Carêkî dîke KDP u PUK leser deselat nakokî dekewêtewe nêwanyan!
hewek lew peyvaney kak Mes`ud Barzanî ke bo rojnamey Erebzimanî
Lendenî Elheyatî rojî 14.04.2003 dirkandûyetî. rojî diwatir rojnamey
Birayetî be kemêk destkarîyewe dûbare bilawîkirdewe:
“Cêgey daxe û ême îdaney dekeyn. Ewaney em kirdewaneyan
kirduwe komelêk çeten ke leser tawan û ketin rahatûn. Ewane le jêr
diruşmekan û î’lamda derfetyan qostewe”
Diwabedway ew hêrişe xeste, çûne naw Kerkuk;ewe bê nirx û ehemyet
dekat delê:
“Kes natwanê bangeşey ewe bikat ke çûwe Kerkukî rizgar kird”
Wek edîb u nûseranî xeyalpilaw, çûne naw Kerkuk’ewe wa gewre dekat
her mepise! ta ew astey wek ewey tawanêkî qibe û zebelah kirabêt,
le berpirsyarêtî xoy derdekat:
“Bellam ew dexalet kirdiney rûyda way lêkirdûm le ayîndey
Kerkuk bitirsim. Dûpatî dekemewe ewey le Kerkuk rûda ême lêy
berpirsyar nîn.”
Le beşêkî peyvekanî Barzanî’da derdekewêt, le meseley şare
dileke da pêdeçêt Emerîkîyekan kilawyan nabête seryan û çawyan le
balekey tir dagirtibê ta destpêşkerî çûne jûrewe biken:
“Be herhal taxîr bûn rûyda, naşzanim axo eme be enqest
bû”
Kêiş delê xudî kareke sînaroyekî reşî Emerîkî - Turkî jêr
be jêr nîye bo hatine nawewey Turkiya!
Yan lewaneye firset telebî û destpêşkerî xudî PUK bêt. Le dîdî
berfirawankirdinî nawçey nifuz, lelayekî dîkewe wek kartî fişar bo
dahatûy kêşe siyasî û yeklayîkirdinewey deselat le dahatûy
Kurdistan u Êraq bekarî bihênê.
Lewaneşe hîçyan neêt.
Temena dekem ew pêşbîniyem seqet û nadirust bêt, ke demwit; legel
destpêkirdinî şer le dijî Êraqî Erebî, KDP u PUK leser Kerkuk
lêyan debête şer.
