|
昨晚睇完er同程程傾o左陣電話... 我就訓覺... 但係訓o左好耐都訓唔著... 足足"look"o左成個幾鐘先訓得著~ 唉... 程程今朝本來話九點叫我起身~ 之後都係食完早餐去探阿哥o既~ 不過...阿姨打電話黎屋企嘈醒o左我~ 當時已經係九點四... 跟住我即刻打比程程~ 哈哈~佢緊係未起身啦~ 佢於是即刻起身... 雖然遲o左起身~ 但係佢都冇遲到... 仲快過我到tim~ 臨出門o個時~ 佢打電話比我~叫我帶長傘... 哈哈~咁都唔係我拎~ 都冇所謂o既~ 我前日執袋~ 見到個好耐冇用過o既袋~ 咁我今日咪用返囉~ 今日o既早餐係食雞扒雙腸~都係有兩塊包~ 不過冇烘...而昨日o係兩塊就有~ 咁我都唔鐘意食冇烘而又搽o左牛油o既包~ 就分o左一邊勁多牛油o個塊比程程食啦~ 哈哈~ 程程就食車仔麵當早餐~ 食完...都係搭van仔去醫院~ 今次好快就去到lu~ 阿哥轉o左房...已經好返好多~ 但都係要打止痛針~ 佢叫我o地問下幾時可以打止痛針... 唉...我諗平時要我o地等幾個字都冇咩野~ 不過止痛針呢家野...要等多幾個字先打~ 我估應該有渡日如年o既感覺啦... 真係痛苦呢~~v_v 我幫佢用d紙巾濕o左水... 佢用咀唇夾住...等個咀冇咁乾~ 我話比潤唇膏佢搽佢又話唔洗~ 我冇等佢打止痛針...就走lu~ 我同程程搭返van仔去中環... 再行去搭船去尖咀~ 哈哈~係去買袋比程程個媽咪生日~ 係第一次我o地睇中o個個~ 千幾蚊... 我其實都幾鐘意o個隻顏色~ 程程仲應承o左買另一個比我o架~~ 如果我睇岩o既話... 但問題係睇唔中丫嘛~ 因為d袋款好 OL feel~ 而且都幾貴下~ 我又唔會成日用~ 慳返d錢好過啦~ 咁諗住有銀包...都會買o既~ 可惜...冇我鐘意o個隻顏色~ 注定冇緣啦~ v_v 不過~都有另一樣o既收穫~ 只係花三百蚊都唔洗~ 都足以令我開心成日... o係espirt買o左條褲同件衫~ 諗住買件外套tim... 不過睇唔中...冇買到~ 50% off喎~ 真係好抵呢~~ 係要程程逼我...如果唔係~我都會空手而回~ 因為我真係想盡量慳錢嘛~ 唔著唔買唔洗死o既~ 搭車去旺角... 周圍行... 今日行街係有目的o既~ 想睇下宜家d人鐘意買咩~ 有d咩手飾多人買同埋d舖頭o既格式同點擺設~ 三點幾...肚餓...去o左美心食野~ 食完...再行下"宜家"~ 覺得自己今日點都要買樣野黎支持開舖買野呢個行動~ 於是~就買o左九塊鏡... 哈哈~ 終於~ 都唔係兩手空空就出去啦~ 經過商量...決定去返中環睇下批發手飾要幾錢~ 改變o左先頭諗住去九龍城路程... 搭104去上環~ 行o左好幾間批發店~ 每一間都要入500至1000蚊貨先得~ 其中一間d貨好靚~ 有一個皇冠o既扣針~ 我真係好想買呀~ 零售要66蚊個~ 而批發就33蚊個... 我諗用黎襯衫真係好靚o架~ 不過都係唔捨得買... 66蚊...可以食到兩餐飯o架啦~ 楊小姐覆返我~ 話冇問題~比過印刷師父睇~ 可以照出菲林喎~ 行完...就去食九記牛腩麵~ 次次食完一碗都唔夠喉... 咁就會叫第二碗食~ 但食多一兩啖...又會覺得好飽咁... 平時都好d~程程會好樂意食埋... 不過佢今日牙痛... 唔多想咬野~一郁牙"較"就痛... 慘慘呢~~ v_v 食完...行條無敵斜o既斜路返屋企~ 氣都索哂~~~ -o-" 成身都濕哂~~ 返到屋企~ 程程即刻入房開冷氣~ 但之後又出返廳開著把風扇吹返乾個人~ dl歌仔...好快...就dl好哂sammi同eason新碟o既歌~ 仲燒埋碟tim~ 跟住...我就拎櫃入面d紙出黎摺袋仔~ 諗住o係細舖賣野o個時用~ 摺o左成二十個左右~ 哈哈~ 到七點幾八點...程程就走lu~ 十點左右~老豆阿媽返黎屋企~ 同佢o地講我想賣下手飾咁啦~ 佢o地唔多想我賣囉~ 唉...算啦... 冇所謂o既... 程程返到屋企~ 送o左個袋比佢媽咪~ 其實佢媽咪成十月先生日~ 咁早買定~係因為程程返通宵... 冇咩時間去揀嘛~~ 佢媽咪緊係開心啦~ 如果比著係我...收到都開心死啦~~ 宜家又唔係好環境~ 買個成千幾蚊o既袋喎~ 你估個個都捨得o架~ 哈哈~ 夜晚~ 同程程傾到十一點都未夠... 就訓覺lu~ 佢聽朝有part-time做~ 之後夜晚又可要返通宵... 怕佢唔夠精神~ 都係由得佢早d訓... 聽日最後四隻qoo出埋~ 就集齊一套lu~ yeah~~ ^=^ 我燒o左楊小姐d file落隻碟度~ 先頭諗住拎過鑽石山出菲林o既~ 不過屋企要裝修少少野~ 要o係屋企睇住... 唔得閒過去... 又試過用ftp upload o既~ 可惜太慢~放棄o左~ 最終~我入o左落個碟盒度~ 再入落公文袋...寄過去~ 慳返d時間~又慳埋d車錢~ yeah~~ |
|
昨晚懷住好不安o既心情訓覺... 點解...?! 因為昨日睇雜誌o個時~睇o左個鬼故... 加上媽咪又講阿浩賢有陰陽眼d野~ 都咪話唔恐怖... 咁我訓覺o個時~ 咪驚囉~ 已經戴埋佛牌訓o架啦~ 點知...到半夜...冇啦啦電話響... 本來訓著o左o既我...都比電話聲嘈醒o左~ 不過...我冇起到身聽~ 因為我唔敢落床... 由得佢響...響到老豆出o左黎... 之後~ 我即刻用"被"come實哂自己~ 仲feel到d汗o係額頭不斷咁流... 我係咪...驚得太誇張呢~?! -_-" 今朝九點鐘程程打電話叫我起身~ 不過好眼訓...收o左線之後都係訓返... 訓到九點四先醒~ 拿拿臨沖涼吹頭換衫出門口... 十點半...程程已經去到約定o既地方等我~ 因為佢冇帶傘...落緊雨... 佢就走o左入去匯豐度避雨啦~ 去食早餐...幾好味~ 不過唔係好飽... 腸仔煎雙太陽蛋...加兩塊牛油白麵包~ 比o左一塊包比程程食~ 分o左d腸仔and兩隻蛋...太陽o個部分比佢食~ 而我就搶返佢d叉燒通粉黎食~哈哈~ 食完...我o地就去搭van仔去醫院探阿哥~ 坐車坐到我o地訓著咁滯...好眼訓呢... 去到...阿哥仲係好辛苦咁~ 問我o地幾點... 因為一夠鐘...佢就可以打止痛針啦~ 睇埋佢打止痛針...我o地就走lu~ 搭返van仔去銅鑼灣... 同我o地一齊上車o既三父女... 簡直係白痴黎~ 上車到落車~都講埋哂d無謂野... 仲係要好大聲o個隻~ 嘈住哂...搞到我o地訓唔到覺... 落車去皇室energy唱k~ 由點幾開始唱...可以唱到八點... 每位39~包兩杯野飲另收nuts費用~ 照咁計...真係好抵... 八點喎~ 佢仲比o左間坐得落20人o既房我o地~ 我o地兩個坐低o左...顯得真係好空... 今日都幾多人打電話比我~ 阿六姨啦~寬頻o個個姐姐仔啦~媽咪啦~ 我又打電話比楊小姐問佢收到d稿未~ 佢話收到...話轉頭覆返我喎~ 唱到四點左右~ 我o地就走lu~ o係hmv買o左個裝cd o既袋... 用黎裝自己燒o個d cd碟比程程帶返工聽~ 之後又去o左買六合彩~ 阿媽特登打黎叫我去買o架~ 話上期冇人中喎~ 咁咪去馬會買廿蚊電腦飛囉~ 去city super行~ 又撞岩蘇皮芝士麵包出爐... 買o左黎食~哈哈~ 大堂o個度又搞d美食xx~ 有得試食...哈哈~ 好味~ ^-^~ 跟住五點幾諗住返屋企~ 媽咪要拜神嘛~ 我要幫佢買白飯~ 先頭諗住直頭買埋飯比佢~ 點知...又話唔洗~ 怕佢趕住要~ 咁我o地咪諗住早d返去囉~ 行去搭巴士~ 經過阿yam間舖... 捉o左入去傾計... 程程行得快~唔知~ 所以佢企o左o係附近等我~ 傾傾下~都傾o左幾個字~ 等到程程幾累呀... 返到屋企附近~ o係太湖買飯盒同白飯... 佢叫我o地坐底等~ 仲倒埋茶比我o地飲tim~ 個白飯成14蚊o架~ 勁貴呢~ 不過冇計...要拜神嘛~ 食完飯...就o係度dl歌... 程程仲訓o左成個鐘覺tim~ 八點幾...老豆阿媽就返黎lu~ 拜完神~就食西瓜~~ 老豆重提叫我用細舖黎買野~ 都有得諗下o既~~ 六合彩...四條...我只係中o左一個號碼~ 我真係叻囉~ 媽咪就中o左三個字~有保本基金拎返... 哈哈~ 十點幾...程程就走lu~ 我就睇er... |
|
阿哥昨日原來係要救護車送去醫院o架~ 因為佢行唔到...全身都骨痛... 加上老豆又唔夠力... 所以唯有打999叫十字車啦... 昨晚...我睇"貧窮貴公子"睇到一點左右先訓~ 點知訓極都訓唔著... 唉...擔心嘛... 今朝七點左右就起o左身~ 刷完牙洗完面再食埋早餐就去探阿哥lu~ 阿哥依然係咁辛苦~ 食o左兩口粥...都已經冇胃口食落去... 九點左右~老豆同阿媽就走lu~ 我就留o係度陪阿哥... 佢有d咩需要...我就幫佢... 其餘d時間... 我都係睇諗住帶比佢睇o既雜誌黎解悶... 唉~見到佢咁o既樣... 真係心"up"~ 最慘...好多個醫生睇完佢之後~ 都冇人敢肯定佢係咩野病...v_v 不過係盲腸炎o既機會會比較大~ 咁就話要做手術割o左條盲腸啦... 但阿哥睇黎唔多想做... 因為佢問醫生~除o左做手術... 食藥打針o個d醫唔醫得好... 唉...我估阿哥呢兩日都好痛... 所以如果再做手術o既話... 會多一個傷口o既痛... 佢先會唔想做o者...-_-" 醫生解釋完一輪... 阿哥都決定做呢個手術... 十二點幾...媽咪再黎醫院~ 而呢個時候~我個肚已經餓到七彩~ 醫院o個度開始拎d午餐比d病人... 我聞到d食物o既味道... 真係口水都滴埋~ o個個人除o左派飯之外~ 仲有拎住一壺粥水...不停咁問d病人食唔食~ ....我都唔知幾想講..."我想食"呀~ 阿哥因為要做手術... 唔可以飲食... 靠吊鹽水同抗生素... 同媽咪落去下面醫院飯堂食飯... 叫o左一個飯同媽咪兩份食~ 之後拿拿臨上返去睇阿哥... 過o左冇幾耐... 就準備去做手術lu~ 我同媽咪幫阿哥著襪~ 個情形有d搞笑~ 因為隻襪唔係好岩我阿哥著... 求其咁著o左上去就算... 連姑娘都話係咁二著o左就ok o架啦喎~ 兩點左右推入手術室... 同媽咪o係出面等~傾下計咁... 到四點幾...終於都出返黎啦~ 其實都不知幾擔心~ 因為醫生同我o地講~ 個手術大約做一個鐘左右咋嘛~ 要成兩個幾鐘先出返黎~ 其間又冇人可以問到入面o既情況~ 我o地除o左o係度等~ 真係冇其他野可以做到...v_v 阿哥推返上房... 睇o左佢一陣...我就返屋企lu~ stay o左o係醫院成日... 真係有d累呢... 返到屋企~沖完涼... 就睇"貧窮貴公子"一邊食野~ 本來諗住食一個杯麵就夠o架啦~ 但食完之後都肚空空~ 好似冇食過咁~ 於是~我又叮多個肉醬意粉黎食啦... 哈哈~ 食完~即刻掉o左d垃圾... 費事比媽咪返黎睇到我食咁多野啦... 七點幾...老豆同媽咪o係醫院返番黎lu~ 阿哥好o左少少... 但都依然係咁痛...v_v 老豆同媽咪諗住拜神~ 求個心安... 係姑媽提議o既~ 因為冰心表姐以前朝朝起身都會發燒... 其他時間又冇事... 咁佢就同d婆婆講啦~ d婆婆就教我姑媽拜神~ 結果拜完之後~我表姐朝早都冇再發燒lu~ 所以...求個心安...都好o既... 開icq~ 見到棠棠send o左個offline message比我~ 係一個唔係太好o既消息... 希望佢放開心情啦... 我老豆見我鼻敏感依然... 就叫媽咪沖d蜜糖水比我飲~ 聽講話對鼻敏感有用o架喎~~ 哈哈~試下都無妨丫... 今晚...我將收埋o左o係我"台"底o既一堆袋... 特登清理o左一個大櫃筒...放哂入去... 保守估計...我係有25個袋以上... 實在有d恐怖... d袋通常都係黑色o既多~ d款又好簡單... 所以都有拎返出黎用o既機會... 冇畏掉o左去咁哂o架... 咁執開野~就順便清理下自己房入面個垃圾筒... 個垃圾筒側邊"痴"住粒野~ 我以為係d雙面膠紙"初"埋o左一粒"痴"o左o係上面啦~ 點知一睇...噫...................!!!! 係隻蝸牛黎o架喎... 真恐怖呢... 哈哈~ 唔怪得之我咁鐘意聽周杰倫隻"蝸牛"啦~ 另外~ 我又換o左枝牙刷~ 我枝牙刷...d毛已經"叉"哂... 咁我o地屋企好環保o既~ 會用d冇用o既牙刷黎刷下d磚仔o既隙... 咁媽媽就同我講... 話佢用開o個刷野o個枝牙刷爛得好緊要... 叫我拎我o個枝比佢代替~ 跟住拎出黎一對... 噫... 我o個枝...仲爛過佢o個枝喎~... 哈哈~ 勁搞笑呢... 今晚做烈火雄心II~ 我又點會錯過呢~ 方中信喎~~哈哈~ "飲燕京~有計傾"---->呢個廣告~你o地睇過未呢~?! 哈哈~ 烈火雄心II好似冇之前咁好睇~ d人夾得好怪... 蔡子健做o個種o既角色~真係唔多襯佢囉~ 你話我先入為主都係咁話... 蔣志光就更加無謂... 成套野搞到老哂咁...-_-" 都係以前南山三虎正好多~~ 不過呢套劇o既吸引力都真係好利害~ 至少我icq list上面~ 係香港o既人...都有好多away o左去睇... 咁阿wing同阿yan...當然唔少得佢o地啦~ 哈哈~ 丫~睇亞視...見到買廣告... 話下星期會做流星花園喎~ 一諗起亞視d配音... 同埋冇哂本身國語o既神韻... 就已經唔想睇啦~ 都係原裝正d~ 中環有間盤谷銀行~ 因為呢d係外地銀行... 所以普通人唔識一d都唔出奇~ 係程程要做野...先會識o既o者~ 咁佢今晚同我傾電話o個陣~ 話食早餐o個度係o係盤谷銀行附近~ 我竟然聽錯o左做盤骨銀行?!!! 仲要好出奇咁讀多一次... 結果...咪招致比程程勁笑我o既後果囉~ 聽日程程放假... 要九點起身...跟住同佢食早餐~ 之後去探阿哥... 所以...要早d訓先得啦~~ 都係o個句~ 阿哥~你要快d好返呀~~~ |
|
十一點幾...daddy mummy終於都返o左黎~ 等到我幾心急... 阿哥要吊鹽水... 情況都好嚴重... 打o左好多枝針... 痛到喊...v_v mummy都擔心到喊... 連醫生都未知阿哥呢個係咩病... 照o左d x-ray...又做過其他素描咁... 聽日八點有報告睇~ 聽朝會跟埋daddy mummy一齊睇報告~ 阿哥...你要加油呀!! |
|
昨晚唔記得o左提一樣野~ 就係我部dv...買o左返黎咁耐~ 都冇試過將拍低o既帶...轉做電話檔案~ 昨晚見得閒... 咁我咪試下整囉~ 點知整極都整唔到...激氣呀~ v_v 我諗...都係等第時好景d o個陣~ 比d帶人o地幫我o地整做dvd or vcd好過... 昨晚...點幾就訓lu~ 程程講比我知一d野~~ 極為搞笑... 就係輝輝老爺宜家極為熟識買樓o既野~~ 程程同佢傾完之後~ 放o左工咁夜都照上網去搵o個d樓盤資料睇~ 睇黎輝輝同eva都快o架啦...哈哈~ 仲有呀...輝輝堂堂一個浪子...年近30 o既人... 竟然部電話個殼...係用snoopy~ 哈哈~ 好明顯...係因為eva o既關係佢先會用... 可想而知~ eva對輝輝幾咁重要呢!!! 當程程見到o個時~大聲嘩o左一聲之後~ 輝輝就叫程程唔好出聲... 哈哈~因為如果比其他人知道... 尤其是係瘦joe知道o左之後... 實比人笑到佢面黃都似... 今朝我自己都訓到十一點幾~ o個時先打電話比程程叫佢起身~ 十二點幾...我o地就o係灣仔等~ 食完麥記...諗住去睇展覽~ 去到...好似冇咩好睇咁... 所以就冇睇到啦... 行返天橋去灣仔大路o個邊... 有個老婆婆乞錢... 程程就比o左十蚊佢啦... 估唔到呢十蚊...竟然帶黎另一種好運... 去到灣仔地鐵站... 我o地o係個路線圖面前諗...究竟去邊度好呢?! 終於~決定o左去尖咀... 程程猛o係度同我講買樓o既野... 又話邊度好...邊度好... 估唔到輝輝同佢傾過下o者~ 都會影響咁大... 去買飛睇"我左眼見到鬼"~ 差兩分鐘就有一場... 不過最後都係買o左四點三o個場... 周圍行...去睇下程程媽咪o既生日禮物~ 睇中一個袋~ 我覺得幾靚... 價錢都負擔得起... 如無意外...都係買呢個袋比佢媽咪o架啦~ 時間差唔多睇戲... 但又要去買野飲... 好趕好趕咁入場... 好彩都冇miss到片頭o者~ 套戲...我就覺得唔係幾好睇~ 因為好嘈...李跚跚成日o係度叫~ sammi又係... 有d討厭呢~~ 到五點幾...幫我o地轉3m寬頻個女仔打黎問我資料~ 我就話轉頭打比佢啦~睇緊戲嘛~ 過o左冇幾耐~又有電話震~ 我以為又係o個個女仔打黎~ 點知一睇~原來係老豆打黎~ 話阿哥入o左醫院~ 唉...今朝見佢...佢話食o左昨晚d雞翼之後就唔妥~ 喉嚨腫o左...舌口水都辛苦咁話喎~ 仲有d骨好痛...成個人散o左咁... 佢話有d感冒feel喎~ 於是我就比o左d o係日本買返黎o既感冒藥比佢食啦~ 我出門口o個時~佢已經入返房休息~ 估唔到會咁嚴重要入醫院~ 佢好似發燒tim呀..v_v 老豆吩咐我...叫我拎個禮統去酒店~ 因為佢原本今晚要去飲o架~ 宜家阿哥入o左醫院~ 所以去唔到飲~ 套戲平時又唔見佢做咁耐... 可能係我心急啦... 心諗...快d結局啦... 咁又無理由即刻走...唔睇埋o架嘛~ 一睇完...拿拿臨行去搭地鐵再搭巴士返屋企~ 拎o左個禮統...搭返van仔落銅鑼灣... 撳埋d錢入落禮統度~ 之後就去酒店... 交比請daddy飲o個個人同埋交代一聲... 跟住...我就同程程去海皇粥店食野... 食完行多陣sogo就搭車返屋企lu~ 程程送o左我入去... 等我令埋燒比佢o個隻碟...佢就走lu~ 佢都好累...今日佢都飲過咖啡黎...訓唔夠嘛~ 聽日又要六點半起身~ 八點幾...自己一條友o係度睇電視~ 做什麼什麼港姐o個d野... 真係悶呢~ 後尾諗起今日程程帶返"貧窮貴公仔"比我~ 於是我就入房睇啦~ 宜家都成十一點咁滯... daddy mummy都未返黎~ 打佢o地d手提電話又唔通~ 唉...有d擔心tim~ 其實佢o地之前返過黎屋企o架啦~ 因為要拎d日用品比阿哥... 所以佢o地先要再去醫院... 希望阿哥快d好返啦~ ^-^ 今朝起身~ 肚餓食o左d野~ 之後再訓返...短短個幾兩個鐘o既時間~ 我都可以發夢... 見到程程同埋佢daddy... 個夢都係我日有所思o既野... 可能自己覺得係一種壓力~ 所以o係夢境入面反射出黎啦~ -_-" |
|
楠楠講~ 佢今日生日~ 我都打o左個突... 原來係舊曆... 哈哈~ 真老套... 而佢媽媽聽日都生日~ 又會差一日o既~ 都幾得意喎~ 哈哈~咁我祝你o地都牛一happy啦~ 丫~TWINS開演唱會~ 到時佢o地會唱成點呢~? 真係好想知~ 哈哈~ 今朝十點幾起o左身~ 原因係肚餓... 食完野~ 阿哥o係度睇緊流星花園~ 咁我"苗"o左一陣~ 又再去訓過啦~ 訓到兩點幾再醒~ 哈哈~好好訓呢~ ^-^ 昨晚本來開住冷氣訓... 訓o左一陣~就黎訓著o個時~ 我就覺得凍~ 咁咪起身熄o左部冷氣囉~ 點知...過o左陣又feel到d熱... 唉...懶...唔想起身~ 於是就由得自己出哂汗啦~ 今日冇落到舖頭~ 下午都係o係度搵工send d resume 去求職咁... 老豆同我講...話人工真係唔係問題~ 話叫我搵到o既話...搵返設計呢行d學徒黎做下喎~ 唉~ 真係矛盾... 呢個問題依然都係存在... 究竟我o既前路係點呢?~ 如果呢幾日有人請我... 真係咩都唔洗再諗... 我只係需要一份工o者.... 不過...我又知... 其實會唔會埋沒o左自己... 唉...真係唔知點好... 五點幾沖完涼出黎~ 幫阿媽剪豆... 哈哈~ 剪豆都好過"meet"菜... 因為通常豆都冇蟲~ 而菜就有... 今晚~媽咪整o左好多雞翼~ 食o左成五隻~ 又大隻喎~ 利害呢~~ 本來諗住整多d~ 留返d聽朝肚餓比我o地食o既~ 點知食下食下... 剩番五隻咁大把~ 咁阿媽就叫我o地食埋去...留乜鬼丫... 上次netvigator有人上門...話有新優惠~ 我拎o左張紙就算... 過o左兩個星期o既今日~ 我同阿哥講起... 結果...打返去問... 月費由298減到188~ 不過係平均188...唔係每個月都交188~ 一個月可能交多d~ 一個月交少d~ 少到16蚊都有~ 總之扯平都係188年半... 月費平o左都不單只... 仲由1.5m升到3m~ 哈哈~ 正~ !! 程程今日都係返夜... 輝輝老爺返通宵tim~ 所以輝輝老爺會車程程返屋企~ 不過...如果輝輝多野做o既話... 程程都會幫下佢手... 遲d先收工o既~ 哈哈~ 但係無論佢幾點收到好... 聽日佢最遲都要十點起身~ 今日下午~程程叫我燒d快歌o既碟比佢~ 等佢夜晚"渣"車o個陣聽...會醒神d喎~ 宜家佢仲懶過我呀~ 返完夜...三點左右返到屋企訓~ 一訓就訓到十一二點... 食完晏...冇咩野做又訓下晏覺tim~ 人o地都不知幾"嘆"呀~ 丫~ 有一間叫做杜比寵物店請店務員... 仲要o係程程屋企附近tim o架~ 以前同程程分手...佢經過...都會諗起我~ 杜比丫嘛...咪即係我tobey囉~ 如果我去見工...會唔會好搞笑呢~ 我估...唔多唔少... 係因為開呢間寵物店o既老闆叫tobey~ 所以先叫杜比寵物店o者~ 如果我入去做埋~ 咁咪多個杜比囉~ 哈哈~ 不過去唔去見我都未決定~ 我只係覺得~呢個香港真係好細~ 一份報紙...一格仔o既招聘廣告.... 咁都會睇到... 哈哈~ 今日睇到apple日記... 有種諗法... 人o地呃自己....如果呃得唔透徹~ 就唔好呃啦... 唔知道比起後尾先知道... 呢個傷害會更加大... 為人為己...一係唔呃...一係就呃盡d吧... 洛神今晚大結局... 一出現o個d親情o個d場面... 我都會覺得好感動... 喊出黎好似唔係幾好意思咁... 老豆阿媽坐哂o係度... 咁唯有強忍啦... 感情太豐富...係好事~定係壞事黎呢~?! 煮豆燃豆萁•豆在釜中泣•本是同根生•相煎何太急 其實最尾o個句...我唔知點解... 相煎即係指咩呢~? 有冇人話到比我聽呀~? 訓得太多o既後果... 就係夜晚訓唔覺眼訓... 但到第二朝又唔夠精神咁... 星期一...希望楊小姐快d收到d野~ 睇完ok咁我就去出埋d菲林比佢... 唔好再拖我啦... 再係咁落去...我會死o架~ 如果有人請...我又未搞掂佢d野~ 我都唔知邊度死d時間出黎交野比佢~ 最後一著...就係搵速遞幫手... 咁...現成都有一個o既~ 不過佢睇怕都唔肯o架啦... 除非.......哈哈~ 我有我勢力啦~~~~~ ^0^ 用心感受...就是愛... |
|
我個留言版終於都有新留言啦... 唉... 唔知係個版o既問題~ 定係d人唔鐘意畫野~ 又或者係個版load得慢~ 又或者係畫完一大輪~可能會冇o左... 所以~ 冇咩人留言比我~ 睇怕我要申請一個只係文字性質o既留言版先得啦~ 今朝~ 唔經唔覺~ 訓到成十一點先起身~ 跟住...睇o左陣報紙搵工~ 再一邊睇電視一邊踩腳踏機~ 哈哈~踩o左500下左右咋... 好過冇啦...^-^ 阿媽下午返黎屋企睇下煲湯... 順便睇下有冇信... 因為中銀股票o個度有支票退返d錢黎丫嘛~ 咁佢上黎o個時仲未派信...但走o個時~ 見到信箱有信~ 於是佢就打上黎話比我聽~ 叫我一陣記得去幫老豆同自己存d錢入銀行~ 沖完涼出黎冇幾耐~ 個天黑哂...落雨... 老豆冇啦啦返黎屋企~ 佢冇帶傘...搞到濕o左d~ 個頭好搞笑呢~~ 佢費事等我幫佢存...同埋佢有d野要去銀行搞~ so~ 佢拎完d野~就走o左lu~ 我沖涼o個時~ 又諗起楊小姐o個"檀"野~ 我怕好快見到工...就會冇時間幫佢搞~ 於是~ 沖完涼出黎~ 又o係度做佢d野~ 另外~打埋電話比佢~問下佢收到我寄比佢d野未~ 點知佢話未收到~ 唉...咁都會收唔到... 我都唔知係邊個o既錯~ 寄失o既...係一份無畏野就冇所謂~ 如果寄失o左份重要文件咪大穫... 做到三點幾四點... 諗起銀行就黎關門~ 於是拿拿臨換衫化妝去存o左錢先~ 之後上返屋企~ 再做多一陣~ 開始覺得肚餓...(哈哈~朝早只係食o左個包) 咁就整o左個杯麵食~ 食完先搭van仔落銅鑼灣lu~ 首先去o左regene拎返枝"白滑眼部o者喱"~ 呢枝野真係利害~ 幾首斷市...要訂先有... 返到屋企試下用啦... 隻眼附近d皮膚真係feel好似收緊o左... 好似真係幾有用咁... 之後~ 約o左五點八見工~ 我五點左右去到~ 好彩早d去咋~ 因為去到都已經有幾個人等緊interview~ 咁我填好o左張紙~ 就企o係度等啦~ 我見o既職位係秘書~ 一入到去...佢一睇我d資料~ 就知我冇讀過秘書o個d野~ 咁佢問我有冇做過啦~ 我就話冇... 咁佢就話啦...如果冇做過~又冇讀過~ 我o地唔會請o架喎~ 同埋我o地打電話通知你黎見... d同事應該問過你有冇讀過或者做過o架喎~ 咁我就話冇人問過我啦... 佢就話...咁我諗...呢個職位我諗唔係咁適合你啦~ 我以為可以走人啦... 點知佢又同我講~ 你讀design o架喎~ 我o地公司下一期諗住請designer~ 問我有冇作品睇~ 咁我話我冇準備啦~ 佢又o係度叫我講下對佢o地公司所設計o既廣告有咩睇法... 嘩...幾難度高呀... 我完全冇諗過...點答呀~ 講埋d好白痴o既野黎敷衍佢就算~ 唉...都係冇望o架啦~ 最衰係...要我白行一倘... 又唔問清楚d~ 哂我時間~ -_-" 之後~ 見到報紙檔有recruit拎~ 即刻又拎o左本... 返到屋企~ 都差唔七點... 食完飯仔~ 好快...又要投入工作~ 我print o左份菲林稿同正稿加埋色稿出黎~ 仲特登買o左個公文袋入落去寄... 希望唔會寄失啦... 阿yan覆o左診...應該冇問題~ 八月一號再要去覆多次就搞掂... apple同我都一樣... 宜家都係搵工見工咁.. 昨日佢冇去到陪阿yan~ 原來佢親戚有d事~ 要幫手睇住個小朋友~ 所以就冇去到lu~ 我仲以為佢要去見工tim~~ ^-^ 前晚心血來潮訓o左覺都起身... 一上網~見到阿ben... 佢同佢女朋友散o左... 因為我見到佢個樣~根本唔知佢咩心情~ 從文字更加睇唔出~ 咁於是我就打o左d安慰說話比佢啦~ 不過人o地唔多領情... 算啦... 我o地o既兄妹情根本就淡o左~ 彼此都唔認識大家... 你自己傷心之餘~ 都傷害到我~ 我唔知我可以有d咩好講~ 你以後有野唔開心~ 都唔好同我講~ 程程今晚又返夜... 好鬼悶~ 唔知有d咩好做~ 阿哥返o左黎~ 我要訓返自己間房~ 經過一個星期比我"倒亂"~ 我差唔多咩都放哂o係張床度~ 幾廿樣野o係床... 宜家先知後悔~ 唔執又唔得~ 如果唔係~邊有地方訓覺~~c_c 哈哈~執野o個陣~ 搵到本舊雜誌講言承旭~ 哈哈~ 當時冇好認真咁睇~ 宜家緊係要隻隻字睇清楚啦~ 哈哈~ 樓上終於都講o左比老豆聽幾時幫我o地整返個天花~ 哈哈~ 最好快d搞掂埋~ 我最怕就係裝修... 唔好話自己屋企啦~ 就算係聽到樓上樓下裝修都怕~ 好嘈丫嘛~ 聽講o個日佢o地會八點就上黎整~ 咁我咪要七點幾起身~ oh~ too bad~~ >_<" |
|
朝朝都比老豆同阿媽嘈醒~ 搞到個人冇咩精神呢~ zzzZ~ 十一點幾先訓醒~ 打比程程~ 佢真係一早去o左買qoo~ 打比佢o個時~ 佢正訓緊覺~ 即係佢真係特登起身去買~ 買完返黎再訓啦~ 哈哈~~ 真乖乖啦~ ^-^ 起身~ 睇報紙搵工~ 之後打電話搵工~ 跟住沖好涼換好衫~ 去o左尖咀見工~ 其實都唔可以叫做見工~ 去到...只係填o左張紙就走得lu~ 我差唔多出門口o個陣~ 打電話比程程~ 叫佢不如陪我去... 佢好唔願意咁應承o左我~ 我搭van仔去金鐘~ 再搭地鐵去尖咀... 咁我唔識行~打電話比佢啦~ 點知佢又懶醒咁~ 教錯o左我~ 搞到又比我鬧佢~ 到我搵到o既時候~ 佢亦都到o左~ 仲早我一步搵到間舖頭tim~ 之後佢去o左買膠布比我~ 因為我著新皮鞋丫嘛~ 隻腳損o左又痛喎~ 咁佢咪去買膠布比我囉~ 我入去填完紙~ 出返黎~佢已經買完上黎搵我~ 仲蹲o係度幫我貼埋膠布tim~ 好幸福呢~ 我昨日打o左電話去一間公司... o個度係請秘書o既~ 佢只係叫我留低個電話~ 我覺得機會都應該好渺茫o架啦~ 點知~我行緊落去金鐘地鐵站o個陣~ 發現部電話有missed call~ 於是即刻打返去~ 哈哈~佢叫我聽日五點八去見工~ 哈哈~真係好啦~ 我當時好臨急臨忙拎o左張紙出黎寫低個地址~ 後尾拎出黎比程程睇~ 佢都睇唔到我寫d乜~ 哈哈~我自己睇到就得啦~ 我見完工之後~ 同程程去o左食野~ 我成日都冇食過野~ 早餐都冇食過呀~ v_v 叫o左個好美味o既炸魚柳薯皮食~ 熱辣辣~太正啦~ ^-^ 食緊o個時~ 又有另一間公司打黎覆返我~ 問o左我一堆問題之後~ 佢話得5000蚊人工~ 表現好o既話...遲d先會加500比我喎~ 咁我就話考慮下先啦... 其實我咁樣係咪好衰呢~?! 5000蚊其實都差唔多~ 佢o既口吻都想請我o架啦~ 但我反而同佢講話"考慮下"先~ 呢句野~ 應該係個老闆講先岩o架嘛~ 哈哈~ 程程帶o左5枝qoo出黎~ 我o地都飲o左3枝lu~ 哈哈~ 行多陣~ 四點五~ 程程就叫我唔好行~ 係時候去深水土步啦喎~ 同阿mon 阿yan約好o左5點嘛~ 點知...比程程呃o左~ 兩個字已經由尖咀去到深水土步lu~ 我見仲有大把時間~ 咁咪坐o左o係落車出面o個d椅度囉~ 坐到四點十~ 就上去大堂啦~ 打比阿mon問下佢o係邊度等~ 原來...佢o地都一早黎o左啦~ 哈哈~我早d打電話比佢o地~ 咁咪唔洗等咁耐囉~ 真係蠢啦我~~ ^^~ 程程同我一齊搭地鐵o既~ 佢就o係旺角落車去剪頭髮~ 太長啦...好熱喎~ 咁先頭想聽日去銅鑼灣搵阿yam剪o既~ 不過~ 程程有剩太多時間啦~ 咁咪由得佢自己去其他地方剪囉~ 哈哈~ 咁又係o既~ 我四點幾就要走~ 賴得佢一個人~ 佢要成六點幾先開始有野做~ 成兩個鐘... 一條友...有咩好做丫... 我真係衰啦~~ 唉~~ v-v 佢話剪到幾短下喎~ 哎呀~有d驚tim~~ 仲要去返好耐之前我o地去過o個間度剪... 真念舊啦~ 食野o個陣~ 講起瘦joe呀~細傑呀~輝輝呀~ 個個一同女朋友/老婆傾電話... 都會變聲~ 變得好斯文...陰聲細氣咁~ 咁程程就講...話細傑聽到佢(指程程)都有變聲~ 我就話...緊係有變啦~ 變到好大男人丫嘛~~ >_<" 佢條友~ 一有人o係側邊... 都好鬼大男人... 衰到死~ 哈哈~ 不過我何嘗不是呢~~嘻嘻~~~ 我係大女人~~ 大女人~~~~~~ join埋阿yan阿mon~我先知apple唔黎~ 可能佢搵緊工...所以冇陪阿yan黎啦~ 咁我o地之後去o左西九龍上面飲o左一陣野~... 就去寶血醫院啦~ 好多人o係度等緊~ 咁有人打電話比阿yan喎~ 阿yan o係度講埋d搞笑野~ 成個候診室都聽到佢講野~ 我見到有d人都聽到笑埋一份~ 最後~ 我拍佢...叫佢都係出去傾~ 個候診室先維持返原來o既安靜呢~ ... 六點三左右~ 阿yan入o左去做激光眼部手術... 七點三左右先出返黎~ 咁我同阿mon就o係出面睇雜誌同傾計啦~ 一出黎~就發生d好笑野~ 因為岩岩做完激光手術~睇野仲未係好清楚~ 所以人o地叫佢行幾步去醫生房~ 佢摸錯門~ 差d入o左去廁所~ 真搞笑~ 阿yan呢一次o既激光手術~ 應該咩問題都冇~ 佢邁向做警察o既路~又行前多步lu~~ 宜家佢要戴住兩塊膠片黎護眼... 聽日覆埋診...就搞掂好哂~yeah~~~ 阿yan個friend 黎同佢一齊返屋企~ join埋之後~ 等佢o地上埋車~ 陪埋阿mon上去西九龍買d野~ 跟住阿mon就帶我去搭地鐵啦~ ^-^ 返到屋企~ 叮o左包燒賣黎食~ 死火~講下講下~ 宜家又開始肚餓tim~~>_<" 沖涼o個陣~ 隻腳損o左個d地方...都不知幾"那"~ 好彩貼o左膠布咋~ 如果唔係~一定會更加嚴重~~v_v 老豆今日特登幫我睇報紙搵工~ 有份係東方請人做資料處理員~ 好似幾好咁~ 我拿拿臨... 沖完涼就即刻send o左封e-mail求職信連同resume去~ 本來~ 我諗住寄去又或者係fax去o架~ 不過呢家野~手快有手慢冇~ 雖然我都已經print o左d求職信同resume出黎~ 但係...fax我又要聽朝落舖頭先fax到~ 寄信又要隔日先收到~ 咁e-mail最快最直接o架啦~ 哈哈~ 程程今晚返夜... 佢公司開始轉制... 平時返夜...冇野做...只係坐o係度~ 宜家食完晚飯...(比一個鐘時間食)~ 食完就要做野~ 幫其他人手pack野~ 冇得就咁坐o係度咁嘆lu~ 跟住...程程又諗o左樣野出黎~ 可以唔洗咁多野做~ 但又可以唔洗幫其他人做野~ 我就覺得個方法行唔通~ 佢話規矩係人定o既o者~ 開o左個先河...d人以後都會跟住做o架啦~ 唉...總之~ 我覺得唔得~ 佢覺得"得"~ 咁大家咪各持已見囉~ 幾日冇打日記... 要追返之前o個兩日d日記... 有排打呢~~ v-v 今日見工~ 我著得都幾斯文~ 我平時個袋掛住涕涕同靚靚... 我費事人o地覺得我太細路女啦~ 咁我咪拆返落黎囉~ 宜家"涕涕"好唔開心咁... "李埋"o係個廁紙盒度~ 扮到好可憐咁... 哈哈~~ 程程呀~又唔記得帶貧窮貴公子比我~ 原因係佢老豆睇緊... 乜人o地唔係話唔好睇o既~ 宜家又睇...丫~究竟點解o既呢~~?! |
|
今日十二點幾去到旺角... 程程去到...我都未去到~ 咁佢就去o左買飛睇戲先啦~ 十二點半有一場~ 咁趕...費事睇啦~ 買o左兩點二o個場~哈哈~ 去o左間拎飲食唔知咩咩大獎o既舖頭食野~ o個間野專食車仔麵呀...好似茶餐廳o個d咁~ 而佢o地最出名~ 拎獎o個樣野食就係"雞翼炒出前一丁~ (應該有一個正式o既名~不過唔記得o左~) 我o地叫o左一碗車仔麵同雞翼炒出前一丁~ 食完碗車仔麵...等o左好耐~ 碟雞翼炒出前一丁先到... 話明係即叫即煮...所以要耐d咁話喎~ 不過等得有價值~ 真係好好味~ 我食野好少會清碟~ 我今次真係清o左碟...可想而知有幾好味啦~ ^-^ 同埋...一碗車仔麵都廿幾蚊啦~ 碟雞翼炒出前一丁都係三十幾蚊~ 份量又多喎~夠成兩個人食o架~ 所以~下次唔會o係o個度食車仔麵咁蠢lu~~ 食完~去o左信和... 睇o左一陣~ 就去7仔買薯片入戲院食~ 套mib2...好似冇mib第一集咁好睇~ 又可能~ 係因為冷氣太凍影響o左都未定... (成日諗住快d睇完出去冇咁凍嘛~) 哈哈~ 最搞笑係michael jackson 出o個度~ 有d無聊... 不過又令人印象深刻~ 另外~隻八哥都好搞笑~~ 都不失為一套好戲黎o既~ ^-^ 後尾我o地睇到一隻八哥要成千八蚊o架~ 如果係白色o既八哥仲蚊~ 要成二千八~ 我心目中~想養隻松鼠~ 一隻北京~一隻八哥就正lu~~ 旺角有一擋o既辣魚蛋~ 真係好利害o架~ 上一次食過...都知道辣o架啦~ 程程都醒目~ 買辣魚蛋之餘都買埋水~ 亦都好彩...佢買o左一串兩份食~ 如果唔係...真係死得好慘呢~~ 今日食o個串~ 好似辣過上一串好多~ 勁變態...上一次d魚蛋都冇"痴"到d辣椒上去~ 今次痴哂d辣椒碎粒上去~ 好辣呀~ 食到出哂汗...而且我有d喊o既衝動tim~-_-" 條"利"辣到唔知點形容~ 太恐怖啦... 丫~你話人o既心態係咪好怪丫拿~?! 明知辣...都要食~ 枝水仲貴過串魚蛋~ 妹仔大過主人婆... 咁都要食... 哈哈~ 下次...如果再食... 都係諗下先... 程程終於o係先達搵到佢近來o既至愛... "情非得以"入電話鈴聲~ 行o左一陣~ 有人電話響... 又係"情非得以"~ 咁都撞歌...唉~~~~ 佢呀~ 教o左我打比佢...就響情非得以~ 哈哈~因為我成日打比佢~ 聽到呢首情非得以o既機會多d丫嘛~ 唉...岩岩講起~ 電腦winamp就咁岩播呢首歌~ 真邪呢~~ 昨日買o左套"貧窮貴公子"放低o左o係程程屋企~ 諗住比佢屋企人睇o左先~ 叫佢今日帶返比我啦~ 佢又唔記~ 正衰人黎o架~ 一隻都唔記得... 想悶死我咩~~ 程程下個月會有外快做~ 不過遲遲佢都未打電話比人confirm~ 我成日都聽到佢講話打o架啦~ 但都仲未打~ 於是咪又比我話囉~ 哼~ 世界唔止得你一個人o架~ 你仲唔confirm人~ 人o地搵o左第二個咁點算~?! 佢應承o左我聽日打~ 佢話如果聽日唔打~比車車死喎~ 行到咁上下~ 我o地就去neway唱k~ 有自助餐食~ 不過我一次都冇出過去拎野食~ 因為我知道實多人~ 我唔鐘意同人爭野~ 結果呢d拎野食o既工作全部都交哂比程程做~ 佢好衰唔衰~ 拎o左d炒飯... 另外佢想食牛柳...點知d牛柳夾埋d紅飯一齊... 咁逼於無奈~都要拎埋d飯~ 食哂d牛柳...佢食o左幾啖飯就冇食~ d炒飯佢以為我食~ 我又唔想食喎~ 結果剩o左好多o係度~ 我費事d人入黎收野o個陣見到我o地咁哂野啦~ 咁我就將所以剩低o既飯...撥哂落一隻碟度~ 再用羹叉壓平d飯~跟住放另一隻碟上去~ 咁就神不知鬼不覺啦~ 其實宜家講返一d都唔好笑~ 但當時我o地笑到攤o左o係度~ 呢d感受...真係要親身經歷先知...^-^ 食到好飽... 七點半左右就埋單走人~ 二百四蚊左右~ 比我想像中貴... 鬼咩...又生果盤又nuts~ 人o地話..."欲加之罪何患無詞" 我就話..."欲加之錢何患冇詞"~ 唱完就行去搭巴士返屋企~ 行o左無幾耐~ 程程突然郁o左一郁...我以為佢踩到d咩啦~ 點知...佢未來我及話我知~ 我已經見到... 原來...佢唔踩到野~ 而係佢見到隻大老鼠o係度行~~ 嚇到我都大叫o左一聲... 太恐怖啦~ 仲咁早...d老鼠就快就出末... 好彩唔係o係我o地面前行過... 而係o係側邊幾步楝大廈入面行緊... 隻老鼠真係好大隻呀~ v_v 好驚呢~~~ 唱k o個陣~ 特登揀o左言承旭o個兩隻~ "要定你"同"我是真的真的很愛你"黎睇下佢個靚仔樣~ 首"我是真的真的很愛你"都唔係咁差o者~ 聽聽下都幾好聽丫~哈哈~~ 搭104 o係金鐘落車~ 見程程想睇一觸即發~ 咁佢唔送我搭23號呢一程...佢都睇得到少少~ 咁我就唔洗佢送我啦~ 佢睇埋我上車先走~ 返到屋企~都係八點左右~ 我話比老豆阿媽知我同朋友出去~ 費事比佢o地知程程又放假... 唔知我o地做過d咩黎啦~~ 唉... 唔係我想咁諗...而係...就算光明正大~ 佢o地都可能亂諗野都未定... 所以~冇謂有咁多誤會啦... 可免則免啦~~ 申請中銀隻股票一千股~ 真係分o左一千股比我喎~ 真係happy啦~ 我老豆阿媽分別都申請o左二千~ 但佢o地都係分別分得到千五股咋~ 哈哈~我又會咁好彩~ 申請幾多比幾多我o既~~! ^_^ |
|
今朝起o左身~ 十一點左右就出得門口~ 首先去o左天后買碟... 哈哈~係買貧窮貴公子老翻呀~ 諗住買去程程屋企睇~ 咁樣就唔洗出街啦... 買完先搭車去程程屋企~ 上到去...睇o左一兩隻碟... 就食午餐lu~ 套貧窮貴公子真係好搞笑~ 同流星花園入面o既仔仔比~ 真係差好遠~ 今次仔仔起碼冇咁自閉嘛~~^-^ 佢daddy一邊睇~又話質素差... 又話拍得冇咁好睇~ 我聽完佢講一大輪... 就同程程講...話我o地一陣要出去~ 我本來真係諗住唔出街~ 睇vcd算o架啦~ 咁既然咁多不滿... 咪唔好睇囉~ 最怕又要話唔好睇~又要睇o架啦~ 食完飯~等程程搞完一輪就出去lu~ 唉...因為一個問題~ 程程發我脾氣~仲鬧我tim~ v_v 哼~ 咁咪鬥落去囉~ 鬥企o係度...邊度都唔去... 等到返屋企食飯o既時間先走... 咁當然~唔夠一陣... 已經妥協啦... 我o地次次有事~ 如果o係街度o既話... 我都會鬧得好大聲~ 因為我唔怕羞o架~ 佢比人鬧~係佢面"檬"咋嘛~ 雖然我知咁樣唔係咁好... 但我要佢知道...我有幾利害... 個天有d想落雨o既跡象~ 出門口o個時~ 佢媽咪叫佢帶傘~ 咁佢都唔想帶o既~ 跟住我同佢講~落雨傘你要買傘唔關我事呀~~ 就係咁...佢就帶o左把長傘~ 點知...成日都冇落雨~ 哈哈~~~~~ 去o左尖咀... 諗住睇戲~但時間唔岩~冇睇到~ 咁我o地就周圍行啦~ 食下野咁~ 冇啦啦見到有間買bb野o既chickeeduck請人~ 咁我就諗啦...好唔好入去見好呢~ 程程叫我考慮o左一陣~ 同埋話機會過o左就冇o架啦~ 於是~我決定入去見~ 填o左張紙...佢話會fax上公司~ 如果覺得我岩o既話...會再打電話約見喎~ 我真係幾想做呢份o架~ 因為會見到好多bb嘛~ ^-^ 行到咁上下...就返屋企lu~ 呢一餐飯~ 係考驗程程點樣再次面對我daddy mummy~ 氣氛都ok~ daddy mummy都冇難為程程~ 唉~ 放心哂~ 睇完一觸即發...就逼程程做o左個鼻mask ~ 好恐怖呢~ 原來做完mask~ 再用速感白滑o者哩係好有效果o架~^-^ 程程九點幾就走lu~ 計過d時間~ 佢返到去沖埋涼~ 我就岩岩可以睇完er~ 正呀~ ^~ 今晚print o左d野出黎寄比楊小姐~ 費事特登搭車去見佢~ 橫掂見佢同o係電話講~ 根本就一樣~ 無謂哂錢搭車去搵佢啦~ 我以後都唔會咁蠢o架啦~ 約好o左阿yan25號5點陪佢去做眼部激光手術~ 希望到時順順利利啦~ ^-^ 夜晚scan o左上次o係信和買o既jerry相落電腦~ 我用photoshop做o左幾個效果出黎~~ 哈哈~勁型仔呢~~ 利害呀~~!! |
|
今朝八點幾開始~ 就比阿媽嘈醒... 佢成日開d櫃門~ 又開櫃桶咁... 不過之後都係十點幾先正式起身~ 食完野~ 就開始睇返d"招職""recruit"同埋報紙咁... 搵工嘛... 睇完一輪...打o左第一個電話... 點知...當約好聽日幾點見工~ 留低o左個電話比佢之後~ 我就打電話比程程問下點樣去o個度啦~ 跟住程程話...好似係o係d邪惡野黎o架喎~ 我再上網check... 點知...真係似係d邪惡野~ 於是~ 我都冇打電話lu~ 諗住睇定d先... 下午~楊小姐又打黎~ 對上o個份30網點都唔得~ 煩到嘔電... 上次又話d網點要淺色d~ 今次又話要深d粗d~ 都痴線o架... 反而岩岩o個份就ok~ 真係煩~ 我話o左要收佢一千~ 佢就好似唔願意咁... 總之唔理佢~收硬佢一千~ 另外~ 我同佢講~ 印刷o個邊~ 我上次拎個稿比師父睇過~ 佢話d字變o左白色會好印好多~ 因為佢會先印深藍色~ 先印淺色上去~ 咁d字係淺色o架嘛~ 黃色,粉紅色同粉藍色~ 疊印落去深藍色度~ 會變哂色~ 咁樣會好唔起眼... 我就同佢講用白色好唔好~ 佢就同我講~ 點都唔會用白色字~冇人會用白色字~ 唔起眼~ 出面都冇人會用喎~ 咁我咪答返佢...咩冇呀~我見到喎~ 仲有白色襯落淺色就唔起眼o者~ 咁你話白襯黑~ 咁白色起唔起眼呀? 佢跟住冇聲出~ 我就再講~ 咁深藍色襯白色~都起眼啦~ 如果你照印黃色,粉紅色同粉藍色o個d~ 到時d字變o左色咪仲衰~ 同埋上次o個份我都有用白色字啦~ 你自己都話ok o架喎~ 咁講法~即係上一份都唔得啦~ 佢叫我等陣~ 拎返個稿出黎睇~ 佢就同我講~ 上一份做o左~咁冇辦法啦~ 之後話同印刷o個邊個師父講下先再覆我喎~ 哼~ 大陸人即係大陸人... d taste 都差d~ 我打o左份真係見得人o既resume出黎~ 哈哈~真係好啦~ 不過求職信就"蚊"水d~ 要再研究下先得~~ 電話隻貓貓~又反o左肚啦~ 程程都係冇緣睇到~ 因為聽日隻貓貓又要比賽~ 如果唔餵返飽佢~ 佢會輸o架~~v_v 昨晚~好彩冇等學校食慶功咋~ 因為聽阿傑講~ 成十一點幾先有得食~ 哈哈~ 我o地自己十點幾已經飲飽食醉啦~ 六點前~都係食o左三塊麵包~飲o左兩枝益力多~ 搞到勁肚餓呢~~ 程程話...我瘦o左d... 聽到真係開心啦~ ^-^ |
|
昨晚玩icq玩到點幾鐘~ 今朝終於都訓晏o左d~ 哈哈~ ... 程程話...佢昨晚真係好眼訓~ 差d仲撞車~ 真驚險呢~~ -_-" 佢條友仔...我今朝十點半打比佢~ 諗住叫佢起身過黎我度~ 點知我十一點打比佢~ 睇下佢出門口未~ 佢竟然呃我... 話o係toliet~ 我聽到咁靜...就知道佢唔係o係toliet啦~ 比我揭穿佢仲o係房... 哼~ 又比我話佢... 十二點左右~ 佢先黎到~ 樓下大塞車~ 真麻煩~ 總之一整路~ 變o左單線雙程行車... 就會搞到大塞車... 佢帶返最尾o個兩集流星花園比我... o係度聽歌...一邊等我執返d眼耳口鼻~ 一點左右我o地就搭van仔去銅鑼灣lu~ 食完麵之後~就去皇室堡... 諗住睇"我左眼見到鬼"~ 不過諗下諗下...星期二三程程都放假~ 都係唔睇住lu~ 行o左陣hmv~ 行埋宜家~ 就去sogo啦... 買o左條魚仔夾餅食~ 又買o左罐7up汽水~ 哈哈~ 因為有f4 o既肖像印o係個罐度嘛~ ^-^ 之後~ 上o左去上面~ 諗住揀生日禮品比佢daddy生日~ 咁先頭係諗住買osim o個部腳底按摩機o既~ 不過...宜家資金有限... 所以轉移目標~ o係marlboro 揀o左件衫~ 都幾貴下...不過質地幾好就真o既~ 見到levis有7折... 都心郁郁想買... 程程都話買比我~ 但我覺得...都唔係咁需要~ 唔買唔會死~ 於是都放棄o左... 去time square~ 買o左杯雪糕食~ 總之就抵食啦~ o個個人勁塞d雪糕落個雪糕筒度... 哈哈~ 行o左一個圈...就走lu~ 搭地鐵去灣仔... 唉...睇書展...可以用未見官先打三十大板黎形容~ 又或者係貼錢買難受黎形容~ 兜o左一個超級大o既圈...先去到會展... 多人多到幾緊要呀~ -_-" 變態o架~~ 未行書展已經雙腳發軟... 又身水身汗咁...>_<" 去到買o左飛...就帶程程上去睇大一個展先~ 我帶o左部dv去拍... 拍到我手都軟埋~...v-v 行完...就落返去睇書展... 其實...都冇咩睇書~ 最主要係去睇下有冇f4 d野買~ 哈哈~買o左個f4月曆~ 本來買埋poster o既~ 後尾都係諗過自己唔會貼... 所以都係冇買到~ 買o左兩個冰袋~ 無聊到死~ 行到好累...坐o左o係會場側邊o既地下度~ 見到麥兜同麥嘜個攤位~ 勁多人~ 條毛巾啦~電話繩同埋個音樂座都好靚呀~ 不過亦都好貴呢~~ 書展咁多人~ 但都比我撞到阿輝同埋阿朱~ 世界真細小啦~~ 行到六點幾...程程就走lu~ 我就上返去大一展覽會場啦... 昨晚同阿yan傾開icq~ 25號佢就做激光手術~ 阿mon會陪佢去... 咁我話我到時都會去睇佢... 之後今日同apple講... 佢話不如等佢陪阿yan出去同埋返屋企~ 唔洗阿mon走黎走去... apple近d又方便d... 我就問啦...你唔洗返工咩~ 原來...apple昨日已經辭o左工~ 做得唔開心...-_-" 希望佢快d搵到第二份工啦~ 比學校呃o左~ 八點先清場~ 七點就叫我o地去~ 都唔知做咩... 搞到我o地幾悶呀~ 坐o左o係樓梯地下度~ 同jeffney傾o左陣計... 又同廖sir傾o左陣~ 廖sir問我o地有冇失望... 我就話冇...因為已經盡o左力~ 佢話我o地o既題材係一個問題囉~ 算啦...一切已經over~ 畢到業已經好好... 八點開始拆野~ 好快就搞掂~ 九點左右就搞掂~ 哈哈~ 上o個時都不知用o左幾耐時間~ 拆返就話咁快~ 嘻嘻~~ 學校話去銅鑼灣太湖食飯~ 係要我o地自己搭車去o架~ 咁我o地就搭的士去啦... 去到...都係九點半~ 點知...要十點先上得去... 我o地費事等...而且又三唔識七~ 同人搭"台"好似好怪咁... 咁我o地就自己去o左食越南野啦~ 一入去...見到茵茵~ 好耐冇見佢啦... 不過大家都認得對方... 即時say hi~ 後尾老遠咁...佢up o左佢個電話比我聽~ 叫我遲d搵佢... 佢都冇咩野變~ 只係見到佢食煙...以前就唔覺佢食煙囉... 我o地食完都係十點幾~~ 學校o個度~分分鐘宜家先開始有得食~ 我o地食完...傾o左陣計就走lu~ 食到好飽~ d牛油雞翼好味道呢~ ^-^ 去返平時恆生前面等車啦~ 點知個站冇o左~ 搬o左去三越門口~ 上到車~打比程程~ 岩岩傾完...部電話就冇電lu~ 返到屋企~搞掂好哂~ 同程程傾o左一陣~ 佢就訓覺lu~ 聽日佢要六點半起身丫嘛~~ =.= 繼超超之後~ 今日再放埋"程程"入袋~ 哈哈~ 縮埋一舊咁~ 好鬼搞笑呢~ |
|
昨晚同老豆阿媽阿哥傾到成十二點~ 跟住再同程程傾到點幾... 唉...根本冇覺好訓... 訓下醒下...訓下醒下~ 發生d咁o既事...點會訓得著丫~ 而且~我聽朝要七點左右起身~ 怕自己唔知醒~ 就更加唔比自己訓得咁"淋"~ -_-" 未夠九點...已經去到會展... 基本上都冇咩野做...只係行行企企~ 唉...又悶又累... 最慘係冇得座... um...其實都唔係冇得座o既~ 不過座o係度好似好怪咁... 做到偷懶咁... 阿yan十二點幾黎o左~ 過o左一陣~就放我o地自己去食野~ 得半粒鐘咁大把~ 我o地唯有去ok便利店買野食啦~ 好邪惡地...買o左個辣肉腸熱狗... 辣到我死死下... 因為我不嬲唔係咁鐘意落醬o個d野~ 咁諗住買個辣辣o地...等個熱狗冇咁淡味~ 就係咁...辣到我猛咁咳...流哂眼水咁... too bad~ 到三點...終於都走得~ 我就即刻返屋企訓覺lu~ 我完全feel到自己極之唔精神~ 個樣勁殘... 化o左妝都好似冇化咁... 仲feel到自己好似發燒咁tim~ 個展覽比我想像中多人黎睇~ 係好事黎o既~~ 不過o係d人背後聽到... 話...都冇咩3d野o既~ 我個心就諗...大一冇教3d係一個point~ 同埋我o地係讀graphic又係另一個point~ 阿哥打黎...問其餘d流星花園o係邊~ 咁我就話o係阿程度~ 我話聽日可以拎返番黎比佢~ 咁我又諗...聽日等我返黎... 阿哥分分鐘都走o左~ 結果~程程就話今晚做野o個陣~ 黎我屋企樓下...放d碟入信箱喎~ daddy mummy似乎冇咩野... 咁都安心d... 不過...要程程再面對佢o地呢一關~ 對佢黎講~絕對係一個考驗~~ 我今晚將超超封o左程程帶比我o既dhl膠袋~ 唉...超超~你要忍耐下呀~ 因為遲d要整返滴水o個度~ 裝修會好dirty~ 如果整dirty o左你~ 我帶你去沖涼o既話... 會好貴o既呢... 所以你暫時乖乖o地留o係個膠袋入面啦... 言承旭張poster我己經貼o左落度門度~ 哈哈~ 我都覺得自己有少少幼稚呢~ |
|
今日...可能又係我人生中... 第二件最嚴重o既事發生~ 講到談婚論嫁... 唔係冇諗過... 只係太突然... 呢一切更加唔係我控制範圍之內... 而且...破壞o左一d原本諗好o左o既計劃... 唉...實在心亂如麻呢...-_-" 今朝一早六點三起身~ 七點四五先出門口... 去到都係七點九... 等o左好耐...先開始幫手做野~ 我o地負責o個兩行板... 竟然其他人set起哂d板~ 我o地o個d都未送到黎~ 激氣呀~ 點幾鐘~就有飯食lu~ 到三點幾...終於都搞掂好... 不過呢...之後就又悶又累... 隻腳好似唔係自己o既咁... 座o左一陣~ 同jeffent傾o左陣計... 又明白o左一d野... 要反思自己係咪適合呢行... 自己有d咩條件要人o地請你... 周圍睇人o地d作品~ 的確係利害~ 自己o個d顯得好遜色...v_v 佔o左4塊版...都算係好啦... 五點幾...清場出番去等開幕... 點知等到差唔多七點先正式開始~ 3金7銀o既獎... 廖sir拎o左2金5銀~ 吐氣揚眉~ 仲以為佢食白果tim~~ 景麟o個組真係拎o左金獎... 不過各花入各眼... 靚唔靚...係觀點與角度o者... 睇完邊d拎獎...就拿拿臨走去搭地鐵... 點知因為書展o既關係~ 搞到要兜好大個圈先行到去地鐵站... 去到旺角...程程仲未黎~ 麻煩... 打電話比佢又聽唔到... 都唔知係咪聾o架~ 去o左餐廳食飯... 好飽飽呢~ 程程比o左qoo我~ 好靚靚呢... 之後去o左信和...諗住買言承旭o既相~ 哈哈~ 只係花o左十七蚊~ 就買o左兩張我覺得好正o既相同埋一張poster~ 真係開心啦~~ ^-^ 返到屋企...唉... 一入房...見到"台"面d野~ 就知出事... 跟住發生咩事情...都冇謂講... 總之...阿哥o既說話救o左我... 而事情都似乎告一段落... |
|
昨晚十二點就訓lu~ 程程都冇咩同我傾電話~ 因為佢要睇流星花園嘛~ 如果唔係~趕唔切星期五還返比我~~ 今朝一早睇報紙... 見到好大版qoo o既廣告~ 即刻打比程程啦~ 點知...佢已經換哂四隻... 成12枝qoo~ 佢話放o係locker... 每日lunch time o個時就飲一枝喎~ 哈哈~ 呢個方法真不錯呢~ 同埋~ 我好鬼死開心~...^0^ 好想快d見到qoo面紅個樣呢~~ 唉...今天可真忙呢...-_-" 一早八點幾起身~ 食完野...跟住同媽咪等銀行開門~ 諗住買本票黎認購股票~ 點知...我冇帶紅簿仔~ 以為用卡都可以~ 去o左屋企附近o個間東亞~中銀同恆生都唔得~ 於是死死氣返屋企拎簿仔... 填認購股票張form~ 有一項要填職業~ 咁我宜家係待業中... 我唔知待業o既英文係乜~ 咁我就去問下銀行o個d人啦~ 點知...好耐好耐之後先問到... 唉...原來o係銀行做o個d人都唔係好勁o既o者~ 搞掂好哂~ 都九點半~... 我就落去上環間藍十字保險公司啦... 上到去~ 客戶服務部d人都幾好~ 好快教我填好哂~ 幫我"吸埋印"~開埋file咁... 之後就走得lu~ o係上環地鐵站搭去鑽石山~ 拎完菲林~ 打比程程啦~ 睇下佢可唔可以黎接我去葵涌... 等o左佢一陣~ 佢後尾話有兩個人一齊做野~ 所以唔黎得~ 哼~即刻比我cut佢線~~~~~~ 咁我唯有死死氣搭地鐵去葵芳啦... 去到...再轉巴士去葵涌~ 落住雨...煩到死... 上到去...楊小姐睇o左一陣~ 大約都confirm o左第二份稿... 但點都要等個枕頭d網點出o左之後... 先會出埋其他菲林... 楊小姐唔得閒同我一齊上去做膠版同印刷廠o個度~ 叫我自己一個人去.... 唉...當我係工人咩... d工廠大廈o既lift好煩o架~ 等十年先會有lift到... 仲要係舊式o個d...自己開閘開門o個d~ 我幾驚我唔識開呀... 好彩跟住有人入黎o者~ 去完...打電話比楊小姐交代返一聲... 我就搭返巴士去葵芳地鐵站...再去天后... 唉...搭咁多次車~ 車費好貴呢...-_-" 去到學校拎完d邀請卡物體~ 今年呢張...做到一個企"台"式o既pop咁... 的確比上年o個張好dd~ 但係...好dd...又唔代表佢係做得好... 我同jovi爸b o既見解一樣...都覺得普通o左d~ 唔洗問阿貴...九成都係何漢聯做o架啦~ 行返出去搭"叮叮"去銅鑼灣... 太累啦...實在唔想行呢... o係學校附近間vcd店... 入面有好多劇集賣... 價錢唔係好貴...一百蚊至百幾蚊一套左右~ 擺明係老翻啦~ 不過都唔緊要~ 最緊要係睇到o既o者~ 去銅鑼灣一期間regene專門店買野... 即係張柏芝做代言人o個隻牌子呢... 買o左成七百幾蚊... 女人錢...果然係易賺~~哈哈~ 終於...都忙完...可以返屋企lu~ 三點幾返到去... 睇返昨日錄o既ally~ 跟住就沖o左個靚涼~ 咁當然順便試下買返黎o既新產品啦~ o個枝速感白滑潔面o者喱... 又真係幾正咁喎~ 不過我仍然都係最愛佢o既清爽潔面液... 平時買...要二百幾蚊枝~ 但係我今次買o左幾樣野... 可以以99蚊o既價錢就可以買到... 實在太抵啦~~ ^-^ 今朝出o左門口... 我諗起我上次張菲林...除o左個枕頭之外~ 仲有個標誌要改大d字~ 但上次因為個枕頭唔ok~ 咁我就連埋個標誌一齊拎走o左~ 其實個標誌根本冇問題~ 唉...咁我又唔想行多次特登拎張咁細o既菲林去葵涌~ 我唯有返到屋企... 整o左個超硬加o左cardboard o既信封... 將張菲林放入去...寄比楊小姐呢... "你不用等到遇上才知道 愛總是與你相隨 你不用等到碰上才能感受到 愛時時刻刻與我們同在 沒有你愛就不存在 愛情總是與你相隨" 呢一段文字o係流星花園度出現過... 我覺得幾有意思咁... 係啦~ 個hp第7000個人... 可唔可以o係留言版留一留言比我呀~ 唔該哂~~ ^-^ |
|
我呢...覺得身體上可能又暗藏一d病... 不過咩病都好...都唔係好野啦... 又或是可能我諗得太多o掛~ 我近來成日都手痺腳痺咁... 明明都冇"澤"住... 點會冇啦啦成日都"痺"先得o架~ 我個心諗...會唔會係血氣運行得唔好呢~?! 於是即刻拎d白鳳丸黎食... 希望唔會係d咩病啦... |
|
~我要的愛~ 雖然經常夢見妳 還是毫無頭緒 外面正在下著雨 今天是星期幾 But I don`t know 你去那裡 雖然不曾懷疑你 還是忐忑不定 誰是你的那個唯一 原諒我懷疑自己 我明白 我要的愛 會把我寵壞 像一個小孩 只懂在你懷裡壞 你要的愛 不只是依賴 要像個大男孩 風吹又日曬 生活自由自在 ~-----------------------------------------~ 呢一首係流星花園片尾o既歌~ 我覺得幾好聽~ 好聽過片頭o個首庾澄慶唱o既"情非得以"~ 但程程偏偏就好鐘意~ 係咁成日聽... 最慘係...佢唱埋一份o個下慘嘛~ 佢宜家仲話...想去搵呢首歌o既電話鈴聲~ 真係比佢激死~ |
|
昨晚jovi爸b講起畢業展d野~ 即刻拎返學校寄o既信黎睇~ 哈哈~ 每人分配三張o既postcard... 我都未返學校拎tim~ 或者聽日啦~ 聽日做好哂野我就返學校拎~~ 昨晚~ 程程返到屋企~ 打電話黎同我傾o左幾句~ 佢就開始睇流星花園~ 我話只准佢睇兩集... 因為怕佢唔夠訓嘛... 佢今朝好乖咁話返比我聽~ 佢真係睇o左兩集... 算佢啦~~ 經呢幾日...不停重覆咁睇"流星花園"~ 搞到我成個腦都差唔多係言承旭咁滯~ 仲傻到做返小學o個時d白痴野... 就係猛搵"言承旭"o既野黎睇~ 唉....真係好耐冇試過咁lu~~~ 我諗我已經睇o左個結局有成七八次左右啦~ 哈哈~ 昨晚十二點左右訓~ 九點幾比人嘈醒~ 十點幾先正式起身~ 睇返昨日錄o既ally~ 一邊踩腳踏機...一邊睇... 踩o左千五下左右啦~ 都係比預期中少o左... 到十二點幾~ 我就o係度睇言承旭d野~ 跟住點幾鐘好眼訓~ 我就去o左訓覺... 因為我聽朝要早起~ 後日又係... 怕自己唔夠訓嘛... 三點幾...老豆打上黎~ 話有人上黎睇個天花... 咁我就起身開門比o個d人入黎睇啦~ 睇完~ 我就去o左沖涼... 跟住好有心機咁吹頭~嘻嘻~~ ^-^ 聽日開始有得換qoo啦~ 哈哈~好開心~想快d得到呢~~~ 到時就可以同發聲酷兒放埋一齊啦~ ^0^ qoo~~ 我今晚應該要做多個顏色出黎比楊小姐睇~ 費事要佢靠想像啦... 我真係好想搞掂好哂... 唔洗受佢煎熬呢~~v_v 今晚~老豆拎o左保險野上黎叫我幫佢填~ 唉~~真係最怕填呢d野~ 因為唔明d英文"up"乜嘛~~哈哈~ scan o左~send埋比阿哥睇... 阿哥都唔係好明... 始終保險涉及法律o個d用詞~ 唉...老豆叫我聽朝去一去間保險公司喎~ 等o個度d人教我填... 咁即係話...我聽日有十萬樣野做啦~ v_v 因為老豆阿媽又要我去申請中銀d股票~ 宜家又要去保險公司~ 跟住我要去新浦崗拎菲林~ 再去葵涌... 之後再去天后學校拎postcard~ 再去銅鑼灣買野... 真係東南西北都去暈呢~~~ 六點...有人黎睇樓... 真係搞笑~ 我諗我daddy mummy見間屋開始舊... 宜家仲搞單咁o既野... 賣o左...搬去附近... 不過...賣先算啦... 但係...我相信如果真係搬o既話... 間屋唔會有宜家呢間咁大~ 個廳會細d~ d房又會細d~ 間房可能只係得一個廁所咁... 其實...如果有一個新環境~ 都幾好丫... 只要有屬於自已o既房...就已經好滿足呢~ ^-^ |
|
昨晚~ 我send o左個ending流星花園個結局比程程~ 成300 mb o架~ 好利害呀... send o左成個幾鐘... 佢睇埋...先訓... 我send完比佢就訓lu~ 今朝起o左身~ 其實都係睇返昨晚錄o既ally~ 之後都冇咩野做~ 到十二點幾一點... 程程就上黎拎4-7集o既流星花園~ 我o地一手交一手~ 我比碟佢~ 佢比返幫我錄o既ally同埋佢幫公司內部拍o個盒帶我~ 跟住佢就走lu~ 我即刻開黎睇~.... 嚇到我拎住個搖控都跌o左落地... 佢真係假得好離譜~ 背書黎形容...都已經係比面佢lu~~ 我諗可以用一d更差o既形容詞黎形容~ 但係我真係諗唔到呢~~~ -_-" 到兩點左右~ 媽咪無啦啦同埋佢d朋友返黎打麻雀~ 咁我就打電話比程程啦... 諗住話今晚出黎食飯... 食完飯可以去食"幻彩明珠"tim~ 點知...打極都打唔通~ call佢call機~ 又冇覆我... 激到我死~~~ 最憎搵佢唔到o架啦~ 過o左一陣~我終於打得通佢o既電話~ 個後果...係可想而知啦... 緊係比我鬧到佢變"七彩明豬"啦~ 哼~~ 到三點左右~ 佢打電話比我~ 話佢宜家已經收o左工~ o係黃金幫佢細佬睇緊架機d野~ 於是我就開始準備去佢屋企... 佢睇完...買埋幻彩明珠比我食啦~ 四點左右我出門口~ 天陰落雨~ 不過只係毛毛雨o者~ 今次終於都落o左去買芒果... 買o左三個...本來要60蚊o架~ 我唔習慣講價嘛... 點知佢自動話收我50蚊~ 哈哈~其實收我50蚊...都係貴o架~ 因為我知我媽咪幫佢買開... 有時都只係收我媽咪6-8蚊一個左右咋~ 哈哈~我又o係度做"婆仔"tim~~ 買完...搭車~ 好快就有車黎~ 五點去到程程屋企~ 佢都係岩岩好沖完涼... 一邊食"幻彩明珠"~ 一邊睇"咕嚕咕嚕魔法陣"o既錄影帶~ 又真係好好味呢~~ ^-^ 睇完一集~ 就開始睇流星花園lu~ 程程家姐今日放假~ 於是... 我啦~程程啦~佢媽咪啦~佢家姐一齊o係廳睇啦~ 由五點...睇到十點... 其間都冇間斷過... 坐到好累呢... 食飯...好飽呢~ 可能我食多o左野啦~ 我成日...只係食過塊麵包~ 飲o左d野~ 同埋碗"幻彩明珠"~ 到七點幾...我已經餓到個腦有d飄飄下咁lu~ 所以夜晚食多d都無可厚非o既~ 十一點左右返到屋企~ 佢o地已經訓哂lu~ 程程入黎拎埋8-15集返屋企睇~ 我叫o左佢星期五要比返我o架~ 費事阿哥返到黎冇得睇嘛~~~ 程程同我講~佢今日差d撞o左落度閘度~ 因為未正式夠鐘開門~ 佢就會落半閘~ 點知佢出完去...諗住返入去o個時~ 唔記得o左...又唔帶眼行路~ 差d撞o左埋去~ 好彩o既係...佢gel到個頭好"行"~ 撞到d頭髮...佢先有知覺去望下度閘~ 真係白癡呢~~ |
|
程程返夜o個晚~ 同瘦joe一齊去食糖水~ 叫"幻彩明珠"~.... 有生果...有珍珠奶茶o個d珍珠咁... 講到好似好好食咁~ 下次一定要去試下先~~ ^-^ 昨晚...返到屋企~ 老豆阿媽同緊三舅父舅母打緊麻雀~ 沖完涼出黎~我就開始睇第四集流星花園~ 睇到咁上下~ 佢o地打完麻雀~ 咁老豆就同我講~ 究竟佢o地係想同我講咩... 原來...只係好小事... 我真係諗得太多lu~~ 程程知道o左之後~ 都安心d~ 仲搵o左流星花園o個首情非得以比我tim~~ 睇到點幾鐘~ 睇到第九集... 頂唔順...走o左去訓覺~ 點知上到床~又訓唔著... 因為心癢癢~好想知道跟住會點發展嘛~ 今朝九點幾...比阿媽嘈醒~ 唉...發生o左件大穫事~ 我媽咪老豆間房同廁所天花漏水~ 係咁滴水落黎~ 真係麻煩~ 以前都試過o架啦~ 整返之後~ 都冇再漏水o既跡象~ 只係有裂痕... 點知...都係舊病復發...v_v 樓上好麻煩o架~ 係教會買落黎比牧師o個d人做宿舍~ 宜家暫時冇人住... 要聯絡個業主幫我o地整返都幾煩~~ 唉...總之...就係煩啦~ 我最怕屋企裝修o架啦~-_-" 既然都嘈醒o左~ 我就起身繼續睇我o既流星花園~ 我終於都明白咩叫廢寢忘餐啦~ 起身o個時...只係飲o左包麥精~ 到下午~ 口痕...都只係食o左個豆腐花~ 直到四點幾五點... 先開始覺得肚餓~ 咁就搵o左一塊麵包黎食啦~~ 其實~今日都幾黑~ 樓上漏水~ 管理處本來係想關o左樓上o既水喉~ 點知...關錯o左~ 關o左我o地o個個~ 咁我沖涼之前都幾乎冇開過水喉... 唔知冇水~ 到我沖沖下涼~ 噫...死火~ d水點解會越黎越細o架~ 唉...冇水...咁邪~~ 搞到我身上仲有少少泡泡~ too bad~~ v_v 好彩之後好快開返水掣... 我先沖返走d泡泡咋~ 夠哂狼狽~~ 五點幾六點...終於都睇哂~ 其實~ 我只係好粗略咁睇~ 因為我明知自己會陪程程再睇~ 所以~ 我好多都飛o左~ 只係睇哂d重點... 哈哈~先頭覺得言承旭成個基佬咁... 睇完之後~有另一番感覺~ 佢其實都幾好丫~~ 哈哈~~~ ^-^ 楊小姐下午打過黎~ 問我d菲林幾時出到比佢~ 我話我都唔知~ 因為新世紀o個邊都仲未打電話比我~ 我諗...我聽日都要打去問下先~ 唉...滴水o既地方~ 岩岩係我老豆阿媽張床上面~ 佢o地張床要搬過d今晚先可以訓~ 咁我就幫手搬啦~ 我搬o個時~其中一隻拍甲反o左一下... 痛到我死呢~~v_v 同埋~佢o地將間房d野~ 大部分都搬哂去阿哥間房~ 搞到我今晚冇得過去阿哥o個邊訓tim~~ 星期一~ 係最忙o既一日~ 太多電視要睇啦~ 無線9:15做洛神~ 國際台10:00 ally mcbeal 亞視10:30 重播舊ally mcbeal~ 唉~錄影機就得一部~ 我得一對眼... 點睇...都差一部~ 希望d時間夾得岩~ 程程可以幫到我錄一套~ 咁我就唔洗咁煩lu~~ 今日我只係踩o左二百下腳踏機~ 唔係咁舒服~所以先冇踩咁多~ 我唔係冇恆心o架~~ v_v 阿姨下午打黎~ 問我有冇家政d舊書~ 嘩~都咁多年~ 邊會仲有呀... 就算有~ 都唔岩用啦... 宜家d書係咁改版... 但係呢~ 我就奇怪~ 原來宜家男仔都要讀家政~ 咁又幾好喎~ 哈哈~唔係一定要女仔煮野比男仔食o既~ 掉返轉都得o既o者~ |
|
今朝一早... 係咁喊... 原因係...昨日媽咪無啦啦同我講... 話有d野想講~ 跟住佢諗o左一陣~ 佢話...都係唔講啦~ 咁我當時踩緊腳踏機~ 所以都冇再理佢~ 唔講就算~ 到今朝~當我起身沖涼o個陣~ 我突然諗起我媽咪同我講o個d野~ 於是~ 我就o係度諗...究竟佢想講d咩呢~?! 唉...可能係嚴重o既事都未定~ 如果唔係~ 都唔會欲言又止啦~ 最後...我決定打電話比媽咪~ 問清楚佢想同我講d乜~ 點知佢同老豆o係火車~正在去緊深圳~ 又唔肯講~ 話返黎先講~ 就係咁...比o左個空間我胡亂猜測... 我估到佢o地想講一樣野~ 咁我就打電話同程程講~ 講講下...仲開始喊~ 喊到收唔到聲~ 之後~去o左洗個面~ 冷靜番落黎~ 搞掂好哂~換好哂衫~ 阿哥o係度睇緊流星花園~ 我決定同佢傾下... 明白o左一樣野... 唉...可能係我諗多o左野... 拎埋1-3集o既流星花園同埋隻cd~ 就過去程程屋企lu~~ 昨晚十二點左右就訓lu~ 程程返夜丫嘛~ 同埋運動量多o左~ 覺得好累咁... 實在好需要休息呢... 今次我唔係搭van仔去金鐘~ 係搭40m巴士~ 第一次搭巴士去金鐘~ 車費仲平o左tim~~ 橫掂都等唔到van仔~~ 搭車o既途中~ 覺得好肚餓~ 於是就叫程程落去樓下麥記食野啦~ 試o左個咖哩炸雞o既物體~ 可能係熱辣辣 & 肚餓o既關係~ 所以覺得特別好食~ 本來係諗住拎走返去程程屋企食o既~ 因為太多人~搵唔到位嘛~ 不過出黎o個陣~ 咁岩搵到兩個位~ 所以食埋先走啦~~ ^-^ 之後~ 去o左惠康買豆腐花~ 係盧薈椰子豆腐花~ 昨晚食過番尋味~~ 嘻嘻~ 咁就買哂剩番o個四個返去啦~ o係d貨架度~ 見到有qoo o既廁紙卷套~ 好似好靚咁~ 不過...都係唔買lu~ 丫~ o係麥記o個陣~ 我o地隔離食開野o個對母女走o左之後~ 黎o左個阿婆~ 本來都冇咩野o既~ 因為我有我食野~ 理人o地咁多做咩丫~ 但係...程程突然呆o左~ 仲做o左個抹汗o既手勢... 咁我就朝佢望緊o既方向望啦~ ......唔怪得之佢滴汗啦... 個阿婆"mook"o左佢對假牙出黎抹呀~~ 真係嚇到我都做o左個抹汗o既手勢~ 真係搞笑~ 返到程程屋企~ 佢細佬已經起o左身~ 用緊程程o既空間部電腦玩緊online game~ 即係...我o地唔可以o係入面睇vcd~ 要o係廳睇啦~ 唉...話哂係流星花園係愛情片~ o係廳睇~ 簡直係大煞風景啦... 要同埋佢daddy mummy一齊睇~~ v_v"~ 三集...好快就睇哂lu~~ 真係好想知道跟住會發生d咩~ 搞到心癢癢... 我都話好d...返到屋企可以睇~ 但程程冇丫嘛~~哈哈~~~~~ 睇完...我o地出o左去~ 諗住搭車去黃埔... 等o左好耐van仔~ 個個都企哂o係d遮蔭o既地方等車~ 但程程就特登企出去曬住等... 知唔知點解佢咁做丫~ 因為企o係度遮蔭o既人~ 都唔係排成一條龍~ 即係話...有車黎~就睇下邊個爭得到上車... 咁程程直頭企o係個車站度~ 照理上...佢排緊隊...一條正式o既隊~ 正常黎計...程程係最有權o係有車黎o既時候~ 第一個人上車~ 點知...一有van仔黎~ 個師奶就即刻衝出黎~上o左車~ 唉...too bad~ 曬咁耐...為咩o者~ 都唔夠個師奶鬥~ 哼~太可惡啦~~~ 過o左一陣~有架巴士黎~ 就我o地就轉搭巴士啦~~ 嘩~成個人真係濕哂o架~ 個太陽曬成咁...c_c 最衰我連把膠扇都冇帶~ 但不幸中之幸...係有帶大口仔電動風扇~ 雖然d風係弱d~ 好過冇啦~ 落o左車~去到商場入面~ 我想去toliet~ 點知係要鎖匙o架~ 我行緊入去o個陣~ 有個迎面而來.. 著住某間舖頭制服o既女仔問我係咪想去toliet~ 我話係...咁佢就同我一齊行去toliet開門比我~ 佢真係好好人呀~^-^ 我都好有禮貌咁唔該佢... 去冒險樂園換o左50蚊黎玩~~ 勁多人... 有兩個小朋友何其頑劣~ 竟然o係度玩緊部壞o左o既掟波波機~ 仲"捐"黎"捐"去~ 捐去隔離部冇壞o既機度拎走d波波去部壞機度掟~ 另外~ 仲做o左個好高難度o既動作~ 就係將個人"捐"o左落部機出波個空位度~ 成個人摺埋o左咁... 真係嚇死人~ 邊有咁曳o既小朋友o架~ 咁因為我想玩... 但一部壞o左~一部又唔夠波~ 玩鬼咩~ 咁我就去搵工作人員投訴啦~ 不過最後~我都係冇玩到o個部機~~ 其中有一個...仲去第二d機度~ 睇睇下人o地玩~ 就直頭伸手去搶人o地d波幫人玩~ 咁唔見佢d屋企人同佢一齊~ 我同程程就諗...佢o既父母咁冇家教o架~ 終於~都見到佢阿媽係點... 唉~~原來係有其母必有其子o個隻~ 都係一樣咁衰.... 玩完~ 去o左吉之島~ 買o左兩杯益力多冰沙飲~ 酸就唔係好酸...係凍得滯o者~ 飲到上哂腦~ 搞到個腦又凍又痛~ 宜家搞緊d唔知咩咩美食節~ 所以好多野都有得試食~ 我o地買o左d薯仔食物即刻食~ 又買o左薯仔芝士波返程程屋企做"食送"咁~ 行到六點幾...行到好累~ 我o地都返屋企lu~ 過o左冇幾耐就食晚飯~ d薯仔芝士波...食到我有d"漏"~ 食o左兩舊就冇食lu~ 程程都一樣覺得好"漏"呢~~ 食完飯~睇報誌~ 睇睇下~程程家姐拎o左本東touch出黎比我o地睇~ qoo十八號o係ok便利店會出星座版qoo~ 會面紅o架~ 實在太得意啦~ 不過唔係好大隻~ 手掌咁大隻左右~ 要買三枝細qoo~加十二蚊先有一隻~ 一個星期有三隻可以換~ 計佢8蚊枝qoo~ 8x3=24 +12=36 要成36蚊隻... 如果儲齊12星座...都幾係貴下~~ 但係...點都要買雙魚座同白羊座~ 但但係...咁如果有齊哂就最好啦~哈哈~~ 睇電視...睇到九點半~ 食埋豆腐花就走lu~~~ 下午~ 我o地睇到d小朋友o既書包~ 其中一個係little twins star粉紅色書包~ 咁我就叫程程咩比我睇~ 咁佢當然唔肯啦...咁大個粉紅色書包~ 仲要咁多人... 佢點會肯咩丫~ 哈哈~不過我死都要佢咩~ 佢最終都咩比我睇~~ 勁邪惡~~ 咁點解佢肯咩呢~?! 哈哈~因為我用"流星花園"作籌碼~ 佢唔咩~我下次就唔帶其他o個d比佢睇~ 就係咁...佢咪妥協囉~ 嘻嘻~我係咪好衰呢~~?! 佢先頭好有骨氣咁講話正版tim~ 因為真係好好睇~ 佢好想快d知道跟住o既劇情係點~ 不過~ 都係比我講服佢~ 既然有碟o係度~ 洗咩買過一套呢... 睇遲d唔洗死o既~~~ 丫~宜家黃埔開o左間寵物店~ 個環境好好...空氣清新~ 好高級feel呢~~ 仲有好得意o既貓貓呢~~ ^-^ 我上次o係奧海城行街~ 睇中o左條裙~ 當時冇買到~ 宜家想買返... o個條裙~ 我覺得著去謝師宴會幾好~ 但係...搵唔番lu~~ -_-" 除非~我記錯o左個舖頭名啦... 今日~ 我竟然唔記得o左一件事~ 又會咁大頭蝦o既~~v_v 我唔記得睇程程拍o個d內部用o既影帶呀~~ 佢送完我返屋企~ 佢先提我~衰到死~~~>_<" 但我總有一日會睇到o既~~~~~~ |
|
昨晚...八點幾訓著o左~ 太累啦... 九點幾做洛神...我就醒啦~ 睇完~就同程程傾電話~ 都傾到十二點o架~ 今朝十點幾起o左身~ 睇o左陣ally~ 過o左冇幾耐... 都係落o左舖頭~ 唉~我都係口硬心軟o者~ 哈哈~ 不過今次有d收穫~ 做o左少少生意~ 老豆比o左二百蚊我~ 五點幾~ 我就返屋企lu~ 一邊睇"流星花園"~ 一邊踩腳踏機~ 踏o左千六下左右~ 因為我有d唔舒服~ 同埋由舖頭行返上屋企~ 都行o左條好斜o既斜路~ 所以唔夠二千下... 都放自己一條生路~ 今朝程程起o左身~ 幫佢細佬去旺角拎返部ps2~ 再拎去九龍城整~ 昨日明明問好九龍城o個度有得整o架啦嘛~ 點知...去到...都係冇o個隻"頭"~ 部機改過黎~個"頭"所以有d唔同~ 未有現貨...咁就整唔到lu~ too bad~ 又要過一兩日先再拎去第二度整~ 好彩佢細佬玩緊online game o者~ 如果唔係...有排嘈~ 仲分分鐘叫程程買過部新o既比佢都似~ 天氣咁熱... 真係唔願出街~ 聽日如無意外~都會o係程程屋企睇流星花園~ 哈哈~同埋無事出街少破財嘛~~ 今日落舖頭之前~ 去o左銀行入錢~ 冇咩人...真係好啦~ 今日~ 我學識o左點樣燒d mp3可以o係一般o既唱機聽到~ 都係多得楠楠教我~ 如果唔係~我都唔知easy cd creator有咁o既功能tim~~ |
|
電話隻貓貓又係得第三名~ 不過今次升級似乎冇咩改變~ 同之前一模一樣~ 但過o左冇幾耐~ 佢肚餓得滯~ 反o左肚... 見到佢原來係有一條好長o既尾o架~ 哈哈~ 原來o係d唔正常o既情況下... 會見到佢其他o既面目~ 咁係咪即係我要虐待下佢呢~ 哈哈~~~~~~ |
|
~I'm Sorry~ I always think that I know everything But you insist I know nothing I always fight to have the very last word But your thoughts were never heard I'm sorry, so sorry Didn't mean to hurt you I'll borrow your sorrow Don't tell me it's though I wish I could take back some things I said I wish I could make things better I wish I could take back some things I did Everyday I'm feeling sadder I'm sorry, so sorry Didn't mean to hurt you I'll borrow your sorrow It's my turn now to cry Never fear I'll be here Say a prayer We can take on hands of time And I, I know we can make it If we just stay together And trust each other on this one I'm sorry, so sorry Didn't mean to hurt you I'll borrow your sorrow Don't tell me it's through, don't tell me it's through Said I'm sorry, so sorry I've never meant to, never meant to hurt you I'll borrow, I will borrow your sorrow It's my turn now to cry |
|
昨晚...比一個消息嚇到有d驚... 原來...西亞斯真係有人買o架~ 呢個人...就係程程個老豆啦~ 佢買o左d西亞斯"番簡"返黎... 真係嚇一嚇...-_-" 真係夠哂搞笑... 不過程程話d味道幾香o架喎~~ 下次去佢屋企試下先~~ 跟住...又比另一樣野嚇親~ 就係e-bay o個度要收charges~~ e-bay send o左個mail黎~ 話我張credit card唔得~ 咁我又煩o左一輪... 先update過張card o既資料~ 我諗應該冇問題啦o掛~~~ 又跟住...諗起周杰倫首新歌已經派o左上台~ 叫做"最後的戰役"~ 咁就dl啦... 先頭dl o左個得半首o既mp3~ 後尾先搵到全首o既版本~ um...首歌唔算好突出~ 都唔算係我鐘意聽佢唱o個d類型~ 我相信~佢隻碟入面~緊會有一首岩我心水o既~ ^_^ 昨晚~ 真係又驚又喜... 今日就正常中帶一點煩... 唉...昨晚訓o左上床~ 都係放心唔落張菲林... 怕今次又唔得~ 於是猛o係度諗下點樣可以double check~ 結果比我諗到... 但係唔好以為我有覺好訓~ 我就係因為要早過九點起身搞掂佢~ 所以我怕自己唔知醒~ 又訓得唔安心啦... 咁點解要九點前搞掂呢~? 因為我昨晚做好o左~係用ftp upload過去~ 照正常~佢應該未上去dl返個file落黎~ 佢話o左遲d先會做o架嘛~ 咁我怕佢今朝一早返黎就做~ 咁我就要拿拿臨check多次~ 如果有錯~就要即刻upload過d file啦~ check過...應該冇做錯~ 咁但係...又照正常我做o野o既方法~ 我點都會upload多次確保安全~ 點知...開ftp出黎~ 竟然connect唔到~v_v 唉...整o左幾次都唔得~ 唯有放棄啦~ 再上床繼續訓~ 不過我好清楚記得我係冇熄到部電腦o架~ 只係熄o左個mon~ 到我十點幾再起身~ 我見到部電腦熄o左~ 真係好奇....... 今朝起身~ 阿媽行入黎同我講佢煲湯~ 我唔記我點樣答返佢~ 總之~我答完佢~佢就話我態度差~ 仲好大聲咁講~ 又擺明係想比老豆聽到啦~ 結果~佢如願以償~ 老豆真係鬧我~ 哼~ 咁我真係覺得佢同我講話佢煲湯~ 真係好無聊丫嘛~ 佢昨晚已經講o左比我聽啦~ 又叫我吸塵... 唔通我仲出街咩~ 我覺得唔抵囉~ 我已經咁早起身~ 白痴都知我係有野做啦~ 仲話埋d無畏野...嫌我唔夠煩咩~~ 我真係差d想特登去街... 唔幫佢煲湯睇火呀!! 十點幾~起身食o左d腸粉同埋一件西餅~ 同自己講明~今日下午唔准再食野~ 廉政行動組...昨日大o左結局~ 我又錯過o左lu~ 宜家做"封神榜"~ 睇完...跟住就吸塵啦~ 吸完塵...就踩腳踏機~ 雖然分開o左幾次黎踩~ 但我都踩o左二千幾下o架~ 今日冇昨日咁辛苦~ 可能真係習慣o左~ 不過部機發出d "e e" 聲~ 我諗要搵d潤滑劑噴下d關節位先得啦~ 哈哈~ 但係我唔知邊枝係... 算啦~唔理住lu~ "e e"聲都照踩o架啦~ 另外~ 我第一次見到自己隻手臂出汗~ 好利害呀~ 一滴滴o係d皮膚表面上... 如果我真係持之以恆~ 我相信一定會有成績~~ ^0^ 阿哥icq話比我聽~ 佢買o左流星花園啦~~ 哈哈~ 正~ 今個星期日有得睇lu~~ ^-^ 好開心~~ 下午終於都睇到咕嚕咕嚕魔法陣~ 不過唔知係冇咁好睇~定係我覺得累~ 所以冇咩心機睇呢~~ |
|
唉...我真係唔明~ 點解做一份錢都幾乎冇得賺o既freelance~ 可以搞咁耐~ 上一次o個份野~ 佢話網點要80減30... 咁即係出50網點比佢啦... 咁我已經再extra出多張40網點比佢~ 以防萬一~ 點知...今日去完拎菲林比佢~ 又係唔得~ 上到去印刷o個個梁師父度~ 佢就話同楊小姐講...係出30網點... 唔係減30~ 楊小姐死都話聽到佢係講減30... 唉~ 口同鼻"咬"~ "哎"黎做咩丫~ 最後要做野o個個~ 咪又係我~!!! 麻煩~ 最慘係...佢叫我做咩~ 我就跟足佢o既吩咐黎做都唔ok~ 都唔知係佢o既錯定係我o既錯啦~ v_v 咁我因為費事行多次去出菲林~ ftp 又冇可能upload咁大o既file去新世紀~ 所以~我昨晚就燒埋今次呢一份o既資料落隻碟度~ 放低比佢啦~ 諗住今日佢睇完個稿...話ok~ 咁我就可以叫新世紀o個邊出菲林~ 點知...因為上次個枕頭o既網點問題~ 搞到今次o個張~佢話要出o左枕頭o個張網點... 先再出其他o個d喎~ 唉~搞到我幾唔好意思~ 因為我煩o左walter同范仔好耐~ 宜家只係出一張~ 其他遲d先出~ 人o地又唔係收我好多錢~ 但又要幫我搞咁耐~ 真係好過意唔去~~ v_v 十二點幾~ 楊小姐話一齊去食飯~ 我就話唔去~ 要趕住走~ 跟住~我就打比程程~ 睇下佢o係邊~ 黎唔黎得接我返去中環~ 哈哈~好好彩~佢有時間可以黎到車我~ 見佢唔會咁快到~ 咁我就去o左間茶餐廳買o左杯檸茶外賣啦~ 六蚊咋~幾平呀~ 等o左陣~ 佢就黎到lu~ 再耐d~變人乾都似~ 個太陽曬成咁~~x_x 佢話就黎黎到o個時~ 會打電話比我~ 唉~~ 我又聽唔到電話... 激氣... 我諗我就快頂唔順o架啦~ 音樂唔大聲~ 震機又唔夠震~ 聽電話人o地講野又聽唔到~細聲到死~ 係用handfree會好少少咋~~ v_v 如果唔係隻貓貓... 我對呢部電話~簡直全冇留戀之情~~ 好快~一點二、三左右~ 程程就車到我去中環~ 去到馬拉松... 媽咪又話一點三四就黎到~ 點知到點半先黎... 揀o左一陣~ 終於都買到對波鞋比老豆~ 宜家老豆同媽咪朝朝六點起身去跑步~ 跑o左兩個星期左右~ 阿媽話瘦o左幾磅喎~~ 之後去o左隔離大班換西餅食~ 跟住我就搭巴士返屋企lu~ o係架車度~ 聽到phantom of the opera同cats o既片段~ 原本坐o係車頭o既我~ 拿拿臨走去後面企o係度睇... 如果有機會o既話... 真係好想再睇一次the phantom of the opera呢~~ 今朝~ 我七點半比程程叫醒~ 八點幾已經搞掂~ 但又諗住唔好咁早去到... 怕未有菲林拎~ 諗住打比程程叫佢一齊食早餐啦~ 點知佢要做野~ v_v 食唔到早餐~ 咁我唯有"叮"返昨日其中一件pizza當早餐啦~ 食完~ 八點九左右出門口~ 成九點先等到架van仔落金鐘~ 搭東涌線o個時~ 見到個中學同學sara~ 不過同佢唔熟...費事叫佢啦~ 上個星期~聽到寶蓮寺o個度要起吊車o個d野~ 覺得好唔掂... 唔知邊個諗埋哂d咁o既野~ 好好地一個清靜地... 起埋吊車呢d野~ 不倫不類... 搞到成個海洋公園咁... 個問題只係隻海馬變o左大佛... 今日程程車我去中環o個時同我講... 話呃同講大話係唔同o架~ 咁究竟~係有d咩分別呢~? 我就諗唔到啦......... 程程拍公司內部用o個套短片~ 今日終於都有得睇啦~ 仲比返盒帶佢留念tim~ 程程話...四個人...最唔掂係佢... 其中有一個做到好逼真... 而佢就好假... 哈哈~我未睇過...比唔到意見~ 等我星期六/日睇o左先再定奪啦~ 哈哈~ 佢仲話掉o左盒帶...唔比我睇~ 又睇下佢敢唔敢~?!!! 返到屋企~ 食埋o個件剩返o既pizza~ 跟住都係開電腦~ 諗計仔~整番好枕頭o個d網點... 最後...都係決定重生再整~ 不過~ 我都係唔識點樣專色~ 睇書又冇教~ 搞o左好耐... 結果都係要搵范仔幫我~ 順便問消楚點整~ 車~原來係轉grayscale就得~ 等我仲諗得咁複雜tim~ 用ftp upload o左過去~ 范仔話部機未得閒做住~ 我就話唔緊要... 楊小姐拖我時間~我都照樣拖返佢d時間~ 叫佢慢慢做都得~ 仲交代埋另一張菲林點出~ 希望今次會順利啦~~ 四點幾...我一邊睇ally~ 一邊踩腳踏機~ 踩足半個鐘~ 踩o左成千八下左右~ 好累呢~ 隻腳好累好累~ 條衫濕哂~ 休息o左陣先去沖涼~ 沖完涼出黎成個人舒服哂~ ^_^ 食飯之前~ 老豆走入黎我間房~ 問我今晚食唔食燕窩喎~ 咁岩我部電話放o左o係當眼地方~ 我費事即刻拎開仲礙眼啦~ 所以以不變應萬變... 佢果然睇唔到部電話~ 真好彩~ ^-^ 下午因為我要重部整過張枕頭~ 但電腦入面個張相o既file唔見o左~ 咁我就要周圍搵返原本o個張相~ 搵到反轉o左間房咁滯~ 終於都比我搵到... 唉...不過...後尾仲慘~ 要執返d野~ 真係比死更難受呢~~ v_v 今晚真係好累好累~ 我諗要早d休息先得啦~ |
|
今日係十號... 明知係十號... 我都唔記得o左錄咕嚕咕嚕魔法陣II~ 激死我啦~~ V_V 今朝九點幾醒o左~ 第一時間就打比程程~ 佢條友竟然未起身~ 但好可惜~佢家姐已經比佢快一步~ 入o左廁所洗頭~ 搞到佢十點三左右先出得門口~ 佢十一點幾先黎到... 原因係大塞車~ 哼~又比我鬧~ 昨晚心血來潮想食pizza~ 咁我十一點o個時就打電話去pizza叫佢送上黎~ 程程黎到冇幾耐~ d pizza o個d野就送到黎lu~~ ^_^ 程程上黎之前~ 諗住去我樓下間屈臣氏買o個部腳踏機比我~ 前日去睇已經係剩番最後一架~ 我仲以為呢d野冇咩人會買~ 過一兩日都唔怕tim~ 點知...唉... 真係比人買o左~ too bad~~ -_-" 個pizza套餐...實在太多野啦~ 剩返兩舊pizza點食都再食唔落... 於是就用保鮮紙包住... 放入雪櫃留番我聽日食啦~ 食完野~ 點鬆d~ 我o地就搭van仔去中環~ 再搭東涌線去奧海城睇戲~ 想睇靚佬湯套"未來報告"~ 二點幾就有一場... 岩哂~ 張椅...真係好唔錯~ 前後位o既距離又闊~ 好正呢~~ 套戲開頭睇有d複雜~ 唔係好明講d乜~ 之後睇睇下先明... 咁話明係"未來"報告~... 咁緊係有涉及d未來o既野啦~ 真係做到好高科技~ d電腦啦~ d車啦~ d路啦~ 我諗將來o既世界~...真係會變成咁~ 好利害呢~~ ^-^ 出返黎~都四點幾lu~ 去馬拉松睇下有冇腳踏機賣~ 有就有啦~ 不過好貴呢~ 差唔多成五百蚊~ 咁緊係唔買啦~ 跟住又見到間幾大o既屈臣氏~ 哈哈~ 入到去~ 又係剩返一部~ 仲"痴"住一個299.9減價o左169.9 o既牌o係上面~ 見到仲抵過我o係樓下間屈臣氏睇到個價~ 緊係即刻買啦~ 點知~原來個牌係第二樣貨品黎o架~ 不過都唔緊要啦~ 299.9...都係一個可以接受o既價錢黎o既~ 我o地比o左錢~ 但係冇拎到架腳踏機走~ 因為都未行完個商場~ 拎住行好蠢o者~架野咁重... 雖然唔係我拎~哈哈~ 行完...去返屈臣氏拎返... 時間都仲早~ 五點幾...個商場根本冇可能挨到夜晚~ 於是要決定搭車去第二度行定係返屋企~ 結果~都係決定o左返屋企~ 唉~ 等我四點幾睇完戲出黎o個時~ 仲打電話比媽咪話唔返黎食飯tim~ 再打比媽咪話比佢聽我同程程返去食先搭車返屋企~ o係架車度~ 都係覺得唔用袋拎住會好d~ 就咁抬住會更加方便~ 咁就除o左個袋啦... 其實~ 部腳踏機本身係有個盒o架~ 拎走o個時~特登叫個sale拆o左出黎~ 唔要個盒~ 因為呢~ 我唔想媽咪知道係特登買返黎~ 我只係呃佢話比佢知係程程家姐買o左唔用... 借比我玩住先~ 唉...咁做...係因為費事比佢話我成日買野~ 呢d大話都冇傷大雅丫...-_- 而我o地去奧海城...除o左睇戲~ 就好似特登黎買腳踏機咁~ 哈哈~~ 返到屋企~ 就緊係"新屎坑"啦~ 立即踩o左一百下... 個膝頭好累呢... 之後開始慣d~ 程程又踩...佢踩o左二百幾下... 好利害呢~ 不過跟住佢都話腳都軟埋~ 對腳好似唔係自己咁... 程程今日終於都睇到西亞斯個廣告啦~ 上次睇到o個時~ 我錄低o左... 如果唔係~佢都幾難有機會睇到~ 雖然呢一個版本...唔係完整版~ 但都好過冇啦~ 佢話佢真係冇睇過... 唉...真係out啦~ 食完飯...食西瓜~ 之後o係度search d舊歌~ 到做洛神o個時~ 我就去睇電視~ 程程就開d mini game黎玩~ 到九點九左右~ 佢就走lu~ 聽日要返工嘛佢~~ 昨晚~我又out o左~ 原來係win mx... 棠棠又係一早有~ 等我仲問佢...洗唔洗send比佢~~ 又"囉"多一次tim~ 今日開部電話隻貓貓黎睇~ 第一次見到佢個樣咁嬲~ 又dirty喎~~ 又有d煙o係個頭咁... 唉...原來...佢太dirty... 所以唔開心~ 即刻幫佢沖o左好多次涼~ 又餵埋佢食野~ 終於都開心番lu~^_^ 嘻嘻~ |
|
我唔係一個成日都dl歌聽o既人~ 但係昨晚到今朝~ 我足足dl o左80首歌~ 我仲send埋呢個程式比阿哥tim~ 咁我昨晚就一邊傾電話~ 一邊問程程想拎咩歌~ 咁我就搵出黎dl啦~ 講到十二點幾... 佢都未話眼訓~ 真係算少有... 可能因為猛叫佢諗d歌出黎~ 個腦有活動~ 所以先唔眼訓... 但佢聽日返工~ 我叫佢訓佢先訓... 岩岩...我比老豆無啦啦鬧一餐~ 就係因為我昨晚夜訓~ 我真係頂q佢唔順~ 再嘈我離家出走~ 樣樣都管住哂~ 我又唔係出o左街~ o係屋企夜d訓都唔得~ 都白痴o架~ 講開去街~ 仲衰~ 我宜家好耐好耐都未試過十二點返屋企~ 佢再講咁多野~ 我以後都唔會咁早返黎~ 平時出去食夜晚飯~ 又話我成日出街~ 唔好諗住我唔去街就要落舖頭~ 你慳d啦~ 我都唔知佢個腦入面諗咩~ 阿哥張電話費今期要交多o左錢~ 又o係度嘈山哂~ 話交多o左咁多~ 我個心諗....你輸股票就捨得~ 你一個價位交電話交死我o地啦... 慳唔係唔岩~ 但應慳得慳嘛... 呢~佢今日緊係打上黎叫我落舖頭~ 我話我有野做唔落... 所以特登發脾氣啦~ 哼~星期六就唔落比你睇~ 我學校有野做~ 吹呀!!! 今朝晏o左起身~ 十一點幾~ 食o左兩個包~ 就開始一邊做楊小姐d野~ 一邊dl歌~ 唉...橫掂都係最尾一份~ 點都要做好埋比佢~ 費事比人講閒話啦~ 下午...四點幾~ 我沖完涼出黎咁岩有電話~ 原來係楊小姐打黎~ 等我仲諗住沖完涼出黎打比佢tim~ 比佢快我一步~ 我原來比錯o左個電話佢~ 我寫o左程程個電話比佢~ 因為我同程程個電話差一個字咋嘛~ 其實~我o個時寫比佢...我都諗o左一諗... 有冇寫o左程程o個個比佢~ 點知...都係寫錯o左~ 哈哈~ 程程後尾話返我屋企電話佢~ 所以佢先搵到我~~ 夜晚~print好埋d分色紙~ 諗住星期四一次過拎比佢~ 咁就唔洗行多次啦~ 阿哥o係e-bay買到o既公仔~ 今日寄o左黎~ 仲要特登麻煩個郵差拎上黎tim~ 份野係日本寄黎o架~ d郵票好靚好得意~ 好似d小朋友d貼紙咁~~^_^ 學校打黎~ 話比我聽去會展幫手o個幾日d時間係點~ 哈哈~原來唔洗幫全日o架~ 咁都好o既~ 個喇叭唔知搞咩~ 播播下歌~ 突然發出好大o既聲音~"溫溫聲"咁~ restart過部機又冇事~ 都唔知係咪真係有問題~ 麻煩~ 十一點幾起身o個時打比程程~ 佢竟然o係架車訓緊覺~ 作死囉~~ 但到下晝~又懶係忙咁~ 完全冇時間打比我~ 佢放工就返屋企lu~ 我就問佢...唔去做gym~ 佢話佢昨日操得過量o左~ 宜家佢好酸痛喎~~ 真係冇鬼用... 食完飯食埋d龍眼... d龍眼放o左o係個雪櫃最少五日~ 好多都出哂芽~ 龍眼一出芽~即係表示會釋放d毒出黎~ 所以好多都唔食得lu~ 我宜家每日都飲好多水~ 飲水仲多過食飯~ 哈哈~~ dl返一首好舊o既英文歌~ i'll be right here waiting for you... 好好聽~好開心~~ ^-^ 冇睇幾日下午o既電視~ 套師奶強人原來已經大o左結局... 宜家做緊美味情緣~ 哈哈~都好... 有陳慧跚同千嬅做~~ 嘻嘻~ |
|
昨晚訓得唔係幾好~ 十二點幾覺得眼訓~ 就熄電腦去阿哥張床度訓覺啦~ 部冷氣涼o左... 唔知係阿哥較過之後變涼~ 定係天氣冇咁熱... 所以先覺得佢涼o左呢~ 訓o係床度~ 個腦飄o左好多野出黎... 想訓都訓唔著... 唉... 昨日講起流星花園~ 阿wing話佢個friend借比佢睇o個d~ 係o係深圳o個度買~ 唔洗買正版咁貴~ 於是昨晚就icq阿哥~ 叫佢見到幫我買套落黎啦~ ^_^ 今朝~ 我原本係要去鑽石山出過兩張菲林比楊小姐o既~ 但我諗起一個方法~ 就係用ftp send去新世紀~ 橫掂之前kenny諗住叫我幫佢手~ 一早開o左個ftp a/c比我~ 咁其實都可以話...我係新世紀o既其中一份子~ 不過係有名冇實咁解咋嘛~ 因為我一份job都未幫過kenny做~ 上幾次叫我~ 都係因為我要忙做畢業作而推o左~ 其實都幾唔好意思~ 宜家用o左ftp send過去~ 咁我就唔洗行多次~ 加上范仔幾好人... 雖然我係麻煩d~ 但係佢都好似好有耐性咁~ 真係好啦~ walter話聽日下午有得拎菲林~ 我唔知會唔會聽日去拎呀... 如果聽日唔拎~ 後日拎o既話... 又唔知點咁~ 因為程程星期三放假嘛~ 費事又要佢等我啦~~ 唉~都係聽日先算~~ 搞掂好一樣野... 又要搞阿聰o個單~ 昨晚我o地傾計o個陣~ 佢無啦啦打黎... 問我幾時得閒幫佢整埋d手尾~ 咁我就話聽日啦~(即係今日啦)~ 我轉返d file做jpg~ 等佢部電腦可以開到出黎對位~ 我睇埋"廉政行動組"先沖涼換衫去~ 去到...都係得佢堂弟o係度~ 交o左隻碟比佢~ 原本係諗住我整o既~ 但佢堂弟識整~ 咁就由得佢整啦~ 兩點幾去到~ 傾o左陣計... 三點幾返番黎~ 我今日心血來潮...想買部腳踏機~ 搭車返到黎屋企附近~ 去o左屈臣氏度睇~ 得返一部~ 299.9~ 不過都係唔買住~ 或者後日先買啦~ 程程收早~ 去o左做gym~ 四點左右出返黎~ 跟住佢就返屋企lu~~ 得閒無聊...拎返d notes黎睇~ 跟住又開個flash黎玩下~ 都好耐冇開過啦... 都唔記得o左點整d野tim~ v_v 希望練練下又會記得返啦~ 今晚試o左阿yan send黎dl歌o個個程式~ 的確係好正~ 好快就搵到想要o既歌~~ ^^~ 哈哈~好野緊係要介紹比人~ 我都send o左比幾個friend lu~ |
|
今日係阿wing生日~ 哈哈~ 福如東海...壽比南山~ 生日最緊要開心~ 希望你以後o既生日都好似今日咁啦~ ^_^ 九點幾起o左身~ 沖好涼~ 搞掂好哂...都成十一點幾~ 用多過一個鐘o既時間先出得門口~ 原因係我花o左d時間o係個頭度... 先頭諗住紮馬尾... 跟住好似唔係幾好~ 又拆o左~ 紮o左半"節"o個隻~ 但又梳o左幾次都唔係好得~ 於是再紮半"節"o既半"節"~ 效果不錯... 可惜...hold唔到成日丫~ 唉~ 落街...見到個天黑黑o地~ 不過都係冇帶到傘~ 點知...行o左幾步~ 佢就開始落雨~ 搞到我想行落去中環買芒果都唔得~ 搭van仔去到灣仔~ 再搭巴士~ 好快就到lu~ 落大雨...出o左隧道打電話比程程~ 叫佢黎接我~ 上到去...悶悶o地... o係度睇電視~ 跟住食晏晝飯~ 食完...即刻搭車去旺角... 首先...就去o左買禮物比阿wing先~ 買佢鐘意o左好耐o既香港消防員o既figure~ 諗住碌卡啦... 點知我o個張reject o左~ 咁拎程程o個張啦~ 因為我o個張係附屬卡黎~ 拎佢本身o個張黎試下啦... 又唔得~ 成日都係咁... 激死人~ 要打電話去投訴下先得啦~ 又唔係碌爆卡... 甚至...根本冇可能碌爆... 個老闆就同我o地講~ 可能磁帶o個度花o左... 所以唔得~ 之後拎o左第二張...佢又得~ 麻煩~ 去新世紀廣場度行~ 咁岩有sammi做show~ 係"我左眼見鬼"o既宣傳活動黎o既~ 不過多人得滯...d人都高過哂我~ 睇鬼咩~ 我完全望都望唔到sammi~ 唉~算啦...又唔係未見過... 行行下...撞到程程公司o既AS-肥佬~ 又會咁岩O既~~~~~ 跟住見份禮物冇咩神秘感~ 而且比阿wing一見到個袋~ 就知道入面係d咩黎~ 所以就走o左去搵花紙同袋~ 終於~ o係大眾書店入面搵到花紙~ 但就搵唔到紙袋~... 特登揀o左張豬豬花紙~ 襯哂阿wing啦~哈哈~~ 我順便買埋膠紙~ 搵o左商場d角落位o既地下o係度包o左份禮物~ 兩個人"某"o左o係地下~ 個情形都幾搞笑下~ 之後~ 再o係間賣hello kitty o既舖頭~ 買o左個膠袋~ 仲岩岩好裝得落份禮物tim~~^_^ 跟住...有少少肚餓...去o左美心食dd野~ 食完...時間差唔多~ 程程帶我去到附近~ 佢就返屋企lu~~ 食野o個時打過比阿yan~ 佢話行緊旺角中心~ 咁我就行去旺角中心先再打電話比佢o地~ 點知佢o地已經行完o左~ 不過佢o地都o係附近~ 行返出去就見到佢o地lu~ o係旺角行多一陣~ 各人都有收穫~ 阿yan介紹o左枝hugo body lotion... 佢話好香...搽完第二日仲會好香... 連香水都唔洗噴... 咁我o地每人都買o左枝黎試下啦~ ^_^ 我本身係約o左佢o地五點o係銅鑼灣sogo等o既~ 咁我見大家都o係旺角... 咁join埋行多陣先去都遲~ 六點左右我o地去到銅鑼灣... 就即刻去元氣排隊~ 足足排o左成個鐘先有位~ 唉~~腳都軟埋~~ 阿mon同andy兩個真係夾得d時間好岩~ 我o地一有位....坐低冇幾耐佢o地就黎到~ 食o左九個字左右~ 一邊食一邊傾下計咁... 見咁多人仲o係出面排~ 於是我o地就走lu~ 阿yan想買"啞零"~ 咁我o地就上去time square睇啦~ 佢買o左一對返去玩~ 希望佢會有恆心啦~ 再行多陣~ 阿mon就提議去飲野~ 搵o左間仙跡岩坐低~ 我o地o係度講下是非啦~ 又講下工作前途問題咁~ 其中... 阿yan講佢睇完個激光矯視手術o既講座就最搞笑~ 引發出好多笑料... 不過講笑還講笑~ 個手術又的確幾恐怖咁... 宜家得阿wing同阿mon有野做~ 阿wing o個份工~比起阿mon o個份正常d~ 因為阿mon o個份好慘o架~ 會比打電話黎d人鬧~ v_v 傾到九點幾... 想去toliet...但o係度又冇~ 於是就成班一齊走啦~ 阿yan話佢怕自己有糖尿病~ 聽人講o係藥房有d試紙可以買黎驗~ 咁岩出黎見到有間藥房未收~ 就入o左去買~ 四十幾蚊有成五十條~ 洗唔洗咁多呀~~ 去埋toliet跟住就散lu~~ 返到屋企十點幾~ 打電話比程程~ 佢話悶到佢死~ 哈哈~~ 睇下我幾重要~~~ ^-^ 一返到去..打開門~ 呆o左一陣~ 真係呆o左o架~ 竟然o係度打緊麻雀~ 三舅父叫o左我一聲... 我呆o左一陣~ 就定神叫返佢o地~ 我個心諗...老豆阿媽明明話去澳門定深圳o架嘛~ 又會咁快返到黎... 仲可以叫埋住o係青衣o既舅父舅母黎打麻雀咁勁o既~?! 沖完涼~ 即刻試下枝hugo body lotion~ 又真係好香喎~ d味道仲令人好舒服tim~ 阿wing返到屋企~ 上網o係icq send o左message黎~ 話佢今日好開心~~ 多謝我o地~ 哈哈~ ^0^ 阿yan頭先話搵到個好方便dl 歌o既野~ 佢一返到屋企...又係上網send o左比我~ so good~ 裝好o左~但係就未試過用~ 聽日先啦~ ^_^ 阿yan還番本書比阿wing~ 我又問o左阿wing借黎睇~ 哈哈~又有書睇啦~ ^-^ 十一點幾~ 程程話佢眼訓~ 咁我都放過佢~比佢去訓o既~ 佢聽日要返六點嘛~~ z_z 今日行o左成日...都好累呢~~ v_v 我諗我都要早d休息lu~~ |
|
今晚icq~ 楠楠講o左d野比我知~ 係關於佢斷斷續續做o既工作.... 傾完之後~ 覺得每一樣工作都有佢o既意義~ 我有時係咪唔應該太執著... 做唔做返本行~ 根本就唔重要~ 最重要係知自己做緊乜~ 享受做野o既每一個細節... 已經係最好... |
|
我諗唔係好多人知道... 我曾經同過一個中日混血兒拍拖... 呢個人年紀大我成八年... 只係維持O左一段好短O既時間~ 佢係一個日本釣魚高手... 曾經贏過好多大賽... 佢公司派佢黎香港睇住香港賣釣魚用品O既舖頭~ 之後我O地識O左...但冇諗過同佢發展~ 我教佢講廣東話... 佢又教我講O左D日文... 過O左一段時間~ 佢整親隻腳... 佢忍住痛都黎搵我... 當時深受感動...我O地就一齊... 佢傻到話...如果我唔想留o係香港... 佢會即刻帶我去日本同我結婚... 哈哈~ 可能就係因為咁~ 我驚得滯... 過o左冇幾耐...就冇再一齊lu~ 點解冇啦啦講返d往事呢~?! 你估我真係回味呢段感情咩~? 我咁講...亦都冒住比程程追打我o既危險o架~ 哈哈~ 我想講呢~ 我真係唔係掛住佢~ 而係...我今晚睇到細佬個info~ 講佢鐘意o左個日本妹... 令我覺得...係咪真係有結果? 佢仲話要去學日文咁... 雖然學多樣野冇壞... 不過係為o左個女仔而學... 我會覺得唔係咁好... 實情係點...我唔知~ 我亦都冇問... 我只係覺得~ 唔多似佢... 會做d咁o既野~ 好似仲係好"細路"咁... 的而且確~ 同唔同自己國藉o既人拍拖係有d唔同o既感覺~ 不過...有時...你係嚮往做外國人... 事實係咪鐘意佢... 就唔知lu~ |
|
昨晚成點先off icq~ 睇o左陣書...點幾先訓~ 雖然講過話等埋程程放工打黎先訓o既~ 但係比老豆阿媽見到我仲開住燈未訓o既話... 就一定入黎叫我去訓~ 於是就諗住訓o係床... 甚至訓著o左都唔緊要~ 因為我拎住部電話... 應該會震醒我o既~ 到四點幾我醒o左一醒~ 見到電話都冇來電顯示~ 即係佢冇打黎啦~ 我知...佢應該係怕嘈我~ 跟住...好快我又訓番lu~~~ z_z 昨晚唔係幾開心~ 通常夜晚冇野做~ 都會諗返起一d野~ 我諗起...每一個階段我都有一個好朋友~ 但之後...都會同呢個朋友變成陌路人咁... 我好害怕呢種感覺~ 我覺得做朋友唔應該係咁~ 我好憎自己唔去做主動...唔努力去維繫~ 呢個...似乎係我o既錯... 我諗唔係幾通~就同jovi爸b傾啦~ 佢安慰o左我一輪之後~ 終於都釋懷o左d~ ^_^ 寫o左執e-mail比細佬~ 講o左d我o既睇法比佢聽~ 我唔知佢幾時會check e-mail~ 不過都冇所謂啦... 我志在發下牢騷o者~ 今朝起身~ 十點幾... 幫阿媽煲湯落鹽~ 之後過一陣就熄爐... 十一點半o左右~ 老豆打上黎~ 叫我可唔可以即刻落去~ 佢有d事要做喎~ 咁我用o左兩個字時間執返掂自己~ 跟住就落去lu~ 買o左本忽然一週睇~ 費事齋睇報紙咁悶啦~~ 媽咪買o左六個大芒果返舖頭~ 老豆見d芒果咁香... 就話要切黎食~ 哈哈~好味道~ ^_^ 終於~ 我都開齋啦... 第一次o係呢間舖頭幫老豆做成一單生意~ 萬六蚊~ 哈哈~~~ 五點幾...老豆就叫我返屋企lu~~ 我返去之前~ 去o左我屋企附近o個間屈臣氏睇下有冇"減肥茶"賣~ 哈哈~ 竟然比我發現到有四盒... 咁我見橫掂都係~ 想一次過買多d~ 就問下d sales仲有冇貨... 結果都係冇~ 咁算啦...四盒都照買啦~ 返到屋企~即刻飲o左盒~ 嘻嘻~ 程程今日又係返夜... 佢十一點幾先醒~ 我費事叫佢過黎陪我一齊看舖啦~ 咁就冇出到黎~ 由得佢o係屋企"偶"啦~ 佢宜家返緊工~ 悶到佢死~因為冇野做丫嘛~ 佢又冇帶gameboy打... 麻煩到死~ 多野做又話多野做~ 冇野做又話悶~ 麻煩~ 媽咪返到屋企~洗好(食送)~ 就叫我一齊去惠康買野~ 之後返屋企先煮飯~ 今晚~ 好好(食送)呢~ 食得好飽... 做"麥兜的魚蛋"~ 不過我冇睇~ 呢一個故事...勾起我一d回憶~ 究竟係一個好o既回憶定係一個唔好o既回憶呢~? 我都唔知~ 只知道~....得啖笑下咁... 今日睇雜誌~知道一樣野~ 就係呢~ 減肥原來食少d野係唔得o架~ 每人應該都要吸收1200cal o既能量~ 如果食太少野~ 新陳代謝會好慢~ 反而減唔到o架~ 另外~ 我咪成日話減肥o既.... 其實...我同好耐以前o既飲食習慣係差唔多~ 最多都係食多o左少少野~ 但絕對唔會令到我肥咁多囉~ 終於都明白~ 我點解會肥成咁... 唉...不過呢一樣野... 會對我好有影響~ 我難於取捨呢...v_v 阿哥講佢上面o個度d恐怖野我o地聽~ 話原來佢o地用d水...好恐怖o架~ 有日因為冇水~就諗住上去水箱睇下啦... 點知打開黎睇~ 嘩~ 又有泥呀~ 又有一大堆蟲鑽黎鑽去~ 勁dirty~~>_<" 聽到都毛管"凍"~ 即係話...一直以黎用黎沖涼o既水~ 都係經過o個堆野~ 噫.......太恐怖啦... 咁當然~阿哥即刻叫人去清洗乾淨個水箱啦... 好彩香港唔係咁o者~ 同埋我座大廈九唔九都會貼紙出黎話洗水箱o者~ 如果唔係...都咪話唔驚~~ f4...流星花園... 係人都話好睇~ 不過我都未睇過... 買vcd要成幾百蚊~ 頂多買o左返黎都係睇兩次~ 好似好哂咁... 卡通片就睇過少少... 近來先較為熟識"流星花園"呢首歌~ 幾好聽...不過我係咪有d out呢~?! 哈哈~ 如果有人借比我睇就好lu~~ |
|
原來~ 唔止程程中o左保本基金~ 連佢老豆都中o左~ 哈哈~佢屋企又幾好運喎~~ 今日我八點幾起o左身~ me me more more~ 睇埋ally mcbeal錄影帶... 十點先出門口~ 去到楊小姐度~ 岩岩十一點~ 楊小姐話之前o個套菲林有d問題~ d網點要減多30先得~ 叫我再出過... 我個心諗...你自己本身同我講係要出80網點~ 我就出o左80網點比你~ 根本唔係我o既錯~ 宜家要出過... d菲林錢又係入我數啦...?! 佢仲話最好出多幾張... 例如一張係60網點...一張係50網點~一張係40咁~ 本來都冇咩問題~ 對住個客~ 我不嬲都保持住一個好有禮貌o既態度~ 點知...跟住佢d白痴師奶sales見到~ 又講埋一份~ 之後~ 諗住拎張logo出黎比楊小姐睇啦... 咁岩佢有電話~ 咁d sales就拎黎睇~ 又o係度講埋d白痴野~又話抽象...唔明咁~ 我即刻唔"老黎"~ 咁勁...你自己畫丫~ 唔識唔好學人識~ 楊小姐一見到我想拎張logo出黎~ 佢就即刻醒起... 話另一個負責人決定o左用返之前設計o個個~ 但又唔見o左我個電話~ 所以通知唔到我~ 我真係好激氣~ 哂我時間~ 一睇成間公司...就知係bad taste啦~ 所以...我做埋宜家跟緊o個張~ 都唔會再幫佢做野~ 跟住之後佢叫我盡快出返o個d菲林比佢~ 我就答佢...盡量啦... 佢問我幾時比到佢~ 我就話...唔知喎~ 仲一邊執野~ 一邊唔多"老黎"o既樣應佢~ 佢間公司有四個人o係度~ o係一個咁細o既office入面~ 我諗全部人都聽得出我係發緊脾氣~ but...so what~?! 我幫你做野~係蝕錢o架~ 唔好以為比o左好多錢我賺~!! 本來呢~ 我係可以聽日拎d菲林去再出過o既~ 但係...又唔係我趕~係佢趕咋嘛~ 我星期一先拎去出菲林~ 星期二先拎去比佢~~ 吹呀?! 我好清楚明白~ 我自己係一個唔受得氣o既人~ 我諗...我係一個藝術家...多過會係一個designer囉~ designer做出黎o既野係要取悅人~ 藝術家做出黎o既野~ 係自我欣賞~ 你喜歡與否~係你o既事~ 係不含商業成份~ 所以~ 我宜家知道~ 我唔多適合做designer~ 究竟~ 係咪好事...宜家先知~ 又會唔會太遲..?! 十二點幾出返黎~ 見到有人派傳單~ 話名牌開倉清貨~ 咁我見有時間~就上去八下啦~ 買o左對鞋...超級平~ 以為o個度係工廠區~ 冇咩人啦~ 點知勁多人~ 咁岩...楊小姐o個兩個師奶sales又上去睇~ 狹路相逢~ 哼~ 丫~~ 乜唔係返工時候黎o既咩~?! 行街咁開心o既~?! 見到佢o地~ 仲唔拿拿臨比錢走人~ 真係見到佢o地都眼冤~ 程程今日返夜... 要o係屋企食埋晏晝飯~ 順便帶埋夜晚o既飯壺先出得黎~ 咁我就慢慢搭地鐵去尖咀等佢啦~ 昨日睇便利~~ 見到容祖兒最新最新o既"減肥茶"廣告~ 係紙包裝黎o既~ 大大隻寫住"減肥茶"三隻字o係面~ 寫明o係city super~萬寧同屈臣氏有得賣~ 點知昨日搵o左幾間屈臣氏都冇~ 於是o係city super`搵啦~ 都係搵唔到~ 最後~ o係海防道o個間屈臣氏先搵到~ 成12蚊包~ 都幾貴下~ 同程程一人一包~ d味道都可以接受~ 係好茶o個d味~ 飲完之後肚空空~好肚餓呢~ 而程程就覺得怪怪o地~ 但又唔係肚痛喎~~ 我覺得~ 好似有d作用咁... 如果可以減到...咁12蚊都抵o既~ 去完city super~ 行o左去買野食o個邊買盒勁辣薯條食~ 熱辣辣...好正呢~~^-^ 不過好似冇上次食o既咁辣~ 但係...今次o既味道就岩岩好囉~ 程程塞車~ 又比我話佢麻煩~ 咁我就慢慢行去寶勒行neway度~ "囉"o左間房... 過冇幾耐...佢就到呢~~ 我o係佢個飯壺度... 偷o左d(食送)黎食~ 嘻嘻~ 由點幾唱到四點幾~ 好累呢~ 佢六點幾先有野要做~ 咁見時間仲早~ 就行去搵減肥茶... 買o左...就行去搭船船... 程程送我去碼頭~跟住佢就搭巴士去旺角lu~ 今晚...程程要兩點先收工~ 唉...冇得同佢傾電話tim~ v_v 我真係諗唔到我o地邊晚係冇傾電話~ 晚晚都傾至少半個鐘至一個鐘不等...先去訓~ 就算去完成日街見住面~ 返到去都仲係要傾~~ 哈哈~ 除o左去旅行唔o係香港~ 如果唔係~我估...我o地真係晚晚都傾呢~ 今晚少年張三豐大結局~ 哈哈~ 程程冇得睇呢~~ 不過~似乎唔係損失~ 因為比無線勁cut~ "炸一聲"就打敗逍遙王... 真係化學... 我仲覺得有d悶tim~~ 部ps2~ 話要等日本寄d零件過黎先整得~ 又要等... 唉~真多災多難呢~~ 今晚~唔係幾舒服~ 可能係o個包減肥茶作怪都未定~ 我呢~ 一知道聽朝有d咩特別野做~ 我o個晚...通常都訓唔著~ 唉...昨晚訓得唔好... 所以宜家好累呢...v_v |
|
今日程程放假~ 本來佢話過黎o既~ 但最後...都係我去佢度~ 起o左身~九點幾~ 好快咁睇埋ally~跟住先去沖涼~ 沖完涼...搞掂好哂~ 岩岩十一點正就出得門口lu~~ 上o左van仔~ 先諗起想買d特大芒果去程程屋企度~ 不過為時已晚... 諗住o係灣仔落車~ 附近都應該有生果檔... 都會有特大芒果賣o掛~ 點知...有就有啦~ 但係全部都好生... 唉... 買便利~ 問o左幾檔都冇~ 竟然o係 ok 就買到~ 早知...一早就入去買啦~ 因為我落車o個度~就係ok便利店啦~ 跟住...去搭巴士~ 十一點八左右~我就去到程程屋企lu~ o係度睇電視睇到食lunch咁滯... 食完之後~ 我o地就去o左黃埔~ 周圍行o左陣~ 買o左小波子黎食~ 車~原來即係雪米磁咁~ 不過呢~ 雪米磁好食好多~~ 之後~去o左冒險樂園玩~ 好耐都冇玩過啦~ 買o左一百蚊代幣黎玩~ 大部分都係用黎玩d拎好多飛o既機~ 剩返好少先用黎玩身體力行o既遊戲~~ 玩完...去o左百佳... 咁大間超市~ 都竟然冇特大o既芒果賣... 真激氣呢~ 冇芒果~就揀o左個蜜瓜~ 夜晚切黎食~ 嘩....完全唔甜o既~ 跟住程程就懶我~話佢諗住買西瓜o架嘛~~ 哼~~ 又買o左d雪條~ 諗住DREYER'S 會好好味啦~ 一盒有三枝~ 再加送一枝望落去似芒果味o既雪條tim~ 夜晚拎出黎食~ 程程幫我拆開個袋~ 程程話聞到好大陣芒果味~ 不過我咬第一口... 下...都唔係芒果味... 雖然表面塊脆皮係黃色o者~ 但係...唔代表係芒果~而係檸檬黎~~v_v 嘩~~酸到我丫~~ 原來...係青檸味黎o架~ 比外表呃o左tim~ 最衰唔睇清楚d字啦~~ 同埋...青檸味...點解程程會聞到係芒果味呢~?! 唔通佢個鼻有問題?! 哈哈~ 其實即係好似做人咁... 好多時外表同內在並唔一樣~ 要慢慢咁咀嚼細膩...先會清楚明白... o係百佳買o左幾袋野~ 我咩都冇幫手拎~ 只係拎住包童星點心麵o係度食~~ 哈哈~ 好耐冇食過... 勁好味~~ ^_^ 今日唔知搞乜... 定係食得太飽~ 搞到我打o左兩次"司嗌"~ 第一次就冇理佢~ 過一陣就冇o左~ 第二次就要飲一大杯水先冇事~~ v_v 本來呢~諗住睇完一觸即發就閃~ 連袋都咩埋~ 跟住程程叫我不如睇埋洛神先走~ (佢見我有追開丫嘛~) 咁先頭都話唔好o既~ 之後...我話打o左返屋企講聲先... 於是~就睇埋先走啦~ 返到屋企都成十一點lu~ 丫~ sony搵o左吳彥祖拍o左個廣告~ 宜家o係紅隧入口大大張掛住~ 好型呢~ sony果然係冇揀錯人~ 今日好搞笑...我o地行街o個陣~ 程程老豆打電話黎~ 話程程細佬部8310撳o左個1字~ 就冇啦啦中o左毒~ 我真係完全未聽過nokia d機會發生d咁o既野~~ 都唔知係部機o既問題~ 定係orange o既問題~ 因為張sim card入面d資料都冇o左~~ 另外~ 程程幫佢細佬買o左部ps2~ 一個星期都未夠o既就已經壞o左~ 諗住拎去整啦... 整o左十日都未整好... 張單雖然話明3至14天有~ 不過都咁上下啦...唉~ 下午行完街返到去~ 程程教我打機~~ 我都唔多識玩o既~~ -_-" 昨晚發o左個好長o既夢~ 醒醒o地o個陣~ 明明o係個腦度提自己發過d咩~ 點知...起o左身都係唔記得~ 真係冇用呢~~ 記得個夢有d特別o架~ 但係硬係記唔起~~ 出街o個陣~ 程程帶o左我去佢o個間lucky馬會~ 買o左張六合彩~ 哈哈~係我幫佢買o架~ 今期開始多o左48, 49號~ 中三個字就有20蚊保本基金收返~ 夜晚開o個陣~ 真係中o左三個字~~ 仲要係中o左49號tim~ o個間馬會又真係幾利程程喎~~ ^-^ 睇雜誌~ 見到電視節目o個度介紹咕嚕咕嚕魔法陣II~ 10號開始五點一o係無線做~ 利害呢~ 一定要錄黎睇~~ ^0^ |
|
昨晚套"er"好刺激~ Dr. Kerry Weaver o係架撞o左o既救傷車救人... 好逼真呀... 今朝起身...已經十一點lu~ 訓晏o左少少~ 之後就睇返昨晚o既ally mcbeal~ 時間岩岩好...睇完就接住睇"廉政行動組"~ 睇完...就繼續做下楊小姐間公司o既logo啦~ 試過好多色... 亦都send過比阿哥睇~ 希望楊小姐會buy啦... 做好...print埋出黎~ 順便再print埋健康枕o個張graphic出黎tim~ 如冇意外~我聽朝會拎過去比佢睇~~ 宜家亞視播o個套風雲~ 我今日o係電視聽到佢o既主題曲~ 真係只可以用"不倫不類"黎形容~ 邊有可能呢套咁o既背景o既劇集... 配首有英文歌詞o既歌o架...?! 完全唔"啦更"o既~~ 個realone player唔知發咩神經~ 我諗用開黎聽收音機... 我一開...佢就話有新version~ 叫我click update個掣黎update佢~ 咁我就click啦... 點知...撳o左好多次~ 都冇反應... 於是... 搞到我又要上返佢個官方網站度download過... 因為唔update o既話... 連舊version都用唔到~ 真係夠哂串呢~~ 聽日程程無啦啦有假放~ 真係開心啦~~yeah! 阿wing生日o個日決定o左去食飯~ 又決定好大約買d咩... 真係好啦~~ 昨晚臨訓o個陣~ 記起電話隻貓貓係時間升級... 咁打開黎睇~ 佢果然係升o左級... 同上次一樣~ 個比賽佢得到第三~ 哼~下次~我一定要令佢得到第二or第一先得~ 我會照顧多d佢o架啦~ 宜家升o左級...冇變大隻o左~ 都係同之前一樣~ 不過個樣就邪惡o左~ 係個笑o既樣黎~ 好頂癮o既呢~~~ 死囉~ 我將部電話較o左震機~ 放o左o係面前o既桌上~ 竟然都唔知有電話打黎... 我諗...部電話真係唔多掂lu~~ 最搞笑係~ 我打o左次比程程~ 佢冇聽到電話~ 我見佢咁耐冇打返比我~ 咁我就打電話比佢啦~ 點知...佢話已經打o左兩次~ 我拎起部電話睇~ 噫~係喎~~ 真唔掂呢~~~ |
|
天氣...究竟係咪真係熱成咁呀~?! 熱到開住冷氣訓... 都覺得熱o既~ 張"被"已經係冷氣被o架啦~ 個夏天快d過就好lu~~ 程程今日o係西貢... 公司架車非常唔掂... 唔夠力上斜... 結果~佢偷o左人o地三舊磚~ 放o係車尾...先借力上到... 但係...我真係唔明~ 點解車尾要重...先至可以上到斜囉~?! 下午~ 程程食完飯... 就可以收工lu~ 咁早收~佢於是就去o左做gym~ 局下桑拿(肥膏)咁... 哈哈~~ 四點幾先出返黎~ 而我呢~~ 就一邊睇電視~ 一邊大執我間房... 雖然執完同未執之前差唔多~ 不過...望落去... 係整齊d o既~~ 宜家無線六點鐘冇得做劇集... 做o個套邪惡o既數碼暴龍... 悶到死呢~~v_v 前幾日睇報紙~ 知道十蚊紙又出返~ 哈哈~青蟹變o左做紫色花蟹... 都幾靚丫~~ ^_^ d人話同五十蚊紙似~ 我就話似鬼...如果咁都認錯~ 真係去死好過... 六點幾...老豆同阿媽返o左黎~ 拎埋報紙返黎~ 咁我通常都係睇o左娛樂版先o既~ 一睇~見到千嬅開演唱會~ 即刻打比程程~ 於是佢就訂飛啦~ 我話睇八十蚊都得o架啦~ 志在睇下... 跟住佢話唔得~ 我就話...咁百五啦... 佢都唔係好想咁... 咁我就話啦...如果訂三百八~我唔睇o架~ 結果...佢乖乖o地訂o左百五~ 唉~ 宜家咩時勢丫~ 我又冇野做~ 阿媽今個月... 我昨日問佢...佢先肯比住五百蚊我洗咋~ 真命苦呢...v_v 真係好怕開口問... 以前返學都識得自動自覺入比我~ 宜家冇返學就要問先有~ 唉........... 程程老豆下個月諗住去泰國旅行~ 宜家係睇下佢細佬去唔去... 程程就唔洗諗啦... 點會冇啦啦拎到假一齊去丫~ 去成五日咁多~ 如果咁岩佢家姐出埋團... 我就真係唔知程程點算... 洗衣機都未識開~ 唉~~ 今個星期六...程程就要返報紙更... 即係夜晚七點至凌晨兩點... 呢個時間...對於宜家o既我黎講就冇咩野~ 但到下個月...佢就成個月都係返呢個時間... 如果我好彩搵到野做o既話... 真係冇幾可...可以見到佢... 仲有...就連夜晚傾電話.... 都可能會傾少d~~ v_v 下下用手提...真係唔洗錢咩... >_< too bad~~ |
|
話咁快~ 香港就回歸o左五年... 任何慶祝活動都好...包括煙花~ 我都冇去睇~ 事實上係...我的確對回歸冇咩感覺... 今朝~十點打比程程~ 佢都仲未起身~ 點知~佢十一點左右就上到黎~ 都算佢幾快啦~ 媽咪煮o左餃子蝦子麵比我o地食~... 食完... 又係冇咩野做~ 於是又o係度訓覺~ 訓到三點幾~ 阿哥又係冇野做~ 佢又係o係度訓~ 哈哈~~ 四點幾~ 我o地就去街~ 又係咁食野~ 首先係薯條~砵仔糕~再加薯圈~ 跟住就o係皇后像廣場搭104去旺角~ 周圍行...行到六點幾... 我o地就去食車仔麵~ 食完...走o左去睇貓貓狗狗~ 之後~ 又去"宜家"~ 行完...八點幾...就搭車返屋企lu~ 搭到去灣仔~ 見到好多人~ 應該係睇完煙花出返黎~ 返到屋企~ 程程睇我入o左門口~ 程程就走lu~~ 程程老豆就黎生日~ 我o地諗住買osim部腳底反射按摩師比佢~ 雖然~已經有張按摩椅... 但張按摩椅冇腳底按摩嘛~ 而且~ 如果唔買呢樣~ 又諗唔到買d咩... 都係到時先再算啦~ 哈哈~ |