Dojehistanek...
û pênc babelîskên penaber
jiyaneke hevyayî
û mirineke heştpê
Dirêj... Dirêj
Bi dirêjahiya gaveke revok
Mirdar...
Bi mirdariya şevpestekê
Ku xwe bavêje bedena xewneke paqij
Birî...
Bi birîbûna kêrdaseke tûj
Ku li ser devê birînekê rûnê
Ax…
Hey temenê Tengijandinê
wê kengî mizgîniya lerizandinê
Bi mêrxas be...
Ax… hey bê dawiya tengijê...
wê kengî sibeheke xweş
li me şiyar be...
kengî... kengî
bêje min kengî???
