Were, em dilê xwe bi wan bişewitînin
yên ji me maldartir in.
Were, dostê, û ji bîr neke
ku zengînan berdestk hene, ne dost
û me dost hene, ne berdestk.
Were, em dilê xwe bi zewiciyan û nezewiciyan bisojînin.
Spêde bi piyên xwe yên biçûk têt hindirr
mîna Pavlovaya zêrandî
û ez nêzî dildara xwe me.
Û li ti deran jiyan ne xweştir e
ji vê bîska zelal û hênik,
bîska şiyarbûna bi hev re.
N.Y.
Bajarê min, dildara min! spî, zirav, ax,
bibîze! Guh bide min, ez dê ruhekê pif bikim te.
Bi nermî, bi bilûrê; guh bide min!
Niha ez dizanim: min hişê xwe wenda kiriye,
milyon mirov li vir hene, enirrî li trafîkê;
ev ne ti keçik e.
Û eger min bilûr heba jî, min nedizanî lê bidim.
Bajarê min, dildara min!
Tu keç î, te memik nînin,
tu zirav î wek bilûra zîvîn.
Guh bide min, bibîze!
ez dê ruhekê pif bikim te,
û tu dê bi ebedî bijî.
