Tuisbladsy              
 
  Balkie Nuut Jamie Martie Werkskole

Publikasies

e-pos: martie@storiewerf.co.za

terug na publikasies

Skryfboeke

Prenteboeke

Kinderboeke

Jeugboeke

Skryfboeke

IN DIE TYD VAN DIE ESOB - 'n GIDS

(2001: TAFELBERG) 

Nou by NASOU (021 406 3313) of http://www.nasou-viaafrika.com/ Nasou - Via Afrika se webwerf

IN DIE TYD VAN DIE ESOB het in 1996 verskyn en is bekroon met die Sanlamprys vir Jeuglektuur. Dit het Suid-Afrika ook verteenwoordig op 'n internasionale simposium in Indië in 1998.

Dit is 'n baie moderne boek en spreek die jongmense van vandag direk aan. (Lees ook die Sanlam-prysaanbeveling vir In die tyd van die Esob deur Petra Grütter).

ANDERKANTLAND (TAFELBERG UITGEWERS) (ook 'n dubbele pryswenner) was na my inligting die eerste Post-Modernistiese Afrikaanse jeugboek. In die tyd van die Esob was die tweede.

Ons leef in 'n Post-Modernistiese tyd. Post-Modernisme is slegs die Filosofiese etiket (alhoewel 'n woord soos "etiket" nie in 'n Post-Modernistiese woordeskat tuishoort nie!) wat aan ons tyd gegee word.

In die tyd van die Esob gee nie, soos "gewone" romans duidelike antwoorde nie. Elke individuele leser word self betrek in die boek om betekenis daaraan te gee. Soos die lewe self, het die boek dus nie klaar-gebakte antwoorde nie en vra dit vir interaksie met die leser. 

In 2000 het ek vir 'n groep leerders van Hoërskool Linden in Johannesburg privaat skryfklasse gegee. Hulle (toe in Graad 11 en 12) het almal in Graad 9 In die tyd van die Esob as voorgeskrewe boek behandel. Toe hulle my sien, was almal vol vrae oor die boek.

Inderdaad was dit vir hulle 'n Post-Modernistiese belewenis om die "werklike" (?) skrywer van die boek te ontmoet aangesien daar sprake van drie moontlike skrywers in die boek self is. En is ek dan die vierde moontlikheid? Hulle was dol oor die boek maar het klaar-gaar antwoorde gesoek - ons het mos klaar-gebakte resepte vir alles. 

Ek het hulle baie frustreer deur net my skouers op te trek, te glimlag en te së: "Ek weet nie. Hoe moet ek weet?" Hulle het toe met allerlei eie verklarings uitgekom en vertel dat toe hulle die boek gedoen het, hulle vir dae in die klasse gestry het met mekaar oor moontlike verklarings. Ek was ekstaties - want dit het beteken dat die boek hulle laat dink het en dit het dus in sy doel geslaag. Wil ons dan nie juis kinders laat dink nie - vir hulleself dink?

Een het my ook vertel dat die een klas (met groot gelag) tot die bevinding gekom het dat die skrywer op "drugs' was toe sy die boek geskryf het!

Die boek is inderdaad nie so kompleks nie, dit is net 'n uitdaging en volgens my eie persoonlike waarneming verstaan kinders met hulle oop koppe dit perfek - die probleem lê daarin as mens die boek in 'n vorm wil indruk. Want net soos die lewe self, is daar nie formules wat altyd werk nie. Dit is dus by uitstek bevorderlik vir oopkop denke. 

In die tyd van die Esob - 'n Gids neem die leser op 'n heerlike verrykende maar eenvoudige reis deur In die tyd van die Esob en die tyd waarin ons en ons kinders leef. (Die Gids is met groot sorg deur Dr Nicol Faasen verwerk en bygewerk).

Kliek op die Kalahari prentjie om 'n boek direk van kalahari.net te bestel.