Esob

Tuisbladsy

		Balkie	Nuut	Jamie	Martie	Werkskole
	Publikasies

e-pos: martie@storiewerf.co.za			terug na publikasies		Skryfboeke EENDAG WAS DAAR 'n STORIE! 'n Praktiese storiemaakkursus IN DIE TYD VAN DIE ESOB - 'n Gids Prenteboeke EK IS SIMON I AM SIMON DAAR'S 'n SPOOK IN MY KAS THE FRIENDLY ELEPHANT PERFECTLY ME BABALELA LISA HET 'n PLAN ... Kinderboeke JY EN DIE DRAAKAKKEDIS YOU AND THE DINOSAUR JY EN HERCULES JY EN TOETENKAT 'n HAAS MOET DOEN WAT 'n HAAS MOET DOEN OP DIE SPOOR VAN DIE LESEA-VANGER DIE BALKIEBOEK Jeugboeke NICOLA B: STRENG PRIVAAT ANDERKANTLAND ANDEREKANTLAND TERSIA THOM 1: VRIEND OF VYAND? TERSIA THOM 2: DIE DONKERHOEK-DRIEHOEK TERSIA THOM 3: SKERWE IN DROME TERSIA THOM 4: BLOED IS DIE KLEUR VAN IVOOR MY NAAM IS ALEXANDER EN WAT DAARVAN? IN DIE TYD VAN DIE ESOB DROOMVANGERS MAAR MY MAGTIG MOESOEK!
Jeugboeke
IN DIE TYD VAN DIE ESOB (PRYSWENNER: Sanlamprys en op IBBY Ererol) (1996: TAFELBERG) FLAPTEKS Die rooison gooi 'n vreemde gloed oor die amfiteater en ons twee mane sit vaal bokant die groot bruin pilare van Deog weerskante van die ingang. Die amfiteater is gepak met mense, uitgenooide gaste alleenlik. Die vorige jaar se wenners sit in die voorste sitplekke. Hulle het hulle rooi mantels bo-oor hulle gewone grys tuniekpakke aan. Dit is die groot dag, die dag waarop die bestes van hierdie jaar se leergroep aangewys sal word. Die tromme begin dreun. 'n Sagte rolgeluid wat groei en uitswel totdat die slae oorverdowend die lug vol maak en dan weer kwyn en stil word. Zufar se donker stem dreun oor die klankversterker. Dan volg die hees stem van Zandra. Hulle sê die openingswoorde, soos hulle dit elke jaar doen. Die enkel skel noot van die trompet roep ons op die verhoog. Die amfiteater is vol oë. Hule wag. Elke jaar is dit so. Elke jaar weer almal reeds wie aangewys gaan word, en elke jaar wag hulle om dit amptelik uit die monde van Zufar en Zandra te hoor. Ons neem ons plekke in. Die trompette skeur deur die lug met die lied van ons land. Dis 'n lied sonder woorde. Zufar en Zandra kondig om die beurt ons name aan: Nina, Daniël, Matilda en Leonard. Die tromme rol weer en dan is alles verby. Oormôre begin die finale toets. Die een wat dit slaag, sal die rooi mantel ontvang. Daardie een sal die wenner wees. Ek sal sorg dat dit ek is …. In die tyd van die Esob is 'n verrassende verhaal van verskuiwende realiteite in 'n wêreld waar werklikheid en fantasie onlosmaaklik verstrengel is. VERSLAG DEUR GRAAD 9 LEERLING AAN JAN VAN RIEBEECK HOËRSKOOL (1996) My enigste reaksie is absoluut uitstekend! Vir my het die boek nie net gedui op een spesifieke tema nie, maar het dit meer gehandel oor die soeke na 'n toekoms, jouself, identiteit, en sommer baie ander dinge waaroor jongmense wonder, en dikwels onbekend aan hulle is. Alle komplimente aan die skrywer, dis rêrig een van die min boeke wat jou geboei hou tot die einde. Dis 'n definitiewe moet vir 'n leser wat iets meer uit die letterkunde soek. SANLAM-PRYSAANBEVELING VIR IN DIE TYD VAN DIE ESOB Werklike waagsame jeugfiksie, die soort fiksie wat oop-oog uitbeweeg uit die gewone skryfvorme, en wat van lesers verwag om dieselfde avontuur te onderneem, kom nie dikwels voor in Afrikaans nie. In die tyd van die Esob is so 'n soort boek. Dit beweeg letterlik buite die mure van 'n geprojekteerde toekomsstad, waar vier agtienjariges, die uitgesoekte bestes van die jeug uit die leerskool van die "stad met die son en twee mane", nou as finale toets van oorlewingsvermoë buite die stad afgelaai word. Hulle moet deur woestyn, meoras en oerwoud hulle weg terugvind, en die een wat eerste terugkom, word dan die wenner van hierdie jaar se inisiasiegroep en die draer van die heldebeeld in hierdie stad waar die Esob, dit wil sê die Bose, heers, en die betekenis van die pilare van Deog, dit wil sê wat goed is, reeds verlore geraak het vir die inwoners. Dis 'n besondere gesofistikeerde verhaal, 'n allegorie wat met een hand teruggryp na die verlede, en met die ander ver na die toekoms uitreik. Dit sê baie dinge oor die aard van hallusinasie en realiteit, oor die ontdekking van die eintlik self in oomblikke van uiterste gevaar, oor die versplitsing van die bedreigde self in valse maskers, in robotte en androÎede, en oor die spel van kreatiewe moontlikhede in skrywe self. 'n Mens wil nie te veel van die boek self verklap nie, want dis 'n werklik uitdagende teks, wat ook van die keurders vereis het om hulle dinkmasjientjies in te stel vir nuutlees. 'n Boek soos die verstel die verwagtinge binne die hele jeugboekletterkunde - dit is baken leeswerk. Wat 'n mens wel kan sê, is dat onvolkomenheid en voorlopigheid ook hier 'n rol speel - want die sentrale karakter, wat ook die wenner word, is 'n onvolkome persoonlikheid, en die getekende skryfster van die boek, wat uiteindelik ook in die teks manifesteer, laat 'n duidelike aanwysing na dat die teks ook nog nie klaar is nie. Dis 'n voorlopige verslag oor 'n buitengewone gebeurtenis, dinamies onvoltooid. In die tyd van die Esob is 'n inisiasie- en "quest"-verhaal wat in die besonder die televisie- en fliekgeslag sal aanspreek, asook die internet-geslag, wat gewoond geraak het daaraan dat 'n mens oÁnskynlik perfekte vorms kan skep met enkele vernuftige maneuvers van die hand en die verstand. Dit is 'n boek wat, meen ek, nog 'n lang skaduwee vorentoe sal werp. En dit is dus 'n besondere erkenning van die waarde van konseptuele skryfwerk dat die Sanlam-Prys vir Jeuglektuur aan hierdie boek toegeken word. Petra Grütter, lid van die keurderspaneel vir die Sanlam-Prys vir Jeuglektuur 1996 IN THE IBBY HONOUR LIST 1998: (This list is published every two years in an annotated catalogue and distributed throughout the world. The list consists of one hundred authors, illustrators and translators worldwide whose work has been nominated by their respective countries. These works have been distinguished for excellence. The Honour List Books are shown at several travelling exhibitions throughout the world and is then kept as permanent deposits at the Swiss Children's Book Institute in Zurich, the International Youth Library in Munich and the Bibiana Research Collection in Bratislava). In die tyd van die Esob (In the Time of the Evil) is a science-fiction novel set somewhere in the future after the collapse of civilization. Against the backdrop of a technocratic regime manipulated by an evil, coldblooded man and his android minions, each of four young people strives to be the winner in a competition that tests their physical, mental and survival skills. The main protagonist, Nina, takes the reader with her on an odyssey of shifting realities and transmuting landscapes that test her belief in reality, the meaning of existence and herself. It is a harsh and frustrating journey during which she has to learn to discern good from evil. In a time of unnatural colonization and brainwashing she has to learn the meaning and value of human emotions. The book celebrates the strength and endurance of the human spirit. It is structured in a post modernistic way by means of a multi-layered perspective as three different narrators who may or may not be the same person, narrate the story.
Kliek op die Kalahari prentjie om 'n boek direk van kalahari.net te bestel.