Haya te ji min tune lê
Ev çend dem in
Çend dewran in li min digerin
Kefenên ji hezar rengan li min kirine
Terqînên hezar olan
Nifirên hezar dilxeraban
Tev li min pêçane
Û niha jî
Kîvroşkê min
Westiyaye ji ber bezê
Çend dem e ku ji nêçîrvanan direve
Çend kat
Min soz dabû pîran
Berî bimirin dê bidîtina
Gelek ji wan mirin
Bi eşq
Bi evîn
Bi êş çûn
Bi hêviya başiya wî aliyî çûn
Ji lew re stuxwar im ez
Ji lew re fedî dikim ku li te binihêrim
Bi te re biaxivim.
Li min bibore
Ez.........
Ez ê vegerim.
Sura bayê nû
