打呢篇日記o既時候...
我正在o係公司無聊緊...
實在太無聊...
如果十個無聊係最無聊o既話...
咁我實會比十個無聊...
即係最無聊...
而事實上...我打o既野都好無聊...
無聊...的確會令人頭腦遲鈍唔清醒...
久而久之...仲會令到自己蠢...
似乎唔係件好事...
咁即係話...我應該轉工定係比自己繼續無聊落去呢~?!
哈哈~咁當然...暫時為止...
緊係唔會轉工啦...
未死過咩~?
搵到工o個日...亦都係我重新o既日子...
我點會咁蠢令自己掉番落個深淵度呢...
橫掂咁無聊...就等比大家睇下我公司o既環境啦~
我公司就係賣呢d野o架啦~
都幾得意o架~
由於多數都係出土o既陶器...
所以拎o個時要好小心...
如果唔係...就會好易斷...
仲有...如果d公仔有彩(即係有顏色)~
就要更加小心...
拎o個時最好唔好拎到有彩o既地方...
如果唔係...就會整甩d彩o架啦...
仲有仲有...拎上手唔可以拎咁耐~
因為人有"手氣"`...拎得太耐...
會摸熟o左d泥...
so~ 都有幾多野要注意...
絕對唔可以亂黎...
每次要將d野拎黎拎去...
我都好大壓力...
怕整爛嘛...-_-"
終於...都捱到五點...
好快就可以收工~ yeah~~~
今日老闆娘又冇返...tony又冇返...
得我一個人...
悶就悶...不過都幾free~ 嘻嘻~
下午得一個人食飯...
以我宜家o既食量...絕對食得哂一盒飯有餘...
不過我都冇咁做到...
只係食哂半盒...
好似同tony平時share o既分量咁...
費事啦...
"肥"是一個不爭的事實嘛...
怪就只怪自己唔夠恆心啦...
唉~~~
昨日行旺角...
發現宜家d翻版碟都幾out下...
好多仲係好舊o既碟...
哈哈~ 係咪試明翻版開始冇市場...
開始末落呢~?!
似乎對香港電影市道係一個喜訊呢~
阿媽今朝同我講~
新年同我去旅行喎~~
佢緊係近排d friend去澳洲~
佢又想去啦...
我第一時間諗起o既問題~
唔係澳洲好唔好玩...
而係新年o個時...即係幾多月幾多號左右...
因為如果係撞岩情人節...我實唔去o架~
不過新年程程又有假放...
咁我去o左旅行...佢咪好悶囉~
算啦~ 都係到時先算啦~
今朝程程好自動自覺十一點幾就過到黎~
仲買o左個"走炸菜"o既"痴飯"比我食~
嘻嘻~
咁媽咪見我話咁好味~
我就比佢咬o左啖...
之後再比佢食...
我話...咬兩啖好啦~
見佢咬完兩啖...仲想咬...
咁我就話...兩啖啦喎...
佢就話...第時旨意你養就死囉~
哈哈~~
咁好食...就叫程程下次買多個比佢食啦~
媽咪煮o左麵比我o地同阿哥食~
食完我洗埋d碗...就返入房睇antz~
都幾好睇~
幾搞笑...
睇到點幾兩點...
就出去lu~
行路落去中環...
去o左連卡佛and LV專門店睇~
睇中o左個袋...四千幾...
個袋當然靚啦...價錢仲靚...
程程都諗住買比我做生日禮物o既...
但我又諗...四千幾蚊...
可以買到好多平好多o既野~
例如上次個patrick cox咁...
都係九百幾...
上次都覺得貴啦...
但如果一個四千幾同一個九百幾...
我又會諗...買個平d 咪又係一樣...
咪又係袋一個...
而且patrick cox o個個我又唔係唔鐘意~
兩個都係玩pattern...
唉...等我再考慮下先....
之後~ 去o左旺角行~
食o左好多野...
好味道~~~
又發現冇行一排...多o左幾間大o既寵物店~
so good~~
買o左300蚊冒險樂園d銀黎玩~
入o左落卡度...
以後得閒可以撳d出黎玩...
唔洗下下都要玩哂為止...
唉...程程次次都好快就買到佢想要o既野~
例如佢今日想買褲啦...
唔但只買到...仲買到兩條tim~~
而我就諗住買boot~買袋~買衫~買裙...
但偏偏我又睇唔岩...
成日都空手而回...
程程就話我..."又唔係唔比你買...
睇岩我就負責比錢...
咁都買唔到...唔關我事o架喎~~"
唉...連我自己都覺得自己麻煩呢~~
六點幾...又係去唱k~
好似連續幾個星期日都係去o左唱k喎~
哈哈~ 都幾唱得下喎~
不過...又鬧o左一陣交...
麻煩...
唱到九點幾...就走lu~
返到屋企...程程冇入到黎...
等佢沖完涼打返比我....
同佢傾...都係討論緊買唔買個LV袋好...
今次真係傷腦筋呢...
今日老闆娘開o左支票比我~
唔知叫我三十號先入定係十月二號先入...
因為佢暫時冇錢...
而我亦都知道佢係有咩原因暫時無錢~
so~ 無所謂啦...
我銀行仲有錢用...(雖然d錢唔係我o既~哈哈~)
今日多o左人入黎...
不過都係冇做到生意....
十月一日本來係放假o既....
但因為有個維也納大客一定要o個日黎~
佢星期三就會走...
佢想星期二睇定d貨...返去考慮下...
等星期三見到我老闆娘先再決定喎~
我o係電話同佢傾好o左...
佢o個日會十二點至一點呢段時間黎~
我會開一陣舖等佢...
tony五點幾就走o左...佢要返廣州嘛~
而老闆娘下午返過黎一陣...
就冇再返黎~
佢又係約o左人一齊上深圳玩...
叫我六點就收工啦喎~
程程搭巴士去到灣仔~
再轉地鐵黎中環...
唉...因為佢唔知o係邊度落車~
唔知我可以o係邊度睇佢...
so~ 佢就轉地鐵...
費事我等唔到佢...
又比我鬧...
o係地鐵join埋一齊之後~
我o地就去o左銅鑼灣...
諗o左好耐食d乜...
終於~ 去o左別府隔離o個間bee cafe食野~
間餐廳d staff全部都係菲律賓人咁...
但佢o地又識廣東話o架喎~
而呢間野係食日式野...
顯到好似有d格格不入咁...
程程叫o左個牛肉薯餅咖哩飯定食~
我就叫o左雞扒定食...
好味道...程程o個碟咖哩汁勁好味~
個麵豉湯亦都十分不錯...
又唔係貴....
下次再去食先...
之後周圍行...
買o左件衫...
又買o左d新奇又好玩o既mask返屋企玩~
行到九點幾十點就返屋企lu~
今晚又有湯飲...
不過係正常o既羅宋湯...
得o左一陣之後...
程程就走lu~
我沖完涼...洗o左一個好徹底o既臉...
諗住敷下新買o既mask o既...
後尾都係太累...
遲d先敷lu~~
昨晚十點幾就訓覺lu~
等我先頭仲諗住訓一陣~
叫程程十一點半叫我起身tim~
但當佢打電話比我o個時~
我竟然一句野都冇講....
程程見我冇反應...
就話"咁你聽朝醒o左就打電話比我啦~bye bye"~
之後...我好自然咁...
聽完佢bye bye 就自動會識收線~
"給"埋個電話...
都咪話我唔利害...
哈哈~
今日都冇咩特別野做...
朝早心情唔知點解...唔係幾好...
塊面"那"埋一"注"咁...
六點左右tony就走o左lu~
哈哈~佢約好腳打麻雀嘛~~~
老闆娘出o左去..又冇帶手袋...
所以我點都要等埋佢返黎先走得~
收o左工即落細舖教老豆點用冷氣~
細舖o個度已經執到七七八八~
執埋聽日應該完全會搞掂哂~
真係佩服佢可以咁快搬好哂d野...
架冷氣新買返黎...
搖控o個d掣唔識用...
我咪落去教佢囉...
新冷氣即係新冷氣....
都不知幾靜幾涼...
哈哈~
教完我老豆撳掣...拿拿臨去天后~
join埋程程...
就返學校問o左最遲幾點去拎先再去食飯~
去食打冷...好味道呢...
程程帶o左佢o個份保險比我睇~~
哈哈~ 如果佢死o左...
有百幾二百萬o架~
原來佢條命係咁值錢o架喎~
其實九月中開始...我都記得要返學校拎畢業作呢樣野...
但係成日都諗住遲d先啦...
點知遲下遲下...
遲到今晚先去拎...
咁成四十幾張...我一個人...邊有能力拎呀~
所以...緊係搵個苦力幫下手啦...
返到去拎畢業作...見到阿豪~阿tim and阿pun~
哈哈~ 個個都咁遲去拎....
好彩佢o地提一提...
如果唔係..都唔記得拎埋兩本校刊tim~
始終學校都收o左我o地錢...
緊係拎埋冇蝕底啦...
拎o左返屋企用黎墊煲底係一回事~
點都唔好益學校...
我叫o左程程o係樓下等我~
佢唔係學生...入去學校好似唔係咁方便咁...
唉...我"秋"住袋四十幾張cardboard o既畢業作...
只係"秋"o左一陣~
都已經想死...
咁鬼死重...=.=
程程接力...佢都話幾重下...
而最慘痛o既事情...竟然發生o係我o地身上...
我的天呀!!!!
以前放學成日追巴士都已經唔出奇...
估唔到...今次可能係最後一次踏足學校....
都竟然要我追巴士...
唉...
正式d講...我追巴士係冇問題~
因為畢業作唔係我拎住...
而係程程拎住嘛~ 嘻嘻~
咁見到架巴士o係轉彎位...
咪追囉...
追到去巴士站...
車~~~!! 架車都仲未到...
因為塞車嘛....
追完...抖順埋條氣都仲未埋站...
真激氣...
程程話....知道唔洗追啦~
上o左車...都塞o左好耐車先返到屋企~
程程下個月就開始返夜...
咁就諗住搵定d歌仔...燒碟啦~
但最尾都冇燒到...
因為都夜lu~ 我亦都開始眼訓...
等埋燒碟...
跟住佢返屋企沖完涼打電話比我o既話...
我有排都未訓得...
so~ 都係遲d先燒比佢啦~
昨晚早訓o左一晚o者...
就搞到我今晚都咁早眼訓...
真死火...
程程仲話...我份工都已經咁"他條"~
都會咁累... 真奇怪...
我就答....就係因為太"他條"...太悶~
所以先會咁眼訓...唔抵得啦~
哈哈~
阿媽比程程飲o左枝雪凍o既無花果佢飲...
程程依然都係覺得咁難飲...
佢走o左之後...
我就同阿媽講...
叫佢唔好再比呢d野比程程飲~
因為佢唔鐘意飲甜o既湯水...
可能我飲慣o左...所以都唔覺得難飲...
而程程飲唔慣~ so~ 佢咪覺得唔好飲囉~~
阿哥上次入醫院...有d人送o左d雞精比佢...
不過我o地冇人會飲...
而程程由星期三開始...直到年尾....
都係返夜...咁比佢飲就最岩...
可能係會難飲過力寶健...
但係...都差唔多效用o者...
捱下義氣飲o左佢...費事哂o左d野嘛...
哈哈~
昨晚又幫老闆娘打長途電話去搵朋友...
打o左第二次先搵到...
之後...同程程因為一d事而鬧交...
雖然都只係折騰到十二點幾...
但係嬲同鬧人係一件好傷神o既事...
所以今朝起身feel到對眼仲想下垂...
証明我仲十分之眼訓呢...
今朝一早就有客黎...
人來人往咁...
曼川仲黎o左兩次~
一次拎o左份野比我o地睇~
之後我o地諗住將兩樣野mixed埋一齊...
佢就返去整多份...再拎過黎比我o地...
曼川呢一個月...都係做得一張單...
真係慘呢...-_-"
今日終於都得到d客o既e-mail回覆...
太好啦...
等我以為我d英文咁差...
人o地睇唔明...所以冇覆我tim~
原來唔係...只係人o地忙緊拍賣d野o者~
而且仲會遲d黎香港~ so good~
六點幾收工...
返到屋企樓下間百佳...
突然諗起想食蝦條...就走入去買o左包黎食啦~
哈哈~ 過下口癮先~~
返到去...未食得飯...
猛咁o係度食蝦條...
老豆宜家租o左間大舖比人...
搬番落細舖度做...
咁細舖唔夠位放咁多傢俬...
所以咪搬返屋企囉~
宜家屋企又多o左幾件古董傢俬...
唉...地方又"屈質"o左...
程程今日原本係放假o既~
但係有part-time做...
佢放工之後...
o係尖咀諗住買昨日我睇中o左o個個袋比我~
不過我阻止o左佢...
因為960蚊...
用黎買褲買衫買裙又或者買鞋....
點都會化算d~
係咪?!
哈哈~又或者等佢特價先買啦...
條友都唔知係咪昨晚激嬲我~
特登想買黎tum我...
同我講...話買份"神秘禮物"比我~
車~我一估就估中啦~
好彩佢條友做親咩都會比提示我咋~
如果唔係...我都唔能夠及時阻止佢...
今日曼川講起我份保險其中有d計劃好過時...
宜家已經唔適合買...
咁我返到屋企咪同阿媽講...
話下年轉一轉d計劃內容...
佢之後就問我程程份保險點...
問受益人係咪填我個名?
我話唔係...
佢話...乜唔係寫你名o架~ 咁咪冇d保障?!
我即刻話佢...你唔好咁幼稚啦...
基本上...我講呢句野已經係三思o左先講~
如果唔係~ 我係會話佢白痴tim~
都唔明佢咩心態...好似搵人著數咁...
師奶貪錢o既心態表露無遺...
唉...激氣~
今晚我諗我都係要早d訓...
宜家...全家人都體力透支....
老豆阿媽搬舖搬到好累...
阿哥今晚返o左香港...聽朝返完公司...
再上大陸...聽晚再落返黎香港...
唉...咁頻撲...
too bad~
隻眼都唔多撐得開...
就算唔早d訓...
我一陣都要"恰一恰"先得啦~
昨晚十一點幾...
正處於同apple & 程程玩icq...
加埋同程程傾緊電話o既時候...
我老闆娘突然打電話比我...
叫我幫佢打電話去外國間酒店...
查下佢個friend住邊間房...
咁我老闆娘唔識英文...
so~ 叫我問到個房number...
再打電話覆佢...
轉頭問完就打番比佢...
佢仲叫我教佢讀個房號o既英文...
佢話講個number出黎...
間酒店自然識同佢駁o架啦喎~
今朝返工前...
去o左百佳買o左d野同埋去o左文具店買筆....
放低d野o係舖頭...我就走去銀行撳錢...
唉...都好耐未試過洗到一張紙幣都冇o係身...
窮到"lone"呢...
今朝我o係屋企食o左粟米片做早餐~
返到公司...tony再買o左碗碗仔翅比我食~
嘻嘻~ 很豐富呢~
到六點就收工lu~
六點半就過到尖咀...
程程遲過我...所以我就去o左買飛先啦...
之後join埋一齊...
我o地就去食壽司~
好味道~ ^-^ 好飽飽呢...
食完...就去買o左包薯片同野飲...
差唔多時間入場...程程仲買o左爆谷食呢~
套"我老婆未夠秤"冇想像中咁好笑...
好睇又唔算好好睇...
d笑位唔o係主角度...
竟然o係林珊珊度...
睇完...就拿拿臨返屋企lu~
搭船搭車o個陣...o係度為份保險而鬧交...
激氣呀...
正一縮頭烏龜黎...-_-"
今晚睇中o左個袋...
估唔到要咁貴...
成960蚊...
唉...唔捨得買呢...
聽張小姐講...
話底頭對眼向上望人o既人...
童年時係缺乏愛o架喎...
哈哈...又的確講得有d道理...
好似程程咁...
佢老豆阿媽成日都係鍚哂佢家姐&細路...
真係too bad呢~
今日冇咩特別...
不過老闆娘做生意o既手法...
令我覺得好唔妥...
上一次...e-mail o左件貨張相比個客...
話諗住賣件貨比佢...
點知第二日又賣o左比第二個客...
就係咁...得罪o左個客...
個客知道o左之後...
都冇再回覆我o地o既e-mail~
唉...
今次...另一個外國客...
佢中秋節o個日覆o左我o地e-mail...
話件貨未決定要唔要住...
因為想等埋佢自己o既拍賣結果先決定...
叫我o地等多幾日...就會再答覆我...
結果...今日就以好平o既價錢賣o左比個行家...
仲要包埋証書驗費...
明明之前同個外國客傾好...如果要o既話...
會係3000蚊美金包埋証書...
宜家賺少o左...分分鐘仲得罪埋個外國客...
我都唔知佢點做生意...
咁我見賣o左比人...
都好應該寫封e-mail同人o地講and道歉...
老闆娘就話...都賣o左咯...
聽日有貨返...到時再e-mail比佢囉...
我就諗...如果個個陶俑都一樣...
人o地就唔洗買啦...
之前人o地鐘意o個個賣o左比人...
宜家搵第二個代替...
當人o地係傻o架咩...
唉...
我都唔知有咩好講...
今日六合彩有五千幾萬...
買o左張廿蚊電腦飛...
再同tony老闆娘一人夾五十蚊買o左張八個字o既飛~
今晚對o左張電腦飛...
唉...食白果...
而夾份o個張...
就未對呀...因為放o左o係公司...
諗住聽日返去先一齊對嘛~
哈哈~
下午...搭的士拎個"陶俑"比個客...
(就係上文所提及o既事件)...
拎完...就同tony行返番舖頭...
我o地一邊行...一邊o係其他行家o既門口睇...
之後...老闆娘應承o左個行家...
比佢擺兩隻"飛馬"o係我o地度寄賣...
咁我同tony咪上去拎囉...
唉...重到死...隻"飛馬"又難拎喎~
因為拎得唔好...
會整斷d腳同尾... 真係慘...
五點幾六點...
老闆娘一早走o左...
tony又走埋...
得返我一個o係度...
呢個時間...分別有兩個鬼佬入黎...
兩個都識我老闆娘...
一個仲識話國語o架tim呀~
唉...希望佢o地聽日會再黎啦~
因為佢o地一聽到我老闆娘今日唔會再返黎...
佢o地就即刻走人...
從佢o地口中...知道佢有幫我o地做開生意o架...
宜家生意唔好...
我o係呢間公司做野...
我都想做多d生意o架嘛...
程程今日做西貢...
要入電視城做野...
見到o係m-channel 唱兒歌o個條友...
好似叫李紫x...
真恐怖...咁難撞到都會撞到...
另外...仲見到"李家聲"~
即係封神榜o個個雷震子~飛天仔呀~
最後...好彩都見到個真正o既明星...
就係"陳慧珊"啦~
哈哈~
上一次程程又係入電視城o個時...
見到一個人仲搞笑呀~
估都估唔到...見到"徐錦江"~
真係夠哂頂癮呢...
呢排都有幾套戲想睇...
如:愛•回家, 我老婆未夠秤, 好心相愛...
聽日好大機會都係睇我老婆未夠秤多o架啦...
但其實我又比較想睇愛•回家多d...
不過程程費事我喊...
話去睇我老婆未夠秤好d喎~
我今日o係公司send o左封e-mail比程程~
哈哈~ 程程睇完...
一定會滴汗o者~
哈哈~
上星期o既er我都係冇睇...
上集都未睇...
我費事今晚睇o個陣...
唔知上集講過d乜啦...
所以...又係錄o左...
下星期有假放...
希望到時會抽到時間睇啦~
昨日先睇完大白鯊...
估唔到...今日上網睇新聞...
話有人釣到條鯊魚...
仲係同大白鯊同族o架tim呀~
tony同佢男友想買車~
咁前排聽講輝輝老爺想放佢部車~
點知...佢已經放o左lu~
今日程程打電話比佢o個陣...
佢原來放緊假...仲訓緊覺tim~
今朝好唔願意咁起身~
好想再訓...
不過又知道冇咩可能...-_-"
今日都冇咩野做...
都係同tony研究下英文咁...
嘻嘻哈哈...又一日lu~
六點左右就收工~
都咪話唔正~
其實天黑...就可以收工咁滯...
學校o個時都有冬令同夏令時間啦...
哈哈~ 我相信...
呢一樣野...用o係我o地身上都仲可以呢~
夜晚屋企大執~
掛o係牆好耐o個幅大畫...
終於都拎o左落黎...
到今時今日...老豆先講...
話呢幅畫其實佢唔係咁鐘意...
跟住阿媽又話...其實一拎返黎就覺得肉酸咁...
d顏色鬼五馬六咁喎...
唉...馬後炮...
唔掛都掛o左咁多年...
冇o左幅咁大o既畫o係度...
硬係覺得怪怪o地呢~~
另外仲有一幅畫...
係梅花o既畫黎o既...
又係掛o左好多年~
我老豆話...其實幅畫d梅花畫得唔好...
d梅畫到倒落黎咁...
意即"倒梅"~
d梅花下面仲寫住我老豆個名~
佢話...仲要d"倒梅"壓住自己~
意頭唔好喎...
曼川做好份保險計劃書比我~
我亦都比o左我份保險佢研究...
我諗...都係買我o個份o既機會大d...
因為儲蓄成份高d嘛...^-^
今朝拎o左相去哂...
放工返黎拎返d相...
哈哈~
去謝師宴d相冇影得咁肥...
反而中秋節d相就影得肥d~
唉...
下個月去學日文...
希望我會堅持到啦...
聽完上次阿哥講...叫我點都好...
去學下野充實自己...
於是~我決定學日文...
對於我工作方面...都有幫助呢...
放工o個陣~
打電話比程程...
唔知點解...
佢一聽電話...我就講...
"喂~"~
平時我咁講...一係有其他人o係身邊...
一係我有事要去幫我即刻做...
我先會"喂"佢...
今日o既情形有d搞笑...
很有趣~...
(你o地唔明o架啦~....)
宜家秋天o既天氣真好...
個人都冇應該冇咁燥...(我認為~)
戀愛o既感覺都會重d...
實在太好啦~ ^-^
好快又到月尾...
嘻嘻~ 出糧~出糧~出糧~ yeah~
今朝十點幾先醒...
打電話比程程叫埋佢起身~
點知佢又訓返...
激死我...
叫佢買"痴飯"比我食~
阿哥又起o左身...
於是叫佢買多舊啦...
哈哈~
昨晚講起食o左d風落肚...
我就同程程講...
今日幫佢用雞蛋"look"返d風出黎~
我其實都唔係好識...
係靠記憶黎整o架咋...
look o左幾次...
個銀都黑哂...
証明程程幾多風丫~
哈哈~
之後...諗住開大白鯊黎睇...
叫程程開啦...
點知佢條友...竟然唔識用電腦開...
又比我猛咁鬧佢...
哼~
我明明教過佢...
之前佢都識開...
佢同我講...係一時唔記得o者...
我就話...咁要比幾多時間你先會記得呀!~
唉...講多錯多咪就係佢呢d囉~
睇大白鯊...恐怖呢...
每一次睇...
都o係度諗....咁多年前...
條鯊魚都做得咁真...
利害呢...
擁一個深情的抱...
程程話...令佢好有衝動想永遠同我一齊喎~
肉麻當有趣~哈哈~
不過我係知佢認真o既...
睇完就出街lu~
行落去搭巴士...
上車前...入百佳買o左隻雞脾黎食~
野味...但唔熱氣...
好味道呢~ ^-^
我好鐘意食關節位o個舊骨...
係咁咬...
程程話...果然係狗年出世o架下...
跟住...我就扮狗叫o左兩聲...
哈哈~
今日程程個頭好"七"~
好聽d講...係斯文o左...
唔好聽就係"七"~
配埋佢今日o既市井look~
太"七"啦...-_-"
去到旺角...
食o左碗碗仔翅兩溝...
味道幾好...
之後...見到有辣魚蛋~
又買多串...
見d汁o既色水好似好辣咁...
食落口...
嘩...辣係有少少辣...
但係好野味...
完全唔洗飲水...
好正斗呢~~ ^-^
去新世紀行...
諗住買對boot~
可惜都睇唔岩...
行完...就買o左件金龍船芒果千層蛋糕食~
哈哈~ 再見到雪糕車...
又買o左杯軟雪糕食...
唉...原來肥係有原因o既....
去o左冒險樂園玩~
上次d銀未玩哂...
留返今次玩...
旺角呢間好抵玩...
好多都係一個銀就玩得...
嘻嘻~
仲比我換到個我近期新寵"扮食物o既貓貓"o既袋~
好開心呢~~ ^0^
行埋宜家傢俬...
七點左右...就去neway唱k lu~
旺角中心間neway可能新d~
所以d自助餐都好味d~
食o左好多好多野~
完全冇浪費...
每一樣都拎少少返黎...
食哂先再拎...
程程拎o左樣廁所味o既鴨腎~
猛咁話好食~
但唔知點解...我食o左一舊...
成日都仍住好似廁所味咁...
哈哈...笑到程程死~
唱到九點幾就走lu~
搭車o個陣~
我又見到個中學同學...
以前佢好男仔o架~
個頭剪到好短...
宜家佢勁長頭髮...仲做埋負離子...
勁女仔呢...
雖然好大改變~ 但我相信我冇認錯人~
今朝阿媽煲湯...
我都明知今晚返黎...
阿媽一定會留d湯比我同程程飲~
返到去...佢o地同三舅父三舅母打緊麻雀...
程程已經入o左lift~
仲特登好快咁關埋門...
結果...都比我叫返轉頭~
佢條友仔...想"質質膊~就唔覺..."~
最尾都係走唔甩...咪又係要飲~
哈哈~
丫~昨晚程程送完我返屋企~
就開始落雨...
淋到佢濕哂~可憐呢~~ -_-"
今日要返工...
唉...可憐....
好彩o既係...冇咩野做...
唔好彩o既係...間舖得我一個人...
tony冇返...老闆娘又出o左去...
搞到lunch time...
想叫外賣食o個陣~
叫開o個幾間...都因為中秋而放假...
你話係咪死火丫...-_-"
我又唔出得去買喎...
因為要等個德國客黎...
如果佢咁岩o係我出去買野食o個陣黎到...
見唔到有人而走o左o既話...
呢一個後果...我真係負責唔起...
走o左個次次黎親都買十幾廿萬野o既客...
我真係幫老闆娘打死一世工都補唔返呀~ -_-"
最後...我鎖一鎖門...
以極快o既速度去樓梯側邊o個間茶餐廳睇下有冇開門...
哈哈~ 咁岩有開門...
即刻叫o左個餐...我話轉頭黎拎...
佢話要比o左錢先...
咁我冇帶錢出黎~
又以極速返舖頭拎...
拎完去番茶餐廳比錢...又極速返舖頭...
過o左一陣...就再鎖門返茶餐廳拎d野食...
唉...個過程相當之驚險~
簡直係一步一驚心呢~~
開舖開到四點左右...
老闆娘就打電話黎叫我收舖...
個德國人始終都係冇黎到...
之後...我諗住行去中環自己一條友行街...
行行下...覺得好熱...
於是行返去老豆間舖頭...坐一陣涼下冷氣先...
跟住...阿媽同我一齊去行街...
媽咪買o左兩條恤衫比我~
我後尾o係馬莎又買o左個袋比佢...
哈哈~ 識搵錢...咪禮尚往來一下囉~
行到五點左右...媽咪就走lu~
我咪自己一條友繼續行囉~
程程成七點先收工嘛...
周圍漫無目的咁行...
o係美芝見到個袋幾型...
都幾想買...
後尾諗起自己宜家返工...
唔係咁適合咩呢類袋...
so~ 冇買到...
又見到條連身裙....
不過二百幾蚊...o係個d地方...
好似唔多值咁...
又冇買到...
哈哈~
程程o係呢個時間就打電話黎...
話要七點半先收得工...好多野做咁話喎~
唉...
好辛苦咁...行到冇地方可以行...
連書店都話要收工...
咁我咪去o左哈迪斯食o左個餐囉...
食完...坐o左陣...
兜黎兜去...諗住六點九...
開始搭車去長沙灣都差唔多啦~
去到長沙灣...
坐o左成半個鐘有多...
估唔到去長沙灣會咁快...
七點半打比我...
叫我不如自己搭的士去佢屋企先...
因為佢有件貨漏o左收...
宜家要去收返...
咁我就發佢脾氣...
話"我坐o係度等你咁耐...
你叫我宜家自己搭的士去你屋企先~!?
我唔理呀...我一定要等到你黎為止"~
之後我就cut佢線...
過o左一陣...打番電話比佢...
佢已經行緊過黎地鐵站啦喎....
哼~ 如果唔係我咁講...
佢實自己走去收返件貨...
宜家佢叫o左瘦joe幫佢...
瘦joe都知咩事啦...
見到佢個樣咁愁...
都知道係因為我咋型啦...
佢黎到...我都冇乜鬧佢...
算係比面佢啦...
平時....邊會鬧咁小~
行去搭的士...抬頭見到個月亮...
講o左一句~ 個月亮好圓呀~
程程就答我...緊係啦~ 今日八月十五...
緊係圓啦...
就係咁...呢一眼...
係我今年唯一一眼見過o既中秋月亮啦~
跟住唔知做乜...
其他地方都冇見到月亮出現lu~
程程就好似呃小朋友咁同我講...
月亮可能食緊飯...唔得閒出黎呢~
哈哈~
經過一日辛勞咁工作~
程程成個人都好臭...
too bad~
搭的士返到屋企...就即刻鐘沖涼...
食完飯...九點幾...就拿拿臨出去lu~
佢屋企人知道我o地諗住上山頂...
猛咁話多人...上去都唔知有乜為....
我個心就諗...車~又唔係你o地上...
係我o地上咋嘛...
唉...既然佢o地咁講...
我就改變o左主意...
去o左尖咀海旁...
車~ 都冇野睇o既...
d花燈完全覺得冇咩特別...
too bad~
香港d人唔知係咪無聊得滯~
竟然o係海旁地下打麻雀....
冇病呀嘛~ ?!
o係屋企自自在在打唔好...
o係出面咁多人o既地方打麻雀...
都唔知咩心態黎...
後尾...我o地都係決定上山頂...
搭船去返中環...
再搭巴士上去... 架車勁多人...
好彩都有位座呢~~ ^-^
上面有d攤位...
其中一個係玩夾波子~
有個西人行埋去玩...
即刻有好多人圍觀...
我唔夠人高...
所以完全睇唔到佢夾到幾多粒~
哈哈~
咁就算係夾到一粒都已經好叻o架啦~
因為外國人始終連筷子都唔識"渣"嘛~
另外~ 有幾個細路玩...
玩完...夾到幾多粒就可以揀唔同o既獎品~
有個o靚仔勁串...
o係度話...d禮物咁舊o架~
哈哈~ 搞到個工作人員唔知點好...
講開小朋友~
今日下午o係我o地舖頭出面...
成班小朋友o係度玩...
玩玩下...幾個人唔侵其中一個玩~
o係度你串我...我串你~
搞到比人杯葛o個個小朋友o係度喊...
唉...睇到佢o地d你串我...我串你o既情形~
我真係想"扯"佢o地幾巴...
咁細個就咁囂張...
如果我第時o既仔女係咁...
我一定打死佢o地...
我最憎冇家教o既人o架啦~
講返山頂...
有個攤位係整"手蠟"~
即係將隻手浸落d蠟度...
再套返出黎...
整成自己獨有o既"手型蠟"~
其實呢樣野已經有o左好耐~
不過...都仲有好多人圍觀...
好幾次都想同程程整返隻...
今晚都想整o架~
但太多人睇住...
就唔係幾好意思整lu....
山頂廣場入面有d遊戲玩...
坐o係張椅度...
入個五蚊銀入去...
再撳掣...
之後就會顯示你宜家o既狀態啦...
我就唔敢玩啦~
因為有d字眼都幾恐怖...
而顯示出黎o個度...係會比人睇到o架~
咁呢d咁大膽o既玩意...緊係唔岩我啦~
叫o左程程玩...
佢顯示出黎o既結果...就係...
"令人愛慕"....
唉...都算係正常...
一心為心...
上山頂...最大o既目的...
係上去蠟像館睇碧咸...
點知已經關o左門~
等我仲以為今日會特別開夜d tim~~
我o地好似大陸人咁...
係又影相...唔係又影...
真搞笑...
山頂咪有一間餐廳...
好似一間屋仔咁o既...
好有情調...好浪漫咁...
程程猛咁o係度睇...
話一生人點都要豪一次...
點都會黎食番餐喎~
十二點幾...
我o地就搭van仔落返山..
以為天星碼頭o個陣仲有van仔返屋企啦~
點知...又係乜車都冇...
咁我o地就搭的士返屋企lu~
唉...上車o個陣~
都幾唔好意思o架~
因為d司機咁辛苦o係度排隊等客...
而我只係去d咁近o既地方...
廿蚊落車...
好可憐呢...
不過實在冇辦法~
除o左的士真係冇其他車嘛~
衰d都要做一次o架啦...
好累好累...
訓覺先啦~....
補返句...中秋節快樂~ ^-^
我的天呀~!
聽日冇得放假...-_-"
因為有個德國人黎o左香港...
佢次次黎親...都會幫我o地買好多野...
所以...老闆娘聽日都要我返工...
too bad~
佢話遲d會補返假比我...
到新年o個時可以一次過放哂咁話喎...
不過聽日會早收工...
都好過冇啦~
起碼唔洗趕頭趕命丫嘛...
聽晚要去程程屋企度食飯呢~ ^-^
今朝未夠鐘返工...
我見有時間...就o係度拎d六合彩飛出黎劃號碼...
哈哈~ 今次我專攻連number...
(冷笑...)結果...
我八條飛...
夾埋都係中o左一個半字...
真激氣...
原來今日先發現...
tony同埋老闆娘都係同程程一個鄉下o架...~
老闆娘同tony成日都講客家話...
我又唔知佢o地講乜...
哈哈~ 講我壞話我都唔知呢~~
今朝買o左份報紙返公司睇~
不過只係睇過港聞版...
其他都冇郁過...
丫~ 唔係...仲有郁過份馬經...
哈哈~ 係用黎舖"台"食飯...
老豆今日拎o左我份保單返黎~
係我呢佢拎o既~
因為程程想買我o個份保險o既計畫內容丫嘛...
咁咪諗住拎比佢睇囉~
另外~仲叫o左曼川(tony個friend~做保險o既~)...
擬訂一份計劃書比程程睇睇...
咁曼川岩岩做保險無幾耐...
女細老婆嫩...
如果幫佢買都係件好事黎o既...
慘啦...
今日食o左尋日買o既餅...
可能太熱氣啦...
搞到...喉嚨有d痛...
死火...要飲返多d水先得啦~
聽日中秋節...
食完飯或者會上山頂...
嘻嘻~ 如果蠟像館未關門...
幾大都要入去睇下碧咸個蠟像~
仲要記得帶埋相機入去影相先得~ ^-^
唉...一諗起聽日要返工真unhappy....
仲以為可以訓晏d tim......
唉~
呢一排我都好興發夢...
晚晚都發咁滯...
令到我精神上感到十分疲累...
唔知點算好呢~?!
昨晚發o左一個夢...
係講阿哥中o左六合彩...
而且仲係o係我返工附近...
水坑口街o個間馬會度買tim o架~
哈哈~ 等我聽日去o個度買返張六合彩先~
中秋節金多寶喎~
點都要捧下場o既...^-^
老闆娘聽到我同tony講...
佢又即刻寫o左兩條七個字o既六合彩...
叫tony幫佢買...
哈哈~~
昨晚同程程講完電話...
都成十二點...
已經打哂呵欠...
但訓o左落床...
又冇乜睡意咁...
真奇怪~
於是我就打返電話比程程啦~
點知佢條友仔...
話咁快已經訓著o左...
見佢咁神智不清...
我都冇再勉強佢同我傾lu~
昨晚...阿哥好夜先o係大陸落黎~
原來係佢老闆臨時叫佢整d野...
搞到佢要夜"麻麻"都要趕落黎...
而佢做呢一樣野...需要我幫手...
就係準備d塑膠彩比佢...
好彩之前上堂...我怕上堂畫唔切...
自己買o左一盒o係屋企o者...
如果唔係...
睇怕阿哥今朝就要一早等d舖頭開門先有得買lu...-_-"
先頭...佢叫我試比佢睇...
不過我等等下...佢都未返黎~
等到我頂唔順...
我就自己畫o左d試比佢睇...
再o係張紙度寫低d秘訣...
之後我就訓先lu~
今朝知道佢好夜先返黎~
而佢晨咁早...(我起身已經走o左~)
就趕返上大陸...
搞到阿哥咁頻撲...
個老闆真係虛偽呀~
因為之前佢仲問阿哥咁快返上去做野有冇問題~
話如果佢o係上面有乜事...
好麻煩...
懶係關心咁...
宜家又要佢咁頻撲...
有咩事咁點先~?!
今日老闆娘病病o地...
大部分時間都係得我同tony o係度~
佢返o左屋企休息...
而昨日冇黎到o個個日本人...
今日終於都黎o左...
原來有d事要做...所以昨日佢就冇黎到啦~
可惜...今日佢都係冇買到件貨...
佢話返去再諗下先喎~
佢有好多朋友o係香港...
佢考慮過...決定買o個時...
會叫朋友黎拎...
另外一個熟客...(昨日提過o既呢~)
佢又係有事做...
幫我o地買o左隻吉州碗...做o左五千蚊生意~
都好過冇啦~ ^-^
五點左右...先有箱貨運到~ v_v
拆好哂大部分咁滯...
老闆娘先打黎叫我o地唔好拆住...
留返聽日先拆喎...
不過我o地只係剩返少少...
都算好快手快腳o架啦~ ^-^
六點幾收工~
拿拿臨去尖咀join程程~
臨急臨忙...
都諗起程程鐘意食皇后餅店出品o既曲奇餅~
咪走去買包比佢囉~ ^-^
之後去o左食野LU...
今日我幾白痴呀~
明知程程會送我返屋企...
我都拎埋盒月餅返工...
到頭來...咪又係白拎...
o係city super又買d火雞肉片...
再o係零食物語買o左包餅帶返公司食...
包餅真係好好味o架~ ...
上次tony買過返公司食之後...
我一直都念念不忘呢~~
搭船船返屋企...
o係架船度...我食o左佢帶比我o既豆沙包~
的確係好味道呢~ ^-^
食緊野o個陣~
阿媽已經打黎...
叫程程送我返黎o個時記得入黎飲湯...
哈哈~
走唔甩~~
仲有...阿媽同我講...大舖應該租得出~
估唔到登o左兩日報紙話出租...
咁細格...都會有人睇到...
都會有咁多人打電話黎問...
哈哈~ 租得成就好lu~
正式要搬返落細舖...
咁第時返工...同老豆o既距離咪好近...
哈哈~
程程stay o左一陣~
到九點九左右就走lu~
比我趕佢走...
因為我要睇電視嘛...
睇無線真係好衰...
成日鬧d劇情老套...但係都要睇...
我咪就係其中一個囉~唉~
下午...我同tony o係度填fedex張換禮品紙...
因為公司成日寄貨...
一蚊當一分...
我o地上一季有成萬幾分~
我o地可以換到好多野呢~ ^-^
換o左四把傘...白色同紫色各兩把~
兩架車仔~
十張麥記coupon...
一張sogo coupon...
真利害...
傳說中...fedex d傘好靚..
連程程都話想要一把...
咁如果換到返黎...
冇人反對...我都可以比一把佢o既~
程程話...如果真係咁...
佢拎住fedex把傘返工都幾型...
話哂死對頭丫嘛~
哈哈~
昨晚程程o係度講...
佢公司要佢o地戴埋腰封開工...
以後條腰封會係制服o既一部分...
唔戴唔得...
仲要係戴係件衫出面...
雖然我仲未見到真實o既情況係點...
但都可以想像到有幾肉酸...-_-"
不過~佢公司咁做...的確係大條道理o既...
因為做佢o地呢一行...成日要搬野...
好易整傷條腰...
搞到佢o地成日都工傷...
對於公司黎講...緊係冇著數啦~
所以未雨綢繆...
做好哂保護條腰o既措施...
咁咪冇咁易整傷...
冇咁易整傷...
就冇人工傷啦~哈哈~
丫~仲有一樣野...
對於一d肥人黎講...
戴住腰封都仲有一個好處...
就係可以纖腰...
哈哈~岩哂某人呢~~
昨晚冇睇到er...
只係錄o左...
不過唔知幾時會抽到時間去睇返盒帶呢...
昨晚睇新聞...講金字塔o既野~
真係好神奇...
個金字塔究竟係點起o既呢...?!
咁耐都仲未有人解開呢個謎...
所以話...呢個世界真係好多好奇妙o既野~
我諗人類要進步...
就係要靠不斷去解開呢d謎...
而以前d人都起到...
但以宜家o既技術都起唔返...
係人類退步o左呢~?!
前幾日...tony講佢食完d熱氣野...
夜晚就發夢啦...
我聽完之後覺得好奇怪~
點解食完熱氣野...個人會發夢o既呢...?!
佢話真係有影響o架喎...
個人燥...就會發夢...
下...咁我咪好燥囉~
我成鬼日都發夢...
跟住昨晚同程程講起...
程程就"尾尾道來"佢發夢o既野...
哈哈~ 我真係好少聽佢講佢會發夢...
原來...佢發埋d咁"英雄"o既夢...
救人捉賊咁...
滴汗~._.!!
笑到我死...
之後...我又笑佢o既致命傷...
佢o既致命傷係乜~?!
哈哈~ 我同佢都心照o架啦~
嘻嘻~~ ^o^
tony前幾日...又講o左d恐怖野比我聽~
話梅洲d月餅上年一個都賣唔出~...
梅洲...咪即係程程個鄉下~
程程出年四月...佢老豆逼佢拎大假返鄉下...
我聽完tony講之後...
就叫佢咩都唔洗帶返黎比我呢~ -_-"
尤其是係土產o既野食...
講番正題...點解d月餅會一個都賣唔出o既呢~?!
係因為做月餅o個間廠o既隔離...
有一間幫過世o既人焚化o既地方...
咁人經過焚化之後...都會有"油"~
o係做月餅o既期間...發現唔見o左四筒人油...
即係話...d人油比間月餅廠拎o左黎整月餅...
真係咪話唔恐怖~ v_v
今日tony冇返黎~
佢有d事做...
得我一個人o係度悶...
好彩老闆娘唔係成日stay o係度o者...
如果唔係...對住佢都幾慘...
先頭有個日本行家黎...
睇到件銅器都好鐘意~
開價十二萬...
佢話下午再黎過睇...
見佢咁鐘意...我o地心諗...
睇怕都做得成生意...
點知...等到收工佢都冇黎~
too bad~
昨日有一個熟客又係咁...
問好哂價...話返去諗諗...今日再黎..
咪又係冇黎到~
唉....
六點左右...收到個電話...
叫我去check d 野~
不過要等我請到假...先可以去check o架~
六點半...就收工lu~
返到屋企...
老豆阿媽還神...
諗住冇咁早開飯~
我咪打電話去網上行問下點解要交五百幾蚊咁多錢囉~
點知打去...係咁叫我等...
等o左不知幾耐...
我已經一邊食住飯~一邊等...
我連飯都食完...
都仲等緊佢check d資料話番比我知~
唉...終於...都知道點解要收咁多錢...
今個月就搞清楚...
反而宜家o係度諗...
噫~ 上個月都要交四百幾喎...
但宜家打去...佢已經收哂工...
等我聽日再打去問先~
其實d費用係阿哥比錢~
佢今日收到e-mail o既單...
知道要收五百幾...上個月又要四百幾~
今次我o地轉呢個3m~ 兩個月比佢搞一搞~
就要成千蚊...
有冇搞錯...
又話平均差唔多二百蚊月費...
宜家咁計...點止呀?!!
呃錢o架~
落o左咁多日雨...
終於都好天啦~
哈哈~ 不過都唔洗咁曬o架嘛~
放工o個陣~ 行上樓梯街...
差一兩段就行到上頂...
點知...發現d狗勁吠...
打交...
我即刻有d衝動想落返去...兜路行or搭的士呀~
好彩...過o左一陣就冇事...
d狗平伏返落黎...
趴o左o係度...
但我行過o個陣...
都避到最遠咁行...
宜家已經冇咁驚狗o架啦~
大個o左嘛...
以前就誇張囉~
避狗避到出馬路...
差d比車車親...
勁比我老豆鬧我...
聽日約o左程程...
一手交盒月餅...一手交一個豆沙包~
哈哈~ 計落我真係唔著數喎~
丫~ 想dl "記得忘記"~
dl o左幾廿次...
都唔得...
一係dl o左落黎...開出黎聽...
竟然係第二首英文歌...
一係得好短o既版本~
too bad~
有冇人有呢首歌呀~
send比我丫...
即係再生緣林峰唱o既插曲呀~
記住啦~ 哈哈~
真係唔落最大雨o個陣...
都唔拉閘關門...
搞到濕哂身...
後尾行返屋企...
條褲濕到上膝頭...
洗唔洗大雨大成咁呀?!
今日都冇咩特別野做...
下午教o左老闆娘一陣上網o既野...
又教o左tony d d英文~
後尾發現自己對大數目o既英文價錢唔多識...
搞o左一大輪...終於都搞返清楚~
哈哈~
benny係一個外國人黎o既~
佢次次黎親...都話教tony英文...
佢今日咁岩黎o左...
我就問佢375000英文點講...
佢話three hundred seventy-five thousand...
之後我識o左...佢就考我375375點講...
哈哈~ 夠哂"q"口呢~
three hundred seventy-five thousand
three hundred and seventy-five
有時...都幾憎玩icq~
遇著d白痴...或者係歧視人o既人...
我就特別憎...
講多句都哂氣...
寧願熄o左唔玩好過...
第時老闆娘叫我影相...
我都唔好影...
影o左出黎話唔靚喎~
哼~ 佢部死人傻瓜機...
邊影得出好相...
個鏡頭入面個框又唔岩位...
影相要睇下影黎有咩用途...
好似影貨咁...
就應該預留一d空間黎影...
等個客睇o個時會舒服d...有d空間感嘛~
我老闆娘都唔睇下佢自己影o個d相...
差到不得了...
我都實在冇野好講...
總之佢自己影得差就好好o地~
我影得唔好...就話我...
我就覺得...我影o個d相根本一d問題都冇~
又清楚又乾淨利落...
有時真係同佢講都哂氣...
佢話唔好咪唔好囉...
下次唔洗我影仲好...
返到屋企打電話比我...
乜唔係返到屋企就打電話比我o既意思咩~?
乜沖完涼食完飯先打比我...
o個d係叫做返到屋企打電話比我咩~?
最憎就係咁...
今日都有幾多不滿...
唔好再講咁多無畏野惹我...
今晚開六合彩...
中獎緊係冇我份啦...
唉......
等我今日冒住大雨都特登走去買tim...
唔知係因為連日落雨...
定係天氣真係凍o左...
開水喉d水出黎~
好涼浸浸~ 好舒服呢...
真係面都想洗多幾次~
哈哈~~
今朝一返到去...
噫~ 點解舖頭d燈同冷氣都著哂o既~?!
開門入去...又見唔到有人~
以為老闆娘星期六o個日唔記得熄tim~
因為星期六我同tony走先~
佢話佢自己遲d先走...
我放低個袋~
鎖返門...跟住去銀行過數...
過o左一陣~
老闆娘就返o左黎~
原來佢今朝一早返o左黎lu~
唔怪得之咁樣啦~
嚇得我丫~
昨日阿哥叫我幫佢去寄小包裹~
我湊住哂完相...去拎相o個陣~
順便去郵局幫佢寄...
哈哈~
比我發現出o左新郵票~
好有手感feel o架~
上面印o左d"粒突"膠...
買o左兩個郵票~
後尾返到去~tony都想買比佢個妹~
咁我見冇野做~
到四點幾就去郵局再買...
點知...佢話1.4 買哂~
佢話想買都得o既~
買小全張啦~
哈哈~ 咁咪仲好...^-^
結果我自己又買o左套...
yeah~
下午都冇咩野做~
老闆娘出o左去...
之後都冇返黎...
我同tony 都o係度睇下雜誌同報紙咁...
f.4十一月黎香港開演唱會...
好期待呢~
如果有得睇...就更加好啦~
哈哈~
南京o個單大毒殺~ 真係好恐怖呢~
都唔知有咩咁大仇口...
就算係...都唔應該累咁多無辜o既人丫嘛~
v_v
另一單...就係有人將d寵物整成標本...
本身都唔出奇...好耐以前都有人咁整...
但我就唔知道個步驟係點...
宜家知道o左...覺得有d恐怖~
被訪者講...話d人通常見番隻寵物o既標本...
都會第一時間喊...
我就諗...緊係喊啦...
嚇到喊嘛~
我覺得...做標本好殘忍...
既然咁愛鍚自己o既寵物~
佢死後就唔應該再折磨佢...
慘慘呢~~v_v
何嘉利以前做明星反而冇乜上頭條封面咁...
宜家退出...先有得做頭條...
真係...唉~~ 可憐~
宜家個天都唔知做乜...
不停咁落雨...
條街都冇人行...
莫講話做生意丫~
人影都冇隻....
再係咁落去...就慘lu~
不過落雨...就名正言順咁早d收工~
哈哈~ 咪就係有呢一樣好處囉~
嘻嘻~~ ^-^
放o左工~ 本來諗住搭的士返屋企樓下剪染頭髮o既~
但係...後尾都冇咁做到...
只係行樓梯街返屋企~
到八點半左右先搞掂哂...
頭染紅色...唔係好掂...
頭頂好似啡金色咁...
剪o左d d頭髮...
吹就吹到好直好靚...
但過o左一陣~
好似好"七"咁...
因為叫o左剪碎...
宜家變到"齊齊"o地咁...
有d"leung"呢~ v_v
不過算啦...
呢間髮型屋都開o左o係我屋企樓下好耐~
近來知道要革新...
特登印o左d宣傳單派信箱...
我就係睇o左呢張野...而去剪...
你o地話丫~ 宣傳幾重要...
仲有呀~ 我阿媽今朝已經做o左白老鼠~
又係去剪同染...
佢話ok我先去o架咋~哈哈~
仲有仲有...有一樣野我好欣賞...
就係...佢o地洗頭o個張椅...勁正~
以前去親洗頭...
條頸都會好累...凌空咁...
但呢間好正...託得個頭好舒服呢~~ ^-^
幫我剪頭髮o個個人同我講~
話我下次去整負離子...計我700~
以我咁o既長度...佢話唔只呢個價錢o架喎~
哈哈~ 等我考慮下先~
考慮得黎...都岩時間整lu~
因為我宜家染o左髮...
起碼都要兩三個星期先整得負離子~
今晚阿媽去o左飲~
阿哥又出o左去~
我見咁o既情況~
屋企又冇飯食~
咁咪係去剪頭髮o既好時機囉~
哈哈~
阿爸阿媽今朝兩個都去睇醫生~
一個咳~ 一個喉嚨痛~
真係唔掂呢~ v_v
志蓮搵人送o左兩大盒禮盒月餅黎~
好有誠意咁...
一盒有成12個...
兩盒即係有24個...
有排食呢~~ -_-"
下午我叫o左fedex黎收貨...
哈哈~黎收貨o既速遞員都幾靚仔下~
仲同我o地傾o左陣計...
教我o地第時點填資料會好d...
哈哈~ 程程一定唔會咁啦...
人o地問多兩句...實叫人o地打去hotline o者~
哈哈~
星期六買去程程屋企做節o個盒豆沙包...
到o左今日...只係兩日時間...
就已經清哂...利害呢~
好彩...一早叫程程keep起一個比我食o者~
如果唔係~渣都冇埋~ -_-"
昨晚我沖完涼打電話比佢~
佢只係猛o係度話凍~
我都冇理佢...之後收線...
跟住...成晚電話都冇響過~
哼~!
今朝~ 我打電話比佢~
佢起身之後...都完全冇意識過黎~
我再打電話比佢問佢做咩~?
佢答我佢睇緊報紙...真係比佢吹脹...
咁我同佢講~ 你冇諗住過黎tum返我o架啦~?
之後我cut o左佢線...
佢猛咁打番電話比我~
結果...佢留o左言比我...
話佢即刻過黎~
我聽完之後~ 我就去沖涼啦~
點知沖完涼...我打電話比佢睇下佢o係邊啦...
佢話佢仲o係廁所整緊頭...
下...我沖涼沖o左半個鐘...
仲話叫"即刻"過黎~?!
仲夠膽話比我聽佢o係屋企未出門口...
激鬼氣...我好惡咁同佢講...
比三個字時間你過黎...黎唔到以後唔好黎~
哈~佢真係黎到...
緊係啦~ 搭的士丫嘛~
我先頭起身o個陣同阿媽講...
程程過到黎都唔好開門比佢...
跟住...阿媽就o係度講道理...
叫我唔好成日咁惡...
唉...
媽咪煮埋野比我o地食~
食完...睇埋mib...
就開始覺得肚餓...
真奇怪...
好明顯...碗米線有d問題...
如果唔係...點會咁岩我同程程都咁肚餓先得o架~?!
我仲誇張...
成日個肚都覺得好空虛...
個肚好硬...明明係飽...
但都仲係覺得好肚餓...
後尾...買o左個手卷食...
食o左大半...終於都飽到上心口...
不過...咁樣又唔代表我覺得飽...
實在很苦惱呢...
總結我今日食過o既野...
係有...米線一碗, 餅乾朱古力一包,
kfc雞翼~ 麥記餐...一大碗麵~ 手卷等...
今日所食o既野...夠平時食幾日呢...v_v
食量實在太驚人啦~~
去o左太古城行~ 玩o左陣冒險樂園~
除o左食野同換o左100蚊冒險樂園o既銀黎玩之外~
都冇買野...
行到六點左右~...
我o地就去返銅鑼灣energy唱k~
今晚程程就慘囉~
做o左我o既人肉咪架...
"第"咪"第"到佢手軟..
終於...o係呢個時候...
我feel到自己好飽...
嘔返好多氣出黎...
比較舒服d~
唱到九點左右~
就返屋企lu~
媽咪預o左湯比我o地飲~
程程飲完...拎埋佢d衫就走lu~
呢幾日...精神上都受到折磨~
好期待下星期六o既來臨~
因為有得放假嘛~
哈哈~ 到時就可以好好咁休息啦~ ^-^
今日睇報紙~
見到一篇報導...
係講"渴望食朱古力是患上抑鬱症的病徵...
睇完覺得有兩個friend都好唔妥~
抑鬱症o既病徵...我個friend好吻合~
希望佢唔係抑鬱症啦~
前日有friend send o左d野比我睇~
睇完之後真係嚇一嚇...
係一班男仔o係度扮cookies o既心急人上mtv~
夠哂頂癮...
笑死人呢~~
聽日又要返工~
放假o既時間真係快過啦~
唉~~
今朝返工...
一早就o係度拆貨...
總之都幾忙下...
拆完貨...有d爛o左...
tony就修補返...
跟住我就影相...
搞完一大輪...又要send e-mail比d客~
又去人o地d古董網站度睇下咁...
終於...六點半左右先收工~
點知...程程仲未黎到...
哼~ 又比我鬧...
你o地話丫~
佢放假...冇野做o係屋企...
都可以遲出門口...
你話塞車我冇野好講丫~
但佢只係因為遲o左入廁所整頭髮~
搞呢搞撈...
真係鬧少d都唔得~
結果...成條街d人都聽到我鬧佢....
返到屋企...好利害地...
我黑哂口面...
我阿媽就話...唔洗問啦~
緊係話人o地遲o左...先會咁嬲...
我答~係喎~
佢就話...我都生得你出~唔通唔你"籠"野~
o係成家人o既帶動下...
當然好快將件事擺平...
食完飯~ 我o地即刻去o左銅鑼灣~
諗住去阿yam度剪頭髮...
點知...佢冇開門...
應該係執o左都未定...
唉...
冇得剪...
去o左time square行~
行完...再去利舞台o個邊行~
哈哈~ o係無印買o左盒胭脂~
d顏色不錯~
嘻嘻~~ ^-^
買o左件長袖衫~
好似買得唔合時咁tim~
再去sogo下面買野比程程屋企做節~
我就唔多鐘意買中國feel o既野o既~
而屋企都係崇尚日本feel o既野食~
so~ 我買o左佢合家都鐘意食o既日本豆沙包...
十五個...百六蚊~
哈哈~ 同盒月餅o既價錢差唔多~
仲有呀~ 豆沙包應該冇月餅咁肥o掛~
哈哈~
本來都好好o地...
點知...就係因為程程聽完我講野唔應我~
反而去聽d唔識o既人o係度講"收皮"~
激到我嬲嬲o地...
就鬧分手...
之後...仲引發極之多o既問題出黎~
嬲到我入樓下大閘...好大力咁推佢出去...
仲講o左聲"死開"~
入到大堂...個管理員and所有人都望住我...
我當冇事發生...
咩呀?!未見過人鬧人同發脾氣呀?
我真係好辛苦...
我話分手...佢竟然都冇野同我講...
只係不停咁講住三句說話...
就係...對唔住~
你唔好嬲啦~
我知錯啦~
唉...平時o係電話度...佢唔識tum我~
我都算啦...幫佢諗個藉口...
話佢見到我o個時...佢唔會咁...
點知...見到我...佢咪又係乜都做唔到~~
真係好心淡.......
昨晚程程o係咁唱~"一無所有"~
點解?
因為佢昨日做part time o既錢...
比我買下買下野...
已經冇哂...
佢於是就唱起..."一無所有"呢隻歌啦...
今朝都係如常咁返工~
tony帶o左好多野返黎食...
猛咁o係度叫我食先食main point嘛~
個問題係...d野又幾好食咁...
唉...又忍唔到口啦~ v_v
今日老闆娘都係冇返到黎~
好彩...做到2200蚊生意....
但下午tony個friend黎~
傾開計...
話老闆娘遲d話唔做喎~
我聽完都有d擔心...
不過tony話...老闆娘唔做...
會比佢做...
唉...仲有...叫我其實唔洗擔心~
老闆娘都係講下o既o者....
tony個friend係做保險o既~
了解o左好多野~
我真係想叫程程幫佢買~
但係...
最慘程程份保險係幫佢老豆個老友買o既~
所以...如果唔幫佢買...
會搞到唔係幾好意思咁...
不過諗深一層...
每月供九百幾...而我都係供七百幾~
我兩年後有二千幾蚊美金拎返...
而佢都係得幾百蚊美金拎返...
差咁遠...
買黎都唔知做乜...
擺明蝕o既o者...
以程程怕事同埋多一事不如小一事o既性格~
都幾難勸得佢掂...
除非我出殺手"簡"啦~
今日下午我o地食麵~
好味道~
十蚊碗...十分之抵食~ ^-^
六點左右就收工~
返到屋企冇幾耐就食飯lu~
肚痛o左幾次~
可憐...但係...其實都唔錯丫~
哈哈~
拆開個五仁月餅黎試下~
嘩~ 實在太太太難食啦~ v_v
比我想像中仲難食o個下先頂癮嘛~
兩套劇集都大結局...
好唔好睇就見仁見智啦....
不過烈火雄心就比較touch d~
估唔到紀德會死o左...-_-"
帶o左隻"新紮師妹"返公司睇~
睇o左一陣...
個日本人黎幫我o地買野~
之後包好哂...
我就o係度執單...同埋分好d類別~
都冇再睇lu~
我最憎程程唔記得我o地發生o既野~
比我罰佢抄日記...
嘿~~!!
仲有...最憎佢食完藥眼訓...
同我傾完先再食唔得o既~?!
麻煩~
昨晚阿yan講...阿wing去o左佢間公司度做~
咁都幾好丫~
冇咁悶...
另外知道APPLE爸爸o既靈位終於都安放好~
了o左apple一件心事...
亦都係好事黎~ ^-^
昨晚...係十分之極之唔開心o既一晚...
眼淚係咁流出黎...
真係名副其實o既"喊濕枕頭"~ -_-"
後尾...係就係冇事...
但係...今日下午得我一個人...
諗番起o既時候, 我依然喊o左出黎...
今日tony同老闆娘都冇返~
得返我一個人...
所以都好無聊下...
上網打o左封e-mail比程程...
一邊打...一邊諗番起昨晚d野~
就忍唔住喊...
但費事有人入黎睇到...
我深呼吸咁令自己平伏返...
之後我打電話比athena傾計...
原本今晚係出黎食飯o既~
但係我太累...冇咩精神...
所以遲d先再約過...
傾傾下~都傾o左一個鐘左右~
兩個都o係度勁講減肥野~
傾完...心情真係好好多...
今日差唔多冇人入過黎咁滯...
悶到我有d眼訓...
結果我開返自己個icq86888894黎玩~
我都唔知幾耐冇add過新人...
但得叫我平時人緣唔好咩~
我本身icq list上面d人...
都冇叫我...
咁我個list冇人...咪add返d新人黎傾囉~
唉...d新人有d無聊~
不過鬼叫我悶咩~
敷衍咁玩下囉~~
阿傑係唯一一個叫我...係我之前識落o既人...
可惜咁岩有電話打黎~
我唔小心close o左icq~
而我又未add返佢...
於是~ 我又同佢失o左聯絡啦...
想search佢都search唔到~
因為我唔記得佢個nickname~
我o係屋企個icq...rename o左佢做阿傑...
根本對佢個nickname十分模糊~
諗極都諗唔返...
too bad~~
六點左右...就收工~
好辛苦咁...一個人拉度大閘落黎~
好彩今日冇意外咋~
前兩日...度大閘拉落黎o個時~
都有野"click"住o左...
要好辛苦先拉到落黎~
今日好順利就搞掂~
哈哈~
六點半左右已經去到銅鑼灣~
程程就早我一班車~
算佢好彩...冇遲到...
程程今日有part time做~
做到五點左右~
o係大圍搭車去佐敦...
行去尖咀幫我買六合彩同幫tony買袋...
再去銅鑼灣...
本來都冇諗住出黎~
但經過昨晚...似乎今日見一見會好一d~
仲有...順便係時候要買月餅返屋企...
今日o係舖頭用計數機...
將d數字加減乘除...
然後得出一組數字...
再將呢d數字買六合彩~
雖然...都係冇中到~
但心血來潮...48比我計出幾次~
結果真係有開48~
我決定將呢條飛...下次再買~
我相信總會有一次中o既~
哈哈~~
去city super食野~
ok好味...
特登叫個少份量d...而且又平d o既野黎食~
等自己冇咁飽~嘻嘻~~
之後去o左supermarket入面買火雞肉...
講o左好多次會買d新野返屋企試...
費事成日食早餐都係火腿夾麵包啦~
有得試食...咁試過幾好食~
咁咪買囉~
再買埋老豆鐘意食o既五仁月餅...
聽個名都知道係"齋"野黎~
唔方好食~
但佢話鐘意食喎~
咪買比佢食囉~~
見到有九蚊盒o既貓貓買...
諗住碰下運氣...
睇下會唔會買到特別版粉紅色o既糖糖~
點知...真係買到粉紅色o既糖糖~
仲鬼咁開心...
諗住比大隻囡囡tim...
返到屋企...發現...原來本身o個隻...
都係粉紅色特別版...
平時對住都冇留意到tim~~-_-"
即係話...我宜家係冇正常版o既糖糖~
反而有兩隻特別版o既糖糖~
too bad~~
出返time square...
都係七點半...
上o左sasa買野~
又買o左d新野返屋企玩~
利害呢~~~
之後行多一陣...
未夠九點已經返到屋企lu~
哈哈~要睇烈火雄心嘛~
一邊睇~一邊幫tony個袋條帶車短...
唔知做乜...部機有d怪~
最後支針仲搞到"咬柴"~
好彩我屋企有後備衣車針o者~^-^
今晚老豆發燒...
呢一個星期...佢都因為唔同o既病而睇醫生~
已經睇o左三次啦...
希望佢快d好返啦~~
911~
話咁快就一年...
今日八號風球...
所以有得早收工~
哈哈~
朝早返公司之前去o左文具店買o左本簿仔~
諗住用黎抄電話...
既然我老闆娘唔鐘意印出黎~
睇怕...佢都係鐘意抄o係本簿仔度o架啦~
因為佢話第時有新o既電話要加落去...
咁咪又要再印過囉~
咁張紙又過o左膠~
咪好麻煩囉...
so~ 我揀o左本簿仔...
點知返到去~ tony見我o係度開始抄...
佢就話老闆娘(即佢姑姐)~
唔鐘意抄o係d咁細本o既簿仔度~
叫我唔好抄...
由得佢先...
咁我就將本簿仔用黎記低雜費o個d數啦~
send o左封e-mail比個客...
之後...都冇咩野做...
o係度無聊拎d古董書黎睇~
見到有一個銀香球...
好靚...好想擁有一個...
咁當然...唔洗係古董黎...仿古都可以o架啦~
一點左右~我o地叫飯食~
拿拿臨食完就準備走人lu~
點知準備走o個時~就即刻掛o左八號風球...
不過對我都冇影響~
我又唔洗同人逼車~
我只係要行返屋企咋嘛~
d電話都唔知點解打極都唔通~
次次掛八號風球d網絡都繁忙~
激氣呀~~~
但係我有一招...就係sms~
send o左句"call me"比程程~
之後佢再用屋企電話打返比我~
昨晚鬧交...
嬲佢...
三點幾醒o左...
打電話比佢~
哼~ 人o地咪又係神智不清咁話野~
今朝佢仲同我講話訓唔著...
又講大話...
乜訓唔著講野會神智不清o架咩~?!
返到屋企...
踩腳踏機~ 踩o左成三千下...
真係前所未有咁濕...
扭得出水真係一d都冇誇張~
丫~ 今日冇啦啦多o左d時間~
真係好想去剪頭髮同染髮...
不過唔知阿yam o個度有冇開呢~?!
但落雨...又唔係幾想去街...
先頭放工~ 真係想叫程程去唱k o架~
不過我叫佢過黎佢又唔肯...
咁唔肯過黎~ 即係唔想去唱k啦~
咁咪算囉~~
但係...如果我話比佢聽去唱k~
佢可能會過黎都未定~~?!
宜家八號風球...d天氣都唔係咁差...
其實出街都唔會有d咩問題丫...
哈哈~
阿爸阿媽叫我打三腳...
我都唔打~
出奇呢~?!
三腳太冇癮啦嘛~
四腳都話好d丫~
三舅父佢o地唔黎~
佢o地先撩我咋嘛~
留返d時間休息下唔好~?!
今日都冇咩特別野做...
最主要...都係教下tony英文...
同埋打d電話入電腦...分好類再print出黎~
五點幾...我同tony都已經好想走~
我就約o左程程~
佢都約o左bf~
本來tony昨日話一齊去尖咀o既~
後來佢男朋友早收工~
話諗住去打邊爐...
so~ 佢就叫我幫佢買啦...
六點鐘...老闆娘如我o地所願...
叫我o地關舖...
我o地兩個真係冇開口話想走o架~
係佢自己見落雨...都冇客人會黎~
所以先叫我o地走咋~
關大閘...
有d野"click"住o左...
拉極都拉唔到落黎~
搞到我同tony都比雨整到濕哂...
(雖然都有撐雨傘...但都一樣濕)~-_-"
明明係有傘...我o地兩個都夠膽死唔拎傘...
就咁行去地鐵站...
不過都唔係好濕...
最主要都係外邊件恤衫袖濕o者~
後尾join埋程程~
佢已經帶o左把大傘...
好可惜勁大雨...
搞到成件恤衫都濕哂~ too bad~
咁我就除o左件恤衫啦~
費事凍親啦~~
程程著o左星期日買o個套衫~
嘻嘻~ 不錯不錯...^-^
而且...經過幾日o既運動...
好似真係瘦o左...
(係好似咋)~
o係新港中心o既city super食野~
好味道o既鰻魚飯+麵豉湯+燉豆腐...
實在太好味啦~
程程o個個漢堡扒也不錯...
比我搶o左d黎食~~
o係地鐵站間皇后餅店買o左d曲奇食...
諗住拎入戲院食~
臨入場...再o係屈臣氏買o左兩枝雀檸...
賤精先生...eason真係好賤...
阿rain 好古怪...
阿嬌好幼嫩~
25蚊...真係好抵睇...
平時60蚊一樣飛...
宜家買兩張先50蚊~
嘻嘻~
睇完出黎都九點五~
諗住行去espirt幫tony買野~
可惜已經關門大吉...v_v
唯有叫程程聽日做完gym...再去買啦~
因為唔過馬路...搞到要行隧道...
搞到行遠o左...
令我又發脾氣...
返到屋企...沖完涼...
仲趕得切睇er~
哈哈~ 真係好啦~
今朝本來都記得要錄o架~
但出o左門口先發現冇錄到...
咁我咪叫程程叫佢細佬幫我錄囉~
阿mark佢放棄做化療...
佢話與其做化療延長自己o既生命~
不如好好咁過埋剩落黎o既時間...
總好過o係病床上...
比醫生同護士以垂死病人o既眼光黎睇自己~
打風...
哈哈~唔知聽日會唔會八號風球呢~?!
今朝其實唔多願起身o架~
因為昨晚同棠棠傾o左一陣icq~
再睇o左一隻大白鯊先訓...
加上昨日行街行到太累...
好想再訓耐d呢...
九點...程程就打電話黎~
好搞笑地...
我聽電話o個陣~
用o左背面黎聽...
發現聽唔到人講野...
先醒一醒...掉返轉黎聽...
真白痴呢...
昨晚發o左個夢...
係講放學時o既情形~
我o地一班人行...
平時我多數都係同apple一齊行~
但發夢o個陣~
我唔知同邊個傾計...
一直冇理apple~
後尾...apple講...算啦...我都係走啦...
個夢有d奇怪...
諗唔明...?!
今朝著新褲返工~
so happy~
咩埋個"脫苦海"袋...
哈哈~ 好輕鬆呢~~
我話比tony聽...個袋三十幾蚊~
o係espirt買...
佢都話抵...仲話我做咩唔買個比佢~
我話...我今個星期再幫你買啦...
佢話...咁平...會唔會好快冇哂o架~
我就同佢講...冇可能o既...
最後...我o地決定聽日放工去...
我帶佢去...跟住我再join返程程睇戲...
等佢自己可以慢慢揀... ^-^
今朝返工之前...去o左百佳買野~
買d杯呀~ 保鮮紙呀~ 洗地毯用o個d野咁...
返到公司...執下個櫃筒...
整齊好多~ 又可以放多d野上去啦~~~
程程今日本來係放假...
但橫掂都冇野做...
就去o左做part time啦~
佢宜家其實係放緊佢o既悠長假期~
人o地放大假就去旅行~
佢就得個悶字...
真慘情(程)~
朝早影相...tony拎完相返黎~
我就拎去郵局寄特快專遞~
幾張相...要成百一蚊o架喎~
不過如果寄fedex仲衰~
要二百幾蚊...仲要煩到死...報關咁...
麻煩...
今日唔知做咩野~
成日都眼眉跳...
左吉右凶o既話...
咁我一定係吉啦~ ^-^
唔知係咪六合彩等住我中呢~?!
tony都寫o左八條六合彩~
叫我聽日幫佢買...
佢話我咁樣可能帶旺佢喎~~ ^_^
阿哥昨晚返上大陸lu~
希望佢平平安安啦~
老豆阿媽一早就講...
叫我夾錢買八個字六合彩...
每人三十幾蚊...
哈哈~ 仲叫我負責諗號碼tim~
希望...真係財神到啦~~~~
今日終於都執好拎去會計d野lu~
叫o左d人聽日黎收...
宜家d file空哂~
以後我希望會整得有條理d~
唔洗搵d野出黎搵得咁辛苦啦~
六點一二左右就收工lu~
老闆娘話冇生意...
早d收喎~
哈哈~
你話我呢份工~
真係去邊度搵丫~
有得早收工~~~~~
今晚睇新聞...話d大學生都係六千至八千人工~
哈哈~ 所以...我要好好咁珍惜份工~
會好比心機o架啦~~ ^-^
我呢...身體上...可能真係負荷唔黎~
肥 ->的確係一個致命傷...
心口有時會痛...
又好易出哂汗咁...
too bad~~
完o左之後...就係另一個開始...
睇化...係遲早o既事...
比d時間自己啦...
今晚車短o左"脫苦海"條帶...
太長啦...
宜家岩岩好...冇咁低~ ^-^
留言板有人留o左言...
原來係棠棠做o既好事~
哈哈~
真係多謝佢啦~
介紹人睇我個網~
嘻嘻~~ thanks~~~~
程程肚仔痛...
真係慘...
休息o左陣..
佢話好d啦喎~
又會咁麻煩o既~
我就話有原因咁痛o者~
唉...
眼眉跳...仲跳緊...
希望真係會帶來好運啦~ ^-^
仲有一樣野唔記得講~
就係o係搭巴士去尖咀o既時候...
等車好熱...
咁就拎把風扇出黎吹...
程程坐o左o係欄杆上面~
我企o係度...
咁我就叫佢拎起我把頭髮...
o係後面幫我吹下條頸...
點知...佢好衰唔衰...
搞到d頭髮卷o左落個風扇仔度...
唉...
有車黎...都仲未整返出黎~
咁上車再整...
後面有位女士見到程程幫我整...
佢好好咁...幫我問其他人拎指甲"kim"~
之後程程就幫我"kim"斷d頭髮...
終於都冇事...-_-"
好彩都唔係好大紮咋...
如果唔係...我實會剪返程程d頭髮補數o者~~
唔記得o左提~
昨晚程程經過7仔...
換o左個qoo燈籠比我~
好可愛呢~~~ ^-^
已經取代o左魚魚o既地位...
掛起o左lu~
今朝十點幾起o左身~
就沖涼換衫...
食埋阿媽煲o既粥...
就搭van仔去灣仔...再搭111去紅磡車站join程程啦~
去到沙田周圍行...
程程買o左件背心冷衫...同埋件t-shirt~
之後...去行下宜家傢俬咁...
o係度猛咁試人o地d沙發~同埋床...
哈哈~~
拎o左今年o既catalogue~
good~~
昨晚程程幫我揀o左兩枝指甲油~
兩枝d顏色都好靚...
估唔到佢眼光咁好...
好可惜...當我沖完涼搽o個陣~
發現d質地唔係咁好...
too bad~~~好難控制呢...
四點左右~ 我o地就搭返車尖咀...
係咁行espirt~
試o左好多條褲...終於都有一條岩~
真係越試越心up~ v_v
而程程都買o左條褲...
佢同我一樣都係咁心up~
不過...佢冇我咁心up咁解咋嘛...
另外~ 我仲買o左個好平o既袋...
個袋好搞笑o架~
白色...望落去有d似"脫苦海"咁...
又唔係貴...買黎玩下都抵...
買o左個cheese cake食~
好味道...^_^
買o左隻流行歌o既純音樂碟...
and also 大白鯊...
正~~ ^-^
今日真係好累...
程程話...仲累過返工~
哈哈...冇計啦...
鬼叫我試黎試去都試唔岩咩...v-v
夜晚...食埋麵...就搭船返屋企lu~
搭搭下船...阿yan打黎~
佢話岩岩電視葉倩文o係度唱"消灑"走一回~
諗住打黎一齊笑下...
哈哈~~ 講起就諗起校長and廖sir~
之後傾o左幾句...就收線lu~~~
返到屋企...程程冇入黎就走lu~
我就改短d條褲...
改完先沖涼...
哈哈...終於都唔洗咁慘啦... ^-^
espirt做負離子...原來要成1800蚊...
好貴呢...v_v
唉~我都係去染髮剪髮好過...
用咁多錢去整個頭...我又覺得唔係咁值...
我話o左剪頭髮都好耐o架啦...
希望我今個星期會搞掂佢啦~~
呢一個星期以黎...
都好忙...
好多野都預定會做...
但最後...都要再推遲到下星期先做...
唉...
細如拎舖頭鎖匙去配...
大如要整理做帳目比會計公司幫我o地做數d野...
都未搞掂...
真係唔知係我手腳慢...
定係d乜野啦...-_-"
今日最主要做o既野...
就係記低d貨叫咩名同埋價目...
因為老闆娘成日都出去...
費事下下都打電話去問老闆娘啦...
所以...我就影相...
駁部數碼相機入電腦...再print返d相出黎~
再o係上面指d箭嘴出黎...寫低d價同名~
不過...大部分都係tony幫我寫哂...
始終...我都唔係咁熟識呢d野~
咁佢寫完...我先慢慢再記...
遲d...我相信我會記得到...
六點左右...我去完廁所返舖頭~
老闆娘就叫我走lu~
臨走...tony問我聽日去邊...
佢話如果諗唔到去邊...
今晚打電話比佢...一齊去遊船河...
有時真係覺得...識到tony真係好...
識佢冇幾耐佢就講好多野比我聽~
唔知佢係信我...定係佢對個個都係咁...
但無論點都好...
我都好開心識到佢.~ ^-^
去到維德廣場對出等115巴士~
七點左右先去到黃埔...
程程一早o係鼎秦豐等我...
d野食仲黎齊哂tim~
一去到就有得食lu~
嘩...唔知點解...好鬼肚餓...
食完碗麵同一d小籠包...再飲o左一碗仔酸辣湯...
都仲係好餓...
而程程就仲未食哂佢碗麵...
咁佢就比o左我食啦...
咁我覺得d酸辣湯唔好飲~
所以...我就叫佢飲哂剩落黎o既湯啦~
都幾大碗下o架...嘻嘻~~
我o地隔離坐o左一家三口~
個仔曳到死~~
唔肯食野...又周圍走...
煩到死...
之後...去吉之島o個d度行...
睇下隻橡根大隻...
不過...都係冇帶到佢返屋企...
跟住...我o地去o左冒險樂園玩....
玩o左一百蚊...
雖然唔係贏o左好多飛返黎~
最緊要...都係開心o者~
都仲係有d餓...
食o左塊朱古力pancake~
好甜...唔係幾好味~~ v_v
九點幾十點...
就搭車去紅磡...再搭103直接返屋企~
今日...都講o左幾多語出驚人o既野...
例如無啦啦o係車度...
唔覺意咁...好大聲咁講o左一句"你鐘意睇四仔?!"~
我o地咁岩坐o係司機位後面...
一直不停咁講野...
我諗個司機在意我o地講d乜咋~
如果唔係...聽到o既話...
實比我o地嚇到車都渣唔穩呀~~ ^-^
仲有落o左車之後~
我好大聲講o左一句野"x你xx"~
我o地當時講緊程程一個同事~
話佢比大耳"x"追數d野...
咁我就扮d大耳"x"講野...
所以就爆o左句"x你xx"~
好彩當時四目無人咋~
如果唔係...實比好多人望住都似~
我都唔知點解~成日都係咁...
唔應該講咁大聲o既野~
我通常都會唔覺意講得好大聲...
哈哈~
今晚返到屋企冇幾耐~
老豆阿媽先返黎~
佢o地去o左個friend度食入伙飯~
返到黎~佢o地講...
搭電車o個陣~ 佢o地坐o個架車~
撞到個衝出馬路o既小朋友~
之後...佢o地就要落車...
唉...希望個小朋友冇事啦...
因為聽老豆講...d警察去到...
個細路仔都冇反應...v_v
今晚o係度講...d乜乜節...乜乜紀念日...生日等...
要d咩禮物...
好搞笑地...我一估就中o左程程想要d乜...
佢仲講出o左一個道理...
就係份禮物唔可以咁貴...
因為貴得滯...到最後...
我用哂d錢黎買禮物...冇錢洗...
佢就會比返錢我洗~
即係話...份禮物咪又係佢買比佢自己~
嘻嘻~ 我都十分之認同...
所以佢要o個樣野...
就絕對附合要求啦~哈哈~~
而我...佢就慘囉...
我想買o既野都實在太多~
亦有太多選擇~
佢有排要諗呢...
今朝...八點半起身~
踩o左二千下腳踏機...
跟住就沖涼換衫食早餐返工lu~
今日下午極之忙...
差唔多冇停過手...
朝早就比較得閒...
因為老闆娘唔o係度嘛~
佢一o係度...就會指你做呢樣...做o個樣咁...
今日可以係話將間舖改頭換面...
就好似人o地百貨公司轉季換display咁...
將d貨搬黎搬去...
擺好一件貨...就會周圍睇下咁擺好唔好睇~
如果唔好睇...又換第二件野上去...
擺到好為止...
執到收工...差唔多執好哂...
留返d手尾...
例如吸塵,包野o個d...聽朝先再做...
今日tony講番比我聽佢昨日"mook"牙d恐怖野...
真係好驚嚇...
所以...
求神拜佛都希望自己隻智慧牙正常咁生出黎...
唔洗mook就最好...
本古董書仔...原來tony拎o左返屋企睇~
唔怪得之唔見o左啦~
嚇得我丫~
老闆娘今日比o左二千蚊比我~
係用黎交平時d雜費o既...
其實佢都真係好信得過我...
返工唔夠一星期就比舖頭鎖匙我...
宜家又比二千蚊我...
今日仲問o左去維也納o既機票要幾錢...
十一月可能仲會帶埋我去維也納tim~
不過...老闆娘仲諗緊有冇時間去...
程程今朝九點打黎叫我...
哈哈~ 我一早起o左身啦~~
佢之後就去跑步...
十一點左右先返屋企-->佢話喎~
我就唔係幾信啦~哈哈~
學校打黎~
都讀o左咁耐...
都唔明白...都係讀唔岩我個名...
乜我個名真係咁難讀咩~?
打黎係想問我諗唔諗住讀其他課程...
我答: 冇諗住...
跟住佢話...咁即係你唔會再考慮啦...
我話...係呀...
佢就話...咁好啦...冇野啦~ bb~
仲讀?! 未比大一呃夠咩~~?!
唔知點解...今日特別口渴~
好想飲好多好多野...
公司原來只係用56k~
唔怪得之啦~
部機慢成咁...
聽日之後...終於都可以休息下~
實在太好啦~
嘻嘻~ ^-^
哈哈~ 話咁快今日就星期四~
聽日就星期五lu~
好快...又可以休息啦...^-^
雖然只係得一日...
不過都好滿足o架啦~
今朝...發生件好令我心up o既事~
就係...v_v
唉...都係唔好講比大家聽...
我自己自我檢討就算啦...
今日...非常忙...
老闆娘返o左黎~
sisi又黎埋...
唯獨tony唔o係度...
因為佢今朝返o左上去整牙...
下午o個陣打電話比佢...
佢都唔係幾講到野~
佢"mook"埋隻智慧牙...
成日都冇食過野...-_-"
佢聽日就會返黎o架啦...
今日有兩箱貨黎o左~
好彩有sisi o係度幫手...
如果唔係...得我同老闆娘...
一定會有排搞...
明知有貨到...所以我今日都著得casual d~
平時著恤衫...今日就著t-shirt~
連辮都冇紮...夾o左幾隻夾就算...
拆貨...辛苦就唔辛苦~
係dirty d囉~
因為d貨用o左好多紙包住...
d大陸人乜都掉落去...
連d草呀~樽呀~ 保鮮紙盒都掉哂落去...
諗住堆埋d貨冇咁易爛...
拆開...成堆垃圾咁...
又多沙塵...too bad~
最後...
比o左五十蚊比個白粉佬幫我o地掉哂d垃圾~
如果唔係...要自己推車去垃圾房...
都咪話唔奪命...
今朝行返舖頭o個陣~
條街好涼...
有d秋天feel呢~~
tony冇返...
佢買o個兩隻錶拎o左黎~
咁我就幫佢比住錢先~
而我o個隻...佢就話要遲d先有~
哈哈~都冇所謂啦~
我都好耐冇戴錶o既習慣lu~
apple要努力增肥...
我就要努力減肥先得啦~
我諗住朝早早d起身~
踩完腳踏機先沖涼返工~
相信...要有堅定o既意志先得...
因為...好難抵抗同周公o既糾纏呢...
仲有...今日返到屋企...
叫阿媽以後煮我一啖飯就夠啦...
雖然...宜家十點幾...
我已經開始有d肚餓...
但我一定會堅持....
臨收工...打電話去瑞典...
幫老闆娘追數...
懷住戰戰兢兢o既心情打去...
好彩...佢又明我講乜...
我又明佢講乜o者...
唉...真係一額汗...
我諗...我又要再充實下自己~
睇下英文書先得啦~
丫~今日返到公司~
諗住搵返本古董書仔出黎睇~
明明昨日都見到...
今日搵o左好耐...
都搵唔返出黎~
唔知去o左邊...
實在有d奇怪呢...?!!
大家覺得我轉o左新版...如何?
雖然都係graphic...冇flash o個d...
不過...都好過冇啦~
我會繼續keep住....
唔會比自己對畫野o既軟件生疏起黎o既...
今朝...係最靜o既一朝...
好順利咁...訓到九點先醒~
哈哈~
返到舖頭...都係冇咩野做~
老闆娘今日都仲係未返黎~
所以又係得我同tony o係舖頭...
tony牙痛...
真係好慘呢...
希望佢快d搞掂隻牙...冇哂事啦~
今日好多人搵北齊馬~
最後買o左比個熟人...
兩萬九...
先頭...有第二個人黎睇過...
開o左佢三萬五...
不過佢想等老闆娘返黎再傾...
點知...轉個頭...
打電話比老闆娘...
佢應承買比個熟客...
如果唔係...其實可以賺多六千o架~
我走o左去買報紙and雜誌睇...
太得閒...冇野好做...
d時間有點難過...
仲有d眼訓o既跡象tim~
六點幾....收o左工~
就搭mtr去尖咀join程程~
哈哈~ 佢為o左証明佢對我o既真心~
佢比o左一樣九九九九o既野比我~
so happy~~~
佢昨晚搵到好多貓貓~
今日o係city super又買到其他款...
九蚊o個隻款o個d就儲齊哂~ 除o左d特別版...
唉~不過算啦... 由佢啦...
特別版真係要靠運氣呢...
至於十八蚊...就差兩款...
三十八蚊o個d就....唉...只係買過一盒...
三種唔同價錢~
其實以九蚊o個個係最特別~ 又抵買...
我諗其他o個d我唔會儲...
算啦...小數怕長計嘛....
今晚o係city super食野~
兩個人...叫o左個pizza~兩個意粉...
都係九十幾蚊~
比起o係pizza hut食~
一餐等於兩餐呢...
所以第時都係唔好去pizza hut食lu~
而且...呢度好正...好好味~
d份量又岩~
尤其是....佢o地d芝士落得好重手...
岩哂我同程程o既口味...^-^
八點幾...就搭船船返中環lu~
搭van仔o個陣~~見到個小巴站長...
諗返起一樣野...上次唔記得o左講~
咁我o地上o左車...對出窗口會見到張"台"...
個小巴站長就坐o係度寫低車o既班次記錄~
咁呢...佢寫錯o左d野...
就要用塗改液啦~
點知佢好in....學人用改錯帶...
好可惜...佢唔識用...
用到甩哂出黎~
跟住...仲衰...佢竟然拆開個改錯帶~
意圖整返好佢...
再次好可惜...佢唔識整返...
仲衰到砌唔返個改錯帶tim~
我o地一邊睇...一邊笑...
個過程實在太搞笑...
我本來話程程...你唔准笑人...
後尾...我反而係笑得最勁o個個....
而第二樣搞笑野就係...
我o個架車o既司機...
個樣好搞笑...佢好自然咁...
流露住一個笑樣...
我都唔知佢真係咁丫~
定係佢都笑緊我o地笑o個樣野呢...
因為我o地坐o係司機位後兩排...
佢聽到我o地講野都未定...
嘻嘻~~
返到屋企...搭lift上到樓...
一開lift 門~
嚇o左一嚇...
因為見到隔離屋隻micheal 趴o左o係度~
好彩一眼就見到佢咋~
如果唔係...我分分鐘踩到佢tim呀~~ v_v
程程冇入到屋....
聽日本來佢放假o既~
但臨時有個同事要參加d"淫濺"團...
同程程掉假...
咁佢聽日要返工~
所以咪早d返屋企休息~費事入黎囉~
丫...我o地間舖出面咪有張椅o既~
日日都有個哥哥坐o係度等人...
佢係做批發賣錶o既~
咁tony想買錶...就問佢拎d書黎睇啦~
昨日睇岩o左兩隻...
今日佢就拎o左個版黎睇~
都幾唔錯...
仲要係好平o既tim呀~
幾十蚊隻...
出面一定唔止呢個價錢~
見到d baby-G~
都係買二百幾蚊隻~
出面要買八百幾蚊...
差好遠呢...
咁我見TONY其中一隻都好靚...
咁我都要o左一隻...
橫掂tony o個隻唔係買比自己~
so~ 佢都話冇所謂呢~~
程程今朝去o左跑步...
哼~ 睇下佢維持都幾日....
嘿嘿~!!
本來約o左athena聽晚食飯~
不過佢幫人補習到七點半...
所以都係下個星期四先去食....
呢兩晚都夜o左訓...
今晚要早d訓先得啦~~ ^-^
昨晚...我諗應該係相當唔開心o既一晚...
不過...我完全冇傷心o既感覺~
連眼淚都冇流過一滴...
只係頭有點痛...
今朝起身...都係如常返工~
老闆娘仲未返落黎...
都係得返我同tony o係度~
感覺會free d~
今日同tony傾o左好多計...
更深入了解o左佢...
唔同人o既經歷...對我黎講...
都係一個新體驗...
sisi落o左黎舖頭一陣~
跟住就去宿營lu~
天氣唔係幾好...
冇咩人行街...
咁當然...亦都冇做到生意啦...
六點左右~
我o地就收工lu~
放工拎部電話出黎睇...
有三個miss call~
不過都唔知係乜水黎...
我都費事打返電話去...
夜晚~
阿哥話我裝d代用墨落佢部a3 printer度~
唉...其實我都唔想...
前排我冇野做...
想print份畢業作出黎~
但又唔想問阿媽拎錢...
咁我咪買代用墨囉...-_-"
佢話用代用墨部機會好易壞...
咁呢樣我都明白...
不過...應該唔會咁邪惡o掛~
我都應承o左佢...第時如果佢用o個陣~
部機壞o左...
我會買返部新o既a3 printer返黎比佢...
regene今日又寄o左封信黎~
佢o地又出o左新野~
好利害呢~
好似幾正咁...
哈哈~ 我又想買tim~~
嘻嘻~~~
我諗到一個方法...
只要搵到哂所以o既貓貓...
我就唔會再嬲...
今日搭吳生買六合彩~
佢多數朝朝都會過黎幫我o地開大閘~
我o地間舖三個都係女人...
邊夠力丫...
哈哈~ 聽講佢好lucky o架~
我同tony jacky咪搭佢買囉...
希望佢會帶契我o地輸贏啦...
飛滋真係擴大o左...
我好恨心咁...咬穿o左佢...
好恐怖呢...
▽玩偶心情▽
很多的玩偶, 每一個, 都會給他/她一個名字, 一種性格...
他們是兄弟姐妹, 哥哥姐姐會愛鍚弟妹...
而他們都有一個共通點...就是每當有什麼麻煩事,
他們都會立即去睡覺...
我們會買很多寵物玩具給他們玩,
縱使他們不是真的會拿在手裡玩, 可是...
我們有的是想像力吧...
想像他們會玩得很開心...
自己也會很開心...
我不是寂寞...只是...
我愛將精神寄託在物件上,
那麼, 我便不會受到傷害.
今日...我o係度諗...
我會唔會遺背o左我o既理想呢...
因為宜家o既工作~
同設計可以係話完全兩回事o既野~
雖然...宜家搵到o既人工~
一定係高過做設計~
但係......
唉...其實...都已經踩o左隻腳落去...
係咪唔好再諗咁多呢...?!
昨晚諗起以前聖誕節send過封e-mail比程程~
不嬲都keep住o係hotmail入面o既寄件備份度...
點知...個衰hotmail近來得閒得滯~
將"寄件備份"清除o左...
仲有...30日唔掂...亦都會自動取消~
搞到封e-mail冇o左...
仲有好多好多e-mail都冇哂紀錄~
好唔開心呢...v_v
最慘連程程o既e-mail box都係咁...
o個封e-mail對我o地黎講...
係好有意義o架...
唉...就咁就冇o左...too bad~~
昨晚上網見到athena o係度~
約o左佢星期四食飯....
嘻嘻~
好耐冇見呢~~ ^-^
同apple又傾o左陣icq~~
都係o個句...唔好諗咁多...
宜家只係可以懷住"信"o既念頭~
諗得太多...會搞到自己唔開心o架~
知唔知~?!
今朝程程叫我起身~
返到去開舖...send下e-mail咁~
今日得我同tony o係度~
老闆娘聽日先返黎~
我o地兩個o係度包下野...
聽下歌..傾下計咁...
到四點幾五點...
有個法國佬走入黎買野...
佢好婆媽...又搞笑~
一件要佢八千蚊o既野~
最終都要七千五百蚊先成交~
之後我o地幫佢包起件貨~
佢自己又幫我o地手...
用界刀界野...
扮比界刀界親...大叫o左一聲...
原來...佢假扮o架咋~
嚇得我o地丫~~
最後...搞掂哂...
就鍚o左我同tony隻手一啖...
呢d...就係佢o既所謂禮貌...?!
哈哈~
今日同tony傾計...
講o左好多野比我聽~
佢所講o既野...
我完全冇接觸過...
我覺得好新奇刺激呢~~ ^-^
岩岩...我check程程個e-mail~
佢前幾日自己親口同我講...
話比我check都冇所謂...
結果...比我發現o左d野~
我相當之嬲...
嬲到我唔會再原諒佢...
問佢好多次...佢死都唔認...
仲要賴佢細佬...
後尾我同佢講...最後一次...
你答有定冇?!
佢先答有...
本身已經唔岩...
仲要賴埋佢細佬...
仲要問佢都死口唔認...
哼...太過份...
icq有比人偷黎用o既跡象~~
真危險...
一個咁好o既number...
比人偷o左...
真係會好唔抵呢...
今朝十點左右起o左身~
可能習慣o左~
所以都訓唔得耐...
因為阿哥十點半左右就起身去做磁力共震~
如果我沖涼...
又怕佢要用廁所~
所以我等佢起埋身~搞掂好哂我先去沖涼~
沖完涼...吹埋頭~
換埋衫~ 紮好埋辮~
程程就黎到lu~
我起身o個時打電話比佢~
佢十一點左右就過到黎...
都算叫做快o架啦~~
佢今日帶o左幾多野黎~
有佢家姐去完絲路o既手信 - 夜光杯~
大頭狗紙巾盒套~
相機套同埋一d火柴~
哈哈~
仲有買o左個走"炸菜" o既 "痴"飯...
好味道呢~
不過佢自己就冇買自己o個份~
因為佢怕"滯"嘛~
於是我就"叮"o左d腸粉同燒賣比佢食~
到十二點...
裝3m o既人終於都黎o左~
太好啦...
我由得佢o係房度整~
我同程程就o係出面睇"mib"~
上一次程程返工~
明珠台做"mib"~
佢睇唔到...
咁我就錄o左比佢睇啦~
都好似幾個星期之前o架啦...
今日終於都抽到d d時間睇~
可惜...仲未睇哂...
留返下次黎先再睇啦...
十二點九左右~
整好哂~
試過上網ok冇問題~
o個個人就走lu~
執好埋d野~
我同程程即刻走落中環...
去一度地方~
再搭巴士去銅鑼灣...
o係city super買o左個頭飾~
嘻嘻~ 程程之前應承o左買o架~
所以...緊係唔同佢客氣啦~
唔知係咪心態問題~
city super同旺角中心o個d款式~
其實都差唔多...
不過硬係覺得city super o個d high d~
o係優之良品買o左一袋糖~
諗住帶返公司食...
費事成日食tony o個d...
唔係咁好意思o既~~
o係city super...買到"糕糕"~
好開心...
佢同"墨墨"一樣...都係"飛身"o架~
真利害呢...
今日最主要...我係想買袋...
都係想買個黑色...
百搭嘛...
不過都睇唔岩...
唉...我個袋d拉鍊位有d問題~
已經發現o左兩個星期o架啦...
希望下個星期會買到個心水袋啦~ ^-^
今日岩岩整好上網o個度~
就即刻upload返個日記...
讓大家久等啦~
唔好意思~
唔知係心理問題~ 定係真係快o左~
總係覺得上網o既速度快o左好多...
d網頁都load得快d~~ ^-^
搭車去銅鑼灣...10號巴士勁多人...
好多賓妹...
架車又有陣味喎~
好難頂呢~
落到車~ 見到有皇后餐廳&餅店~
入去買o左包雲尼拉曲奇餅食~
嘻嘻~ 程程鐘意食嘛~ ^-^
四點幾...肚餓...
去o左大家樂食o左個下午茶餐...
宜家好多時都去大家樂...
抵食夾大件嘛~~
哈哈~
夜晚...同程程食pizza hut~
今次飽得適中...
冇頂住頂住...真係好啦~
之後去行宜家傢俬...
行完就返屋企lu~
唉...食完pizza之後~
我o個粒初生o既飛滋~
一定會發大...
好可怕呢...
返到屋企~ 三舅父舅母黎o左打麻雀~
程程都實在唔知點叫佢o地好...
比佢"蒙混"過關...
哼~~
九點三左右~
佢就走lu~
因為佢聽朝要開始返番早~
要六點半起身嘛~
而且~ 我上網...開icq~
見到d friend又猛咁傾~
都冇咩理佢...
佢咪走囉~哈哈~~
丫...昨晚諗o左一陣...
都係唔好叫"聯"毛仔啦~
都係叫"出糧仔"好d~
冇咁難寫丫嘛~
而且佢係o係我出糧o個日買返黎~
咁咪可以紀念我出糧o既日子囉~
哈哈~
搭車等巴士o個陣~
見到間舖頭...
即係三越側邊...新開冇幾耐o個間野呢...
入到去...程程好快就發現到"大隻仔"o既縱影...
係好事黎o既~
因為宜家唔係剩返好多地方有...
連time square九樓同sogo gift land都冇...
講開time square...
o係九樓有d攤位...
教人整蠟燭~
原來係一枝液體o既野~
倒落個裝o左貝殼呀~沙呀~ o既杯入面~
咁等一日左右~
表面就會自然平滑o左...
就好似我o地平時o係街見到o個d咁...
哈哈~ 又學多樣野...
介紹比大家識...
由左至右...墨墨~茶茶~丸丸~冰冰~
係咪好搞鬼呢~~?!
程程家姐話咁快~又出團去韓國~
真係開心呢~~
今日o係車站...玩o左兩次菠蘿味芬達部機...
不過都冇中到....
冇得試飲tim~~~
之後勁多人排隊...
不過...都冇人有中...
都唔知係咪呃人o既~
跟住...o係sogo出面~
有個阿婆派"脫苦海"~
先頭以為係傳單...睇清楚d...
先知係"脫苦海"~
過o左一陣~
想返轉頭再拎...
但係個阿婆已經走o左lu~
哈哈~
聽日要返工lu~
有得上網o既日子...
真係cool d~~
yeah~~
程程又係慘敗...
是宿命嗎?!