Welatê Te çiqa xweş bû
lê,
helbest,
mey û hêstir
têde ne gihiştibûn,
***
Û
îro
ez pêrgî te bûm , pîrê
di paşila kozikê De,
pîrê:
min mişextî çirand
û hîn jî ez rêwîme,
min bi hezarê Elestan
li xwe radikirin
û hîn jî
ez ne bûbûm evdal,
***
Lê, pîrê
feqîrê
hêsîrê
wê sibeh bê
û
ji tere çengek mewîj bi rêkim,
feqîrê,
bê olê
Ez dîndarê Teme!!!!
Wey ji welatekî ta bi welatekî din
Ez miriyê Teme!!!
Pîrê,
Qutik herîrê
şohî belekê
çav bi kilê
Hibrî kilîlê
Qemçik balgeha kê û ne kê!!!
***
kurê min!!!
ez di çil de ji şîr qut bûm
sê mehî bê nav bûm
du salî deh salî
bi çav şînkan bi ser lingan ketim
sê Saliya xwe
min bi çarpîkan derbaskir
di qîzaniya xwe de
ez ya te bûm
xewnê Me, şevê Me
bi sitêrkan re
cirîd dikirin
me hesreta dilê Xwe
bi qurixê Re dadiqurtand
û ji rojan re
me destarê Xwe dihêra
kuro, ez ewim
xuşka te , diya te , evîna te ,
jiyana te,
dûrî min neçe
ne derya, ne sawîr, ne pencere,
ne awir, ne hêstir… ne jî tarî,
ne yên min û te bûn!!!
***
pîrê,, pîrê
ma tu dikare
temenê Mirina min bi pîve…!!
