唯有交返轉o左黑白o個張啦... 起o左身~ 食o左一塊芝士夾麵包~ 再食多個微波肉醬意粉~ 之後...就去搵飲食男女比阿mon啦~ 因為佢昨日打電話黎問我有冇... 咁我昨晚搵o左一次~搵唔到... 我唔信邪, 我知道我一定冇掉過... 所以決心再搵多次~ 果然皇天不負有心人...真係比我搵到~ ^_^ 今朝~ 我諗住想做緊d layout~ 而kenny昨日又冇打電話黎confirm時間~ 所以~我就打電話比佢~ 話我唔去啦... 點知打到去...kenny話未約齊人~點都要遲d先食~ 哈哈~真係好啦~ 過o左冇幾耐~ 我就打電話比阿朱~ 諗住check下佢d進度畫成點... 佢話...家下先係星期一~唔洗咁趕呀嘛... 唉...咁即係話...佢未開始畫啦...too bad~ 星期三, 真係有d危險~唔知搵d咩野交比阿sir~ 唉... 於是~我就話聽日去佢屋企附近拎d線稿~ 等我可以幫佢油緊d顏色... 不過到最後~都係決定叫佢畫o左d線稿~ scan o左send比我會好d~ 我諗...佢今晚都唔會咁快send到比我o架啦... 唉...一切都要等明天~ 聽日...三舅父黎我屋企打麻雀~ 即係聽日屋企會好嘈啦... 唉... 的起心肝~今日改好o左d阿sir上堂叫我o地改o既野~ photoshop唔知做咩發神經... pick path之後~轉做selection啦... 點知...條邊feather o左... 都唔知點解會咁... 上次已經係咁o架啦... 夜晚九點左右~ 冇意之中~比我發現到有d咩野出錯~ 真係好啦... 另外~仲發現埋阿mon o既問題~ 哈哈~so good~~ 畫o左個燭台o既layout~ 不過我唔識點畫高角度同側邊... 所以我就搵d硬card紙做o左個實物~ 再影數碼相~ pick 返d path出黎~ 哈哈~ 個鼻...唔知搞咩~ 入面好乾... 乾到痛tim呀...v_v 激死... |
|
今朝...十點幾程程就黎到~ 等我搞掂好哂...就同埋媽媽一齊去飲茶~ 哈哈~ 順做執o左d點心比daddy當晏晝食~ 飲完茶, 我同程程就落o左中環搭地鐵去沙田~ 由昨晚開始...直到今朝... 程程都不斷比我鬧佢... 所以...搞到佢o係地鐵入面同我講... "唔知仲可以忍到幾時"~ 聽完佢咁講...我就開始唔出聲... 一點未夠去到沙田...但直接三點幾, 都未好返... 或者-沙田係一處不太利我們的地方吧... 好似上幾次...都試過o係沙田度鬧交... 唉... 不過今次有一樣野唔同... 我同佢講分手... 佢第一次同返我講..."咁分手啦"... 聽完...我喊住咁走... 三點幾四點... 開始言和... 去行IKEA~ o係入面o既cafe食o左個下午茶... 很好味呢... 岩岩食完野...行到出去... ikea有另一個小食部~ 程程話d熱狗好好食o架喎~ 於是又一人買o左一個黎食~ o係呢個時候, 就打電話比輝輝老爺~ 點知佢條友~又放我o地飛機~ 激氣呀~~ 跟住...諗住買褲... 周圍睇~不過睇唔岩~ 之後...夜晚...好快樂地...去O左"風月亭"食野~ 不過...要等成25張檯... 真係利害呢~ 咁我o地就過去對面沙沙行啦~ 試清楚ck o既 eternity香水~ 究竟係原味eternity香d丫~ 定係特別版玫瑰味o既eternity香d呢...? 答案係...特別版玫瑰味係香d o既~ 程程都係咁話... 另外~又終於買到樣好耐都買唔到o既野~ 今日問個sales~形容比佢聽係d咩野之後~ 個sales就介紹o左比我~ so happy呢~ 買完~過番"風月亭"~ 仲有五張檯就到~ 所以就坐低等啦... 叫o左個二人餐食...飽到暈... 二百六十幾蚊...都幾抵食丫... 食完野~都九點幾lu... 我呃程程...話佢同我講分手之後~ 就打電話話o左比佢媽咪聽~ 點知佢信以為真... 係咁話我cheap~ 同埋係咁講"你係講假o既..." 哈哈哈~因為如果真係講o左比媽咪聽~ 會有排煩住佢丫嘛... 所以就係咁問我係講真定係講假啦... 返到屋企~ 程程流鼻血~ 幾恐怖呀~ 之後~我就試下用o係沙沙買返黎o既野~ 估唔到...效果幾好喎~ 而程程等我試完之後~ 亦都試埋一份~ 哈哈~真係搞笑~~ 我會好好記得呢一日... |
|
其實...我覺得自己...已經去到好愛你o既地步.... 可唔可以再多~? 可以... 宜家夠唔夠多...? 可能唔夠多... 房入面, 滿載住你買比我o既野~ 每一件都留住一段o既回憶... 而房o既周圍, 亦都放o左好多你o既相... 甚至電腦桌面上的wallpaper, 都是用你小時候的相片自製成的. 不經不覺, 都用了這相wallpaper年多了... 無論遇上什麼可愛的wallpaper, 我都忍住不將它換掉... 我希望~我永遠都唔會換呢張wallpaper... 就算係換, 都係換過另一d用你o既相黎做o既wallpaper...... |
|
哈哈~結果~ 我今晚o既晚餐~都係杯麵... 係一個杯麵, 再加多個麵入去... 即係食o左兩個麵... 哈哈~先頭就好鬼死肚餓~ 宜家就好鬼死飽... 冇自己扶... 仲要食唔哂~ 倒o左d tim~ |
|
昨晚訓得唔係幾好... 大約十二點左右訓~ 兩點幾, 屋企個電話冇啦啦響~ 但我又唔想起身~ 於是就扮聽唔到...繼續訓~ 今朝~七點左右~程程打黎叫我起身~ 好快就搞掂好自己~ 七點十一就出得門口lu~ 返到學校上到課室~ 我係第一個人返到~ 等o左好耐~先等到apple返~ 幾驚冇人返呀~ 因為呢~上作品集堂唔可以走堂~ 星期六d堂又唔係咁重要~ 難得呢日可以走下堂... 咪怕d人乘機唔返囉~ 先頭呢~我都有諗過唔返第一堂o架~ 但我之前已經冇返"感性色彩學"兩堂~ 所以~點都要返... (感性色彩學因為要就作品集d堂~ 咁所以一月頭o個時暫停o左~ 到今日先再上返未上完o既課) 數數下...黃師父話下堂係最尾一堂~ 總共有十個功課要交~ 今日上堂好努力咁油顏色~ 宜家仲差兩個就搞掂~ so good~ 上完第一堂~上佳佳o既包裝設計~ 我都係照油黃師父d功課~ 臨尾冇幾耐~ 佳佳比我o地睇幻燈片~ 搞到我停o左一陣~ 不過~睇完之後~盡o左我最大o既努力~ 好快咁油好一幅~ 完成第八份功課~ 等我返到屋企做埋其餘兩份先~ 放學...交o左張組相去校務處~ 交o左張有效果o個張比佢~ 但係收相o個個姐姐~佢就有d遲疑~ 驚學校唔比出~ 所以要我寫低電話~ 如果真係唔得~就打電話通知我~ 叫我o地交過另一張喎~~ 今日阿wing同阿yan都冇返~ 好似係去o左睇警察o既open day~ 放學之後亦都各自閃~ 架23號仲好聽話咁... 我行到車站佢就岩岩好黎到~ 嘻嘻~ ^-^ 程程個死懶鬼~ 話o左今朝去做gym~ 點知佢成十二點先身~ 真係比佢激死啦... 丫~今朝老豆煮o左蝦子麵食~ 比o左碗我食~ 所以~今朝我都唔洗去買早餐食~ 返到屋企~ 原來阿婆阿姨同大舅父黎過拜年~ 檯面放o左兩盒糖~ 我肚餓~就拆開黎睇下係咩~ 點知...係似麥提沙o既朱古力~ 一盒入面有十包左右~ 食o左一包~ 嘩~好難食... 下午~ kenny打電話比我~ 約星期一一齊出黎食lunch~ 諗住聚下舊~ so happy~ 今晚~好邪惡~ 七點鐘~ 都未有人返黎~ 我又肚餓喎~ 咪打電話比媽媽囉~ 點知打到去比佢~佢竟然叫我自己食~ 咁我就問佢~咁老豆呢~ 佢就話老豆o係舖頭做野~佢唔返黎食喎~ 唉...又唔早d講~ 如果我唔打電話比佢~ 一直係咁等~ 我咪餓死~~ v_v too bad~~~ 究竟~~~食d乜好呢... 點心...我下午先食完黎~ 唔通...真係要食杯麵...... |
|
今朝~十點幾比樓下o既裝修聲嘈醒~ 打完電話比程程之後~ 我竟然仲訓得著... 訓到十二點幾先起身~ 哈哈~ 昨晚~程程七點幾就收工返屋企~ 完全唔記得o左要幫我換qoo傘呢回事~ 於是佢夜晚十一點幾就再出去~ 幫我去ok便利店搵啦~ 佢o個範圍~有四間ok~ 點知去到第四間先有~ 佢話...早知一早去o左第四間先啦~ 咪唔洗行咁遠~ 換o左兩把米色~幫apple換埋~ 哈哈~~ 今朝起o左身~ 睇o左陣電視~就去搵下d教人整蠟o既網~ 又改下個logo~ 咁樣就一日~ 都算係幾輕鬆o既一日~ 程程夜晚上o左黎我屋企~ 因為佢成日早收~ 費事咁早返到屋企~ 比佢媽媽話佢成日咁早收工~ 好似好懶咁... 其實...係唔關佢事o架嘛~ 宜家就算佢ot~ 公司都係補返鐘比佢~ 即係ot o左2個鐘~ 咁佢第二日...就可以早收兩個鐘咁解~ 搵到個網呢~教人整蠟燭... 可以熔o左d蠟筆黎當染料~ 哈哈~係真o既話...就方便好多~ d顏色可以自己控制到~ 哈哈~實在太好啦~ ^-^ 丫~近來睇電視~好耐都冇試過睇到咁火滾~ 咪就係睇"無頭東宮"囉~ 睇見"向海嵐"~就覺得佢變態~ 睇到"張兆輝"(即係做皇帝o個個)~就想"扯"佢兩巴~ 雖然係睇到咁火滾~ 但係...呢d都係佢o地成功之道~ 做到咁邪惡~害到皇后(陳妙瑛)咁衰丫拿~~ 呢排icq好多人add我~ 其中有d~講野都好白痴下~ 搞到我忍唔住要鬧佢o地... 又有d衰人講衰野~ 唔通~呢個世界真係有咁多人咁無聊o既... 阿恆昨日幫我o地影o左張組相~ 今日我就執下張相~ 玩下d效果~ 不過我第一次拎張相去哂~ 係拎o左張好正常...只係轉o左黑白o既相落去曬~ 到我拎相o既時候, 我覺得個效果唔係咁靚~ 於是返到上屋企就再加d效果上去~ 整完~又再拎落去曬~ 哈哈~ 呢張正好多~ ... 但為免學校唔收~聽日都係帶哂兩張返去穩陣~ = ) |
|
昨日~收到棠棠o既offline message~ tobey, 好開心識到你... 因為你比到我'朋友'o既感覺 多謝...! 好開心~~~ 很感動呢... |
|
昨晚~畫到兩點幾三點... 嘩~都唔知幾耐冇試過對住部電腦畫咁耐野~ 而且~亦都好耐冇咁夜訓~ 不過改過同埋新做出黎o既野~ 效果都比之前o既好... so~咁辛苦~都值o既~ 可能過o左平時訓覺o既時間~ 所以訓上床~都好難訓得著~ 個腦係咁諗住蠟燭~ 另外~ 我上次轉第二張電話card~ 唔記得飛線~ 我臨訓o個陣~諗住換返張card啦~ 聽到有5個留言~ 不過佢o地都冇留低說話比我~ 真係奇怪~ 個來電唔係我電話簿入面o既人~ 搞到我猛咁諗究竟係邊個打電話比我... 仲要打5次咁多~ 今朝~好眼訓~ 加上知道今日要影組相~ 所以化妝o個陣~都重手過平時少少~ 返學去食早餐~ 唔係好記得去邊度食~ 因為太耐冇返學~ d次序都搞到亂o左... 冒險去o左麥記... 去到唔見阿yan~又唔見阿wing~ 幾驚真係去錯呀~ 好彩過o左冇幾耐~ 阿wing黎o左咋~~~ 上堂~ 佢o地個個都有野交~ 真係好啦~ ^_^ 而今日阿sir同我o地傾~ d logo~ 阿sir只係叫我o地執密d字就ok~ 真係開心啦~ 冇比佢ban~ 嘻嘻~ 傾o左半個鐘左右~ d進度應該都跟得上~ 成個人~直頭鬆哂咁... 放學... 我o地麻煩o左阿恆幫我o地影組相~ 只係o係課室入面影~ 除o左阿朱之外~我o地幾個都係著灰黑系列o既衫~ 於是逼阿朱除o左件外套~ 再著阿輝件黑色褸黎頂住啦~ 哈哈~真係唔該哂阿恆~ ^-^ 放學~ apple同咖哩去o左別府等位先~ 我就去one2free交電話費~ 我排隊前面o個三個人~ 全部都係比人cut o左電話~先去交電話費~ 等o左幾耐呀~ d人真係麻煩~ -_-" 原來呢~ 留o左5個言比我o既~ 係上次買o左d護膚品~ 間公司打黎係想講d會員資料比我聽咋~ 車~仲以為係邊個~ 激死我囉~ 食完野~去連卡佛睇野~ 之後就各自散lu~ 我自己就去o左買糖糖~ 買o左4"銅"特濃牛奶糖~ 差d仲買o左本心靈雞湯~ 不過最尾諗起未有時間睇~ 所以就諗住遲d先買啦~ 買完就返屋企訓覺~ 訓到四點幾~ 比程程打黎~同埋orange打黎做訪問嘈醒o左~ too bad~ 算啦~ 都係時候起身~ 唔係今晚訓唔著... 今日~決定比自己放假一天~ 唔做作品集d野住~ 聽日先再做... 程程幾搞笑呀~ 昨晚呢~ 佢話等到我做完先訓覺~ 咁我見佢等我咁悶~ 於是就批准佢打機~ 點知佢打到點幾就眼訓~ 拿~~~唔係我唔比你打~ 係你自己打到累唔打咋~哈哈~~~ 打o左電話去藝文confirm d野~ 再幫其他組訂埋pvc膠~大功告成~ 星期四去拎野~ ^-^ 丫~前幾日~忙得滯~ 都唔記得打個重大o既消息出黎~ 就係陳鍵輝老爺~不知不覺~... 已經搵o左個媽媽比我o地... 收得咁密~~~宜家先放料出黎~ 哼~~ 星期日佢就知味道~... 嘻嘻~ 星期日佢約我o地去佢屋企bbq喎~ 又有得見到佢兩隻狗啦~真開心~ ^-^ 不過呢~就唔會見到佢女朋友~ 因為佢女朋友呢個月都好忙~ 佢話下個月先喎~~ ^-^ 事源輝輝比保險公司列o左做黑名單~ 搞到佢有車都唔敢"渣"~ 宜家佢女朋友借o左架車比佢"渣"~ 哈哈~聽講同輝輝o個架差唔多~ 應該襯到絕啦~ 真係好想快d見到輝輝個女朋友呢~~~~~~^-^ 丫~昨晚去睇魚~ 見到有隻鸚鵡魚好搞笑~ 有紅色o既品種~又有綠色o既品種~ 我諗大隻囡囡睇到...就會話~ 點解d魚魚會變o左做紅綠燈o既~~?! 紅色魚魚游緊...咁我咪唔可以行囉~ 綠色魚魚游緊...咁我咪可以過馬路囉~ 哈哈~~~ |
|
今日返學... 當然唔會有太大期望佢o地有野交... 得APPLE有做野... 咖哩都有係咁二畫過下... emily有畫一張~不過又係好草o既草圖~ 阿朱乜野都冇... 搞到我真係好氣妥~ 衰人...點都要做一次~ 話o左幾句... 唉... 今日上堂只係傾a-e組~ 所以未輪到我o地~ 我o地就自己開會... 傾好o左大家今晚各自要做d咩... 希望聽日會有野交出黎~ 唔洗比阿sir剷~ 放學打鐘...橫掂阿sir都未走~ 我o地又只係差少少就傾完~ 於是就留o係課室繼續傾啦~ 傾完~~~ 我同apple 咖哩去o左食麵~ 食完麵就搭"叮叮"去藝文~ 話比老闆娘聽我o地下星期四去拎d cardboard~ 不過呢~發現o左個問題~ 就係學校張紙寫o左係要51cm x 51cm o既cardboard~ 不過51cm又唔等於20吋喎~ 51cm長過20吋少少~ 張cardboard本身就20 x 30吋~ 點都cut唔到51cm出黎~ 所以~就hold住先~ 聽日confirm好先打電話去藝文叫佢cut~ 順便~又訂定d pvc膠片~ 我o地仲買o左d特別o既a4紙~ 諗住試下印出黎o既效果係點.... 如果試o左好o既話...先再買a3~ 返到屋企~ 我都係繼續出電腦稿~ 畫好我頭昏腦脹... 個腦係咁飄住d蠟燭~ 我諗...我o地o既主題係做"香薰蠟燭"~ 我自己都要聞下黎減輕壓力啦... 直到六點幾~我就出去... 約o左程程七點三等佢放工食飯... 大家可能覺得我咁多野仲未做~ 就出去食飯...會好哂時間~ 不如將d時間用黎做野好過啦~ 但係~我其實真係想鬆弛下自己~~ 一味係咁做...可能仲衰都未定~ 鬆弛完~再做...可能效果會好d... 六點半我出門口... 沿途行落去地鐵站~ 我見到有d有賣蠟燭o既地方~ 走入去周圍睇~ 帶到一d新o既靈感比我~ 加上我岩岩o係阿哥間房度搵到本書~ 有張燭台o既相~ 我發現~原來我o地欠缺o左"燭台"呢樣野~ 而呢樣野...仲係非常重要o既tim~ 哈哈~你話行一行~睇一睇書~ 得到幾多益處呢~ ^_^ 去o左深水"步"食麵~ 程程平時成日話好食~ 不過都未帶過我去~ 今晚就去o左試啦~ 哈哈~果然名不虛傳o既"包心肉丸"~ 真係好正喎~ 食飽飽~就o左去黃金睇有冇岩用o既素材碟~ 結果不負所望~買到兩隻~ ^-^ 行完之後~去o左太子睇魚魚~ 今晚比平時用心去睇~ 好近距離咁睇~ 唔同平時o係門口睇咁遠~ 買o左袋蝦蝦比我d魚仔食~ 嘻嘻~佢o地實好開心o者~~~~~ 行行下~見到街邊有貓貓同狗仔賣... d花貓~300蚊隻咋~ 好鬼得意~ 另外又o係一間寵物店度見到d白色貓貓~ 又係好可愛~ 不過價錢就貴好多~ 要幾千蚊隻o架~~v_v 途中~見到程程架公司車~ 上前一睇~ 原本係"傻豹"同"王爺"~ 傻豹就坐o係架車度~ "王爺"就落o左車睇魚~ 終於~都比我見到傳說中o既"王爺"~ 哈哈~ "三陪"o既相~果然唔方好得去邊...... 睇完魚魚~ 去o左支持"翻版"~ 冇計啦~雖然新年有利是錢~ 不過縮o左好多水~ 所以~都係買翻版算啦... 買o左兩隻~ 揀好o個陣~岩岩撞正要走鬼~ 拿拿臨比埋錢就走lu~ 返到屋企~ 程程幫我倒o左d蝦落個樽度~ 比o左少少我d魚食~ 因為費事一次過倒哂落去~ 食死佢o地啦... 所以...係咁二比o左少少落個魚缸度就算~ 諗住倒o左落個樽度~ 可以分幾次食~ 飲埋湯~程程就走lu~ 佢話費事阻住我做野喎~ 佢走o左~我都開始開工lu~~~~ 要畫過d logo~ 畫張member card o既layout等... 唉~希望唔洗畫到太夜啦... |
|
今日有兩個人生日~ 分別係阿哥同埋咖哩~ 生日快樂~ ^-^ 希望阿哥事業順利~ 希望咖哩勤勤力力~ 基本上~今日都好忙~ 要出返之前傾好o左o既電腦稿... 由朝畫到晚... 真係唔得佢死... 放o左咁多日假... 聽日就要返學啦...緊張o既心情隨之而來... 唔知大家同學o既進度去到邊呢~ 我希望我o地唔會太落後啦... |
|
今日~我屋企有條魚死o左~ 浮o左o係水面~反o左肚... 仲係半透明狀態tim... 夜晚~程程又話比我聽~ 上次換完水~ 猛咁"fing"頭o個條魚~ 終於都死埋... 丫~又會咁岩得咁q~ 同一日~唔同o既魚缸~ 會一齊死o既呢... 希望佢o地安息啦... |
|
我記得我昨晚發o左個夢~ 個夢提醒o左我... 我要對程程好d~ 不過個夢係點...我就唔記得~ 只係醒o左...有一個好強烈o既訊息o係腦度~ 就係要對程程好d~ 今日...好苦惱~ 好多野要做~ 不過好多都未做... logo都未諗齊~ 其他野...都唔知大家可以做成點.... 唉... 仲要從新編排45張cardboard要做d咩... 唉...... 程程今朝去o左睇醫生~ 個醫生開o左d鼻敏感藥比佢食... 估唔到~d藥力好勁... 搞到佢好眼訓... 一邊開住icq~一邊做野~ 同楠楠傾~...無啦啦比佢打沉o左我... 唉...完全冇力氣再去做... 七點左右~程程就收工lu~ 我打電話比佢...喊住同佢講野... 唉...好鬼冇用呀我...-_-" 喊完...仲衰... 仲累...仲唔想諗野... 天呀...點算呀? |
|
事情還未完結... 食飯o個陣~ 我話我搵唔到把尺~ 話宜家唔會哂時間去搵... 就係咁講o者...就比我老豆好惡咁鬧我~ 食飯...搞到背脊骨落... 好快食完...入房換衫... 諗住落街買返把尺比佢~ 點知佢見我想落街~...就話如果買過把比佢~ 佢用把尺黎劈死我...... 哼~係就好呀~ 劈死我...咩都唔洗做~ 唔洗搞成宜家咁... 進退不得... 同埋~我發現... 原來一把尺...就可以換o左我條命~ 原來我o係我老豆心目中~ 一把尺都唔值... |
|
我唔係話自己係一個做大事o既人~ 但斷估我都唔會為o左一把鐵尺... 一把頂多值十幾廿蚊o既鐵尺... 而哂我d時間去搵返佢出黎~ 我毫冇頭緒放o左o係邊... 上一次見到o既時候, 起碼都半年前啦... 聽日買過把比我老豆好過... 麻煩... 哂時間~ 大家可以話我冇責任~ 不過大家又知唔知我時間冇多... 知唔知我有幾煩? |
|
昨晚程程玩完之後~ 本來d同事仲諗住去酒吧飲酒o既~ 不過我就話死都要等埋佢返屋企先訓~ 所以...佢逼於無奈... 冇去到...返o左屋企~ 我知佢係好想去o既~ 同埋佢話咁早返到屋企...都冇野做~ 今日又放假~ 又要等我開埋會先出得黎~ 咁佢可以訓晏d...就唔想咁早訓~ 聽佢咁講...唉...算啦... 批准佢打機打到四點... 當係補償佢冇去酒吧o既損失啦... 佢返到屋企都成點... 等埋佢沖涼...點半左右打電話比我~ 傾o左一陣~就訓覺lu~ 今朝~九點鐘準時起身~ 哈哈~因為叫o左程程較鐘起身~之後叫我起身丫嘛~ 咁當然~叫完我之後~佢就訓返啦~ 十點三左右已經去到sogo~ 一落車~嘩~ ...好驚... 因為有好多賓妹...多到似o係中環皇后像廣場咁... 都傻o架~ 咁未夠鐘~我就企o係sogo門口等apple佢o地啦... 點知有個成個男人樣o既賓妹...o係度食煙~ 佢企o係我後面~猛咁噴煙~ d煙味仲要係好嗅o個隻~都唔知咩煙黎o架~-_-" 轉頭望下佢~佢又望下我~ 費事再受到毒氣侵襲~ 於是我自動行開... apple同gary準時到o左~ 到最危險o既阿朱... 打電話比佢...佢竟然話唔記得o左... 唉...激死~ 咁我諗住叫佢以最快速度出門口啦~ 點知...佢話出到黎都冇用~ 佢冇野交喎~.... 我~~~~~~~~無話可說啦~ 所以就話遲d搵佢... 佢講o左句~搞錯...就收o左線...v_v" 佢唔黎~咁我o地就搭車去將軍澳啦... 去到emily做野o個間麥當勞度~ 首先~我o地食o左個早餐先開始傾... emily畫o左張野...一張可有可冇o既野... 跟住用口黎描述其實佢想點... 唉~學阿sir話齋...講係冇用~ 要有野睇先得o架~~~ 我仲可以點丫... 話佢...都冇用啦...... apple有做野...係最令我有希望o既一個... 不過諗野可能太直接... 點都好...最緊要...我係想知大家係咪有心去做... 今日開會...總括黎講~ 都決定o左d野...係逼於無奈...冇時間... 所以...點都要ok... 點幾...叫做開完會.... 一齊搭返車出去~ 我就早過apple gary落車~ 程程o係車站等我~ 先頭佢話帶我去食好味道o既西米露糖水~ o係佢以前舊公司附近o架喎~ 我o地咪行路去囉~ 橫掂咁近... 天氣...今日好似好熱咁...個太陽好曬~ -_- 一心諗住行到去就有糖水食~ 點知...仲未開市.... 激到我死.............. 企o係度~諗o左好耐~ 先諗到去尖咀... 搭車去到海運~ 去買o左杯特大o既tcby黎食~ 嘻嘻~ ^-^ 食完...周圍行o左陣... o係city super再食o左d野~ 就搭返車去黃埔~ 因為諗住去鼎泰豐食野~ 明知要排隊...五點幾去到都冇走雞啦... 不過...當去到o個陣... 已經排o左好長好長o既龍... 間鼎泰豐見到咁多人...於是今日提早o左開~ 五點九就放人入去食野lu~ 我o地兩個好快就入到去... 叫o左一人一碗麵, 一籠蟹粉小籠包~一籠普通o既小籠包~ 每籠都有十隻... 食落口...果然名不虛傳~ 真係好好味... 抵佢要排咁耐先有得食~ 但如果兩種小籠包比... 真係蟹粉小籠包正好多~...都係貴d d咋嘛... 食完野~都係六點半左右~ 好飽呀...埋單220蚊...岩岩齊頭... tips都唔洗比... 七點先睇戲...仲未夠鐘~ 就周圍行啦~ 哈哈~ o係body shop終於都買到我想要o個種閃粉~ so happy呢~ 買完去睇"怪獸公司"~時間岩岩好... 入到去...一坐低o個下~ 我已經覺得好唔舒服~ 因為個位好窄~都唔知幾耐冇試過坐d咁窄o既位~ 窄都唔緊要...個椅背仲坐得人好辛苦~ 短短個幾鐘...搞到我手又"悲"~腳又"悲"~ 如果o係o個度睇魔戒首部曲~咁就實死緊都得啦..... 套戲d配音都唔錯... 鐘鎮濤配主角毛毛把聲... 毛毛個樣...好似鐘鎮濤~哈哈~ 大眼仔就森美配~ 個小妹妹阿"BOO"~係我最憎o既李彩嬅配o既~ 不過...今次...出奇地...感覺幾好... 個靚妹仔~真係好鬼可愛~ ^o^ 套戲有一個感動位~ 就係當阿"boo"要o係怪獸世界去返人類世界o個度~ 佢唔捨得毛毛~攬住毛毛o個度~ 我隻眼入面...有一滴冇流出黎o既淚水... 真係傻啦我~ 睇完出黎~都係八點幾... 咁近春季嘉年華~ 於是再去一次~ 程程話...唔信贏唔到隻大公仔比我咁話喎~ 結果~佢冇食言...佢真係贏o左隻大狗比我~ 但係...我覺得細隻個款得意d~ 咁我就問o個度d人~可唔可以唔要大~ 換兩仔細得唔得~ o個個人即刻拎o左兩隻細狗仔比我~ 哈哈~好開心呢... 有時大...未必係最好o既~~~~~ 兩隻一模一樣o既狗... 好得意~ 我其中一隻係男仔~一隻女仔~ 佢o地係龍鳳胎~ 哈哈~ 過o左陣~贏o左隻winnie the pooh... 中級大隻... 唔知點解~我感覺上唔係好鐘意佢~ 所以~我唔會當佢係邊個~ 只係會比佢成為大隻囡囡/細隻囡囡o既寵物玩~ 先頭呢~我仲諗住送o左比d小朋友~ 又有諗過...扮留低o係架車度...當我唔記得拎佢落車~ 程程就話唔好...寧靜帶佢返屋企喎~ 哈哈~邊個收留佢都唔緊要~ 最緊要...唔好放o係我度... 丫~如果大家都有留意春季嘉年華o個度... 係咪都曾經見過一隻好大好大o既熊仔~ 佢攬住個心心~心心上面寫住"i love you" o既呢~? 我今晚發現...隻熊仔對眼~ 係有分善良同邪惡o架~ 好易睇得出o架~ 真係搞笑....... 玩到差唔多十點...就去搭船返屋企~ 程程返到屋企...話肚餓~ 猛咁食d餅~ 真係比佢激死~ 丫~~~~~唔記得同大家講~ 我條利終於都好返啦~ 雖然唔係完全好返o個隻~ 不過能夠令我開懷大食~ 都已經好好lu~ ^_^ 程程話眼訓... 傾o左陣~佢就收線訓覺啦... 而我...繼續玩icq~ 棠棠今晚有d唔開心~ 希望佢女朋友仔快d打返電話比佢啦... 另外~阿yan佢o地o個組~ 竟然轉o左題目~...... 仲有傾o左d野... 唉......... 講真...真係做畢業功課做到有d氣妥~ 基本上...阿sir要負d責任~ 不過我又知...只係藉口... 係自己唔爭氣...怪人做咩... 但又逼唔到自己去面對~ 係都要賴阿sir... 我都唔知可以點... |
|
很悶的一晚.... 程程同d同事去打檯波~ 我唯有自己摺埋啦... 睇番本舊書...幸福魚面頰~ 入面有一篇~我幾鐘意... <現在就想見你> 被你愛著, 就應該享有特權. 其中一項特權就是想見你時隨時可以見到你. 深夜裡, 忽然想見你, 打電話給你, 說:「我現在就想見你.」 那麼, 請你不要問我有什麼急事, 是不是不舒服, 你只要馬上來見我就可以了. 你匆匆趕來, 發覺我沒什麼急事, 我只是想見你, 請你不要說我任性, 你應該欣賞我的率直. 曾經有一刻, 我是那麼渴望見你, 以致我甘心冒著被你拒絕的危險, 大膽提出要求, 你不是應該感動嗎? 我一個人走在喧囂的街上, 情緒低落, 心裡瘋狂的想念你, 我打電話給你說:「我想見你!」 請你不要問「什麼時候」, 笨蛋, 當然是現在, 如果不是現在想見你, 打電話給你幹什麼? 這個時候, 希望你能說: 「你在哪裡? 不要走開, 我馬上來.」 如果你不能馬上來, 你以後也不用來了. 當我說想見你, 請不要問「為什麼」, 如果你願意來, 不用問為什麼, 你不願意來, 又為什麼要問? |
|
程程應承我唔打機~ 我應承佢唔講分手~ 呢個協議~ 雖然係有d過分~ 不過...睇下佢又捱得幾耐~ 哈哈~ ^-^ 錄埋音...冇走雞~嘻嘻~ 今朝~七點鐘~ 媽媽以為我要返學~ 起身幫我開熱水爐~ 又幫我整熱d粥等我食~ 佢叫我o個陣~ 我話比佢聽...我唔洗返學喎~ 之後佢就停o左個微波爐~ 返房訓啦~ 老豆起身o個時~ 見到廚房成地都係粥~ 原來...媽咪訓唔醒~ 幫我"不"d粥o個陣~"不"到成地都係... 哈哈~ 今朝~十點鐘...比阿姨嘈醒~ 打完黎一次~ 我返番入房訓~ 轉頭~又再打黎... 真係比佢激死~ 明知我未訓醒o架啦~ 都唔知係咪玩野~ -_-" 丫...我發o左好多夢~ 係一d好怪o既夢~ 講我搭火車o既物體~ 搭完哂香港d站~ 仲可以直接去其他地方~ o係個窗望出去~ 見到有d大猩猩o個度耕田~ 我手上o既食物~ 又比d好大條o既蛇搶o左去~ 不過...就唔記得o左最重要o個度~ 我記得呢...o個度有個名~ 個名係好熟~ 好似係一套戲名黎o既tim呀~ 總之就奇奇怪怪啦... 另外~又夢到d冇見好耐o既friend~ 都唔知自己點解可以發到咁多夢~?! 十一點幾起o左身~ 食o左碗粥~睇o左陣電視~ 一開黎睇~就係做緊小丸子友情歲月~ 知道早d起身啦...v_v 得閒就畫d~得閒就畫d~ 唉...終於叫做搞掂o左~ 手畫~ 我唔掂~ 諗好哂~ 叫我用電腦畫都好d丫~ 今日呢...我想幫部電話叉電喎~ 搵極都搵唔到個掣~ 最終~ 竟然比我o係一個我平時成日擺開野o既地方搵到~ 唔明點解最後一著先去搵o個度~ 一早搵o個度~咪唔洗搵咁耐囉~ 聽日要去開會~ 哈哈~ 希望諗到多d正o既idea出黎啦~ ^-^ 程程買o左聽晚七點鐘飛~ 睇怪獸公司~不過係中文版~ 唉~比佢激死~ 明知我睇呢d~ 都係要睇英文o架啦~ 買完出黎先記得... 搞錯~~~~ 算啦~~就佢一次啦~ 費事比佢話我唔就佢~ ^o^哈哈~ 今晚~我又係食粥~ 足足食o左兩大碗多d... 另外下午o個陣~又飲o左兩大碗湯~ 嘩~成肚都係水... 好鬼飽呢... 我條"利"~終於都好返好多~ 聽日或者可以開懷大食... 諗起都開心~嘻嘻~^-^ |
|
今朝~比o左好多藉口自己~ 由原本諗住十點起身做野~ 到最後...都成十一點左右先起到身~ 不過起o左身又唔代表我做野喎~ 我刷牙~都唔知刷o左幾耐~ 因為條利痛嘛~v_v 早餐都唔係咁想食~ 乜都冇食過~就食藥~ 之後~咪搞到飄下飄下咁囉~-_-" 食o左一塊麵包~ 頂住肚餓先... 跟住做o左陣野~ 就去o左做d私人野~ 三點半左右返到屋企~ 真係快啦~ 個幾鐘就搞掂~ 今日又大頭蝦~冇帶八達通~ 等我仲懶醒咁...拎個銀包出黎"do"tim~ 唉~~~ 今日程程早起身過我~ 不過佢就打機~ 費事打黎嘈醒我~等我可以訓晏d~ 返到黎~又做o左陣功課~ 之後...都冇咩野做過... 夜晚~食粥... 好味道~ ^-^ 不過...就唔飽囉..... 程程好早就收工lu~ 七點左右就走得lu~ 仲有得搭順風車返屋企tim~~~ 聽日~希望自己可以早d起身~ 做埋d手尾啦... |
|
情人節~ 赤口~ 呢個配搭~有d搞笑~ ^_^ 今朝媽媽煮飯~ 咪所以叫程程早d黎食囉~ 點知佢成十二點幾一點先到~ 除o左我之外~其他人都食哂~ 鬼咩~我利痛~ 食半碗飯足足食o左成個鐘~ 比著係平時~ 一陣就冇o左啦~ 而且~今次仲係食到我頂唔順~ 結果~只係食o左半碗飯o既一半~ 其他o個d~就倒o左佢lu~ 程程咁遲先黎到o既原因~ 緊係因為要去拎野啦~ 拎咩~? 緊係拎花啦~ 哈哈~ 今次d taste唔錯~ 一個盒入面~放o左我最鐘意香賓顏色o既花~ 雖然係假花~ 不過...真係幾靚~ 而且可以擺好耐~擺到下年都得~ ^_^ 入面仲有一隻forever friend~ 又雖然唔係sugar~ 不過...都算佢啦~ 多謝程程~~鍚哂你~~^*^ 等程程食完飯~我就負責洗碗~ 媽媽又趕住去打麻雀丫嘛~ 而程程就o係度打機~ 隻game係阿哥o既~ 咩咩趙雲傳~ 岩哂佢玩啦~ 我阿哥玩o左一晚...就剷走埋tim lu~ 一晚打爆~都咪話唔勁~ 仲要係正版黎o既tim~ 如果隻隻game都係玩一晚就玩完~ 咁睇怕真係買翻版會抵玩d~~~ 我洗完碗...程程都未裝完隻碟~ 玩o左一陣~我亦都搞掂好哂~ 於是...就出街lu~ 今朝~我老豆叫我比條利佢睇下~ 佢見我成日話痛~咪諗住睇下我有幾嚴重囉~ 點知...一打開口比佢睇~ 佢話即刻叫我去法國醫院睇醫生~... 新年流流睇醫生~真係大吉利是咩~ 不過冇計....鬼叫自己衰咩~~ v_v 明知有排等~ 所以咪買定本雜誌睇囉~ 我今日先知~原來本飲食男女~ 係跟忽然一週出o架~ 車~~~等我成日都搵唔到~ 本飲食男女真係好多野睇~ 不過睇得唔食得~ 好"橙"~慘呀~ -_-" 去到醫院~ 都唔明點解會可以有咁多人~ 等o左好耐...um....都冇一個鐘o既... 就到我啦~ 好快睇完出黎~ 係咁二比醫生望下條利~ 就比錢等找藥~ 嘩~睇一睇~成五百幾~ 好貴呀~ 我諗o個度睇醫生~最平每個都五百幾蚊... o個度起碼保持住有一百人... 私家醫院真係賺死佢囉~~~ 醫生比o左條抗生素~ 比o左d藥水我漱口~ 又比o左d糖我食~同埋一種唔知有咩用o既藥我~ 我拎o左藥~第一時間走o左去廁所漱口~ 漱完~條利真係冇咁痛~ 我諗d藥麻醉o左條利o掛~ 之後~就去o左食麵~ 食完麵~先食其他藥~ o係銅鑼灣行~ 同程程各人買o左幾對襪襪~ 嘻嘻~ 跟住由銅鑼灣~一直行到去金鐘... 行到咁上下~ 就去食自助餐lu~ ^_^ d野食就普通o左d~~ 最欣賞~都係個窩夫~同埋蛋糕~ 好美味呢~ 食到八點幾九點...就走人lu~ o個度送o左枝紅玫瑰比我~ 岩哂我拎返屋企做乾花~ 食完~咪行下當散步...行去香港站搭車去奧海城~ 沿途~發揮o左香港好客之道o既精神~ 見個遊客唔識路行去搭纜車~ 咪叫程程教佢o地行囉~ 我仲幫佢o地影o左張相tim~ 程程前幾日已經買o左飛睇"嫁個有錢人"~ 睇九點十一~ 去到都九點半左右lu~ 等o左陣~就入場... o個度都幾識做生意~ 等入場o個個位~ 有好多書睇~ 又有位坐... 順便做埋生意~ 等d人等緊入場o個陣~可以睇下書~ 真係唔錯~~ ^_^ 奧海城d位...似乎~ 又好過amc d位~ 腰o個位"唉"得人好舒服~ 腳o個個位都幾闊~ 正~ ^-^ 套戲...好鬼搞笑~ 最搞笑係o係disco入面o個幕~ 真頂癮~ 睇完~都十一點幾lu~ 拿拿臨搭車返屋企~ 搭返去香港站再搭的士~ 今晚~係相當開心o既一晚~ 唔知程程開唔開心呢...?! 嘻嘻~情人節快樂~ ^-^ |
|
今日一早起身~ 搞掂好自己~ 就去o左程程屋企... 唔知搞咩... 程程就話冇講過比佢媽咪聽叫佢煲粥比我食~ 因為我條利痛~ 但係當我去到...竟然咁岩~ 佢媽咪真係煲粥食~ 真係岩啦~ ^_^ 食粥...舒服好多... 食完...睇o左隻vcd~藍煙火~ 睇完...就去o左奧海城行~ 食o左d上海野~ 小籠包啦~鍋貼豆漿咁... 食而冇味...又痛... 唉... 行到去百佳超級廣場~ 見到有人架車仔上面~ 放住枝大o既~qoo~ 而qoo枝野上面~ 貼住o左個散銀包物體~ 於是就即刻去搵我o地o既目標~ 原來...三種味都有出~ 咁...程程就買哂比我啦~ 另外~我因為條利痛~ 所以就買o左罐寶芝林廿八味涼茶飲~ 希望有d幫助啦... 搵o左個地方坐低飲~ 咁因為有三枝咁多~ 我o地之後又要去第二度~ 所以~ 如果咁拎法~一定會好重~ 結果~ 程程差唔多一次話吹o左大半枝橙味qoo~ 飲到佢差d想嘔~又好辛苦~ 於是~我就叫佢唔好再飲~ 掉o左佢就算... 剩返兩枝...雖然都係重... 不過拎少一枝得一枝啦... 飲完枝qoo~程程覺得好飽~ 咁我o地就決定行去旺角而唔搭車啦... 行行下~見到有間涼茶舖~ 我簡直係眼前一亮~ 即刻走埋去問佢利痛飲d咩好... 咕嚕咕嚕~好快就飲完... 嘩...搞到成肚都係水~ 為求令自己快d好返~ 所以咩都要試下丫嘛~~ ^-^ 去到旺角先達附近~ 我o地兩個都頂唔順... 去o左附近o既華潤去廁所... 去o左一次~ 行返去先達... 行完出黎...過o左一陣~ 又想再去... 於是又行返去華潤... 終於...都舒服哂... 諗唔到做d咩好... 又唔想返屋企住... 咪走o左去唱k囉~ 唱o左兩個鐘~ 埋單二百七~ 平時格硬逼人o地要nuts都唔緊要~ 今日仲要逼人要埋生果盤~ 哈哈~新年...係咁o架啦........ 唱完~就搭104返屋企~ 又係好累o既一日... 見到d nuts入面~有好多青豆... 都唔可以食~ 唉...生不如死.... 我一定要快d好返~~~ 我要食龍蝦丸~我要食壽司~ (太大舊o既野~我完全食唔到~ 因為我宜家只係得左手邊o既牙可以咬野~) 最好~聽日好返就最好啦... 聽日去食自助餐~ 如果仲係咁o既話...咪好蝕囉...v_v 丫~今日o係奧海城~ 買o左隻千嬅演唱會vcd~ 程程又買o左d樂樂糖比大隻囡囡食~ 哈哈~其實咪即係買比自己食~~車~~~~ 今朝呢~ 我o係7仔買野去程程屋企拜年~ 雖然o個日食團年都買o左野上去~ 不過費事兩手空空上去丫嘛~ 咪去7仔買囉~ 點知...找完錢... 我冇手拎咁多野~ 搞到跌o左個十蚊銀o個坑渠~ 仲要比個阿伯望住... 幾"囉"呀~~ v_v 唔知咁樣食咪代表我今年o既運程唔係幾好呢.....?! |
|
我...宜家有口難言~ 我條"利"損o左~ 仲可以咁爛"利"黎形容~ 好痛好辛苦呀~ 食野又痛~總之郁親都痛~ 不過大家唔好心邪~ 話我比程程咬到~~ v_v 係絕對唔關佢事~ 衰就衰在我...明知條利有d痛~ 都仲食薯片~鹽味o個隻~ 唉~~~自己囉黎衰~ 唉~~食少o左好多野~ 簡直係比死更難受~ 唔知幾時會好返呢...... |
|
大年初一~ 恭喜發財~ 祝人人有工做... 我o地大一畢業o既同學~ 就緊係人人都畢到業啦~ ^_^ 今朝十點未夠...已經比我阿媽嘈到我醒o左~ 老豆就唔係咁鐘意我o地年初一洗頭~ 所以~我今朝亦都冇洗頭就去阿爺阿麻度lu~ 第一次去阿爺阿麻馬鞍山新屋~ 比我想像中..大~ 不過冇我想像中咁乾淨~ 仲可以用"dirty"黎形容tim~~ 好快咁食完飯~ 之後就返屋企打麻雀lu~ 我o地一家四口... 一年真係會打一次麻雀咁大把~ 如果輸得勁o既話... 就要等出年先有得報仇o架啦... 不過好彩地...打o左三個幾鐘頭... 由本來...我一家贏三家... 到最尾贏得百幾蚊... 哈哈~ 都好好運o架啦...^_^ 今年d利是...真係好現實地... 縮哂水... 算啦...經濟唔好係咁o架啦... 呢d係反映社會o既狀況~... 希望下年會收穫豐富d~ 咁即係証明下年經濟好啦...哈哈~ ^o^ 六點幾...程程黎到~ 而阿哥個friend~浩賢~都一齊黎食~ 嘻嘻~ 好熱鬧呢~ 食完飯~ 阿哥同浩賢去o左睇戲~ daddy mummy睇o左陣電視~ 就去o左行街散步~ 程程坐到成十一點左右先走~ 今日程程特別著o左恤衫同西褲~ 哈哈~懶係斯文咁... 不過都著得幾好睇o既~.... 聽日...應該係約o左陳鍵輝o既... 但係~ 佢條友仔好大機會... 放我o地飛機~ 哼~~ 成日都失約~ 佢都唔知欠我幾多餐飯lu~~v_v 阿哥呢~o係大陸度~ 扭到條腰... 搞到佢行路都唔自然~ 真係慘啦... 希望佢冇事~ 快d好返啦~ |
|
年三十~ 媽媽下午去o左打麻雀.... 但佢仲未抹地... 所以我就幫佢抹地啦... 唔知係咪我真係小運動~ 搞到我抹完之後~ 隻手就好痛咁... 唉~~~~ 今日~程程一早就要返工lu~ 六點就要起身~返八點半工~ 不過佢好快就收工lu~ 夜晚七點幾就收... 平時佢十點半先有得收o架嘛~~ 於是就叫佢過黎我屋企食晚啦... 費事佢自己一個人o係出邊食啦... 雖然~我o地冇等佢一齊食~ 不過...我都特登食得慢d黎等佢~ 佢黎到...都成八點幾lu~ 食完飯...就睇電視~ 睇到十點左右~ 就去行花市lu~ 去到維園~ 嘩~真係超級多人呀...v_v 好鬼逼~ d人都唔知係咪唔識字~ 明明大大隻寫住"只往前行"~ 都可以打橫行~又或者係逆行~ 真激死~ 咁我就好大聲咁鬧... 話...有冇搞錯o架~ 唔識字o架....... 行o左一半都冇...就唔再行lu~ 買o左個暖袋, 坐檯風車仔, 馬公仔, 同埋一個許願牌~ 個許願牌係最靚o架~ 程程話我屋企冇位掛喎... 咁我今次鬥佢唔贏... 咪比佢搶走囉~~v_v 行到十二點幾... 去o左食d野~ 再行去等巴士啦... 一早我已經睇到有架通宵車~ 所以咪唔諗住搭地鐵囉~ 點知等呀等~ 等o左成半個鐘先有車呀~~~ 眼訓到我o地死~ 差唔多兩點先返到屋企... 很累呢... o係度...同大家拜個早年~ 祝大家身體健康~心想事成~yeah~~~ |
|
今朝daddy抹窗~ 都幾嘈下~ 所以佢o地就幫我關房門~ 費事嘈住我~ 比我鬧啦.... 程程十一點幾過到黎~ 坐o左陣~等我換好衫衫~ 就去銅鑼灣揀野去程程屋企拜早年啦... 費事兩手空空咁去食團年飯啦~ 而程程都買定拎去我屋企拜年o既野~ 咁當然~ 係揀d我想食同我鐘意食o既野啦~ 哈哈~ 買完...就即走... 因為...此地不宜久留... 費事...睇睇下...又狂買野... 於是~就搭巴士去旺角...幫佢家姐睇電話~ 程程又要去入歌..."世界末日"喎.... 跟住...去o左睇魚魚同貓貓~ 買o左包豐年蝦...諗住比程程屋企d魚魚食~ 等佢o地都有得食餐好o既~ 好似我o地食團年飯咁~ 我又買o左d片裝魚糧比我屋企d魚食~ 因為我屋企d魚宜家係食緊粒狀o個d~ 見佢o地唔係好鐘意食咁... 而佢o地以前係食開片裝~ 所以~都係買返片裝比佢o地穩陣~ d豐年蝦~好細好細條~ 應該係專比魚食o既~ 好鬼過隱~ ^_^ 突然諗起~想食黃埔o個度o個間鼎泰豐d小籠包~ 咁咪搭車去囉~ 點知去到...佢o地休息.... 激死人lu~ 之後...又無啦啦有"拗繳"~ 嬲到比返個電話程程...就走o左去... 冇電話o係身~ 佢當然搵唔到我啦... 不過~我後尾搵到電話打比佢... 佢搵返我...又冇事lu~ 返到去佢屋企~ 倒o左d蝦比魚食~ 以為佢o地知飽就唔會食~ 咁我o地咪開vcd睇囉~ 由佢o地食~ 點知...過o左陣~ d蝦冇o左好多~ d魚o既肚大得好緊要... 恐到我o地即刻換水... 倒哂剩低d蝦走... 我o地幾驚d魚飽死呀~ 真係大得好恐怖o架~~v_v 夜晚~食完團年飯~ 諗起想去春季嘉年華~ 咪食完即刻去囉... 換o左一百蚊玩~ 玩o左碰碰車~ 好好玩呢... 好耐未玩過d咁刺激~又令人熱騰騰o既野啦~^_^ 不過唔知點解... 程程玩其他遊戲~所得到o既公仔... 會係越黎越細囉~ 上次係賓尼仔... 今次...係全場最細o既心心公仔... 唉...兩次都係得一隻... 有d失敗~ 比我笑佢... 丫~我o地o係入面~買o左d會爆o既野~ 我唔知o個d野叫咩名~ 總之用力拉條線...佢就會爆~ 爆o左...就會比d紙條o個d野出黎~ 10蚊有16個~幾抵玩呀~ ^_^ 十點左右~ 就o係紅磡碼頭搭船去北角碼頭~ 再搭23號返屋企~ ^_^ 程程聽日要返早~ 所以送o左我返去...冇入屋坐...就返屋企lu~ 今日呢~當我o地o係屋企搭車落銅鑼灣o個陣~ 好衰唔衰~ 我話不如試下搭巴士落去啦... 點知...d路改哂~ 唔同我以前搭所行o既路線咁... 搞到我o地...去o左好遠o既地方先有得落車~ 真係邪惡~ v_v 聽晚年三十~ 到我屋企團年~ 程程要返工~ 黎唔到食飯~ 夜d先出黎去行花市喎~ 希望佢聽日早d收工啦.... |
|
今朝返學... 感覺上唔係幾好... 可能係因為態度問題吧~ 攝影堂...最後一堂~ 太開心...終於都挨完... 的而且確...攝影係幾好玩o既~ 不過有太多野局限o左... 所以上堂影出黎o既野~ 根本就唔係我o地想要o既野~ 而阿sir又以為係我o地想要o既野~ 結果~出現不太平衡o既局面... 上佳佳堂... 冇咩聽佢講野~ 雖然佢係講包裝設計o既大功課~ 不過似乎唔係太多人理佢~ 因為宜家都係畢業功課重要d~ 我o地o係後面~ 睇下大家o既logo~ 幫手一齊揀下...比下意見~ 我相信咁樣o既做事方式會幾好... 有意見~就要聽下... 聽o左覺得岩~就可以做得更好啦~ ^_^ 咖哩今日終於都返o左學~ 佢病...瘦o左咁... 佢一定要快d好返... 好多粗重功夫等佢做... 同埋最緊要...唔好再呃apple~ 咁佢就唔會再病啦... 放學...去comix cafe食野同開會~ 傾o左大家要返去做d咩~ 年初六就要出黎開會~交layout出黎啦.... 進展相當好... 又有返d動力lu~ 傾完~都差唔多四點... 跟住我自己一個去o左銅鑼灣地帶買袋~ 就係咁...又洗o左350蚊啦... 洗錢真係快lu~~~ 之後返屋企~訓o左陣覺... 夜晚...就睇明珠台~天使多情~ 聽日...要去程程屋企食團年飯~ 咁快...又一年啦喎~ 因為第一次見佢daddy mummy o個陣~ 就係年三十晚去佢屋企食飯~ 嘻嘻~時間真係過得快呢~ |
|
昨晚...聽o左d關於程程屋企人d野~ 又知多o左d野~ 嘻嘻~ 今朝~ 約程程十點鐘o係銅鑼灣等~ 佢先頭話八點半就起身~ 點知佢九點先起身~ 我出門口打電話比佢啦~ 佢竟然仲夠膽o係屋企...準備出門口... 比佢激死~ 結果~佢搭的士過黎~ 仲快過我到銅鑼灣tim~ 去南記食o左碗麵當早餐~ 程程o係屋企食o左野~ 所以~佢只係陪我食~ 南記最出名係d春卷~ 咁我食食下...就餵程程食啦... 佢話好食喎~~~ 幾cheap呀...又話飽... 但係之後又走去買o左d春卷外賣喎~ 真搞笑~ 有六條...一人一半...分o左三條黎食~ 哈哈~ 一心...係諗住唱早k~ 去v-mix度唱o既~ 去到...唱o左一陣~ 又係食野... 好邪惡地...今日v-mix進行火警演習... 個警鐘不停咁響...又冇得唱k~ 又停o左電... 搞o左差唔多都成半個鐘o架... 後尾~佢o地為o左表示歉意~ 就補返半個鐘比我o地~ 同埋比o左個好好味o既生果盤做補償~ 可惜~ 要去教協幫阿姨買野~ 所以...十二點就走o左~ 唱歌o既時間...只係一個鐘左右咋...v_v 程程趕住兩點返工~ 一點鐘點都要走... 咁我o地就搭叮叮...搭一個站去教協~ 費事行路仲耐啦...銅鑼灣咁多人~ 點知...我心急得滯~ 差d上錯車~ 向天后返向行... 好彩程程捉住我o者~ 如果唔係就死火lu~ 拿拿臨買完野~ 就一齊搭地鐵走lu~ 我就去旺角買野~ 佢就去長沙灣返工~ o係旺角落車~ 懷住戰戰兢兢o既心情行~ 因為我成日都唔知邊條路打邊條路~ 好易蕩失路~ v_v 終於~安全去到潮流特區~ 行o左三次...我先決定到買d乜比athena生日~ 點知...好衰唔衰~ 間鋪頭冇得幫人包禮物~ 咁我又周圍搵花紙啦... 買o左三張唔同o既花紙~... 跟住又諗起...我冇時間返屋企包~ 咁我又周圍去搵個靚d o既袋入住份禮物~ 最終~買o左個韓國出品... 中國人look o個隻公仔o既袋黎裝住~ 哈哈~仲岩岩好放得落...好鬼fit tim~ 買完~打電話比athena~ 睇下佢o係邊... 原來佢又o係銅鑼灣... 咁我又搭返地鐵去銅鑼灣join佢啦... 唉~ 我好邪~ 次次自己一個人o係旺角搭地鐵去其他地方~ 我都會搭錯車~ 我都醒目o架啦~ 明知自己大頭蝦...特登望下架車去邊先上~ 點知...咁都會睇錯... 由於我拎住好多野~ 上車又有位坐... 咁我係以為我上岩車o架嘛~ 咪好放心坐低執野囉~ 就係咁...當我執好哂野~ 舒舒服服咁坐o既時候~ 我就聽到......下一位係...九龍塘~ 心諗....哎呀~作死囉~又搭錯... 拿拿臨落車~ 超級"囉"呀~~ v_v 去到銅鑼灣... 同athena去銅鑼灣地帶and無印...再去sogo度行~ o係無印度~ athena介紹o左一隻朱古力粉面o既糯米滋比我食~ 另外買o左疊信封... 差唔多四點...就散lu~ 上o左車~我拆o左包野黎食~ 噫~真係幾好味喎~ 一包得八粒...好快就食哂... 程程叫我最少留返一粒比佢試下... 又睇下點............ 返到屋企~就o係度執房... 不過都係唔明~ 點解仲會有咁多野~~~~~ 昨日~已經搞掂o左聽日要交o既cd cover~ 所以今晚冇咩特別野要做~ 搞掂自己房... 就幫下媽咪做野啦... 肥仔前晚做o左空中飛貓~ 通常比我攬住黎訓... 好似都冇咩好下場... 第二朝起身~就會發現佢朝天咁訓o左o係度~ 咁當然~我會扮冇事~執返上床~ 仲冷係好咁...幫佢"come"被tim~~~ 聽日要開會... 一定要傾掂哂所有野~ 因為阿朱要去旅行~ 去五日咁多... 唉... 好驚唔掂呀... |
|
踏正十二點...send o左個message比athena~ 哈哈~ Athena~ HAPPY BIRTHDAY~ You are not alone... at least, I am one of your friend...right` ^_^ BE HAPPY ~~ |
|
做事要決斷...不要拖坭帶水... 要執緊d先得啦...... 唔逼下自己...就會下下都冇野交出黎~ 出黎做野係咁o既話...會好蝕底... 宜家都仲唔習慣下呢d做事方式~ 第時點算... |
|
今日o既心情...又再次跌至谷底~ 雖然...阿sir揀o左我design o既logo~ 不過...似乎冇咩值得開心... 因為...阿sir話我o地組進度慢...有d危險~ v_v 昨晚...同程程搞到唔愉快~ 唔知做咩呢排都係咁... 因為我好憎佢唔明我講d咩~ 唔裝載我所講o既野... 唔記得同我一齊睇o既野~ 佢比我激到半夜三更去銅鑼灣地帶... 去睇我嬲佢唔記得o既野~ 佢明知關o左門...都要去~ 特登同我鬥.... 比佢激死~ v_v 終於...佢成兩點先返到屋企~ 精神上...同心理上...都很累... 唉~ 今日放o左學...一直o係度諗野... 上o左車~ 返屋企... 叮d點心食...又食o左包薯片~ 之後...就改下個logo... 畫畫下~又諗到d野... 於是拎返d收埋o左好耐冇用o既紙黏土出黎~ 雖然已經乾乾o地... 但係~都照殺住先啦... 整整下...倒瀉杯水... 唉...好黑呢... v_v 最邪惡係...我又突然痛返... 有不尋常o既情況出現~ 令到我有d擔心... athena聽日生日... 哈哈!~ 踏入二十歲lu~ 哈哈~不過我都差唔多就黎廿歲... 老矣老矣... |
|
昨晚...同程程傾得好愉快~ 先頭叫佢昨晚收o左工黎我屋企o既~ 不過...我見又落雨...又凍~ 所以就唔洗佢黎啦~ 佢返到屋企~沖好涼~ 就打電話比我~ 今晚~傾得相當愉快~ ^_^ 好開心地~佢比我"線"o左佢三次~ 不過我就只係記得其中o個兩次係發生d咩野~ 首先~就係講講下野~ 我o地一齊都出聲...咁佢就話...唔好講住... 跟住佢問我野...我就冇出聲... 咁佢等o左我一陣~ 見我冇出聲...就問我做咩唔出聲~ 咁我就答佢~又係你頭先叫我唔好講住o既~ 哈哈~就係咁...佢比我"線"o左一穫啦~ 第二次~ 就係傾傾下電話~ 發現8310原來係錄製功能~ 咁我o係冇聲冇色之下~ 錄o左佢差唔多三分鐘o既音.~ 仲係咁叫佢講一d對自己不利o既說話~ 例如話自己蠢呀咁... 咁當然~最重要係叫佢講...唔好嬲我啦~ 錄完之後~我就話比佢知我錄o左佢音~ 跟住我就話...你唔准嬲我o架~你話o左唔嬲我o架~ 笑到我死~ 雖然佢把口話唔開"dum"(心)~ 但係~佢都係笑住咁講o既~ ^_^ 佢一邊傾~一邊睇雜誌~ 睇下情人節邊度有野好食~ 準備去訂位啦~ 不過...都仲未決定到去邊度食~ 傾到十二點幾...就訓覺lu~ 今朝~ 早o左出門口~ 咁我知道qoo o係7-11有電話繩換~ 就去7-11買o左先搭van仔啦~ 點知遇著一個成日等人上車o既van仔司機~ 搞到我成十點三左右先去到大家樂食早餐~ 拿拿緊食完~ 就同apple去買鐵線~ 點知買到返去都冇用~ 因為學校cut堂~搞到今日上緊o既立體設計~ 變o左係最後一堂... 而下個再下個星期三~ 會上埋作品集~ 即係會連續星期三同星期四都上... 唉...有好有唔好o既~ 今堂...都唔會做得哂d野~ 所以~我o地都係放棄o左~ 放學o個陣~仲要唔記得拎返d野走tim~ t_t 咁唔做野~ 就o係度諗作品集o既logo啦~ 因為聽其他人講~ 聽日應該要交logo或者其他layout出黎比阿sir睇~ 而阿sir先頭又冇講到好明~ 臨急臨忙~ 真係衰啦~ 最慘我前幾日咁得閒... 如果一早知要做~我實早有準備啦...唉~ 我o地做o既作品集題目~ 要整一d實物出黎~ 而幫到我o地o既~ 就係教我o地立體設計o既阿sir~ 所以~就問定佢電話~ 有咩事都可以請教佢啦~ ^_^ 放學~同apple搭叮叮去灣仔買野~ 買到點幾...就走lu~ 買o左個cd盒...返到屋企~ 點知...整爛o左~ 可能係因為我坐車o個陣~ 咩住個背囊坐o掛~ apple今日有件好驚險o既事~ 就係冇啦啦行行下~ 有個應該係弱智o既小朋友~ 扯住apple條頸巾~ 嚇到佢死死下~ v_v 先頭我仲以為apple識佢o既tim~ 今朝~ 比三週刊o既封面嚇一嚇~ 黃夏蕙冇著上半身衫...學莫文蔚咁露肉~ 幾驚嚇呀~o_o 幾廿歲~好心佢啦~ 肥到死~ v_v 諗起都打冷震~~~~~~ 買o左個手卷返屋企食~ 又買o左新假期雜誌睇下有咩情人節好去處~ 有d真係好貴~ 不過呢~~真係好想試下食燭光晚餐~ 但係又好怕d咁靜o既地方~ 大聲d講野又唔得~~食野又要講儀態~ 咁拘束~ ...食都食得唔開心啦... 食完野~就畫logo啦...... 一邊畫~楠楠都有比意見我... 哈哈~ 畫到夜晚... 食完飯之後~ 就去o左惠康同媽咪買野~ ^_^ 買o左薯片啦~ 點心~ 湯圓同餅餅~ so happy~ 入返d糧~ 肚餓o個時唔洗冇野食~嘻嘻~ 聽日又要上作品集堂~ 唔知今晚又會唔會訓唔著呢... |
|
本來想安安樂樂咁睇下電視... 但係d氣氛好差~ 成日比人"掘"住~ 把火...返入房好過... |
|
冇啦啦~ 搵到d香薰星座o既料~ 真係好啦~ 對我o地o既作品集好有用~ so good~ |
|
好煩... 如果可以o既話... 真係好想搬出去住... 呢一個...會係我o既目標~ 要達成呢個目標~ 我要搵好多好多o既錢~ 我成日覺得~我宜家要受佢o地氣~ 係因為佢o地比錢我洗~ 哼~ |
|
心情不好的時候... 還諸多要求... 真係煩~討厭~~~ 昨晚...本來都好開心o架~ 但係...好景不常... 鬧大交... 今朝...繼續係咁... 我話...今日唔出現~以後唔好再搵我... 佢話收o左工先黎~ 我就話唔得~ 結果~佢十二點半左右先黎到~ 爭辯到點五先走... 基本上...佢咁遲先走... 好大機會會返工遲到... 不過鬼叫今次搞到咁大穫... 我就係咁話分手... 拎哂cutter出黎逼佢... 唉~ 總之就邪惡啦... 一件本來小得很利害o既事~ 竟然搞到咁... 本來一個擁抱...就可以解決o既事... 佢竟然唔識得咁做... 有時...我真係慨嘆...佢唔夠了解我... 喊又喊過...鬧又鬧過... 終於都過去o左... |
|
今朝起o左身~ 食完野~睇o左陣電視~ 就換衫落街買野同哂相~ 一個鐘之後~ 拎返d相~ 就返屋企scan o左張索引~ send比同組o既人揀相啦~ 目前為止...都係得andy~gary同apple揀o左~ scan埋佢o地要o個d相~ 仲send埋比佢o地tim~ 夜晚...程程在工作時間...做私人事務~ 上黎拎o左盒生果~~同埋支qoo~ 就即刻落返去繼續做野lu~ 今晚只係見到佢唔夠3分鐘o既時間~ 但係...感覺有d唔同~ 可能佢一上黎~見到佢笑笑口咁o掛~ 見到佢咁o既樣~ 我都覺得好開心... 所以...突然之間~好想聽日都可以見到佢... 於是我就提出...話聽朝去搵佢啦... 今晚飲o左d補品~ 飲完之後~個人好暖~ 正呀~ ^-^ |
|
今日諗住執返魔戒首部曲張飛落本簿度~ 點知... 諗下諗下~ 記得上次張麥兜故事仲未擺埋落去~ 搵黎搵去都搵唔到~ v_v 好唔開心呀~ |
|
今日九點左右就起o左身~ 搞掂好o左自己~ 就搭車去程程屋企附近~ 再搭車去鑽石山啦~ 因為明知道食齋唔飽... 所以...見時間尚早... 就去o左荷李活廣場度食野打底啦~ 哈哈~ 去麥記叫o左個餐同埋o個個雞沙律食~ 嘩...個沙律真係唔多掂~ 食o左大約一半...我已經放棄佢lu~ 程程一早未食野~ 隻手仲凍過我~ 佢話係因為未食野o既關係喎~ 食完野~又真係暖o左喎~哈哈~ 跟住~就行去志蓮等媽咪~ 成班人一齊食... 程程同我都唔係好慣食呢d所謂o既政治飯~ d齋...又唔係好好食~ 其中一樣野~ 係o係橙入面饟野~ 表又有一層薯茸唔似薯茸... 芝士粉唔係芝士粉o既野~ 嘩...好鬼難食... 所以...程程就挨義氣~幫我食o左佢... 而入面饟o個d野...都一樣係咁難食~ 但係我都硬著頭皮食埋佢... 費事比我老豆話我啦~ 因為佢話o係志蓮食齋... 唔可以食剩野喎....v_v 食到點幾鐘... 我o地就閃lu~ 搭地鐵去又一城... 去到...首先去拎訂o左o既飛~ 睇三點三... 見仲有成個幾鐘~ 就行下食下野先啦~ 嘻嘻~ 食o左杯雪糕... 朱古力曲奇...甜得滯..."漏"o左少少o者~ 情人節未到... 我o地就預支定d禮物~ 哈哈~真開心啦~ ^_^ 雖然冇o左驚喜~ 不過我o地大家都似乎唔介意呢~ 以前呢~又一城間mook係o係玩具反斗城o個層... 點知...去到...變o左做disney專門店~... 咁因為之前程程已經睇中o左個袋~ 於是...我就話...哈哈~天意不可違~ mook都冇埋...即係唔洗買啦~ 就係咁...我o地就行去第二度啦... 咁望向下面o個層... 咦~間mook原來搬o左o係下一層喎~ 咁就落去睇啦~ 再試多次個袋~ ok冇問題~ 就比錢啦~ 程程出o左門口...仲即刻咩住tim~ 哈哈~ 佢當然好開心啦~ ^_^ 之後~ 就到我揀啦... 去j's睇... 我又唔係咁想買d咁貴o既野~ 因為家下經濟唔好嘛~ 同埋心知大家咩身世啦.... 最後...我揀o左隻手鐲~ 買o個時~我冇表現到好開心~ 其實~我係好開心o架~ 唔知點解呢~ 我覺得如果我表現得好開心o既話... 會好似好怪咁... 所以~ 你唔好以為我唔開心呀~ 知唔知~^-^~ 買完~ 我出o左門口~ 又係即刻戴住~ so happy~ 程程幫我戴o架~ 就好似上年生日佢幫我戴條手鏈一樣~ 三點一二左右~ 就去睇"魔戒首部曲"~ 買o左杯忌廉同埋細爆谷入去食~ 成三個鐘~唔搵d野食下同飲下點得呀~ 套戲...真係唔錯... 三個鐘亦合情理... 睇完之後~ 反而好想睇下個製作特輯~ 唔知有冇得做o既呢~ 因為好多場面~都好靚~ 好多特技都令人嘆為觀止~ 不過套戲一定唔岩小朋友睇~ 佢o地未必會明~ 都係harry potter岩小朋友睇d~ 而魔戒首部曲要大人先岩睇~ 丫~ 臨尾...佢預告o左...魔戒二部曲~ 會o係x'mas上映~ 嘩...成十個月之後o既事~ 洗唔洗咁耐呀~ 希望唔會又係三個鐘咁長啦~ 睇完~搭車車去銅鑼灣... 周圍去試香水~ 聞到程程暈陀陀~ 最後~都揀o左枝海洋味o既香水... 不過唔知點解... 咁多香水都係有海洋味o架囉~ 之後~諗住去食韓國燒... 最衰我就冇記性~ 阿mon昨日同我講過o個間韓國燒舖頭o既名~ 但係我就唔記得~ 於是就打電話比阿mon問多佢一次啦~ 點知阿mon訓緊覺....~ 搞到我幾唔好意思呀...v_v 我最驚就係嘈醒人o架嘛...(程程除外)~ 搵到o個間叫"明洞莊"~ 坐低開始燒...覺得真係不錯~ 一d都唔煙...個爐側邊o既位有抽氣位... 所以燒得好舒服~ 叫o左兩個round~已經好飽... d野幾好食~下次再去過先~ ^_^ 食完~去銅鑼灣地帶~ 諗住搵qoo cushion~ 不過...已經買哂~...冇貨~ too bad~ 再去city super~ 心入面~諗住去到係有一個目的o架~ 去到~反而唔記得o左~ 所以~好快就走~ 又行返去sogo~ 落去超級市場o個陣~ 諗住揀定拜年買d咩去對方屋企~ 哈哈~ 終於都揀好啦... 過幾日再去買先~ ^_^ 九點半左右~ 就搭車車返屋企lu~ 程程坐o左一陣~ 十點幾十一點先走~ 爸爸媽媽今晚去o左阿婆度食飯~ 遲我o地一步先返到黎~ 我o地返屋企之前~ 去百佳諗住睇下d酒啦... 見到qoo 又有野送~ 就係八達通套~ 即刻又買o左一枝... 哈哈~ 今日好開心~ yeah~~^o^ |
|
~info about~ 一段長時間...對住一個題目... 為這個題目而費神... 中間... 充滿了矛盾,不安,順利,懶散,紙張,噴膠,膠片,膠紙,無謂,無聊... 如果要經歷意志消沉的日子...那麼, 我希望呢段時間會係最短... |
|
其實有時真係唔知係你蠢丫~? 定係我過份呵刻呢? 唉...搞到昨晚又唔開心tim~ v_v 今朝...七點起身~ 嘩~好鬼死凍呀~ 所以去到灣仔...買o左份叫做熱熱o地o既早餐食~ 返到去學校...第一個係我返到~ jeffney同我一齊到步~ 於是就幫佢拎o左d器材上去先啦... 咁佢問我畢業作做咩題目~ 我就答佢係香味蠟燭主題餐廳... 佢就講...第一個感覺~唔係咁討好~ 應該做d大企業~好似上年咁... 聽完之後~ 都有少許打擊~ 不過各人觀點與角度不同~ 決定o左...就要堅持同埋要有信心... 咁易比人打擊到...想做得好都幾難!! 今日影相o既時間控制得幾好... 可以準時落堂~ 我o地個組就我負責影~ 其他o係側邊教terry擺pose~ 總算影得順利... 但係我有d擔心我影得唔好~ v_v 影響到大家交功課~ 希望d相哂o左出黎會ok啦~ ^_^ 之後上佳sir堂~ 睇o左成個幾鐘幻燈片~ 睇到個個都半死狀態~ 咁早起身~ o係d咁黑o既環境~ 唔訓就有鬼lu~ 咁...我當然都有訓啦~ 真係好累~頂唔順... 差唔多到落堂先睇完~ 跟住...就拿拿臨搭電車去教協~ 點知去到...大家係買自己o既野~ 多過買做功課o既用文具囉~哈哈~ 我o地o個組就買o左五個file~ 一把好平o既cutter~ 同埋一卷膠紙~ 哈哈~試下先丫嘛~ 一陣d膠紙唔好"痴"咪死... 而阿yan 佢o地o個組仲搞笑~ 只係買o左幾卷膠紙... o個度d野真係好平~ d糖好鬼平~ 所以我都買o左一包棉花糖同牛奶糖~ 嘻嘻~好味~ ^_^ 買完野~就去食野~ 食o左個好美味o既叉燒煎雙蛋飯~ 好食...係因為d飯有d蜜汁o係度~ 好耐都冇食過啦~ ^-^ 食完哂~大家都各自散lu~ 返到屋企~我訓o左陣~ 媽咪冇煮飯~去o左阿姨度打麻雀~ 得番我同老豆兩個食飯盒~ 哈哈~ 又係係叉燒乳鴿~ 一日食兩餐...都咪話唔悶~ 不過點都要食o既~~~~ 先頭呢~今日我係要去買qoo cushion o架~ 但係...費事行返去銅鑼灣啦~ ... 所以...聽日....又要去銅鑼灣一倘~ -_-" 阿哥昨晚返o左黎~ 今日又走o左~ 真係來去"沖沖"~ 死火~唔知係咪天氣凍~ 我又狂打噴嚏~ 作死囉~ v_v d靈芝丸食o左兩日~ 都唔係好見效... 食多一排就真係知佢有冇效啦~ |
|
今日又發現細隻囡囡...好似好黑咁... 似乎要帶佢去沖涼啦~ v_v 佢同超超比...真係黑好多... 如果真係要帶佢去沖涼o既話... 就要快d先得啦~ 如果唔係~要新年之後先拎得返黎~ 要佢o係洗衣店過年... 好慘慘o既呢... 昨晚十二點幾就訓lu~ 十二點訓著床~先頭仲諗住聽下收音機先訓~ 估唔到~過o左一陣就訓著o左lu~ 今朝十點左右起o左身~ 放哂兩碗"叮叮粥"入微波爐度叮返熱... 等程程黎一齊食~ 佢買o左兩碗炒麵,兩條油炸鬼~兩個煎堆~兩個牛利酥~ 都唔知買咁多做咩~ 我食完一條油炸鬼已經覺得飽... 最後咪又係食唔哂~ v_v 程程今日冇gel頭... 因為我話幫佢整頭髮~ 用髮泥同埋昨日買o個個梳黎整~ 哈哈~比我搞完一輪~ 個效果...哈哈~ 唔係幾得~ 整到冷係亂咁... 實質就係不知所謂~ 嘻嘻~咁個頭係我整...我緊係話幾好睇o架啦~ 程程都好無奈地話...是但啦~睇佢唔到...求其啦... 佢臨走之前~ 打電話去amc又一城訂飛睇魔戒首部曲~ 星期日~ 三點幾~ 時間岩岩好... 因為o個朝我o地要同埋daddy mummy去志蓮食齋嘛~ 食完...去返又一城... 呢個安排幾好~ !! ^_^ 套魔戒首部曲成三個鐘o架~ 唔去amc睇~點坐到咁耐呀~? amc d位真係正d o既~哈哈~ 聽日上攝影...一人影最少五張相~ 呢五張相...仲要係一定要影得好... 如果唔係...好難做到cd o既內頁~ 唉... 我仲要係負責計住d時間o個個...... 都唔知聽日o既情況會係點...v_v 睇黎~都係諗定d姿勢~叫terry擺會好d~ 唔係一陣"拿手唔成勢"就大穫lu~ |